The

TEDIM POST
T E D I M

T H U K I

A K

N A

A I

A Weekly News of Zomi Youth Association - Tedim Media Regd. No. 00071
Vol.1, No. 15, December 6, 2014
Estd. 2014
Motto: Ki pumkhatin mainawt khawm ni

Org. Regd. No. 2172

Editorial....

TEDIM POST HING KIK TA!

Sweet December, ci-in Tedim Post tanute in laisim mipi khempeuh kong hopih masa uh hi. A diakin
Zomite khuapi liante lakah khat ahi Tedim ah tusung tengin planetshakers-te leh Nelson Inkuanpihte hong
pai uh a, Zogam sung teng Pasian hoihna in hong tuam hi. Pasian misiangthote hong puak thupha in Zogam
leh Zomite tungah hong kip paisuak ta hen!

Tedim Post tawh kisai-in Chin State kumpi thupiakna tawh Tedim khuapi thuneite in Registration
ngah lopi-in Tedim Post hawm thei nawn lo ding cih thu October 16, 2014 nimit tawh lai hong piak uh
ciangin lam dang kisa leh telsiam hak kisa mahmah a, kumpi thu zuih ding kul ahih manin tua ni akipan Tedim Post a si suak phot hi.

Tedim Post hin kik nadingin kihanciam pah tinten a, Yangon a om Zo Aw media leh ZYA-te hanciampihna tawh tu-in kumpi theihpihna registration kingah ta hi. Regd. No. 00071 ahi hi. Hih munah adiakin Zo
Aw Editor ahi Sia Khen Za Sian tungah Tedim Post media min tawh lungdamna kiciamteh hi. Central kumpi
zumpi khat ahi Yangon a om Copy Rights and Registration Office pan sum thun ding leh athu ala hong nget
khempeuh uh akipiak khit ciangin December 3, 2014 ni-in registration akingah ta ahi hi. Hih ni pen planetshakers-te Tedim hong pai ni uh tawh kituak lian se a, Zomi a tul sawm a simte in khutte lamto in Pasian min
phat a alam adian ziahziah ni uh ahi hi.

Tedim Post hong hin kik tawh kituakin nisim mipite tuah khak nopna dahna thute, khantoh nading
na kisemte, mipi leh kumpi kikal leidawh bangin suahsak tuakte suahsak ding ngimna kinei hi. Tedim Post
hici zaw deuh leh cih ahi zongin nopna dahna thute hi ta leh theih ding zuih ding thului hoih tuamtuam zong
ahun zui -in kisuaksak nuam ahih manin nong puak ciat nading uh kong thum uh hi. Tedim Post in laisim
mipite adingin thupha asuah semsem theih nadingin mapang khawm ciat ni, ci-in kong zawn uh hi.

PLANETSHAKERS-TE IN TEDIM LOK ZIAHZIAH UH

Tedim - December 4

Rev. Go Za Nang (Senior Pastor, AMC) vaihawm
siamna leh deihsakna tawh ZYA-Tedim innteekin leitung a Pasian mizat minthang Apostle Tim Hall leh
alawmte ahi Planetshakers Gospel Team te in December 3, 2014 ni-in Zogam Tedim khuapi lok ziahziah uh
hi, cih kiza hi.

Sun 12 hunin Tedim khuapi sung pan mawtaw
hoihte 12 leh mawtaw saikel 50 val tawh mipi 200 val
in Welcome Gate ah kidawn zihziah a, Rev. Kai Cin Mang
in han la sa-in Dimtui Cultural Corp-te in Zo la sakna
tawh vai kidawn hi. Mipite in Sakollam veng Timothy
Bible School dong kikha suak a, nopci mahmah hi.

Sound System pen Kawlpi khuasungah ahoih
pen ZAWL BUK te a zan khat Ks. 1000000 (10 lakh)
tawh kisap hi. Planet Shakers-te hong tun taktak uh
ciangin Digital Mixer Amp hong pua uh a, sound system amau len suak pah uh hi. Tumging khempeuh
amau tumin amau van vive kizang a, muh nop banah
zak nop mahmah hi. Tedim khuapi ah hi bang vai lian
atun akhat veina ahih mah bangin mipi zong hall ah ta
zo loin asak mual dung khempeuh dim zihziah hi.

