Synfocity = 456

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648

19th September, 2013

Obituary : Rev. C. Lalrampara (80) Rev. C. Lalrampara (80), Aizawl Venglai chu Sepember. 15 (Pathianni) chawhnu dar 1:05 khan Pneumonia natnain a thi a, September 16 (Thawhtanni) dar 11:30 am-ah in lamah thlahna hun hman a ni a, dar 1:00 pm-ah Aizawl Venglai Biak Inah Rev. Vanlalzuata, Senior Executive Secretary-in thlamuanna thuchah sawiin a vui. Rev. H. Lalrinmawia, Synod Secretary-in a chanchin sawina hun a hmang a, Rev. Dr. R. Lalbiakmawia, Finance Officer-in tawngtaisakna hun a hmang a, Aizawl Venglai Kohhran Zaipawlten hla an rem a, Rev. K. Lalthangmawia, Synod Statistician-in malsawmna sawiin vuina inkhawm a tin a ni. Rev. C. Lalrampara hi July 11, 1933-ah Baktawng khuaah a piang a. A pa chu Upa Kapliana Chhakchhuak, Baktawng khuaa Presbyterian kohhran dintu zinga mi a ni a, a nu chu Thuamliani Vanchhawng, Bible Women a ni. An unau hi 6, mipa 3 leh hmeichhia 3 an ni a, ani hi a naupang ber dawttu a ni. Kum 1954-ah Zaikungi, Upa Tunga fanu nen Pastor Kawlkhuma, Raldan (Thentlang) kutah an innei a. Fa 9, mipa 5 leh hmeichhia 4 an nei a, pahnih tih loh chu an la dam kim a ni. Kum 1965-ah Aizawl Theological School-ah L.Th. zirin a lut a, kum 1967 April thlaah a zirlai chu tha taka zovin June thlaah Pro. Pastor atan lak a ni a, Pastor Robawia kaihhruaina hnuaiah Chhingchhip Bialah a thawk a ni. Kum 1970 Synod Inkhawmpui, Mission Venga neihah Pastor atana nemnghah a ni a, nemngheh a nih hnuah Suangpuilawn (1971-1976), Phuaibuang (1977), Keikhum, Sateek (1978-1987), Sairang (1988-1992) leh Armed Veng (1993-1994) Bialte a lo vawng tawh a ni. Kum 1993-a pension tur a ni a, a service extend anih avangin 1995-ah a pension ta a ni. Rev. C. Lalrampara hi February 2013 atangin a bawksawp tan a, thla khat kalta vel atang khan zun leh ek thiarsak ngaiin a awm a, ni 14.9.2013-ah a lo chau zual a, a thaw te a hah a, Synod Hospital, Durtlang-ah kalpui nghal a ni a, Pneumonia natna a ni tih an lo hmu chhuak nghal a, ICU-ah dah lut nghalin, Doctor-te leh thawktu dangten theihtawp chhuaha an enkawl laiin September 15, 2013, 1:05 p.m.-ah rawng a bawlsak thin a Lalpa hnenah a chawl ta a ni. Zin w September 16 - 24 chhung hian Empowering Church Leader programme hmang turin Tahan-ah Rev. Lalzuithanga, Executive Secretary a kal. w September 20 - 22 hian Chhiahtlangah Accounts Training & Finance Campaign nei turin Upa C. Lalmuankima, Asst. Finance Manager; Upa Ramtharliana, Revival Speaker leh T.Upa C. Sapchhawna, Revival Speaker te an kal ang. Lay Leaders Training Vawi 178-na Synod Multipurpose Training Centre (SMTC)-in September 16 atanga Kohhran Upa te puala Lay Leaders Training vawi 178-na a buatsaih chu zanin (Sept. 19) hian a kharna inkhawm Synod Conference Centre-ah neih a ni ang. Kharna inkhawm hi Rev. Zosangliana Colney, Programme Director, SMTC-in a kaihruai ang a, Rev. P.C. Pachhunga, Executive Secretary-in training chhuakte hnenah Certificate a sem ang a, thuchah a sawi bawk ang. Mission Vengthlang Bial Zaipawlte an zai ang a, Trainees aiawhin Upa Lianthangan thu a