Zo Phualva
Vo l u m e 0 1 , I s s u e 1 9 Thupuak
Thahatna hi lo, vangliatna zong hi loin keima Kha hang ahi hi. Zech 4:6
CHRISTMAS THU
December kha hong tun ciangin, Christiante sangin,
Christian ahi lo, Pasian athei lo, suahni neipa Jesu mah-
mah a um lo, zong athei kha ngei lo, Leitung mite
lawpzaw tham uh hi. Nam khat pan en leng, lungdam huai
tawh a kibat hangin, a langlam pan en leng, ngaihsut huai
mahmah thu hi.
Jesu lah um peuhmah lo a, Ama suahni (Birth day)
(or) Christmas lah limbawl mahmah cih pen, thu lam-
dangpi khat hi. Mite sum zonna nam khat bel himah hi.
Ahi zongin Christmas tawh kisai-in tanglimin, bangci kizat
hiam, cih ih theihnading Laisiangtho tungtawnin kikum ni.
I. Lai Siangtho Sunga Suahni Pawi Bawlte
A. Lai Siangtho Lui (Thukhun Masa) Suahni pawi:
(i). Pharaoh kumpi pan asuahni pawi bawl hi. Pian.
40:20.
(ii). Pharaoh pen Pasian thu um lo hibek thamlohin, Pasian
galpa ahi hi.
(iii). Pharaoh suahpawi in, a anhuanpa ngawng kitan hi.
B. Lai Siangtho Thak (Thukhun Nunung) Suahni pawi:
(i). Herod kumpi pan asuahni pawi bawl hi. Mtt. 14:6,
Mk. 6:21.
(ii). Herod zong thu um lo mah hi a, Jesu a thah nopna
hangin, naupang kum2 nuaisiah athat, Jesu galpa mah hi.
(iii). Herod suahpawi ah tuiphumpa John ngawng kitan hi.
Hih Lai Siangtho Lui leh Lai Siangtho Thak a, suah-
pawi bawlte nih pen thu um lo, Pasian leh a Tapa galte
zat pawi ahi hi.
II. Christmas (Lungdam Pawi)
Christmas ih cih pen, Jesu suahni, (Jesus Birthday)
ahi hi.
A. Jesu Suah ding ki genkhollo:
Isa. 7:14. Topa mah in, note tungahlim khat hong pia
ding hi. En un, nungak khat gai-in Tapa khat nei dinga,
ama min Immanuel kici ding hi.
B. Genkholhna tanggtung:
(i). Matt.1:18-25. .David suan Joseph aw, nalaw-
mnu Mary na tenpih dingin, lung himawh kei in. Ama
gaina in, Kha Siangtho gaisak hi. Amah in Tapa anei ding
hi. Tua Tapa in ami pawlte mawhnate sung pan a gumkhia
ding ahih ciangin amin Jesu na phuak ding hi, ci-in ahilh
hi. Tua thu khempeuh in Topa in a kamsangte tunga a
genkholh bangin atun nading ahi hi. Tua thu genna in: (Isa.
7:14.a bang)
(ii). Gal. 4:4. Ahun acin ciangin, eite in Tapa za ih
ngah nadingin, Thukham khut huai mite tan dingin, numei
gil sungah hong gai-in, Thukham khut nuai ah a hong suak
a Tapa, Pasian in a hongs awl hi. Tua bangin note in tate
na suak uh ahih ciangin,Abba Pa cisak in Ngaihsut ding: Jesu adingin, a suahni pen:
December 24, 2011
C. Jesu Suahni Phawkna pawi bawl ding vaikhahna om lo:
(i). Topa Jesu in, hih Leitungah kum 33 val a om sungin,
a suahni (Birth day) khat vei beek bawl ngei lo hi.
(ii). Topa Jesu nu Mary leh Joseph ten zong a it mahmah
a tacil (Kha Siangtho tawh aneih ta) adingin khat vei beek
suahni pawi bawlsak ngei lo hi.
