Oorsee: Die drama
By Tertius Kapp
()
About this ebook
Tertius Kapp
Tertius Kapp het met sy debuut as dramaturg reeds die magiese formule vir aangrypende teater baasgeraak. Sy werk verken dikwels omstrede onderwerpe en getuig van ’n onkonvensionele perspektief op die teater-medium. Hy bestee ’n aantal jaar in die TV-bedryf, was dosent aan die Adam Mickiewicz Universiteit in Poznań, Pole en is tans verbonde aan Universiteit van Fort Hare. Vir Rooiland het hy twee Fiesta-toekennings gewen, sowel as die Smeltkroes-prys by Clover Aardklop.
Related to Oorsee
Related ebooks
Stories uit 'n Straat Rating: 0 out of 5 stars0 ratingsOns is nie almal so nie Rating: 3 out of 5 stars3/5Hierdie mens Rating: 0 out of 5 stars0 ratingsTruitjie roer my nie: Oor Kempton en ander k-woorde Rating: 3 out of 5 stars3/5Rooiland Rating: 0 out of 5 stars0 ratingsPieter-Dirk Uys: Weerklink van 'n wanklank: Memoires van toe en nou Rating: 0 out of 5 stars0 ratingsSo lig soos klip Rating: 0 out of 5 stars0 ratingsChokers en survivors Rating: 0 out of 5 stars0 ratingsBranderjaer Rating: 0 out of 5 stars0 ratingsSaartjie se donkie (#4) Rating: 0 out of 5 stars0 ratingsVersamelde werk - Sheila Cussons Rating: 0 out of 5 stars0 ratingsSanta Gamka Rating: 0 out of 5 stars0 ratingsMy Kubaan Rating: 0 out of 5 stars0 ratings’n Hart is so groot soos ’n vuis Rating: 4 out of 5 stars4/5Die wet van Gauteng Rating: 0 out of 5 stars0 ratingsSkoolstories 1969: 1980 Bredasdorp Rating: 0 out of 5 stars0 ratingsSaartjie se vakansie (#2) Rating: 0 out of 5 stars0 ratingsVlakwater Rating: 0 out of 5 stars0 ratingsGefolterde Verhale: Feëverhale, #6 Rating: 0 out of 5 stars0 ratingsVoorouer. Pelgrim. Berg. Rating: 5 out of 5 stars5/5Seks & drugs & boeremusiek - die memoires van 'n volksverraaier Rating: 2 out of 5 stars2/5Saartjie se skatte (#10) Rating: 0 out of 5 stars0 ratingsDie ou vrou en die priester en ander verhale Rating: 0 out of 5 stars0 ratingsGam Se Tjind Rating: 5 out of 5 stars5/5Om die gedagte van geel Rating: 0 out of 5 stars0 ratingsSindikaat Rating: 0 out of 5 stars0 ratingsDie verevrou Rating: 5 out of 5 stars5/5Kennis van die aand Rating: 3 out of 5 stars3/5Groen soos die hemel daarbo Rating: 0 out of 5 stars0 ratingsSkilpoppe Rating: 5 out of 5 stars5/5
Reviews for Oorsee
0 ratings0 reviews
Book preview
Oorsee - Tertius Kapp
OORSEE
TERTIUS KAPP
TAFELBERG
Oorsee is vir die eerste keer opgevoer by die Clover Aardklop Nasionale Kunstefees in September 2013. Die geselskap was:
Regisseur: Wolf Britz
Vervaardiger: Saartjie Botha
Kostuums: Lucy Jane Turpin
Klankontwerp: Pierre-Arnold Theron
Beligtingsontwerp: Albert Snyman
Produksie-assistent: Elisha Zeeman
Verhoogbestuurder: Alma Rossouw
Produksiebestuurder: Jaco Notnagel
Akteurs
Mossie: Gerben Kamper
Jos: Brendon Daniels
Eeufeesia: Nicole Holm
Abrie: Geon Nel
Canola: Karli Heine
Verskeie stemme praat saam in hierdie teks – lesers sal die invloed kan raaklees van onder andere Sławomir Mrożek, Marek Piwowski en Janusz Głowacki, William Shakespeare, Sint Brandaan, John Milton, J.M. Coetzee, Stanisław Lem, Leon Schuster en Moses. Direkte aanhalings word in die teks aangedui.
Met dank aan Marguerite Robinson, Maja Jagielska, Natalia Brzozowska, Willem Anker, Liezl Dick en Francois Smith, asook aan Cormac MacAindir vir die hulp met die Esperanto-gedeeltes.
