Udhëzues për mësimin përmendsh të Biblës

Çfarë është mësimi përmendsh i vargjeve të Biblës?

Mësimi përmendsh i Biblës është një themel i rëndësishëm për një shërbesë të mirë. Sot, shumë njerëz nuk kanë themele të forta dhe prandaj nuk mund t'i bëjnë apo t'i përmbushin veprat e fuqishme të Perëndisë në tokë.

Duke punuar fort dhe duke pasur një qëndrim të zellshëm e të përulur, ju do të zhvilloni karakterin e nevojshëm për t'i mbajtur dhuratat e mëdha të Perëndisë. Nëpërmjet mësimit përmendsh të Biblës, shërbesa juaj do të arrijë nivelet më të larta. Ky proces ka të bëjë thjesht me mbajtjen mend të vargjeve kyç, të cilat mund t'i citoni sa herë të jetë e nevojshme.

Bëhuni ndjekës të Krishtit

Dhe u tha atyre: «Ejani pas meje dhe do t’ju bëj peshkatarë njerëzish».

Mateu 4:19

Duhet të kuptoni se qëllimi është t'ju bëjë ndjekës të vërtetë të Jezus Krishtit, i Cili i dinte vetë përmendsh Shkrimet e Shenjta.

Çdo ditë në jetë është një ditë që ofron një mundësi për të mësuar përmendsh një varg nga Bibla.

Çdo ditë në jetën tuaj është një mundësi aspak e vogël për të zhvilluar një karakter të mirë dhe të përmirësuar.

Çdo ndërveprim me një person tjetër është një mundësi për të mësuar përmendsh një varg.

Çdo ndërveprim me një besimtar tjetër është një mundësi për të testuar aftësitë tuaja të mësimit përmendsh të vargjeve të Biblës.

Në faqet në vijim, do të gjeni vargje që çdo i krishterë pritet t'i mësojë përmendsh. I kam zgjedhur personalisht të gjitha. Ato vargje nuk janë thjesht për referim; duhet t'i mësoni përmendsh! Pa dyshim ju njihni shumë pjesë nga Shkrimi, por sidoqoftë, duhet të jeni në gjendje të citoni disa vargje të veçanta.

Mbajeni këtë libër me vete gjatë gjithë kohës. Bëhuni gati t'i citoni këto vargje sa herë që ju kërkohet. Pas disa muajsh pasi jeni bërë të krishterë, duhet të jeni në gjendje të citoni ndonjë nga këto vargje! Në të vërtetë, ju duhet të jeni njerëz të Perëndisë, që citojnë Biblën.

Unë shpall që ju do të jeni ndjekës të Jezus Krishtit dhe një shembull i mirë në shërbesë, nëpërmjet këtij libri unik të mësimit përmendsh të Biblës!

Kapitulli 2

Rëndësia e mësimit përmendsh vargjeve të Biblës

N jë shërbëtor duhet të jetë transmetuesi i Fjalës së Perëndisë. Ai duhet të jetë tërësisht i mbuluar nga Fjala e Perëndisë dhe lavdia e saj. Prandaj mësimi përmendsh i Biblës është kaq jetësor për zhvillimin e shërbesës.

Në fillim ishte Fjala. Kjo do të thotë që Fjala e Perëndisë do të jetë gjithmonë në themel të çdo gjëje që Perëndia bën.

Sot, mësimi përmendsh i Shkrimeve të Shenjta po merr përsëri rëndësi, sepse Perëndia po ndërton një kishë shumë më të lavdishme. Lavdia e kësaj kishe të fundit do të jetë shumë më e madhe se lavdia e kishës që filloi të predikojë lajmin e mirë të Jezu Krishtit. Kjo gjithashtu do të thotë se shërbëtorët që do të ngrihen në ditët e fundit, do të jenë më të vajosur dhe më të lavdishëm se më parë. Ata do ta njohin Fjalën e Perëndisë dhe do ta citojnë atë me lehtësi!

Po si do të krijohen këto kisha të lavdishme dhe si do të rilindin shërbëtorët e tyre? Bibla është e qartë për këtë. Shërbëtori zhvillohet dhe përgatitet për vepra të mëdha në shërbim të Jezusit, nëpërmjet Fjalës së Perëndisë. Gjithçka ka të bëjë me sa njohuri kemi për Shkrimet e Shenjta!

Tek 2 e Timoteut 3: 16-17, gjejmë një zbulesë të fuqishme dhe jetësore se si të jemi një shërbëtor i mirë, i cili është gati për të gjitha veprat e mira: Shkrimi i Shenjtë!

I gjithë Shkrimi është i frymëzuar nga Perëndia dhe i dobishëm për mësim, bindje, ndreqje dhe për edukim në drejtësi, që njeriu i Perëndisë të jetë i përkryer, tërësisht i pajisur për çdo vepër të mirë.

Ky udhëzues për mësimin përmendsh të Biblës, ju jep disa nga vargjet më të rëndësishme që duhet të dini. Është një koleksion i çmuar i shkrimeve të shenjta që ju duhet t'i njihni. Mbajini në zemër vargjet në këtë libër, duke i mësuar përmendsh. Ndërsa i mësoni, do të keni një themel të fortë për shërbesën tuaj.

Bëhuni si Shpëtimtari ynë, Jezusi! Ai dinte kaq shumë vargje përmendsh. Mësoni si t'i shpreheni me këto vargje te fqinjët tuaj. Sa të keni jetë, do të udhëhiqeni nga vargjet që keni mësuar përmendësh. Jezu Krishti ia citoi shkrimet e shenjta Satanit në shkretëtirë dhe kjo ishte mbrojtja e Tij kryesore kundër rënies në tundim.

Sot, fetë e mëdha të botës theksojnë rëndësinë e mësimit përmendsh të librave të tyre të shenjtë. Të rinjtë, që u përkasin këtyre feve, ulen për orë të tëra, duke mësuar përmendësh gjithë tekstin e librave të tyre të shenjtë. Rezultati i këtij lloj përkushtimi është një besim radikal, për të cilin njerëzit janë gati të vdesin.

Ne duhet të mësojmë përmendësh librin tonë të shenjtë dhe ta vëmë në zbatim për Krishtin! Kjo është mënyra e vetme për të ecur - shërbëtorë me themel që e njohin fjalën e Perëndisë dhe mund ta citojnë atë lehtësisht!

Dëshmia ime personale është se të gjitha vargjet që mësova në shkollën e mesme u bënë themeli i vërtetë i jetës dhe shërbesës sime të krishterë. Pas shkollës, kam vazhduar të mësoj përmendsh varg pas vargu. Ju do të kuptoni që ky është themeli për të gjitha mësimet