The

HAKHA POST
ZARH ni KHAT VOI (2) THAWK THAWK KUM 2012KUM 2012 VOL. 1.VOL. NO.681, NO. 65 (Chuah caan- Nithum le Zarhte ni)

Hakha Post ah na riantuannak le na thil, fak le thanh khawh peng a si.

DECEMBER 12, 2012 DECEMBER 22, 2012 ZARH KHAT VOI (2) (Bi-Weekly)

Editor Hmurka
Tutan hi 2012 Hakha Post a hnubik careltu nan sin a phanmi a si. Hakha Post kan rak chuah hmasa tan ah kan rak chim cia bang in Hakha Post hi careltu nanmah bochan in kan thok i nanmah thawng in kum khat zong a tling ve cang. Mithiang "Paul nih cun ka nolh than rih ko lai" a ti bantuk in kan hun nolh than rih ko lai, "Kan i lawmtuk." Careltu Christmas laksawng ah tutan hi tam deuh le tling deuh in kan hun chuah. Biapi inCNF kong, Chin Cozah kum khat le thla riat chung riantuannak, Hluttaw meting, Hakha Post nih kum khat chung ah vawlei cung le kan ram ah thilcangmi chinchiah tlaak thil biapi hna le Hakha Post muitawn saya Vapual nih atu Hakha a rat lio i Hakha khua chung thil a hmuhmi a suaimi muitawn hna an si. Hakha Post cu nihin vawleipi nih an uarmi Media (thawngzamh) rian in miphun caah hmete in rian aa thokmi a si. Kum khat chung ah tlamtlinlonak, le kan palh sualnak zong a um kho ko. Ngaihthiam kan in hal hna i kan i ruahchih fawn. Hakha Post hi careltu ta a si kan ti peng. Careltu nih Hakha Post nan hmuh ning ca in siseh, phone, mail le kaa ton in siseh kan pe u. Kan soisel u, kan herhmi a si. A hnubik kum hlun bia i cah ta phot ne usih. "Bawipa hong ka pe" ti ti lo in Kum thar hin cun "Bawipa na ca le kan ram caah zeidah ka pek ve lai?" ti cang usih. Kum thar ah kan i tong than hna lai. Mangtha u. Hakha Post Tawlreltu.

Chin S tat e Cozah nih K um Khat le Thla Riat Chung an St ate Kum Riantuanmi a V oi (4)nk Hlutt aw ah an Langht er Voi Hlutta Langhter
(Chin State Cozah nih kum khat le thla riat (2011 April 1-2012 March 31) tiang an riantuannak cu a voi(4)nk Hluttaw Meeting ah an langhtermi a biapi deuhmi a tawinak in kan hun langhter) (APRIL 1 2011-MARCH 30, 2012 KARLAK) (1) Chief Minister Pu Hung Ngai cu Pyidaungsu meting voi (8) a kai. Chin ram thanchonak rian tlangtla ding in Chin ram ah voi (32) khual a tlawng. (2) Chin State cozah phaisa budget cu (2011-2012 caah chapmi), (2011-2012 remhmi) (2012-2012 a dang budget upadi), 2012-2013budget hmuh hmannak kong le a dang upadi an suai i sipuazi simanking tuan chuaktu Kawmiti an ser. Humhimnak le Ramri Vuanci (4) CNF he remdaihnak ser ding in 2012 Jan. 6 ah Hakha ah a voi khatnak an i chawn i lungtlinnak (9) an tuah. (5) Chinram ah mawtaw le cycle fak in i khawndennak voi (25) a um, mei voi (18) a kaang, an zapi minung (18) an thi. (6) 2011 ah Tonzang le Cikha ah Bing ekah (212.6) le 2012 ah bing ekah (269.6) an hrawh. Cinthlak le Zuatkhalh Vuanci (7) Chin ram cinthlaknak vawlei cazin le a chuakmi ekah a hmaan khawhnak ding simanking an suai. Falam Khayaing le Mindat Khayaing ah cinthlaknak caah tilam le tikham an tuah. (8) Myone (8) i khuate (22) ah leikuang ekah (861) taan (10.37) bawmh in an tuah. Thingram le Leitang Vuanci (9) Thlanglei Khonumtung tlang ramhual kong a buai tawnmi kiangkap khua remhnak an tuah. (10) Tedim peng Muaitawng, Kanpetlet peng Yinkuai tlang le Falam peng Pamuanchawng ah leitang chuak kawlnak company he an tuah. Tlawnkainak Vuanci (11) Settuaizi rian in sataih (54), cenan zung (24) le teliphone (10574) an chap. Sipin lei Vuanci (12) Sipin le a leng lei NGOs i bawm in khuapi (14), khuate (11) an bawmh hna. Zaatlaang Nun Vuanci (13) High school (2), High school cawngkhuai (1), Primary cawngkhuai (1), Amahkah tuaipheh (38), an zapi (40) an chap. (14) Khuate siikhaan (3), siikhaan khuai (12) le siibawi le sii sayama zeimaw zat an chap. Myone (7) siizung ah miharmi ca sing (700), Taihne siizung ah sing (50) le myone kip siizung ah siizung thilri ca sing (750) an bawmh. (APRIL 1,2012-NO.30,2012) April 4,2012-Nov.30, 2012 (15) Hakha myone Khayaing an ser. (16) Mindat Khayaing, Paletwa myone, Sami Ohsuh cu Sami myone khuai an ser. (17) CNF he Pyine level in remdaihnak caah Hakha ah

