Ɣef usuqel n Alquran

Sɣur: D.Messaoudi

Alquran ittwaru s taɛrabt n zik ur yettutlayen deg talit-a; d ayen t-yeǧǧan yuɛer aṭas
i wuhu-ɛraben akken ad t-fehmen. Ɣef waya, ass-a ittwasuqel-d ɣer waṭas n tutlayin
ay deg gar-asent taqbaylit. Maca, imi wid ay t-id-yerran ɣer teqbaylit sqedcen awalen
imaynuten d-ddmen seg tetaliwin iḍnin n tmaziɣt, tuɣal ula d tasuqilt-nni ur t-
ttwafham !
Nekk cukkeɣ, m’ur nufi awalen akkimaziɣen, yif-it meqqar ma nesseqdec awalen
iqbayliyen akked wawalen aɛraben; d acu kan imeggura-a ad asen-nefk talɣa
tamaziɣt. Acku, awalen aɛraben ittwasmuzzɣen walɣawi akked mesli ad ilin qerben
ɣer wid-nni umi sellen yakan yeqbayliyen deg yimi n yimam, deg tmesgida.

Hatan dɣa yiwen umedya; d taṣuret tis 113 : Taflalit (Al-Falaq):

S yisem n Ṛebbi areḥman ireḥḥmen

Ini ad staɛneɣ s Ṛebbi n teflalit

Seg yihwah n wayen d-ixleq
D seg yihwah n yiḍ m’ara d-yeɣli
D seg yihwah n temsuḍin deg tyersiwin
D seg yihwah n uḥessad m’ara yeḥsed

Asegzi n kra n wawalen:

1. Awal “areḥman” d arbib s tecreṭ taggarant “-an”; netta yemmal tawṣift n

Ṛebbi. Ma d awal “ireḥḥmen”, d amyag s talɣa n umɣun n wurmir ussid;
netta yemmal tiqawt n Ṛebbi.
2. Awal “Alquran” ur ittbeddil ara talɣa deg tira ɣas d amaruz. Talɣa-a ur tt-id-
snulfaɣ, imi tella yakan deg kra n tantaliwin n tmaziɣt am tcelḥit anida qqaren
i lmend n wawal “talxatemt”.

Amawal:

> uhu-ɛrab / uhu-ɛraben - non-arabe (s)

> akkamaziɣ - panberbère
> smuzzeɣ - berbériser
> walɣawi - formellement
> mesli - phonétiquement
> tamesgida - mosquée