Synfocity = 467

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648

12th December, 2013

Synod Inkhawmpui 2013 a tiak ta Mizoram Presbyterian Church Synod Inkhawmpui vawi 90-na, December 3 - 8 chhunga Ramhlun North Kohhran Biak Ina neih chu tluang takin December ni 8 (Pathianni) zan khan a tiak ta. December 4-7 chhung khan palai rorel inkhawm neih a ni a, rorelnaah Nomination leh Pastoral thu bakah General agenda 85 lai ngaihtuah a ni. December 8 (Pathianni) chawhma inkhawmah Pro. Pastor 17 Pastor atan a nemnghet a, Pro. Pastor atana lak thar mi 19 a dah nghet bawk. Chawhnu Inkhawmah Synod Moderator, Rev. K. Lalhmuchhuakan Lalpa Zanriah Sakramen a buatsaih a, kum 2013 chhunga Minister chatuan ram pan tate sunna hun hman a ni bawk. Zan inkhawmah Rev. Lalramliana Pachuau, Moderator kalchhuakin thuchah hnuhnung (valedictory sermon) a sawi. Kumin Synod-ah hian palai hming ziak 1940 vel an awm a, Inkhawmpuina hmuna riak lut hi hriat theih chinah mi 932 vel an ni. Nakkum (2014) Synod Inkhawmpui chu December 9-14, 2014 chhungin Mission Vengthlang Bialin Mission Vengthlang Kohhran Biak Inah an thleng dawn a, Moderator chu Rev. Lalrinmawia a ni ang a, Thlarau lam thupui atan Rinawmna thlan a ni a, Rev. Zosangliana Colney-in a sawi ang. PBS Farewell & Dedication Service vawi 29-na Vawiin (Dec. 12) chawhnu dar 1:00 khan Presbyterian Bible School (PBS) chuan Pi Zaii Hall, Synod Conference Centre-ah Farewell & Dedication Service vawi 29-na an hmang. Presbyterian Bible School-in zirlaite puala Graduation Service an lo hman thin chu Synod Executive Committee chuan Farewell & Dedication Service tiin a hming a thlak a (SEC-247), vawiin n(Dec. 12, 2013) atang hian hman tan a ni. Dedication Service programme hi Synod Moderator Rev. K. Lalhmuchhuakan kaihruaiin hunserh a hmang a, Rev. Dr. C. Lalramlianan Presbyterian Bible School-a thawktute, Board member leh zirlaite inhmelhriattirna hun a hmang a, PBS Principal Rev. R. Lalengmawian report a pe bawk. Rev. P.C. Pachhunga, Executive Secretary i/c PBS in zirlaite hnenah Certificate a hlan a, Rev. K. Lalhmuchhuakan thuchah sawiin Pathian hnenah zirlaite hlanna hun a hmang. Upa F. Lalthianghlima, Board Member-in exam-a ti thate leh class kal kimte hnenah lawmman a hlan a ni. Zir chhuakte tana tawngtaisakna hun Rev. Dr. K. Lallawmzuala, Board Member-in a hmang a, Rev. B. Sangthanga, Synod Secretary (Jr.) leh zirlai atangin thusawi tawi ngaihthlak a ni bawk. Nl. Nancy Zothanmawii solo tum hnih ngaihthlak a ni bawk. Rev. H. Biakthansangan lawmthu sawina hun a hmang zawhah chairman-in malsawmna sawiin a tin a ni. Presbyterian Bible School hi kum 2004 May thla atangin tan a ni a, a din tan tirh atangin zirlai 1251 zinga 1041in an zirchhuak tawh a. Session 29-naah hian zirlai 60 an awm a, chung zinga 51 chuan zir tluan chhuakin an pass a; First Division-ah 14, Second Division-ah 21, Third Division-ah 10, Simple Pass 6 an awm a, Exam lo 6 leh Failed 3 an awm bawk.Tun tuma ti tha zual top 3 te chu:1. R. Lalnunpuii D/o Zoluta, Ramhlun Vengthar Salvation Army Corps. 