E Caminda

Epifania di Seor/ Tres Rey

EVANGELIO
Mateo 2, 1-12

Diadomingo di Iglesia Catolico

Nr. 1/162

4 di Januari 2009

Hesus a nace na Betlehem den region

di Hudea, tempo Herodes tabata rey.
Djis despues algun homber sabi di
oriente a bini Herusalem. E sabionan
a puntra:
"Unda e yiu recien naci, e rey di
Hudiunan, ta? Nos a mira e strea cu
ta anuncia su nacemento sali
y nos a bini pa dun'e homenahe."
Ora Herodes a tende loke nan a bisa,
el a bira tur exalta y tur habitante di
Herusalem tambe.
El a yama tur gransacerdote y doctor
di ley Hudiu hunto
y puntra nan:
"Unda e Mesias lo mester a nace?"
Nan a contest'e:
"Na Betlehem den region di Hudea.
Pasobra esaki ta loke Dios a bisa pa
medio di profeta:
homenahe."
'Y abo Betlehem den region di Huda, di ningun manera
bo no ta esun menos importante entre e ciudadnan di
Huda.
Pasobra for di bo lo sali un gobernado, cu lo guia mi
pueblo Israel como wardado.'"

Despues cu e sabionan a ricibi e instruccionnan aki di e rey,

nan a bay.
Ata nan a bolbe mira e strea cu a aparece na oriente. El a bay
nan dilanti te caminda e mucha tabata y keda para riba e luga
ey. Ora nan a mira e strea, nan a bira masha contento. Nan a
Herodes a yama e sabionan di oriente den secreto cerca drenta y haya e yiu cu su mama Maria. Nan a cay na rudia
dje y informa ki tempo exactamente nan a mira e strea duna e yiu homenahe y presenta nan regalonan, esta oro,
aparece.
mira y sencia.
Despues el a manda nan Betlehem y bisa nan:
Despues e sabionan a bolbe bay nan tera via un otro ruta
"Investiga exactamente unda e mucha ta y ora boso pasobra Dios a adverti nan den un soo
haye, lagami sa ya mi mes tambe por bay dun'e pa no pasa mas cerca Herodes.

www.bendishon.com

pag 2

Prome lectura
Isaias 60, 1-6

Lanta riba, Herusalem, briya!

Pasobra claridad ta pinta pa bo:
Seor su gloria ta ilumina bo manera solo
cu ta sali.
Mira, scuridad ta tapa tera, anochi preto ta
baha riba e pueblonan.
Pero abo, Seor ta ilumina bo manera solo
cu ta sali; e ta baabo den su presencia
luminoso. E pueblonan y nan reynan ta coi
caminda pa bay na e lus, plama riba bo,
atrai pa e splendor cu ta sali foi bo.
Hisa bo cara bo mira:
na boshi nan tur ta basha bin. Ata bo yiu
hombernan ta bini foi luga leu, bo yiu
muhenan tambe, carga na zij.
Ora bo wowo mira, lo bo briya di felicidad,
bo curason lo bati y hincha den bo pecho di
alegria.
Ta rikesa di lama ta trece pa bo, tesoro di
nacionnan ta bini pa bo.
Caravana di camel ta tapa bo pais, dromedario di Midian y Efa.
Henter Sheba a bini; nan ta trece oro y sencia y proclama Seor su obra grandinan.

E Caminda

4 di Januari 2009

Salmo responsorial

Salmo72
R/. Ban tur adora nos Seor.

O Seor, duna rey bo poder,

na yiu di rey bo husticia,
pa e guia bo pueblo cu husticia,
y haci derecho na hende pober.

R/.

Den su dianan husticia lo reina.

Lo tin pas te na fin di tur siglo.
Lo e reina foi lama te lama,
foi riu grandi te na extremo di mundo.

E reynan di Tarsis y di e islanan,

nan tur lo presenta nan regalo.
E reynan di Sheba y Saba
lo bini pa trece ofrenda.

R/.

E ta libra e pober cu ta yora,

esun flihi cu no tin amparo.
Lo e tin pena di esnan debil y pober.
Lo e salba esnan sin yudansa.

R/.

R/.

