Gap jahkring hte Simsa lam a Lachyum

Daw-(2).

Ten n-htoi ngu ai gaw- jahkring da n-mai ai re majaw, Hka Shi lwi ai zawn lwi yawng lai htum mat wa sai re. 2013- ning July shata (27) ya shani hta Myen Mung ting gap jahkring(Cease-fire) nna Simsa lam(Peace) lu hkra lajang sa wa na lam Myen ni N-dau shabra lai wa masai. Dai lam hte seng nna, Technical Team( Machyoi Hpung Rapdaw) hku nna, Mung Masha ni a Ningmu hte Ra sharawng ai lam ni, Ga N-Sen ni hpe Ga Baw hta hkan nna,(Thematic Area) Ladat hte seng nna garum madi shadaw ai lam ni lu la na matu Mung masha Uhpung Uhpawng ni, Makam Masham Uhpung Uhpawng ni, Wunpawng Jinghpaw Htunghking hte Laili Laika hpung ni,Wunpawng Myu sha Rapdaw Hpung WMR, Buga Masha Mung Shawa Dat Kasa ni yawng hte hkrum zup bawng ban ai hpawng hpe 2013-ning July (9-10) hta Myitkyina, Shatapru Nawku Htingnu Hall kaw galaw ai lam chye lu ai. Mung Masha yawng hkra a Myit hkrum gahkyin zinlum ai lam gaw,kaba dik ai Awng Padang Ninglaw a n-pawt n-hpang rai nga ai.N-Dai Atsam gaw Laknak hta grau N-gun Ningja kaba nga ai. Bawng ban jahkrum ai lam law law nga yang she awng dang ai lam ni hpe lu la mai nga ai. N-dai zawn Teachnical Team(Machyoi Hpung Rapdaw) a Shawng nnan na Lagaw Lahkam gaw grai hkrak, grai htuk,grai Ngang kang ai N-pawt n-hpang Foundation nan rai nga sai. Lam mi hku tsun ga nga yang- KIO/A hte Teach/Team gaw W-P Jinghpaw Myu sha yawng a Gawng Malai nan re ngu ai lachyum grai nan dan dawng nga sai re. Dai Anhte a Myit hkrum zinlum ai lam hpe kadai wa sa jahten shaza, Adawt jahten kau ya lu na rai ta? Kade nna ai Ten hta Myen Mung ting Gap Jahkring myit hkrum lam hpe galaw la lu nna Simsa lam hta ahkyak dik ai Numdawn kaba langai mi hpe lai di lu sana re lam Gumsan Magam Theing Sein wa July (15) ya shani Lon Don, Chathem House e tsun lai wa sai. Dai zawn mungkan de Tara shang Ndau

shabra ai lam hpe UNFC ni pyi grai na mau kau ma ai lam chye lu ai. Hpa majaw ta? nga yang.. UNFC ni hpe tsun shana ai lam hpa nnga ai,shanhte Myen ni ra ai hku hkan tsun Abrawp hkawm ai gaw Ma bungli re ai hta n-ga, UNFC ni hpe shanhte Ra ai hku hkan Ka Manawt nang na re ngatinang a Hkum hpe Tinang grai sawn htang kaba la kau ai lam mung rai nga ai. UNFC hku nna gaw- Gap jahkring(Cease-fire) hte seng nna, gara hku galaw sa wa na lam hpe pyi U Di matu tam n-mu naw rai taw nga ai lam hpe chye lu ai. Simsa lam hta ahkyak ai Numdawn langai mi hpe lai di lu sana re.nga nna Theing Sein wa tsun ai lam gaw- Laknak hpai ai Uhpung U hpawng ni yawng hkra shanhte hpe n-tawt lai lu ai. Yawng hkra hpe Rim rawng na U Raw mung galaw da, Wa da ngut chyalu rai sai.ngu ai lachyum hku mung sawn la mai nga ai. Ratim.Gap jahkring(Cease-fire) gaw, ni ai zawn rai nna bai tsan mat sai re. Gap Jahkring hpe hkap tau hkalum la na Shingni Hpaji hpung ni mung pawt gaw n-rai,Hkrap gaw n-rai rai, sa yu ai masha ran rau hte sha shangut shakre kau ra manu ai. Woi awn ai wa gaw-Zar Kana (KoThu Ya) rai nga ai. Moi Ne Win Prat e Zar Kana gaw Mung Masha ni a hpang maga de grai tsap nang ai zawn rai nna, jahtum e gaw-Khin Nyunt hpe sa jahkrum,shi hpe kade zing ri lai wa tim tsawra myit grai kaba ai hte Mara raw ya ai nga tsun nna Khin Nyunt hpe Myi man tam, ASSK hpe sa Dagrawng Naw re..lam ni gaw- grai nan yu hkyet rung na zawn re lam ni rai nga sai. Ningbaw ningla ngu ai gaw Gadai hpe mung shapyaw hkawm, Naw hkawm, Myimna tam hkawm n-ra ai. Tsun ang ai hte tsun, shaga ang ai hte shagadai sha re. Kaga Bungli shajan galaw na lam hpa nnga ai. Dai majaw- Shawa Masha ni yawng hkra gaw- Zar Kana hpe Apalar(Masha Chyahkri) nga,kadai Jahpan n-bang mat masai re.Zar Kana Masha shingnawm tai mat salu ai.Mung Masa pinra hta mung Zar Kana hpe nau n-mu mada mat sai. Shi a Myiman pyi kadai n-kam yu, N-sen pyi kadai n-kam madat mat manu ai. Ya kalang bai- Gap Jahkring hpung ni hpe hkap tau hkalum la na matu (shn) hkap shagrau la na matu(Ga hkum shatsawm/shapyaw nna shamying da ai) Zar Kana hpe Shingni Hpaji (Movie&Vocalist) Hpung ni hpe woi awn lajang shangun ai lam rai nga ai.Shangun ai ni gaw- Hpyen asuya hta lai nna kadai Nat,Sanam, Mawhpyi, Mau Gang ni naw nga na rai na ta? Myen Mung ting mying grai dan hkung kaba lai

