Sie sind auf Seite 1von 12

Htawt shut n-mai sai Lagaw lahkam ni

Daw - (5).

Teng sha nga yang, Simsa Lam hkawm( Peace Walk Group) ni hpe (Spy tsan kau nna) Hpungkyi Rawt Malan Ningbaw Shatsam-Yangon, Mandalay hte Letpadaung hkan na ni hpe UG hpaw Ninghtan, ABSDF hte matut mahkai tawn da ya (shn) Alliance kasha langai hku hpaw ninghtan masat dat ya lu yang gaw-Lawu Myen Mung hte matut mahkai hkrang mat nna, Myen hpyen ni hpe Ru gawng, Tawk di kau lu na rai nga ga ai. Shi a Masha tinang Maga gale la kau chye ra nga ga ai. Thibaw Hkaw hkam hte Myen ni Inglik hpe hkrit nna Lata sharawt Asum jaw ai ten-Anhte Jinghpaw ni gaw- Inglik hpe agying hkap gasat anut ai ni rai ga ai. Raitim anhte Jinghpaw ni a Magrau grang , Myit san seng, Sadi dung ai lam hpe chye ai majaw,Inglik ni gaw Anhte Jinghpaw hpe Shanhte a masha shatai la kau masai. Englik ni Myen Mung hpe shaning law law up hkang lu ai lam ni hta Anhte W-P Jinghpaw ni a garum N-gun ni mung grai lawm nga ai. Dai hte maren dai ni anhte mung-Myen a N-gun la nna, Myen hpyen hpe bai nhtang gasat chye ra nga ga ai. Ga shadawn- Shanglawt Ningbaw Kaba ni hku nna, Myen Hpungkyi ni hpe sa du jahkrum ai lam ni gaw- Kaba dik ai Awng dang lam a Ningpawt nan rai nga sai. Shi a Masha,Tinang hpang maga Ginlawm bang la ai lam rai nga sai. Dai hta n-ga..dai ni na Shanglawt Majan hta Kachin ngu ai anhte W-P sha ni hpe Mungkan ting chye taw, Mying dan hkung taw nga sai re. Ya sha nrai.Moi anhte a Ji Wa, prat kaw nna, Mungkan hta Hpyen Gasat kung kyang ai amyu re nga nna, Maigan ni du hkra Labau laika ni hta ka masat da hkrum ai ni rai ga ai. N-lu ai hta, n-chye ai grau ainga ai hte maren- anhte Wunpawng myu sha ni gaw- Myen ni hta grau chye, grau chyang ra nga saga ai. Shaloi she Myen ni a Baw n-tsa kaw lung dung lu na rai nga ga ai.

Anhte W-P myu sha ni gaw- Dinghkrai hku nna ram ai ni, byin ai ni rai ga ai. Raitim- woi awn, gahkyin zinlum, jasu jahprang ai Organization lam ni hta, naw ning-ra ai hpe mu mada lu ai. Grau nna Mung Masa lam hta- Myen ni jahkrit shama hkrum ai nna, grau tsun shaga na n-gwi mat,myit n-lawm mat ai hpe mu mada lu ai.Nam mare hkan na Ramma ni chyawm yawng hkra ngu na Myutsaw myit rawng shajang ma ai raitim, Mare kaba de na ni gaw myutsaw myit Hpungkraw re ai hpe mu mada lu ai.Hkrit myit gaw Galu Kaba, awng dang lam a Kaba dik ai Hpyen rai nga ai. Myu sha lam yan hte Mung Masa lam hta Organization gaw gade ahkyak ai ngu ai lam- Miwa Communist Mungdan hpe yu yang chye na mu mada lu nga ai. Communism hpe ra nna n-rai. Zinlum ai lam gaw- Ngang kang ai N-pawt re lam tsun mayu ai majaw rai nga ai. Miwa Communist ni gaw Myit jasat hpe shawng Dawk bang, Organize galaw ngut ai hpang she, Laknak shakap ya ma ai re. Machyu Pala hta Myutsaw myit dawk bang ya na (shn) Mung masa lam dawk bang ya na gaw ahkyak dik rai nga ai. Myen kaja ai,n-kaja ai ngu ai hta- Mung masha ni hpe Roi rip,Sai chyup taw nga ai Myen Hpyen hpe Gasat shamyit kau ra ai lam Dawk bang ya ra nga ga ai. Shaloi