BEC Evangelization Formation Modules - Bisaya

Catholic Bishops’ Conference of the Philippines
Committee on Basic Ecclesial Communities
BEC
Evangelization &
FormationModules
Cebuano/Bisaya Version
Introduction
The Catholic Bishops’ Conference of the Philippines has designated 2017 as

Year of the Parish as Communion of Communities. As part of the preparation and
celebration, the diocesan, vicariate and parish BEC Formation Teams are
encouraged to conduct formation sessions that will promote or revitalize the Basic
Ecclesial Communities (BECs) in their respective dioceses, parishes and local
communities. Some have already their own formation modules and while others
are looking for one. Thus, we have come out with this BEC Evangelization
Modules which they may find useful. This is the Cebuano version.
There are nine sessions and they can be conducted as an intensive week-end
seminar, or for nine consecutive evenings or by installment over several weeks. It
is best that it be given first to the members of the diocesan/parish BEC formation
teams and core-groups. The formation teams can then facilitate this at the barangay
level or purok level in the BEC chapels if they have any. Streamers and posters can
be dissiminated to inform the people about it. The parish priests and/or their
parochial vicars should accompany the members of the formation team as they
conduct these formation sessions – even if not the whole time. This is an
expression of the missionary nature of the parish – mission/evangelization
conducted within the parish.
The members of the formation team should come together before each
session to pray for divine assistance and guidance. Above all, they should pray that
through these sessions, the hearts and minds of the participants will be touched,
personal conversion experienced and the BECs will grow and be renewed.
The modules are not written in stone, so we leave to the BEC Formation
Teams to modify the process, be more creative, add songs and make it suitable to
the audience. The content for the input are the basic ideas so those giving these
lectures may add their personal experience, illustrations and stories.
These modules may be used not only during the Year of the Parish as
Communion of Communities but also even after it as a way of forming BECs or
revitalizing these.
Fr. Amado L. Picardal, CSsR

Executive Secretary
CBCP-BEC Committee
Module 1
Pakigtagbo kang Jesus
Han-ay sa mga Kalihokan

1. Pag-abi-abi ug Oryentasyon
2. Pasi-unang Awit
3. Pasi-unang pag-ampo
4. Pagbasa sa Ebanghelyo: Marcos 8:27-29 ff
5. Hilom nga pamalandong (samtang nakatutok sa larawan sa ”Sacred Heart of
Jesus”) ug naay background instrumental music.
Giya pangutana: kinsa ba si Jesus alang kanimo? Unsay imong nahibaw-an
mahitungod kaniya- ang iyang sugilanon ug kinsa ug unsa gayod siya.
6. Pag-inambitay sa gagmayng grupo.
7. Pagpaambit sa kinatibuk-an o dakong grupo (magpili ug usa ka sakop sa
gamayng grupo nga mopaambit sa dakong grupo)
8. Pagpalawom ug lecture/in-put
9. Hilom nga pamalandong
10.Katapusang Pag-ampo
Pag-abi-abi
Welcome sa tanan! Atong sugdan karon ang BEC Evangelization Seminar.

Kabahin kini sa paninguha sa pagpakaylap ug pagpadasig sa atong mga BEC – sa
atong GKK o GSK – aron ang atong parokya mahimong “Communion of
Communities” o kahiusahan sa mga gagmayng simbahanong katilingban o GKK.
Niining mga mosunod nga mga adlaw o mga sesyon magtapok kita isip katilingban
dinhi sa atong kapilya aron mas mapalawoman ang atong pagsabot ug pagpuyo isip
katilingban sa mga sumusunod ni Kristo.
Ang tema ng atong unang sesyon mao: Pakigtagbo kang Jesus

Nganong kini man ang atong unang hisgutan?
Tungod kay siya ang sentro sa atong pagtoo. Siya usab ang sentro sa atong
Simbahan – ang Kristohanong Katilingban.
Ang atong programa sa ”New Evangelization” o Bag-ong Pagsangyaw sa
Maayong Balita kinanahanglan magsugod sa pag-ila ug pakigtagbo kang Jesus
aron ato siyang sundon ug aron kita magpuyo nga iyang mga tinun-an isip sakop sa
Simbahan ug sa BEC o GKK/GSK.
Giisip nato ang atong kaugalingon nga mga Kristianos o mga sumusunod ni Kristo.
Apan nakaila ba gyud kita kaniya? Sa unsang paagi ba nato siya nahimamat sa
atong kinabuhi? Nagpuyo ba kita nga iyang sumusunod o tinun-an?
Kadaghanan kanato mga Kristianos sa ngalan lang.
Wala makaila kang Kristo, wala magbag-o sa kinabuhi,
wala modawat kaniya isip sentro sa atong kinabuhi
ug wala magpuyo nga nga tinuod nga iyang sumusunod,
wala magpuyo nga aktibong mga sakop sa Katilingbang Kristohanon
ug wala magtuman sa misyon nga nadawat sa panahon sa bunyag.
Tungod niini kinahanglan ug New Evangelization o Bag-ong Pagsangyaw sa
Maayong Balita.
Pagpalawom (#8)
Ang Sugilanon ni Jesus
(pwedeng i-recite sama sa balak

Pwede sab kantahon sa Tuno: When a Child is Born)
Sa Dugay ng katuigan
Ang katawhan nagpaabot
Sa manluluwas nga gisaad
Sa Dios ngadto sa katigulangan
Sa Bethlehem, siya natawo

gipadala sa Dios Amahan
ug gisabak sa lalang sa Espirito
ni Maria ang iyang inahan.
Sa Nazareth, siya mitubo

giamoma ni Maria
ug ni Jose ang karpintero
ang banay nga kabos ug timawa.
Human sa daghang katuigan

Si Jesukristo mibiya
sa iyang pinalanggang inahan
aron pagtuman sa iyang misyon.
Gibunyagan siya sa Jordan

ni San Juan nga Bautista.
Ug giila nga Anak sa Dios,
dinihugan sa Espirito.
Uban sa iyang mga tinun-an

milatas sa kalungsoran
nagsangyaw sa maayong balita
sa pag-abot sa Gingharian.
Nagsangyaw s'ya sa mga kabos
naglingkawas sa linupigan
ug sa mga dinaugdaug
ug sinalikway sa katilingban.
Gi-ayo n'ya ang masakiton

gilingkawas ang giyawaan
ug gipakaon ang gigutom
gihupay ang nagmasulob-on.
Higala siya sa mga kabos,

ug sa tanang sinalikway,
kauban niya sila sa bangkite
nga timaan sa Gingharian.
Nasilag ang kadagkoan
nga gamhanan ug adunahan
sa iyang mga gibuhat
ug sa iyang pagtulon-an
Sa katapusang panihapon
uban sa mga tinun-an
gihalad n'ya ang pan ug bino
timaan sa paghalad n'ya sa krus.
Ug gibudhi-an s'ya ni Judas
ug gitaral sa hukmanan
kamatayon ang gipahamtang
sa sugo ni Ponso Pilato
Didto sa bukid sa Kalbaryo

Si Kristo namatay sa krus
pagkabangis nga kamatayon
pagkadako sa iyang gugma.
Pagkahuman sa tulo ka adlaw

Nabanhaw ang atong Ginoo
Wala na s'ya sa iyang lubnganan
Nakita siya sa mga tinun-an.
Gilupig n'ya ang kamatayon,
ug ang sala ug kadautan,
Gisugdan niya ang Gingharian
nailhan siya nga Anak sa Dios
Misaka siya sa kalangitan

uban siya sa Dios Amahan
gihatag niya ang Espirito
nga makig-uban kanato.
Ang nabanhaw nga Ginoo

ania s'ya uban kanato,
sa katilingbang kristohanon
ug sa mga nanginahanglan.
Ania siya sa Santos nga Misa

ug sa mga sakramento,
Ania siya sa kasaysayan,
ania s'ya sa kinaiyahan.
Sa katapusan nga panahon

Mobalik siya'ng mahimayaon
Paghingpit sa atong kaluwasan
Bag-ohon niya ang kalibotan.
Kinsa ug Unsa gayod si Jesus?
Tinuod nga Tawo
Si Jesus tinuod gayod nga tawo

nakasinati sa tawhanong kahimtang
sama sa kakabos, kakapoy, pag-antos ug bisan kamatayon
Siya ang bag-ong tawo
gipakita niya unsa gayod ang tinuod nga pagka-tawo
nga nalingkawas gikan sa sala ug kahakog
nga nagpuyo diha sa diwa sa gugma, kalooy ug pag-alagad.
Ang Mesiyas - Kristo nga Propeta, Hari ug Pari
Ang pulong nga Kristo dili apelyido ni Jesus.

