Sarge: mek a ask u a question. Which school u attended?

Apache: is not 10 a we gah the school is nuff awi sar

Sarge: a say which school u use to guh

Apache: st cathrine all age high school

Sarge: how u get a high school in a all age

Apache: a the up stairs part me use to guh sar

Sarge: wen u lef st Catherine all age high school u nuh guh nuh more school

Apache: arm I used to guh a wolmers girls

Sarge: haa

Apache: a nuh weh u tink sar, the boy side did full suh dem put me ova the girl side fi the time
being sar

Sarge: oh suh wen yah guh wolmers girl u play any form of sports

Apache: me, wen me lef school and gah my yard sar, dance, stage show, movie

Sarge: hhhhhheeeyyy

Apache: all kinda a sporting

Sarge: me seh sports, Me mean if you play football

Apache: ohh a foot kick it and mouth ball sah

Sarge: you play cricket

Apache: ahh, that a summi likkle suting weh jump ina grass sah

Sarge: you play hockey

Apache: me nuh play wid food mi nyam it sar.. yes sar hey and you know seh mi a gah
me aguh tell you a secret me nuh wah nuh body hear. You know she me and marline hottie have
sex dwuh

Sarge: hey, thats a lie, you know she you can be charge for definition of character

Apache: me can tell you infront a u face me and marline have sex, I can proudly tell everybody
that memba me tell u

Sarge: prove it, prove it or else a prison a miss you

Apache: she have sex and me have sex me never say together, she have sex wid her husband
and me have sex wid my wife

Sarge: alright, alright you beat me deh suh you beat me deh suh you know she you really tek
me fi idiot though. bwoy, how old you think I am bwoy

Apache: you look like a man of 40 sar

Sarge: kiss me neck

Apache: a icky yah look

Sarge: that was only just an expression, how the hell you know she me a 40

Apache: me have a bredda a yaad an him is 20 and im is half idiot. Suh you must be 40 yah
full idiot sar. Sorry boss

Sarge: yah hear me, when you lef them whole heap a school deh you nuh guh nuh more school.

Apache: me guh Jericho all age sar

Sarge: that mean you know bible scripture

Apache: yes sar

Sarge: you know bible scripture

Apache: yes sar

Sarge: you know she the bible is a history book

Apache: yes sar

Sarge: it is a dairy, it is everything.. alright who tear down the wall a Jericho

Apache: the wall was well tear down before me start gaah the school enuh sar. Me nuh know a
who tear it down

Sarge: alright. According to the bible who was the first rasta man

Apache: the first rasta man was, ahhhm, Daniel

Sarge: no, according to the bible moses was the first man wid tall hair suh moses is the first
rasta man

Apache: listen me people, Daniel was the first rasta man

Sarge: how you get to that

Apache: then you think a see him did see the stone a role guh dun a baabylon. A Daniel push
that down deh cause raasta man nuh like Babylon from long time enuh. Them fi change the song
enuh . them fi say Daniel push that stone dem nuh fi say them see him a role it

Sarge: alright alright. Yah gwan like you know the bible wat was the first form of
transportation pan the earth

Apache: accad

Sarge: no it was donkey some people call it chariot

Apache: it was accad

Sarge: prove that to me

Apache: it was written in the bible jesus and his disciples travelled in one accad, suh it must be
Honda accad sah. You cyah tell me nothing

Sarge: alright alright who was the first submarine driver

Apache: jonah

Sarge: that nuh ina the bible cause submarine never deh dem deh days
Apache: suh when the whale swallow him. Him nuh drive all bout ina the whale belly