An Official Organ of The Bangalore Mizo Association Registered Under Societies Act of Karnataka No.

BLU-S188-2007-08 Date 7 May 2007

Vol. XVIII Issue No.18 Bangalore Mizo Association Pathianni Tin Chhuak Chanchinbu Date: 29th July, 2012 Phek Khatna

TUALCHHUNG

$$ Lucky Ticket Kum tina BMA sumtuakna kawnga thawhhlawk ber thin Lucky Ticket lei tur a awm leh ta. Lawmman tha tak tak buatsaih a nih bakah, ticket pakhat man Rs. 10 chiah a ni e. Thahnemngai takin I lei chur chur ang u. Nula leh tlangval luck lem lo tan pawn, luck-na hun tha tak a ni mai thei a nia!

BMA AW Sp
hre lo; hmangaih lehkhathawn dawn ni reng ka nei lo.

Lehkhathawn Hmasa Ber

Dr. Mahminga Sailo

U-te thu min chah Sms thawn turin thawnna hmanrua ka nei reng reng lova. Lehkhathawn ziak rual lah ka ni hek lo. Mahse, khang hunlai atang tawh khan, rual u ten hei hi min hrilh thin. Tu hnen atang pawn lehkhathawn dawng ta la, I vawikhat dawnna chu dahtha ngei ngei ang che. Lehkha thawntu che kha, I duh leh ngainat mi ni lo mah se, lehkhathawn I paih emaw I tih rilralsak mai mai chuan, ngaihzawng I hmu zo lovangtiin. La tawn ngai loh a nih avangin lehkhathawn ka dawn ve hun chuan aw tiin an thu chah chu ka vawng ve reng a. Vanduaithlak ka ti dawn nge, vanneihthlak zawk pawh ka Kum 20 ka tlin hma chu Pathian malsawmna zarzovin, mi khawngaihna ka dawng a. Pawl sawm ka zir kum chuan a thlawn liau liauvin hostel-ah ka invawm lut ve a. Ngaihzawng nei rual chu ka ni ve ngei tawh chuan ka inhria, mahse nu leh pa te chawm pawh ni lo, kan sikul neitun duhsak avanga hostel-a awm ve thei kan nih avangin; lehkha zir bak tih tur ka nei lo. Tin, kum sawmhnih ka tlin hma chu ngaihzawng ka nei dawn lo tia mimal project lian tham tak ka siam ve ngawt chu bawhchhiat ka tum lo bur. Min bawhchhiat tir tur lah ka tawng hek lo. Eheee.., ka lehkha tur maw? Ngai teh, tuk khat chu pawl riat zirlai tleirawl pakhat chuan, hei I lehkha tur tiin, ngeiawm thiam taka min nuihkhum deuh seih seih chungin min pe a. Ani teh daihin lehkhatthawn min pe ta chu mak ka ti, ka chhungte lehkhathawn a ni dawn lo tih chu ka chiang bawk si. A rang a rangin, lungphu inthum rawn dut dut pahin dorm-ah ka tlan lut a. Lehkhathawn chu kan pawt hawng sawt sawt a. Khai aw, rin loh lam mi a ni ngei e! Pawl riat zirlai, Z***i, a thian ten mi a * thu an sawi fo hnen atangin a lo ni a. Engtinnge ni dawn? Lehkhathawn kha ka paih chuan, bialnu ka hmu zo lo mai ang tih ka hlau ve deuh si, dah tha ila hostel warden ten kan bungrua an check zeuh zeuh bawk si. Eng rilru pua min lo thawn ve ngawt nge a nih chu le? ka ti rum rum. Tin heti hi a ni a, rawlthar lungmawl tih takah, keia kara min *-vetu chu ka ngei ta tlat mai le. A thian ten min han chhaih fiam hnu phei chuan, ka ngei ngawih ngawih. A van atthlak tak em! Mahse a hunlai hi a awm ve tlat si. Ngaihzawng neih kha ka zak tlat pek a, chu a kara min han chhaih fiam vel phei kha chuan, awmdan ka thiam lo a ni ber awm e. Tun hnua ka ngaihtuah let leh hian, ka inthiamlo leh fo thin. Lehkhathawn min man sak! Ka lehkha dawn kha, thingrem mawngah ka dah tha ve ta ngei a. Hun a liam deuhva, exam te kan neih hnu phei chuan, lehkhatthawn chu ka hre reng tawh lem lo. Hui hamm, thil duh loh ber a thleng ta.! Phek hnihnaah chhunzawm a ni

