Beruflich Dokumente
Kultur Dokumente
XV :
Issue No. 35
Pathianni
Phek 1 - na
Inzirtirna
(chhunzawmna)
4. Ka thu a nia, rawn inrawlh suh : Tunlai khawvel hian mimal dikna chanvo humhalhna lam uar taka a zirtir tak avang hian naupangte pawhin upate zilhhauna leh thununnate chu ngainepin an hnial ngam ta a. An nuna an lo inrawlh ve fo chu an ngaithei ta lo. Hei hi ka nundan a ni a, tha ka tih ang leh nuam ka tih angin ka awm ang a, ka nunah tuman thu an nei tur a ni lo tih hi thangtharte rilru puthmang a ni ta em? Nu leh pa an ni emaw, kum upa zawk emaw an nunah inrawlh an remti lo. I pa, a hringtu che thu chu pawm la, i nu chu a lo tarin hmusit suh (Thuf 23:22) tih zawm aiin chu zirtirna chu zawm a nuam si a, an duh ang angin an khawsa ta a ni ber mai. 5. Nu leh pain fate an hlau : Nu leh pate zingah fate duat leh hmangaih dan chu an awh zawng leh thil an ngen apiang pek leh tihsak emaw ti tlat an tam ta. An duhsak luatah an neih phak loh thleng thleng an awhsak a, rual an pawl ve nan leh mi hmusit an nih loh nan puk chawp pawhin an duhzawng an ngaihtuahsak thin. Naupangten an thu an awih tur a ni tih hriattir lovin an duhzawng petu leh an mamawh petu(supplier) angin an inlantir a, an thil ngen an pek loh chuan tihtauh khumin an nawrh khum ngam a, an zah loh thin. Fate sualna leh diklohnaa hrem ngam lo, tihlungawi loh hlauh vanga hlauhtlawn zawk, nu leh pa dawihzep an tam ta em a ni. Khauh taka fate enkawl a, a tul huna ri thak ngam nu leh pa an tlem em a ni. 6. Zilh loh fa an tam ta lutuk : Tirh hnial leh aia ute hnial zawt zawt te chu zilh loh fa anga ngaih an ni a, nu leh pa tan mualphona a ni. Kan Bible-ah pawh, Naupang thlahthlam chuan a nu zahna a thlen thin(Thuf 29:15) tih kan hmu. Chuvangin kan pi leh pute chuan an tu leh fate chu tet lai atangin awmdan mawi, tihtur leh tih loh tur te, aia upate zah dan leh khawsak phung an lo zirtir thin reng a ni. Tunlai khawvelah chuan nu leh paten an fate awmdan mawi an zirtir ta mang lo va, an naupan lai atanga cartoon leh film an en thina a changtupa ngeng ngalh mai, tumah hlau lo leh zahpah nei lova khawsa thin chu an ngaihsan tlat avangin, chutiang zia chui an la ve ta mai a ni. Nitin sikul zirlaiah a tel tawh
loh avangin an ngaihsan zirtirtute pawhin awmdan mawi aiah Baa baa black sheep an zirtir ta a, nal taka a sawi theih chuan a tawk a ni tawh mai. Miin thil an pekin, Ka lawm e tih nachang pawh an hre lo va, thil an dilin, Khawngaih takin tih an tum tawh hek lo. Zilhtu leh hrilhtu an awm tlat lo va, upate zah leh an chunga that chhuah chu an tihturah an ngai ta lo. 7. Hlauh tur Val Upa an awm tawh lo: Hmasawnnain Zawlbuk a namthlu a,vantlang zah leh naupangten an hlauh thin val upate an chet theih tak loh avangin thangthar naupangten hlauh tur an hmu lo. Tlawmngai pawl liante lakah beiseina nei sang viau mah ila, val upa dinhmun luah pha khawpa khawtlang leh mimal nun vei leh inpe an awm hleithei ta lo. Chuvangin, tunlai thangtharte chu Pathian pawh hlau lo, mihring pawh hlau lovin an khawsa ta a ni ber e. 8. Engtin chuan kan ti dawn ni maw ? : A nu emaw a pa emaw anchhelawhtu chu, thimtham lai berah a khawnvar tihmihsak a ni ang (Thuf 20:20) tih thu Bible-ah kan hmu a. Tunlai thangtharte hian nu leh pa, aia upate zah a hnekin anchhia an lawh a ni ta ber mai, thimtham lai berah an khawnvar tihmihsak a nih dawn avangin kan ram dinhmun hi a chhe hle a ni. Aia upate zahna lo tlahniam ta chu khawvel thang zelin a ken tel a lawm, kan ti a ni thei. Mahse, ram changkang zawkah te a tlahniam chuang si lo va, sap ram kan tih zingah pawh aia upate zahna chu an la palzut lo. Thalaite ngaihsan Korean-ho pawh an aia upate zah lantirnan chibai bukin an la kun zak zak reng a, Japanense leh Chinese hoten nu leh pa leh aia upate an zahthiam a, hnam damrei an la ni reng. Vai zingah pawh patling pui, nupui fanau nei tawh pawh ni se, a pa putarin a hmaiah a la beng ngam a, a mithmuhah meizial pawh a zu ngam ngai lo. Rual u zawkte inzahpahna awm lohna khawvel chu a hreawm a, hnam angin a mualphohlak a, Kristian nih danphung a ni lo va, thupek tiam nei hma sa ber(dam reina) bawhchhiatna a ni. Chuvangin, hemi kawngah hian hmalak thar a tul a,eng emaw kan tih a ngai.
