Beruflich Dokumente
Kultur Dokumente
>aya kapagphoon o mga 'amal sii ko Hajj na sii ko ika-8 ko Dhul-Hijjah na taman sii ko ika-13 ko Dhul-
Hijjah sa kataya a pagaloin tano:
(a.) Solot sa Ihram a Hajj sii ko tatarosan iyan sa Makkah, go sii ko onaan o daniyanon pn kasolota na
ppahaigo, go pkhakamotan, oriyan iyan na solot niyan so Ihram iyan sa ptharoon iyan so: "Labbayka
Hajjan"
(b.) so kapmbatiya-a sii ko "Labbayka-Allahumma labbayk, Labbayka laa shareeka laka labbayk Innal-
Hamda wan-Ni'mata laka, wal-Mulka laa shareeka laka labbayk"..sa lalayon taman dn sa di kaoma o
gawii a kaprontar iyan go di misampay ko darpa a prontaran ko Jumratul-'Aqabah sii ko ika-10 ko Dhul-
Hijjah.
(c.) go zong siran dn sa Mina sa katatap siran roo sa taman sii ko kasubang o alongan ko khapita-anon a
ika-9 gawi-i ko Dhul-Hijjah go aya sunat na roo iran pshambayangi sa Mina so Dhuh'r, Asr, Magrib, Isah,
Fajr, sa aya okit iyan na sii dn ko mga Waqto niyan: sa ndodowa raka'at so Dhoh'r, Asr, Isah, sopaman so
Magrib go Fajr, na sodn so mga raka'at iyan.
(a.) "Ka-Uqoop sa Arafah" giyanan so kathana sa 'Arafah sa khadn siran roo ipoon ko kapolid o alongan,
na taman sa somudp so alongan, sa roo siran makapshambayang sa Dhoh'r go Asr, sa ndodowa rakaat, a
raks a thimoon sii ko waqto a Dhoh'r, go sii ko oriyan o shambayang na pakapndakulun san so zikr, Du'a
a ipoporo so dowa lima a somasangor sa Qiblah.
>go aya mapiya a Du'a sangkaiya gawi-i a miyaaloy sa hadith: "Laa ilaaha illa-Allaho wahdaho laa
shareeka laho, lahol-mulko wa lahol-hamd wa huwa 'ala kulli shayin qadeer".
(b.) "Kangagawi-ina (kaiga) sa Muzdalifah": giyanan so kazong sa Muzdalifah Sii ko oriyan o kasdp o
alongan a makapopoon sa Arafah, sa roo siran makapshambayang sa Magrib go Isah, a 3-rakaat dn so
magrib, na 2-rakaat so Isha, a raks a thimoon sii ko waqto a Isha, go aya taralubi na roo siran pn
pshamabayang sa Fajr, go mapapakay mambo a gomanat siran roo ko oriyan o karamigi ko kagagawi-i sa
komasoy siran sa Mina, go kapakay pn a roo siran dn mangowa sa wator a iprontar iran, sa lagid dn o
kapapakay niyan a sii siran mambo mangowa sa Mina.
(a.) "So Karontar ko Jomratul-Aqaba": sii ko oriyan o kisampai niyan sa Mina a phoon sa Muzdalfah na
zong pman sii ko prontaran a pmbthowan sa Jomratul-'Aqba na prontaron sa pito timan a wator go raks a
pTakbir oman iyanon ilubad so wator iyan.
(b.) "Kasombali sa Hadei (korban)": Sii sangkanan a gawii a Yawmun-Nah'r Sii ko aya Ihram iyan na
Tamatto odi na Qiraan, sopman so aya Ihram iyan na Ifraad na diron mawawajib so kasombali.
(c.) "Kapagopao sii ko mga mama e taralubi kiran, go sii ko mga bae na so Kapotoli ran ko bok iran sa
diyangka a isaka porgada": Sii ko oriyan o kiyapakarontar iran, go miyakasombali siran sa korban.
>go sii ko oriyan anan, na miyapakay dn so kanda iran sa Ihram sa somolot sa nditarun a kalalayaman
iran, sa lagid o kiyapakai kiran o langon o diron papakain ko masa a mag Ihram, inontabo so
kambabangonan sa walay, ka aya kakhapaky niyanon na maka-Thawaf daan go maka-Sha'ei, sa Tawaf,
go Sha'ei a para sii ko Hajj iyan.
(d.) sa giyoto e sabap a zong skaniyan pman sa makkah sa pTawaf, go pSha'ei, sa lagid dn o kiyaokitini-
yanon sa mona sii ko 'Umrah niyan.
>go sii ko oriyan anan na taman ko kambabangonan sa walay na miyapakay ron dn.
(a.) so kangagawi-ina (kaiga) sa Mina: Sii ko oman gagawii a prontar ko khapitaanon, go aya uras o
karontar na sii ko oriyan o kapolid o alongan sangkanan a tlo gawii odi na mapapakay pn a dowa bo
gawii.
(c.) go ganat skaniyan sa Mina sa dipn somudp a alongan ko oriyan o kiyapakarontar iyan sii ko ika-2
gawii, amay ko aya pinili iyan na 2-bo gawii a iprontar iyan, go amay ka aya pinili iyan na 3-gawii a
iprontar iyan na sii dn ko oriyan o kapakapasad iyan romontar ko ika-3 gawii na ganat dn mambo sa
Mina.
(5) "So Tawaful-Wida": Sii ko oriyan o katangkda niyanon sa mbaling dn sii ko ingud iyan, sii anan ko
mga nomanayk a kna ba mga taw sa Makkah, go anday kapaka Tawaf iyan sa Tawaful-Wida na diron dn
kapakay o bapn song sii sa Masjidul-Haram, go dipn makapamamasaan ko oriyan anan, go aya okit iyan
na lagid dn inokitan iyan sa kiya tawaf iyan sa tawaf a 'umrah, go hajj sii ko miyaona, go giyanan e
moripori a amal sii ko Kanayk.