Gikan kini sa pulong nga Hebre-anon MESSIAH - o Mesiyas, nga nagpasabot -
dinihugan (anointed).
Sa karaang kasabotan ang dinihugan mao ang mga propeta, hari ug pari. Kining
tanan atong makita sa kinabuhi ni Jesus)
Kristo nga Propeta

• nagsangyaw sa maayong balita sa gingharian sa Dios
ang mensahe sa kaluwasan, sa gugma, kalinaw ug kataron
• nagsaway sa dautan
gipanghimaraot ang mga gamhanan ug adunahan
• nag-awhag sa katawhan sa paghinulsol ug pagbag-o
• ang iyang pag-antos ug kamatayon mao ang sangpotanan sa iyang pagka-
propeta
Kristo nga Hari

• nagpasiugda sa Gingharian sa Dios
• mianhi aron sa pag-alagad, dili aron alagaran
ang pagka-hari mao ang pagka-alagad
• nagpakita ug gugma ug kalooy sa mga kabos ug nanginahanglan
- nag-ayo sa mga masakiton ug giyawaan
- nagpakaon sa mga gigutom
- naghupay sa mga masulob-on
• ang Alagad nga nag-antos sa Krus
- ang Krus maoy iyang trono
- ang iyang korona mao ang porong-porong nga tunokon
Kristo nga Pari

• sa katapusang panihapon nagpaambit sa pan ug sa bino
nga nagtimaan sa paghalad sa iyang lawas ug dugo sa krus
• ang iyang tibuok kinabuhi ug kamatayon nga gihalad sa Dios
• makanunayong nag-ampo siya alang kanato sa Dios nga Amahan
Jesus ang Dalan

(mahimong i-recite isip balak o kantahon)
Si Jesus ang dalan, kamatuoran naghatag ug kinabuhi sa tanan.

Siya ang kahayag ning kalibotan naglamdag sa kinabuhi sa tanan.
Gipakita ni Jesus sa mga tinun-an n'ya
kon unsaon nila pag-kinabuhi,
Matod sa Ginoo, ang buot musunod n'ya

kinahanglan mahisama kaniya,
Sundon ang gibuhat n'ya ug mga pulong n'ya
sa pagmatuod nga kita tinun-an niya.
Si Kristo propeta, pari ug hari

gipadala sa pagluwas kanato.
Siya nagasangyaw ug nag-alagad
gihalad n'ya ang iyang kinabuhi.
Nagsangyaw si Jesus ug nagasaksi

ug nagtudlo sa Pulong sa Ginoo.
Si Jesus naghalad sa iyang kinabuhi
ug nagluwas kanato sa dautan.
Mialagad siya sa nanginahanglan

sa pagpakita sa iyang dakong gugma.
Si Jesus ang dalan, kamatuoran
naghatag ug kinabuhi sa tanan.
Siya ang kahayag ning kalibotan
atong sundon ang iyang mga buhat.
Ang Ginoo (Lord)
• Pinaagi sa iyang pagkabanhaw siya gipadayag nga atong Ginoo

dili lang siya ordinaryong tawo apan siya tinuod gayod nga Dios
• Siya ang Anak sa Dios nga gipadala sa Amahan
• Siya ang buhing larawan sa dili makitang Dios
Siya ang nagpadayag kon unsa gayod ang Dios:
maloloy-on, mahigugmaon, mapasayloon, duol kanato, ubp.
• Nakig-uban siya kanato ug ato siyang mahimamat
- sa atong kinabuhi, sa kinaiyahan, sa Simbahan, sa mga sakramento,
sa kabos
• Siya ang atong gisimba ug gi-ampoan ug mahimo nato siyang suod nga
higala
Ang Manluluwas
• Ang ngalang Jesus gikan sa Hebreo – Yeshua – nga nagpasabot “ang Dios
nga manluluwas”
• Pinaagi sa iyang pagpakatawo, misyon, pagpakamatay ug pagkabanhaw
giluwas kita ni Jesus gikan sa gahum sa sala ug dautan
 Nagpadayon hangtod karon ang iyang maluwasnong buhat
 Nagtanyag siya kanato ug kinatibuk-ang kaluwasan (dili lang espirituhanon)
- kaluwasan gikan sa tanang matang sa sala ug dautan
- gikan sa makasasalang kinaiya - ang kahakog, pagkamaiya-iyahon,
- gikan sa pagkamahilayon, garbo, kasina, pagdumot
- gikan sa mga dautang kahimtang - ang kakabos, pagpanlupig, inhustisya,
sakit, katalagman, kamatayon ug uban pa
 Ginabag-o niya ang atong palibot ug kalibotan
aron maghari ang kagawasan, pag-inigsoonay, panagdait, hustisya ug
kalinaw
 niining paagiha molambo ug motubo ang gingharian sa Dios
Si Kristo, Ginoo ug Manluluwas
(pwedeng kantahon sa tuno sa “Spirit song”)
Ikaw ang among gilauman

sa among kalisdanan.
Ang among dalangpanan
sa katalagman.
Ikaw nagauban kanamo
sa among kinabuhi
ug naglig-on namo sa Espirito.
koro:
Kristo, O Kristo, among Ginoo.
Kristo, O Kristo, among manluluwas
Ikaw ang naghupay kanamo
sa among kasub-anan
,ug naghatag ka kanamo sa imong grasya.
Ikaw ang nag-ayo kanamo, sa among balati-an,
ug nanalipod namo sa dautan.
Ikaw ang nagluwas kanamo

sa sala ug dautan
ang naglingkawas kanamo
sa kaulipnan.
Ikaw ang magdala kanamo
sa imong Gingharian,
ang nagtanyag sa kinabuhing dayon. (koro)
Module 2. Pagbag-o
ug
Pagsunod kang Jesus
Programa/Buluhaton
1. Kinaugalingon nga Pamalandong (naay background music)

(giya pangutana: Unsa ang mga higayon sa imong kinabuhi nga nasinati
nimo ang pagbag-o sa imong kinabuhi. Unsa ug kinsa ang nakapaaghat
kanimo sa pagbag-o? Giunsa pagtubo sa imong pagtoo ug gi-unsa nimo
pagpuyo isip sumusunod ni Kristo?)

3. Pag-inambitay sa dakong grupo (naay usa gikan sa kada gamayng grupo
nga magpaambit)
4. Pagpalawom/Lecture
5. Katilingbanong Ritual sa Penitensya
Pagpapalawom/Input
1. Tawag ni Kristo: Pagbag-o
Kadaghanan kanato gibunyagan ug nagtawag sa atong kaugalingon nga mga

Kristianos
apan daghan kanato ang mga Kristianos sa ngalan lamang
kansang kinabuhi, kinaiya ug batasan dili pa hingpit nga Kristohanon
kadaghanan kanato wala magpuyo nga tinuod nga sumusunod ni Kristo
Si Kristo nagtawag kanato sa pagbag-o sa atong kinabuhi
ug sa pagpuyo nga tinuod nga iyang tumutuo ug sumusunod .
Unsa bay kahulogan sa Pagbag-o sa Kinabuhi?
Pagdawat kang Kristo isip sentro sa atong kinabuhi

Ang mga dios-dios sa atong kinabuhi maoy nakapalayo nato sa Ginoo
Si Kristo lamang atong giisip nga atong Ginoo.
Si Kristo kanunay nagatuktok sa ganghaan sa atong kasing-kasing

Ato ba siyang pasudlon sa atong kinabuhi?
Sa higayon nga ato siyang dawaton nga atong Ginoo ug Manluluwas

atong maamguhan ang iyang gugma
atong masinati ang kabag-ohan sa atong kinabuhi
mausab ang direksyon sa atong kinabuhi.
Biyaan ang Daang Pagkatawo
Tungod sa atong pagdawat kang Kristo, maghinulsol kita sa atong mga sala
ug atong biyaan ang atong daang pagkatawo
ang mga dautang kinaiya ug mga buhat
-ang paghuna-huna sa kaugalingon lamang
-ang kahakog alang sa bahandi, gahum ug dungog
-ang pagka-mahilayon, ang mga bisyo (sugal, inom, ubp)
-ang pandaug-daug ug pagpahimulos sa uban
Isul-ob ang bag-ong pagkatawo
Huptan ang maayo nga mga kinaiya ug buhat nga subay kang Kristo
- ang pagka-maloloy-on ug mahigugmaon
- ang pagka-matinabangon ug maalagaron
- ang pagka-maampoon
- ang pagka-mapaubsanon
- ang pagka-mapasayloon
mas makagahin na kita ug panahon alang sa Ginoo ug sa isigka-ingon
magpuyo na kita sa kahayag
2. Matinud-anong Pagsunod kang Kristo
Ang pagbag-o nagpasabot nga

dili na kita magpuyo mga Kristianos sa ngalan lamang
Apan mahimo na kitang tinuod ug aktibong mga sumusunod ni Kristo.
Pagsunod kang Kristo – pag-ambit ug pagpadayon sa iyang misyon