Kohhran Aw
Pathianni chhuak
Phek 2- na
2013- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Lalrinzuala, Zahmingliana B-3: Vanlalruata, Lalfakmawia, Lalruatsanga B-4: Vanlalawmpuii, Lalrinawma B-5: Lalruatkima, Lalramluahkima B-6: Lalawmpuia, Lalmuanawma, Zonunmawia B-7: Zodinmawia, Jonathan Lalnuntluanga B-8: F. Lalremruatpuia, Lalrindika, MS Dawngliana, Zohmingkima B-9: Lalrinhlui,Lalbiaksiami, Lalramtharzuala B-10: Lalhmangaiha, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga, Lalruatkima
Buhfaitham Hralhtu-Sep
Miriami Gr. 1) Pi Lalbiaknguri 2) Nl. C. Laltani 3) Pi Nuchhungi 4) Pi Singhleii Estheri Gr. : 1) Pi R.Vanthangpuii 2) Pi H.Lalzawmliani 3) Pi Lalchhandami 4) Pi C.Lalbiakkimi Rebeki Gr.: 1) Pi Sanghnuni 2) Pi Lalsawimawii 3) Pi Lalsiammawii 4) Pi Lallawmzuali Hani Gr. : 1) Pi H.Lalthianghlimi 2) Pi Liannghingi 3) Pi Vanlaldini 4) Pi H.Lalthlangliani Sari Gr. : 1) Pi Lalremmawii 2) Pi Lalnunnemi 3) Pi Laldinpuii 4) Pi Lalremruati
RAMTHAR REPORT
Thuhma : Nimin, August 31 (Inrinni) kha Ramthar Ni a ni a, Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a nih vangin Mizoram Presbyterian Kohhran tan Ni pawimawh bik a ni. Kum 1972 Mizoram Synod Inkhawmpui chuan, Synod Ramthar Board-in, August ni 31, Pu Zosaphluia Mizorama a lo thlen ni hi Synod Ramthar Ni atan hman ni se, tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni. A. Synod 1. Ramthar Field neih zat - 16 2. Synod Mission Board hnuaia thawktu zawng zawng - 2,168 (1) Permanent - 611 (2) Contract - 783 (3) Field Worker - 721 (4) Others - 53 Thawhpui ( Partnership) (1) Pawl 12 te hnenah thawktu kan dah (2) Pawl 5 hnenah thawktu pe/dah lovin, sum erawh chu kan thawh. (3) Pawl 4 te erawhchu agreement kan sign pui a, amaherawhchu sum kan thawhpui lo a ni. 3. Ringthar neih zat : January - June, 2013 : 3,128 B. Champhai Vengthlang Kohhran Kan Kohhran atanga Krista hminga fehchhuak hi mi 13 kan nei a.(Heng mite hi phek 3-na ah tarlan an ni) Tin, missionary hi 119 kan chawm mek a, hetiangin : 1) Ramthar Committee - 81 2) Kohhran Hmeichhia - 17 3) Kristian Thalai Pawl - 16 4) Pavalai Pawl - 5 Kumin chhunga kan rawngbawlna hrang hrangte : Work Camp A hmun : Barak Area, Lamargram A hun : 19-26 February 2013 Hnathawh : Mission Compound hung Kal zat : Mi 26 Tin, Lamargram hnathawh chhunzawm nan hian Vengthlang Kohhran Ramthar Committee hnenah tanpuina an rawn dil angin ` 10,000/-( Singkhat) pek a ni bawk. NB : Kan Kohhran chuan kum 2011 ah Centenary kan lawm a, Centenary lungphun atan Singirbil hmunah Biak In kan sa a, mahse kan Kohhran ram hi hungfel a la ni lova, Biak In bang atana mau kan hman pawh a duhthusam lo hle, he hmun siamthat leh hung tur hian Tuingoi Pastor in charge chuan Plan & Estimate ( Ruahmanna) ` 2,00,000/- ( Nuai hnih ) vel a siam a. Hei hi tipuitling tur hian Ramthar Committee chuan hma a la mek zel a ni. Kohhran mipui leh Committee pawhin tawngtaina nen theihtawp chhuah turin rilru i hmang theuh ang u.
