Mbega jewe ndafise inzigo?

Ndaryoherwa nu kwambika ibara

uwutiyumvira nkanje?
Nshima gutega amatwi abamuvuga nabi?
Arwaye canke agize ingorane mvuga
ko ari Imana yamuhanye?
Birantera umwikomo kubona ko uwo
tudahuza afise abangenzi bamukunda?
Akoze iciza sinshaka ko kimenyekana?
Duhuriye mu nzira nca ndaba hirya
ngo sindamubone?
KwIsoko
ryUbuzima

mu muryango wabakristu

Diyoseze kuru ya Bujumbura
Tl 22 22 05 00 / 79 602 229 / 79 927461
E-mail: sokoryubuzima@yahoo.fr

Site: www.isokoryubuzimaburundi.fr.gd
"ukuri kuri jewe, ubuzima bwanje ni Kristu". (Ph.1, 21)

Iki kinyamakuru gifasha gutegera Ijambo ryImana mu misa no mu buzima
4/5/2014 IDOMIIKA YA GATATU YA PASIKA Umwaka A 18/14
Ukwihora gukumira Izuka rya Yezu mu mutima wumuntu
Paulo Mweranda yatubwiye ko ni twakunda, izuka rya Yezu rizoba riri muri twebwe. Na none uwakiriye Izuka rya
Yezu aca kunda abantu nkuko Yezu yadukunze. Ukwihorahorana, turazi ko ari ugukumira urukundo rwa Yezu
muri twebwe, navyo bituzanira amaganya menshi. Uwugenzwa ninzi-
go ntabona ko ari mu gicumuro, agira ngo ariko arahana uwamugiriye
nabi. Kubwiwe, nta gicumuro aba akoze kuko aba ariko aratuza inkozi
zikibi mu bantu. Ariko Yezu ntiyaje gutikiza abacumuye, yaje kubaki-
za ngo bahinduke, ngo babe beranda mu rukundo. Ababoshwe ninzi-
go, Yezu arashobora kubabohora ngo bakunde abo bahora banka. Niko
vyabaye kuri Paulo Mweranda; yahora agirira nabi abemeye Yezu, ari-
ko amaze guhura na Yezu yaciye yitanga atiziganya ngo ubukristu bu-
tere imbere mu bantu. Akiri umuyahudi yarondera ukuboha nukugiri-
ra nabi aba-kristu; amaze kuba umukristu ntiyarondeye guhana nugu-
tikiza abayahudi, yarondeye ko nabo bomenya aho ukuri kuri. Na kare
Imana ntiyatikije abayahudi ngo nuko bishe Yezu. Nico catumye
Paulo Mweranda yandika ati: Mbega Imana yoba yaciye igihugu cayo?
Haba namba, nanje ndi umuyahudi, wo mu muryango wa Ibrahimu, mu muryango wa Benjamini. Imana ntiyaciye
igihugu cayo yitoreye kuva kera (Rom.11,12). Uguhinduka kwa Paulo ntikujana nukwanka abayahudi; nico catu-
mye yandika ati: umva intuntu nyinshi namaganya yintatezura mu mushaha wanje. Egome jewe nyene nopfuma
mba igicibwa kuri Kristu kubera bene wacu tuvukana ku mubiri (Rom. 9, 3). Egome Paulo yigize umutumwa waba-
pagani, ariko ntiyibagiye abayahudi. Niko kwandika ati: di umutumwa ku banyamahanga, ngatera iteka ubutu-
mwa bwanje, kugira ngo ntere ishari abiwacu kandi nkize bamwe muri bo (Rom.11,13-14). Imana ni urukundo gu-
sa. Abayemera nta wundi mutima bafise atari uwurukundo. Urukundo rwImana muri twebwe ruracika igihe cose
tureka gukunda umuntu. Imana ntigira abansi. Hari abakunda Imana bakayigenderanira, hari nabayihevye. P. Arconada
Pariri Mateo Koo, yamaze imyaka 30 mu munyororo arangwa numutima wikigongwe.