Jinghpaw n-re ai ni yawng hkra Anhte a masha tai mat wa lu nga ai. Dai majawanhte a Organizer ni hpe Mare kaba de shayawn bang dat ra na rai ga ai. Myen Chyanthput ni gawMoi kaw nna - Association hku, Masha shawng mahkawng tawn da chyalu rai nga ma ai. Uhpung Uhpawng N-gun ngu ai kade ahkyak ai hpe shanhte chye tawn chyalu re majaw- Sinat sha hpai taw ai hku n-re sha, Mung shawa N-gun hpe mung- myit lawm lawm, n-lawm lawm, mahkawng tawn da nna, Rapdaw hpaw hpang ai hte rau Chyantkhaing Hpunphyuye Party USDP hku bai gale la kau masai re. Shaloi- Mung masa hku jahta na kun? Hpyen masa hku jahta na kun? Gara hku sa sa, shanhte a matu gaw yawng hkra O-K mat sai re. Bai- langai mi gaw- Myitkyina kaw na Kachin Bin Ladena lam rai nga ai. KIO/A Shanglawt ni hpe tsep kawp gasat shamyit kau ra ainga tsun ai- Bullet Hla Swe hpe(Sadi u)..nga Laika hte Ka jahkrit ai..Hkau Kachin Bin Laden hpe grai shakawn ra nga ga ai. Hla Swe wa mung- Si na n-hkrit

ai.. bai nga ai gaw- Si na hkrit ai majaw rai nga ai. Anhte Myu sha ni- Myen hpe N-sen hte mung chye jahkrit sha ra saga ai. 1988-ning Jawngma Manghkang ten hta Laika ka ai wa gaw-Yangon kaw du taw nga ai re. Nanhte Jinghpaw KIA ni ganang du taw nga ma ta? N-dai ten Mung Masha hte rau MSL hpe Rawt Malan nna Arnar zing la kau yang mai ma ai.nga nna Myen Salang ni tsun ma ai. Myen (Mung masha) ni dai ten hta Rawt Malan Hpung ni hpe grai la dingda taw ai ten rai nga ai. Raitim-gara Rawt Malan Hpung mung n-gale pru lai wa sai re. Myen ni shanhte shada kri hkat taw mu ga- ngu ai lachyum rai kun? gaw n-chye ai. Gara hku mi nga nga- Ahkaw Ahkang kaba langai mi tat sum kau ai gaw teng sha rai nga sai. Dai majaw-Myen hpyen ni gaw- dai ni du hkra Rawt Malan Hpung ni hpe, grai chyeju dum taw nga ma ai. Hka hkyet ai ten Nga chye Rim ra nga ga ai. Dai Matsat Mali ten hta Myen hpyen ni gaw Htinggrum kata kaw makoi rawng lai wa masai. Mung masha ni gaw Myen hpyen ni Asum jaw sai nga kabu taw nga yang- Htawng hkan na Lagut Dummya, Masha Sat ai ni hpe shapraw ayai dat manu ai. Nanhte kam ai hku mya lu mya sha, gashun lu gashun sha hkawm mat wa manu. Sat mayu yang sat. Nat mayu yang nat. Adup abyen mayu yang yang mung myit sha re. Mung masha ni jam jau magang kaja magang. Gade hten yang hten. Kade si yang si.Grau jahten lu magang grau hkrak magang. Dai lam ni- nanhte galaw awng dang jang nanhte hpe Htawng jahkrat Mara jaw tawn ai kaw na shalawt ya na. She hkrak bu si law. She mai bu si law. Htawng masha Lagut Dummya ni masha sat poi, gashun sha poi hpang masai. Myen hpyen ni gaw Htinggrum kata e shanhte hte hpa n-seng ai zawn shingdu dat taw nga masai. Yawng Sat Nat nna, akrin akraw rai mat nna ,Wan hkut hte chyung rai Dum n-ta ni Wan hkru hkat mat ma jang she- MyenHpyen ni gaw Hkye La Madu tai, Mung masha ni a Shim lam sa jaw ai zawn rai masu n-na- Dung Punghkum kaw bai HTIT.Kadai hpa tsun mayu ai law? Pyi Htawngzu Mapyu koi yeDu A-yeAchuk acha Arnar Titant Khaingmyae yeDu A-ye. Be-tu TeTe..Ngate Ma yin Pyi Yaw.

