1

LUNGDAM KOHNA LEH REPORT PIAKNA

Khitui Gospel Nasepna (Tears Gospel Ministries) tha nong pia a hong panpihte tungah lungdam kohna leh nasepna zaksak lai kong khak uh hi. Khitui Gospel Nasepna a tomkim thei penin hong bawl ungh. Nasepna tangpi theih nading ciang bek hi a, a kicing hi lo hi. Pulak ding thu tampi om lai hi.

KHITUI GOSPEL CRUSADE NASEPNA

1990 kum pan 2012 kum dong kum 22 sungah Khitui Gospel Crusade tungtawnin Pasian in Zomite a piak thupha hamphatna te:

1. Lawki innte kiphiatin Christian hong suak uh hi. 2. Mi tampitakin pianthakna gupna ngah uh hi. 3. Misi tho kikin dawivei a hai ten damna pilna ngah kik uh a, Khut leh khe zawte in damna a ngah banah cina tampitakin damna ngah uh hi. 4. Khamtheih guihtheih a zongsang a si ding khangno tampitak kikhel hi. Tu in Nu leh Pa lungmuanna suak uh a, Degree sangpipi a neite suak ta uh hi. 5. Lungsimneu a tualniam mi tampitakin Gupna bukim a zak ciangin hanciamin mi hau suak uh hi. Leitung gam tuamtuam ah om ta uh hi. 6. Pawlpi kibat loh manin biakna a pia khawm thei lo Zomite in Kha Siangtho a ngah uh ciangin pawlpi kideidanna bei-in biakna pia khawm thei ta uh hi. A nung ciangin makaite nangawn hong kipawl thei uh a, GZA hong piang khia hi. 7. 1990 kimin Zomi Siavuan sin khangno tawm mahmah (omlo phial) a tu in a sinlai leh a sem khin khangno zato siavuan tampi ih nei ta hi. Zogam khanlawhna gah ahi hi. 8. Gamtat hoih ding leh Nu leh Pa Siate zahtak ding thu kinak gen mahmah ahih manin Nu leh Pa zahtakna leh Pawlpi Sia/ Sangsiate zahtakna hong khang a, tep leh muam zongsatna hoih lote panin mi tampi kikhel hi. Pasian nasemte sungah Kunza,zatep,tuibuk, Khaini, Sadah cihte a zang Pastor tawm mahmah ta hi.

KHITUI GOSPEL LAILAM NASEPNA (khituigospel@gmail.com)

Hauhna leh Khansauna Thusim tungtawnin Zomi mimal, innkuan leh pawlpi tampi kipuahpha ciat uh a, India Lamka University ah III Year ten subject khatin sin uh hi. Paite pau leh Gangte pau in kilekkhia khin hi. Zomite adingin Lai Siangtho zom a laibu kideih pen khat suak hi. Mi tampi in pianthak lawh uh a, tek leh mo kilemna piangin Nu leh Pa zahtakna khangsak hi. Kawlgam panin nihvei kibawl kik khin ta a, 2013 kum sungin a thum veina kibawl ding hi.

KHITUI GOSPEL WEBSITE NASEPNA (www.tearsgospel.com)

Khitui Gospel Nasepna tuamtuam pawlkhat kikoih a, Khitui Gospel Missionary hong vaksak ding sponsor a kitam ngah na penpen hong suak hi. Hih Khitui Gospel website a etna hangin Khitui Gospel Mission nasepna tawh hong kizom kipawlna tuamtuam leh mimal tam hi. A sung a om thu leh la, lim leh video te tungtawnin mi tampi in Topa sungah tha thak lakna nei thei uh hi. Gam sung gam pua a om naseppih khempeuh tawh hong kinaisak tawntung nasepna khat ahi hi. Hih website tungtawnin mi tampi in a haksatna uh hong pulak uh a, Khitui Gospel Team in thu ngetna kineihsak zel hi. Hih thungetna Topa in hong dawng ahih manin a lawhcinna uh teci hong pang kik mi tampitak om hi.