wa sai Zar Kana woi awn ai Lamang hta, Shawa masha langai lahkawng sha ganip ai ngu gaw- Zar Kana a matu Out dik mat sai re. Matsan ai hta Mying hten ai gawSi mat ai hta pyi grau sawng nga ai. MoiMoi Kalang mi Myen Mung hta Mung Shawa ni Wu Wu di di, grai N-gun jaw shagrau hkrum ai ASSK hte Zar Kana gaw ndai ten Gwi Chyit kasha langai mi pyi shanhte a hpang n-kam hkan nang mat sai re. Yawng hkra Matsat kau hkrum, Mahtaw kau hkrum ai yan rai mat masai. Grai chye na, Koi gam,Sadi Sahka tawn ging ai lam ni re ngu sharin la mai nga ga ai. Rai yang- Simsa lam hte seng nna Myit mada lam ni Mali hka kaw shayawng kau sai kun? Dai hku mung gaw n-rai nga ai. Hpa majaw ta? nga yang..Ya Yi hkyen nna-ya- Mam n-mai shu la,dan la lu nga ai. Lani mi (shn) Ten Ladaw langai mi hta gaw Sim wa,Sa wa na re ngu myit mada lu na ga ai. Hpa majaw ta? nga yang..Democracy Mungdan langai mi ngu ai gaw-Federal Madu Up hkang Mungdaw ni hte pawng hpawn gaw de tawn ai Union Munghpawng Mungdan re ai majaw rai nga ai. Federal Ahkaw ahkang n-jaw ai(shn) Shinggyim Ahkaw ahkang hpe hkum pat tawn ai lam naw nga yang gaw- Dai Mungdan hpe Jet ai Democracy Mungdan ngu n-tsun lu nga ai. Jet ai Democracy Mungdan ngu ai gaw- American Mungdan zawn (shn) American Mungdan a Gawda ai Tara Masa Constitution hte yawng hkra mi n-bung tim, Tinang a Mungdan hte htap htuk ai Tara Masa 75% daram gaw N-pawt n-hpang bung ai lam nga ra na ga ai. Mungkan hta Shinggyim Ahkaw ahkang nnga dik htum gaw Miwa Mungdan re lam chye lu ai. Makam Masham,Hpaga Yumga, Mung Masa lam ni yawng hkra hpe Miwa asuya ni hkum pat tawn da ai hpe mu mada lu nga ai. Rai yang shanhte Miwa Mung e sha Shinggyim Ahkaw ahkang hkum pat ai i? N-rai nga ai. Myen Mung hte seng nna mung Miwa ni hkan je bat,chya pa nang taw nga ma ai. 2013-ning July (24) ya shani na DVB Shiga hta, Naypyidaw du taw nga ai Miwa Mung a Ginjaw Commission Ningtau Ningbaw General Fan Changlong gaw- Myen Makawp Maga dap Up daju Min Awng Hlaing hpeN-dai Ten Myen Hpyen asuya hte Manghkang byin taw nga ai KIO/A ni a Shanglawt hpyi ai lam hte seng nna, Miwa asuya ni gaw-Madi shadaw ai lam tsep kawp n-galaw ya lu ai nga-Ading tawk tsun pru wa sai re. Dai