Dai hpang gade nna yang- Myen Hpyen asuya ni gaw Yakhaing Panglai hkin gau maga de Ban Prat gade shaw sha tim,n-ma ai, Dut sha n-ma ai, GAS Wan hkut pru ai bai chye masai. Dai majaw- dai hpe gara hku Madu sha na Namnyan bai daw bang wa masai. Grau nna gaw- Miwa ni Yakhaing Kyawkphu hku nna Midle East de na Patrol Wan Sau shalai la na lam hte, Yakhaing Gas yawng hkra mari la na nga ai lam ni gaw- Yakhaing Mung kaw shanu nga ai Rohingya ni hte Buga masha Yakhaing ni a matu Tsin yam kaba hkrum na n-pawt n-hpang rai wa sai. Ahkaw ahkang hpe masem taw nga ai Myen Chyahkyawn hpyen ni gaw kalang Kahtam, Lahkawng Masum lang di mat hkra Matsat shabat re ai Bawnu ni shachyai bang wa masai. Rakhaing Num sha Thida thwi hpe Rohingya Ramma marai (3) Rape galaw ai lam teng yang teng na re. Raitim dai mung nau n-mai kam nga ai. Hpa majaw ta? nga yang- Myen Immigration ni gaw Gala Rohingya ni kaw na Gumhpraw la nna Rakhaing Mung daw de majoi hte jashawn, Ngut jang Buga masha ni nga n-pyaw hkra Rohyinja ni hpe shamyawk ya, Rakhaing ni hpe Ga law saw shangun,Mang hkang byin jang Myen ni gaw Rohingya maga lawm nna Rakhaing ni hpe bai dip. Hpa majaw i? nga yang Myen Immigration ni hte Up hkang ai ni gaw Rohingya ni kaw na Gumhpraw grai lu sha taw ai majaw rai nga ai. N-dai zawn Rohingya ni hpe Myen ni shamyawk nna, Rakhaing hte Rohingya Manghkang byin taw ai gaw shaning grai na taw sai re. Na jang Rohingya Gala ni hkrai kaput shang wa nna, Rakhaing ni pyi nga shara shamat na masa rai nga masai. Rakhaing Numsha Thida Thwe hte seng nna mungMyen ni Rohingya Ramma (3) hpe Gumhpraw jaw nna Manghkang galaw shangun dat ai lam n-re ngu kadai tsun lu na a ta? Rim tawn da ai Marai (3) kaw na langai mi gawDau si mat ai da. Shim lam dai ram jahkrat tawn da ai Hkyuk kata kaw gara kaw sa Dau si na ta? Longyi Bu hkang hte dau si ai nga yang mung gara Ceilling kaw na Chyinghkyi kaw sa dau si na rai ta? Dau si ai nga shiga shabra nna, dat kau ai lam sha rai nga ai. Dai hpang Manghkang grau kaba jat wa na matu Hi-way Modaw ntsa na Rohingya Muslim Bali Sara Marai (10) hpe garawt jahkrat nna Rakhaing ni

sat ai hku bai galaw masai. Dai ni du dai Marai (10) Sat ai ni hpe rim lu ai lam nnga ai gaw hpa lachyum rai ta? Mahtai gaw- asan sha rai nga ai. Shanhte Myen ni nan Yakhaing tai nna- shang Sat ai lam sha rai nga ai. Du Kaba Lazum Kumhpang hpeMaingde Hpunggaw e- Myen Hpyen La ni hpe Shanglawt KIA Hking Jahpun, A-K 43 hte (16-10-1985) ning hta,gyam sat kau ai hte lachyum bung nga ai.