Di dos lectura

Efesionan 3, 2-3.5-6

Rumannan!
Sigur boso a tende caba di e encargo cu Dios den su gracia a dunami pa sirbi boso.
Esta con Dios a revelami su boluntad scondi.
Esey tabata scondi pa hende di antes, ma awo Dios a revele na su apostel- y profetanan
santo pa medio di su Spirito.
Anto esaki ta loke tabata scondi:
cu esnan cu no ta Hudiu, pa medio di predicamento di bon noticia y di nan union cu
Cristo, hunto cu nos, cu ta Hudiu, ta tuma parti na e mesun herencia, ta bira miembro di
e mesun curpa y ta ricibi e mesun promesa di Dios.

Refleccion: Para firme

Homenahe y regalonan

E tres reynan a cay na rudia duna e Yiu homenahe y presenta nan regalonan,
esta oro, mira y sencia. Oro pa Rey, mira pa Salbador, sencia pa Dios. Oro ta
fieldad, mira ta sacrificio, sencia ta oracion. E regalonan aki ta inseparabel.
Esun cu kier duna oro di fe y di fieldad, tin cu trese cu ne tambe e mira di
sacrificio. Esun cu kier, pa e sencia di oracion, cu e ta ofrece, tin holo dushi
y yega te na trono di Dios, tin cu presente den hemchi di oro, esta den un
curason fiel. Esun cu tin hopi mira marga di sufrimento, e por troce den un
sacrificio conformemente acepta y voluntariamente ofreci na Dios hunto cu
sencia di oracion. Un regalo ta pidi otro, y esun sin e otro ey no tin ningun
balor.
Kico ta nifica e oro di fe si e no ta proba den candela di sufrimento, si e no
ta haya su kilate di balor despues di dirti den forno di sacrificio? Ki balor
por tin e yerba marga di mira si e no ta representa e crus di cada dia, carga
fielmente y acepta generosamente den un curason di oro di fe y confianza
den Dios? Of kico di balor por tin den huma di sencia si e no ta ofreci na
rudia dilanti di Dios hunto cu sacrificio diario y cu fieldad proba manera oro
den candela?
E unico homenahe digno di Dios ta esun aki: oro, mira y sencia, tur tres
pareu.

Un pida
pan pa
cada dia

Dialuna: despues di Epifania/San Juan eumann, memoria opcional.

Salmo 2, 11-12 Dios y Su rey skohi.
Sirbi Seor cu temor, tembla y sunchi Su pia, pE no rabia y boso muri na caminda, pasobra E ta rabia lihe! Felis
tesnan cu ta confia den djE!

4 di Januari 2009

E Caminda

Catisashi pa Diadomingo: Epifania

528. Epifania ta manifestacion di Hesus como Mesias di Israel,

Yiu di Dios y Salbador di mundo. Cu bautismo di Hesus den
Jordano y casamento di Cana, Epifania ta celebra adoracion di
Hesus door di algun mago cu a bin for di Oriente. Den e
magonan aki, representante di religion pagano di pueblo bisia,
Evangelio ta mira e prome nacionannan cu ta acepta, pa medio di
Encarnacion, e Bon Noticia di salbacion. E yegada di e magonan
na Herusalem pa rendi homenahe na e Rey di Hudiu ta demostra cu nan ta buscando, pa medio di e luz mesianico di e streya di
David, na Israel, esun cu lo bira rey di tur nacion.

Nan binimento ta nifica cu paganonan no por a descubri Hesus y

adore manera Yiu di Dios y Salbador di mundo, sino asercando
Hudiunan y ricibiendo di nan e promesa mesianico manera e ta
presente den Testament Bieu. Epifania ta manifesta cu e multitud
di paganonan ta dentra den famia di e patriarconan y cu nan ta
adkiri dignidad di e pueblo eligi di Israel.

Liturgia y cultura

1204. Pesey celebracion di liturgia mester coresponde na e genio

y na e cultura di diferente pueblo. Pa participa Misterio di Cristo
na tur nacion pagano, pa trece nan na obediencia di Fe

pag 3

(Rom 16,26), mester proclame, celebre y bibe den tur cultura di

tal manera cu nan no ta abolie, sino cu e Misterio ta rescata nan y
ta cumpli den nan.
E multitud di yiu di Dios, mediante nan propio cultura humano,
tuma y transfigura pa Cristo, por yega na Tata, pa asina nan por
glorificE den un Spirito.

