Synfocity = 529

Synod Information & Publicity Department, Synod Office (Third Floor), Mission Veng, Aizawl

www.mizoramsynod.org

mail us at : mzsynfo@gmail.com; mizoramsynod@gmail.com - Phone - 2314648

26th March, 2015

Tanpuina sem
March 19, 2015 a Synod Partnership Committee thukhawm chuan tanpuina sum pek nise, tiin a rel a. Tanpuina hi
tunah hian pek chhoh mek an ni. Tanpuina pek turte chu :1. Cancer Hospital, Zemabawk
- Rs. 50,000
2. Shalom, Jowai
- Rs. 30,000
3. Partnership Mission, Meghalaya
- Rs. 30,000
4. Tawngtai Bethel Camp, Chawnpui
- Rs. 50,000
5. Gan Sabra, Luangmual
- Rs. 10,000
6. Mission Foundation Movement Missionary Training atan
- Rs. 30,000
7. Disciples Society
- Rs. 20,000
8. Varanasi Mission
- Rs. 40,000
9. T.B.Z., Mizoram
- Rs. 50,000
10. Apostolic India Mission
- Rs. 50,000
11. Restoration India Mission, Cuttack
- Rs. 40,000
12. Set Free Ministries (Jail Ministry)
- Rs. 30,000
13. Zoram Evangelical Fellowship
- Rs. 50,000
14. T.N.T., Zuangtui
- Rs. 50,000
15. Blind Society, Luangmual
- Rs. 20,000
16. Love Project c/o Grace Home
- Rs. 50,000
Total
- Rs. 6,00,000

Obituary : Pu Rohmingliana, Evangelist

Pu Rohmingliana (Evangelist), Agartala a thawk chu lung lam that lohna avangin March 22, 2015 zan dar 9:45 p.m.
khan CMC Vellore ah a thi. Pu Rohmingliana hi Pu Engdailova leh Pi Vanlalhluni (L)-te fa hming koh niin September
8, 1961-ah Sethawnah a piang a. January 7, 1987-ah Pi Lalawmpuii nen Pastor Lalengliana kutah an innei a, fa pali
(Hmeichhia 1 leh Mipa 3) an nei a ni.
Pu Rohmingliana hian a hun hmasa lamahRevival Speaker hnung zuiin Mizoram hmun hrang hrangah rawngbawlin
a zin chhuak thin a. Kolasib High School chawmin kum 1990 atangin Barak Area Missionary-in a thawk thin.
Synod Mission Board hnuaiah January 4, 2002 khan a thawk tan a, January 2010-ah Permanent-ah hlan kai a ni.
Barak Area-ah leh Tripura Mission Field-ahte thawkin a thih thleng hian Agartala-ah Evangelist-in a awm a ni.
Amah hi mi hrisel tak a ni lo va, a lung valve swng avangin kum 1997-ah Guwahati-ah zai a ni a. Kum thum hnuah
a chhuak leh tura an sawi angin a lo chhuak leh a. Kum 2000-ah Vellore-ah enkawl a ni a. Heta tang hian thla tin
deuhthaw a in check-up reng a ni.
A nupui, Pi Lalawmpuii, chu a lng lam that loh ve bawk avangin Vellore-a refer a ni a. An nupaa kalin, a nupui chu
tha taka enkawl a ni a. Heta an awm lai hian Pu Rohmingliana hi a natna lo chhuakin March 9, 2015 khan darkar
7 lai an zai hnuah ICU-ah an dah a. Natna dangin a tlakbuak bawk avangin that chhuah tak tak nei lovin March 22,
2015 9:45 p.m.-ah a rawng a bawl thin Lalpa hnenah a chawl ta a ni. Pu Rohmingliana ruang hi an khua Thingdawlah
March 25, 2015 khan ropui taka vui liam a ni.

Zin
w March 25, 2015 (Nilaini) hian Barak Area Committee, Silchar-ah neih a ni a, meeting-ah hian Rev. Lalrinmawia
(Synod Moderator), Rev. Lalzuithanga (Senior Executive Secretary), Rev. B. Sangthanga (Synod Secretary), Rev.
C. Vanlalhruaia, Rev. C. Lalsangliana, Rev. Lalchhuanmawia (SMB Secretary) leh Upa Lalfakzuala te an kal.
w March 25 - 30, 2015 chhung hian Lairam Isua Krista Baptist Kohhran (LIKBK) Inkhawmpui, Lawngtlai-a palai
turin Rev. Laldailova, Civil Hospital Chaplain leh Upa R. Manliana, ITI Veng te an kal.
w March 28, 2015 (Inrinni) nilengin Dawrpui Bial KTP-ten Evangelism & Stakeholders Training an buatsaih dawn
a, hun hmanpui turin Dr. Robert S. Halliday, Superintendent, Synod Office a kal ang.

