Zo Phualva

Vo l u m e 0 1 , I s s u e 1 2 September 17, 2011 Thahatna hi lo, vangliatna zong hi loin keima Kha hang ahi hi. Zech 4:6 ZI LEH PASAL ZON ZIA DING
Tangval: Tangval cih ciangin, mi val hi a, a mahkia a om ahihman, alawm ding nungak/ngaknu azon kul hi. Nungak/ngaknu: Nungak/ngaknu cih ciangin, numeite cihna hi a, alawm ding, ama zon kul loin, a ngak hithiat ding a kisam ahi hi. 1. ZI LEH PASAL CIK CIANG NEI DING "Zi neihbaih leh lo pawibaihki khial thei" ci Zomite sungah kum -15 aa zi nei om mah bangin kum-70 teh zi nei pan zong omhi. Laisiangtho in: Paunak 24:19 "Na nuntak nading, zong masa inla, na nek ding a kicin ciang bekin, na inn ding lamin, zilehta neipanin." Jer. 29:5,6 "Inn lamin, huan bawl unla zi pi-in tanu tapa nei un. Na ta pate ading mo la unla na ta nute uh mo kha-in, kiam loin, pung unla, khang zaw un." Paunak 18:22 "Zi mu zote na hoih mu hi a, Topa' maipha ngah hi." Paunak 19:14 "Inn leh neihsate pen pate' tung pan gamh (go) hi aa, Zi pil ahih leh Topa bekin hong pia thei hi. Pasian in, zi leh pasal nei dingin hong awi hi aa, a hun maan aa neih ding leh kikhen kik nawn loh ding hong deih hi. 2. ZI LEH PASAL NEI HUN DING Sangkah te in degree angah ciang hileh hoih a, sumzongte te in sumlepai neihzek ciang hileh hoih hi. Lokho te bel aneih baih hang poilo hi. Pasalte kum 2535 kikal hoih pen a numeite pen kum 18-25 kikal hoih pen hi. Numei kum 25 aphak laitak a pallun laitak hi aa, kum 2,3 khitteh pak banga vul ding hita hi. Ni bang hileh sun 12:00 asat laitak hi. Hunin mi ngak lo, kum tam semsem khangmoi deih semsem, nungak/tangval ten hong gimneih semsem. Zi leh pasal ding teel mahmah ding hi aa, ih kum zong tuat zel ding kul hi. "Zi ding leh mitsawk ding kithei kholhlo, deih teel a val ci, "zabeel teel khialh" cih thu paunak in na om hi. Kitenpih peuh tawh lungkim theite mi hampha. Kum tuat selo aa zi teelteelte in zi hong' neih uh teh atate uh tawh putuu bang, et lawm het lo zel hi. 3. ZI ZON ZIA DING: Lawm nangaih leh ni khatin 2 vei thu ngen inla, zi neih na sawm leh 4 vei thu ngen in (EG. White). Topa kiangah zihoih, zidik ngen masa in. Nanu napa dong masa hamtang in. Lawm leh gualte zong dongsim khian2 in. Bawmta galsuak' kidawm in. Ngai kei leng, ngai mah ding hi veng, ka ngai a, ka ngai kei hi. Eimi eipawl eikhuapih eibeh ei' naihuai hoihpen kha ding hi. Namdang, pawldang khuapua na tenpih leh eimi eipawl eikhuapih eibeh suaksak inla ahi zawdeuh khatbeek teelzek in. Namdang pawldang tawh kitengte abuai tamzaw hi. Na lawmnu in apa bangci bawl hiam? Na sungnu dingin, a pasal bangci bawl? Na zi in a nu' tat bangin hong tading "sakhi api san ano kang lo hi, san hi. "khaikha a gui ah gah hi" Zihoih sang zidik teel masa zaw in mi tampite gensiatte a hoih om kei zaw. Nute gawm zong nial kenla, nute' khen zong mang thei in. Nute'n zong tate ngaih luat tawh, khen ding kilawm sam diam? Nuten zong tate pen a hilo liang tawh gawm buang ding hiam. Kizep laitak leh a nasep laitak enkak in. Na zi neih nanu napa te a kipak diam? Na zi-in na innkuanpihte hong it pih diam? Nang na zi innkuanpihte na it pih diam? Nang sang upa zawte leh mi maksate nunun in a guh peh ding hi kei, a gial nei hi kei civial ken, gial neite ki puah thei a gial nei lote mah ki buai pih hi. Numei teek baih a a gial kituak lo a, a ki buai tampi om hi. khuamial sunga lawm helte satan sawltak ten vil gige hi. Ta mel hoih na deih leh kiten ma-in phengtat ken. Hong tenpihnop man ka gai cithei ding hi. Pasal leh numei vai tam a thei luate mi hoih kici thei lo a, dam loh lawh thei, kamsiat lawh thei hi. Lawm ngaih na hang tawh kibum, zawl ai pia, tuituak, gui-awk gudawn, kithat, kisia gawp, kentuak, zi neinuam nawn lo cih pen lauhuai mahmah a, lawki vai, dawi vai peuh mah hi. Khaici pal kideih bek a, ta pallua kideih lo hi, na zi in kuata peuh hong keng kha diam? Na ta in kua hong sun diam? Na lawm nu nau paipi-in innkuan in kiletthat hethat dah un. Jesu in kitenna siangtho leh innkuan nuam munuam hi. Mopawi bawlzawh loh manin kiciahpih, zawltai, zawlgai, kimakik,nau bawlkhia cihte lawki vailua hi. Numei melhoih a tamzaw zulhzau in, mi tawh minsia thei uh hi. Tua hi a zi melhoih lua zong hoih hong sakpih tamlua in kibuai thei hi. Zawlta neite meimapawn tawh kibang in mang siang thei lo ahihman, kidop huai hi. Nute pate awi bangin,zi zong thei leng, thupha kingahzaw ding a, leitung innkuan nuam panin, vantung inn nuam dong tungto ding uh hi.