$$ Chhinlung Magazine Chhinlung magazine hralh kalpui zel niin, Magazine hralhtuten thahnemngai takin hralhna sum an chhung lut zel bawk a. Kum dang zawng aiin Chhinlung magazine puala pawisa lut pawh a tha zawk niin thu kan dawng. $$ BMA T-Shirt Kumin hian BMA-in T-shirt rawng inang (a hring, design nalh tak) vek kan nei dawn a. T-shirt pakhat hi Rs. 250 man a ni ang. BMA Freshers Social Day, 4th August-a lei theih a ni ang. $$ Hmarchhak State Christian Football Tournament: India hmarchhak state hrang hrang te tana Football tournament pawh tahrikini 11, august hian neih tur a ni a. Nimin khan BMA football team tur pawh thlanchhuah an ni a. He tournament-ah hian, BMA chuan Mizo food stall a siam dawn a. Mizo chaw tui tak tak bakah, kuhva hring cial tak ei tur a awm dawn. $$ Missionary turin BMA Treasurer leh Bangalore Mizo nula fel ber lo ni tawh, Nl. Thaarie Hnamte chu Mizoram Synod hnuaiah Missionary atana lak a ni. Nl. Thaarie hi, Arunachal Pradesha awm tur a ni. Tun thla tir khan China-ah Bible semin a han kal tawh bawk . A rawngbawl zelna turah BMA AW Editorial Board chuan duhsakna sang ber kan hlan e.

Vol. XVIII Issue No. 18 Bangalore Mizo Association Pathianni Tin Chhuak Chanchinbu Date:29th June, 2012 Phek Hnihna
Editor Lalhruaitluanga Sailo Joint Editors Lalmuanzuala Zaithanmawii Hnamte Contributor Benjamin Rualthanzauva Dr. Lalhmingmuana Sailo Circulation Managers Diki Hnamte Hmingthana

Article chhunzawmna
Tuk khat chu kan warden-in kan bungrua a check thut mai a. Lehkhathawn ka dahthat pawh chu hre chang lovin, inla-confi tawkin, warden bulah chuan ka ding a. Ka thingrem a hai a hai hnu chuan, lehkhathawn ka dah that ngei mai chu a haichhuak nawlh mai! Ka zak bawk si, hlauthawng bawk si, min thawntu lah ka ngei tawh lehnghal. Ka bing mup mupin ka hria. Tichuan, kum te a tawp a, hostel kan chhuah a hun ta reng mai a. Z***i, hmangaih lehkha min thawn hmasa bertu chu, be miah lovin hostel ka chhuahsan ta a ni. Lehkhathawn ka dawn hmasak ber, roh taka ka dah that ve kha, kan wardenin min mansak ta si a. Kawm karah emaw riralin, fur tuihawkin len vawn vawnin, a zawp ral vek tawh ngei ang. Tin, min thawntu pawn, lungchim ten khiangawia fanau maltluan chawiin; chhangchhe nu a ni ve tawh ngei ang a. Ngawi teh, khawlaiah a fanu/fapa ten a hnuntuibur an peh fansak lawr lawr ta ve ang Kei lah nuam ti leh engthawl takin ka la tlangval dawn leih leih si.