Isip sumusunod ni Kristo kita nakaambit ug nagapadayon sa iyang Misyon isip
Propeta, Pari ug Hari
Kini atong maipakita sa atong
Pagpamati ug pagsangyaw (Propeta),
Pag-ampo ug pagsimba (Pari)
Pag-alagad (Hari)
a. Pagpamati, pagsangyaw ug pagsaksi sa iyang Pulong ug mga Pagtulon-an
Ang sumusunod ni Kristo namati sa iyang pulong ug pagtulon-an

- makanunayon ang pagtoon ug pagmalandong sa biblia ug sa mga pagtulon-an sa
Simbahan
- Ang nabati ug natun-an nga pulong ug pagtulon-an isangyaw sa uban
- Kini pagapuy-an ug pagasaksihan sa kinabuhi
b. Pag-ampo ug pagsimba
Ang sumusunod ni Kristo mogahin ug panahon alang sa pag-ampo

ang pag-ampo mao ang pakigtagbo ug pakig-istorya sa Ginoo
mao kini ang panahon nga makaamgo kita sa presensya sa Ginoo.
Ato siyang kasumbongan sa atong mga problema ug panginahanglan

ato siyang pasalamatan sa mga grasya nga atong nadawat
mahimo kitang mas haduol ug suod sa atong Ginoo.
Daghang pamaagi sa pag-ampo:

- anaay tinagsa, anaa usab katilingbanon
Ang pag-ampo ug pagsimba gipaluyohan sa dakong pagsalig sa Ginoo

nga dili kita niya pasagdan
ug nga kanunay siyang nakig-uban ug nakighimamat kanato.
c. Mahigugmaong Pag-alagad
Sumala ni Santiago ang pagtoo nga dili inubanan sa buhat patay

-Ang atong pagtoo ug pagka-sumusunod ipakita sa maayong buhat, ang mga buhat
sa kalooy ug gugma
- Anaa ang pagpakabana ug pagtubag sa pangihanglan sa uban - sa mga kabos,
nagmasakiton, nagmasulob-on, mga sinalikway, mga linupigan ug dinaugdaug,
Ang pagpatunhay sa gugma, hustisya ug kalinaw
- Ang pag-amoma ug pagpanalipod sa kinaiyahan
- Sumala sa Mateo 24, pagahukman kita sa Ginoo sumala sa atong gugma ug pag-
alagad sa atong isigka-ingon, labi sa mga kabos ug nanginahanglan.
Ang pagka-sumusunod ni Kristo ug kinabuhing Kristohanong naglangkob ug

naglambigit niining tulo:
ang pagsangyaw,
pag-ampo ug
pag-alagad.
Dili mahimong usa ra ang atong pili-on. Kinahanglan nga kining tulo anaa gayod
sa atong kinabuhi isip sumusunod ni Kristo.
Ang Pagpas-an sa atong Krus
Ang matuod nga sumusunod ni Kristo andam mopas-an sa iyang krus

Diha sa pagtuman sa iyang misyon, makatagbo kita ug daghang kalisdanan –
apil na ang pagsalikway, pagbiay-biay ug pagpanglutos
kinahanglan nga andam kita sa pagdawat niining tanan
- andam kita nga mag-antos ug, kun gikinahanglan, maghalad sa atong
kinabuhi, maghalad sa atong kaugalingong lawas ug dugo sama ni Kristo.
Pagsusi sa Konsyensia
Ug karon mogahin kita ug panahon aron sa pagsusi sa atong konsyensia. Atong

pamalandongan ang atong kagahapon - hinumdoman nato ang mga dautan nga
atong nabuhat ug ang mga maayo nga wala nato mabuhat.
(1) Sa mga higayon nga nakalimot kami kanimo, ug wala kami magpakita ug
gugma kanimo, ug ang among gihigugma ug gisimba mao ang mga dios-dios - ang
gahom, bahandi ug dungog, ug mga kahilayan. Ginoo pasayloa kami.
(2) Sa mga higayon nga among gipasipala ang imong ngalan, pinaagi sa panumpa
sa bakak, sa mga pagpanastamas, ug pagpamalikas. Ginoo pasayloa kami.
(3) Sa mga higayon nga wala kami makagahin ug panahon alang sa pag-ampo ug
pagpahulay, ug wala kami makighiusa sa Kristohanong katilingban sa pagdayeg
ug pagpasalamat kanimo sa adlawng Domingo. Ginoo pasayloa kami.
(4) Sa mga higayon nga wala kami magpakita ug pagtahod ug pagmahal sa among
mga ginikanan ug katigulangan. Ginoo pasayloa kami.
Sa mga panahon nga wala namo tumana ang among responsibilidad sa pag-
amoma sa among mga kabataan. Ginoo pasayloa kami.
5) Sa mga higayon nga wala namo tahora ang tawhanong kinabuhi pinaagi sa
aborsyon, pagpatay, pagdagmal, torture, ug uban pa. Ginoo pasayloa kami.
Sa mga higayon nga among gidagmalan ug gipasakitan ang among kapikas ug
mga anak. Ginoo pasayloa kami.
Sa mga higayon nga among gi-abusohan ang among lawas pinaagi sa droga,
sobrang pag-inom ug paghubog-hubog, ug uban pang kahilayan ug bisyo. Ginoo
pasayloa kami.
Tungod sa kakulang sa among pagpaninguha nga maundang ang gubat ug kagubot
ug mapatunhay ang kalinaw ug pakig-uli diha sa katilingban. Ginoo pasayloa
kami.
(6) Sa mga higayon nga among nakalimtan ang among mga panaad sa kaminyoon
pinaagi sa kakulang sa gugma sa among kapikas, sa pagpanapaw o
pagpanghilawas . Ginoo pasayloa kami.
Sa mga higayon nga wala kami magtahod sa pagkatawo sa uban, ug amo lang
silang giisip nga mga butang nga gamiton imbis mga tawo nga mahalon. Ginoo
pasayloa kami.
(7) Sa mga higayon nga kami naulipon sa kahakog sa bahandi ug nalambigit kami
sa pagkuha sa butang sa uban, pagtulis, pagpangurakot - sa graft and corruption, sa
sobrang pag-paganansya, sa sobrang patanto, sa dili paghatag sa hustong suweldo
ngadto sa among mamumuo. Ginoo pasayloa kami.
Sa mga higayon nga kami nahimong instrumento sa inhustisya, pandaugdaog, ug

pag-antos sa uban. Ginoo pasayloa kami.
Sa among pagkabuta-bungol sa panginahanglan sa among kaigsoonan, labi na sa
mga kabos, ug sa among pagdumuli sa pagtabang kanila ug pag-ambit sa among
mga kabtangan. Ginoo pasayloa kami.
(8) Sa mga higayon nga among gitagoan ang kamatuoran ug nagpasulabi ang
among pamakak ug pagbutang-butang sa uban. Ginoo pasayloa kami.
(9) Sa among kakulang sa paghigugma ug pag-alagad sa among isigkatawo. Ginoo

pasayloa kami.
(10) Sa mga higayon nga wala kami magpuyo nga imong tinuod nga mga sumunod
ug nagpabiling mga Kristianos ngalan lamang.
Kaloy-an unta kita sa Dios nga makagagahom sa tanan ug pasayloon sa atong mga
sala ang dad-on unta kita niya ngadto sa kinabuhing dayon. AMEN.
Atong awiton ang: Kaloy-i Kami, Ginoo.
Pag-ampo sa Pasalamat
Ginoong Jesukristo, walay kinutoban ang imong mahigugmaong pagpasaylo.

