REZO A ELEGUA

ELEGUA ESHU ODARA MANICO MANINCONDORO

MANICO MANICONDAYA CANDE LO OLUO COLOFOFO
COLOAA ALYIQUI ESHU BAWUO A LAGUETO ESHU AFRA BARALAYIKI AGO AYUBA

REZO A OGUN
OGGUN GEY FILUMAYO'COBU COBU COBA MILE OCHARERE LAMEFAO QUILONCHE FIEDENO BABA
MI BABA OBE AGO AYUBA

REZO A OCHOZI
OCHOZI ODERERE ODEMATA CRUTO MAZA ODE MATAIZA ODEMAZA OWO AGO AYUBA

REZO A OBATALA
JECUA BABA OBATALA OBATAISA OBE RINIGUALANO CATI OKE FIEDENO
EYIONLE OWO EYIONLE OMA CHICAMO NIQUERO OMO OLOFI AGO AYUBA

REZO A OYA
OYA JECUAJEY A CATAJEY GERI GERI LORON MEZA
CHOCOTO OBINI DODO OBINI SHANGO' AGAMADO'
AGO AYUBA

REZO A OSHUN
OSHUN ABEREBI MORO CUASI AA APETEBI OLOFI APETEBI ORUMILA IYA MI
MUNUCU ASHE' OCHABEREGUAYE ORO MAMAQUEA
APATEBI OLOFI IBAYE DE GUA CODIDE IYA MI
ACHAMARUMA ORIYEYEO AGO AYUBA

REZO A YEMAYA
OMIO YEMAYA IYA MI IYA AYE IYA YORUBA OMIO ACHERERE
AFALABACUO AFALABIMEZA ORO' BINI LADEO AGUERE
OGGUN OMI YENYAO AGO AYUBA

REZO AGGAYU
AGGAYU CHOLA KINIBA SOGUN
ALLAROZO KINIBAKO EGUE' MINILLO ETALA
BOLLA DE CUA VIAA AGGAYU AGO AYUBA

REZO A SHANGO

SHANGO CABO CABIESILE LUECO ASI OZAIN ABEROYUNI

OBACOSO OBALUBE ALAFIA QUISIECO
ARARA ARARA ONI BODE OBA AYE
OBA ODDON AGO AYUBA
REZO A OKE
Oke
Titilatoke
Oyiki yiki okuta
Ayuba
REZO A OZUN
OZUN BORILO' MADUBULE DURUNGANGA
LABOSI AGO AYUBA

REZO A BABALU AYE

OBALU' AYE ASOJUANO CATAMBO ARARA
COMAYOMBE' CHOCUONA MATANLA'BI
AFIMAYE' OSOLLI AGO AYUBA
REZO A OZAIN
OZAIN BERU BERU MALE
OBA OZAIN SEMI OBA EGUE
AGO AYUBA

REZO A INLE
INLE FUMI IWO. BAWO ONICHEGUN A TI RE EYA
BAGBE KI CHEBO NITOSI LAYA NA OMO
NI NA ANO CUELE RE' KI IWO GBA NINA
ATEWO NA IKU ASALO NA ILU KI IWO
OTIWA NITOSI CHE BOBO ODARA DARA MODUKUE
BABA ONICHEGUN INLE IKAWO MI

REZO A LOS IBELLIS

BELLI ORO ARABA AINA ABURO OMO ORISHA
ACHE AINA CAINDE IDEN BELLI AYUBA

REZO A ORISHAOKO, ORISHAMPAGUA

ORISHA OKO AFEFE IKU AFE AROGODO WAILO TI. WA .RO .MO .AYUBA
REZO A DADA
Dada Bayani
Omolowo ade emi
Ade aye Ade lowo
Ayuba
REZO A OBA

Oba si Oba do
Oba nani iyami
Shoto obini Alafin Oyo
Ayuba