THE HAKHA POST A ngeitu CMN (Chinland Media Network) Tawlreltu Lalawmpuia Rollin Chan Lian B.H. Van Or Press SPM (Sangawi Printing Ministry) A man Ks. 100 Chuah zat Copy 2300 Chuah caan Wed.+ Sat. Pehtlaihnak Tel: 0947172139 070-21185 09400302704 09400311855 hakhapost@gmail.com

Mawtaw Saikel Laisen le Tawh na Thlau

Ngeitu: Pu Tial Tawng Lian Khua: Hakha Number: 2051590 Hlamnak: Hakha Post

biaruahnak an ngei i lungtlinmi (15) an tuah khawh. (18) CNF he a voi hnihnak Pyidaungsu level in remdaihnak caah Yangon ah tonnak an ngei i lungtlinmi (27) an tuah khawh. (19) Rihkhuadar, Matupi, Thantlang, Tedim khua hna ah CNF le Cozah pehtlaihnak zung an tuah. (20) Pyidaungsu bawmhnak in khuate thancho le sifah zorternak kawmiti, cinthlak zuatkhalh thithruainak kawmiti, ramdang bawmhnak lei thithruai tlangtlatu kawmiti le ramri le tlangcungmi thanchonak tuantu kawmiti an ser hna. (21) Pyidaungsu cozah bawmhmi Chinram khuate thancho le sifah zorternak caah phaisa Nuai 1000 chung in fimcawnnak ah Nuai 200, ngandamnak ah Nuai 100, cinthlaknak ah Nuai 100, leithuannak seh cawknak Nuai 74.62, hlei saknak Nuai 120, thawngzamhnak lei Nuai 49.98, meithahnak tikhonnak ah Nuai 5, Leknak lei Nuai 30, a zapi Nuai 974.60 a si i laakhruak (emergency) bawmhmi Nuai 25.40 a si. Reserve bawmhmi in November tiang ah Nuai 15.17 hman a si i Nuai 10.23 a tang. (22) Pyidaungsu cozah nih Pyine luhmuhsipuazi thanchonak bawmhmi Nuai

2000 cu November tiang ah fimcawnnak ah Nuai 494, ngandamnak ah Nuai 400, cinthlak Nuai 255, khuapi/ khuate ti peknak Nuai 240.4,khuate mei Nuai 175, hlei Nuai 175, lam a thar/ remh Nuai 120.2, sianginn computer Nuai 35.8, thlaici Nuai 30, a zapite Nuai 1925.4 a si i hmancia Nuai 37.15, a tangmi Nuai 37.45 a si. (23) Zuatkhalh caah bawmhmi Nuai 20000 cu Hakha myone sing 2650, Falam sing 1850, Tedim sing 1825, Tonzang sing 840, Thantlang sing 1950, Cikha sing 550, Rih sing 580, Mindat sing 1500, Matupi sing 1950, Kanpetlet sing 825, Paletwa sing 1960, Rezua sing 520, Hakha myone mirum cawihmi sing 2900, phaisa kuatnak man sing 100. (24) Chief Minister Pu Hung Ngai le Pyine lutlai hna nih an raintuannak kong zapi sin fianternak voi khat an tuah. (25) Ramleng tiang sa zuar khawhnak ding caah myone kip caw zuatnak ca cawih ding sing 5000 Pyidaungsu ah an hal lio. (26) Ramleng bawmhnak (Grant) le (Loan) hmuh khawh ding ah leikuang caah Nuai 8810, sa (zuatkhalh) $3.16 Nuai, seh

