Sie sind auf Seite 1von 2

Synod Information & Publicity Department, Synod Office (Third Floor), Mission Veng, Aizawl

Synfocity =
mail us at : mzsynfo@gmail.com; mizoramsynod@gmail.com - Phone - 2314648
503
4
th
September, 2014
1 Zu leh Unique Identification (UID) zir
September 2, 2014 (Thawhlehni) khan nilengin Synod Revival Department buatsaihin Synod Revival Speaker-te
pualin Zu leh Unique Identification (UID) chungchang zir hona seminar neih a ni. He programme-ah hian Synod
Revival Speaker-te an kal tha hle.
Chawhma lamah Rev. Lalzuithanga, Executive Secretary i/c Revival kaihhruaina hnuaiah Zu chungchang zir ho a
ni a, Rev. Chuauthuaman paper buatsaihin a zirtir a, sawihona hun tha tak hman zui niin Zu chungchanga
Mizoram Presbyterian Kohhran pawm dan leh zirtir dan te sawi lan a ni a. Bible-in zu a sawi dan te zir hovin hlawk
takin hun an hmang.
Chawhnu lamah Rev. R. Lalnuntluanga kaihhruaina hnuaiah India sawrkarin khua leh tuite chhinchhiahna kalphung
thar a siam Unique Identification (UID) chungchanga Upa Bonny Lalrindika paper buatsaih zir ho lehin paper
buatsaihtu Upa Bonny Lalrindika hian a zirtir nghal a. UID chungchanga thu dik lo theh darhtute avanga Kohhran
mite chiai dan te, khua leh tuite tih tur ang pawh ti thei lova atthlak taka bumna thanga awk mekte tanpui dan
tur zir ho a ni.
A bikin UID chungchanga pawm dan dik lo, sakawlh nena hmehbela sakawlh nun Bible-in a sawi dan pawh zir
chiang lova UID hlauhna chi tuhtute thiltih chu sawihonaah uar taka sawi chhuah niin he thil hi hlauh tur awm lo,
sakawlh nena inanna pawh nei lo, technology thar hmanga sawrkarin khua leh tui chhinchhiahna awlsam zawk leh
rintlak zawk a siamna hmanrua mai a nih thu leh, sakhaw nun nena inzawmna pakhatmah nei lo a nihzia sawi darh
pawimawhna te inhrilh hriat a ni bawk.
1 Finance Committee vawi 110-na a thu
Vawiin (Sept. 4, 2014) chawhma dar 10:00 khan Synod Office-a Committee Room No. II-ah Synod Finance Committee
a thu. He Committee hi a vawi 110-na niin Moderator Rev. K. Lalhmuchhuakan a kaihruai a, member an tel tha hle.
Tun tum thutkhawmah hian Foreign Contribution hman dilna leh Budget Diversion/Reappropriation dilna te leh thil
pawimawh engmaw zat ngaihtuah a ni.
Finance Committee-in kum 2013-14 Account hrang hrang audit report atanga bawhzui ngai a tihte bawhzui fel a nih
tawh thu te, Audit Reports leh Statement of Account te SEC-in a pawm fel tawh thu te, sawmna anga Bial sarih leh
Kohhran mal pakhata Finance campaign leh training buatsaih a nih thu te, Delhi-ah in sak zawh peihsa leh a hmun
chhawm zawng zawng cheng nuai sangkhat zathum sawmsarih man lei a nih thu te inhriattir a ni.
April atanga August thla chhunga sum hmuh tawh chu Pastoral-ah Rs.28,01,57,344.00 (Nuai sanghnih zariat
pakhat singnga sangsarih zathum sawmli leh pali) a ni a, chu chu Budget atangin za zela 34.33 a ni. Mission
lamah Rs.22,17,89,818 (Nuai sanghnih zahnih sawmpasarih singriat sangkua zariat sawmpariat) hmuh tawh a ni
a, chu chu Budget atangin za zela 42.74 a ni. A vaiin Pastoral leh Mission sum hmuh belhkhawm chu
Rs.50,19,47,162.00 (Nuai sangnga sawmpakua singli sangsarih za sawmruk leh pahnih a ni a, chu chu budget
pum pui atangin za zela 37.60 a ni.
Presbytery huapa sum chhun luh tawh chinah a sang ber chu Aizawl Bethel Presbytery an ni a, cheng vaibelchhe
5, maktaduai 6, nuai 3, sing 4, sang 4, zathum, sawmkua leh pasarih an chhung lut tawh a ni. A dawttu chu
Aizawl Central Presbytery niin cheng vawibelchhe 5, maktaduai 2, nuai 9, sing 5 sang 6 zathum leh sawmkua an
chhung lut tawh a ni.
1 Zin
w August 30 & 31, 2014 khan Kohhran indan chungchangah Upa H. Zoliana, Synod Secretary leh Rev. Dr. R.
