1. May payo mayong buhok, may tulak mayong pusod. 2. Sadit pa si Nene, tatao na magtahi. 3.

Bakong tauo bakong hayop, an ikog nasa mata. 4. Naglalayog si Ilay, nalalaad an Kiray. 5. Orig kong mataba, nakokodal nin tingga. 6. May lalawgon, mayong mata, may kamot mayong takyag, kun nagagadan dai nalalapa. 7. Bola, an laog gapos, gapas, an laog dagom, dagom, an laog tubig. 8. Sarong kapatagan sa tahaw nin kakahuyan. 9. Pano na pero dai pa banga. 10. Sa ibabaw kapatagan, sa irarom kakahoyan. 11. Kun ati hararom, kun taob hababaw. 12. Mapasa tubig, mapasa kalayo, dai naaano. 13. Binotong ko si balagon, naribok si maghapon. 14. Saro an nilaugan, tolo an niluwasan. 15. Tulang asin ubak alagad nakakalayog. 16. Bako man tauo, bako man hayop may sugay, naglalakaw nagdadalagan. 17. May ataman akong kabayo, kon ginagakdan minalakaw kon binobotsnan mintukaw. 18. May ataman akong kabayo, kon ginagakdan minalakaw kon binobotsanan minatukaw. 19. Sa ibabaw tulang, biribid an laman. 20. Kan sadit pa padagnat ta, kan dakula na pinaugatan ta. 21. Biribid an tulang, biribid an laman. 22. Bako man tawo, bako man hayop, may tolong kamot. 23. Namotan ko si aki mo, ginadan ko si ina mo. 24. Sarong dakulang kahoy tagaon mo dai mapuputol. 25. Kahoy daing ugat, may poon asin magabat, an bunga birilog asin nagkikilab. 26. Taludtod nin buaya, maghapon balada. 27. Bakong tawo bakong hayop, naggugubing plansado. 28. Arin na banuaan na dai naggugurang. 29. Arin na banuaan na an mga tauo bakong maiiniton. 30. Anong banuaan an gubat na, dagat pa. 1. Talapang 2. Lawa 3. Dagom na may tanod 4. Aninipot 5. Dila 6. Relo 7. Lukban 8. Panit 9. Simbahan 10. Posporo 11. Dulay 12. Anino 13. Kampana 14. Kamiseta 15. Buradol 16. Doot 17. Bisikleta 18. Sapatos 19. Kasag 20. Paroy 21. Tabaguang 22. Relo 23. Batag 24. Aso 25. Christmas Tree 26. Atop 27. Ulunan 28. Darag, Albay 29. Malilipot, Albay 30. Gubat, Sorsogon

1. Kun igwang isinangat, igwang magagawad. 2. Lambang pangpang, igwang kahampang. 3. An maraot sa imo dai mo na gibohon sa iba 4. An kahigusan tugang nin kayamanan. 5. May talinga an daga, may pakpak an bareta. 6. Nahihiling an labot kan dagom, dai nahihiling an labot kan patok. 7. An nagtuturog na buyod, ina-anod. 8. An matinao, maginibo. 9. Aanohon pa an sakate kun gadan na an kabayo. 10. Kun sa lubang maghayop, puling an madadakop. 11. An dai magsalingoy sa pinaghalean, dai makakaabot sa padudumanan. 12. An magtubod sa osip, daing sadiring isip. 13. Pag-inapod na utang pirit na babayadan. 14. An matakot sa doron daing aanihon. 15. An laog kan puso minaluwas sa nguso. 16. Suba-suba kun salan, totoo kun tamaan. 17. An pagsol-sol huri. 18. Dai nanggad pabayaan an dapat magibo ngonian. 19. Kun daklagon kan gapo, baloson mo nin tinapay. 20. Sa ibong kan panginoron igua nin liwanag. 21. Daing maniwang na manok, sa gotom na botbot. 22. Mayong maraot na banhi sa marhay na daga. 23. Kun ano an itinanom iyo an aanihon. 24. An makatios nin saquit makamit nin langit. 25. An pamansag pabayaan, ta sa gibo mamasdan. 26. Kun may aso may kalayo. 27. An matinios, aki nin Dios. 28. Isipon dangan gibohon. 29. An paroy dai minadolok sa manok. 30. An bonot kun harani sa kalayo namamakot. 31. Maski anong tagas kan asero minalomoy sa kalayo. 32. An tawong matuturognon magagadanon. 33. An sentabong nasa kamot mas marhay kan pisong naglalayog. 34. Kun saen makulog duman an dapog. 35. Gustong magpagasto habong maggastos. 36. An tapayas dai mabungang bayawas. 37. An sakong daing laog dai matindog. 38. An tawong madenescarga makinarga. 39. Pag an tubig hararom dai nin girong alagad kun makarawkasaw hababaw. 40. Dai ka magbilang kan siwo kun dai pa nahihimsa. 41. Aahon pa an palapala kun gadan na an kalabasa. 42. Noarin ka pa mapandong kun basa na? 43. Tanoson an kahoy alintanang sadit pa. 44. Dai kang gayo magseguro nag-oogbos pa an pako. 45. Kuhit saka kasili nagkakahiligan sa kawali. 46. Laman dai nanggad masuhay sa tulang.