Nahimo kang tawo sama kanamo aron paghatag kanamo ug panig-ingnan sa
pagkamapaubsanon ug aron matinumanon kami diha sa tanang pagsulay sa
kinabuhi. Dili unta kami mawala sa mga gasa nga gihatag mo kanamo, apan kun
makasala kami, iisa kami pinaagi sa imong gasa sa paghinulsol, kay ikaw
nagugapuyo ug nagahari hangtod sa kahangturan. AMEN.
Final Blessing
Module 3:
Katilingban sa mga
Sumusunod ni Kristo:
Ang Simbahan
Programa sa mga Buluhaton
1. Pasi-unang Awit
2. Pasi-unang Pag-ampo
3. Pagbasa (Buhat 2:42-47, 4:32-35, Juan 17:20-23)
4. Pag-inambitay sa Gagmayng Grupo
(giya pangutana: Unsa ug kinsa alang kanimo ang Simbahan? Asa ug kang
kinsa gikan ang Simbahan ug unsa ang misyon sa Simbahan?
5. Pagtaho sa Dakong grupo
6. Pagpalawom ug lecture
7. Katapusang Pag-ampo ug awit
Pagsunod kang Kristo isip Katilingban
Pagka-Kristianos dili lang tagsa-tagsa, iya-iya:

kini makatilingbanon
Ang tanan nga binunyagan gitawag nga mahisakop sa Katilingban sa mga
Sumusunod ni Kristo
Mao gani nga sa Jesus nagtawag ug mga tinun-an o sumusunod ug nag-umol kanila
isip katilingban.
Sa Domingo sa Pentekoste, ang Espirito Santo mikunsad sa mga tinun-an ni Jesus

ug nahimugso ang bag-ong Katawhan sa Dios –
ang Kristohanong Katilingban, ang Simbahan.
Ang Kinabuhi sa Unang Kristohanong Katilingban

“Ug gigamit nila ang ilang panahon pagpamati sa mga gitudlo sa mga apostoles, sa
inigsoon nga pagpakig-uban kanila, ug sa pagpakig-ambitay sa pagpangaon ug sa
mga pag-ampo.” (Buhat 2:42)
“Ang pundok sa mga magtutuo usa ra sa hunahuna ug kasingkasing. Ug wala

kanilay miingon nga siya ray tag-iya sa iyang kabtangan, kon dili nag-inambitay
silang tanan sa tanang mga butang nga ilang gihuptan.” (Buhat 4:32)
Ang Paglapnag sa Simbahan sa tibuok katuigan
Sa nanglabay nga duha ka libo ka tuig, ang Simbahan milapnag sa tibuok kalibotan
Nagsugod isip gagmay nga pundok o katilingban nga nagkalambigitay
Sa dagan sa katuigan ang Simbahan nahimong dako nga institusyon- nagkadaghan
ang miembro sa Simbahan ug wala na mag-ilhanay
Tungod sa kadako sa Simbahan, lisud na kaayo masinati ang diwa sa pagka-
katilingban.
Kulang usab ang aktibong pag-apil sa mga sakop sa misyon ug mga kalihokan sa
Simbahan.
Ang Simbahan Sumala sa Vatican II
Ang Vatican II gipahigayon niadtong 1962-1965, sa ilalum sa pamunoan ni Pope

John XXIII aron paghimog kabag-ohan diha sa Simbahan
Kini gitambongan sa sobra 2000 ka mga obispo gikan sa tibuok kalibotan, uban sa
mga theologians ug mga observers gikan sa lain-laing Simbahang Kristianos
Ang panglantaw sa Vatican II mahitungod sa Simbahan makita sa dokumentong

Lumen Gentium, ang “Dogmatic constitution on the Church.”
Ang laing dokumento Gaudium et Spes¸ “the Church in the Modern World,”
nagahatag ug panglantaw mahitungod sa relasyon sa Simbahn ug kalibotan karon
ug ang iyang responsibilidad tali sa kultura, politika, ekonomiya ug uban pa.
Simbahan isip Communion

(katilingbanong panaghiusa ug pakiglambigit)
Ang timaan sa panaghiusa tali sa mga tawo ug tali sa Dios ug sa katawhan (Lumen
Gentium [LG] 1)
Ang kahiusahan sa kinabuhi, gugma ug kamatuoran (LG 9)
Ang katilingban sa pagtoo, paglaum ug paghigugma (LG 8)
Ang Kristohanong Katilingban sa Jerusalem isip modelo o panig-ingnan (Buhat
2:42-47, 4:32-35)
Basehanan sa Katilingbanon Panaghiusa
- Panaghiusa sa huna-huna ug kasingkasing

- Panaghiusa sa Pulong sa Dios ug Pagtulon-an
- Panaghiusa sa Sakramento
- Panaghiusa sa pag-inambitay sa mga gasa ug kabtangan
Mga ang-ang sa panaghiusa ug pakiglambigit (communion)
Sa sulod sa panimalay (tali sa sakop sa pamilya)

Sa sulod sa gamay nga katilingban (tali sa mga pamilya o kasilinganan)
Sa sulod sa parokya (tali sa mga gagmayng katilingban ug mga grupo)
Sa sulod sa diocese (tali sa mga parokya)
Tali sa mga Simbahan lokal/diocese sa sulod sa nasud, sa tibuok kalibotan
Ang Simbahan – Katawhan sa Dios

(Church as People of God)
Gikan sa panglantaw sa Bag-ong Testamento mahitungod sa Simbahan mga mao

ang Katawhan sa Dios diha sa bag-ong kasabotan. (1 Ped 2)
Ang katawhan sa Dios nga puno sa Espirito Santo nga nagaambit sa misyon ni
Kristo isip propeta, pari ug hari
Ang kinaiya sa katawhan as Dios – katawhang propeta, pari ug hari/alagad.
Propetang Katawhan
Ang tibuok katawhan sa Dios nagaambit sa misyon ni Kristo isip propeta.
Kini ang katilingban nga gi-umol sa Pulong sa Dios.
Kini ang katawhan nga nagapamati sa Pulong, nagasangyaw sa Pulong, nagasaksi
sa Pulong.
Sama ni Kristo ug sa mga karaang propeta, ang Simbahan mao ang konsensya sa
katilingban –
nagasaway ug nagasupak sa dautan – ang kultura sa kamatayon, inhustisya,
pandaug-daug, ubp.
nagasangyaw sa maayong balita – sa kaluwasan, hustisya, kalinaw, kinabuhi
Nagaawhag usab kini sa paghinulsol ug pagbag-o
Ang papel sa Magisterium – ang tahas sa Santo Papa ug kaobispohan ug kaparian –

mao ang pagpasabot sa kamatuoran sa pagtoo ug pagbantay batok sa sayop
nga mga interpretasyon o pagtulun-an (heresies)
pag-umol sa konsyensya sa mga sakop aron mas mahibalo unsa ang maayo
nga angay buhaton ug ang dautan nga angay likayan.
Ang Simbahan kanunay nagapasiugda ug programa alang sa evangelization
(pagsangyaw) ug catechesis (pagpasabot sa pagtulon-an sa pagtoo)
Pari-anong Katawhan
(Priestly People)
Ang tibuok katawhan sa Dios nakaambit sa pagka-pari ni Kristo.

Ang Simbahan mao ang maampoon ug nagasaulog nga katilingban
Ang mga layko pinaagi sa aktibong pag-apil sa mga liturhiya ug sakramental nga
kasaulogan, sa ilang mga pag-ampo ug paghalad sa kaugalingon.
Ang mga gi-ordinahan nga kaparian nangulo, naga-alagad ug nagadumala sa pari-
anong katawhan ug nagadasig kanila sa pagtuman sa ilang pari-anong misyon.
Ang Hari-anon/Maalagarong Katawhan

(Kingly/Servant People)
Ang katawhan sa Dios nagaambit sa misyon ni Kristo isip hari/alagad

Ang pagkahari gipadayag diha sa pag-alagad
Kini gipakita diha sa pag-alagad sa pagpatunhay sa Gingharian sa Dios – ang
gingharian sa hustisya, kalinaw, gugma ug kamatuoran.
Ang Simbahan anaay tahas sa pakigbisog batok sa dautan ug sa pagbag-o sa
katilingban.
Ang Tahas sa Simbahan sa kalibotan
Ang pinakabug-at ug importanteng misyon sa Simbahan mao ang natad nga

espirituhanon ug moral
(apan wala kini magpasabot nga puros na lang langitnon ug espirituhanon
ang iyang mga buluhaton)
Gawas niini, ang Simbahan anaay dakong responsilibidad sa pagpanginlabot sa
natad sa economiya, politika, social, cultural, ecology, ubp.
Ang Simbahan makigtambayayong sa uban diha sa pagtubag sa problema sa
kawad-on, kagutom, kagubot, sa pagpangyatak sa tawhanong katungod, sa
pagkaguba sa kinaiyahan, ubp.
Ang kaayohan sa tanan ug dili ang iyang interes mao ang magagiya sa Simbahan
sa iyang pag-alagad.
Ang Simbahang ug ubang Kristohanong Simbahan
Ang Simbahang Romano Katoliko nagaisip sa ubang mga sakop sa Kristohanong