Mu mwaka w1955 yari mwiseminari mu gihe Umukuru wigihugu cUbushinwa yatanga itegeko ngo abakatolika
ni biyonkore kuri Papa wi Roma, ngo no muvyukwemera baga-
mburukire ubutegetsi bwigihugu, ngo ni bwo butora abepiskopi
nabasaserdoti. Ngo abamugambarariye nabamugararije bakwi-
ye guhanwa. Mateo Koo yari mwiseminari akaba kandi yari mu
muhari wabalejiyo. Abajewe
intwaro bamuciriye umunyoro-
ro wimyaka 5. Ariko, kubera
ko yakomeje kwemera Papa
nkumukuru wabakatolika
bose, baciye bamwongerereza
ikiringo cumunyororo gushika
aho amara imyaka 30 apfunzwe. Yabonye amagorwa menshi nibihano vyinshi.
Yarahuriye mu munyororo numwepiskopi wiwe. Nawe abonye ukwemera kwa
Mateo Koo aca aramwatira mu mpisho mwibanga ryumusaserdoti. Mu nyuma
intwaro imaze guhinduka, bose nyene barashoboye gutaha. P. Mateo Koo ubu
atwara i paruwasi iri mu gisagara ca Shangayi. Abamubajije ibiraba abamugiriye nabi, abishura ko abakunda, ko
abasabira ngo umunsi umwe bazotegere Imana iyari yo.
Igiciro:100Fr
Twumvirize iryo Imana ituyagira
IDOMINIKA YA GATATU YA PASIKA -A
IGISOMWA CA MBERE. Ibi k. 2, 14. 22-33.
tivyari gushoboka yuko urupfu rumutsinda
Ivyo dusoma mu gitabu c'Ibikorwa vy'Abatumwa:
Ku munsi wa Pentekoti, Petero arahaguruka ahaga-
tiwe na bamwe Cumi numwe, atereza ijwi ati:
Emwe Bayahudi namwe mwese muba ngaha i Ye-
ruzalemu, tega amatwi aya majambo kandi muyate-
gere. Yezu wi azareti yaratewe iteka nImana
imbere yanyu, mu kumuha ububasha bwugukora
ibitangaro izuba ryaka, nkuko namwe nyene mwa-
vyiboneye. Mwaramufashe muramwicisha, mumu-
bamba ku musalaba, mu muta mu minwe yabansi,
nkuko Imana yari yabitegekanije. oneho Imana
yaramusubije ubuzima, imukura mu vyara vyuru-
pfu kanatsinda ntivyari gushoboka yuko rumutsi-
nda. Kuko Dawudi yari yarabivuze ati: guma
nerekeje amaso ku Mukama, kuko ahangaye iburyo
bwanje ngo sintirimuke. ico gituma umushaha
wanje wuzuye agahimbare, kandi yari azi indahiro
Imana yari yamurahiye, ko izovyagiza ku ngoma
yiwe umwana ava mu nda yiwe. ico gituma Dawu-
di yavuga izuka ryUmukama wacu ko atigeze agu-
ma mu mva zabapfuye kandi ko umubiri wiwe uti-
geze ubora. Uyo Yezu niwe Imana yasubije muzi-
ma, twebwe nico twiboneye. Amaze kuninahazwa
nukuryo kwImana kandi amaze kuronka wa Mu-
tima Mweranda yari yaturaganiye, yaramuturungi-
kiye nkuko muvyibonera mukavyiyumvira.
IGISOMWA CA KABIRI: 1P1, 17-21 Mwaracunguwe
namaraso yigiciro ntangere ya Kristu, wa Mwagazi
utagira agahonzi ninenge.