1205. Den liturgia, specialmente den sacramento, ta existi un

parti cu ta incambiabel, pasobra e ta institui divinamente, di cual
Iglesia ta su wardador y un parti cu por ta cambiabel, di cual
Iglesia tin poder y tin biaha tambe deber, di adapta nan na cultura
di e pueblo recien evangelisa.
1206. E diversidad liturgico por ta fuente di enrikecemento, pero
tambe por provoca tension, malentendimento mutuo y hasta di
kiebro (cisma). Den e caso aki ta claro cu diversidad no por daa
unidad. E mester expresa solamente fieldad na fe comun, na seal
sacramental cu Iglesia a ricibi di Cristo y na e comunion hirarkico. Adaptacion cultural ta rekeri tambe conversion di curason y
hasta, unda ta necesario, un kibramento cu custumber di antes
cual ta incompatibel cu fe Catolico.

Diamars: despues di Epifania/Beato Andr Bessette, memoria opcional.

1 Huan 4, 7. 10.
Keridonan, laga nos stima otro, pasobra amor ta bini di Dios. Tur cu ta stima a nace di Dios y ta conoce Dios. Tesaki
ta amor: no ta nos a stima Dios prome, ma tE a stima nos y a manda su Yiu pa E bira e sacrificio pa pordon di nos
picanan.

Un pida
pan pa
cada dia

pag 4

E Caminda

Catisashi di Papa tocante San Pablo

E di dos episodio ta e incidente conoci di

Antiokia, na Siria, cu ta duna di compronde e
libertad interior di cual Pablo tawata gosa:
con pa comporta na ocasion di e comunion na
mesa entre creyentenan di origen hudiu y
esunnan di matriz gentil? Aki ta manifesta e
otro epicentro di e observancia mosaica: e
distincion entre alimentonan puro y impuro,
cu tawata dividi profundamente e hebreonan
observante di e paganonan. Inicialmente,
Cefas, Pedro, tawata comparti e mesa cu un y
otronan: pero cu e yegada di algun cristian
liga na Santiago, e ruman di Seor (Ga 1,
19), Pedro a cuminsa na evita e contactonan
na mesa cu e paganonan, pa no scandalisa
esnan cu tawata sigui observando e leinan di
puresa alimentaria; y e eleccion tawata
comparti pa Bernabe. Tal eleccion tawata
dividi profundamente e cristiannan cu tawata
bin for di e circuncision (p.e. hudiu y griego)
y e cristiannan sali for di e paganonan. E comportamento aki, cu
tawata menasa realmente e unidad y e libertad di e Iglesia, a
proboca reaccionnan fuerte di Pablo, cu a yega te na acusa Pedro

4 di Januari 2009

(continuacion)

y e otronan di hipocresia: Si abo, siendo

hudiu, ta biba manera gentil y no manera
hudiu, con bo ta forsa e gentilnan pa bira
hudiu? (Ga 2, 14). Den realidad, e
preocupacionnan di Pablo, di un banda, y di
Pedro y Bernabe, di otro banda, tawata
diferente: pa e ultimonan e separacion di e
paganonan tawata representa un modalidad pa
tutela (proteha, guia) y pa no scandalisa e
creyentenan cu ta bin for di hudaismo; pa
Pablo e tawata constitui, en cambio, un
peliger di malcomprondemento di e salbacion
universal di Cristo ofreci tanto na e
paganonan como na e hudiunan. Si e
hustificacion ta realisa solamente den birtud
di e fe den Cristo, di e conformidad cu nE,
sin niun obra di Lei, ki sentido tin ainda e
puresa alimentaria cu ocasion di participa na e
mesa? Probabelmente e perspectivanan di
Pedro y Pablo tawata diferente: pa e prome,
tawata trata na no perde e hudiunan cu a pega na e Evangelio, pa e di
dos no disminui e balor salvico (di salba) di e morto di Cristo pa tur e
creyentenan.

Fransisco de Sales - Bida Deboto

Di tres parti Capitulo : 03.Di e pasenshi

Ora, cu pa ta un deboto, bo ta padece

contradiccion (cu lo no falta bo, sigur)
corda riba e palabranan di Nos Seor: E
muher, mientras cu e ta dunando lus, e ta
flihi; pero despues cu el a haa su yiu, e
no ta corda di e dolornan, dor di e goso cu
un hende a nace riba mundo. Bo a
concebi den bo alma e baby di mas digno,
cu ta Hesucristo, y mientras cu e ta bai
nace y sali na lus, ta preciso cu bo pasa
trabou; pero keda cu bo animo halto,
pasobra ora e dolornan aki pasa, lo bo
keda cu e alegria eterno, cu bo a duna e
lus di mundo na un homber manera esun
aki, y sigur bo por bisa, cu abo a dune
lus, ora mediante e imitacion di su
ehempelnan bo a forme completamente
den bo curason y den bo obranan.
Ora cu bo ta sinti malo, ofrece na nos
Seor tur bo dolor, pena y cansanan, y
suplice pa uni nan na e tormentanan cu el
a padece pa bo; obedece na e remedinan
di dokter pa amor na Dios, cordando di e
binager cu el a tuma pa nos amor; desea
pa bo cura pa bo sirbie, pero no rehusa di