2. Vanlalpeka Samte S/o Lalmalsawma, Sihphir Venghlun Kohhran 3. Peter Chhangte S/o C. Zaikunga, Mission Vengthlang Kohhran Presbyterian Bible School atanga zir tam berte hi rawngbawlna tangkai takah an inhmang zui hlawm a, Sunday School zirtirtu, missionary, social worker-te hna thawk an awm nual a. B.Th, B.D leh B.Miss. zawm thahnem tak an awm bawk. Tin, Synod Revival Speaker leh team member tam zawkin Bible School atang hian an zir chhuak tawh bawk. Aluminium Mistiri Training Kharna Synod Social Front leh Bhagwati Sai Metal Alloys inthurual chuan Mizo thalaiten Aluminium deh hmanga eizawnna tha zawk an neih theihna atana October - November 2013 chhunga Aluminium Mistiri Training an buatsaih chu December 2, 2013 (Thawhtanni) zan khan Pi Zaii Hall, Synod Conference Centre-ah kharna hun hman a ni. He programme hi Rev. P.C. Pachhunga, Executive Secretary i/c Social Front chuan a kaihruai a, Synod Moderator, Rev. Lalramliana Pachuau-in Certificate hlan pahin thuchah a sawi a, Kan ramah thingzai a vang a, a man a to tial tial a, aluminium a hlu tial tial thung a, chuvang chuan aluminium mistiri hna hi a pawimawh dawn chauh a, tuna training chhuakte chu fimkhur leh uluk taka an thiamna hmang tangkai turin a chah a ni. Training kharnaah hian Mizoram Synod Choir leh Nl. Stacy V.L. Muanpuii ten Pathian fakna hla vawi 2 ve ve an sa bawk a ni. Aluminium Mistiri Training-ah hian mi 16-in an zir a. Synod Social Front chuan train chhuakte hnenah hian Certificate leh Stipend Rs. 1,000/- theuh a pe a. Training Centre neitute hnenah lawmthu a sawi bawk. Training kharna hunah hian Bhagwati Sai Company atangin Charan Bajora, Guwahati atanga lo kal chuan thu sawiin he training hi a bul tanna a ni a, chhunzawm leh hun a nghahhlelhawm thu te, Company atanga mi thiam bik rawn tirh a inhuam thute sawiin Synod Social Front Executive member-te leh mi pawimawh dangte hnenah lawmthu sawi nan thilpek a hlan bakah zaia rawngbawltu Mizoram Synod Choir hnenah Rs.16,000/- leh member indaih T.shirt mawi tak a pe bawk a ni. Zin w December 13, 2013 (Zirtawpni) hian Saitual Higher Secondary School-ah Life Skills Training neih a ni dawn a, training neihpui tur hian Dr. Robert S. Halliday, Superintendent, Synod Office leh Tv. C. Lalremruata, Outreach Worker te an kal ang. w December 12-16, 2013 hian Zou Synod Inkhawmpui, Imphal-ah Mizoram Synod aiawha palai turin Upa Vanengliana, Statistician leh Rev. G. Chhunthuama, Bawngkawn te an kal. w December 12-16, 2013 chhung hian Madras Christian College buatsaih Mission Consultation, Chennai-a tel turin Rev. Lalramliana Pachuau, Finance Officer; Upa H. Zoliana, Synod Secretary leh Rev. Lalchhuanmawia, SMB Secretary te an kal. Kristian Thalai Pawl w December 4, 2013 (Nilaini) zing dar 9:00 khan Synod Bookroom Hqs. kawt, Mission Veng-ah CKTP buatsaih Krismas Hla Bu leh KTP General Conference 2014 Hla Bu tlangzarh leh hlanna inkhawm neih a ni a, T.Upa Zohmangaiha, Fin.Secretary, CKTP-in kaihruaiin Upa Zothangzuala Chhangte, Treasurer, CKTP-in report a pe a. Rev.Lalrinmawia, Leader, CKTP-in tlangzarh leh hlanna hun a hmang. Kum 1990 khan Central KTP-in hla 52 awmna Krismas Hla Bu a lo buatsaih tawh a, kum 1997 khan hla 131 awmna chhuah leh a ni a, kum 2004 khan hla 151 awmna chhuah leh a ni bawk. Nikum 2012 KTP Gen.Conference, Thenzawla neih khan Krismas Hla Bu chhuah leh turin a rel a. Krismas Hla Bu, hla 160 awmna chu tihchhuah a ni leh ta a ni. A chhutna tur sum chungchangah CKTPin harsatna a neih avangin Synod Literature & Publication Board (SL&PB)-in a publish sak a ni. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