Ivyo dusoma mwibaruwa rya 1 ry'Umutumwa Petero
cuti zanje: i mwaba muhamagara Data we atagi-
ra nkunzi mu gucira urubanza umuntu wese ku co
yakoze, ni mwame mwiyubara mu migenzo yanyu
mu gihe mutarashika mu ntara yanyu. amaraso
yigiciro ntangere ya Kristu, wa Mwagazi utagira
agahonzi ninenge, wagenwe isi itararemwa Murazi
neza ko mutacunguwe nitunga rishira nkifaranga
canke inzahabu ngo muve mu migenzo yimburaki-
mazi mwarazwe nabasokuru; mwacunguwe nyabu-
na, none werekanywe mu minsi yimperuka ku
bwanyu. Kubwiwe, muremera Imana yamuzuye mu
bapfuye, ikongera ikamuha ubuninahazwa; mbere
ukwemera kwanyu gushimikiye ku Mana, niyo
mizero yanyu.
INKURU NZIZA: Lk. 24, 13-35.
Bamenye Umukama aho yamanyura umukate.
Ivyo dusoma mu Njili nyeranda yanditse Luka:
Ku munsi ugira gatatu kuva aho Yezu apfiriye, abi-
gishwa babiri baja mu gisagara citwa Emausi: kuva
i Yeruzalemu ni urugendo rwisaha zibiri; bagenda
baraganira ivyari vyabaye vyose. Baraganira kandi
bagahazana; Yezu we nyene arabegera ngo bafata-
nye akayira; ariko amaso yabo ntiyashobora kumu-
menya. Arababaza ati: Ivyo mugenda muravugana
ni ibiki? Barahagarara bijiriwe. Umwe muri bo yi-
twa Kleofasi, aramwishura ati: i wewe musa uciye
i Yeruzalemu utazi ivyabaye muri iyi minsi? a we
ati: Vyibiki? Bati: Ivya Yezu wi azareti yari
umuhanuzi yakura bose mu kuvuga no mu gukora
imbere yImana nimbere yabantu: abakuru ba-
basaserdoti nabashingantahe bacu baramuguze,
bamucira urwo gupfa, bagirako bamubamba ku
musalaba; ariko tweho twari twizigiyeko ariwe yari
gucungura Israeli. one bukeye gatatu ivyo bintu
vyabaye! Hari abakenyezi bamwe mu bacu bahoze
ku ruhafu kare baje kudutera ubwoba ntibabonye
ikiziga ciwe, yamara baje kutubwira ko babonye
abamalayika bababariye ko ari muzima. Bamwe na
bo mu bagenzi bacu bagiye ku ruhafu, basanga bi-
meze nkuko abakenyezi babivuze, ariko we ntiba-
mubonye. Yezu rero arababwira ati: Mwa bibu-
rabwenge mwe, nta mutima mugira ngo mwemere
ivyo abahanuzi bavuze! one,
ntikwarikwo ngo Kristu
arinde ayo magorwa yose,
kugira ngo ashikire ubu-
ninahazwa bwiwe? Ahera
rero kuri Musa, ahetura aba-
hanuzi bose, abasigurira ivya-
nditswe mu Bitabu ibimwere-
keye. Begereye umuhana bajamwo, Yezu amera
nkuwubandanya. Ariko baramwinginga bashimitse
bati: Ingo tugumane ngaha, burije nizuba ryare-
nze. Araheza arabakurikira. Avyagiye ku meza
hamwe na bo, yakira umukate, arawuhezagira, ara-
wumanyura, arawubahereza. Amaso yabo aca ara-
kanura, baramumenya, yamara buno nyene aca
aranyika. Baraheza baravugana bati: Erega niho
umutima wacu wari wuzuye akanyamuneza aho
twafatanya akayira atubwira ivyanditswe mu Bita-
bu Vyeranda! Muri ino saha nyene, baragaruka,
basubira i Yeruzalemu, basanga bamwe Cumi
n'umwe bakoranye, nabandi bagenzi babo bari
kumwe. Bariko baravuga ngo i ivyukuri, Umu-
kama yazutse, yabonekeye Simoni. a bo babaga-
nirira ivyo babonye mu nzira ningene bamumenye
aho yamanyura umukate.