Australia gam pan a hong pai limlim mi 24 hi a,
Rev. Nang Lian Kap (Principal, Timothy Bible School) in

giahna khawlna akipan nek le dawn khempeuh tavuan

la hi. Kawlpi pan a hong pai Rev. Go Za Nang, Kamphen
Rev. Kham Khen Tual leh khangnote mi 15 pen BAG
Pawlpi in tavuan hong laksak hi. Sound system te leh
mawtawte pen CMBC Pawlpi in tavuan hong laksak uh
hi.

Vaidawnna ah mawtaw leh cycle tawh vai hong
kuante khempeuh, van le na akisam bangbang hong
zangsak Pawlpi leh mimal khempeuh tungah min i
gelh kim se loh hangin Tedim khuapi tang a zindo vive
hi hang, ci-in Tedim Post pan lungdamna kong ko uh hi.

NELSON TU LEH TATE TEDIM HONG ZIN

Tedim December 5

Tedim khuapi ah Missionary nunung pen Rev.
Franklin Oliver Nelson hong tun zawh kum 75 cinna
pawipi khat CMBC Pawlpi in kham uh a, tua pawi zo
dingin Nelson tu le tate mi 4 Tedim khuapi hong hawh
uh hi.

Sezang khuakhungah CMBC Pawlpi makaiin Tedim khuazangbup in kidawn a, cycle za kim leh
mawtaw 7 tawh mipi 300 val in vai kidawn hi. Khuasung pan mipi in Cope Centennial Jubilee Gate ah
khatvei kidawn kik a, han la sakna leh zo la sakna

Copies - 2000

Vol.1, No. 15, December 6, 2014

TEDIM POST WORD GAME WINNERS

tawh kidawn hi. Tua khit ciangin CMBC in Nelson topa
phawk nadingin alam uh REV. FRANKLIN OLIVER
-
10000/NELSON INN honna kineisuak a, December 7, 2014 1. Thuam Go Lian
2. Lian Don Man
-
10000/ciangin Khuapi sung Pastor-te leh CMBC Pawlpi bup in
3. Dim Don Vung
-
10000/ankuang umkhopna kinei ding hi.
MEIPHELH MAWTAW KINGAH THAK
Tedim December 5

Tedim khuapi in meiphelh mawtaw thak 2 leh
tuipua mawtaw 2, Tonzang in meiphelh mawtaw 2 leh
tuipua mawtaw 1, Cikha in meiphelh mawtaw 1 leh
tuipua mawtaw 1, Tuithang in meiphelh mawtaw 1 leh
tuipua mawtaw 1, cih bangin ngah ciat uh hi. Tedim
khuapi ukpa U Tin Myo Lat in meiphelh Bo U Bo Bo
Win tungah December 5 ni-in ap khia hi. Hih ni mahin Kam Hau Tualpi ah meiphelh zia siamna tuamtuam
zong lak ziahziah uh hi, cih kiza hi.

Tedim khuapi ah 1963 pan meiphelh zum om
khin a, tua tawh kizui-in district level sanction leh facility Tedim in tu-in ngah ta hi, ci hi. Tulaitak Tedim ah
meiphelh staff 20 om khin a, 9 kisam lai hi. Tonzang ah
staff 9 om khin a, 6 kisam lai hi. Cikha leh Tuithang ah
staff 8 tuak kisam lai hi. 2015 ciangin Laitui ah zong
meiphelh zum om zo dingin lametna om hi, ci hi.

Tulaitakin Tedim khuapi ah company 3 in
meiphelh zum innpi dawl 2 khat leh staff quarter 2
alamsan laitak uh hi a, kua company in gam adingin
itna leh deihsakna tawh nasem pen, cih hong zawh
siang uh ciangin kitel ding hi, ci hi.
(By - 7Star)