Simbahan nga mga igsoon nga nahimulag (separated brethren)
Ang Simbahan naninguha nga makigkolokabildo (ecumenical dialogue) uban
kanila aron sa ngadto-ngadto anaay pakig-uli ug pakighiusa (communion)
Ang Simbahan ug ubang Relihiyon
Ang Simbahan buot usab makighigala ug makigkolokabildo sa ubang mga

relihiyon (inter-religious dialogue) sama sa Judaism, Islam, Hinduism, Buddhism,
ubn pa.
Ang Simbahan nagatoo nga anaay mga tipik sa kamatuoran nga makaplagan diha
sa nagkalain-laing relihiyon.
Buot usab ang Simbahan makigtambayoyong sa uban tinoohan sa paglihok alang
sa kalinaw, hustisya, tawhanong katungod, ubp.
Pagsumada sa Panglantaw sa Simahan sa Vatican II
Makatilingbanong panglantaw sa Simbahan (Communion)

Malukpanong panglantaw: Katawhan sa Dios nga propeta, pari ug hari/alagad).
Dili lang maampoong katilingban apan masaksihon ug maalagaron usab.
Aktibong partisipasyon sa mga layko sa kinabuhi ug misyon sa Simbahan
Ang hierarkia (kaobispohan, kapari-an ug diakono) nangulo sa katawhan sa Dios
ubos sa diwa sa pag-alagad.
Pagpakabana alang sa kahimtang sa kalibotan (economic, political, cultural), ug
paninguha sa paglihok alang sa kabag-ohan, hustisya ug kalinaw
Mas inigsoon ug mahigalaong pakigrelasyon sa ubang Kristianong Simbahan ug
Relihiyon o Tinuohan.
Ang Simbahan nga Ginabag-o sumala sa PCP II
Ang Second Plenary Council of the Philippines (PCP II) gipahigayon niadtong
1991
Kini ang panagtigum sa mga lideres sa Simbahan sa Pilipinas: mga Kaobispohan,
kapari-an, madre ug mga layko.
Namalandong sila mahitungod sa kahimtang sa Pilipinas ug ang papel sa Simbahan
Kabahin usab kini sa nagapadayon nga pag-implementar sa Vatican II
Panglantaw sa Nabag-o nga Simbahan
Katilingban sa mga tinun-an

Nagkahiusa, naga-apil sa Misyon ni Kristo
Katawhang propeta, pari ug hari
Simbahan sa Kabos
Tema sa Simbahan sa PCP II
Katilingban sa mga Sumusunod

Katilingbanong Panaghiusa ug pakiglambigit (communion)
Katawhan sa Dios – nakaambit sa misyon ni Kristo isip propeta, pari ug hari
(people of God – priestly, prophetic, kingly)
Simbahan sa Kabos (Church of the Poor)
Managsama nga panglantaw sa Vatican II
Ang tema mahitungod sa ginabag-ong Simbahan (church renewal)

Katilingbanong Panaghiusa ug pakiglambigit (communion)
Katawhan sa Dios nga maampoon, masaksihon ug maalagaron (pari-anon,
propetanhon ug hari-anon)
Nadugang nga panglantaw
Katilingban sa mga Sumusunod ni Kristo

Simbahan sa Kabos
Ang katumanan sa panglantaw sa ginabag-ong Simbahan diha sa Gagmayng
Kristohanong Katilingban (BEC)
Ang Simbahan sa Kabos sa PCP II
Naglantaw sa Simbahan isip Simbahan sa Kabos.

Anaay 12 ka punto mahitungod sa Simbahan sa Kabos apan ang kahulogan niini
mabahin sa tulo:
Ang Simbahan nga nagapuyo sa kakabos subay sa diwa sa ebanghelyo (evangelical
poverty)
Ang Simbahan nga nagadapig sa kabos (option for the poor)
Ang Simbahan diin ang kabos aktibong nagaapil sa misyon sa pagsangyaw, sa pag-
ampo ug sa pag-alagad ug pagbag-o sa katilingban
Katilingban sa mga Sumusunod ni Kristo
Koro: Katilingban masaksihon, katilingban maampoon,

Katilingbang nag-alagad, kini ang Simbahan (2X)
Kita ang katilingban sa mga tinun-an ni Jesus

nagkahiusa, nagpadayon sa misyon ni Kristo.
Katawhang propeta, pari ug alagad
Ang katilingban sa kabos - Simbahan sa kabos. (koro)

Gihiusa, gilambigit sa atong Ginoo.
Nag-inambitay sa Pulong ug Yukaristiya,
ug mga kabtangan, suod nga mga higala. (koro)

namati sa pulong sa atong Ginoo
nagsaksi, nagsangyaw sa maayong balita
sa atong kaluwasan ug sa Gingharian.

nag-ampo ug nagsimba sa atong Ginoo
andam nga mohalad sa'tong kinabuhi
sama ni Kristo, labaw nga pari. (koro)

katilingbang nag-alagad sa nanginahanglan.
nagpatunhay sa hustisya ug sa kalinaw
nakigbisog, nagpalambo sa Gingharian. (koro)

gilangkoban sa kabos, nagdapig sa kabos.
Way laing gisaligan, gawas ang Ginoo
Maabtikong nagasalmot sa misyon ni Kristo. (Koro)
Module 4:
Gagmayng Kristohanong/
Simbahanong Katilingban
Programa/Kalihokan
1. Pasi-unang Awit
3. Pag-inambitay sa Gagmayng Grupo
(Giya-Pangutana kun wala pay BEC/GKK/GSK: Ilarawan ang kristohanong
katilingban nga inyong gipangandoy nga mamugna sa inyong dapit.
Giya-pangutana kun naa nay nasugdan o natukod nga BE C/ GKK/GSK:
Unsa ang inyong pagsabot kun unsa ang milambo nga BEC/GKK/GSK.
4. Reporting/Pagtaho: (mahimong simple o mamugnaon – drowing o poster o
drama)
5. Pagpalawom o lecture
Pagpalawom/Pagpasabot
Ang Pagtumaw sa BEC
Ang Vaticano II nangandoy nga mabag-o ang Simbahan (church renewal).

Gipangandoy niini nga masinati ang Simbahan isip Katilingban nga nagkahiusa
sama sa unang Kristohanong Katilingban sa Jerusalem.
Gipangandoy usab nga ang Simbahan mahimong tinuod nga Katawhan sa Dios nga
nagpadayon sa misyon ni Kristo isip propeta, pari ug hari – sa ato pa ang
masaksihon, maampoon ug maalagarong katilingban
Gihatagan ug dakong pagtagad ang aktibo nga partisipasyon sa mga layko sa

kinabuhi ug misyon sa Simbahan
Gitinguha ang pagpanginlabot sa Simbahan sa kahimtang sa kalibotan –
ekonomikanhon, politikanhon, kulturanhon
Human sa Vatican II (1965), daghay mga kabag-ohan nga gipasiugdahan

Usa niini mao ang pagtumaw sa BEC sa Latin America (labi na ang Brazil), sa
Asia (labi na ang Pilipinas), Africa ug uban pang mga lugar.
Diri sa Pilipinas nagsugod ang BEC sa Mindanao (Tagum) ug naghinay-hina ug
lapnag sa ubang dapit.
Mas mikaylap pa gayod ang BEC sa tibuok Pilipinas tungod sa PCP II
Sukad pa niadtong 1991, ang PCP II (Second Plenary Council of the Philippines)
nagtinguha pag-implementar sa kabag-ohan nga gisugdan sa Vatican II.
Sumala sa PCP II, ang panglantaw sa nabag-ong Simbahan matuman diha sa BEC.
Tungod niini ang naninguha ang kadagkoan sa Simbahan nga matukod ang BEC sa
tanang diocese ug parokya sa tibuok Pilipinas.
Nganong gitawag nga BEC?
Basic Community – Gamay nga Katilingban nga gilangkoban sa mga yanong mga
Kristianos, diin ang mga sakop anaay suod nga relasyon.
Kining mga katilingban nakagamot sa kasilinganan ug barangay ug kabahin sa
parokya. Lahi kini sa mga organisasyon o kalihokan nga “transparochial”
(LOMAs)
Ecclesial – Kining gamay nga pundok o katilingban tinuod nga Simbahan – ang
katilingban sa mga sumusunod ni Kristo, ang Katawhan sa Dios ug Puloy-anan sa
Espirito Santo nga makita diha sa kasilinginan. Kini ang Simbahan sa kasilinganan
ug barangay.
(mga lokal nga ngalan: GSK (Gagmayng Simbahanong Katilingban) GKK