( N-dai lam hte seng nna, Shanglawt KIA ni gaw shanhte n-re ai lam, Shiga a majaw yawn ai lam Mung Masha ni hpe N-dau shabra sang lang dan lai mat wa sai re. Dai majaw Myen ni Shiga Masu shabra ai lam ni nga jang Media kaw nna kalangta bai nhtang sanglang dan na gaw ahkyak dik rai nga ai. Media hpe Media hte bai Adawt ra na ga ai.) Rohingya Bali Sara Marai (10) sat hkrum ai hpang kaw nna - Gala hte Yakhaing ni a Manghkang gaw Sharaw Wan hkru ai zawn mazang n-rin rai mat wa sai re. Manghkang grau grau kaba wa na matu Myen ni gaw gara hku galaw ma ta? nga yang2012-ning June shata (11) ya na Shiga htaMaungdaw/ Kaladan Ginwang kaw na Myen Balik ni gaw- Hindu Gala n-kau mi hpe zinlum nna, Masha kahtam na N-htu, Masha abyen na Hpun Tawng, N-ta Wan nat na( Wan Shanan) ni hpe jahting ya nna, Rohyingya ni a N-ta ni hpe Wan hkan nat shangun masai re. Dai Wan nat taw ai Sumla ni hpe Sumla dem la nna, Rohyingya Gala ni gaw Rakhaing ni a Dum n-ta ni hpe wan hkan nat taw nga ai lam Mungkan Shiga Dap ni de shagun ya masai.(Hindu Gala ni gaw- Myen ni zawnBukda Gawngu naw ai ni rai nna, Rohyingya Gala Muslim ni the makam masham n-bung ma ai. Dai majaw galoi mung n-htuk hkat ai hpyen ni re. Dai hpe chye tawn ai Myen ni gaw- Hindu Gala ni hpe shamyawk nna Rohyingya shatai asung jashawn ai lam rai nga malu ai.) Grau nna GAS pru ai Yakhaing Mungdaw hpe lu madu sha na matu rai nga ai. Myen ni a matsat shabat re ai myit masin hpe galoi mung anhte chye tawn nna Sadi maja ra na ga ai. Maungdaw Balik ni- Hindu Gala ni hpe jai lang ai kaga lam langai mi gaw- Hindu Gala ni gaw Rohyingya Gala ni hte Hkum hkrang, Gawng shing yan yawng hkra grai bung ai majaw rai nga ai. Dai hta n-ga, Myen Balik ni gaw-

Hindu Ramma ni hpe Rohingya Lu Sha Seng hkan na N-gu, Sau hte Tsi Mawan Lu Sha ni hpe gashun la shangun nna Sumla gayet la ai lam, dai Sumla ni hpe mung Rohingya ni gaw Rakhaing Seng ni hkan na Arung Arai ni hpe gashun lu gashun sha taw nga ma ai nga nna- Media hkan bai shabra gamawng dat masai. N-dai lam ni gaw- Myen hpyen asuya a Balik ni Rohingya Gala ni hte Yakhaing ni hpe Sumprat dawk Sat hkat shangun nna, Yakhaing Mungdaw hpe madu sha lu na lam hte, Rohingya Gala ni hpe mung Shup sha ngut ai hpang Myen Mung kaw na Hkindit shale kau na Masing Ladat ni rai nga malu ai. Ya kalang mi bai, Shanglawt Majan hta Shanhte Myen hpyen ni n-hti nhtang sum nna Gaya hkrum taw ai hpe shari bai la na matu, Letpadaung Hpungkyi ni hpe Wan Bawm kabai bun ai Manghkang ni, Awng San Suu Kyi hpe Mung Masha ni matsa mawa, Marawn Grak bun ai ni hpe magap kau lu na matu Meikthila Manghkang hpe bai shajat dat masai re. Teng sha nga yang Meikthila na Ja seng Manghkang gaw ngut kre mat sai re. Raitim- dai Manghkang hpe grau kaba hkra hpyen asuya ni gaw 1988-ning na hku- Htawng kaw