Kleofasi na wa mugenzi bari basangiye urugendo bari
bihebuye. Kandi birumvikana ku bari biteze Umukiza
atsinda abansi, ahana abamucumuyeko bose. Mbe Ima-
na si Rugiravyose? None bishoboka gute ngo yicirwe
hagati yibisuma bibiri? Nubu ni benshi ntibemera ko
Imana yototezwa nabantu gushikaho yicirwa ku mu-
salaba. Ko Yezu yarinze yicwa, benshi bibaza ko igisi-
gaye ari uko Yezu aguma mu cobo
nkabandi bose. Bibaza ko bihenze mu
kwemera ko Yezu ari wa Mukiza wa-
bantu yarungitswe nImana. Bati naho
hari abagore bavuze ko atakiri mu cobo,
ntawovyizera cane kuko abagore bahe-
ndwa ningoga. Ariko si ubwambere
Imana itora abagore nko bakore ibitangaza mu gihugu
cImana; nka Yudita, Esther nabandi nkabo. Ubu rero
Kleofasi na mugenziwe bariko barasubira iyo bavuye
bataramenya Yezu. Noneho nguwo Yezu arabegereye
ngo basangire urugendo nikiyago. Ico Yezu atangura
kubona nuko abo bantu bijiriwe. Egome barabanye na
Yezu ariko ntibamumenye, ntibatohoje neza uwari we
ningene azotubera Umukiza mu kubabara ku bwacu.
Ubu rero Yezu ashaka kubasigurira neza ico batatege-
reye. Yezu atangura kubabwira ko ivyashitse atari ibi-
ntu bishasha, ko vyari vyarabuwe nabahanuzi bikandi-
kwa no mu bitabo vyeranda. Na vyo nuko Umukiza
ategerezwa kubabara. Kleofasi yarondera Umukiza
wUmutegetsi, yicaye mu ntebe yubukuru akaganza
abantu bose. Yezu nawe yarababwiye ko Umukiza
Imana yarungitse kandi atubereye arangwa nuruku-
ndo, gushika aho yemera agapfa ku musalaba. Ubukuru
bwiwe buhagaze ku buryo yatwitangiye twese. Ayo
majambo Yezu yababwiye yaciye abibutsa ko yahora
abibabwira. Yezu niwe yegereye Kleofasi na mugenzi-
we ngo basangire inzira nikiyago. Bashitse kwa
Kleofasi, Yezu yashatse gushishikara urugendo rwiwe.
Yamara bobo bagumana inyota yinyigisho za Yezu;
niko kumwinginga ngo yinjire mu nzu ashishikare aba-
yagira, bongere basangire inzimano. Yezu yigize umu-
tumire wabo. Bari ku meza, yarafashe umukate arawu-
hezagira nkuko yahora abigira; baciye bamenya ko
uwabayagiye ari wa wundi bahamvye mu cobo. Aka-
nyamuneza kaciye kabuzura mu mutima, Yezu nawe
aca arigira. Inyigisho yiwe barayumvise, barayakira
kandi barayemera. Kleofasi na mugenzi we babaye
abantu bashasha. Abavuye i Yeruzalemu bijiriwe, ba-
babaye, ngabo bihu-tiye gusubira i Yeruzalemu ngo
basangire nabandi akanyamuneza kuko babonye
Yezu yazutse. ALLELUYA Yezu yazutse! Natwe tura-
shobora kubona Yezu mu vyiza ashishikara gukora
hano kwisi. Mbe musomyi, nawe uramaze guhura
nUmukama mu buzima bwawe? P. Arconada
Jewe nari umuhakanyi, ariko narahuye na Yezu. Mu myaka iheze sinashobora kwandika
ikintu ciza kuri Ekleziya katolika. Haheze imyaka ibiri Yezu ahinduye ubuzia
bwanje. Dawe yari umuhakanyi agwanya Ekleziya, ariko mawe yari umukristu
wukuri kandi yaragerageje kuduha indero rukristu: gukurikira ivyigwa vyija-
mbo ryImana, kuja mu misa ku misi yImana, kuronka amasakramentu yiba-
tisimu, Ukaristiya nugukomezwa muri Mutima Mweranda. Maze gushikana