Lalbiakmawia, Finance Officer-te Bungtlangah an kal.
w September 6 - 25, 2014 chhung hian Rev. Lalzuithanga, Senior Executive Secretary chu PCI Goodwill visit to
Wales programme-ah a kal ang.
w September 2 - 5, 2014 chhung hian Saiha, Lawngtlai leh Thenzawl Presbyterian English School-te tlawh turin
Upa D.P. Biakkhuma, Supervisor of Schools a kal.
1 KTP Quiz chungchang
Synod Information & Publicity Department (Synfo) in Aizawl khawpui Presbytery huam chhunga Branch KTP Quiz
a buatsaih tur HRUAINA ENG QUIZ chu inbuatsaihna kalpui mek zel a ni a, quiz a tel tur hian hming pek luh hun a
tawp tawh a, Branch 78 in hming an pe lut a ni.
October 14, 2014 (Thawhlehni) zanah Zosaphluia Hall-ah intihsiakna hi tan tur a ni a, a tan tirh zan bak chu Ningani
leh Zirtawpni zanah zel neih a ni ang. Branch tin atangin mi pahnih zel tel tur a ni a, Elimination Round bikah heng
mi pahnihte pui turin Branch tin atangin mi 20 zel tel theih a ni ang a, heng mi 20 te chhan tur bik zawhna pawh siam
a ni ang. Round sanga lut turin a pumpuia ti tha zel thlan an ni ang.
Inelna tur Subject te :
a) Bible (Mizo (Lushai) O.V. Reference) - 40% (Elimination Round -ah chuan Rom atangin zawhna siam a ni ang
a, Round dangah chuan Luka te, Tirhkohte Thiltih te leh Thuthlung Hlui atangin Bu khat, hei hi nakinah la
tihchian tur a ni ang.)
b) Mizoram Presbyterian Kohhran Chanchin by Rev. Lalchhuanliana -20%
c) KTP Chanchin KTP Souvenir Lamtluang by CKTP 20%
d) General Knowledge (Current affairs) 20%
Round awm dan tur hetiang hian duan a ni :
w Elimination Round : All
w Second Round : Elimination Round a ti tha 20 ten Second Round an lut ang.
w Third Round : Second Round a ti tha 10 ten Third Round an lut ang.
w Final Round : Third Round a ti tha 3 in Final Round an lut ang.
Quiz inelna lawmman atan pakhatnain Rs. 1,00,000/-, pahnihnain Rs. 70,000/- leh pathumnain Rs. 50,000/- bakah
Trophy mawi tak an dawng ang. Hruaina Eng Quiz hi Hruaina Eng TV Channel-ah Live a pekchhuah tum a ni.

w
w
w
.
m
i
z
o
r
a
m
s
y
n
o
d
.
o
r
g
Contd,..
Synod Information & Publicity Department, Synod Office (Third Floor), Mission Veng, Aizawl
Mail us at : mzsynfo@gmail.com,
mizoramsynod@gmail.com
Synod I nf ormat i on & Publ i ci t y
Phone - 2314648
Synfo
Synod Social Front Helpline: 9089777129;
Tuai & Patil Helpline : 8729800130;
Students Helpline : 9856883377
1 Synod Mission Board
w September 3 - 12, 2014 chhung hian Home Mission South Tlabung Bial School tlawh turin Pu H. Vanlalchhuanga,
Supervisor of Schools a kal ang. A zin chhung hian Tuichawng, Tlabung, Diblibagh, Tuikawi, Malsury, Putlungasih
leh Zawlpui School te a tlawh ang.
w Barak Area Church & Mission-a Synod rawngbawlna chuan hma a sawn zel a. September 4, 2014 thleng hian
ringthar baptima chang mi 247 an tling ta.
1 Kristian Thalai Pawl
w September 6, 2014 (Inrinni) hian Ailawng Branch Diamond Jubilee hmanpuiin CKTP Committee members
T.Upa T. Lalawmpuia leh Pu Vanlalpeka an kal ang.
w Central KTP Committee chuan Synod Choir (2014 -2016) member turte a ruat fel ta a. September 5, 2014
(Zirtawpni) tlai dar 4:30-ah Synod Conference Centre-ah a hlanna inkhawm neih a ni dawn a, zanriah an kilho
nghal ang.
SYNOD CHOIR HLANNA PROGRAMME:
A hun : September 5, 2014; 4:30 pm
A hmun : Synod Conference Centre
Chairman : Pu Samuel Laldingliana, Asst. Leader CKTP
Report & : Upa Zonunmawia,
Inhmelhriattirna General Secretary CKTP
Thusawi : Pu R. Lalruatkima, Director, Mizoram Synod Choir
Hlanna : Rev. K. Lalhmuchhuaka, Synod Moderator
Thuchah : Rev. J. Lalremsiama, Leader CKTP
Banna : Chairman
w KTP General Conference thurel - KTP member thalai zawkte hip khawm thei tur programme CKTP-in
ngaihtuah rawh se, tih bawhzuiin CKTP Committee chuan ruahmanna a siam tawh a. Ruahmanna ang chuan
December 5, 2014-ah Sipai Lammual emaw hmun remchang dangah emaw PRAISE '14 buatsaih tum a ni a.