hta n-ga Myen Mung Dingdung daw hte seng nna mung, Maigan Mungdan ni a shang lawm je bat nang ai hpe tsep kawp n-hkap la lu ai nga- Jinghpaw hte Wa(UWSA) ni hpe sha-ang nna General Fan wa bai kahtap tsun sai.Shaloi. shi Miwa Wa gaw- Maigan Mungdan n-re ai da i? N-dai lam hte seng nna bai maram dinglik yu yang(1). KIO/A Asuya ni shanglawt hpyi ai (shn) Federal Madu Up hkang Mungdaw hpyi ai hpe shanhte Miwa ni hpa seng nna hkan hkum pat ma ai da i? Munghpawm Myen Mungdan (Union Of Burma/ Burma n-re ai) gaw shanhte Miwa ni a Kawa Di a Mungdan mung n-re. Dai n-rai yang shanhte a n-pu na Colony Mungdan rai mat ai majaw i? General Fan Changlong a N-gup hpe Hkai Nu Paw hte matsut nna, Shabyi Kahpret, Maidang htawng ya pyi mayu sai. Manang wa a Mungdan Dinghku lam hta shi(N-dan Madu) sa tai na lam hpa nnga ai. Shanglawt Asuya hku nna- Myen ni kaw na Madu Up hkang Mungdaw sha n-ga,Myen Mung ting hpe mi hpyi hpyi, shanhte Miwa ni Ga kaji kajaw tsun na lam hpa nnga ai. Shi a Miwa Kajan hpe sa Gaswi ya,sa htim Gamu ya ai mung n-re.Dai hta n-ga.. (U-N) kawShanhte Miwa ni gaw-Maigan Mungdan ni a Dinghku lam hta tsep kawp n-hkan je bat nang ai Mungdan rai ga ai ngatsun ai Ga ni kanang rai mat sata? Mahtaw kau ai Mayen bai hta ma-ut na ma aid a i? Manang wa a N-ta kaw sa nna-N-dai Daw dap de kadai n-mai shang ai. Yawng Ngai tsun ai hku madat ra ainga nna- sa GawngBa ai lam gaw Htingbu wa hpe sa Roi ai lam rai nga ai. Shing n-raiSai N-gring Manya nna tsun ai lam sha rai na re. N-manya yang mung- Myen Mung ngu ai Htinghput thing ra, Dum N-ta hpe Miwa ni Mari la kau sai i? (shn) Hpyen asuya ni Miwa hpe Lagu Dut sha kau sai kun? Teng ai. Munghpawm Myen Mungdan hpe Hpyen asuya ni Miwa hpe dut sha kau sai re. Dik dik. N-ta Htingwung na Gwi La Chyang Gam kasha hpe du hkra Miwa mung de dut sha sha kau masai. (Gwi Chyang shan hpe Miwa ni Tsi Kabaw sha ma ai.) Lagaw Mali tu ai- Gwi,Nga, Dumsu sha n-ga, Lagaw Lahkawng tu ai Tinang a Shayi Numsha ni hpe du hkra, Mi Wa ni a Num Kaji tai na matu(shn) Miwa La ni hpe sa shapyaw ya na matu Kyat Sen(25) daram hte Sam

