Kw’Isoko

ry’Ubuzima
mu muryango w’abakristu
Diyoseze Nkuru ya Bujumbura
Tl 22 22 05 00 / 79 602 229 / 79 455 057
E-mail: sokoryubuzima@yahoo.fr
Site: www.isokoryubuzima.es.tl
"N’ukuri kuri jewe, ubuzima bwanje ni Kristu". (Ph.1, 21) Igiciro 60 fr
Iki kinyamakuru gifasha gutegera Ijambo ry’Imana mu misa no mu buzima
17/4/2011 IDOMINIKA Y’IBISANDASANDA -Umwaka A N°16/2011
Arakaninahazwa uwuje kubw’Umukama! N’ahambwe impundu mw’ijuru
Uyu musi tubona Yezu aca hagati mu bantu bamukunda, bamusa-
nganira nk’Umwami, basharije inzira acamwo n’amashami n’ibi-
tambara. Yezu aduga i Yeruzalemu aca hagati y’abantu bamusa-
nganiza indirimbo, buzuye akanyamuneza. Yicaye ku ndogo-
mbwe. Arakomeza urugendo rwiwe, n’aho hari bamwe mw’ishe-
ngero bishwe n’ishari, bashaka kunumya abariko bararirimbira
Yezu indirimbo z’agahimbare. Abashaka kunumya ishengero,
Yezu ababwira ati: Aba ni bareka kuririmba amabuye azondiri-
mbira. Ku musi w’ibisandasanda, Yezu akomeza urugendo nka
kurya ku musi wa kane mweranda yakomeje inzira imushikana ku
gasozi ka Oliveti, aho yasenga ngo yumve uruhoza rwa Mana
Data. Yuda nawe yafashe inzira, akomeza urugendo rwo kuronde-
ra Yezu ngo amugure, amufatishe, hanyuma yicwe. Mu rugendo
rwiwe, Yezu yavuga amajambo aserura urukundo ruranga umuti-
ma wiwe: Yuda mugenzi, wazanywe n’iki? Yezu amaze gufatwa,
yarakomeje urugendo aboshwe nk’igisuma, bamujana kwa Pilato.
Mu nyuma, bamufatisha inzira yo kuja kuri Kalvariyo, isinzi ry’a-
bantu rirorera. Hari abari banezerewe n’umugambi wo kumwica,
hari n’abandi bari ba sindabibazwa, barorera nk’ibikino ingene ashinyagurizwa; hari n’abari bababajwe n’ikibi ari-
ko arakorerwa, nka babagore bamugendanira barira hanyuma akabahoza. Iyo nzira y’ububabare Yezu yafashe nti-
yabaye impfagusa. Yamushikanye mu buhirwe, ku kanyamuneza no mu ntsinzi y’izuka. Muri iyi misi dutanguye,
Yezu adutumirira gufatanya inzira nawe. Inzira yiwe, ni inzira y’urukiza. Gufata inzira ya Yezu, n’ugufata inzira ya
Yezu y’urukundo n’ikigongwe. Gufata iyo nzira, n’ukugenda turaba Yezu kandi tumwigana. Abatazi kwihweza
Yezu ntibashobora no kumukurikira, barazimagirika. Bavukanyi, n’ubu Yezu aragendagenda hagati yacu, muri
twebwe. Aragendagenda kw’isi yacu, hagati y’abantu. Bamwe baramuzerako urukiza, ariko bamwe bakamuraba
nk’imbwa iraba isuka. Mugenzi, weho uhagaze he? Ni wegere Yezu. Muri iyi ndwi nyeranda, n’ufatanye inzira
nawe, musangire ubuhirwe bw’urukundo rwitanga, aheze agushikane ku ntsinzi ya Pasika.
Mukama Yezu, intsinzi ni rwawe. Yezu yaraduze i Yeruzalemu kugirana Pasika n’abo akunda.
Yarabandanije urugendo rumushikana kuri Kalvariyo, ku musalaba ari wo ntebe y’ubuninahazwa bwiwe.