Thupuak

Dr. Cin Sian Pau, Church Pastor

ZOP LAI DING

CIDAMNA THU Temperence (Kidek Kidaamna) Ahoih nate ahoihbek a zattheih na leh a hoihlo nate pelhna in Ciim kilkel na hi a, ih zatsiam ding haksa ih sa mahmah lai hi. Kidek kidam na in lei ahihkeh thalawh theih hi a, ahi zongin Galti 5:22,23 sung aa khasiangtho gah ahi Pasian hong piakkhong te in thupi zaw mahmah lai hi. Ih pumpi gihna zong kep cing ding ki sam a, an nek tuidawn zong kidek kidam kul mah mah hi. Pumpi kiloknal na (physical exercise) nisim in ngeina neih ding zong thupi mahmah hi. ICor. 3:16,17 sungah ih et tak ciangin, Note in Pasian tenna biakinn pi nahih na uh ahi zongin, Pasian Khasiangtho in note sungah ong tenna ahi zong in theilo na hi uh hiam? Mikhat peuh in Pasian biakinn a suksiat leh tua mi Topan susia ding hi na ci hi. Ei te in bang ci in ih pumpi susia ih hiam ihcih leh guihtheih khamthei leh an siangtho lo te ihnek ihdawn na hangin ih susia thei hi. Pau . 23:29-33, Siampi 11, Thuhilhna 10: 16,17. EG White laigelhna sungah, aval lua khempeuh mawhna hi na ci hi. Gentehna in, antam nekluatna, sawt ihmut luatna, tam dawn luatna, tam sim luatna, na sep luatna.etc hoih mahmah ta leh alua pen hoihlo bek lo in, mawhna hi na ci mawk ahih manin alua limlim kidawp huai aa, ahoih bek a ih zat theih ding hanciam ding hanciam ciatni. Sm Aye Cing, Dorcas Leader THU TUAMTUAM
Sabbath Thupuak: September 3, 2011 Sabbath Dr. Cin Sian Pau, Church Pastor, in Isaiah 3:24; 24: 19, 20 siksan in thapiakna hong nei hi. Pa Thang Khan Dal te innkuan in sun-an hong vak manin lungdamna lianpi ih ciamteh hi. September 10, 2011 Sabbath pen Sia Mungtong, Youth Pastor, in Elijah Thupuak, Malachi 4:5 cih thulu tawh pawlpi sung, innkuan sung le mimal sungah Thumanna, Kisikkikna, Kha khanlawhna & Kipuahphatna hong omna ding hanthotna nasia takin hong nei hi. Sabbath sun-an pen Nu Mang Lam Vung te innkuan in hong piak khiat manin lungdamna lianpi ih ciamteh hi. Nau-min Apna Kinei: September 10, 2011 Sabbath hunpi ah anuai aa bangin Church Pastor SB Ngaih Cin & CS Pau te in naumin hong ap sak hi. Tg. David Suan Sian Khual (Pa Thang Khat Lian & Nu Dim Lawh Kim tapa), Tg. Mung Sian Muan Sang (Pa Pau Lam Thang & Nu Cing Suan Mang te tapa), Joseph Dai Sian Dongh (Pa Dam Suan Mang & Nu Ciin Ngaih Kim te tapa) te ahi hi. Cheras Yulek Home-cell: September 4, 2011 nitak 6pm in Sia Ngaihcin le Sia Mungtong te makaihna tawh Pa Dal SD Piang omna omna Cheras Yulek ah biakpiakna nuamtak kizang hi. September 11, 2011 ni ciang Nu Niangh omna Cheras Yulek ah kinei leuleu in Pa Mang Sing & Nu Vung Sial Dim te tanu Upen Lia Cing Suan Hung kum 19 cinna suahni pawi tawh kithuah khawm hi. Seventh-Day Adventist Church
15-1-5 (1st Floor) lorong Tiongnam 5 Off Jalan Raja Luat 50350 KL, Malaysia

