Ol Lain Husait I Save Lusim Tingting
()
About this ebook
Ol lain bilong sakim maus em i no save tingim wanem samting ol bin mekim long ol na planti taim ol save laik long ting lus long sampela ol samting. Judas no bin tingim wanem samting Bikpela bin mekim long em. Na em tu no bin tingim ol samting em bin lukim na harim long Jisas. Na long dispela as tasol na em bin kamap nogut man we yumi save long en long tude olsem ‘Judas’.
Pasin bilong tingim em wanpela bikpela samting long sait bilong spirit we wanpela wokman bilong Gutnius ken gat long en. Ol manmeri we i no save tingim ol samting em, planti bilong ol i no save mekim gut. Ol save pundaun long kirap go antap long sampela antap ol ples. Na dispela spesol buk we toktok long wanpela tok we i no planti lain save mekim long en em wanpela gift kam long yu long God.
Dag Heward-Mills
Bishop Dag Heward-Mills is a medical doctor by profession and the founder of the United Denominations Originating from the Lighthouse Group of Churches (UD-OLGC). The UD-OLGC comprises over three thousand churches pastored by seasoned ministers, groomed and trained in-house. Bishop Dag Heward-Mills oversees this charismatic group of denominations, which operates in over 90 different countries in Africa, Asia, Europe, the Caribbean, Australia, and North and South America. With a ministry spanning over thirty years, Dag Heward-Mills has authored several books with bestsellers including ‘The Art of Leadership’, ‘Loyalty and Disloyalty’, and ‘The Mega Church’. He is considered to be the largest publishing author in Africa, having had his books translated into over 52 languages with more than 40 million copies in print.
Related categories
Reviews for Ol Lain Husait I Save Lusim Tingting
0 ratings0 reviews
Book preview
Ol Lain Husait I Save Lusim Tingting - Dag Heward-Mills
Sapta 1
Ol Lain I Save Lusim Tingting Ino Gat Stretpela Pasin
… God em i no man nogut, na bai em i lusim tingting …
Hibru 6:10
1. OL LAIN I SAVE LUSIM TINGTING EM OL INO STRETPELA MANMERI.
God em i no man nogut, NA BAI EM I LUSIM TINGTING long ol gutpela wok yupela i bin mekim. Nogat. Yupela i bin givim bel bilong yupela long God, na dispela i bin kirapim yupela long helpim ol manmeri bilong em. Na yupela i save mekim olsem yet.
Hibru 6:10
Ol planti lain isave lukluk long ol 4pela bikpela
sin olsem: giaman, stil, pasin pamuk na kilim man idai. Yu askim ol man long kolim nem bilong ol sin, bai ol ino inap kolim sin bilong lusim tingting. Tasol Tok bilong God I tok klia long dispela samting olsem. Lusim tingting em ino stretpela pasin! Yu lusim tingting long luksave, Sapos yu lusim tingting, em I sin long ai bilong God.
Yupela i ting ol yangpela meri inap lusim tingting long gutpela bilas bilong ol? Na ol meri i marit nupela inap lusim tingting long gutpela bilas bilong marit? Nogat. Ol i no inap tru. Tasol longtaim tru yupela manmeri bilong mi i lusim tingting long mi.
Jeremaia 2:32
Traim tingim ol sampela samting ol lain ino gat stretpela pasin I save lusim tingting.
Dispela gutpela hap long Tok bilong God long pasin bilong lusim tingting, I soim yumi olsem, meri I marit bai ino inap long lusim tingting long weding dres bilong en. Dispela weding dres em I namba wan samting tru long dispela meri.
Sampela meri I save odarim dres bilong ol bipo long weding. Long Tok bilong God, pasin bilong lusim tingting long God I wankain olsem, meri I lusim tingting long weding dres bilong en.
