Amasengesho yishuwe ijana kw’ijana
()
About this ebook
Dag Heward-Mills ni umwanditsi w'ibitabo vyinshi, harimwo n'igitabo kigurwa cane ""Ubwizigirwa n'ubuhemu"". Ni uwatanguje umugwi w'amasengero yunze ubumwe yitirirwa Lighthouse naryo ubu rifise amashengero ibihumbi bitatu.
Dag Heward-Mills, Umuvugabutumwa mpuzamakungu, Umukozi w'Imana mu bikorane mpuzamakungu vyo gukiza n'amana kw'isi yose. Ushaka kumenya vyinshi, ja kuri www.daghewardmills.org .
Dag Heward-Mills
Bishop Dag Heward-Mills is a medical doctor by profession and the founder of the United Denominations Originating from the Lighthouse Group of Churches (UD-OLGC). The UD-OLGC comprises over three thousand churches pastored by seasoned ministers, groomed and trained in-house. Bishop Dag Heward-Mills oversees this charismatic group of denominations, which operates in over 90 different countries in Africa, Asia, Europe, the Caribbean, Australia, and North and South America. With a ministry spanning over thirty years, Dag Heward-Mills has authored several books with bestsellers including ‘The Art of Leadership’, ‘Loyalty and Disloyalty’, and ‘The Mega Church’. He is considered to be the largest publishing author in Africa, having had his books translated into over 52 languages with more than 40 million copies in print.
Reviews for Amasengesho yishuwe ijana kw’ijana
0 ratings0 reviews
Book preview
Amasengesho yishuwe ijana kw’ijana - Dag Heward-Mills
Amasengesho yawe arashobora kwishurwa ijana kw’ijana
Amasengesho n’akaryo keza Imana yahaye abana bayo. Turashobora kuvugana na Data wacu wo mw’ijuru ata wundi duciyeko kandi tukaronka inyishu. Mfatiye ku nyifato z’abakristo benshi, ndabona ko batizera yuko Imana ishobora vy’ukuri kwishura amasengesho. Ariko kuberiki wosenga nimba uzi yuko ataco bizovamwo? Ndizera yuko ushobora kuronka inyishu ijana kw’ijana igihe cose usenze.
Ni kuberiki wosenga nimba uzi yuko ata nyishu uzoronka? Abantu benshi bafata amasengesho nk’ikintu co gupfa gusenga bategerezwa gukora. Ijambo ry’Imana riratwemerera inyishu ijana kw’ijana igihe cose dusenze.
Iyo uravye neza Ivyanditswe bivuga ku vyerekeye amasengesho, urabona yuko Yesu atigeze avuga ko dushobora (kumbure, birashoka, bukebuke, ibintu vyose bimeze co kimwe) kuronka inyishu y’amasengesho yacu. Yavuze yuko tuzoronka inyishu!
Iki gitabu nacanditse ku bwanyu! Nshaka yuko uronka ijana kw’ijana inyishu y’amasengesho yawe igihe cose usenze. Nimba ar’ivy’ukuri n’ivy’ukuri koko! Nimba atar’ivy’ukuri s’ivy’ukuri! Nimba Imana iriho, irashobora rero kwishura amasengesho yawe.
Imana ni nzima? Iriho? Irashobora kwumva? N’igipfamatwi? Ndazi ntakekeranya ko muzi inyishu za bino bibazo. Imana ni nzima kandi imeze neza kandi irashaka kuguhezagira. Iyaba Imana yanje yari ikigegene c’igiti canke ibuye, sinoyikorera. Ntidusenga izuba, ukwezi cake inzuzi. Dusenga Imana Nzima ifise ububasha bwo gukiza no gutanga.
Igihe kimwe Eliya yarahanganye n’abahanuzi b’ibinyoma ba Bayali. Yababwiye ati: Ntaco bimaze gusenga imana itabaho. Imana yacu ni nzima canke yarapfuye
.
... Eliya arabashinyagurira, ati Ni mushire ijwi hejuru: erega n’imana! Kumbure yahubiye ku bindi, canke har’ibiyifatiriye (hakoreshejwe icumba c’ubwogero!), canke yamaze urubanza, canke kumbure irasinziriye mukwiye kuyikangura!
1 Abami 18:27
Imana ntiyavuze!
Mu myaka iheze, umugenzi wanje yaragiye mu gisagara kiri ku bilometero bishika ijana inyuma ya Accra, umurwa mukuru wa Ghana. Yari aherekeje abavyeyi biwe mu gisagara bavukamwo. Bakiri mu gisagara yarashatse gusoba. Yamara nta kazu ka surwumwe kari mu micungararo yaho. Yaciye agenda ahantu kwiherera. Akiriko arasoba, yumvise inyuma yiwe umuntu akoma induru kandi aboroga. Kubera yaza yatanguye gusoba, yategerezwa guheza.