Karbi Anglong Synod hawn

March 28, 2015 (Inrinni) hian Karbi Anglong General Assembly Administrative Area (KAGAAA) Synod hawn a ni
dawn a, hemi hmanpui turin March 27, 2015 hian Rev. Lalzuithanga, Senior Executive Secretary, Rev. B. Sangthanga,
Synod Secretary, Rev. Dr. R. Lalbiakmawia, Finance Officer leh Upa Vanengmawia, Statistician te an kal ang a,
March 31, 2015-ah an lo let leh ang.

Kohhran Hmeichhia
w Presbyterian Women Joint Committee (PWJC) Inkhawmpui, Khampat Calvin, Tahan, Myanmar-a neih turah
Central Kohhran Hmeichhe hruaitu, Pi H. Lalpianthangi, General Secretary; Pi Sailuti, Asst. Secretary; Pi C.
Lalhmangaihi, Ex-Chairman leh Nl. Zoremmawii (Soloist) te chu March 24,2015 khan an kal a, April 1, 2015-ah an
lo let leh ang. Inkhawmpuiah hian Pi H. Lalpianthangin Bible Study Petera Lehkhathawn 1 a neihpui ang a, Inrinni
zan atanga Pathianni zan thlengin Pi Sailuti leh Pi C. Lalhmangaihi ten Krista thuhretu (Tirhkohte 1:8) tih thupui
hmangin Pathian thuchah an sawi bawk ang.
w March 27, 2015 (Zirtawpni) hian Bethlehem Bial huapin Bethlehem Venglai Kohhranah Leadership Training
neih a ni dawn a, hemi neihpui tur hian Pi Lalfakmawii, Coordinator, Kohhran Hmeichhia leh Pi R. Rengkhumi,
Committee Member-te an kal ang.

Synod Mission Board

w March 25 - April 6, 2015 chhung hian Patna, Jharkhand, Lucknow leh Delhi-ahte Field Committee nei turin Rev.
P.C. Pachhunga, Executive Secretary leh Upa Denghmingthanga, BEC Member-te an kal. Karbi Synod hawnnaah
an tel nghal ang.
w Rev. Lalchhuanmawia, SMB Secretary chu Karbi Anglong-ah Field Committee nei tur leh Karbi Synod hawnna
March 28, 2015 hmang turin a zin mek bawk.

Thawktu thi ral dawn

March 27, 2015 (Zirtawpni) chawhnu dar 2:00 hian Synod Lay Workers Fellowship chuan Pu Reuben F. Zothanpuia,
Synod Office ralna, Model Vengah an nei ang.
Contd,..

Synod Information & Publicity Department, Synod Office (Third Floor), Mission Veng, Aizawl

MSSU
March 28, 2015 (Inrinni) nilengin Hualngohmun Kohhranah Sunday School Zirtirtu Training neih a ni dawn a, hemi
neihpui tur hian Pu John Lalhruaitluanga, MSSU Asst. Coordinator; Upa K. Vanlalnghaka, Ramhlun East leh T.Upa
F. Lalenghluna, Ramhlun Vengthar (MSSU Trainers) te an kal ang. Zan Pathian biak inkhawmah Pu John
Lalhruaitluangan Fanau enkawl (Child Evangelism) chungchang thuchah a sawi ang.

Kristian Thalai Pawl

w April 27, 2015 hian Tanhril Venglai Branch Silver jubilee lawmna hmanpuiin Central KTP Leader Rev. J.
Lalremsiama a kal ang.
w Karbi Anglong Synod thar hawnna (April 29, 2015)-a zai turin Mizoram Synod Choir chuan naktuk (April 27,
2015) hian Aizawl an chhuahsan ang. Central KTP Committee atangin Pu Ngurhmingliana leh Pu Lalchhuanliana
ten an tawiawm ang.

Hruaina Eng FM Radio & TV Programme

w MARCH 27, 2015 (FM ZOAWI AIZAWL @ 7:30 P.M.)
Solo : Fel Feli - Ka tan a tawk, Zaipawl : Besy Choir - Ka inhlan e Lalpa, Thuchah : Imanuel Lalhriatzuala Ralte
- Globalization, Solo : Mafaki - Kohhran, Zaipawl : TBZ Zaipawl - Aw Lal Pathian I Kutchhuak thilsiam tin reng,
Solo : Lalduhsaki - Ro min relsak ang che
w MARCH 27, 2015 (FM LUNGLEI @ 7:30 P.M.)
Solo : Fel Feli - Ka tan a tawk, Zaipawl : Besy Choir - Ka inhlan e Lalpa, Thuchah : Imanuel Lalhriatzuala Ralte
- Globalization, Solo : Mafaki - Kohhran, Zaipawl : TBZ Zaipawl - Aw Lal Pathian I Kutchhuak thilsiam tin reng,
Solo : Lalduhsaki - Ro min relsak ang che
w MARCH 29, 2015 (Tv Programme) @ 3:00 p.m.) :
Playback : Kohhran Hmeichhe Inkhawmpui Lian 2015