na Lagut Dummya, Masha sat ai ni, hte Chyanthput ni hpe Mung masha hpyi hpun shangun, Hpungkyi Tinggan lawai shangun nna Gala Muslim ni hpe bai hkan sat, Nat shangun masai. Mungdan ting n-gasu gasu hkra Wan bai Nawn ya masai. Yawng hkra jahten sharun ngut ai hpang she Balik ni du sa wa ai ngu gaw,jahkrum tawn nna galaw ai lam grai nan dan dawng nga ai. Sa sharun jahten ai ni mung- kaga shara hkan na du sa wa ai masha ni hkrai re lam chye lu ai. Dai ni gaw 1988-ning na zawn Htawng kaw na Masha sat, Lagu lagut, Mya lu mya sha ai (Lu Maik= Tsuan Ah Shin) hte Mung masha hpyi hpun da ai(Chyanhput) hte Hpungkyi Masu ni hkrai rai nga ai. Yet Tset Ma Min Hpyitnga ai Myen Ga Malai nga nga malu ai. Zingri zing rat lu jang she Hkaw hkam tai ainga ma ai. Shanhte bai lu up sha na matu gaw Laknak n-lu ai Mung masha hpe dang sha ,zing ri sha lu jang she (Arnar) grin na rai nga malu ai. Gala n-dang jang Yahkaing hpe roi sha Kala Manaing Yakhaing menga ai Myen Ga Malai nga ai hte maren- Ya dai ni kalang mi bai- shanhte Myen hpyen ni Jinghpaw KIO/A hpe n-dang jang- Kachin

Manaing Kala Me bai byin masai re. Shanglawt Majan sum ai majaw Gaya pawt pawt nna, Gala hpe Jahte bai tam wa ai lam rai nga ai. Gala hte Myen a Manghkang i? Budda hte Muslim a Manghkang i?..gara mahtang re pyi n-chye mat mat hkra she rai sai. CHyoit Manaing Chyi Mi Shu.(Yu). n-dang sat ai majaw Mam Dum Wan nat kau ai masha Angawk hte bung nga ai. Ya kahtap nnaJinghpaw Mung de Gala hte Jinhpaw Manghkang byin jat na matu bai shakut taw nga ma ai lam- May shata (6) ya shani na ABC Australia Shiga hta na chye lu nga ai. Jinghpaw Mung de na Hpu nau ni, grai Sadi maja nna nga ra na saga ai. Hpa majaw-Simsa lam Nobel Prize hte Shagrau Kumhpa law htum lu tawn ai Myen Mung gaw, N-simsa dik ai Mungdan byin taw a ta? Dai zawn Ruk Rak taw ai lam ni gaw(1). Myen hte Muslim mang hkang kaba mat jang she- KIO/A hte UNFC Manghkang kaji mat na(2).KIO/A hte Gasat sum nna, Mungkan hta hkrat mat ai Shari hpe bai awai la lu na matu(3). Shanhte Hpyen asuya hpe Hkye la Madu hku nna Mung masha ni bai Kam hpa wa na matu(4).Gasu kabrawng ai hpe Layung madi dan nna, Hpyen dap ni mung masha hpe bai jum tek ai- Fascist hpyen up hkang hkrang hpe asak bai matut na mat u rai nga malu ai. Lahta e tang madun lai mat wa sai hte maren- Ya Meithila hte,Myen mung shara magup hkan Wan nat hkawm,masha sat hkawm ai ni yawng hkra gaw, Hpyen asuya ni a masha hkrai rai nna, shanhte a masha hpe shanhte bai rim, htawng bai jahkrat masu rai, Hpang kaw na chyinghka lam hku bai shapraw. Kaga hkan bai jahten hkawm shangun. Gai.kadai hpa tsun mayu a ta? Myen mung jam jau ,hten za magang shanhte Myen hpyen asuya ni up sha pyaw magang rai nga masai. Rai yang- anhte Hpyen asuya hpe dai Dung Punghkum kaw na gara hku hkindit jahkrat kau lu na ga ai rai ta? Shanhte hkrit ai