(Gagmayng Kristohanong Katilingban), MSK (Munting Sambayanang Kristianos),
KrisKa (Kristohanong Kasilinganan
Nagkalain-laing porma sa BEC
- BEC nga nakasentro sa Kapilya

tanan nga panagtigum gibuhat sa kapilya
- BEC nga may mga Family Groupings (FG) ug naa usab nga kapilya
gibahin-bahin sa mga selda o family groupings (7-12 kada selda), kada FG
nagatagbo sa kabalayan, ang tanan nagatapok sa kapilya kada semana para
sa Kasaulogan sa Pulong, ug kada bulan para misa
- BEC nga may mga FG apan walay kapilya

ang mga FG magtagbo sa kabalayan kada semana ug ang tanan magtagbo sa
usa ka dako nga lugar diin magmisa o mag-general assembly
Ang Hulagway sa BEC diha sa PCP II
“Gagmay kining katilingban sa mga Kristianos, nga sagad mga pamilya

kinsa maghiusa sa pagtigom alang sa Pulong sa Dios ug sa Eukaristia.
Kining mga katilingban nahiusa sa ilang mga pastor, apan nga makanunayong
gidumala sa mga pangulong layko.
Ang matag sakop nagkailhanay pag-ayo ug miambit dili lang sa Pulong sa Dios ug
sa Eukaristia apan diha usab sa materyal ug espirituhanong pagpakabana.
Mibati sila pag-ayo nga apil gayod ug may responsibilidad alang sa usag-usa. (PCP
II, 138)
Ang Gagmayng Simbahanong mga Katilingban,
nga kasagaran migula gikan sa kinaubsang hut-ong sa mga mag-uuma ug mga
mamumuo, maamgohong naningkamot sa paghiusa sa ilang pagtuo ug sa inadlaw
nilang kinabuhi.
Gigiyahan sila ug gidasig sa makanunayong katekesis.
Ang kapobrehon ug ang ilang pagtuo maoy magtukmod sa ilang mga sakop
sa pagdinuyogay sa usag –usa,
sa paglihok alang sa hustisya
ug sa buhing kasaulogan sa kinabuhi diha liturhiya.
(PCP II, 139)
Batakang Kinaiya sa BEC
1. Gagmayng katilingban sa mga kristianos, kasagaran mga pamilya, kansang

mga sakop nagkalambigit ug nagkahiusa sa usag-usa ug sa ilang mga pastor
(kaparian ug kaobispohan)
2. Nagkatigom diha sa pagpamati ug pagsangyaw sa Pulong sa Dios, ug sa
makanunayong pagtuon sa mga Kristohanong pagtulun-an.
3. Nagkatigom sa pagsaulog sa ilang kinabuhi diha sa liturhiya, labi na sa
Eukaristia.
4. Nagpakabana dili lang sa espirituhanong panginahanglan apan usab sa
materyal, ug nagalihok alang sa hustisya ug kalamboan.
5. Nagatumaw gikan sa ubos ug kabos nga hut-ong, nagadapig sa kabos.
BEC: Katumanan sa Panlantaw sa PCP II sa Nabag-ong Simbahan
“Ang atong panglantaw sa Simbahan isip panaghiusa, isip pag-apil ug isip misyon,
usa ka Simbahan nga parianon, propetiko ug harianong katawhan ug isip Simbahan
sa mga kabos – usa ka Simbahang gibag-o, sa pagkakaron makita diha sa usa ka
simbahanong kalihokan. Kalihokan kini aron sa pagpatunhay sa Gagmayng
Simbahanong mga Katilingban” PCP II, 137.
Ang BEC mao ang katumanan sa panglantaw sa nabag-ong Simbahan sa PCP II –

Ang Simbahan isip katilingban sa mga Sumusunod
Nga nagkahiusa ug nagkalambigit (communion)
Nagaapil sa misyon ni Kristo isngip
Katawhang Propeta ( nagasangyaw ug nagasaksi nga katilingban)
Katawhang Pari (maampoon ug nagasimba nga katilingban)
Katawhang Hari (maalagarong katilingban)
Ang Simbahan sa Kabos
Ang Kultura sa Gagmayng Kristohanon/Simbahanong Katilingban (BEC)
Ang BEC may kaugalingong kultura.

Sa ato pa, ang BEC dili lang buluhaton kundili usa ka paagi sa pag-puyo, paghuna-
huna ug paglihok isip mga Kristianos, isip mga sumusunod ni Kristo.
Ang modelo o panig-ingnan niining kultura mao ang kinabuhi sa unang
Kristohanon nga Katilingban sa Jerusalem nga natukod sa Domingo sa Pentecoste
dihang mikunsad ang Espirito Santo.
Ang Pito ka Haligi sa Kultura sa BEC
1. Pagpakabana isip mga Kristianos nga nagbag-o – renewal/conversion

2. Panaghiusa nga Katilingbanon – communion/community spirit
3. Pulong sa Dios nga gipamati, gisangyaw, gitudlo ug gisaksihan (kerygma) –
evangelization/catechesis
4. Pag-ampo ug Pagsaulog (litourgia) – prayer/worship
5. Pag-alagad ug Katilingbanong Paglihok (diakonia) – social
action/apostolate
6. Pagdapig sa Kabos – option for the poor
7. Partisipasyon/pag-apil nga madasigon ug pagdumala nga maalagaron –
participative membership/servant leadership
1. Pagpakabana isip Kristianos nga nagbag-o (metanoia)
Kita mga Kristianos nga nakasinati ug pagbag-o

Atong gidawat si Kristo nga atong Ginoo ug Manluluwas
Gibiyaan na nato ang sala ug nagpuyo na kita diha sa bag-ong kinabuhi
Atong nabati ang presensya sa Espirito Santo nga nagbag-o kanato, naghi-usa
kanato, ug nagdasig kanato sa atong pagpadayon sa misyon ni Kristo isip
propeta, pari ug alagad.
Naninguha kita sa pagpuyo isip aktibo nga sumusunod ni Kristo diha sa
Simbahan ug sa Gagmay nga Simbahanong Katilingban o BEC
2. Panaghiusa nga Katilingbanon (Koinonia)
Gawasnon kitang nagkahiusa diha sa atong Kristohanong Katilingban o BEC.

Managsama ang atong dignidad ug usa lang kita ka lawas bisan kun nagkalain-
lain ang atong mga abilidad, responsibilidad, ug mga grupo nga atong gisakpan.
Mga managsoon ug mga higala kita diha kang Kristo
Nagsuportahanay kita ug nag-inambitay sa atong mga kabtangan, talento ug
panahon.
Kanunay kitang nagkatigum aron pagpaambit sa atong mga huna-huna ug
pagbati, sa atong mga kasubo ug kalipay.
Kun naay panagbangi ug pagbahin-bahin, naninguha kita nga naay kolokabildo
(dialogue), pagpinasayloay ug pakig-uli.
Ang atong BEC nakighiusa sa ubang BEC. Kabahin kini sa dako nga
Kristohanong Katilingban sa parokya, diocese ug kinatibuk-ang Simbahan.
Atong gipalig-on ang atong pakighiusa ug pakiglambigit sa atong kapari-an,
kaobispohan ug sa Santo Papa nga mao ang mga instrumento sa panaghiusa.
3. Pulong sa Dios (Kerygma)
Ang Pulong sa Dios nga nahasulat sa Biblia ug ginsaysay ug gitudlo sa