Kawlgam pan Siapa Hong Zin: Topa'n lam hong honsaksakna tawh Pr Memory Tun (Chairman, MYUM) pen September 9, 2011 sun in Singapore pan Kuala Lumpur, Malaysia hong tung thei hi. Tua nitak mah in Pudu Adventist Church, Kuala Lumpur ah hanthotna, thapiakna hong nei hi. September 10, 2011 Sabbath ni ciangin PAC biakinn ah nekkhawm hong pia in nitak khangno hun pen PWTC biakinn (Zomi Worship Service) Khangnote nasia takin thapiakna le apna hong nei leu2 hi. September 11, 2011 zingsang lam in Singapore lam zuan in ciah kik ta hi. Hibang aa itna leh veina tak tawh tha hong pia aa hong hawh ih Siapa tungh lungdam mahmah hang. Topa'n agim atawlna te leh abei thatang sumlepai te athupha tawh hong dipsak ta hen! Amen. A2 Veina Kepong Veng Kikhopna Kibawl: September 12, 2011 nitak 7:30pm in Nu Mang Lam Vung omna, Kepong Jusco ah Siate thum tawh veng kikhopna nuamtak kizang hi. Hun-uk Sia Ngaih Cin hin lesson sinna Sia Mungtong in hong makaih aa, Sia CSPau in hanthotna hong pia in tha kingah mahmah hi. Hangtuah Veng Kikhopna Kinei: September 7, 2011 nitak 8pm in Pa Thang Khan Dal omna, Jalan Choo Cheng Khay ah biakpiakna le inn thunget tawh thuah in Hangtuah veng kikhopna kibawl a, a kuama ciat in nuam kisa mahmah hi. Sm Lunseuh in hun-uk hong sem in Pa Dam Kam in lesson hong makaih a Sia CSPau in thungetna hong makaih hi. September 14, 2011 ni leuleu ciangin Sia Ngaih Cin omna Hangtuah ah veng kikhop kinei kik in lesson sinna, tecipanna le thunget khopna in hunte kizang khawm hi.

THU ZAKSAKNA Member Fees Zaksakna: Pawl lutna ah kihelna tawh mapang khawm ni. Malaysia om sung teng ding-khatguak: Rm 20; Nupa kop: Rm 30; Innkuan: Rm 50. ZSM Thuzaksakna: Zomi Social-welfare of Malaysia (Genvai Kipawlna) ah kipawl tek ni. Mi 1, Kha 1, Rm 1= kum 1 Rm 12. T-Shirt Kithoh Tading: Abeisa hun a ih lunggulh aom mah bangin pawlpi min tawh ih thoh T-Shirt (puan) a sawt lo in kingah thei tading ahih manin alei dingin kiging khol tek ni. Birthday Program Kibawl Ding: Hong tung ding September 24, 2011 Sabbath pen quarter beina ahih manin July, August, September kha sunga suakte le Topa tung lungdam ko nuam tading hun kibawl ding hi. AY hun ah Pudu Adventist Church panin khangnote hong pai in hun hong la ding uh hi. A thei kha lo ih lawmte gen sawn tek ni. Lungdamkohna: Tutung Zo Phualva laihawm tawh kisai abei khempeuh Tg. Kam Khaw Tuan (Aatuan) in itna tak tawh hong piak khiat manin lungdamna lianpi ih ciamteh hi. Topan athupha hong dipsak kik ta hen! Amen.
Produced & Distributed by ZAC Family (2011)

Zomi Worship Service

014-922 9452 017-329 1810 017-326 5747 Every Saturday: Sabbath School Divine Service Adventist Youth 10:30am 12:00pm 2:00pm

Mr SB Ngaih Cin, Church Pastor Mr Cin Sian Pau, Assistant Pastor Mr Tual Suan Mung, Youth Pastor

PAI DAN DING: BUS > Chowkit Bus Stand MonoRail> Chowkit Station LRT Meileng> PWTC Station KTM Meileng> Putra Station

Email: zomisdamls@yahoogroups.com