gaw- Rawt Malan Hpung ni hte Mung masha ni kalang ta rau sha n-gun gahkyin nna shanhte hpe Ninghkap wa na hpe sha tsang dik rai nga ma ai. Dai ni Anhte UNFC ni hpa majaw Mung masha n-gun hpe n-lu gahkyin zinlum la lu nga ga ta? Sharaw Rawng Ba gaw- Uhpung hka ai Dumsu ni hpe langai hpang langai htim kaup sha na matu masem shani wa nga sai re. UNFC ni, Mau nga, Am nga n-mai sai. Hkanghkyi myit jasat hte lawan n-htang Ninghkap ra na saga ai. Ya aten- Myen (Mung masha) ni gaw, shanhte grai kam hpa myit mada tawn da ai Democracy Ningbaw Awng San Suu Kyi- Hpyen asuya ni a Dun-Ye tai mat ai majaw- Lawze shamat ai Miwa La zawn mau mahka mat manu ai. Grai chye dum, Kung dum ai ASSK gaw- Hpyen asuya a Lakung Lakap tai mat sai nga, PDP (Parlimentary Democracy Party) kaw nna tsun lai wa sai re. Dai PDP Party gaw ASSK a Kawa Bochuk Awng San wa nan 1945-ning hta- woi hpaw ninghtan ai Fascist Japan Rawt Malan Mung Shawa Hpung(The Anti-Fascist and the People Freedom)- a Gawng Malai rai nga ai. N-dai zawn ASSK hte Theing Sein rau pawng nna Democracy de galai shai wa ai gaw ASSK ram ai, byin ai majaw re nga- Mungkan Mungdan shagu gaw yu kabu, n-gun jaw nga ma ai. Yawng hkra gaw ASSK a hpang kaw Nga Urut ru ai zawn,gashun gashe, kabye si n-tsang Sumla gayet ai gaw gayet, Shabyi pup ya ai gaw pup ya rai-tawng mi Myi tsumra yu maza lai wa sai re. Dan hkung ai wa hte rau lu kahtep jang , shanhte mung Power lung nna- Shat n-sha ra na wa shadu ma ai kun? ngu- Mungkan masha ni hpe mau n-ma she rai sai. ASSK hte sumla rau lu gayet jang she masha jahpan shang na zawn zawn, Tinang a Shari hpe pyi n-myit yu, Banau Bat manam ai ni hte sa kahtep lu ai hpe grai Arawng Power lu dum ai Sina Mung na Marku Hpaji rawng ai Mungdan Baw Lapau nga ai ni hpe mung yu pyi mau sai. Shanhte hku nna Democracy Hkrun lam hta grau shakut u ga nga nna sa n-gun jaw ai lam gaw rai na ma ai. Raitim- Theing Sein hte Hpyen asuya a matu gaw shanhte hta grau wa ai ASSK hpe yu lu sana n-re gaw teng nan rai nga ai. Dai majaw- ASSK hpe myiman sa shapa ya ai ngu ai hta, Hkaraw Ninggam de sa htu jahkrat bang kau ai hte bung mat nga masai re. Hpa majaw - Intelligence hta dai ram byin ai Mungdan kaba ni Myen ni a Maw Lanyet hpe sha pyi n-chye maram ma ai