sawi ang a, Rev. Lalhluma Sailoin lawmthu sawina hun a hmang ang. Lay Leaders Training hi Kohhran Upate rawngbawlna tihchakna atana buatsaih thin a ni a, tun tumah hian Presbytery hrang hrang - Khawthlang, Lunglei East, Serlui, Tlawng, Tuichang, Tuichangral North, Tuichangral South, Tuivawl, Tuivawlral, Tawi, Hmarchhak, Aizawl Chhim leh Ramlai atangin Kohhran Upa 59 an tel thei a ni. Synod Multipurpose Training Centre hian Vocational Training hrang hrang Puanthui, Pheikhawk Siam, Laphiar leh Computer zirna a buatsaih thin a, kum 1996 atang khan Ministerial Training a buatsaih thin a ni. Campus Ministry September 26 (Ningani) hian Serchhip khaw chhunga High School, Higher Secondary School leh College-te tlawhin hun hman a ni dawn a, Rev. V.L. Krosschhuanmawia, Campus Ministry Coordinator, Upa Dr. B. Lalrinsanga, Ramhlun Vengchhak, Pu Lalremruata, Tlangnuam leh Tv. C. Lalremruata, Outreach Worker-te an kal ang. September 27 (Zirtawpni) hian Serchhip Kawnpui Presbyterian Kohhran Hall-ah Life Skills of a Teacher tih thupui hmangin workshop an nei zui nghal ang. He workshop-ah hian Serchhip khaw chhunga Sawrkar leh Private Elementary School atanga College tin atangin zirtirtu pahnih theuh tel tura beisei an ni. Chawhma lamah Rev. H. Lallianzara, Serchhip-in programme a kaihruai ang a, Pu Zolawma, DEO, Serchhip-in thusawina hun a hmang ang a, Rev. V.L. Krosschhuanmawian Life Skills of a teacher with special reference to Value Education tih thupui hmangin paper a present ang a, sawihona neih a ni ang. Chawhnu lamah Rev. C. Lalduhawma, Serchhip Vengchung-in programme a kaihruai ang a, Pi Lallianzuali, SDEO, Serchhip-in thusawina hun a hmang ang a, Upa Dr. B. Lalrinsangan Life Skills of a teacher and dealing with the children tih thupui hmangin paper a present ang a, sawihona neih a ni leh ang. Social Front w September 16 - 18 khan Hnahlan-ah Political Education Seminar neih a ni a, hemi neihpui hian Rev. Lalrinmawia, Member, HIV/AIDS Cell; Rev. H. Zothansanga, Member, Social Front Committee leh Rev. J. Lalremsiama,Campaigner te an kal. w September 26 & 27 hian Synod Conference Centre-ah Synod Social Front buatsaihin Rampum huap HIV/ AIDS Awareness Campaign neih a ni dawn a, heta tel tur hian ram chhung Kohhran tin aiawh pakhat theuh tel tura beisei an ni. Programme kimchang phek lehlamah tarlan a ni. Kristian Thalai Pawl w September 21 (Inrinni) hian Sateek Bial Leadership Training neihpui turin General Secretary Upa Zonunmawia leh Asst. Coordinator Pu Lalmuanpuia te Lungsai-ah an kal ang. w Central KTP chuan KTP member rahbi tleute chhanchhuahna atan /Rehab. Centre/Home-a awm duhte tan sponsorship a kalpui tan ta a, Centre/Home-a an awm chhung senso tumsakin After Care-ah pawh eng emaw chen chu a buaipui zui ang. Hetiang mamawh KTP Branch huam chhungah an awm a nih chuan Branch hmingin CKTP ah dilna siam theih a ni. A kalphung tur : 1) Family Guidance & Counselling Centre te nen thawk hovin anni lam hian centre-a awm duhte counselling an neihpui phawt ang a, chumi hnuah centre-ah a indah luh theih chauh ang. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