Un pida
pan pa
cada dia

ta malo pa obedece, y
prepara bo pa muri,
manera cu lo ta su
boluntad, pa brase y
gose. Corda di e
abehanan, cu ora nan ta
fabrica e miel, nan ta come
alimento masha marga mes
y cu nos nunca por haci
actonan cu mas dulsura y
pasenshi, ni traha e miel
mas perfecto, cu ora nos ta
come e pan di amargura y
biba yorando. Y mescos cu
e miel, cu ta saca for di e
flor di tijm, hierba chikito y marga, ta esun
di mihor di tur, mescos e birtud ta haci di e
amargura cu mas ta vil, baho y despreciabel
tribulacion, ta esun di mihor cu tur.
Pone cu hopi frecuencia bo wowonan den
spirito di Hesucristo crucifica, sunu,
blasfema, calumnia, bandona; finalmente,
oprimi di repugnancia, tristesa y di trabou,
y considera cu tur loke cu bo ta padece no
tin ningun comparacion, ni den cantidad ni

(continuacio)

den calidad, cu loke cu e Seor a padece,

y cu hamas abo por padece pe nada
compara na loke cu el a padece pabo.
Considera e penanan cu e matirnan a sufri
den otro tempo y loke cu hopi hende ta
sufri awor aki, cu ta incomparabelmente
mas grave cu esun di bo, y bisa: Ay di mi!
Consuelo lo ta mi trabou y rosa mi pena,
na bista di esnan, cu ta biba un morto
continuo sin compasion, asistencia, ni
alivio.

Diaranzon: despues di Epifania/San Raimundo de Peafort, sacerdote, memoria opcional.

Salmo 72, 12-12 Biba rey!
Lo E yuda un pober cu ta pidi, un mizerabel cu ta sin proteccion. LE tin pena di humilde y pobernan, le salba bida di
hende den apuro.

4 di Januari 2009

E Caminda

Familiaris Consortio: Mision di e famia cristian

Iglesia na fabor di bida

Ta cierto cu Iglesia tambe ta conciente di un

tanto problema y complicacionnan cu awendia
na hopi pais ta afecta e esposonan den nan
deseo pa hiba un bida responsabel. Iglesia
conoce tambe e problema grandi di e crecemento demografico y con e ta ser eherci den e
diferente partinan di mundo y tur loke ta encera moral y loke esaki ta trece cune.

pag 5

tambe facilita su comprension cada

dia mas claro y profundo. Di e
manera aki e plan dibino por ser
realisa cada bes mas pleno, pa salbacion di hende y pa gloria di
Creador.

Sinembargo Iglesia ta kere cu un consideracion profundo di tur aspecto di e problemanan

ey ta ofrece un confirmacion nobo y mas fuerte di e importancia di e doctrina autentico
tocante e regulacion di natalidad cu a ser proponi di nobo dor di Concilio Vaticano II y den
e enciclica Humanae vitae.
Pesey , hunto cu e Padernan di e Sinodo, mi ta sinti un obligacion pa dirigi un invitacion urgente na teologonan pa nan uni
forsa pa colabora cu e magisterio herarkico, y compromete nan
mes cada bes mas, pa aclara miho esencia di biblia, e motibonan etico y argumentonan personal di e doctrina. Asina lo ta
posibel, den e contexto di un splicacion ordena y harmonioso
haci cu e doctrina di Iglesia, tocante e kestion importante aki,
por ta berdaderamente accesibel pa tur hende di bon boluntad, y

Den e sentido aki e esfuerso unanime di teologonan, cu ta inspira pa

un consentimento convenci, cu e
doctrina ta e unico guia autentico di
e pueblo di Dios, ta pone tambe un
urgencia special pa motibo di e
relacion intimo cu ta existi riba e
punto aki entre e doctrina catolico y
e vision humano cu Iglesia ta propone. Ora tin duda of confusion riba
tereno di matrimonio of di e famia, esey ta trece di berdad un
scuridad grave y integral riba hende, y special den un situacion
cultural cu ya ta asina bruha y cu ta contradictorio. E contribucion pa aclara y profundisa cu teologonan ta yama pa ofrece den
e cumplimento cu nan tarea especifico, tin un balor incomparabel y ta representa un servicio singular y altamente importante
pa famia y pa humanidad.

