KwIsoko ryUbuzima

mu muryango wabakristu
Diyoseze kuru ya Bujumbura Tl 22 22 05 00 / 79 602 229 / 79 927461
E-mail: sokoryubuzima@yahoo.fr Site: www.isokoryubuzimaburundi.fr.gd

" ukuri kuri jewe, ubuzima bwanje ni Kristu". (Ph.1, 21)

Iki kinyamakuru gifasha gutegera Ijambo ryImana mu misa no mu buzima

Igiciro:100Fr 43/13

27/10/2013

IDOMI IKA YA MIRO GO ITATU Umwaka -C

Tunywaniye mwisangira ryAberanda.

Ku musi wa gatanu 1/11/2013, tuzohimbaza umusi mukuru waberanda bose. Ekleziya mawe wacu ishaka ko kuruwo musi dutera amashurwe abo beranda. Kukaba nkako, bakiri hano kwisi bararwanye rugabo, barashingira intahe ukwemera kwabo, baranka guhemukira Yezu Kristu. Muribo mbere, harimwo nabemeye guheba ubuzima bwabo mu gusesa amaraso. Ubu bibereye mu mwuzurira wakanyamuneza kadahera, barambitswe urugori rwaberanda. Mu bubasha bwImana, dufitaniye nabo ubucuti budacika. Baraduherekeza, baradushigikira, baradufata ukuboko umwanya bakirindiranye igishika ko twobashikira, natwe tugaterwa iteka ryo kubona inyonga zImana imbona nkubone. Twambaze kenshi aberanda, tubahanuze. Bari kumwe nabamalayika, bagize inteko Umuvyeyi Bikira Mariya yikorako mu ntambara yo kuturwanira. Ntitwibaze ngo ivyo bakoze biraturengeye, ngo twebwe ntavyo twoshobora. Twese turahamagariwe gutera intambwe ku musi ku musi ngo twerekeze ubweranda bwuzuye. Icafashije aberanda benshi, nugushinga imizi mu kwemera, kugira umutima wurukundo rwImana nabantu, ukwihangana nuguca bugufi, kugira igishika co kwitangira ubutumwa ngo ubwami bwImana butsimbatare Natwe rero, twirinde guhitanwa nimiyaga yose, twirinde kugwa mu mitego yimico nivyiyumviro birwanya agateka kumuntu. Yezu nawe ati: Uwushaka gukiza ubuzima bwiwe azobobura (Lk.9,24) Twemeye gukurikira Yezu hari ivyo twemera guheba. Turazi ko bitoroshe; twiture aberanda badusabire ibisabisho vyacu. Guheba ubuzima kubwa Yezu bisigura iki? Hari uburyo bubiri: hari gushingira intahe ukwemera, hakaba no gushingira intahe ukuri Abapfiriye Imana ni bo karorero ka mbere kuguheba ubuzima kubwa Kristu. Haheze Imyaka ibihumbi bibiri hari isinzi ryabagabo nabagore batanze ubuzima bwabo kuko banse guhemukira Yezu ninkuru nziza yigisha. No muri iki gihe nyene, mu mpande zose zisi, abapfira Imana bariho; hari abapfungwa canke bakicwa bazira ko ari abakristu. Uko imisi igenda, abo bantu bagenda bagwira muri Ekleziya. Hari nabapfira Imana mu bundi buryo, mu bumaratiri bwo ku musi ku musi. Bene abo bantu barangwa nukwiheba kwa misi yose ku neza yabandi. Bafise umutima ugororotse, bagashingira intahe ukuri aho bari hose. Barangurana urukundo ivyo bajejwe bisunze ivyo Yezu yigisha. Bashira imbere ineza yabandi bakabitangira kandi bagashingira intahe ukuri. Naho baba badapfuye ku mubiri, inyifato yabo isa niyuguheba ubuzima kubwa Kristu. Uburorero ni bwinshi: Hari Abavyeyi benshi bama bitwararika kunywanisha ukwemera kwabo nubuvyeyi bwabo, bakitanga batiziganya ku neza yimiryango bajejwe. Hari abasaserdoti, abafurera nabihebeyimana benshi bitanga batiziganya mu kwitangira ubutumwa bwabo, ngo Imana ininahazwe. Hariho nabakiri bato baheba ivyabo kugira ngo bafashe abana, abamugaye, abageze mu zabukuru Hari nabakristu benshi, mbere nabatari abakristu, bemanga kuvuga ukuri. Kristu nawe yavuze ati: "ndi ukuri " ; nukuva ko uwuharanira ukuri aba ariko akorera Kristu. Yohani Batista yarabaye akarorero ko kwemanga ukuri gushika aho agupfira. Yaritanze atiziganya, yitanga ku bwa Yezu. Yarishwe azize ko yavuze ukuri, igihe yagiriza Herodi numuhabara wiwe inyifato yabo igayitse yo kugendera mu busambanyi. Abantu benshi baratotezwa kuberako bubahutse gushingira intahe ukuri. Abantu bintungane bapfuma bemera gutotezwa hako bemera ko umutima wabo ubagiriza ko bashingiye intahe ikinyoma. Bagenzi, twakirane akanyamuneza ijambo rya Yezu ridutumirira kuguma mu kuri, kandi twese dushingire intahe ukuri, tube mu kuriTwiture Umuvyeyi wacu Bikira Mariya; yaratubereye akarorero: yarahevye vyose kubwa Yezu, aramuherekeza no mu nzira yumusalaba. Ubuzima yahevye yarabusubijwe mu buryo bwuzuye, bunengesereye, mu muco ukayanganira mwizuka. Bikira Mariya Mawe, dufashe kwihebera Yezu. Papa Fransisiko 23 Juin 2013 (Zenit.org)