Simbahan mao ang giya sa atong kinabuhi
Kanunay kitang magka-pundok aton pagpamati ug pagpaambit sa Pulong sa
Dios.
Ang Pulong sa Dios naghagit kanato sa pagbag-o sa atong kaugalingon.
Nagpadayon kita pagtu-on sa mga pagtulon-an ni Kristo nga gitudlo sa
Simbahan.
Ang Pulong sa Dios atong gisangyaw sa atong isigkatawo ug gituman sa atong
kinabuhi.
Ang gisunod ang pagtulun-an sa Simbahan mahitungod sa pagtoo ug sa
moralidad (unsa maayo ug dautan)
Kun gikinahanglan, atong sawayon ang dautan sa atong katilingban – ang
inhustisya, pandaug-daug, ang kultura sa kamatayon (sama sa aborsyon,
pagpamatay, gyira) ang pangungurakot, ang kriminalidad, ang pagyatak sa
tawhanong katungod, ug pagguba sa kinaiyahan.
Atong isangyaw ang mensahe sa gingharian sa Dios – sa kaluwasan, hustisya,
kalinaw ug gugma
4. Pag-ampo ug Pagsaulog (Litourgia)
Ang atong relasyon sa Dios ug sa matag usa mapalawoman pinaagi sa atong

pag-ampo ug pagsaulog.
Kada adlaw naga-ampo kita sa kinaugalingon ug uban usab sa atong pamilya.
Kada semana nagkatigom kita sa atong kapilya aron pagsaulog sa Pulong sa
Dios bisan kun walay pari.
Anaa kitay regular nga pagsaulog sa santos nga Misa isip katilingban uban sa
atong pari (kada bulan o kausa sa duha ka bulan)
Aktibo kita nagasalmot sa atong mga liturhiya
Nagasaulog kita isip katilingban sa atong fiesta, ug sa panahon sa Adviento,
Pasko, Kwaresma, Semana Santa ug pagkabanhaw.
Ato usab gisaulog isip katilingban ang mga adlawng natawhan, pagtanum ug
pag-ani.
Nagkatigum kita pag-ampo sa mga masakiton nga sakop ug alang sa mga
namatay.
5. Pag-alagad ug Katilingbanong Paglihok (diakonia)
Kita nasayod nga patay ang pagtoo kun dili ginaubanan sa buhat.
Isip katilingban nagtinabangay kita sa pagtubag sa mga panginahanglan sa usag-
usa ug sa atong kaigsoonan – labi na ang mga kabos..
Atong gipakita ang gugma sa usag-usa pinaagi sa atong pag-alagaray ug
pagtinabangay.
Kanunay kitang nagtigum aron pagtuki sa kahimtang sa atong katilingban -
economikanhon, politikanhon, kulturanhon, kinaiyahan.
Atong gi-ila ang mga isyu, mga problema ug panginahanglan nga angay nga
tubagon isip katilingban ug BEC.
Ang kada usa kanato madasigong nagaapil sa pagpangita sa kaayohan, sa pagtuki,
pagpalano ug pagtuman sa mga programa ug proyekto nga makatabang sa
pagsolbar sa atong mga problema.
Ang pagtulun-an nga sosyal sa Simbahan mao ang giya sa atong paglihok – sama
sa kinatibuk-ang kalingkawasan, ug kauswagan, kaayohan alang sa tanan, kalinaw,
hustisya, tawhanong katungod ug pag-respetar sa kinabuhi sa tawo ug sa
kinaiyahan.
Nagalihok kita alang sa kaayohan sa uban sa nagkalain-laing BEC. Nagakooperar
usab kita sa ubang mga grupo nga naay maayong kabubut-on (mga NGO, mga
People’s Organization, mga Ahensya sa Gobierno, ug uban pa)
Dili kita makiglambigit ug magpagamit sa mga grup nga naay laing katuyoan, nga
nagamit sa pamaagi nga kontra sa ebanghelyo– labi na ang pag-gamit sa pwersa o
ang pagpatay
Sa atong pag-alagad ug paglihok kanunay kitang nagasunod sa dalan sa gugma ug
kalinaw.
6. Pagdapig sa Kabos
Kita nagpuyo subay sa diwa sa kakabos sa espirito nga gitudlo ni Jesukristo

Nagasalig kita sa Dios ug siya lang atong gisimba, dili ang mga dios-dios sa
bahandi o gahum.
Nagpuyo kita sa simple nga pagkinabuhi ug nagpa-ambit sa atong mga kabtangan
ug talento.
Nagdapig ug nagatabang kita sa mga kabos ug nanginahanglan.
Ang mga kabos nga sakop sa atong BEC nakabati nga sila kabahin sa atong
katilingban ug aktibo nga naga-apil sa misyon ug buluhatong sa Simbahan ug
BEC.
Naninguha kita nga mahimong tinuod nga Simbahan sa kabos.
7. Partisipasyon nga madasigon ug pagdumala nga maalagaron
Ang mga lider sa BEC nagasunod sa prinsipyo nga ang pagkapangulo usa ka pag-
alagad o pagserbi sa katilingban.
Namati ang mga lider sa tingog mga sakop, ug nagasalikway sila sa diktador mga
pamaagi ug ang panglantaw sa pagkapangulo isip gahom o pribilihiyo.
Ang mga lider nagtambayayong sa pagdumala sa katilingban – anaa silay
kooperasyon ug “team-work.” Sila ang nagadasig sa ilang mga sakop.
Ang mga sakop aktibo nga nagaapil sa mga buluhaton sa katilingban, ug sa
paghimo sa desisyon ug pag-implementar niini.
Awit sa BEC/GKK

Katilingbang maalagaron, kini ang BEC (2X)

Ang katilingban sa kabos - Simbahan sa kabos.




nakigbisog, nagpalambo sa Gingharian.

Module 5:
Katilingbanong Panaghiusa
sa BEC/MSK (Communion)
Han-ay sa mga Buluhaton
1. Pasi-unang Awit
3. Pagbasa: Juan 17:20-21, Buhat 2:42-45, 4:32-35
4. Input
5. Workshop: Pag-inambitay sa Gamayng Grupo
(Giya pangutana: Sa unsang paagi ang Komunyon- o Katilingbanong
Panaghiusa- masinati sa BEC? Unsay pay angayng buhaton aron kini mas
mapalawom o molambo?
6. Pagtaho (reporting)
7. Pagsumada sa mga gipangtaho, pagsabot asa ug unsa sa mga gipangsugyot
ang sundon o buhaton. Pagplano.
8. Katapusang Pag-ampo
9. Katapusang Awit
Input: (Pagpasabot)
“Kita ang katilingban sa mga tinun-an ni Jesus

ug mga kabtangan, suod nga mga higala.”
Alang sa kadaghanan ang pulong nga “Communion” kasagaran nagpasabot ang
pagkalawat sa panahon sa Misa. Sa ato pa ang pagdawat sa lawas ni Kristo.
Apan naa kini mas lawom nga kahulogan.
Kini nagtimaan sa sa atong panaghiusa ni Kristo ug sa usag-usa isip katilingban.
Ang Simbahan mao usab ang lawas ni Kristo.
Mao kini ang atong gisaulog sa Santos nga Misa.
Ang Komunyon naghulagway sa relasyon sa mga sakop sa Simbahan,

Sa ilang panaghiusa, pakiglambigit, panaghigalaay , pag-inambitay.
Kini naka-basi sa susamang pagtuo.
Ug kini gisaulog sa pag-salo-salo sa pagpangaon ug sa Eyukaristia.
Ang pag-inambitay dili lang kutob sa Pulong sa Dios ug sa Eyukaristia apan diha
usab sa mga kabtangan.
Kini nahimo tungod sa presensya sa Espiritu Santo.

Ang panaghiusa sa Santisima Trinidad – sa Dios Amahan, Anak ug Espirito Santo
- mao ang pundasyon ug panig-ingnan sa katilingbanong panaghiusa sa Simbahan.
Kining pagkahiusa ug pag-inambitay matuman sa nagkadaiyang hut-ong sa
Simbahan:
- Ang kinatibuk-ang Simbahan kahiusahan sa mga local nga Kristohonanong
Katilingban (mga diyosis)
- Ang Diyosis kahiusahan sa mga Kristohanong Katilingban nga mao ang
mga parokya.
- Ang Parokya kahiusahan sa mga mas komunidad – ang Gagmayng
Kristohanong Katilingban (mga BEC)
- Ang mga BEC – kahiusahan sa mga pamilya ug kasilinganan
- Ang matag Kristohanong Banay kahiusahan sa bana ug asawa, mga
ginikanan ug anak.
Matod pa ni Santo Juan Pablo II sa Redemptoris Missio #51:

