Tamil Ezhuthalaraga Aasaiya...

https://www.pustaka.co.in

தமிழ் எழுத்தாளராக ஆசையா…

(எழுதி வெல்லுங்கள்)

Tamil Ezhuthalaraga Aasaiya...

(Ezhuthi Vellungal)

Author:

அனந்தசாய்ராம் ரங்கராஜன்

Ananthasairam Rangarajan

For more books

https://www.pustaka.co.in/home/author/ananthasairam-rangarajan

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

முன்னுரை

எழுதுவது என்பது ஒரு கலை. எழுத்தையே ஒரு பணியாக வைத்திருப்பவர்களை விரல் விட்டு எண்ணிவிடலாம். தமிழில் சிலருக்கு அது சாத்தியமாகியிருக்கிறது. அவர்களைப்போல் ஆக தனி உழைப்புத் தேவை. ஏனெனில் எழுதுவதென்பது ஒரு சவால். அந்த சவாலை எப்படி வெல்லலாம் என்று இந்நூலில் சொல்கிறேன்.1967 முதல் எழுத ஆரம்பித்தேன். அப்போது பத்திரிகைகள்தான் என் தளம். பலத்த முயற்சிக்குப் பிறகு என் கதை, கட்டுரைகள் பத்திரிகைகளில் வெளிவந்தன. நான் ஓய்வு பெற்றதும் முழுநேரமாய் எழுத ஆரம்பித்தேன். ஆங்கிலத்தில் இரண்டு நாவல்களை எழுதியிருக்கிறேன். அவை: A Dalit’s Love, The Secrets of Awetosa

பொருளடக்கம்

1. இந்த எலெக்ட்ரானிக் யுக சமூகத்தில்

2. மொழிப்புலமை அவசியம்

3. நான் வந்த எழுத்துப் பாதை

4. ஒருமுகப்படுத்துதல்

5. எப்படி எழுதலாம்

6. ஜானர் (genre) …வகைகள்: சிறுகதைக்கான டிப்ஸ்

7. புனைவு ( Fiction)எழுதும் கலை

8. அபுனைவு (Non-Fiction) எழுதுங்கள்

9. எழுதியதைப் பதிப்பித்தல்

1. இந்த எலெக்ட்ரானிக் யுக சமூகத்தில்

பழங்காலத்தில் ஓலைச்சுவடிகளே எழுத்துருவம் கொண்டிருந்தன. அவை இராமபாணப் புழுக்களால் அழிந்துபோய் நம் கைக்கு சிலவே கிடைத்தன. டாக்டர் உ.வே. சாமிநாதையர் தயவால் பல நூல்களை நாம் பெற்றோம். அவருடைய என் சரித்திரம் படித்தால் அவர் எத்தனை பெரிய மகான் என்பது புலப்படும். அதனால் பூச்சி அரிக்காமல் நல்ல தமிழ் நூல்கள் கிடைத்தன. தமிழுலகம் அவரைக் கொண்டாடிக்கொண்டிருக்கிறது. அது இன்னும் பெருகவேண்டும். அவர் காலத்தில் அச்சுப்