"Ugupfira ukuri". ukuri".

TWUMVIRIZE IRYO IMA A ITUYAGIRA IDOMI IKA YA 30 YO MU MWAKA-C

IGISOMWA CA MBERE: Siraside: 35, 12-14.16-18 Imana ntiyirengagiza igisabisho c'umukene Ivyo dusoma mu gitabu c'Ubwitonzi: Umukama ni umucamanza atagira nkunzi. tatoranya, arumviriza ariho uwugowe amwambaza. takengera igisabisho cimpfuvyi, niminiho yumupfakazi. Uwukorera Imana n'umutima wiwe wose, Imana iramwakiriza yompi, igisabisho ciwe kigashika mw'ijuru. Igisabisho c'umworo kiramena ibicu; ntashobora guhozwa, igihe atararonka ico asaba. Arahozako gushika Uwo mwijuru amurabe ryiza, aburanire intungane, azicire urutunganye. IGISOMWA CA KABIRI: 2Timote. 4, 6-8. 16-18 Shira ku muzirikanyi ijambo ry'Umukama Ivyo dusoma mw'ibaruwa rya kabiri Umutumwa Paulo yandikiye Timote: Mwananje nkunda cane: Jeho ndiko nditanga kw'inkuka kandi igihe canje c'ukwigira kirashitse. ararwanye rugabo, nararangije urugendo, narazigamye ukwemera. Ibisigaye ni ukuronka rwa rugori rw'ubutungane Umukama, We Mucamanza w'intungane, azompereza kuri urya munsi, kandi ntazoruhereza jewe jenyene, azoruhereza n'abo bose bazoba baroreranye urukundo iseruka ryiwe. Aho natangura kuja kwiburanira, nta n'umwe yamfashije, ariko bose barampevye. Ese Imana itobibahora! Umukama niwe yampagarikiye akandemesha, kuBAVUKA YI MURI KRISTU, uyu mugani Yezu ya-