BEHS NO. 1 SANG SIA/MAHTE ZAHTAK PIAKNA

NUAMTAK NEI THEI
Tedim - December 5
BEHS No. 1 sang te in Dec 5, 2014 ni-in Sang sia/
mahte zahtak piakna nuamtak nei thei uh hi, cih kiza hi.
BEHS No. 1 ah tukumin sangnaupang 1980 om a, sia/
mah kigawm 67 om hi. Sia/mahte tungah Ks. 30000/ta letsong pia uh a, gualnopna tuamtuam zong nuam
tak zang thei uh hi.
(TP Reporter)
TEDIM IN DIESEL GENERATOR NGAH THAK
Tedim - December 4
Tedim Khuapi in Diesel Generator, KW 300 khat Nov
23, 2014 ni-in Hakha Khuapi pan kingah hi, cih kiza hi.
Nai 1 diesel gallon 10 val bei a, Dec 4, 2014 ni-in Khuapi sungah hong tangsak ta uh hi. Zalui meiset khat pen
kisia ahih manin Mandalay ah kibawl sak hi, ci hi.
(TP Reporter)
CORRUPTION KICI NEKSIMNA KUA GAMAH TAM PEN

1. Asia Pacific sung gam 28 lakah neksimna asuksia

pen North Korea hi a, asiangtho pen New Zealand hi.
Asuksia pen 2-na Afghanistan hi a, a 3-na Myanmar hi.
2. Leitung gam 175 ki-encik lakah neksimna suksia
pen Somalia, anihna North Korea leh athumna Sudan
gam hi. Neksimna asiangtho pen Denmark, anihna
New Zealand leh athumna Finland hi.
3. Leitung gam 175 ki-encik sung pan Myanmar pen
neksimna suksia pen 14-na hi.
(www.transparency.org)

HANCIAM THAMAN
4. Solomon Pau Deih Tung -
5000/5. Hang Cin Kap
-
5000/-

TP Word Game Winners-te in hun lem masa
pen ah Tg. Gin Kim Mang, Zoland Computer tungah
pahtawina sum kila thei ta hi. Pahtawina sum pen Rev.
Nang Lian Kap, ZYA-Tedim Advisor in hong sik ahi hi.

Mailamah Tedim Post Word Game kizom zel
ding a, akhatna angah masapente mi 1 tung bekah
pahtawina Ks. 10000/- kipia ding hi.
TU NIPI KAL TEDIM POST WORD GAME
1. ACTFE 2. KIYLS 3. TARNTY
4. LUTDON 5. CATEN

PLANETSHAKERS DVD KINGAH TA

Planetshakers 2014 Tedim Awakenning DVD pen
Music World, Khualai Veng ah
Ki lei thei ta hi.
LUNGDAMNA
Lungdambawl muakna leh Tedim Post
Registration ngah Lungdampihna-in
Upa Vungh Hau Lian & Nu Cing Hau Mang
(Mingalar Hotel & Restaurant, Lawibual)
te Innkuan in
tutung Tedim Post hawmna sum bei khempeuh
hong sik uh hi.

Managing Editor : Rev. Thang Van Lian

(0933663413 )
Associate Editor : Sia G. S. Pau
(09421153717)
Translator
: Pa Kap Thawn Mung (09400308229)
Layout Designer : Tg. Gin Kim Mang
(09400541590)
Circulation
: (1) Sm. Cing Deih Nem (09400541720)
Managers
(Leilum Palai)

(2) Sm. Man Huai Kim (09256513038)

(Lawibual Palai)

(3) Kam Suan Thawn (09400309462)

(Myoma Palai)
(4) Pa Thang Pian Lian (0933395577)

(Sakollam Palai)
Contact address : Zoland Computer Services
Lawibual 14(B), Zato Lamka
Kam Hau Road, Tedim
E-mail
: thetedimpost@gmail.com
Facebook
: www.facebook.com/thetedimpost
Z.Y.A - TEDIM MAKAIPITE
President
: Pa Tuang Gin Mang
(09256495801)
Vice President : Pa Suang Za Nang
(09400311787)
Secretary
: Rev. Thang Van Lian
(09400308172)
Assist. Secretary : Tg. Khan Za Suan
(09450031215)
Treasurer
: Pa Gin Sian Khai
(09400312288)
Accountant
: Pa Thang Pian Lian
(0933395577)
Auditors
: Pa Suan Lian Kim
(09420114858)

: Sm. Hau Suan Huai
(09400310905)
Advisors
: (1) Rev. Dr. Thuam Khan Thang
(2) Rev. Vungh Suan Mung
(3) Rev. Nang Lyan Kap

Published by Pa Tuang Gin Mang (Gi Gin), President, ZYA-Tedim, Lawibual - 32, Kam Hau Road, Tedim. Ph : 50562