(iii). Nungzuipi ten zong Topa Jesu tawh kum 3 val bang
a kithuah uh hangin, Suahni pawi khat vei beek bawlpih ngei
lo uh hi.
Topa Jesu in zong, nungzuipite tungah Suahni pawi bawl
ding, kam khat beek vaikhak ngei lo hi.
(iv). Christian masa ten zong Suahni pawi na bawl ngei lo
uh hi.
(v). Topa Jesu in, Vantung a kahtoh ma in, Kei nong
phawk nadingun, ka suahni (Birthn day) pawi na bawlsak
un; tua pen Christmas kici ding hi ci-in vaikhak ngei lo hi.
(vi). Paisan pawi anek ni-un, Kei nong phawk nadin-
gun, hih bangin na bawl un, ci a, tua pen Nekkhawm
bawlna hipah hi. Vaikhahna ahih manin tu dongin kibawl
hi. Luk. 22:19.
III. Suahni Samsia:
A. Job in suahni pawi bawl ding cihthadah, samsia zawsop
hi. Job 3:1-11.
B. Jerimiah in zong a suahni samsia hi. Jer. 20:14,15.
Thukhupna:
(i). Tua hi a, Christmas pen, Jesu a um lo teng, han-
ciamna pawi hi a, Jesu tawh kisai lo hi.
(ii). Sunday ni pen, Jesu a um lo, Leitung a biakna tuam-
tuam ten atan mah abang ahi hi.
(iii). Suahni neipa Jesu mahmah in, khat vei beek suahni
pawi bawl ngei lo banah, bawl dingin zong vaikhak ngei lo hi.
Suahni nei pan zong bawl ngei lo ahih leh kisam sa lo hi ding
hi. Kisam sa leh bawl zo ngel ding hi. Tua ahih manin, Topa
Jesu thupiak bang Lai Siangtho hong gen banga anungta
nuam, azui nuamte adingin Christmas pen kisam lua kei leh
kilawm hi. Lai Siangtho sunga hongs awl khempeuh, hih
zawh loh, zuih zawh loh kawmkal ah, hongs awl lohpi ih va
hihkhak pen Pasian langdona hithei hi. Kidop siamin, pilvang
tak a gamtat ding thupi hi.
(iv). Ani leh a hun ki thei lo hi. December 25th ni zong
amaan hi lo hi. Mihingte phbuahtawm hi. A taktak
in, NI biate pawi ahih man, Leitung mi khempeuh phialin
diksa uh hi. (Jesu phawkna in December kha zong Sweet
December cih ngam huai hetlo hi).
(v). Sawl lohpi ih sep sang, hong sawl nate, limtakin
mangzaw leng, Pasian maipha ih ngahzaw kei tam! Christ-
mas abawl nuam teiteiten hih thute phawkkawmin, bawl ni.
(a). Pasian Tapa pan Mihing tapa (Son of man)
(b). Gamhluah zaa pan Pemta (Alience)
(c). Topa pan Sila/Sal (Slave)
(d). Kumpi pan Nasem (Servant) a suahna hi a, Ama adin-
gin, lungdam huai hetlo ahih man, dahna khitui tawh adim ni
ahih man, Birth day bawl ding, a vaikhak lo hikha ding hi.
Gupkhiatna thu ahi, Lungdamna thu (Gospel) sungah-
Jesu suahna kihel lo hi. Asihna, Akivuina, Athawhki-
kna bek om hi. I Cor. 15:3,4.
Rom. 6:3,4. Khris Jesu sungah a kibaptaiz eite khem-
peuh in, ama sihna sungah kibaptaizna ih ngah hi, ci-in thei
lo nahi uh hiam? Tua ahih ciangin sihna ah baptaizna in, Jesu
tawh ih kivuikhawm hi. Khris in Pa vangliatna tawh sihna
pan hong thawhkikmah bangin, eite in zong hinna thak ih
zuih theih nading ahi hi, naci a, Gupkhiatna sungah
Jesu suahna kihel loin, a sihna, akivuina, a thawhkikna bek
kihel hi. Hih gupkhiatna a kihel, a sihna, a kivuina leh a
thawhkikna nangawn, sihni pawi, kivuini pawi, thawhkikni
pawi bawl dingin, na vaikhak lo lai hi. Tua manin zong
Suahni pawi bawl ding, ahah gen lo hikhathei ding hi.