Abagendanyi ba Yezu ntibakekereza na gato ko ari wa mukiza Imana yarungitse gukiza isi. Ariko araduga i
Yeruzalemu, bamusanganira bavuga bati: “Arakaninahazwa uwuje kubw’Umukama, n’ahabwe impundu
mw’ijuru”. Yezu umwana w’Imana, yarigize umusuku. Indogobwe cari igikoko kigayitse muri Israeli, ariko
yaremeye kwinjira icese i Yeruzalemu ariyo imureruye. Yarigize umwe muri twebwe, aradukunda ahereza-
ko mu kubambwa no mukudupfira ku musalaba, kubw’urukundo adufitiye. Urupfu si rwo rwagize ijambo
rya nyuma. Kubw’intsinzi, ya Yezu ku musalaba, twararonse umwidegemvyo w’abana b’Imana. Imisalaba
yose twikoreye iraronka inseguro: tuyisukiranya n’umusalaba wiwe, tukamenya kurabana urukundo abo
bose bikoreye imisalaba; turaba ivyabona vy’urukundo n’ubuzima biva ku Mana. Ko twakunzwe na Yezu
gushika aho adupfira, natwe ni tumenye gukunda abandi. Yezu yaremeye kugendera ku gitwazi gisuzuguri-
tse. Na twe mu kwicisha bugufi, twemere kuba nk’ibitwazi vya Yezu, tumushire abandi bamuninahaze,
bamusanganire, bamuhayagize, bamutere impundu, amenyekane hose.
Twumvirize iryo Imana ituyagira.
IMISA Y’UKUBABARA KW’UMUKAMA
IGISOMWA CA MBERE: Iz. 50, 4-7. Abancira amate
mu maso sinayabahishije ariko ndazi ko ntazoteterwa.
Ivyo dusoma mu gitabu c’Umuhanuzi Izaya
Umukama Imana yanje yarampaye ururimi rw’u-
mwigishwa, kugira ngo nshobore kuremesha uwaru-
hijwe. Uko bukeye niko ankebura, kugira ngo nda-
mutege ugutwi nk’umwigishwa. Umukama yarazibu-
ye amatwi yanje, nanje sinamwankiye, sinamuzibuki-
riye. Narateze ibitugu abankubita, abanshikura
ubwanwa ndabatega imisaya, abankubita be n’aba-
ncira amate sinabahishije amaso. Umukama Imana
yanje arantabara, nico gituma ivyo bitutsi ataco bi-
ngira; nico gituma mu maso nahakomeje hakada-
darara nk’ibuye, ndazi ko ntazoteterwa
IGISOMWA CA KABIRI: Ph. 2, 6-11: Yarigize ubusa,
nico catumye Imana imushira hejuru ya vyose.
Ivyo dusoma mw’ibaruwa Umutumwa Paulo yandikiye
Abanyafilipi:
Umukama Yezu, naho yamanye akamere k'Imana,
ntiyigeze yishira hejuru ngo n'uko angana n'Imana
ariko yigize ubusa mu gusangira akamere k'abasuku,
mu kwigira umuntu asa n'abandi; yigenjeje nk'umu-
ntu asanzwe, arushirizaho mbere kwicisha bugufi,
aragamburuka gushika yemere urupfu kandi urupfu
rwo ku musalaba. Nico catumye Imana imushira he-
juru ya vyose, ikamugabira Izina rirengeye amazina
yose, kugira ngo kw'izina rya Yezu, bose bakubite ibi-
pfukamiro mw'ijuru, kw'isi no mu kuzimu kw'inye-
nga, kandi ururimi rwose ruyage hose ko Yezu Kristu
ari Umukama, ngo Imana Se ininahazwe.