lei Nuai 101.85, mei Nuai 7755.21, lam Nuai 65779.05, budget caah Nuai 8428.95, zaatlang le tawlrelnak Nuai 23376.03, ti Nuai 1739.05, a zapi Nuai 115990.04 le $ 3.16 Nuai hmuhnak ding ah Pyidaungsu le hmun dang ah an hal lio. (27) Chin Acts upadi chan he aa tlak in remh ding ah Pyine Hluttaw upadi lei kawmiti nih an tuah lio. (28) Feb. 20 cu Chin National Day le Jan. 3 cu Chin State Day ah tuah ding Pyidaungsu ah an chuahpi lio. (29) Khuabawi thimnak December thla chung thimnak rian an suai, an tuah. (30) Chin Pyine cozah i hruai le riantuan le thanchonak kong April 2012 in November 30 tiang Pyine cozah nih meeting biachah (238) an ngei. Phung lo sumdawng tlaih (31) Paletwa peng ah Kunza sii bawm (2707) sing 300 man, Tedim peng ah Nanhta ni thluan (1704), sing 551360000 man, Tedim peng ah Kunza sii bawm (454), sii hmui dur (209160) sing 156488400 man, Kunza sii hmui bawm (454) a zapi sing 224988400 man an tlaih. (32) CM Pu Hung Ngai cu Nay Pyi Taw ah voi (7) ram chung ah voi (35) a tlawng.

COZAH HE PYID AUNGSU PYIDA ANGON AH AA LEVEL IN Y YANGON TONGMI CNF L UTLAI UP A LUTLAI UPA (1 5) CU HAKHA AH KHU AMI (15) KHUAMI THONGLI NIH AN DON HNA

Ka Handset Ka Thau
Thlautu: Bawi Ram Hu Thlau ni: Dec.13 Thlaunak: Dinlo sang Hakha A phun: Nokia,a senmi Peknak: UPC Church "A hmutu laksawng kan pek hna lai"

Mawtaw Cycle Tawh (2) Nan Thlau 1. Kenbo tawh. Nailon hri kual a raangmi aa thlaih 3. Kenbo tawh. Thir Kitha aa thlaih Hlamnak: Hakha Post

Thawngthanh
Cozah he Pyidaungsu level in Yagon ah aa tongmi CNF lutlai upa (15) hna cu Dec. 19, 1:30 ah Falam in Hakha khualipi an hung lut i khuami thong li hrawng nih an don hna. Donnak ah Zokhua mi no nih Lai Puan an aih hna i hi an awih hna. Sianghleirun ngaknu tlangval le HYO mino hna nih pangpar hi an awih hna. Chin Women Organaization zong nih hauka in an don hna. Khuathar nu le pa nih va hla, Lai hla le laam in an don hna. Pyidaungsu Guest House (Cozah Khualbuk) an i thumhnak ding hmai ah an hruaitu General Secretary Pu Zing Cung, an Chairman Dr. Za Hlei Thang, Pu Lian Uk hna nih zapi kuttlaihnak biacah an chim.
Tluang Za Uk Group hruainak in Tlangrua khua tlacam ah Hakha in a kal dingmi EAG Biakinn hmai, Dec. 29 (9:30am) ah ton a si lai.

2012 a Hnubik
Vanlung Biaphawng Den
(Dec. 23)
A hmun le a caan cu voi dang keel a si lai. Hakha Post, Tutan CNF le Cozah tonnak, le Chin Cozah kong den ding... a duhpaoh dawh tel khawh a si khah!