gira ngo ijambo ryiwe ndarimenyeshe bimwe bishemeye kandi rishikire abapagani bose. anje naravuye mu menyo y'intambwe; Umukama azonkiza icitwa akabi cose kandi azondonsa ubwami bwiwe bwo mw'ijuru. iwe akwiye ubuninahazwa mu myaka yose. Amen. INKURU NZIZA: Luka. 18, 9-14 Umutozakori niwe yatashe agabanye Ivyo dusoma mu Njili nyeranda, yanditse Luka: Umunsi Umwe, Yezu yaciriye uyu mugani bamwe bagira ngo nibo beranda bagakengera abandi, ati: Abantu babiri baraduze mw'isengero gusenga umwe akaba n'Umufarizayo, uwundi na we umutozakori. ya Mufarizayo, umutwe aranega, ku mutima asenga, agira ati: Mana yanje, ndagushimiye, kuko ntameze nk'abandi, bo bariba, bakarenganya abandi, bagasambana, kandi simeze nk'urya mutozakori; nisonzesha kabiri mu ndwi, ngatanga imperezwa y'ivyo ntunze vyose. Wa mutozakori na we, aguma kure, ntiyubahuka n'uguhanga ijuru, mugabo yikubita ku gikiriza, avuga ati: Mana yanje, ngirira ikigongwe, jewe munyabicumuro. dabibabwiye: uyu niwe yatashe agabanye, na we umwe wa mbere haba namba. Kukaba nkako, umuntu yihaya azoteterezwa, na we uwicisha bugufi azoshemezwa. . Ariko kandi ubutungane ni ugukunda mugenzawe, ukudakora ikimubabaza. Umuntu asomye uyu mugani arategera ko hari abagerageza kugendera ubutungane. Ariko kandi hari bamwe bibaza ngo ni intungane kandi atari zo; gurtyo ubutungane bibaza ko bafise bukabatuma gukengera no gucira urubanza abandi baharura mu bacumuzi. Si vyiza gukengera abandi. Yezu arabibuza. Kuko Imana nta numwe ikengera. Uko umuntu ari kose Imana iguma imukunda. Ni nka kurya umuvyeyi atokumira umwana yavyaye ngo ni uko yamugaye amaboko canke amaguru; aguma amukunda kuko ari umwana wiwe. Urukundo rutosoye rwama rutangaje kugeza hiyo. Urwo rukundo na rwo rwiyerekeza kuwurukeneye gusumba abandi. Erega uwo benshi bashibura ni we aba akeneye urukundo rwinshi kugira ngo abone ko afise na we iteka mu bandi bantu! Urukundo rwImana ni urukundo rudaharura. Abantu babiri baraduze mwisengero gusenga, umwe akaba ni umufarizayo, uwundi na we, umutozakori. Aba bantu babiri ni abantu batandukanye rwose! Umufarizayo ni umuntu yibonamwo ubutungane bwakarorero. Umutozakori na we ni umucumuzi wakarorero kabacumuzi. Nkako mu gutoza amakori, abatozakori barashobora kwiba: amakori amwe barayinjiza mu kigega cababatumye, ayandi na yo bagashira mu mifuko yabo. Ntawodeha ko no mu batozakori bo mu Burundi hari bamwe bakora gurtyo! Ugiye mu masoko canke ugaca mu mabarabara hamwe usanga batambitse imigozi, hari aho usanga hari abatozakori bakira amahera 200 bari kwakira 500. Ayo 200 nta quittance atangirwa. Ayo

wucirize bamwe bigira ngo ni bo beranda bagaheza bagakengera abandi. Yezu yarakunda kwigisha akoresheje imigani nimvugo ngereranyo. None uyu musi Yezu aciye umugani wumufarizayo numutozakori. Uyu mufarizayo ni uwibwira ko ari intungane agakengera umutozakori. Uyu mutozakori na we tukamwumva yicisha bugufi mu gusaba ikigongwe Imana. Mu bisanzwe twese dufise umuhamagaro umwe wo kuba beranda. Ukuba beranda ni ukugendera ubutungane. Ubutungane na bwo ni uguha Imana icubahiro kiyikwiye. Intungane ni uwo wese yubakira ubuzima bwiwe ku Mana, akarazwa ishinga no kurangura ishaka ryayo. Uyu mugani Yezu yawuciriye abafarizayo. Bano na bo bari abantu bari bagerageje kurwanya uruhamo rwagirirwa abayahudi, rugirwa nuwitwa ANTIYOKUSI EPIFANE. Muri ico gihe hari bamwe mu bayahudi bataye ukwemera; ariko mu bafarizayo hari bamwe barwanye ngo ntibatwarwe nimico nimigenzo yabapagani. Bagerageje kwerekana ko ubuzima bwabo bwubakiye ku Mana no ku mabwirizwa, gushika naho batangarirwa ndetse bagakundwa nabantu bato bato. Ubutungane rero ni ukwubaha Imana, ni ukudakora ibishavuza Imana.