INKURU NZIZA: Mat. 26, 14-27, 66
Ukubabara kw'Umukama wacu Yezu Kristu
kwanditswe na Matayo:
Umwe muri bamwe Cumi na babiri yitwa Yuda Iskariyoti
aja ku bakuru b'abasaserdoti, ababarira ati: «Mugomba
kumpa iki kugira ngo ndamubahe?» Bamuharurira ama-
feza mirongo itatu. Kuva ubwo, yama ahiga uburyo bwo
kumubaha. Abigishwa begera Yezu bati: «Ugomba ngo du-
tegurire Pasika hehe? Yezu arabishura ati: « Ni mugende
mu gisagara kwa ntuze, mumubarire muti: Umukama atu-
myeko ngo Umunsi wanje washitse, ngomba kurira Pasika
iwa-we hamwe n'abigishwa banje.» Abigishwa bagira nku-
ko Yezu yabategereje, bategura Pasika. Ngo buze kugoro-
ba, aja gufungura, be n'abigishwa biwe uko bari cumi na
babiri. Bariko barafungura, arababarira ati: « Ni ivy'ukuri
ndababariye, umwe wo muri mwebwe aza kungura.» Bira-
heza bibatera umwikomo mwinshi, batangura kumubaza
umw'umwe ngo: «Mbega, Mukama, ni jewe? Na we arabi-
shura ati: «Uwo twasangiye ku nkoko imwe, niwe aza ku-
ngura. Umwana w'umuntu we arigiriye, nkuko vyanditswe
kuri we; yamara aragowe uyo muntu aza kugura Umwana
w'umuntu! Iyo apfuma areka kuvuka, niho vyari kumube-
ra vyo! » Yuda nyen'ukumugura aramubaza ati: «Mbega,
Muhanyi, ni jewe?» Aramwishura ati: «Urabivuze!» Bari-
ko barafungura, Yezu afata umukate, arawuhezagira yo-
ngera arawumanyura, awuhereza abigishwa biwe, ati: «Ni
mwakire murye iki ni umubiri wanje.» Afashe ikalisi, ara-
kenguruka, arabaha ati: « Ni munywe mwese iki ni ama-
raso yanje, amaraso y'Isezerano rishasha, aza guseseka
kugira ngo benshi bakire ibicumuro. Ariko ndababariye,
singisubira kunywa iki kinyobwa c'umuzabibu, gushika
umunsi nzosubira kukinywa hamwe namwe mu Bwami
bwa Data.» Bamaze gukenguruka, bagenda ku musozi wa
Oliveti. Araheza Yezu arababarira ati: « Muri iri joro nye-
ne, mwese muza gutsitara kubera izina ryanje, kuko handi-
tswe ngo: Nzokubita umwungere, ubusho busanzare. Ya-
mara maze kuzuka, nzobatanga i Bugalile. » Petero ara-
mwishura ati: « N'aho bose boguheba, jeho nzokugwa
inyuma ». Yezu aramubarira ati: « N'ukuri, muri iri joro
nyene, inkoko itarabika, uzoba umaze kunyihakana gatatu.
» Petero ati: « N'aho bonyica hamwe nawe, sinoguhakana.