2)

Centre hi Aizawl-a mi hman a ni rih phawt ang (AMRO, Synod Rescue Home, Jeriko Khualbuk, Peace Home, hengte bakah a tul ang zelin khawpui chhunga hmun dangah pawh a awm theih ang) 3) Central KTP lamin sum leh pai leh a centre awmna tur a buaipui ang a, a bak zawng Branch lam kutah dah a ni. 4) Central KTP ah dilna siam tur tih hian dilna thehluh paha a camper tur rawn hruai nghal a ngai lo va. KTP office, counseling petu tur FG&CC leh Centre lamte inbiak fel hnuah hma lakpui a ni ang. w Mizoram Synod Choir chuan September 16 (Thawhtan) zan khan Aizawl Venglai Branch KTP Choir Nite an hmanpui. September 22 (Pathianni) zan hian Electric Veng Kohhran Golden Jubilee lawmna inkhawmah an zai ang. 1 Music September 17 - 20 hian Bawrai Kohhranah Conductors Training neih mek a ni a, hemi neihpui hian Pu Lalromawia, Synod Music Instructor leh Upa Thanghuta, Dam Veng te an kal. MSSU September 21 (Inrinni) hian Champhai Bethel Kohhranah Sunday School Zirtirtu Training neih a ni dawn a, training neihpui tur hian T.Upa Lalthahluna Ralte, MSSU Asst. Coordinator; Upa K. Vanlalnghaka, Ramhlun East leh Pu H. Lalvulliana, Ramthar Venglai (MSSU Trainers) te an kal ang. Family Guidance & Counselling Centre September 20 - 22 hian Lawngtlaiah Nupa Retreat & Kristian Chhungkaw Campaign neih a ni dawn a, hemi neihpui tur hian Rev. C. Rosiama, FG&CC Counsellor leh T.Upa H. Lalchhandama, FG&CC Office Assistant te an kal ang. Hruaina Eng FM Radio & TV Programme w SEPTEMBER 20 (FM Zoawi Aizawl @ 7:30 p.m.) : Solo : Lalremruata - Mittui a hul ang, Choir : Dawrpui Bial Zaipawl - Hnehtu krista, Thuchah : Upa C. Lalduhawma - Tunlai huna Chhungkaw inrelbawlna, Solo : Debbie - I va hlu em Lalpa, Choir : Sialhawk Ramthar Kohhran Zaipawl - He Kan Zinkawng, Solo : Zarkawt KTP Male Voice - Rinin Tlang w SEPTEMBER 20 (FM Lunglei @ 7:30 p.m.) : Solo : Lalremruata - Mittui a hul ang, Synod News, Choir : Lunglei Electric Veng Kohhran Zaipawl-Chhandamtu Hnenah Kunin, Thuchah : Upa C. Lalduhawma - Tunlai huna Chhungkaw inrelbawlna, Solo : Debbie - I va hlu em Lalpa, Choir : Lunglei Presbyterian Choir-Ka Hrethiam Tawh Ang, Male Voice : Zarkawt KTP Male Voice - Rinin Tlang w SEPTEMBER 22 (TV Programme @ 3:00 p.m.) : Zaipawl : Tuikual South Pavalai - Adam khawnge i awm, Playback : Fiji ram harhna, KTP Film : College Veng Branch Susamachar Prasaran Programme SEPTEMBER 22 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Chawlhhmun Masihi Sangati - Daya Ka Sagar, Group/Choir/Solo : Lunglei Area Masihi Sangati - Yisu lio tera nam, Sermon : Lalhruaitluanga - Isu Kaun hai, Group/Choir/Solo : Maubawk Sikul Veng Masihi Sangati, Group/Choir/Solo : Khatla Masihi Sangati Moderator Programme Synod Moderator Rev. Lalramliana Pachuau chuan hetiang hian hun a hmang ang : w September 22 (Pathianni) Chawhnu : Electric Vengthlang Kohhran w September 22 (Pathianni) Zan : Electric Veng Kohhran w September 24 - 26 (Thawhlehni-Ningani) : CSI Mission Consultation, Chennai

Rampum huap HIV/AIDS Awareness Campaign

A hmun : Pi Zaii Hall, Synod Conference Centre DAY I - SEPTEMBER Chawhma Chairman Power point & Paper Presentation Resource person Solo Thingpui Chawhnu Chairman Testimony Sawihona & Zawhna 26, : : : : : : : : : : 2013 (NINGANI) 10:30AM-3:30PM 10:30 am - 12:30noon Rev. P .C. Pachhunga, Executive Secretary i/c Social Front HIV/AIDS natna leh a kaihhnawih Dr. R.L. Sanghluna, Synod Hospital Nl. Lalremruati (Na-emi) 12:30pm - 1:00pm 1:00pm - 3:30pm Dr. Vanlalruata, Committee Member, HIV/AIDS,Drugs Cell HIV/AIDS tuar tawh hnen a\angin

SYNOD SOCIAL FRONT

DAY II - SEPTEMBER 27, 2013 (ZIRTAWPNI) 10:30AM-3:30PM Chawhma : 10:30 am - 12:30noon Chairman : Upa Lalzuitluanga, Committee Member, HIV/AIDS,Drugs Cell Power point : HIV/AIDS natna veite enkawl dan & Paper Presentation Resource person : Dr. Lalchhanhima Ralte, Synod Hospital Solo : Nl. Dr. Shirley Lalbiakzuali Chhangte Thingpui : 12:30pm - 1:00pm Chawhnu : 1:00pm - 3:30pm Chairman : Rev. Lalrinmawia, Committee Member, HIV/AIDS,Drugs Cell Testimony : HIV/AIDS tuar tawh hnen a\angin Sawihona & Zawhna :
Synod Social Front Helpline: 9089777129; Students Helpline : 9856883377
Mail us at : mzsynfo@gmail.com, mizoramsynod@gmail.com Synod Information & Publicity Phone - 2314648

Synf o