adatangiwe quittance ntaheza ngo yinjire mu kigega ca Leta. Gurtyo uzosanga umutozakori ari umuntu atunze cane ibitaciye mu butungane, kandi kumbure ahembwa amahera abayabaye. Abatozakori bo mu gihe ca Yezu bo bongerako nivyo bagunga abantu bato bato. Akarorero ni Zake nkuko tuzovyumva ku musi wImana uza. Ivyo rero vyatuma abatozakori badakundwa nabantu bato bato. Ngira ni nka kumwe dusigaye tubona abantu bamwe bamwe bumvise OBR biruka baca ku biti namabuye! Ariko kandi hari nikindi catuma abatozakori badakundwa. Ni uko bakorakora amahera yabaromani. Mu maso yabayahudi, abatozakori bari abantu baba bihumanije kuko ayo mahera bakorakora yariko ishusho ya Sezari, umwami wabaromani; uwo na we akaba yafatwa nkikigirwamana kandi carazira gukorera ibigirwamana. Ni ukuvuga rero ko umutozakori yashirwa mu mugwi wabahakanye ukwemera kwabo, yafatwa nkumupagani canke nkumusambanyi. Ni vyo twumvise muri uyu mugani. Umufarizayo arenzwe nubwishime avuga ati: Mana yanje ndagushimiye kuko ntameze nkabandi, bo bariba, bakarenganya abandi, bagasambana; kandi simeze nkurya mutozakori, nisonzesha kabiri mu ndwi, nkagororera ivyo ntunze vyose (ntanga icicumi civyo ntunze). Kumbure ivyo yarabikora. Ni vyo. Mugabo ibwirizwa ryategeka umusi umwe wo kwisonzesha mu mwaka mu musi wirtyororwa (Yom kippour). Mugabo hari ababona ko uyo musi umwe udakwiye ku buryo bibabaza mu kwisonzesha kabiri mu ndwi. Nubu bene abo bariho, kandi si bibi. Ibwirizwa ryategeka kandi gutanga icicumi cumwimbu kugira ngo gifashe aboro nibikorwa vyisengero. Mugabo abafarizayo bari bongeyeko gutanga icicumi civyo umuntu atunze vyose, nivyo aguze birimwo. Ubu twovuga ko ari bimwe bita