Confesionnan di San Agustin

Buki no. 5/ Capitulo IX
Aki mi a wordo ricibo cu e sla di un enfermedad
di curpa, cu casi a matami, cargando cu tur e
maldadnan cu mi a yega di comete contra bo,
contra mi mes y contra e prohimo, mas cu e pica
original, den cual nos tur ta muri den Adam.
Pasobra pe tempo ey ainda bo no a pordonami
nada di esey den Cristo, ni e a deshaci e
enemistadnan den su cruz cu mi a conoce cu bo
cu mi picanan. Y con e lo por a deshaci di nan den
e cruz fantastico cu ami tawata kere di dje?
Pasobra e morto di mi alma tawata mes berdadero
cu e morto di su carni tawata parcemi falso, y tan
bedadero tawata e morto di su carni como tawata
falso e bida di mi alma, cu no tawata kere esey. Y
ora e keinturanan tawata bira mas grave, ya casi
mi tawata pa muri. Pero unda mi lo a bay, si e ora
ey mi lo mester a bandona e mundo aki, si no ta
pa e candela y tormento cu mi accionnan tawata

merece, segun e berdad di bo ordo?

Mi mama no tawata sa nada di esaki,
pero e tawata resa pa mi ausencia, y
abo cu tawata scuche, presente tur
caminda unda cu e tawata ta, y
teniendo misericordia cu mi caminda
ami tawata, cu e fin cu mi recupera e
salud di mi curpa, aunke ainda malo
y cu un curazon yen di sacrilegio.
Pasobra aunke den gran peligro toch
mi no tawata desea di wordo batisa,
aunke mihor ora cu mi tawata un
mucha chikito, ora cu mi a suplica e
piedad di mi mama, manera ya mi a
corda y mi a confesa. Asina mi a
crece, pa mi berguenza, y, sin tino,
haciendo mofa di e consehonan di bo
remedi.

Diahuebs: despues di Epifania

1 Huan 5, 3-4.
Pasobra stima Dios kier men cumpli cu Su mandamentonan. Anto Su mandamentonan no ta un peso pa nos, pasobra
e echo cu un hende a nace di Dios ta loke ta vense mundo y ta nos fe den Cristu a duna nos e viktoria cu a vense
mundo.

Un pida
pan pa
cada dia

Noticia

E Caminda

pag 6

Ricibi riba man no ta di comparacion cu ricibi riba lenga

Hilversum:
E prelado nobo di Vaticano cu
ta atende cu
casonan di
liturgia ta comparti e preferencia di Papa
Benedicto XVI
pa comulga
(ricibi) riba
lenga.
Ricibi riba
lenga, segun e
cardinal Spao,
Antonio
Caizares Llovera, ta hopi mas
respetuoso cu ricibi Curpa di
Cristo riba man.
Ricibi riba man ta excepcion
Aa pasa Papa Benedicto XVI
a enfatisa cu ricibi riba lenga ta
e regla y cu ricibi riba man ta
un excepcion. Papa mes ta parti
comunion riba lenga y esnan cu
tin e privilegio di ricibi serca
Santo Padre mester hinca rudia
aserca.
E prelado nobo di e
Congregacion pa Santo Sirbishi
y e Sacramentonan ta comparti

Un pida
pan pa
cada dia

e concepto di Papa.
Hinka rudia y ricibi ta un
muestra di Fe di un hende, cu
ta pone su mes dilanti Dios,
pasobra e sa cu tur cos ta bini
djE asina cardinal Caizares a
bisa den e corant Spao La
Razon.
Cu esey, segun e cardinal, fiel-