Bangbang hileh, nidang lai, Christian masa ten zong
abawl loh uh, Ni pasian biate huzapna ahih man, pilvang
takin ngaihsuthuai mahmah ding hi. Christmas bawl huai leh
bawl huai lo cih ei tekin khen ciat ni. A telsiam dingin To-
pan thupha hong pia ta hen. Amen! By, Rev. Dr. Cin Sian Pau.
THU TUAMTUAM
Sabbath Thupuak: December 10, 2011 Sabbath hunpi ah
Pr. Wilson Po, Youth Director of MYUM, in Hun NuNung
Hita (I Peter 4:7) cih thulu tawh thapiakna kician takin
hong nei hi. Gam thumna leeng tading ahi Pa Pau Lian & Nu
Zam Cing Seep leh Tg. Khuptawng (Tuiphum pawlpi) te in
Topa tungh lungdamkohna in Sabbath sun-an hong vak
manun pawlpi min tawh lungdam ih ko a Church Pastor SB
Ngaih Cin in thungetsakna hong nei hi. December 17, 2011
Sabbath pen Elder Dai Khan Mung in Hun NuNung
Kiginkholhna (Matthew 24:25) cih thulu tawh kha anvakna
hong nei hi. Tua ban-ah Madam Goh Cheng Siew & Mrs.
Ling te in Sabbath sun-an hong vak uh ahih manin pawlpi
min tawh lungdam ih ko hi.
Tuiphumna Kinei: December 10, 2011 Sabbath ni in Pa
TunTun in Jesu pen ama aituam gumpa le honpa in hong
sangin ama khensatna tawh kizui in Pr. Wilson Po tuiphumna
tawh pawlpi sungah hong lut hi. Pa Tun Tun pen Thein zeik
khua, Thaton Township, Mon State aa om U Kyaw Win le
Nu Cho Cho Lwin te' tapa hin kawl buddist pan ahi hi. Upna
zungthuk kha in Topa sung hong thahat semsem nangin akua
maciat in thapia in thungetna tawh panpih tek ni.
Naumin Phuak Inn Thungetna: December 15, 2011 ni
5pm-6pm sungin Pa En Lam Thawn & Nu Man Muan Cing
te tungpan Topa piak tano Tg. Cin Thawn Thang (DOB
11/12/11) naumin phuahna kinei aa biakpiakna ah Sia Mung-
tong in hun-uk hong sem in Sia Ngaih Cin in hanthotna leh
naumin phuah thungetsakna hong nei hi.
Christmas La Zai ZiahZiah: December 17, 2011 Sab-
bath hunpi ah KL English Church pan Madam Goh makaihna
tawh Philippines lasiamte, Precious (mivomte), Siama Dini
makaihna tawh Pudu Learning Centre pan naupangte in
Christmas late tawh Pasian minphatna hong nei uh hi.
Seventh-Day Adventist Church
15-1-5 (1st Floor) lorong Tiongnam 5
Off Jalan Raja Luat 50350 KL, Malaysia
Mr SB Ngaih Cin, Church Pastor 014-922 9452
Mr Cin Sian Pau, Assistant Pastor 017-329 1810
Mr Tual Suan Mung, Youth Pastor 017-326 5747
Zato ah Cina Vehna: December 17, 2011 nitak 8pm pawl
in Sia Ngaih Cin, Sia Mungno, Sia PaaKhai & Sia Mungtong
te in IPR ah zato lum Vung Sian Ngai, GHKL ah Thang Lian
Suum le Chowkit ah Nu Cing Lam Man (nausuak) te vaveh in
thungetsakna vanei uh hi.
2012 Ading Pawlpi Makai Kiteel: December 10, 2011
Sabbath nin Church Pastor SB Ngaih Cin makaihna tawh
2012 kum ading pawlpi makai kiteelna nopci takin kinei hi.