TVA (ikori nyongeragaciro ku kiguzwe). Ivyo vyose umufarizayo arabishimira Imana. Kandi ni vyiza. Hamwe abantu bose bo kwisi bomera nkuko...! Isi yohinduka iparadizo! Ariko muri ivyo vyose harimwo ubwishime! Harimwo nubwiyorobetsi! Ubwiyorobetsi nubwishime nkubwo abafarizayo nubu buriho. Ibicumuro nkivyo abafarizayo nubu biriho. Hariho abantu barazwa ishinga no kwambika ibara abandi babagiriza ibi canke biriya. Ivyo tukavyumva mu maradiyo no mu bindi bimenyeshamakuru nahandi. Ariko hari nabandi ububisha bwabaye ubuhizi: barica, bakiba, bakononera abandi... Uwemera wese akwiye gusaba Umukama ngo amurinde agatima kubwishime nubwiyorobetsi kugira ngo ntakengere abandi canke ngo abanebagure. Umucumuzi na we akwiye gufatira akarorero kuri uyu mutozakori atubahutse nuguhanga ijuru mugabo akikubita ku gikiriza avuga ati: Mana yanje ngirira ikigongwe jewe umunyabicumuro. Murumva ko uwo mutozakori atawundi yituye atari Umukama Imana. Ntiyishimiye inguvu ziwe, ubona ko atazo yari agifise. Yezu na we mu kuducira uyu muga-ni aradufasha gutahura ko uko twiyumvira Imana atari ko dusanga iri. Imana ntiyiyumvira nkabantu. Imana ni Rukundo. Imana ni Kigongwe cuzuye. Imana ibabarana numucumuzi yigaye. Umucumuzi arakeneye kwuzuzwa ivyiza vyImana gusumba intungane. Erega ntawuzuza igisabo gisanzwe cuzuye! Ni co gituma na Yezu atubwira ko atazanwe nintungane, yazanwe riho nabacumuzi ngo bakire. Dusabe Umukama ngo aturinde kugwa mu bwishime nubwiyorobetsi twibwira ngo ni twe beranda tugakengera abandi; ariko kandi dusabe numutima wo guca bugufi igihe cose tuba twacumuye, tubashe kwitakambira nkuwo mutozakori twisabira impore ku Mana mu kugaya akabi kacu. Amen.

Inyuma yurupfu hari hari ubuzima bushasha. bushasha.

Ekleziya Mawe wacu, yama ikora uko ishoboye ngo twese twinjire mu bwami bwijuru. Imeze nkumuburanyi imbere yImana, mu guhereza ibisabisho vyo gusabira ikigongwe abana bayo bamaze kurenguka, ugusabira imitima yabapfuye vyashinzwe na Ekleziya mu kinjana ca 15, kuko yemeza ko uwupfuye abanza guca mwiyishuriro iyo hari ivyo yapfuye adatunganije. Ugusabira abapfuye, nabayahudi barabikora Yezu ataraza. Turabibona igihe Yuda Maccabe yatanga ishikanwa i Yeruzalemu, kugira ngo abasoda biwe baguye ku rugamba barekurirwe ibicumuro bapfanye ( 2 Maccabe 12, 38-45). Uko ukwezi kwa 11 gutashe, cane cane kwitaliki zibiri, Ekleziya iradutumirira ku buryo budasanzwe ngo twibuke abacu Imana yarengukije. Ekleziya iraberekezako igisabisho, ikatwibutsa kubasabira. Iradufasha kwibuka ko dukikijwe nisinzi ryabavukanyi tutabona ariko badutera akamo mu gacerere bati: ni mudusabire. Ekleziya yabahariye ukwezi kwa 11 kwose, cane cane kwitaliki zibiri; igasaba abakristu kuwuhimbaza bivuye inyuma, bakaja mu misa aho Yezu yama asubira kutwitangira nki Golgota. Hamwe na Ekleziya no muriyo, duhanga amaso Kristu afise amajambo yubuzima budahera. Mu kwezi kwa 11, Ekleziya iradutumiririra kandi kugenda ku ntatemwa zabacu bapfuye ngo tubibuke, tubahereze Imana. Tubahereze Imana tubavuga namazina. Ukunywana nabacu bapfuye gukomerera mu Mana. Ibisabisho duhereza kubwabo birabanezereza, kandi biragira ico biterereye kwibohoka ryabo. Erega uwacu apfuye, tumugumanira ideni ryurukundo ridutuma kwama tumusabira; ibisabisho vyacu navyo, nta na rimwe bipfa ubusa. Ivyo bahereza Imana kubwacu navyo biradufasha cane cane kwakira no kwitegurira urupfu rwacu, kwemera ko tuzoshika mwijuru... Ni twisunge ibisabisho vyabo, tubasabe badusabire, kugira ngo badufashe kugira intumbero yubweranda: na kare ntitwobushikira Imana itadufashije. Kubwintsinzi ya Yezu Kristu no kubwizuka ryiwe, turemera ko tuzosubira kubonana nabacu. Ivyo twifuriza abacu bapfuye natwe biraturaba, kuko ruriye abandi rutatwibagiye. Ntitukivuga ngo: agapfuye kabazwa ivu; tuvuga tuti: urupfu nintango yubundi buzima. Kristu yarizuye mu bapfuye, yatweretse natwe ko tuzozuka. Twisunge Tereziya Mweranda wUmwana Yezu; mu gihe yagira yitabe Imana, yavuze ati: Si mpfuye, ahubwo ninjiye mu buzima.