» N'abigishwa bose bavuga bartyo. Yezu ajanye n'abigi-
shwa biwe mw'itongo ryitwa Getsemani, araheza ababarira
ati: « Ni mwicare hano, nigire harya imbere gusenga. »
Ajana Petero na bene Zebede babiri, araheza atangura ku-
ganya n'ugutinya, ati: « Numva ndi n'amaganya menshi
nk'uwushaka gupfa. Ni mugume ngaha duteramane. » Yi-
giye imbere, yubika amaso hasi asenga ati: « Dawe, ni vya-
ba bishoboka, nkurako aya magorwa; yamara ntibibe nku-
ko nshaka, ni bibe nkuko wewe ubishaka. » Agarutse aho
abigishwa bari basigaye, asanga barasinziriye. Abwira Pe-
tero ati: « Ntushobora kumara n'isaha n'imwe uteramye
hamwe nanje! Ni mube maso kandi musabe, mwoye gutsi-
ndwa n'inyosha mbi kuko umutima ufise ingoga, mugabo
umubiri wo ni ntamagara.» Araheza asubira gusenga
ubwa kabiri, avuga ati: « Dawe, aya magorwa ni yaba atari
bumveko ntabashije kuyarinda, ni bibe nkuko ubishaka. »
Ngw'agaruke iyo bari, yongera gusanga basinziriye, amaso
yabo yari yaremerewe n'itiro. Arabareka, asubira gusenga
ubwa gatatu nka kwa kundi nyene. Hanyuma, agarutse ka-
ndi iyo abigishwa biwe bari, ababwira ati: « Ubu ni mwisi-
nzirire muruhuke; isaha y'uko Umwana w'umuntu atabwa
mu minwe y'abayobe iriko irashika. Ni muve hasi tugende,
uwuza kungura ng'uyo araje, ntakiri kure. » Akiriko ara-
vuga ayo majambo, Yuda umwe wo muri bamwe cumi na
babiri arashika, ari kumwe n'abandi benshi bazanye inkota
n'amahiri, barungitswe n'abakuru b'abasaserdoti be n'a-
bashingantahe b'igihugu. Nyen'ukumugura yari yabage-
nekereje ati: «Uwo nza kuramutsa azoba ariwe, muraca
mumufata.» Buno nyene, Yuda yegera Yezu ati: Mwa-
ramutse, ga Muhanyi!» aramuso-
ma. Yezu aramwishura ati: «Mu-
genzi, uzanywe n'iki?» Abandi
baca begera Yezu, bamuta mu
minwe. Muri ico gihe, umwe wo
mu bari kumwe na Yezu asokoro-
ra inkota, agetura ugutwi kw'u-
musuku w'umusaserdoti mukuru.
Yezu aca aramubarira ati: « Su-
biza inkota yawe mu rwubati, kuko abishinga inkota bazo-
kwicwa n'inkota nyene. Ntuzi ko nari gushobora gusaba
Data akandungikira ubwo nyene Abamalayika ibihumbi
n'ibihumbi b'ukuntabara None, ivyanditswe vyoheza bika-
ranguka bite? Hanyuma araba ba bantu ati: « Muje nk'a-
bahiga igisuma, muzanye inkota n'amahiri ngo mumfate!
Ariko mbona ntasiba kwigishiriza mu gisengero, yamara
ntimwamfashe. » Ivyo vyose vyabaye ngo ivyavuzwe n'aba-
hanuzi bitahe. Hanyuma abigishwa baramuta bose bara-
hunga. Bano rero bari bafashe Yezu, baca baramujana
kwa Kayifa, umusaserdoti mukuru, niho abigisha n'aba-
shingantahe bari bakoraniye. Petero yari yamukurikiye,
yamara agendera kure, gushika ku kirimba c'umusaserdoti
mukuru, ashika imbere aja mu basuku araba amaherezo.
Abakuru b'abasaserdoti n'abari mu nama nkuru bose baja
kurondera abagirizi babeshera Yezu ngo bashobore ku-
mwica. Barazana isinzi ry'ababeshi, mugabo nta n'umwe
yaronse ico amwagiriza. Hararuha haza ababeshi babiri
bati: « Yagize ngo yoshobora gusambura ingoro y'Imana,
agaheza agasubira kuyubaka mu minsi itatu. » Araheza
umusaserdoti mukuru ava hasi, ati: « Ntaco wishuye? Ivyo
bakwagiriza ni ibiki? » Yezu na we arinumira. Umusase-
rdoti mukuru aramubwira ati: « Ndakurahije kw'izina ry'I-
mana nzima, tubarire ko uri Kristu, Umwana w'Imana. »
Yezu na we ati: « Ni wewe ubivuze. Kandi ndakubariye, ni
ivy'ukuri, kuva uyu munsi, muza kubona Umwana w'umu-
ntu yicaye iburyo bw'umushobora vyose; muzomubona ka-
ndi agaruka ku bicu vy'ijuru. » Araheza umusaserdoti mu-
kuru atabura ivyambarwa vyiwe, ati: « Aratutse Imana!