Mung Balawng Ga de na ni, Dut sha taw nga ma ai lam shiga na lu,hti lu ai shaloiGoi sha eMyen Mung e masha sa tai shut wa saga ai kun?she ngu mayu sai. Raitim n-raitim, Awng San tsun ai hte maren(Nanhtelu tawn sai Myen Mung a Shanglawt hpe Manu n- chye shadan yang gaw Shawa Num Mungdan tai mat na).nga ai Ga. dai ni dik tup wa sai hku re. Miwa ni gaw- Mungdan Lamu Ga hpe mung madu la, Masha hpe du hkra Namlaw Namlap mari la ai zawn hpa mung nngam da sai re.Yawng hkra gaw Miwa a Colony,Mayam Mung dan she tai mat saga ai. Dai hpe kadai wa Tara shang sa gangdi abrut la woi lu na rai ta? Anhte Jinghpaw Hpyen Yen Dabang de na Myu Shayi sha n-kau mi mung, Miwa Mung de Bungli tam ya na nga masu nna, Dut sha hkrum ai grai law ai lam na chye lu ai. Myit n-pyaw, Myit machyi, Yawn dik na zawn nga ai shiga ni rai nga ai. N-pawt n-hpang gaw. kade majaw rai ta?..... Hpa majaw rai ta?..... Ga san ni Laika ka ai wa a Baw Nu hta Hpungtang ni ngoi gashaw taw nga li ai. Gara hku mi nga nga,gade ram mi jam jau jau- Masu dut sha mi hkrum hkrum,Miwa ni hpe sa shapyaw ya ai Bungli gaw anhte W-P Myu Shayi ni tsep kawp koi yen,hprawng pru mat ra na saga ai. Myu Tsaw/Mung tsaw myit rawng ai wa gaw- N-lu sha nna kadang si na re nga tim pyi Myu a myiman jahten na n-re. Ading tawk tsun ga nga yang- Hpyen Yen Dabang kaw Tsin yam hkam nna W-P Mungdan Shanglawt lu na matu Dum N-ta, U, Wa, Yam Nga sum hkam,Zing ri zing rat, Roi Rip hkam,shakut shaja tsin yam hkam taw nga ai Myu sha ni yawng a Myiman hpe tau let,Shanhte hpe Hkungga ai hku- Asak hkrung hkawm sa gangu mayu ai lam rai nga ai. Tsin Yam Dabang na Myu sha ni Jam jau nhkam yang, Myen hpe gara hku mung Gasat Manga lu na n-re. Lama wa.Hpyen Yen Tsin Yam ni- Nau jam jau jin wa saga aiMyen hpe n-Gasat sagashe tam nga dat yu u. KIO/A Asuya a Rawt Malan Bungli ni ma hkra gaw Kaman sha rai mat na re. Mung Masha a N-gun jaw,Madi shadaw ai lam ni gaw Rawt Malan Bungli a Kaba dik htum Laknak rai nga ai. Dai ni ..K-B-C kaw na hkawt Wunpawng Jinghpaw Myu Sha ni yawng gaw KIO/A hte maren sha Myit hkrum zinlum ai lam hpe Myen ni mu ai shaloi- gara kaw na Ga matu hpang na pyi n-chye mat hkra mau Am mat ma ai re. Marai Masum myit hkrum yang Panglai

Nawng htawk dang nga ai Jinghpaw Ga Malai nga ai hte maren- Dai ni anhte Myu sha Lakung (6) rai nga ai- Rawang, Jinghpaw, Zai wa,Lachik,Lawng Waw ,Li Su An Hpu an Nau, An Hkau, An Rat ni she myit hkrum yang gawMyen ngu ai hpe Shingna hte lahkat kabai kau pyi lu nga ai. Myit n-hkrum yang chyawmSharawgarawt katut na sha re. Laika ka ai Bum Chyangau mung KIO/A sha re. Ra jang Lahpaw sha hpai nna raitim hkan Anut nang na re. Jin Jin rai nga nngai. Lahta e tang madun lai mat wa sai hte marenMyen ni gaw anhte W-P sha ni jam jau magang shanhte Lagaw Tingse dum,Woi lahpyaw hpyaw magang sha re. Hpyen yen Dabang na W-P sha ni jam jau hkra galaw,U-N hte N-G-O ni hpe loi li mahti machyin nna garum shangun, sha na n-lu jang Miwa mung de Mayam sa Yam,Dut sha hkrum, Shawa Num tai,Amyu hten Amyu mat nna W-P Jinghpaw ni Hpawdam hpaw wam tai,Rudi Kata Ru dam dam mat. Dai gaw Gap Jahkring tim n-jahkring tim,(Katsi Majan) hku nna Myen Hpyen asuya ni shani shana Ladat amyu myu shaw nna anhte W-P Jinghpaw Myu sha ni hpe dang sha,dip sha taw nga ai lam ni rai nga ai. Aten na jang Tsin Yam Dabang na Myu sha ni myit htum nna-Myen hte lawan she Gap jahkring kau manu.nga Myen a n-pu de bai ganaw shang wa na matu mung Myen Hpyen asuya ni yaw shada nga ma ai. Moi na anhte a Ji Woi/Ji Wa ni gaw N-Htu Hpa Tung langai lu jang Yi hkyen sha nna Kan mai bau ma ai re. Hpakant Ga e mung- Yi hkyen sha, Hka-rang Mam hkai rai nna Lung Seng htu jarik shatai,Lung seng awng ai ni grai nga ma aid a le. Mau mwi gaw n-rai na n-hten? Dai the maren- Anhte Hpyen Yen Dabang ni mung Hka-rang yi hkyen nna Kan loi mi lu shachying la yang gaw-Aten galu a matu akyu rawng na kun? ngu myit lu ai. Hpa majaw ta? nga yang.Myen Hpyen ni hpe Anhte gade ram na hkra naw Gasat ra na kun? n-dang chye tsun ai majaw rai nga ai. Myen ni chyawm gaw- Gap jahkring tim n-jahkring tim ahkyak n-rai nga ai. Gasat magang shanhte Myen ni Hpyen Jarik htuk sha nna Tsahte magang sha re. N-pu na Hpyen Ma ni kade si tim shanhte a Kashu Kasha ni n-re majaw N-chyoi lu..Na nna lusha re. Lahta de na Myen Hpyen Du kaba ni gaw- Rawt Malan ai Hpung ni nnga mat nna,Hpyen n-gasat ra

