Naskah Pacentokan Sembrama Wacana

Inggih suksma aturang titiang majeng ring pangenter baos

antuk galih sane kapica ring titiang. Sadurunge titiang
ngelanturang atur, pinih kapertama ngiring sareng sami
nunas ica ring Ida Sang Hyang Widhi Wasa, duaning
sangkaning pasuecan Ida, iraga prasidha matemu ajeng
ring genah tur galahe sane becik puniki melarapan antuk
nguncarang panganjali umat

“Om Swastyastu “

- Sane suciangin titiang ……… ( bila ada sulinggih atau

pemangku yang hadir saat itu. Bila tidak ada langsung saja ) pada
kalimat :
- Sane wangiangin titiang Manggalaning panureksa
saha angga.
- Para pemilet sareng sami sane trsna sihin titiang.

Indik Dharma wacana sane jagi katurin titiang, inggih

punika :

“Nangun Sat Kerthi Loka Bali melarapan antuk

ngrajegang Basa,Aksara lan Sastra Bali.”
Ida – dane sareng sami sane trsna sihin titiang, umat
Hindu pamekasne, ring dija ja magenah, pastika sampun
tatas uning ring lengkara “Nangun Sat Kerthi Loka Bali”.

Ring kamus Sanskerta lepitan 292 maosang ;

Kruna Nangun mateges ngewangun utawi ngardinin.

Kruna Sat mateges kasujatian utawi sane patut.

Kerthi mateges mekardi sane becik.

Loka Bali = wantah jagat Baline puniki.
 2.

Dados ipun yan kagepukin kruna-krunane punika, artos

lumrah ipun: ngiring sumekenang ngewangun jagat baline
mangda setata becik.
Ida – dane sareng sami sane trsna sihin titiang, siosan

ring kruna Sat Kerthi, taler wenten kruna Sad Kerthi yan
saihin titiang ring kruna Sat Kerthi kelawan kruna Sad
Kerthi, wantah manuwe tatujon sane pateh, inggih punika
pada-pada ngelestariang sedaging jagate puniki. Sad
maarti nenem (enam) Kerthi taler pateh artos ipun wantah
ngardinin kabecikan jagate.

Sad Kerthi inggih punika :

Kaping siki Wana Kerthi.

Kaping kalih Danu Kerthi.

Kaping tiga Segara Kerthi.

Kaping papat Jagat Kerthi.

Kaping lima Jana Kerthi.

Kaping nenem Atma kerthi.

- Wana artos ipun ngelestariang gunung lan alas

- Danu artos ipun ngelestariang danau,luwah
(tukad/sungai )
- Segara = pasih (laut).
- Jagat = Gumi lan sedaging ipun.
- Jana = jadma ( parilaksana imanusa ring mercapada ).
- Atma = penyucian roh, kaloktah kebaos atma wedane
mekadi ngangsen, nyekah,memukur. Maligya lan
ngeluwer.
 3.

- Ida – dane sareng sami sane trsna sihin titiang, malih

mawali ring unteng sembrama wacana mekadi
mangkin, kasujatian ipun iriki ring Kota Denpasar,
sampun memargi napi sane sampun katepasin oleh
dane Gubernur Bali nganutin Peraturan Gubernur Bali
No.80 warsa 2018 ngenenin parindikan pemuliaan
Bahasa,Sastra, miwah Aksara Bali. Cihnan ipun
mekadi :

1. Pesengan utawi wasta kantoran (Papan nama) ring

soang-soang OPD sampun masurat antuk kalih
aksara inggih punika Aksara Bali lan Bali latin.

2. Nyabran rahina Purnama,Tilem lan …….. pegawai

sane ngayah ring soang-soang OPD sene wenten
ring Kota Denpasar lan sawewengkon jagat Baline
sampun penyapene antuk mabasa bali, sejawaning
nerima tamiu (tamu) dura provinsi ( kedatangan
tamu luar Bali ).

Ida – dane sareng sami sane trsna sihin titiang,

dumogija sangkanin ngemargiang Peraturan Gubernur Bali
No. 80 warsa 2018 puniki, Loka Bali utawi Jagat Baline
sayan-sayan ajeg, lestari, trepti lan rahayu.

Inggih Ida – dane sareng sami sane trsna sihin titiang

wantah asapunika prasidha antuk titiang nyarengin
pacentokan sembrama wecana ring rahinane mangkin,
 4.

kirang langkung, titiang nglungsur agung pengampura,

untatin titiang antuk parama santhi

Om Santhi,Santhi,Santhi Om

Plt. Dinas Kependudukan dan Pencatatan Sipil Kota Denpasar

Ir.Anak Agung Istri Agung.MM