Abagirizi turacabaronderera iki? Muravyiyumviye noneho!
None kubwanyu bite?» Na bo bati: « Ni uw'ugupfa. » Ba-
raheza baramucira amate mu maso, bamukubita ibipfunsi,
abandi bamukubita amakofe mu kumurtyekeza, bati:
«udupfindurire noneho, Kristu! Uwagukubise ni nde?»
Muri ico gihe, Petero yari yicaye hanze mu rugo. Umusu-
kukazi aramwegera, ati: « Nawe nyene wari kumwe na Ye-
zu w'i Bugalile?» Petero arahakana mu maso ya bose, ati:
«Sinzi n'ico uvuga. » N'uwundi musukukazi amubone aja
kw'irembo, abwira abari aho ati: «N'uwu yari kumwe na
Yezu w'i Nazareti. » Arahakana agerekako n'indahiro ati:
«Uyu muntu sindamuzi.» Hanyuma abari aho bamujako:
«Ni ivyukuri, uruwo muri bo; n'ivuga ryawe riraguhinyu-
za.» Na we aca aja mu vyo guhakana rwose, arahira ko
atazi uyo muntu. Buno nyene, inkoko ica irabika. Petero
aca yibuka ijambo Yezu yari yamubariye ati Inkoko iza
kubika umaze kunyihakana gatatu. Aca rero arasohoka
agenda arazimagirika, yiyuha iryosozi. Bukeye mu gitondo,
abakuru b'abasaserdoti n'abashingantahe b'igihugu baja
inama bose ngo bice Yezu. Bajana Yezu bamuboshe, ba-
muhereza Pilato, icegera ca Sezari. Yuda yari yamuguze,
ngo abone bagiye kumwica, arigaya, agarukanira abaku-
ru b'abasaserdoti n'abashingantahe b'igihugu ya mafeza
mi-rongo itatu, ababarira ati:« Nacumuye, jewe naguze
amaraso y'umweranda.» Na bo bati: « Bidutwaye iki? Bi-
ragusha. » Yuda rero aterera nya mafeza mu gisengero,
arigira aja kwiyahura. Abakuru b'abasaserdoti barakira ya
mafaranga, bati: « Ntawuyashira mw'ishinguriro ry'ama-
turo, kuko yaguze amaraso. » Niko kuja ina;na rero ngo
bayagure umurima w'umubumvyi ngo baze bawuhambe-
mwo abantu b'akavantara, batagira aho batabwa. Nico gi-
tuma uwo murima bawise Haceldama, n'ukuvuga umuri-
ma w'amaraso; n'ubu niko ucitwa. Iryo umuhanuzi Yere-
miya yari yaravuze rirataha ngo 'Bafashe ya mafeza miro-
ngo itatu, ikiguzi c'uwaguzwe n'abana b'Israeli; hanyuma
bayagura umurima w'umubumvyi, nkuko Umukama yabi-
tegetse. Yezu rero ahagarara imbere ya ca cegera ca Seza-
ri, ico cegera kiramubaza kiti: «Uri umwami w'Abayahu-
di?» Yezu arishura ati: «Ni wewe ubivuze». Abakuru b'a-
basaserdoti n'abashingantahe babandanya kumurega, na
we ntiyagira ico abishura. Pilato rero aramubwira ati:
«Wewe ntiwumva ivyo bakwagiriza vyose?» Yezu arinu-
mira; biranatangaza cane ca cegera ca Sezari. Ico cegera
ca Sezari cahora gihengera ku munsi mukuru wa Pasika
kikabohora umuntu umwe mu baboshwe, uwo igihugu gi-
savye. Mur'ico gihe mu baboshwe, harimwo inkozi y'ikibi
yitwa Baraba. Pilato rero ahengera abantu bakoranye,
ababwira ati: «Uwo mushaka ni nde Baraba canke Yezu
yitwa Kristu?» Pilato yari azi ko Yezu yazize inzigo y'aba-
yahudi. Hano yicaye mw'iciro ry'imanza, umugore wiwe
amutumako ati: « Ntihagire ico mupfa n'uyo muntu mwe-
randa; naraye ndose ibintu vyinshi bimwerekeye.» Aba-
kuru b'abasaserdoti n'abashingantahe bosha igihugu ngo
gisabe Baraba, Yezu na we yicwe. Icegera ca Sezari na co