Hemi atana mawhphurtu tura ruatte chu September 7, 2014 (Pathianni) tlai dar 3:30-ah Chanmari Kohhran
Hall-ah an inhmukhawm ang.
1 Beihrual
Presbyterian Kohhran chuan September 1, 2014 atang hian Beihrual thla an hmang tan ang. September 1 - 7
chhung hian Ramthar Hapta hman a ni ang a, September 22 27 hian Kristian Chhungkaw Hapta hman a ni bawk
ang, September 28-ah Nu leh Pa Ni leh Kristian Chhungkaw Ni hman a ni ang. Beihrual hi kum 1918 June thla
atanga hman tan a ni a, kum 1925 atangin September thlaah neih thin a ni ta a, kum 1947 atangin Nilai Zan Thupui
Bu leh Beihrual Thupui hi bu khata siam tan a ni.
Synod Mission Board Secretary Rev. Lalchhuanmawia report ziah Synod Mission Board rawngbawlna tlangpui tih
chu www.mizoramsynod.org Download Section-ah dah a ni a, hetah hian Synod Mission Board Statistics thar
ber (latest) dah tel a ni. Pi Laldawnkimi ziah Beihrual hman tan dan tih chu www.mizoramsynod.org Article
Section-ah en theih a ni bawk.
1 MSSU
September 6, 2014 (Inrinni) hian Bawngkawn Chhim Veng Kohhranah Sunday School Zirtirtu Training neih a ni dawn
a, hemi neihpui tur hian Pu John Lalhruaitluanga, MSSU Asst. Coordinator; Upa B. Lalhmunliana, Bethlehem
Venglai leh T.Upa F. Lalenghluna, Ramhlun Vengthar (MSSU Trainers) te an kal ang. Zan Pathian biak inkhawmah
Pu John Lalhruaitluangan fanau enkawl (Child Evangelism) chungchang thuchah a sawi ang.
1 Hruaina Eng FM Radio & TV Programme
w SEPTEMBER 5 (FM Zoawi Aizawl @ 7:30 p.m.) :
Solo : Ruatdiki - Enna nunnem, Choir : Dawrpui Vengthar Bial Zaipawl- Hei chauh ka dil, Thuchah : Upa Lalrammawia
Ngente - Tunlai khawvel leh kristian nun 2, Solo : Sawmtea- A mite tan, Choir : Saron Kohhran Zaipawl - Rorelna Dik
w SEPTEMBER 5 (FM Lunglei @ 7:30 p.m.) :
Solo : Ruatdiki - Enna nunnem, Choir : Dawrpui Vengthar Bial Zaipawl- Hei chauh ka dil, Thuchah : Upa Lalrammawia
Ngente - Tunlai khawvel leh kristian nun 2, Solo : Sawmtea- A mite tan, Choir : Saron Kohhran Zaipawl - Rorelna Dik
w SEPTEMBER 7 (TV Programme @ 3:00 p.m.) :
Zaipawl : Zemabawk Pastor Bial Zaipawl - Chawlh hlan ka nghakhlel, Documentary : Tuithumhnar Bial, Playback
: 21
st
Church Leader Counselling Training Kharna
1 Susamachar Prasaran Programme
SEPTEMBER 7 (Pathianni) 5:00 pm. Hindi Gospel Programme (Susamachar Prasaran) :
Group/Choir/Solo : The Leprosy Mission Choir - Hame Sab Kuch Vo De Ta, Group/Choir/Solo : Chanmari Masihi
Sangati - Mukti Dilai, Sermon : Lalramzauva - Apne Margong Ka Dhyan karo, Group/Choir/Solo : LH Hindi School
- Yeshu MASIH, Group/Choir/Solo : Venghnuai Kohhran - Milkar Hamm
1 Synod Moderator Programme
Synod Moderator Rev. K. Lalhmuchhuaka chuan tunkar tawpah hetiang hian hun a hmang ang :
w September 6, 2014 (Inrinni) Zan : Sesawng Mualmam Kohhran
w September 7, 2014 (Pathianni) Chawhma : CTI Kohhran
w September 7, 2014 (Pathianni) Chawhnu : Sesawng Vengthar Kohhran
w September 7, 2014 (Pathianni) Zan : Sesawng Kohhran
SYNOD BU 2013
Synod Bu 2013 peih a ni tawh a, la lam lo Kohhran ten Synod Office-ah lam theih a ni e.