28/4/2014

ANOMMON TEXT

THESAURUS MUSICARUM LATINARUM School of Music Indiana University Bloomington, IN 47405 (phone: [812] 855-5471; Internet: mathiese@indiana.edu) Data Entry: Andreas Giger with OCR Checked by: Elisabeth Honn Approved by: Thomas J. Mathiesen Fn and Ft: ANOMMON TEXT Author: Anonymous Title: Mensura monocordi Source: Hans Schmid, ed., Musica et scolica enchiriadis una cum aliquibus tractatulis adiunctis, Bayerische Akademie der Wissenschaften, Verffentlichungen der Musikhistorischen Kommission, Band 3 (Mnchen: Bayerische Akademie der Wissenschaften; C. H. Beck, 1981), 238. Used by permission. [-238-] MENSURA MON<OCORDI> In monocordo, quod dicitur Fortunatiani, illa mensura tenenda est, ut in principio totius spatii ponatur protus gravis cum hac nota [signum]. Deinde tota regula in novem dividatur, et illa parte nona detracta ibidem ponatur deuterus gravis cum hac nota [signum]. Ab eodem loco usque in finem sumatur tercia pars, in quo loco ponatur deuterus finalis ad hunc modum [signum]. Quo spatio in octo diviso et octava adiecta parte fit tonus ibique signatur protus finalis ita [signum]. Eodem iterum spatio in octo diviso erit alter tonus, qui dicitur tetrardus gravis ita [signum]. Nihilominus exinde octava parte sumpta priorique loco addita, cadit continuus tercius tonus, qui dicitur tritus gravis ita [signum]. Inter quem et illum deuterum, qui primus est factus, ultro se fert semitonium non propria qualibet regula factum, sed communi aliarum dimensionum ratione inventum. Incipiatur iterum a deutero finali, et quod residuum est monocordi inmensurati dividatur in tria. Tertia parte reperta signetur deuterus superiorum cum tali figura [signum] proportione toni effectus. Hoc per octo diviso et octava per epogdoum adiuncta erit protus superiorum tali caractere formatus [signum]. Iterumque ab hoc octo partibus sumptis et octava parte addita tetrardus finalis hic [signum]. Illi quoque octava sua parte superposita tritus erit finalis iste [signum]. Inter quem et deuterum finalium denuo se ingerit sua sponte semitonium. Expensis igitur duobus tetracordi<s> . . .

http://www.chmtl.indiana.edu/tml/9th-11th/ANOMMON_TEXT.html

1/1