KHITUI GOSPEL VIDEO NASEPNA

Khitui Gospel Video Nasepna panin 1.NGAIH ANGLAI AH 2.NGAIH ANGLAI MAH 3.NGAIH ANGLAI 4.SIAN ANGLAI AH 5.ZOTAWI LIANU leh Crusade Sermon DVD tuamtuam kihawm khia a, mi tampitakin kikhelna a ngah lawh banah minam itna leh pau leh ham itna hong khang hi. A mangthang kuankuan ih ngeina lui pawlkhatte leh ih ngeina la aw hoih mahmahte hong lakin hong kepsak a, khang sawn ten a aw za in a lim mu ding uh a, ciing kik thei ding uh hi. Tu hun sangin hong khanglai ding ih tu ih tate hun ah thupi semsem lai ding hi. Kawlgam leh India gam a om Zomite paukaih kibat lohna tampite hong gawm tuah a, Zomite adingin pautangpi khat hong piangsak toto ta hi. Minam dangte lakah zong minam picing khat ih hih lam hong tangko sak ahi hi. Hih DVD zuakna sum pan ahi zongin DVD sung a mission nasepnate a muhna tungtawn uh ahi zongin Khitui Gospel Mission nasepna ah mi tampi hong kihel a, khamangthang tampi kimat lawh hi.

KHITUI GOSPEL AUDIO NASEPNA

1. NUNTAK KIKNA 2. LAINATNA AW cihte banah Sermon audio tuamtuam kihawmkhia a, mi tampitak ii kikhelna thalakna suak hi. 1. EN VEN KA TEN NANG GAM NUAM, 2.INNKUAN LA, (Ngaih mel lah hoih semsem) 3. ITNA SISAN LUANG IN cihte biakpiakna la suak hi. TOPA HUN TAWMNO cih late a kipan video late zong Zomite lakam kepna leh tangla aw hoihte kepna, ngeina kepna suak hi. Khitui Gospel Studio zong kinei ta a, thu leh la tampi hong suak khia lai ding hi.

KHITUI GOSPEL MISSION NASEPNA

2002 kum panin Zogam khanglam Kanpalet ah Mission nasepna kipan Topa Pasian in a lawhcinna tampi hong pia hi. 2012 kum ciang kum 10 sungin missionary 53 kipaisak khin a, amau nasepna tungtawnin Khristian hong suak thak 650 pha ta hi. 1. Missionary kum 10 sungin a kuankhia ngei khempeuh gawm Missionary 53 2. Khamangthang kiman khia zah 650 3. Nikten puansilh piakkhiat zah silh 3300 4. Puankhui set 3 5. Khutbulhnai 60val 6. Zopuanbupi 2 7. Vanleng bel khapkua 1 8. Meivakpi 3 9. Ei huhna tawh biakinn kilam 4 10. Portable EDVD Player 1 leh Inverter 1 11. Ngonglong khua leh Kanchaung khua kikal lampi tai 7 motor cycle lampi in bawlsak 12. Pakon khua biak inn lamsak 13. Pakon khua zangbup tuinek ding pia 14. Saiinu khua biak inn sikkang teng a vek in sik 15. Khidaw khua leh Zalongpan khua biakinn lamna ding huh 16. Zusakial huhna antang vekpi gawm ip 325 17. Vaimin ci innkhat ciang pi 4ta inn 300val huh 18. Pakon ah Missionary te om nading inn khat lam 19. Sum tangin Missionary kha sum a kipan beina tuamtuam Ks. 109,000,000 (Tengh tul leh teng 90)

KHITUI GOSPEL MABAN NGIMNATE

1. 2. 3. 4. 5. Nasepna ministry omsa khempeuh lawhcing takin sepsuak zawh nading. Zogam Kawlgam leh Leimong dongah Lungdamna thu tangko ding. Khitui Gospel Mission sang (Mission School) neih zawh nading. Khitui Gospel tagah kepna neih zawh nading. Khitui Gospel zato neih zawh nading.