da i? Myi di, Na hpang, Duk Samak rai n-gun jaw ai Blind ni hpe yu kaba na lam hpa nnga nga ai. Dai majaw- Tianang a hkum hpe Tianang kam hpa ai Self Confidence gaw manu dan dik rai nga ai. Manang ni pyi Pa Ra ai law nga- majoi hkan Pa Ra nang yang gaw- tinang jawn ai Gumra Ayi, Ala re n-chye ginhka ai hte bung mat nga sai. ASSK ram pyi Experience n-nga ai lachyum the bung mat nga sai. Munghpawm Mungdan kata e byin taw nga ai mayak manghkang ni the seng nna mungASSK gaw anhte W-P sha ni hte seng nna-Ga hkaw mi pyi n-shang shaga ai hpe mu lu ai. Dai gaw- Anhte hpe Sat,Nat, taw ai hpe n-gun jaw taw ai hte bung nga ai. Hpang jahtum- Mung masha ni nau garu wa jang she- kadai n-saw shaga ai..ngai gara hku tsun nanga nna lit n-la, shingdu dat ai ga tsun lai wa sa re. Sh Awng San Suu Kyi gaw Myen hpyen ni the maren- Anhte W-P My sha ni a Hpyen nan rai nga sai re. Shanglawt KIO/A Asuya hku nna mung- Simsa lam hte seng nna, Kade a garum shingtau ai lam hpe mung la na n-myit tawn da ai lam Tawk hprut bai tsun sang lang dan sai. Mungkan hta mying kaba Danhkung dik ai Super Star Dr-Awng San Suu Kyi hpyek la galau, Gaya kaba hkrum mat nu ai. Myen hpyen asuya ni gaw- shanhte amyaw amya n-hti nhtang rai ahprun tawn da ai Manghkang, Mayak mahkak ni yawng hkra hpe ASSK a Baw n-tsa de hpai mara tawn nna, Je yang hparan shangun masai. Yawng hkra gaw ASSK. N-gung katut na lam ni hkrai rai salu ai. ASSK gaw-shawng nnan na Lagaw Lahkam htawt ai hte nan pyi- Mung masha ni a Ninghkap ai hpe katut sha nu ai. Letpadaung Manghkang hta Mung masha ni gaw, Myit n-gut, Maroi nni ai N-sen ni hte ASSK hpe hkap Ninghkap Marawn Ahkre bun masai. Hkrap ai ni gaw Hkrap, Pawt ai ni gaw pawt, Myit n-lu sharang nna, kadang Malap mat ai ni gaw malap mat rai, Mung masha ni a hkam sha ai lam ni gaw ASSK hpe Mungkan ting a man hta- grai yu n-htuk ai (shn) ASSK hpe Krung Sinwa de Hkindit jahkrat bang kau ai, Kaba dik ai Hkrat sum lam rai nga salu ai. Mung Masha ni a Right hpe grau nna Favour jaw ai Democracy Mungdan de Lam yawng yawng sa nga sai nga ai Myen mung gaw hpa majaw ndai Manghkang kaba ni byin pru wa a ta? Ga san ni grai pru wa sai re. Mahtai gaw-

ASSK hku nna, Shut kaba langai mi galaw hkrup kau dat nu ai lam, grai nan dan dawng mat sai re. Gara hku nna Democracy Mungdan Kaba ni ASSK maga de tsap gwi sana rai ta? Nlung kabai katut na lam sha rai nga sai. ASSK hpe Shabyi Pup ya n-na Special sa shagrau lai mat wa sai- Hkau Obama pyi Shat dang dang taw sana n-hten? Dai majaw- Awng San Suu Kyi gaw.. Awng San Hput Kyi .. byin mat sai re. Asak hkrung taw tim Mying gaw Si mat salu ai. Dai hku NLD a Baw hpe lu abrep sat kau na matu Theing Sein hte shi a Chyanthput Party ni lagu shakut taw nga ai grai na masai re. Ya gaw- Aw Ra Ra, Nau Pa Pa taw nga na masai. Raitim shanhte ASSK hpe Gumsan Magam byin hkra naw galaw na ma ai. 2008-ning