kibabwira kiti: «Muri abo babiri, uwo mushaka ko ndaba-
rekurira ni nde?» Na bo barasemerera bati: «Baraba.» Pi-
lato asubizayo ati: «Na we Yezu yitwa Kristu nza kumugira
nte? » Bose bishurira rimwe bati: « N'abambwe! » Pilato
arabishura ati: «Ikibi yakoze n'igiki » Na bo barushirizaho
gukoma induru bati: «N'abambwe!» Pilato abonye bibaye
ivy'ubusa, ariko umugumuko uguma wongerekana, yikira
amazi, akarabira imbere y'ishengero, avuga ati: «Amaraso
y'uyo muntu atagira icaha ntangweko, muravyifashe!» Igi-
hugu cose cishurira rimwe kiti: «Amaraso yiwe arakadu-
hama twebwe n'abana bacu!» Araheza Pilato abarekurira
Baraba; Yezu na we ahejeje kumuku-bitisha, aramubaha
ngo bamubambe. Abasirikare b'ico cegera bafata Yezu,
bamujana mu kirimba, bahamagara umurwi wose w'abasi-
rikare baraheza bamwambura ivyambarwa vyiwe, bamute-
rerako ikindi gikwemu gitukura, bajisha urugori rw'ama-
hwa barumwambika ku mutwe, bongera bamupfumbatisha
ikibingobingo mu kuboko kw'iburyo, bakaza barapfukama
imbere yiwe bamutwenga, bavuga bati: « Turakuramukije,
mwami w'Abayahudi! Baza baramucirako amate, bagafata
nya mubingobingo, bawumukubita ku mutwe. Abasirikare
rero bahejeje kumutetagiza, bamwambura ca gikwemu gi-
tukura, baramusubiza ivyambarwa vyiwe, bamujana kumu-
bamba. Bashitse mu nzira, bahura n'umuntu w'Umunya-
sireni yitwa Simoni, baramugobera ngo atware umusalaba
wa Yezu. Bashitse ku musozi witwa Golgota, n'ukuvuga
umusozi w'agahanga, bamuhereza umuvinyu uvanze n'u-
mururazi ngw'anywe; ngo awumvirize, aca arawureka.
Bahejeje kumubamba, bagabangana ivyambarwa vyiwe,
babipfindanirako; baca baricara baramurinda. Hejuru
y'umutwe wiwe, ku musalaba, hari handitswe ico azize ngo
“Uyu ni Yezu, umwami w'Abayahudi”. Baraheza bamuba-
mbana n'ibisuma bibiri, kimwe iburyo, ikindi ibubamfu.
Abahita na bo baramutuka, banaga umutwe, bati: «Wewe
usambura ingoro y'Imana, hanyuma ukayubaka mu minsi
itatu, ni wikize ga nawe turab; ni waba uri Mwene Mana,
ni wikure ku musalaba! » Abakuru b'abasaserdoti n'abigi-
sha n'abashingantahe na bo nyene baramutwenga, bati:
«Yakijije abandi, none na we biranse ko yikiza; ni yaba ari
umwami w'Israeli, n'ave ku musalaba tumwemere! Yizigi-
ye Imana, none n'imukize, ni yaba imukunda, kuko yagize
ngo ndi Umwana w'Imana. » Na vya bisuma vyari biba-
mbwe hamwe na we bimutuka gurtyo nyene. Kuva kw'isa-
ha ya gatandatu gushika kw'isaha y'icenda, umukorane
ukwira isi yose. Kw'isaha y'icenda, Yezu ashira ijwi heju-
ru, avuga ati: « Eli, Eli, lamma sabachtani », «Muhanyi
twibutse ko wa muhumvyi akiri muzima yavuze ngo:
“Iminsi itatu iheze, nzozuka”. Tege-
ka rero barinde uruhafu gushika
ku munsi ugira gatatu, abigishwa
biwe ntibahave baza kumwiba, ha-
nyuma ngo babwire igihugu ko ya-
zutse mu bapfuye Ico kinyoma co-
hava gisumba icambere. » Pilato
arabishura ati: « Namwe ntimubuze
abarinda: genda murinde, murabi-
zi. » Baragenda barihweza uruhafu, bashira ikimenyetso
kw'ibuye, be n'abarinzi.