imyaka 12, ivyubukristu naciye mpeba. Nsubiye kwibaza ibijanye nImana,
naciye nigira mu yandi madini, nkaza ndahindagura uko nshatse ( Aka:
boudhisme, chamanisme amrindien, nibindi vyiyumviro bidahuza na Eklezi-
ya katolika). Iyo Ekleziya nayibonamwo idini ryibijuju, ishikiriza ivyiyumviro
vyataye igihe, mbere biri no mu kuzimangana, bidahuye niterambere ryisi
nkuko iri ubu. Ku myaka 15, nariyugururiye ivyigwa vya philosophie bica
biravyura agasigarira kuwemera Imana nari mfise. Yezu we nyene ku buntu
nububasha bwiwe yarashatse kunkiranura ngo ansubize mu nzira. Mawe yagu-
ma ankurikirana, arandonderera abagenzi vyahuriye mu makoraniro yabo yo
gusenga ngo baze kundaba. Baraje baranyigisha ariko barandambira! Baciye
bambwira ngo bansengere nanje nti: gira hanyuma mumve impande. Bamaze
gutangura gusenga, naciye niyumvamwo akanyamuneza kadasanzwe, kuzuwemwo ububasha bwurukundo, numva
ubuzima burasubiye kugira akanovera. Naciye ndabava impande ngo si nkororere amosozi imbere yabo! Mu nyu-
ma narabandanije kuja gusengera mu makoraniro yabo, ndibonera namaso yanje ingene iri jambo ryo mu nkuru
nziza riranguka: Ibitangaza bizokorwa nabazoba bemeye ni vyo vyibi : bazokwirukana amashetani,
bavuge izindi ndimi kwizina ryanje; bazofata inzoka mu minwe, banywe uburozi bwica ntihagire ico
bubagira; ni bagaranzurira ibiganza ku barwaye, bano bakire (Mariko 16,17-18). Naciye mara amezi
atandatu nkurikirana ivyigwa bimfasha kwitegura ngo nsubire mu bukristu. Ubu rero, naranywaniye na Yezu muri
Ekleziya katolika; naramwakiriye nkUmukama wanje numukiza wanje. Ukwemera kwanje ntigushingiye ku vyo
numvise gusa; nariboneye ingene Yezu yankuye mu cobo, agasubiza itoto ubuzima bwanje haba ku mubiri canke
ku mutima; narabonye nabandi benshi yabikoreye. Imana nininahazwe. J. B. Bourguignon
Yezu Mwana wImana na Mariya, turagushimiye, twese abo wahaye ubuzima bushasha mwibatisimu.
Nuduhezagire, uhezagire imiryango yacu, abacu bose, abagenzi bacu nabansi bacu, Ekleziya yo ku
ziko, igihugu cacu, Ekleziya aho iri kwisi yose. Nudukomereze ukwemera, udushoboze kwikorera
imisalaba yacu, twame tugushingira intahe aho turi hose, mu vyo turimwo vyose. Nushire mu mitima
yacu igishika co gusenga, kugukorera, kubabarana, gutabarana, tutibagiye no gusabira imitima yo
mwipurgatori. Ko twazutse kumwe na wewe mwibatisimu, nuduhe guharanira ivyiza vyijuru, ivya-
mwa vyiyo batisimu vyibonekeze mu buzima bwacu, bitume abatubona bagukunda. Bikira Mariya
muvyeyi wacu, wewe waherekeje Yezu mu nzira yumusalaba, tukaba twarakugabanye nkumuvyeyi
musi yumusalaba, ni wewe Muvyeyi wabavyeyi nibibondo, ukaba umuvyeyi wabagowe; uri niki-
gongwe cinshi. Nutege ibiganza vyawe vyeranda maze nguhereze isi yose. Turakwishikanyeko ngo udushikane
kwa Yezu ngo turonke amahoro, urukundo numwumvikano. Biregeya Martin, paruwase Mwaro 79454553
DUSHEMEZE IMAA KU MUSI KU MUSI
