Mei, des is was mit dera Raucherei de Huastn plagt mi und sBeischl is net frei da Arzt der schimpft mi grantig und mei Frau wird a scho hantig. I soi aufhern wird ma gsagt und hab en Petern a scho gfragt, wia denn des is wann ma nimma raugt, er sogt zu mir: es hat ma oafach nimma taugt. I nimmas ab jiatzt wirkli ganz fest vir und geh zum raucha aui vor de Tr muat denn scho wieda oane en da Papm ham schreit mim ei Alte furchtbar zam. Ah geh weida schrei i zruck, auf oamoi gspier i an furchtbarn Druck, mir wird grausli schlecht dabei, und . de Rettung kimmt dann schnell vorbei. Und i sag eich, im Spital lieg i jiatzt da mit a poar so Schleich im Krankenbett ganz stad bald hets mi oba wirkli obitrad. Ja, jiatzt hab is endli a kapiert und sraucha fr mi ausradiert. Da Herrgott hat mas Leben wieda gschenkt und i sicher oiwei daran denk. Gedichtet am 13.Oktober 2007 von Eckhard Schnaitl