KTP Gen.Confrence hla bu hi kum 1972 atangin buatsaih tan a ni a. Kum 1993 Gen. Conference, Vairengte-a Kristian Hla Bu an rin tum tih lohah chuan General Conference apiangin Hla Bu hi buatsaih ziah thin a ni. Kum 2014 KTP General Conference Hla Bu-ah hian Hla 60 (Solfa hla 50 leh Mizo Lengkhawm hla 10) dah a ni. Krismas Hla Bu hi Rs. 100/- man a ni a, Gen.Conference Hla Bu hi Rs. 30/- man a ni a, Synod Bookroom Branch hrang hrangah zawrh chhuah mek a ni. w December 10 (Thawhlehni), zan khan Mission Veng Kohhran Hall-ah KTP General Conference 2014/ Diamond Jubilee lawmna Jubilee Gospel Concert-a zai turte leh Musicians (House Band) turte an inhmukhawm a. Concert Sub Committee Chairman Pu V.L. Muanchhanan a kaihruai a, Secretary Pu Samuel Laldinglianan Central KTP Committee ruahmanna leh thil pawimawh hrang hrang a sawi hawng a, CKTP hruaitu leh artistes lam atangin duh zawng sawina hun hawn a ni bawk. Mission Veng KTP ten hneh takin an lo thleng a, thingpui in zawhah Concert Sub Committee leh Musician turte a hrangin an inhmukhawm leh bawk. Jubilee Gospel Concert-a zai tur hian hranghlui zaithiam/Group leh tun lai gospel singers larte thlan pawlh an ni a, Joy Zairemmawia leh Zonuni Fanai ten an host dawn a ni. Artistes leh Musicians te hian December 17 zan hian Dinthar Kohhran Hall-ah hla an zir tan dawn a, ruahman lawk ang chuan Ramhlun North, Venghlui leh Electric Veng Kohhran Hall-ah te an zir leh bawk ang. 1 SMB Missionary thlahna January 5, 2014 (Pathianni) chawhnu dar 1:30 hian Synod Mission Board chuan Mission Vengthlang Kohhran Biak Inah Missionary tirhchhuah inkhawm a buatsaih dawn a, Synod Moderator Rev. K. Lalhmuchhuakan Tirhchhuahna hun a hmang ang. Tun tumah hian Pastor 13 leh Contract Missionary 147 te thlah an ni dawn a ni. Kohhran Hmeichhia December 14 (Inrinni) hian Central Kohhran Hmeichhe Committee chuan Krismas thilpek hlanin hmun hrang hrang an tlawh dawn a, TNT, Zuangtui hnenah Rs. 20,000/- an hlan ang a, Hmangaihna In, Durtlangah thawktute leh naupangte hnenah thilpek an hlan ang a, Grace Home, Durtlangah Rs. 20,000/- an hlan bawk ang. Music December 10 - 13 chhung hian Khawbung Kohhranah Zai hruai Training neih mek a ni a, hemi neihpui hian Pu Lalromawia, Music Instructor a kal. Social Front w December 13-16, 2013 hian E. Phaileng Kohhranah HIV/AIDS & Sex Awareness Campaign neih a ni dawn a, hemi neihpui tur hian Dr. Lalchhanhima Ralte, J. Malsawma, O/A, S.F., Elijah Lalrinawma, Lalrosangi & Lalchhuanzuali te an kal ang. w