Augustinonan ta stop cu
ayudo na Amsterdamse
Wallen

4 di Januari 2009
Pero e religiosonan mes a dicidi
pone un fin na nan trabow, asina
Parool ta participa.
Algun augustinonan pronto lo
bai muda pa motibo di nan edad
halto, e edad promedio ta
masomenos 80 aa. E futuro di
e combento den Warmoesstraat
ainda no ta conoci.
Monasterio Contemplativo
nobo

nan ta demostra di ta keda sin

abla y asombra pa e Gloria
y Splendor di Dios, Su bondad
y Su misericordia.
Presencia Berdadero
Ora ta ricibi riba lenga y alaves
ta hinca rudia, nos ta pone nos
mes den adoracion pa e gloria di
Dios. E actitud ta muestra di e
Fe cu nos tin den presencia
berdadero di Cristo den
Eucaristia, segun Cardinal
Caizares.
Excepcion
Den hopi misa na Antiyas,
Aruba y Hulanda, a bira normaal pa ricibi Santo Comunion
riba man.
Sinembargo, segun regla di
Iglesia, ricibi riba man ta un
excepcion.
Ricibi riba man ta un dispencacion cu Papa a duna na e
Obispadonan cu a pidi pa esey.
Papa Pablo VI na 1969 a duna
ordo na e obisponan pa por permiti pa fielnan, siendo para
ricibi riba man.

Hilversum:
E ayudo pa esnan sin dak riba
nan cabes, cu ta bini for di e
combento di e religiosonan
Augustinonan di Santa Monica
na Amsterdam, ta stop dia 1 di
januari. E ayudo pa muhenan y
mucha muhenan den crisis y
dificultadnan ta spera e mesun
destino. Motibo ta cu e gran
sosten di obranan caritativo ta
cabando. Asina e corant Het
Parool ta participa.
E augustinonan ta traha desde e
aanan 50 den e region di
Wallen. Tambe ora e caya
Warmoesstraat unda nan ta
ubica a bira e escenario di
droga, nan a keda duna cuminda
diariamente. Diariamente esnan
sin dak y esnan sin cas por yega
ey pa haya pan cu koffie. Riba
diabierna merdia tin cuminda
cayente.
Den e combento e religiosonan
tin tambe 12 luga pa refugia
muhernan cu muchanan cu a cay
den problema. E ayudo specifico
aki, cu tin 56 aa di existencia,
tabata conoci bao di e nomber di
Meisjesstad, ciudad pa mucha
muhe. Pa algun aa caba e
responsabilidad ta pertenece na
e fundacion Cordaad.
E fundacion tabata depende di
donacionnan y un loteria anual.
E municipio di Amsterdam a
duna e religiosonan y Cordaad
ainda 355.000 euro pa aa, pa
reconstruccion di un refugio di
24 ora pa mamanan adolescente.

Lima:
E obispo di e ciudad di Callao,
Mons. Miguel Irizar Campos,
den e marco di Solemnidad di
Inmaculada Concepcion, a inaugura e monasterio
noboSantisima Trinidad di
religiosonan contemplativo,
situa na Pachacutec, Ventanilla.
E Monasterio nobo lo por aloha
10 hoben religioso di Ordo
Cisterciense di diferente
nacionalidad entre otro:
brasilera, italiana, polaca, australiana. Y ta inclui un pabeyon
di residencia di e monjanan y un
pabeyon pa hospeda fielnan cu
ta participa den oracion y liturgia di e religiosonan.
Cu e fundacion nobo aki, e diocesis peruano di Callao ta conta
awor cu dos monasterio di bida
contemplativo, alaves e ta e
prome cu a instala esun di
Madre Carmelitas Descalzas,
situa na Oquendo

Diabierna: despues di Epifania

1 Huan 5, 5.10a.11.
Ken por vense mundo si no ta esun cu ta kere cu Hesus ta Yiu di Dios?
Esun cu kere den Yiu di Dios, tin e testimonio di Dios den su curason;
Y esaki ta e testimonio: Dios a duna nos bida eterna, y e bida ey ta bini pa medio di Su Yiu. Esun cu tin e Yiu, tin
bida; esun cu no tin e Yiu di Dios, no tin bida!