Susamachar Prasaran Programme

w MARCH 29, 2015 (Pathianni) 5:00 pm. Hindi Gospel Programme (Susamachar Prasaran) :
Group/Choir/Solo : Lunglei Area Masihi Sangati - Jesu phainai, Group/Choir/Solo : Karbi Presbytery Choir - Ne
vang thu lo, Sermon : Lalhmingthanga - Chhandamna, Group/Choir/Solo : Chawnpui Kohhran - Saron Ka Gulab,
Group/Choir/Solo : Venghnuai Kohhran - Milkar Hamm

Moderator Programme
Synod Moderator Rev.Lalrinmawia chuan tunkar tawpah hetiang hian hun a hmang ang :
w March 28, 2015 (Inrinni)
Zan
:
Govt. Complex Kohhran
w March 29, 2015 (Pathianni) Chawhma :
Zonuam Kohhran
w March 29, 2015 (Pathianni) Chawhnu :
Luangmual Vengthar Kohhran

RAM PUM HUAP TAWNGTAI RUAL THUPUI

Synod Executive Committee 255:62 of 24-26.2.2015 chuan khawvel ram hrang hranga Kristian tihduhdahna leh
nekchepna hnuaia kun mekte tan ram pum huapa tawngtai rual neih ni se tiin a rel a. A hun atan April 4, 2015 (Inrinni)
Zan Inkhawm a ruat bawk a ni. Tawngtai rual thupui a hnuaia tar lante hi a theih anga sawi zau emaw sawi fiah emaw
a tul chuan Kohhran Committee-in buatsaih mai ni se. Heta tarlan bak hi Kohhranin tul a tih angin telh mai ni se.
Sawifiahna
India ram chhungah hmun hrang hrangah Kristian-te'n beih leh nek chep kan tawk mek a. Kumin chhung ngei pawh
hian Jabalpur, Madhya Pradesh-ah te, Mumbai, Maharastra-ah te, Biak In hal a ni a, Haryana-ah te Biak In suasamna
leh Kraws suasamna te a thleng a, kraws dahna hmuna Hanuman lim dah luihsak te an tawk a. Mangalore-ah Catholic
rawngbawltu Nun te ruk bo a ni a, pawngsual te an tawk a. Central India hmun hrang hrangah Kristian school thenkhatte
Kristian chhinchhiahna an siamte avangin tihbuai leh vau an ni bawk a. Karnataka-ah Hindu firfiak pawl VHP ten
Kristian-te an tibuai reng a, nasa takin an nek chep a. Hetiang thil hi India ram hmun hrang hranga Kristian-te laka a
thleng reng chung hian sawrkar atangin ngaihsak leh humhalh an hlawh lo hle a ni.
Khawvel hmun hrang hrangah Kristian-te hian ngaimawh kan hlawh hle bawk. Kumin chhung hian Muslim firfiakte kut
an tuar nasa tawh hle a ni. Pakistan-ah Biak Ina tawngtai lai thih chilh bomb nena beih an ni a. Middle East huam
chhungah nunna tam tak lak a ni tawh. Nunau thlengin zuah an ni lo va, Bible hal leh Biak In nghaisak te chu nitin a
thleng. Muslim firfiak ISIS te chuan mamawh leh ralthuam tuak nan mihring taksa bung pawimawhte sumdawn nan
hmangin Kristian-te chu sa talhin an talh reng a. Hetiang atan hian Kristian tawh phawt chu ruk bo tur an vai reng a ni.
An hmeichhiate an pawngsual a, an that a, an kal leh taksa bung hrang hralh theih apiangte an la thin bawk. Syria,
Lybia leh Egypt-ah te an che na em em reng a ni. Kristian-te hmunpuia kan ngaih thin USA leh UK-ahte ngei pawh
Kristian nihna tihlan khapna hmun tam tak a awm ta mek bawk.
INDIA
- India mi Kristian khawvel ram hrang hranga awm intel khawmten Kristian tihduhdahna titawp tura India sawrkar an
dawr mek tihhlawhtlin a nih theih nan
- Prime Minister Narendra Modi-an hnam leh sakhaw tenau zawkte humhim a tiam ang ngeia Kristiante hum him an
nih theih nan
- India rama Kristian huat bikna a reh theih nan
KHAWVEL HMUN DANG
- Ram tinin sakhaw hrang hrangte thlei bik nei lova an en theuh theih nan
- Tihduhdahna tuar mek Kristian-ten rorelna dik tak an hmuh theih nan
- Khawvel puma Kristian-te nghehna leh inpumkhatna atan
KHAIKHAWMNA
- Tiduhdahtute Pathian khawngaihnaa hneha an awm theih nan
- Mihring leh mihring innghaisak duhna thinlung a lo bo theih nan
- Sakhaw dangte ang bawka Kristian-te'n zalenna an neih ve theih nan
Synod Social Front Helpline: 9089777129;
Tuai & Patil
: 8729800130;
MailHelpline
us at : mzsynfo@gmail.com,
Students Helpline :mizoramsynod@gmail.com
9856883377

Synod Information & Publicity

Phone - 2314648

Synfo