December 12-14, 2013 hian Sialhawk Bial KTP ten Tlangmawi Kohhranah HIV/AIDS & Sex Awareness Campaign an buatsaih dawn a, hemi neihpui tur hian Pu Allan Lalmuanpuia & Lalruatfeli te an kal ang. Hruaina Eng FM Radio & TV Programme w DECEMBER 13 (FM Zoawi Aizawl @ 7:30 p.m.) : Group : Mizo Vocal Band & Zoramchhani - Hun leh nite, Choir : Chanmari Bial Zaipawl - Kan chatuanpa lenna runah, Thuchah : Upa Bonny Lalrindika - Thalaite hnena thurawn, Solo : Rintea - Lalthar Lo Piang Chu, Choir : Dawrpui Bial Zaipawl - A hming Maka w DECEMBER 13 (FM Lunglei @ 7:30 p.m.) : Group : Mizo Vocal Band & Zoramchhani - Hun leh nite, Synod News, Choir : Chanmari Bial Zaipawl - Kan chatuanpa lenna runah, Thuchah : Upa Bonny Lalrindika - Thalaite hnena thurawn, Solo : Rintea - Lalthar Lo Piang Chu, Choir : Dawrpui Bial Zaipawl - A hming Maka w DECEMBER 15 (TV Programme @ 3:00 p.m.) : Zaipawl : Darlung Kohhran Zaipawl- Sikni eng, Winter Praise 2013 : Youth Ministry, Ramhlun North Kohhran, Solo : Hlutei - Tlanna Susamachar Prasaran Programme DECEMBER 15 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Republic Veng Masihi Sangati - Prabhuki Prathana, Group/Choir/Solo : Aizawl Venglai Hardin, Sermon : Rev PC Rohlira - Isu masi pita ke pas me pongni ke lye rajta, Group/Choir/Solo : Venghnuai Masihi Sangati - Aw Akash, Group/Choir/Solo : Kawngkharmawii - Krus tere nishan Moderator Programme Synod Moderator Rev. K. Lalhmuchhuaka chuan hetiang hian hun a hmang ang : w December 15 (Pathianni) Chawhma : Lungdai Hmar Veng Kohhran w December 15 (Pathianni) Chawhnu : Sentlang Kohhran w December 15 (Pathianni) Zan : Lungdai Kohhran

CKTP HRUAITU HLUITE SAWMNA

Kum 2014 Kristian Thalai Pawl Diamond Jubilee lawm kumah hian KTP DAY February 22, dar 10:30 am-ah CKTP Hruaitu Hluite pualin Synod Conference Centre-ah programme buatsaih a ni dawn a. Central KTP hruaitu lo ni tawh zawng zawngte chu lo tel vek tura sawm leh beisei an ni e. Tlaiah chawhlui kilho nghal tur a ni ang. UPA ZONUNMAWIA General Secretary Central Kristian Thalai Pawl

INLUAH TUR DUH

Mizoram Synod hnuaia Campus Ministry chuan Chanmari atanga Sikulpuikawn inkar kawngpui anah Counselling Room luah tur a duh a. In luah tur nei chuan a hnuaia Phone tarlanah hian biak theih a ni.

8974560071 / 9856883377
Synod Social Front Helpline: 9089777129; Tuai & Patil : 8729800130; MailHelpline us at : mzsynfo@gmail.com, Students Helpline :mizoramsynod@gmail.com 9856883377
Synod Information & Publicity Phone - 2314648

Synf o