DUSHEMEZE IMA A KU MU SI KU MU SI
27/10 D Idominika ya 30 C Siraside35,12-18 Zab33,2-23 Uyu niwe yamanutse agabanye, nayo umwe wa mbere haba namba.
Antoinette 28/10 L Simoni na Yuda 2 Tim 4,6-18 Lk. 18,9-14 Umuntu yihaya azoteterezwa, nayo uwicisha bugufi azoshemezwa Efezi 2,19-22 Zab.18,2-5 Bari baje kumwumva kandi ngo abakize indwara zose. Kandi nabari begeranijwe nimitima ihumanye barakira Lk. 6,12-19 Rom 8,18-25 Zab 125,1-5 Mbe bane, Ubwami bwImana busa niki? Busa numwambiro umu-gore yakiriye agasuka mu ngero zifu zitatu gushika vyose bikakame Lk. 13,18-21 i mwihate ngo mushobore kwinjira mu muryango upfunganye; Rom 8,26-30 Zab 12,4-6 ndababwiye yuko benshi bazoshaka kwinjira yamara ntibabishobore Lk. 13,22-30
Rom 8,31b-39 Zab108,21-31 Genda mubwire iyo mbwebwe ko ndiko ndirukana amashetani nkongera ngakiza indwara, uyu musi nejo; naho ku musi ugira gatatu nzoba mpejeje Lk. 13,31-35

29/10 M

arcisse

30/10 M Serapiyo,
Marcelo

31/10 J Alfonso 1/11 2/11

Rodriguez V Aberanda Bose

S Ukwibuka
abakristu bapfuye

Ivyah7,2..14 Zab 23,12-20 1Yo 3,1-3 Mt. 5,1-12 Izaya 25,6-9 ; Zab24,621 Ivyah 21, 1-7 Mt. 5,1-12

Hahiriwe abahamwa bahorwa ubutungane, kuko Ubwami bwijuru ari ubwabo. Muzoba muhiriwe ni babatuka, bakabaremera amabi yose ku bwanje

Hahiriwe abashonje nabanyotewe ubutungane kuko bazoshira ipfa. Hahiriwe abanyakigongwe kuko nabo bazokigirirwa.

Tugwize abagenzi benshi mwijuru. Tumaze ukwezi kwicumi kwagenewe

irozari. Twarazirikanye akamaro kirozari, ingene itunywanisha na Yezu duciye kuri Bikira Mariya. Muze dusubire guhurira hamwe mu kwezi kwa cumi na rimwe, tubandanye dusoma irozari mu ntumbero yo gusabira imitima iri mwipurgatori. Jeho rero uko ndavyumva mu mutima, ndemera ko iyo mitima ihiriwe kuko buca ibohoka; kukaba nkako, tuzomara uku kwezi kwose kwa 11 tubasabira, dutakambira Imana ngo ibatabare bave mwipurgatori. Ndashimira umukristu yitwa Nestor Ntazina twigeze kuba turi kumwe mwibohero rikuru rya Mpimba mu mwaka w2011. Yari indongozi yacu mu muryango wa Yezu Munyakigongwe. Niho rero mu kuntorera amataliki nzohora mvugirako igisabisho cimisi icenda yanshiriye mwo ukwezi kwa 11; emwe, narahezagiwe. None ga musomyi, wewe nabo muyaga ivyImana mwese, nabakristu bose duhurira hamwe muri ico gisabisho, aho bari hose, mu mpande zose zisi, tuvire hasi rimwe dusenge bivuye ku mutima, dutakambire imitima yo mwipurgatori. Ni twiva inyuma mu kubasabira, wumva ipurgatori izosigaramwo bande? Twihweje ubutumwa Mama Faustina Mweranda yadushikirije kubwa Yezu Munyakigongwe, turazi ko umusi ugira umunani muri ya misi icenda yo kwambaza ikigongwe cImana ari uwo kwereka Yezu imitima yo mwipurgatori. Tukaba dusanzwe tuzi yuko aho Yezu ari na Bikira Mariya ariho aba ari. Biregeya Martin.