Ol manmeri I save go kamap bikpela na ol I lusim tingting long husait I save lukautim ol. Ol I save lusim tingting long husait I bringim ol I kam long Krais na husait I soim rot bilong Bikpela long ol na husait I putim ol long ministri. Em I narakain pasin sapos ol man I lusim tingting long ol lain ibin helpim ol long taim bilong hevi long laip bilong ol. Ating ol iken tanim na birua long ol lain ibin helpim na bringim ol I kam antap? Ansa em Yes
! Em I save kamap oleta taim.
Ol mameri I save lusim tingting taim ol isave kamap gut. Ol lain long Europe I lusim God long wanem ol I kamap ol rich kantri. Tasol God tasol I givim ol olgeta samting ol igat nau. Ol man I save lusim tingting long God taim ol I kamap miliona. Wanpela kain sin nogut stret, em long lusim tingting long husait ibin givim yu olgeta samting! Sapos nogat stretpela pasin, em bai kamapim ol dispela samting.
2. OL LAIN BILONG LUSIM TINGTING, EM OL INO STRETPELA MANMERI NA OL INO GAT PASIN BILONG GOD.
GOD EM INO MAN NOGUT, NA BAI EM I LUSIM TINGTING long ol gutpela wok yupela i bin mekim. Nogat. Yupela i bin givim bel bilong yupela long God, na dispela i bin kirapim yupela long helpim ol manmeri bilong em. Na yupela i save mekim olsem yet.
Hibru 6:10
God ino save lusim tingitng! Ol man I save lusim tingitng, tasol God ino save lusim tingting! Ol man bilong lusim tingting ino gat pasin bilong God! Hevi ibin kamap na I mekim man I lusim tingting long ol samting, we em bai ino inap lusim tingting long en.
Ol man husat Tok bilong God na Spirit bilong God I controlim bai ino inap lusim tingting long ol sampela samting.
Ol man bilong graun ino laik long tingim ol man husat ibin helpim ol. Ol man bilong graun ino laik long save, ol ibin kam long wanem hap. Ol man bilong graun ino laik long save, ol ibin kam long wanem hap na nau em I stap.
Tasol dispela em ino bikpela samting long God. Taim Jisas I wokabaut long dispela graun, em ibin tokim yumi long wanem hap em ibin kam. Em I tok olsem, Em yet ino inap long mekim wanpela samting.
Em I tok olsem, Em I autim ol tok papa bilong en I givim em.
Dispela tok I givim hevi long ol man nogut. Ol man bilong so-of na ol man nogut ino save tok aut long em I kamap long wanem hap na em I kam we. Em I save ting olsem em I kamapim em yet long strong bilong en.
3. OL LAIN BILONG LUSIM TINGTING, EM OL INO GAT STRETPELA PASIN, OL BAI BAGARAP NA PINIS.
Sampela tok bilong ol i olsem, ‘Sampela kain wel pitpit na gras i no save kamap gut long graun i no gat wara. Nogat. Ol i save kamap gutpela tru long ples i gat planti wara. Tasol wara i drai, orait dispela ol pitpit na gras i no save kamap bikpela inap long ol man i ken katim. Nogat. Ol i save drai long taim ol i liklik yet. Ol arapela gras i no save drai kwik olsem ol dispela gras. Ol man i givim baksait long God OL I WANKAIN OLSEM OL DISPELA GRAS...
Job 8:11-13
Ol man bilong lusim tingting, ol bai bagarap na pinis. Olsem na ol bikpela bagarap bilong sin bilong lusim tingting bai igo antap long ol lain I save lusim tingitng. Yu ino inap harim ol I autim bagarap (curse) tok antap long yu taim yu lusim tingting long ol bikpela samting. Holi Tok bilong God I tok aut pinis olsem husat ol I lusim tingting long God bai pinis. Lukaut, yu mas tingim olgeta rot Bikpela I ibin bringim yu kam long en, na olgeta samting em I mekim long yu.
4. OL MAN NOGAT STRETPELA PASIN, OL INO LUKSAVE LONG OL BAGARAP, PASIN BILONG LUSIM TINGTING BAI KAMAPIM.
Mipela i sindaun long arere bilong ol wara bilong Babilon na mipela i tingting long Saion. Olsem na mipela i krai i stap.