47. Namamaanan an labot kan dagum alagad an labot kan patok dai. 48. An matakot sa doron daing aanihon. 49. Mayong maraot na pluma sa tawong marhay pumirma. 50. An magdaya, dadayaon man. 51. An maggnisi sa sala nin iba pagngingisihan man nin talaga. 52. An pasiensia mapait alagad an bunga mahamis. 53. Marhay na makanood maglikay sa ladawan nin iba. 54. Mayong pangpang na dai nin kabarang. 55. Dakul an nanonodan kan madonong sa tonto ki kan tonto sa madonong na tawo. 56. Ngonian makosog ka, noodma maluya ka pa. 57. Halangkaw an saimong namumugtakan, hababang daga an saimong pupulian. 58. An seguro pirme, aliwalas pierde. 59. Mayong nagadan na daing sarahotan. 60. An tawong tubod sa osip dai nin sadiring isip. 61. An marhay na dangog, labi sa magayon na lawog. 62. Bakong bulawan an gabos na nagkikintab. 63. An putikon, tugang nin parahabon. 64. Kun sain an devocion, duman an tentacion. 65. Kun sain naghale, duman man mapuli. 66. An pagpababa, magpaitaas, anas igwang karahayan asin karatan. 67. An napupunta kan puso dai ikaroso. 68. Aldaw mo ngonian, aldaw ko mannoogma. 69. An prusision sain man maghale duman man guiraray mapuli. 70. An tawong daing gibo tugang kan demonio. 71. An kagalangan lingcod sa buhay. 72. An aking magalang, kaogmahan nin magurang, kayaman kan banwaan. 73. An gapong malitong dai lulumoton. 74. Kon ano an gibo iyo an pakinabang. If a person does something either good (or bad) he will receive something good (or bad). 75. An utang ni Juan dai pwedeng magbayad si Pedro. Juans debt cant be paid by Pedro. We should pay our own money. 76. An katoy kataid nin apdo. The liver is near the kidney is another expression of an nagom kataid nin pait (deliciousness is near sourness) meaning that we should think that we are near sufferings even we are happy now. 77. An naglalakaw na naluway natotonok na hababaw vice-versa. 78. Dai bale mahulog basta sa langog It is better to fall (high) from a tall coconut tree. Meaning if someone is married to a rich man (or woman), he will not have to worry when he meets an accident because he is already rich. 79. Hararom matunuk an makaskas maglakaw. Meaning Those who are not careful are liable to sustain grave injuries. 80. Makiiba ka sa mararahay ta dai mahaloy magiging saro ka sainda. Meaning If you associate with good people you will also be like in the near future. 81. Bukahon mo an mata mo, pintoon mo an ngoso mo. Meaning Be silent but watchful.

82. Matakot ka sa ngoso maski an sadiri mo. Meaning Beware of gossips (especially malicious gossips). 83. Mayong aking tiko sa inang tataong magpasuko. There is no crooked child for a mother who knew how to discipline. 84. Kun doros an ilinaom, bagyo an aanihon. One who sews wind will reap typhoon or strong winds. 85. An katotohanan minaluwas man lano guiraray. Truth will always come out 86. An sundang na mangurol kun makalugod maumay man haloy. Meaning A wound inflicted by a dull bolo does not heal easily. 87. An ayam na kirikol an ikog durolakon. Meaning A dog with a curled tail is a trouble-maker. 88. An taong mapuka nakakakua asin nakakaanab pa sa iba. Meaning An industrious and watchful man always gets something and even things that belong to another. 89. An tubig na makarasaw-kasaw hababaw. Meaning A shallow river is noisy. 90. An tubig na daing girong hararom. Meaning A deep river is silent. 91. An sadit nakakapuling. Meaning Beware of small beings or things because they also sting. 92. An totoong tobo mahamis sagkod sa puro. Meaning A genuine thing leaves nothing to be desired.