Constitution kata de ASSK shang lu hkra bai byeng nna, ASSK hpe naw shangun sha ra ai n-rai ta? Hkum hkrang gaw ASSK a hkum hkrang , n-sen gaw Theing Sein a n-sen pru wa na matu grai lajang shakut taw nga ma ai. Shing rai- ASSK hpe yawng hkra Shup la ngut jang- Jut de kabai matsut kau na gaw- Ga lahtum n-shut nan rai nga ai. Nau Chye Nau lai Gwi Hkye Du Bainga ai gaw- ASSK nan rai mat salu ai. GoiSit. N-dai ningmu ni hpe tang madun ai lam gawMung masa lam de ASSK hpe Mung masha ni hte Mala hka mat hkra Sumprat dawk, Ra Lata Me n-lu mat hkra galaw, Parliament kaw shanhte Chyanthput ni yawng hkra shara la tawn da ngut jang 2015-ning Ra Lata poi a matu shanhte hpa n-tsang ra sai. Ngut jang Hpyen Masa lam de N-gun bai dat na hkyen lajang wa sana re. Dai majaw-Mung Masa Ku hta shanhte yawng hkra shara la tawn ngut sai Parliament hku nna Ga n-shaga ai sha, Lak san tsun bawng na, Lak san tsun shagrin na . Kade a confirm mung n-la ra ai sha-Mungdaw a lu ang ai Federal Ahkaw ahkang hte hkrak tup, tsun hparan dawdan la na gaw ahkyak dik rai nga na ga ai. Dai n-rai yang ASSK zawn shanhte a Urawng kata de shang hkrup mat nna, Sat sha katut ai baw gaw grain an sadi maja ran a rai nga mali ai. N-dai gaw Laika ka ai wa a Ningmu sha rai nna, grau kung hpan chye chyang ai Tara Kasa Kaba ni hte 2008-ning Hkrang hpe hkut hkut nai nai,Maram dinglik yu nna Political Dialogue galaw na re ngu myit kam nga ga ai.

Myen hpyen ni a Lagaw lahkam hpe yu ai shaloiZim saga she anga taw tim, galoi zim hkra galaw ni n-re ai hpe mu mada lu ai. Hpa majaw i?-nga yang Zim mat jang, Simsa mat jang shanhte galaw sha na lam pat mat na rai nga malu ai. Hkau na galaw ai wag aw- hkau na Htu taw nga yang she shat lu sha ai zawn Hpyen la ni mung Majan gasat taw nga yang she hpyen jarik lu htuk sha na rai nga malu ai. Dai majaw .. Bai chyinglau dat. Bai Simsa dat rai ginsup taw nga na sha re. Shanglawt KIO/A Asuya ni hku nna mung- Lapran Mungdan Observer ni n-lawm yang Hkrum Shaga Bawng ban ai lam Tsep kawp ngalaw na re lam Tawk hprut tsun tawn da chyalu re lam chye lu ai. Kabu N-gun lu hpa Shiga rai nga ai. ( 08- May-2013 Phopthaw News)Hpun langai mi gaw- lakung, lakying loi li sha krum masu yang - grau pyi wum jat wa nga ai. UNFC ni hku nna- Myen Hpyen ngu ai Lagat Hpun hpe krum taw nga ai shaning grai na sai re. Hpa majaw dai ni du naw tu kaba taw nga ai rai ta? Mahtai tam, Ladat shaw ra na saga ai. UNFC..ngu ai Ningwa Kaba hte Myen hpyen ngu ai- Lagat hpun Lakung, Lakying ni yawng hkra hpe- krum daw, kahtum daw nna, Ru ni yawng hpe du hkra gawng kabai Wan nat Sat kau ra na saga ai law. (Chyeju Kaba sai.)By -

Bum Chyangau.