Mbe ni kuki umuntu arinda gupfa? Mu guhoza uwabuze uwiwe, abantu benshi bakunda kuvuga ngo:
ni wihangane, niko bimeze, nubuzima, twese niyo tuja... Ni ivyukuri, abantu baravuka, bagakura, bagapfa. Niko biri. Ariko ni tureme: urupfu si iherezo rya vyose, si rwo rufise ijambo rya nyuma. Tubiravye, urupfu ruradufasha gukunda ubuzima no kububungabunga. Ruratubabaza iyo rudutwaye abacu, ariko bikadutuma kubona ko ubuzima ari ingabirano turonka, ko atari twebwe tubugaba. Birumvikana ngo urupfu rutubabaze kuko rudutandukanya nabo dukunda. Ariko kandi ruratwibutsa ibihe vyiza twaciyemwo turi kumwe nabacu Imana ihamagaye. Urukundo rusumba vyose, rusumba umubabaro tugira imbere yurupfu. Ivyo nivyo Yezu yatwumvishije aho yapfa hanyuma akazuka kubwacu. Marie Renard Supplment Pelerin juillet 2012

Dukunde

gusoma

ibinyamakuru

bituyagira

ivyImana.

Bavukanyi bIkinyamakuru KwIsoko ryUbuzima ndabaramukije amahoro yImana, amahoro twagabanye kubwurukundo twakunzwe nUmukama wacu Yezu Kristu. Mu buzima, twarahawe kumenya vyinshi ariko twokwihatira cane ibitwuzuriza nImana, cane cane mu gusoma ibinyamakuru bidufasha kumenya Imana. Turaheza tukungura ubumenyi mu vyImana, tukazirikana kandi tugatahura ijambo ryImana, na ryo rikatumurikira aho turi hose, mu bihe vyose vyamasabamana tugezemwo. Biratwungura bikadukomereza ukwemera, imico nimibano ya gikristu. Jewe ikinyamakuru KwIsoko ryUbuzima caramfashije ndi mu bibazo vyinshi vyubuzima; maze kugisoma nasanzemwo ibintu vyinshi vyubaka, bintuma ndagikunda cane, gituma ntera intambwe mu bukristu bwanje. Ico nobatumirira, nuko mwokunda ico kinyamakuru kuko kizotuma mumenya vyinshi. Gikunde mugikundishe nabandi. ikuze Thierry DUCISHEMWO DUTWE GE: Umukecuru yari avuye gusenya udukwi, ahura nimpfizi yinka yica. Imukubise ijisho, ica iza bwarumye ngo imwirenze. Wa mukecuru nawe, aca ata hasi za nkwi ayakoramwo ariruka. Ya mpfizi imuja inyuma. Bariruka kugera ku mwonga. Bugingo uno mukecuru akiraba ingene yosimba umwonga, ya mpfizi iraza, imuyoza amahembe, iramutwara no murufunzo ngo ba! Ica irisubirira inyuma. Wa mukecuru aravyura amaso buhoro buhoro, arayiraba, aca arikandakanda, yumva ntaho ababara. Niko kwivugana, ati: Pu! Ese ukuntu wari mwiza. Emwe abasore mufise amanyama, mugabo nta bwenge. Ubu iyo wari kuntwara ukanta mu nzu iwawe, nogiye ndagusenyera, nkagucanira akariro, imbeho ugasigara ubaza. one genda uzokwicwe nimbeho urumwe ...