Beruflich Dokumente
Kultur Dokumente
MTU MMOJA AMEKUTWA AKIWA AMEJINYONGA HADI KUFA KWA KUTUMIA KAMBA
YA MANILA WILAYANI ILEMELA.
KWAMBA TAREHE 03.06.2017 MAJIRA YA SAA 06:00HRS ASUBUHI KATIKA MTAA WA KITANGIRI
KATA YA KITANGIRI WILAYA YA ILEMELA JIJI NA MKOA WA MWANZA, KULWA MABULA MIAKA 37,
MKAZI WA MTAA WA KITANGIRI AMEKUTWA AKIWA AMEJINYONGA HADI KUFA KWA KUTUMIA
KAMBA YA MANILA ALIYOKUWA AMEIFUNGA KWENYE MTI ULIOKUWA KANDO YA BARABARA YA
KITANGIRI, KITENDO AMBACHO NI KOSA KISHERIA.
MNAMO TAREHE 03.06.2017 MAJIRA YA SAA 10:30HRS ASUBUHI KATIKA KIJIJI CHA MWANANGWA
KATA YA MABUKI WILAYA YA MISUNGWI MKOA WA MWANZA, MTU MMOJA MWANAMUME
AMBAYE BADO HAJAFAHAMIKA JINA WALA MAKAZI ANAYEKADIRIWA KUWA NA UMRI KATI YA
MIAKA 25 HADI 30, ALIUAWA NA KUNDI LA WATU WALIOJICHUKULIA SHERIA MKONONI KWA
KUMPIGA MAWE NA FIMBO SEHEMU MBALIMBALI ZA MWILI WAKE KISHA BAADAE KUMCHOMA
MOTO KWA KOSA LA WIZI WA KUKU WAWILI, KITENDO AMBACHO NI KOSA LA JINAI.
WATU/ WASIRI WALITOA TAARIFA POLISI KUHUSIANA NA MAUAJI HAYO AMBAPO ASKARI
WALIFANYA UFUATILIAJI WA HARAKA HADI ENEO LA TUKIO, NA KUFANIKIWA KUWAKAMATA
WATU WATANO WANAODAIWA KUHUSIKA KWA NAMNA MOJA AU NYINGINE KATIKA
KUFANIKISHA MAUAJI HAYO. AIDHA POLISI WAPO KATIKA UPELELEZI NA MAHOJIANO NA
WATUHUMIWA PINDI UCHUNGUZI UKIKAMILIKA WATAFIKISHWA MAHAKAMANI, MWILI WA
MAREHEMU UMEHIFADHIWA HOSPITALI YA WILAYA YA MISUNGWI KWA AJILI YA UCHUNGUZI NA
UTAMBUZI.
KWAMBA TAREHE 03.04.2017 MAJIRA YA SAA 12:00HRS KATIKA MTAA WA SABASABA KATA YA
KISEKE WILAYA YA ILEMELA JIJI NA MKOA WA MWANZA, ASKARI WAKIWA KWENYE DORIA NA
MISAKO WALIFANIKIWA KUWAKAMATA WATU WATATU WAKIWA NA MADAWA YA KULEVYA, KATI
YAO WAWILI AMBAO NI 1.ALLY SALEHE MIAKA 47, MKAZI WA NYASAKA NA 2.WILIAM MAGOMA,
MIAKA 31, MKAZI WA NYASAKA, WALIKAMATWA WAKIWA NA MADAWA YA KULEVYA AINA YA
BHANGI KIASI CHA MISOKOTO 52, HUKU WA TATU ALIYEFAHAMIKA KWA JINA LA PASCHAL
LUSOZI MIAKA 47, MKAZI WA NYASAKA ALIKAMATWA AKIWA NA MADAWA YA KULEVYA
YADHANIWAYO KUWA NI YA HEROINE KIASI CHA PINCHI 10, KITENDO AMBACHO NI KOSA
KISHERIA.
AWALI ASKARI WALIPOKEA TAARIFA KUTOKA KWA WASIRI KWAMBA KATIKA MTAA TAJWA HAPO
JUU WAPO BAADHI YA WATU WANAOJIHUSISHA NA BIASHARA HARAMU YA MADAWA YA
KULEVYA. KUTOKANA NA TAARIFA HIZO ASKARI WALIANZA KUFANYA UPELELEZI NA MISAKO
KATIKA MAENEO HAYO NDIPO TAREHE TAJWA HAPO JUU WATUHUMIWA WATATU WALIWEZA
KUTIWA NGUVUNI HUKU WAKIWA NA AINA HIZO ZA MADAWA YA KULEVYA.
IMETOLEWA NA;
ACP: ZARAU MPANGULE
KAIMU KAMANDA WA POLISI (M) MWANZA