Mipela i hangamapim ol gita bilong mipela long han bilong ol diwai i stap klostu.
Na ol man i bin kalabusim mipela ol i tok, "Mipela i laik bai yupela i singim ol song bilong mekim mipela i belgut. Kirapim wanpela song bilong Saion
Tasol ol song bilong BIKPELA, olsem wanem bai mipela inap singim ol long dispela ples i no kantri bilong mipela? I no inap tru.
JERUSALEM, SAPOS MI LUSIM TINGTING LONG YU, MOBETA MI NO INAP PAITIM GITA GEN. JERUSALEM, SAPOS MI LUSIM TINGITNG LONG YU na sapos mi no mekim yu kamap namba wan samting mi save amamas long en, ORAIT MOBETA NEK BILONG MI I BAGARAP NA BAI MI NO INAP MEKIM SONG GEN.
Sam 137:1-6
Yu mas stat nau long tingting strong long ol samting. Man husat I raitim dispela sam I save olsem, em I bikpela hevi long lusim tingting long Jerusalem. Em I tok em yet bai bagarap sapos em I lusim tingting long wanem hap em I kam long en. Ol dispela kain samting bai kamap olsem na yu mas tingim yet ol samting. Yu bai ino inap stap sapos yu ino tingim ol sampela samting. Tang bilong yu bai pas antap insait long maus bilong yu sapos yu ino tingim wanem hap God ibin kamapim yu. Rait han bilong yu bai ino inap raitim sek, sapos yu lusim tingting long wanem samting God I mekim long yu.
5. OL LAIN INO GAT STRETPELA PASIN I SAVE LUSIM TINGTING LONG GOD TAIM OL I PULAP LONG OL SAMTING, TAIM OL IGAT HAUS NA OLGETA SAMTING .
TAIM YUPELA IGAT OL PLANTI KAIN KAIN KAIKAI BILONG KAIKAI NA YUPELA I WOKIM PINIS OL GUTPELA HAUS na taim ol bulmakau na sipsip na gol na silva na olgeta gutpela samting bilong yupela i kamap planti moa, orait yupela i no ken hambak na bikhet na lusim tingting long God, Bikpela bilong yumi. Em i bin kisim bek yupela long Isip, we yupela i bin i stap wokboi nating;
Lo 8:12-14
Ol lain husat igat olgeta samting, em ol lain husat ino gat stretpela pasin na ol I save lusim tingting long ol samting! Ol lain I stap long haus bilong ol I save lusim tingting long God. Ol lain husat I kisim moa samting I save lusim tingting long God hariap. Yu mas kamap man husat I rich na man igat olgeta samting, tasol yu mas save long wanem hap yu bin kam. Trupela sore samting olsem ol rich lain I save toktok planti tasol ol I save givim liklik samting tasol. Ol manmeri I save toktok long blesing God I givim ol, tasol ol ino save givim biknem long God long ol samting em I mekim long ol.
6. OL LAIN HUSAIT INO GAT STRETPELA PASIN NA I SAVE LUSIM TINGTING, EM OL I SAVE APIM OL YET.
Taim yupela i gat ol planti kain kaikai bilong kaikai na yupela i wokim pinis ol gutpela haus, na taim ol bulmakau na sipsip na gol na silva na olgeta gutpela samting bilong yupela i kamap planti moa, orait YUPELA INO KEN HAMBAK NA BIKHET na lusim tingting long God, Bikpela bilong yumi. Em i bin kisim bek yupela long Isip, we yupela i bin i stap wokboi nating. Olsem na yupela i no ken ting yupela i bin kamapim dispela gutpela samting long strong bilong yupela yet. Nogat. .
Lo 8:12-14, 17
Apim ol yet, em I as bilong mekim ol I lusim tingting.
Ol manmeri ino laik long luksave long God I helpim ol.
Ol