Usabire bagenzawe bitiranwa n’abo beranda
Umusi Aberanda dusaba Injili y’uno musi
Kuw’Imana, 17/4 Eliya, Aniseto Mt. 26, 14-27,66
Ku wa 1, 18/4 Parfait, Apoloniyo Yo. 12, 1-11
Ku wa 2, 19/4 Timoni Yo.13, 21-33.36-38
Ku wa 3, 20/4 Marselino,Odette Mt. 26, 14-25
Ku wa 4, 21/4 Anselmo,Simeo Yo. 13, 1-15
Ku wa 5, 22/4 Alexandre Yo. 18, 1- 19,42
Ku wa 6, 23/4 Jorjiyo Mt. 28, 1-10
Inyigisho. «Ni mugende
mu gisagara kwa ntuze, mu-
mubarire muti: Umukama atu-
myeko ngo: Umusi wanje
washitse, ngomba kurira
Pasika iwawe hamwe n'abi-
gishwa banje ». Uyo munsi
washitse ni wa munsi Yezu
yari yaravuze inyuma y'aho
Petero amenye kandi apaga-
ragaza Kristu uwariwe, ko ari
umwana w'Imana. Uribuka ko
Yezu yaciye yungako ati: « Umwana w'Umuntu
abwirizwa kubabara menshi, agacibwa n'ababashi-
ngantahe n'abakuru b'abasaserdoti n'abigisha, ha-
nyuma akazuka hashize imisi itatu.»( Luk9,22).
Pasika yiwe yashitse, aratanguye rwa rugendo rwiwe!
Intandagara iza kuva kuri Yuda. Yuda nyen'ukumugura
aramubaza ati: « Mukama mbega ni jewe?» Yezu ati:
« Urabivuze ». Urabivuze! »Yezu ntaciye amucira
urubanza ngo amuryagagure canke ngo amwereke ubu-
hemu bwiwe! Amurungitse kwitonganya we nyene, ku-
baza umutima wiwe! Uko niko twese Imana iturera,
niko idutunze! Wa mugani uti: N'iyivyaye kibi iraki-
rigata! Yezu arazi ko agiye kwicwa, ko igikorwa yatu-
mwe na Data agira akirangirize ku musalaba nico situ-
ma abwiye abatumwa biwe ku meza ati:« Singisubira
kunywa iki kinyobwa c'umuzabibu, gushika umunsi
nzosubira kukinywa hamwe namwe mu bwami bwa
Data ». Ukaristiya ni imfungurwa y'abakiri ku rugendo
R/ Abana b’Abahebreyi,batwaye ibisandasanda,basanganir’Umukama
bashiri’ijwi hejuru bati: babw’impundu mw’ijuru.
1. Isi n’iy’Imana kumwe n’ibiri kuri yo vyose/intara n’ibihaba vyose. R/
2. Rugira ni We yayigize/ ayitereka k mayaga R/
3. Birimba garanzuka nzugi tamanzura/ Umwami w’inganji yinjire R/
4. Uyo Mwami w’inganji ni nde? + N’Imana nyen’Ububasha n’intwari/
N’intwari mu rugamba R/
5. Uyo Mwmi w’inganji ni nde? + N’Imana nyen’ingabo/ Ni yo Miami w’inganji R/
ABARUNDI BARAZI GUTWENZA: Hari umu-
gabo yari umukozi wa Leta yahengereye ku mwisho,
aja gusorora. Afata ibiyeri, insongo, Kenya-
nga arapoperanya. Emwe ziramushika pe!