Thawngpang Tawi
1) Hakha NLD par ty chungtel 60 nih anmah le sang cio ah Dec. 15 Hakha khua sangkip ah hmunthur thianhhlimhnak an tuah. 2) Hakha khua thar chiatthat bu mino (25) nih an thlaanmual Ruavazung ah tikhur 4'x4'x5' an tuah. 3) GSM (NGO) hruainak in Dec. 20-21, Hakha CAD zung ah Consummer Network meeting cu, minung (15) kai in an tuah. 4) Senthang in Mivialte caah Thlarau Thinlung Taksa Damnak Mission nih Dec.17-23, Sakta Jerusalem Bapt. Church ah Rev. Thawng Zam hmang in crusade an tuah lio a si. 5) Pu Bawi Hu nih Dec. 19 ah Pu Zing Cung haang sohnak le thlacampiaknak a tuah. Hakha khua Zokhua peng ummi nih Pu Zing Cung le CNF lutlai hna Dec. 20 ah haangsohnak le thlacampiaknak an tuah. 6) Dec. 16 ah Pi Van Sui Em (Pu Van Kulh fanu) nih Hakha siizungpi mizaw zual caah mizaw zual zunpi kalnak Ks. 25000 man le Chaple saknak singkhat a bawmh hna. 7) CNF lutlai Pu Zing Cung cu a chuahkehnak Zokhua ah Dec. 22 zing ah a kal.

CNF le Hakha Um Party an i Tong

A voi hnihnak Pyidaungsu level in Cozah he aa tongmi CNF lutlai hruaitu hna cu Dec. 20, 1:00-3:00pm, HBA zung ah tonnak an ngei. Hi tonnak ah Party pawl USDP, CNP, NUP, NLD in party upa 30 an kai kho. Hi tonnak ah CNF upa in Pu Lian Uk, Dr. Za Hlei Thang, Pu Zing Cung le CNP in Pu Ral Hei, USDP in Pu Sui Thio, NUP in Pu Siang Hu le NLD in Pu Huat Chum hna nih anmah le party cio an i tinhmi le CNF le cozah i chawnhnak ah ruahnak cheuh le lunglawmhnak bia hna an chim. CNF in Pu Zing Cung nih tutan ramchung um party pawl he tonnak le party pawl nih tinhmi langhternak kan tuahmi hi ramchung party pawl CNF nih zeitindah i bawm le i pehtlai in kan kal ti khawh lai ti theih kan duh caah a si. Atu ah ramchung party vialte zong nih nan i tinhmi vialte nan chimmi hi CNF zong nih kan i tinhmi a si ve ko. Kan ram hi Federal in ser ding zong nan i tinh cio. Cucu kanmah CNF zong nih kan i tinhmi a si. Cun 2008 Uknak Phunghrampi remh zong nan duh i kan i tinhmi a si ve ko. Cuti si ah zeitindah kan kal ti hna lai? Zeitindah kan luanti khawh lai? CNF nih zei party he hmanh riantuan ti ding kan i tim. Zei NGO he zong kan i tim. Asinain cozah nih CNF le hriamtlai pawl kha party ah lut ulaw cucun phunghram zong cu remh u a kan ti ko nain cucu a fiang lo i a maw rihmi dirhmun a si caah kan duh lo. Cucaah Hluttaw leng in kan nawrnak a si. Hihi party a hmaan lo kan tinak a si lo. Zeitindah kan tuanti hna lai" tiin Pu Zing Cung nih a chim.

CNF Lutlai Hna Nih Hakha CNA Ralkap Thlaan an Zoh

Tutan ah a rak tlungmi CNF lutlai kan pale nih Dec. 21 zing ah 1998 March Siangngakchia puai ah a nunnak a pemi CNA ralkap pathum hna thlaan cu an vung zoh. Hi an nunnak a pemi CNA ralkap hna cu Ralkap Bawi Hup (Tlangpi) le a hawile an si. Hi pasal tha hna thlaan kam ah CNF upa hna nih an mitthli he upatpeknak an ngei. "An ruhkhua zong khuami le chungkhar nih la lo in kanmah nih kan khomh dih te hna lai i hmun khat ah upat peknak le an min langhternak kan tuah te lai, hiti sawhsawh cun a dih lai lo" tiah CNF General Secretary Pu Zing Cung nih a chim. Hi miphun ralkap pathum hna hi bomb nih a puah hna i hi hmun hi an liamnak a si. "Ralkap Bawi Hup hi a ke aa tan i amah nih aa kenmi meithal in amah le amah aa kaap" tiah hi ka hmun dum ngeitu pa nih a chim.

Phaikhua Diamond Jubilee le A Voi (15) ZPBA Civui Sawmnak

Phak: 2013 March 1 Caam: 2-3 March Tlaangtaar: Na Duhnak Tling Ko Seh Mat. 6:10 Hmunkip Phaikhua, ZPBA rammi nan zate kan in sawm hna. Church Pastor Phaikhau Bapt. Ch.