4/5 D 3 PASIKA-A
Silvano
Ibik.2,14.22-33; Zab.15,1-11
1P1,17-21; Lk.24, 13-35
Mwa biburabwenge mwe, nta mutima mugira ngo mwemere ivyo abaha-
nuzi bavuze! one ntikwariko ngo Kristu arinde ayo magorwa yose
5/5 L Hilariyo,
Yudita
Ibik.6,8-15; Zab.118,23---30
Yo.6, 22-29
timukorere indya ihera, ni mukorere imfungurwa igumya ubuzima
budahera, ariyo Umwana wumuntu azobaha
6/5 M Yakobo,
Mariano
Ibik.7,51---8; Zab.30,3-----21
Yo.6, 30-35
Jewe ndi wa mukate wubuzima:unyegereye ntazoba agisonza, kandi
unyemeye ntazoba akinyoterwa
7/5 M Benedigito,
Gisle
Ibik.8,1b-8; Zab.65,1---7a
Yo.6, 35-40
Ico Data ampaye cose kizonyegera, vyongeye unyegereye wese
sinzomuta hanze, kuko ntavuye mwijuru ngo nkore ico nishakiye
8/5 J Dsir,
Bonifasiyo
Ibik.8, 26-40; Zab.65,8---20
Yo. 6, 44-51
twawushobora kunyegera, Data yantumye atamukwegereye; nanje
nzomuzura ku musi wimperuka
9/5 V Hermasi Ibik.9, 1-20; Zab.116, 1-2
Yo.6, 52-59
Mutariye umubiri wUmwana wumuntu, ntimunywe namaraso yiwe,
nta buzima muzogira
10/5 S Antonino,
Solange
Ibik.9, 31-42; Zab.115, 12-17
Yo.6, 60-69
Mukama, turi bwirukire nde wundi? Ko ari wewe ufise amajambo
yubuzima budahera
Twige guha agaciro abavyeyi bacu. Hari umugore umwe Imana yari yaramuteye iteka
aribaruka ikibondo. Umunsi umwe yagiye kuvoma amazi, uwo mwana nawe amusiga mu nzu arya-
mye. Agarutse, asanga inzu yiwe iriko irasha, aragira ingorane mu mutima yibutse umwana wiwe ari
mu nzu ko ariko arasha. Wa mugore aratimbisha umutima yinjira mu nzu gutora wa mwana, aca
muri rwa rubeya rwumuriro, aramushikira aho yasize aryamye, asanga ntarasha, aca aramukurayo.
Ariko wa mugore yarahiye umubiri wose, baca baramujana kwa muganga, avuga ati: taco ko hahi-
ye jewe, umwana wanje akaba akomeye. Aramara igihe kini mu bitaro, araruha arakira, ariko aca
agira ibikovu bini bini ku mubiri wose. Mu nyuma wa mwana arakura, aramushira mwishure mbe-
re namashule aramukundira aguma amenya, arayaheza. Ayahejeje ntiyatevye kuronka kazi kandi keza. Haheze igi-
he, wa muhungu yahavuye bamugena kuba umushikiranganji. Haheze imisi wa muhungu arategura umusi mukuru,
aratumira abantu benshi incuti nabagenzi biwe ariko mama wiwe ntiyamutura. Mama wiwe haza umuntu wumu-
banyi amubwira ati: Mbega kuri ngaho utagiye mu musi mukuru wumuhungu wawe? Nawe ati: Sinigeze ndabime-
nya, ntavyo yambariye. Kubera umutima wubuvyeyi, aca ararondera itike araza muri uyo musi mukuru. Ashitse
aho uwo musi mukuru ubera, abari bajejwe kumwakirira abashitsi baranka kumwinjiza. Wa muvyeyi arababara ca-
ne, arababaza ati: i kubera iki mwanka ko ninjira kandi ari urubanza rwumwana wanje? Bahaririye kera baca ba-
hamagara wa muhungu wiwe, aca abwira nyina wiwe ati: Mama, wewe ntushobora kwinjira muri uyu musi muku-
ru, urabona ukuntu usa mu maso nivyo bikovu vyawe, utamenyekana uwuriwe mu maso, urabona ko hari abashi-
tsi bashajije. Wa muvyeyi agira umubabaro nagahinda kenshi mu mutima, ariragurika, abwira wa muhungu wiwe
