ni Meg a Nalupmeg

Ni Meg ket napintas ngem nalupmeg nga ubingag. May maysa isuna nga anak isu maited amin a kayat na.

Kay-kayat na iti inprito a manok, nu isu ti sidaen na ket adu iti makan na.

Kayat na pay iti hamburger, ispageti, tsokoleyt, sorbetes ken sitsirya. Nu agbuybuya isuna na ti telibisyon ket kanayun met
iti kaan na.

Adu ti mangdillaw iti kina lupmeg ni Meg ken ibaga da pay nga anak isuna iti Buddha.

Sakbay a mapan maturog ni Meg ket mangan pay isuna ti sitsirya. Atoy ti rason isu lumepmeg isuna.

Agal-alala ti nanang ni Meg isu kayat na a mangan ni Meg iti masustansiya a mak-makan.

Madi ni Meg a suruten ni nanang ken tatang na. Ipapilit na iti kayat na ken isangit na pay ta ti kayat na a sidaen ket prito
nga manok nu saan ket hotdog.

Kummaro iti kinalumpeg ni Meg, intiro marigatan pay isuna a tumatderen.

Awan ti kayat a makiay-ayam ken Meg. Surunen da pay isuna a Meg, lupmeg Meg, lupmeg.

Maysa nga aldaw ket narigatan a makaanges ni Meg. Ket inbaga ni nanang na nga ipan da isunan inti ospital.

Inbaga dyay doktor a masapol ni Meg iti agbawas iti timbang ken iwasan na iti mangan ti sobra a makan a prito ken
nasasam-it.

Nangrugi diyay ket nangan ni Meg iti nasustansyan a makan ken kanayun isu nga ag-ehersisyo. Kanayun isuna a dumngeg
kin nanang ken tatang nan.
 Ni Belet a Battit a Billit

Ni Belet ket maysa a billit. Haan pay isuna makatayab. Ittoy iti umok da, kadwa na ni nanang na ken dua a kabsat na.

Kay-kayat ni Belet a rumwar ken apan tumayab ngem kanayun nga ipalagip ni nanang da a madi da pay rumwar nu
nakapsot pay iti payak da ken urayen da ti kusto a panawen.

Haan a namati ni Belet ken nanang na. Iti panakaammo na ket madi lang kayat ni nanang da a maragsakan ni Belet a
rumwar.

Maysa nga aldaw ket nagpakada ni nanang da nga adda papanan na ket marabyan isuna a makaawiden.

Idi awan ni nanang dan ket daras met a rumwar ni Belet ken tumayab isunan. Idi umuna ket nagpasuray-suray isuna ngem
di nabayag bassit ket nakatayab isunan ti adayo ken nangato.

Sinurot na dagiti grupo ti abali a billit ket haan namalayan ni Belet nga adayo gayam isunan inti umok da.

Nakigtot ni Belet ta saggaysa a matinnag dagiti kakadwa na. Diyay met gayam ket adda ti ub-ubbing nga agpapalsiit
kinyada.

Nabutengan ni Belet ket bumaba isuna ken nagdulin idyay pagay. Kinabuteng na ket awagan na ni nanang na.
Twit..twit...twit kuna ni Belet.

Agsangsangit ni Belet iti buteng na idyay ket napanunut na nga dapat kuma ket dumngeg isuna ken nanang na.

Naamwan na nga nakaam-amak ti umadayo ta nagidyay tao ket tiliwen da ti billit sa ikulong da nu saan ket ilako da nga ay-
ayam dagiti ubbing.

Naragsakan ni Belet a nakita na ni nanang na. Inarakup na datoy ken dumawat ti pannakawan ta han a dumngeg ken
nanang na.

Nagsubli da inti umok ken naragsak ni Belet a nakita diyay dua a kabsat na. Ammun ni Belet iti mapasamaken nu han a
dumngeg ken nanang da.