BMA AW lak man: Thla khat Thla thum Thla ruk Thla sawmpahnih -

Rs.20 Rs.50 Rs.90 Rs.180

E-mail: bmanews@gmail.com Website: www.bangaloremizo.info

Editorial

BMA AW chhiartu duhawm tak tak te, BMA AW Editorial Board chuan in hnathawh/zirna leh rawngbawlna kawngah, tluang taka in kal zel kan duhsak a che u. Thahnemngai taka thawktute zarah BMA AW pawh a kal ve chhet chhet zel a. August thla atang chuan Editorial Board thar-in an enkawl ve leh dawn ta. BMA AW kan enkawl laia, thu leh hla hmanga min thawhpuitute leh, sum senga BMA AW min laksaktute zawng zawng chungah lawmthu kan sawi e. BMA hian hmalakna kal lai mek te, hmachhawp tihhlawhtlin tur te a nei a. Pawlin hma a sawn a, pawl chak ni thei tur chuan, hruaitu tha ringawt a tawk zo lo fo thin. Mizo thufingin, Tanrual hi chakna a ti mathlawn lovin; BMA chakna leh hmasawnna tur pawh hian Bangalore Mizote kan tanrual dial dial a tul reng a ni. BMA Freshers Social leh Football Tournament pawh a hnai leh ta. Heng programme a hlawhtlinna chu Bangalore Mizote kuta awm a nih angin, thahnemngai takin I intawiawm tel tel ang u.

FOOTBALL CHANCHINTHAR
Match Result: BengSen Vs Diakonos (2-1) Nimin tlai (28th July) dar 4:15 khan BMA Football League 2012-a champion tura rin kai em em ni lem lo (an insawi dan leh an rinna chak tak tak pawh ni ta se, champion an ni thei an gem?!) team pahnih BengSen (Bangalore Senior) leh Diakonos UTC (Diabolos pawh an ti thin awm e!) te chuan Friendly match friendly-lo tak leh boruak tang tha tak hnuaiah an khel niin BMA news agency chuan thu kan dawng! BengSen team hian an auhla the fallen shall rise again vawng rengin an hma lama Footballl thukru ni awm hialin an rawn thawk rip a. Ngaiteh, an khelhpui tur home team ngat Diakonos (Diakkawn, Bangalore) kum pui lingleta an khelhna home ground-ah ngei chuan zam miah lovin an lo insangphek ve bawk. Inkhel a hmuhnawmin, Cantonment railway stationah pawh traffic a jam hial dawn emaw an ti hman hial! BengSen team, Bangalore hi ka khawpui a ni ti thei val leh parual an han chet meuh chuan, tlawmna nun zira an hun pum inhlan Diakonos ho chuan si khat fai an phur haw ta a ni. Inkhel thunawi Ka ban hi a mawih em avangin, duh ang pawn ka che na ngam lo a ni Tv. El-a, top scorer In lo kalna a hla hlawm si a, in phur kan lo tirit lo mai a ni e. Tv. Johny, 2nd top scorer Kan chak hlauh chuan, BMA league-ah in rawn khel ngam lo palh ang. - Hriata, tlangval riltam em em E, kan inchawi leh lo tak ti ru? Tv. Joseph, Blore Nula phone Directory Bday lawm tur ka ni a, ka in-reserve deuh Tv. David, Bday ngai pawimawh Amos, I tlan pah khan, I hmalam kha a fawn ve dul dul em? Pu Joel In tlan fawn ve tho elo? Keimah chauh emaw fawn bik ka tia Tv. Tetea Kekawrbul hak phah tur em a khelhpuitlak an ni emaw ni le? Pu RK-a Shot on goal pawh kan nei tam zawk a nih kha ti raw Pu Mapui? Pu Siamtea

Friendly match ropui tak mai chu!

BMA Freshers Social 2012

A hmun: Tagore Hall, UTC A hun: 4th August, 2012, 3:00 PM BMA member zawng zawngte, BMA Freshers Social-a tel vek tura ngen leh hriattir kan ni e.