ati: Mwana wanje, wibagira ningoga. Aho uribagiye ko ibi bikovu uriko uranka vyanjeko kubera wewe, ndiko nda-
gutabara kugira ngo ntushe, akaba ari jewe nsha, none ndaguteye isoni ku buryo ntokwinjira mu musi mukuru wa-
we? Bavukanyi, naragize umubabaro mwinshi numvise ivyo bintu uwo muhungu yagize. None rero wewe ugifise
abavyeyi canke usigaranye umwe, wige kubungabunga umuvyeyi wawe. Ntidukengere umuvyeyi ngo nuko ashaje
canke atagisa nka kera nkuwo twumvise asigaye yuzuye inkovu mu maso ariko kera yarameze neza, ahubwo tuge-
rageze kubitaho, tubabe hafi, tubavuze, tubambike, tubaronderere ivyo bafungura bimeze neza mu gihe tubishobo-
ye, tuzoronka akanyamuneza gasumbirije mu buzima bwacu, mbere tuzoronka nimpera ibereye mwijuru. M.Rose
Ivyiza birayagwa? Bavukanyi bo kwIsoko ryubuzima, mbanje kubaramutsa amahoro akomoka kuri Dawe wa twese.
Munkundire ndabayagire ivyiza nasanze mu kinyamakuru kwisoko ryubuzima. Turamenyereye gusoma ibinyamakuru
vyinshi, hariho rero agaheta kwisoko ryubuzima. Ivyo kituyagira usanga ahanini biri mu vyiza vyubuzima Yezu Kri-
stu yaturaganiye. Hariho nibindi mwenivyo dukunze kubona kandi tugatangarira, ariko ugasanga bimwe ari ibidusa-
mbura imitima cane cane muraya mahindagu yo kwisi yiki gihe. Twebwe rero twitwa ngo twarabatijwe tukaba dusa-
ngiye umuryango twari dukwiye gusoma no gukundisha ico kinyamakuru cacu kitumurikira ivyiza vyImana. Nipfurije
imigisha nimihezagiro abo bose bakwiza inkuru nziza ya Yezu Kristu nkuko yabivumereye ati: Kwire isi yose mwigishe
inkuru nziza zina kiremwa cose, ngo uzokwemera akabatizwa azokira uwutazokwemera nawe apfe. Ubutumwa bwiza.
dikumana Antoine-Chorale Pueri Cantores Musaga. Tel 71127851 79334787
DUCISHEMWO DUTWEGE: Habaye umugabo ya-
giye kuramutsa mugenziwe, nawe akaba yaba kure. Ashi-
tse iwe asanga agira afungure baca barasangira. Bahejeje
amujana mu kirabo kumugurira agacupa. Ngiryo
irya mbere, irya kabiri barabandanya gushika isaha
zine zijoro. Baca barasezerana kuko bategerezwa
gutaha umwe wese iyo yaje ava. Umwe yaje ava
kure, ashitse mu nzira, kubera yagenda arazungazunga
agwa epfo, agwa ruguru haza umuduga uhakwa kumugo-
nga. Uwo muduga warimwo umupatiri. Abonye ingene
ariko aragenda, aca awuhagarika kuruhande rwibarabara
aravamwo. Amwegereye yumva amota urukanywa aca
amenya ko arizo zimutumye agenda arahusha inzira, aca
amuhanura ko yoheba inzoga kuko ari umwasi wabantu.
Wa mugabo aca abwira patiri ati: Mu gisomwa basomye
mu gitondo uyu musi gitumirira abantu gukunda
abansi babo nuguhezagira ababahama. None rero
ndakuwire patiri:Jewe inzoga ndazikunda nkuko
babidusavye mwisengero ariko zo zirampama kuko
iyo nazinyoye, nta musi numwe ndashika ndi muzima,
nama nshika njejeta amaraso umubiri wose kubera ukwi-
naga hasi inzira yose. Ariko nguma ndazikunda, kuzihe-
zagira nivyo ntoshobora kuko ntabifitiye ububasha. Ko
ndakubonye rero zimpezagirire.