To The Hakha Post Kan ram ah hand phone hman a si cuahmah cang i thil tha a si. Hman zia thiam bel kan herh rih. A hmang ciami miphun dang hman ning i zoh ah a tha. Annih cu pumhnak, thlacamnak, meeting tuahnak tibantuk ah an phone an phih. Nunh sual ahcun midang hnahnawh pek a si caah mualpho, phorhlawt le hruh ah an ruah. Thil thar cu a hman zia cawn le thiam ah a sunglawi khun tawn. VB Kam, Dawrthar

Calendar Manfawite in Cawk Khawh

Hakha Social Society, Ygn. nih tuahmi Hakha le Thantlang peng map le Lai thuam tling in thlakmi ngaknu tlangval dawh an cuang. Ks. 500 Grace Store Lai thil dawr Lunghleiva kam, Hakha

Hakha ah Vapual aa Fu
Atu lio hi Hakha khua ah Vapual (muitawn suaithiam Pu Chan Thawng) a rak i fuut lio a si. Aizawl in Christmas hman le tlawn ah an chungkhar in an rak tlun lio a si. Vapual hi a cafung min a si. Muitawn suai ding ah na duhmi ruahnak (idea) rak pek khawh a si. A duhmi nih len le komh khawh a si. Sinain bia na ruah tikah Kawl holh telh tuk a rem lo ngai khah, i ralrinpah bel a hau, an cuk sual lai!
Aa futnak:Khualai, (Myita Yeik Siikhan pawng),Hakha

Rak kan ngaithiam u

Tu kum chung ah chuahpiak manh lomi Hakha Post ah careltu awka in siseh, rian le thilri fakpiak ding a rak kan pemi ramchung ramleng vialte hna a ruah zia rak kan thiam hram u. Pathian nih kum thar a kan pek than ko lai.Editor

Hriphi Khua Hlun ah Electric Mei Honnak an Tuah

Thantlang peng Hriphi khua hlun nih anmah khuami zuamnak in an tuahmi Dec. 17 ah honnak puai an tuah tiah thawng kan theih.Hi an mei hi khua in meng khat le cheu a hlaatnak Aido va an laak. Tilam hi pe (1800) a sau. Tidil in seh tiang pe (420) a sang. A head pe (108) a sang. Tidil pe (75x55x5) a kau. A dihmi hi ramleng khuami ni phaisa sing (121) le khuami thazaang in limmi a si. Hi an mei hi 2012 June ah mei an rak van cang nain ramleng khuami nih Trasformer an cawkpiak hna i atu cu a tha cang" tiah hi honnak ah a telpitu hna Hakha um Pu Ral Kham nih a chim. Hi honnak ah khual um khuami upa (30) hrawng an tlung kho. Hi an seh hi HBA, CSSDD Sect. Rev. Ca Peng nih seh lei rian a tuahpi hna.

Chin Ramkulh Vanlawng Tumnak An Zoh Than Lai

Chin ramkulh caah a pakhatnak bik vanlawng umnak hmunhma cu 24-26 October, 2012 ah uanvo ngeitu nih Falam peng ah voi khat an rak zoh cang i, December 20 ah a voi hnihnak zoh han a si lai tiah theih a si. Hi kong ah December 18 Falam ah meeting an tuah. Tutan ah hin a dikdir in survey tuah ding a si ruangah saupi a cam ding an si tiah kan theih. CM Pu Hung Ngai nih vanlawng umnak kong he pehtlai in Survey tuah hi hal, fur, khuasik tiin felfai tein hlathlai a herh tiah a chim. Nov. 15 Yangon Times Journal nih Chin ramkulh caah a hmaisa bik vanlawng umnak cu Falam ah hmai kum in tuah thok ding a si tiah Vanlawng Transportation in uanvo ngeitu pakhat nih a chim. (Ch. Global Chin News)

A Voi (5)nk Centre Bual Mino Bu Conference Hlunghlai tak in Sialam ah an Tuah
Hi Conference cu Dec. 1-8 tiang an tuah i zuamnak a phunphun in an tuah. Pumpululh ah 1st. Sialam, 2nd. Salen, 3rd.Hmunhalh. Pa vawlibawl 1st. Hmunhalh 2nd. Sialam, nu 1st. Tikir A, 2nd. Tikir B, 3rd. Sialam. Chinlung 1st. Lulpilung, 2nd. Sialam. Hlasak 1st. Dong Hlei Sung (Salen), 2nd. Par Mawi (Lulpilung), 3rd. Nun Mawi Rem (Sialam). Lengdawh 1st. Leng Rem Thluai Chin (Salen). Mahle catang hoih in catial zuamnak zong an tuah. An laksawng cu Beel khaap 8, 9,10 le a dang mangtara lawngte an si. An cawlcanghnak zong DVD in a chuak colh lai. Voi (6)nk (2013) cu Sialam ah tuah a si te lai tiah K. Za Lian Thang sin in thawng kan theih.