4 di Januari 2009

Tin un leyenda ruso bieuw cu ta papia di un

di cuater rey cu a sali cu e otro tresnan.
Edzard Schaper a retoma e leyenda ey y a
dune forma na un manera magistral. E di
cuater rey aki a hiba cune tres briyante y
piedranan precioso valiosisimo como regalo
pa e Nio rey. E tabata esun di mas jong di
e cuaternan y niun tabatin den su curason
un anhelo mas profundo ni mas ardiente cu
esun di dje.
Na caminda el a scucha di
repente un mucha ta snik.
El a mira den stof un
mucha chikito drumi abao,
indefenso, sunu y sangrando for di cinco herida cora.
Asina strao e mucha aki
tabata, asina tierno y indefenso, cu e curason di e rey
a yena di ardiente compassion El a lanta e mucha y a
cabalga back pa e aldea cu
nan a caba di laga atras.
Niun hende tabata conoce e
mucha. El a busca un muhe
pa bira su mama y el a
entregue un dje piedranan
precioso y valioso pa sigura
e bida dje mucha. Despues
el a sigui dilanti. E strea ta
mustre e caminda. E mucha
indefenso a hacie sensible
pa e miseria di mundo.
El a yega un stad for di cua
un procession di entiero a
bin encontre. Un tata di
famia a muri. E mama y e
yiunan lo a ser bendi como
esclavo. Na nan el a duna e
di dos piedra precioso.
Ora el a bolbe cabalga, ya e
no por a haya e strea. Duda a
tormente si e tabata infiel na su yamada.
Den esey e strea a bolbe bria y a guie door
di un pais strao, den cua guerra tabata
causa destruccion y ruina. Algun soldat
tabata trece e hombernan di un aldea hunto
pa matanan. El a scapanan cu e di tres piedra precioso. Desde e momento ey e no ta
bolbe mira e strea. Pober manera un djaka,
el a pasa door dje teranan yudando persona-

E Caminda

E di Cuater Rey

pag 7

cu cu su briyo a conducie te na portanan di

un gran stad. E massa di hende a pushe te na
un sero riba cua tres crus tabata halsa. Riba
e crus central su strea tabata bria. Ey ora e
mirada dje homber colga na crus ey a encontre. E homber ey mester a sinti tur e sufrimentonan, tur e tormentonan di mundo,
asina su mirada tabata. Pero tambe tur e
compassion y un amor sin limite. Su mannan
bora cu clabo, tabata trosi di
dolo. Pero dje mannan ey
tabata sali rayonan deslumbrante. Den esey, e lus di
comprension a sacudi e rey
manera un lamper. Esaki ta
e Rey di sernan humano y
Salbador di mundo, pa kende
mi a suspira cu anhelo; e a
topami den tur cu tabata fatiga y carga E rey ta cay na
rudia na pia dje crus. Riba su
mannan habri ta cay e ora
tres gota di sanger mas briyante cu e tres piedranan
precioso. Ora Hesus a dal un
grito y a muri e rey tambe a
cay muri. Hasta despues di
morto, su cara tabata bira pa
Seor y riba dje tabatin un
resplandor cu tabata manera
un strea briyante
Cada bes cu mi lesa e leyenda aki, e ta conmove mi profundamente. Kisas e ta bisabo tambe algo dje misterio
di Pasco. Hopi biaha bo no
ta ripara niun rastro di un
strea briyante. Den bo paden
bo ta den scuridad. Y bo ta
duda cu bo ta riba caminda
correcto. Pero ora bo ta
entrega bo mes na bida, na e
sernan humano cu ta ranca na bo riba camintamente y un certesa a pasa over di dje
da, ora bo ta yen di compassion, manera
tranquilo di ta, apesar di tur cos, riba e
Dios ta exigi, e strea lo resplandese pa bo un
caminda correcto. Su compaeronan di
sclavitud y su shonnan a ripara un radiacion dia y lo bo encontra e Nio dibino den cada
cara humano na cua bo ta bolbe y na ken su
strao dje homber aki. Nan a lague den
anhelo bo ta responde.
libertad.
Den su soonan, el a wak e strea di nobo y
el a scucha un stem: Haci lihe, haci lihe
El a lanta mei mei di anochi. Ata e strea ey,
nan amenasa.
El a yega un waf net na tempo pa mira con
un tata di famia ta wordo kita di su famia y
obliga pa paga su debe como galeislaaf. El
a ofrece su mes pa sustituye y dje tempo ey
el a traha aanan largo como galeislaaf
(halando pagai den bahul/bodega dje botonan dje tempo aya) E strea a sali ey ora den
su alma E lus interior aki a yene comple-

Diasabra: despues di Epifania (mainta)/Bispo di Bautismo di Seor.

1 Huan 5, 20-21.
Pero nos sa cu e Yiu di Dios a bini y cu El a duna nos comprondemento pa nos conoce Esun berdadero. Nos ta biba
den comunion cu Esun berdadero, pasobra nos ta den comunion cu Su Yiu, Hesucristo. E ta e Dios berdadero y E ta
bida eterna. Mi yiunan, keda leu foi tur cos cu kier tuma e Dios aki Su luga!