Cheras Yulek Home-cell Kibawl: December 11, 2011
nitak 7:00pm in Pa Mang Siing omna Cheras Yulek ah Sia
Ngaih Cin & Sm Aye Cing te makaihna tawh veng ki khop
biakpiakna kinei a mi 12 kipha hi. December 18, 2011 nin Pa
Dal SD Piang omna, Cheras Yulek ah Sia Mungtong & Sia
Ngaih Cin te makaihna tawh kinei kik in mi 10 kipha hi.
Kepong Juso Veng Home-cell: December 14, 2011 nitak
7:00pm in Nu Mang Lam Vung omna, Kepong Jusco ah Sia
Mungtong, Sia Ngaih Cin te makaihna tawh biakpiak kikho-
pna le thungetna noptak kizang a mi 16 bang kipha hi. De-
cember 21, 2011 ni 7:00pm in Pa Zam Nei Thang Omna,
Kepong Jusco ah kinei kik in LST thusinna, lasakna, kamngah
genna&thunget ki-apna cih dan in hun kizang a mi10 kipha hi.
Hang Tuah Veng Kikhopna: December 13, 2011 nitak
9pm in Sia SB Ngaih Cin Omna, Hang Tuah ah veng kikho-
pna kinei in lesson sinna Sia Mungno, Innkuan Lasakna Paupi
te, Kamngah genna Pa Dalte innkuan in hong nei uh a mimal
15 kipha hi. December 20, 2011 nitak 8:30pm in Pa Tun Tun
omna, ZIM veng ki khop biakpiakna ah lesson Sia Mungtong,
kamngah genna Tun Tun te innkuan, lasakna Khai Khai, han-
thotna Pa Dam Kam te in hong nei in mimal 14 kipha hi.
THU ZAKSAKNA
Member Fees Zaksakna: Pawl lutna ah kihelna tawh ma-
pang khawm ni. Malaysia om sung teng ding-khatguak: Rm
20; Nupa kop: Rm 30; Innkuan: Rm 50.
ZSM Thuzaksakna: Zomi Social-welfare of Malaysia
(Genvai Kipawlna) ah kipawl tek ni. Mi 1, Kha 1, Rm 1= kum
1 Rm 12.
EBENEZER Lasak Pawi: A4 veina Ebenezer Sing Song
Service pen December 31, 2011 nopci takin kibawl ding hi.
December 30, 2011 fri ni 12pm in la kitaih ding hi. Lasa nuam
peuhmah in hong zasak pah un. (Mungtong 017-3265 747)
Church Picnic Pai Ding: December 25, 2011 ni pawlpi bup
ki lawmtatna nei khawm ding hihang. Zingsang 9am alap in
maluri stesen tun sawm tek ni. Letsong kikhekna om ding hi
atawmpen rm10 man letsong hong keng hamtang in. Ki-
mawlna namkim om ding hi, kiging khol tek ni.
NIV Laisiangtho Kingah Thei: New International Verse
(Bible) man ol takin kingah thei hi, a lunglut (deih) ten hong
contact pah un.
Thunget Cialna: Thungetna ah hong phawk pih ciat un!
Nu Nei Mawi (Kajang thong)
Pa Thang Lian Sum (GHKL zatopi)
Lia Vung Sian Ngai (IPR zato)
Lungdamkohna: Tutung Zo Phualva Thupuak tawh kisai
abei khempeuh Tg. Khup Sawm Lian in itna tak tawh hong
piak khiat manin lungdamna lianpi ih ciamteh hi. Topan ath-
upha hong dipsak kik ta hen!
Produced & Distributed by ZAC Family (2011)
Zomi Worship Service PAI DAN DING:
Every Saturday: BUS > Chowkit Bus Stand
Sabbath School 10:30am MonoRail> Chowkit Station
Divine Service 12:00pm LRT Meileng> PWTC Station
Adventist Youth 2:00pm KTM Meileng> Putra Station
Email: zomisdamls@yahoogroups.com