Ruthi Gr. : 1) Pi F.Ramfangzauvi 2) Pi Laldinpuii 3) Pi Darthuami 4) Pi PC Vanlalruati Rakili Gr. : 1) Pi Hmangaihengi 2) Pi Lalhmunsangi 3) Pi Lalventhangi 4) Pi Lalhmunthangi
Pathianni chhuak
Phek 3-na
Aizawl atangin Gospel Team-in min rawn hmanpuia kan lawm hle. Tin, Inkhawmpui chhung hian Zaipawl 3/4 an awm reng a, a hlimawm thin hle a ni. Thlengtu, Zotlang Presbyterian Kohhran inbuatsaihna a tha a, kawng hrang hranga an in buatsaihna a tha hle a ni. Ei leh in bikah phei chuan, Kohhranin Palai riak lut leh lang te eitur an lo buatsaih a. Pathianni zingah mi 200 velin chaw an ei a, chutiang bawkin tlai lamah eitu an \hahnem hle a ni. Kan bial atangin Fellowship Zaipawl leh Bial Zaipawlte tha takin an zai thin a, a lawmawm hle a. Kohhranho tawngtaina leh thilpek avangin Inkhawmpui hi hlim takin kan hmang thei a ni. Tin, kan bial atangin Baptisma mi 14 laiin an chang a. Kohhran hoten nasa takin Pathian hnenah lawmthu i sawi ang u. Kan Bial chhungah hian ringlo mi zahnih chuang zet an la awm avangin Kohhran hoten tawngtai leh thilpekin theih tawpin hma i la zel ang u. (ROHLIRA COLNEY) Secretary Masihi Sangati Sub-Committee, Champhai Vengthlang Pastor Bial.
Pangpar Khawitute
Vawiina pangpar khawitute : 1) Pi Hmingthansangi 2) Pi Laltharzuali Pathianni leha pangpar khawitute : 1) Pi F. Ramfangzauvi 2) Pi Lalropari
Kohhran Aw
Pathianni chhuak
Phek 4-na
Chhungkaw Thu
Dt.28.08.2013(Nilaini) zan khan mi pathum(3) inngaihna suala tlu thunun an ni. Pem chhungkaw hnih :1) Pu VL Zama s/o Pu C. Thangmura te chhung (member paruk), 2) Pu C. Khawlthuama s/o Pu C. Khuangkhama, Venglai Kohhran a mite dawnsawn an ni. Tin, Pu H. Tlanhlupuia leh a nupui Pi Janet Saibuangi Sailo te lakluh an ni. Tin, Pathianni hmasa Christian Missionary Association at anga kan Kohhrana lawmluha baptisma chantir, Pu Laltlanngura te chhung kaw zinga mi Pu Laltlanngura, Pi Zaneihthangi, Lalzekima leh Lalrawngbawli te pawh Kohhran danchhunga lakluh an ni bawk.
Baptisma Chang
Pathianni hmasa a Pastor bial fanah khan baptisma chang mi 16 an awm a, an zinga mi 5 chu puitling an ni.
Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Adviser : Upa C. Hualchhunga Cir. Manager : Zorampari, Published by Vengthlang Kohhran & Printed at C.K.Offset, Vengthlang. Biak In Ph.: 235380