Un pida
pan pa
cada dia

pag 8

Dicho di siman

E Caminda

Es cu basha boter mesora,

su casa lo yene
cu awa di wowo.

Tur cos ta pa hende, nan sa bisa y ta

berdad. Bo por dal un cerbes friu de
bes en cuando, of un poco bia pa
celebra encuentro cu amigonan of un
fiesta. Bo por bebe salud pa cumpleaos y hasi: chin chin pa celebra un
encuentro. Basta si bo tin un freno, cu
ta stop bo na ora, of miho ainda:
prome cu ora. No sinta nunca den un
auto sin brake, pasobra lo bo tin cu
frena riba palo di lus of riba baranca di
mondi. Mescos asina, no sinta na mesa
yen di alcohol si e freno di bo boluntad no ta traha bon. No mishi mes cu
alcohol si bo sa, cu bo sa perde balansa. Hende burache ta mas
porco cu hende, mas macaco cu ser humano. Su idiotes ta rebahe
publicamente y su desenfreno ta hibe na desgracia sigur. Ay di un
casa cu tin compania di un burache. E bida di tur dos ta bira desgraciado y nan yiunan en bes di lechi lo bebe tur dia e lagrima di dolor
y di berguensa. Alcohol a basha abou casnan di mas fuerte; a plama
foi otro parehanan di mas namora; a destrui e bida di mas inocente.
Alcohol ta sustitui e celebro humano cu esun di bestianan di mas
hororoso pa terorisa no enemigonan, sino esnan cu ta pega na curason. Pa cada gota di alcohol den exseso, un otro hende lo drama mil
lagrima.
Ta berdad, es cu basha boter mesora,
su casa lo yene cu awa di wowo.

Mi regalo dibino

Dushi, bo no ta djis un nota

Bo ta e cancion, mi bolero
cu diariamente ta namora mi curason.
Mas cu djis un gota
Bo ta e yobida, mi awasero
cu ta inunda mi alma cu su stimashon.

Pero mas cu tur cos

Bo ta e regalo precioso di Dios

4 di Januari 2009

Oro, mira y sencia

Kende tabata rey tempo Hesus a nace?

__________________________________________________________
Kico a guia e sabionan te na e Nio?
__________________________________________________________
Cua ta e tres regalonan di e sabionan na e Recien Naci?
__________________________________________________________

(Poesia recita door di Pader Bouwman durante despedida 6 december 2008)

Su contesta dibino y di bondad

con pa mi logra felicidad.

Dushi, bo no ta djis un verso

Bo ta e poema, mi poesia
cu den marduga ta inyecta mi cu inspirashon.

Mas cu e luz di dia

Bo ta e solo, mi universo
na unda mi ta biba puramente di pashon.

Pero mas cu tur cos

Bo ta e regalo precioso di Dios.
Pesei, mi canto tun orashon,
pa mi gradisi Seor
cu t Abo ta mi dushi, mi esposa, mi
bida y mi Amor.

Dolfi Kock

Biografia di e di 136 Papa

136. Papa Huan XIV (983-984) Papa Huan XIV tabata italiano. Otto II a designa cu e sucesor di Benedicto
VII lo ta su propio cansiyer Pietro di Campanova, kende a tuma e nomber di Huan XIV. Otto, kende apenas
tabatin 28 aa, a muri repentinamente na aa 983. Manera el a muri e ambicioso Enrique di Bavaria a tuma e
titulo di Rey di alemania; e heredero real di Otto II tabatin apenas tres aa y tabata bou cuido di su mama
Theophano. E caida di Huan XIV tabata lihe pasobra Constantinopla a reinstala e antipapa Bonifacio VII, kende
a comete un serie di actonan horibel y violento contra su enemigonan. El a sera Papa Huan den e Castiyo
SantAngelo na unda el a muri venena. E ta dera den e grottonan di Vaticano.
Informacion E Caminda
Redaccion: COMUNIDAD SPIRITUAL TOTUS TUUS, bao di guia di Pastor Daniel Wieslaw Szpila, Dakota, Aruba
Por manda articulo, informacion of comentario na: info@bendishon.com ; FAX.: 582 2764; TEL.: 582 2525.
E CAMINDA ta obtenibel tambe riba: www.bendishon.com; Pa pidi via e-mail: ecaminda@yahoo.com.

www.bendishon.com