Mitbenh Na Herh Maw?

Yangon-Thurihyah Mitbenh, Hakha ah a um lio a si. A man le kutzung na lungtlingte in an in serpiak lai. Pehtlaihnak: Moehein (rdk;[def;) Dawrthar, Hakha Tel: 070 21194; 09400303523

Myanmar Pumpi ah Chin Pyine hi Fimcawnnak ah a Niam Bik

Chin Pyine Fimcawnnak System hi Myanmar ram chung vialte ah a niam bik, a chia bik tiah theiha si. Zatuak in cun Chin Pyine i a ummi saya/mah hi Myanmar ah a tam, a tha ah a cang ko nain, saya/mah te an hmunh khawh lomi hi le cawnnak holh kong ah hin harnak an tong ngaingai, Pangiazi Vuanci Zung in saya/mah te an kan chiah piak ko, lam hlapi in a ra tuanmi zong an um, a si nain, a caante ah a phan lomi le, khunh bantukin aa um termi an um, Ngakchia an i sungh lo ding hi ruahpiak ding a si tiah CM Pu Hung Ngai nih a chim.

Tuition Chimh ti lo Dingin Nawl Chuah a Si

Cunglei nawl peknak in, Myone pangia Yehmu nih Hakha um Sianguk vialte, Dec. 21, 2012 ni ah a auh dih hna i Saya/mah te 2013 January 1 thok in tuition chimh ti lo ding in a chimh hna. Tuition chimh lawng hmanh si loin, siangcachim saya/mah te ahohmanh a leng asawng ah cachimh ti lo ding tiah a thanh. Hi kong ah hin, letthoh Myone pangia Yeehmu U Sui Ling nih a chimmi cu, Nu le pa zong hi saya/mah te hrawktu an si ve. A thli in inn ah an auh hna i an chimhter hna. Cu tikah midang fale zong chiah lo awk an tha ti lo tiah a chim. Dantatnak kong cu zei hmanh a chim lo. Asinain, Pangiayee Upadi ah a um dih cang mi a si ko. December 23 ni ah Tuition a chimmi saya/ mah te min rak ka pe dih u tiah a kan ti tiah a chim chap.

Rua Pum Hlaan Na Duh Maw?

Bungzung rua pum thatha Pum 78 Hlaan man Ks. 5000 Pehtlaihnak:
Tel:070-21963;092450682 CEF, Hakha

Vawlei a rawk lai an timi ni December 21

Hlan lio Mayan Calendar ning in, 2012 December 21 ni cu Vawlei a rawk lai tiah chimceihnak thawngpang ruangah Vawleicung hmunkip ah lungrethei in a ummi an tam tiah BBC News nih a tial. Asinain "Fingerprints of God" timi cauk a tialtu Graham Hancock nih cun hi Calender cu a donghnak siloin a thar in aa thawk thannak hmelchunh a si a ti. Cu pinah Vawlei pakhat nih Vawleipi a rak pah lai timi chimceihnak an ngeihmi zong, a zei ti hmanh in a hram a um lomi a si tiah Nasa lei in vanlei thil singning hlathlaitu thiamsang David Morrison nih a chim. (Ch: Global Chin News)

Thawngpang tawi
Chin Cozah le CNF lutlai hna cu Dec. 20 zing 7:00-9:00 le Dec. 21 zing 7:00-10:00 Chin Vuanci Zung ah an i tong. Hi tonnak ah lungtlinmi (9) hrawng an ngei.

To Editor Cozah phaisa bawmhnak kong ah kan khua thlualaam khuabawi le phaisa cawihmi pa Myone nih an auh hna i phaisa cawihmi kong ah cunglei in chekhlaitu an ra i an in hal hna tikah ting nga a cawimi nih thong thum lawng an kan zuh nan ti lai an kan ti. A ngai ti ahcun ting khat cawimi Ks. 3000 an kan zuh i ting nga ah Ks.15000 ding a si tiah kan khuabawipa nih a ka chimh. Pu Lal Dun