Ngo agire arataha, zimutsinda mu nzira, aca
yiryamira mu mufurege. Abahaciye, bara-
mubona kuko ukwezi kwaraka. Ngo bamuvyure,
basanga ni intere. Baca bibaza ko ari ibisuma vya-
mukubise, bikamusiga ari intere. Baca bamujana kwa
muganga. Bamushikanyeyo, muganga ngo amukoreko,
yumva yatimvye nk’ikiziga no gukakaza ntakakaza.
Ndabibabariye; umwe wo muri mwebwe aza kungura
Mureke ayo mavuta yayabikiye umunsi nzohambwa....
Ubu Umwana w’umuntu yaraninahajwe,….
Uwo twasangiye ku nkoko imwe, niwe aza kungura
Ni ntakwoza, ntaco uzoba usangiye nanje
Sinatakaje n’umwe mubo wampaye
Ntimutinye; ni muje kubwira benewacu, baje mu Bugalile...
rugana kwa Data, umubiri wiwe ukomeza uwuwihere-
je, amaraso yiwe akatwuhagira ibicumuro! Urupfu rwi-
we ni rutungaboro, rutunga abacumuzi! Ico twozirika-
na, urupfu rwa Yezu si impanuka! Oya ni iranguka
ry'umugambi wa Data wo gukiza abantu, wo kunywana
n'abantu, wo kwiyegereza abantu. Yaradukunze ihere-
zako mu kurungika Umwana wayo Yezu kw'isi, ngo
uwumwemeye ntapfe aronke riho ubuzima! Ku musa-
laba, mu rupfu rwo ku musalaba rwa Yezu niho Imana
yungiye ubumwe n'abantu. Kuva ubwo, uwa Kristu
ahamagariwe kubonesha umusalaba amaso mashasha
kuko urupfu rwiwe ruratwigisha ko hariho ububabare
bugaragaza ko umuntu yategereye nka Kristu urukundo
rw'Imana, ubwo bubabare bugatuma Imana ininaha-
zwa! Ikitubuza gutera imbere mu buzima bwacu n'uko
twamana impungenge n'amaganya imbere y'umusalaba,
imbere y'ibitugora! Tukaba ba mpemuke ndamuke!
Dukunda kwicarana na Yezu kuwa kane mweranda,
mugabo kuwa gatanu mweranda tukamusiga wenyene!
Muvukanyi dusangiye ukwemera, uyu munsi si nshi-
mye kwandika vyinshi, nohava ndakwibagiza igikene-
we! Kurikira ivyo bisomwa bituyagira ido n'ido ivy'u-
bubabare bwa Yezu, duheze twikubite agashi kugira
ayo maraso yiwe ntasesekere ubusa! Icibukiro ca ga-
tanu mu vyibukiro vy'amagorwa: Yezu apfa ku mu-
salaba, dusabe umutima w’ugupfa neza no gupfana
ibanga, tuze dupfe dukunda Imana kandi twasubije
hamwe n'abagenzi. Uwo mutima tuwusabire kandi
abariko baracikana n'abo ivy'isi bihuma amaso
bakikura ku Mana.
Aca abwira abamuzanye ati: Umuntu yapfuye kera, mu-
jane mu buruhukiro. Baca baramujanayo. Aha buri mu
guca, za nzoga ziramuvako. Umugabo araraba
ahantu ari, arahayoberwa. Agize arakabakaba, yu-
mva aryamye hagati mu biziga, aca aravyuka
atuna ku muryango ngo nibugurura ace asohoka.
Haheze akanya, bazana uwundi muntu yapfuye
mu buruhukiro, babaye bacugurura, wa mugabo yirasa
hanze, ariruka. Abakozi bamuja inyuma basemerera
bati: Fata, fata, fata umupfu aratorotse! Niko kuja
kubwira dogiteri bati: Muri ba bapfu, umwe aratorotse!