DEKOR
Die ruimte waarin die handeling geskied, is ’n skip onderweg na ’n onsekere bestemming. Alles is geroes. Op die dek is daar ’n verslete strandsambreel, die kraaines van ’n skeepsmas wat die gewig van een akteur kan dra (en wat vir die epiloog dalk ook ’n boom kan word), ’n skipstuur, ’n groot kis wat ook dien as tafel, ’n waterherwinningsmasjien, ’n aantal klokkies wat in die wind kan lui en ander snuisterye wat oor die jare versamel is. Dalk is daar ’n olyfboompie. Eetgerei soos borde, glase, messe of vurke kan op verskillende plekke hang. Die dekor kan óf realisties, óf as lighartige parodie aangewend word.
KOSTUUMS EN GRIMERING
Die kostuums laat ’n mens dink aan iets tussen ’n postapokaliptiese strandpartytjie en ’n Dürer-skildery. Almal se hare is gekoek en vol sout en vuilgoed. Almal is sonverbrand, sodat die oues gesout en gehard lyk en die jonges blakend gesond. Parodieë van strand- en swemdrag kan gedra word, byvoorbeeld halwe sonbrille of -hoede. Karakters se uitrustings kan verband hou met hul funksie op die skip.
KARAKTERS
Mossie (Marius Waterboer)
’n Ontnugterde volksvader, so oud soos die berge. Hy kan digters vrylik aanhaal. Hy het ’n leerbaadjie, dalk handgemaak, styf van al die sout, maar dra dit nie noodwendig altyd nie. Hy het ’n vishaak wat ook as kruk en kierie dien, en soms as wapen. In hom skuil ’n potensiële gesinsmoordenaar. Hy is ’n samestelling van kaptein Hermanus van Wyk, Jan Spies en N.P. van Wyk Louw. Sy aksent is Namakwalands, wat sy abstrakte woordkeuses ongewoon laat klink. Wanneer hy groot woorde gebruik, spreek hy hulle versigtig en nadruklik uit, sonder om die indruk te skep dat hy daarmee sukkel – trouens, hy kan dit dalk met ’n mate van ironie doen.
CANOLA se pa.
Jos (Josua Verfkan)
’n Lang, brandmaer burokraat. Hy oorleef op geloof en alkohol. Hy vrees ’n sikliese beskouing van die geskiedenis, en sy gemoedstoestand wissel tussen oordadige optimisme en volslae moedeloosheid. Sy alkoholisme is duidelik sigbaar aan sy geel gelaatskleur. Hy probeer om ABRIE en CANOLA nader aan mekaar te bring, maar kyk self wellustig na haar. Hy praat Dominee-Afrikaans.
EEUFEESIA se man en ABRIE se pa.
Eeufeesia Verfkan
’n Formidabele, gemoedelike, maar ook honger volksmoeder. Sy is die spil waarom die spul wentel. Huisvriende met tant Sannie van The Story of an African Farm. Sy maak haar eie vroulikheid dikwels die gespreksonderwerp. Langs haar lyk ’n man soos Jos soos ’n swakkeling. Sy is direk en pragmaties. Sy praat ’n gemoedelike noordelike Afrikaans met melodieuse intonasies.
JOS se vrou en ABRIE se ma.
Abrie (Abraham Verfkan)
Effense boepie. Dra miskien ’n ou, verslete WP-trui. Goed met sy hande. Dom maar nie kwaadwillig nie. ’n Slagoffer van sy drifte. ’n Quasimodo. Hy praat plat hedendaagse Afrikaans.
JOS en EEUFEESIA se seun.
Canola Waterboer
Yo-Landi Vi$$er as sy op Noag se ark was. Sy is intelligent, nukkerig, naïef en oënskynlik onbewus van haar begeerlikheid. Sy dra ’n Voortrekkerkappie, sjoebroekie en ’n reddingsbaadjie. Die oogappel van haar pa, en die kragopwekker tussen die ander karakters. Sy praat Afrikaans met ’n effense Kaapse aksent.
MOSSIE se dogter.
Daar word doelbewus geen aanduiding van karakters se velkleur gegee nie.
1
Dit is donker op die verhoog. JOS neurie Sal ons ou vriende ooit vergeet
. MOSSIE hoes, ’n lui emfiseemhoes wat ’n mens laat ril. Die ligte gaan aan terwyl JOS ’n kurkprop van ’n bottel laat afskiet. MOSSIE staan eenkant op sy kruk en leun voor iets wat lyk na ’n selfgemaakte braaitoestel. Die vlamme speel oor sy gesig. CANOLA sit in die kraaines en kyk deur ’n gebreekte verkyker; kort-kort prop sy ’n olyf vanuit ’n bakkie op haar skoot in haar mond. EEUFEESIA sit onder ’n verslete sonsambreel en waai haarself koel.
EEUFEESIA Nou is ons waaragtigwaar op ons laaste.
JOS Sal ons ietsie drink …?
EEUFEESIA Ja, hygend hert, hierdie son suig die laaste klamte uit my uit.
MOSSIE praat