mat na hpe pyi tsang nga ma ai. Hkau na n-galaw jang shat n-lu sha ai hpa shanhte Myen Hpyen Du ni mung Hpyen Gasat na shara n-nga jang Gumhpraw shang lam nnga mat na rai nga malu ai. Hpyen Gasat magang, Gasu kabrawng law magang shanhte Myen Hpyen Du ni gaw- Myen Mung hpe Ninggam kaw na bai hkye aihkye ai ngaMyen Mung hpe up sha mat wa ai shaning (60) ning pyi jan mat wa masai. Dai zawn Myen hpyen Dap ni dip lu dip sha rai up hkang taw nga ai majaw-Mung Masha ni gaw Jum kahtawk sha na pyi n-lu mat hkra(Matsan Chyaren Re) mat sai re. Rai yang hpa majaw- U Awng Min ni Gap jahkring gaGap jahkring gachyu hkan nga hkawm taw a ta? Shanhhte Myen ni gaw grai Simsa mayu, Ngwi pyaw mayu ai ni re. Raitim UNFC hte KIO/A ni gaw Masha sat,Wan nat,Gasat gala ai lam ni hpe dinglai hkra galaw ai(Terrorist) ni re. Grai hkrit hpa(Person of great Fear) ni re nga Mungkan de N-dau shabra nna Myu shamyit Masing(Genocide) galaw lu na matu Tara shang Mahkrun lam tam taw nga ai lam rai nga malu ai. Rai yang- kaga lam langai mi hku bai sawn yu ga. Gap Jahkring nna, Simsa lam lu mat sai ngu ga. Shaloi- Mahtai gara hku pru wa na rai ta? Gap njahkring ai hta pyi grau shamu n-mai,shamawt n-mai, Dip sha hkrum,gyit hkang hkrum na sha re.Dai gaw Ga lahtum n-shut nan rai nga ai. Hpa majaw ta? nga yang.., Gap jahkring jang- Laknak n-hpai ra sai. Rapdaw de shang na matu Party hpaw mu. ..nga na. Party hpaw ngut jang,2008-ning Constitution hpe Madat mara,Hkan nang hkan sa na ga ainga NLD hte ASSK ni hpe Ga Sadi jaw shangun ai zawn shanhte Ra ai hku Gyin shapraw tawn ai(shn) Hpyen Dap ni a matu sha grau Ahkaw ahkang la tawn ai (shn) Yup kalang hprang tim Arnar mai zing ai 2008-ning Constitution hte- Myen Hpyen ni a Gyepdin n-pu na Numhpu bai n-htang tai mat ra na sha re. Lam mi hku tsun ga nga yang NLD hte ASSK ni zawn Myen Hpyen ni a Shangun Ma, N-chyang Mayam bai tai mat ra na sha re. Tinang a Du hpe Tinang Sumri gyit nna Dau si ai the bung mat na. Hpang jahtumAdit si gaw n-raigalau si gaw n-rai rai, Yubak hta Yubyen mara taw na sha re.

Shaloi .Anhte Wunpawng Myu sha ni hte Myutsaw Mungtsaw Share Shagan,Ningbaw Ningla Kaba ni., Anhte gara hku daw dan na. Gap Jahkring na kun?......N-Jahkring na kun?..... Mi na hku sha kun?

By-

Bum Chyangau.
Daw- 3- de bai matut hti ga.) Sharai ai lam/Correction Gap Jahkring hte Simsa lam a Lachyum Daw (1) kawGap Jahkring/Cease-fire hpe (Case-fire) ngu nna e gayet bang na- Numtawt kau ai hpe sharai hti la ya na matu hpyi nyem dat nngai law. (Laika ka ai Wa).

Gap Jahkring matut bawng ban na lam hte seng nna- U Awng Min hte UNFC ni matut bawng ban nga ai lam,Aten hpe hpang de loi mi htawt sit ai hta lai nna mi na jahkrum tawn ai the maren matut bawngban saw a na re lam MPC na salang wa tsun ai.