“Ang BEC tinuod nga timaan sa kahiusahan ug paagi ngadto sa lawum nga
kahiusahan”.
Diha sa mga BECs (GKK) ang mga sakop nakaila sa usa’g usa,
aduna silay usa ka lig-on nga pagbati sa pagkasakop ug responsibilidad alang sa
usa’g usa.
Nagkinabuhi sila ingo’g mga igsoon, isip katilingban sa mga higala - kapuso,
kapamilya, kaibigan.
Ang Katolikong pamilya nalambigit sa ubang mga pamilya diha sa mga
kasilinganan ug naumol ingon og pundok sa pamilya o selda (BEC cells).
Ang mga selda sa kasilinganan o mga pundok sa panimalaynalambigit sa usa’g usa
ug naglangkob sa Chapel-level o area level BECs.
Kining mga BECs nalambigit sa uban pa nga mga BECs).
Adunay daghang mga selebrasyon ug pakig-ambitay sa lamesa (table-fellowship)

diha sa GKK (BECs) — uban sa yano ug ordinayong mga pagkaon ngadto sa
kasaulogan sa kapistahan.
Ang kasaulogan sa Eyukaristiya nahimong mas makahuluganon tungod kay kini
nagpadayag ug nagsaulog sa kinabuhi sa panag-ambitay— sa panaghiusa,
panaghigalaay, pagpaambit ug pag-apil samga sakop.
Ang pag-inambitay sa panahon, talento ug bahandi mao ang usa ka importante nga
pagpadayag sa kahiusahan.
Kini gipaluyohan sa espirituwalidad sa pagkatinugyanan (stewardship).
Kini makamugna og usa diwa sa pagka-volunteer (paambit sa panahon ug talento).
Ang ubang mga GKKs (BECs) nagsagop sa usa ka “modified tithing system”
(pagpa-ambit sa bahandi) nga ilang kabubot-on.
Aduna usay sistema sa pagtinabangay ug income generating projects nga gitukod
sa pagtabang sa mga nagkinahanglang miyembro o bisan ganikadtong dili sakop sa
ilang katilingban.
Ang ubang mga GKKs (BECs) sa kabukiran nga mga lugar nagbuhat og komunal
nga umahan (communal farm).
Daghan usab ang nag-organisar og mga kooperatiba
Pinaagi niining mga proyektoha, ang BEC makatubag sa materyal nga

panginahanglan sa matag problema ug makahulipsa kawad-on.
Pinaagi sa pag-inambitay matuman ang pangandoy nga ang BEC mahimong

katumanan sa diwa sa unang katilingban ug sa Gingharian sa Dios diin walay
nagkalisod-lisod.
Ang komunyon o katilingbanong panaghiusa anaay kalambigitan sa partisipasyon

– sa pag-apil-apil o pagsalmot misyon sa katawhan sa Dios.
Kini ang misyon nga naambitan natong tanang nga sakop sa Simbahan.
Pinaagi sa sakramento sa bunyag nag matag-usa nakadawat sa Espirito Santo ug
nakaambit sa misyon ni Kristo isip propeta, pari ug hari.
Kining misyon matuman pinaagi sa Simbahan ug sa Gagmayng Kristohanong/
Simbahanong Katilingban (BEC).
Ang Ikaduhang Haligi sa Kultura sa BEC (Komunyon/koinonia)
Ang mga musunod atong tinguhaon sa pagpuyo sa inadlaw-adlawng kinabuhi:
Sa atong pakig-relasyon sa atong mga kauban sa katilingban, giisip nato nga kita
kapamilya, suod kita sa usag-usa , nagpuyo kita isip higala, nag-atiman kita sa
matag-usa, nag-inambitay kita sa atong panahon, talento ug bahandi.
Naggahin kita ug panahon aron sa pagpalawum sa atong relasyon.
Sa atong pakigsuod sa usag-usa kita nagtahod sa usag-usa nga walay
pagpahimulos sa usag-usa..
Managsama ang atong dignidad bisag managlahi ang atong mga tahas ug mga gasa.
Kun adunay panagbangi kita sa kanunay maningkamot nga magkaistoryahay ug
magpinasayloay.
Kita nagkalambigit sa ubang kasilinganan sulod sa BEC’s,

ug sa ubang BEC sa parokya,
kabahin kita sa kinatibuk-an sa komunidad –
ang parokya, diyosis, ug sa kingatibuk-an nga Simbahan.
Dili kita mulahi ang atong kaugalingon sa lapad nga Simbahan nga kita apil. Sa
ingun niini, atong gikonpirma ang atong pakighiusa ug pakiglambigit sa atong mga
kapari-an, Obispo ug sa atong Santo Papa.
Abli kita sa pakighigala ug pakigkolokabildo sa pagtuo ug kinabuhi sa ubang

tinuho-an – ilabina sa ubang Kristiyanos nga sakop sa uban nga denominasyon ug
sa mga Muslim.
Ang atong katilingbanong panaghiusa ato usab ipakita pinaagi sa atong

partisipasyon – o pag-apil-apil sa misyon ni Kristo nga propeta, pari ug hari nga
iyang gitugyan sa Simbahan.
Module 6: Ang BEC/GSK
Propetang Katilingban
1. Pasi-unang Awit/Pag-ampo
2. Pagbasa: Lukas 4:16-18
3. Input (Pagpasabot)
(Giya pangutan: Unsa ang inyong kasinati-an isip propetang
katilingban? Unsang pa nga mga pamaagi o kalohokan kamo
makasalmot sa misyon isip propeta?)
5. Pagtaho
6. Pagsumada sa mga taho
7. Pagsabot-sabot/Pagplano (unsay uyonan nga buluhaton isip katilingbang
propeta)
8. Pag-ampo sa katilingban
9. Katapusang Awit
Input (Pagpasabot

Si Kristo anaay misyon isip propeta.
Puno sa Espirito Santo, si Jesus gipadala aron pagsangyaw sa Maayong Balita sa
Gingharian sa Dios – ang maayong balita sa kaluwasan.
Iya usab gisaway ang sala ug dautan.
Nag-awhag siya tanan sa pagbiya sa ilang sala ug pagkadautan ug magbag-o sa
ilang kinabuhi.
Ang Simbahan nga napuno sa Espirito sukad pa sa Domingo sa Pentecoste

nagpadayon sa misyon ni Kristo isip propeta.
Busa ang Simbahan mao ang katawhan ug katilingban nga propeta.
Isip propeta ang Simbahan nagasangyaw ug nagasaksi sa Maayong Balita ug
nagasaway sa dautan.
Pinaagi sa bunyag ang tanang Kristiyano nakadawat sa Espirito Santo ug

nakaambit sa misyon ni Kristo isip propeta.
Kini nga misyon gituman dili lang sa tinagsa kun dili isip katilingban diha sa BEC.
Ang mga BEC, nga bag-ong pamaagi sa pag ka-Simbahan usa ka katilingban
propeta ug masaksihon.
Ang BEC nakaambit sa misyon ni Kristo ug sa Simbahan isip propeta.
BEC mao ang katilingban nga gisangyawan – namati sa Pulong sa Dios,

Gitandog sa Dios ang ilang kasing-kasing ug nagbag-o sa ilang kinabuhi.
Ang pagtumaw sa BEC bunga sa ”ebanghelisasyon” – pagsangyaw sa Pulong sa

Dios – ug kini nagpadayon paglambo pinaagi sa nagapadayon nga
ebanghelisasyon.
Ang mga sakop BEC usab nahimong misyonaryo– mga magsasangyaw sa

Maayong Balita – diha sa mga kasilinganan sa ilang dapit sa parokya.
Sila nagpaambit sa ilang pagtoo ngadto sa uban – apil na niadtong mipahilayo sa
Dios ug sa Simbahan, niadtong mga Kristiano/Katoliko sa ngalan lamang ug wala
magpuyo subay sa pagtulon-an ni Kristo, wala magpuyo nga mga tinun-an ug
sumusunod ni Kristo.
Sila usab nag-awhag sa uban sa pagbag-o sa ilang kinabuhi.
Pinaagi sa katekesis o pagtuon, gipalawoman ang pagsabot sa pagtoo.

Kini nagkinahanglan mga matun-an ang mga doktrinang Kristohanon ug
mapaambit ngadto sa uban.
Isip masaksihong katilingban, ang mga BEC kinahanglan nga mapuy-an ug
tumanon ang Pulong sa Dios.
Ang misyon sa pagka-propeta dili lang kutob sa pagsangyaw ug pagpasabot

Nagkinahanglan usab pag-umol sa konsyensya sa katilingban.
Kini nagpasabot nga makat-onan unsay maayo ug dautan ug pagtudlo niini ngadto
sa uban.
Ang misyon sa pagka-propeta naglangkob sa pagsangyaw ug pagsaway.

1. Pagsangyaw sa mensahe mahitungod sa Gingharian sa sa Dios – ang
mensahe sa kalingkawasan, sa hustisya, kalinaw ug kagawasan.
2. Pagsaway sa sala ug dautan nga haghari sa katilingban – ang pagsimba sa
dios-dios sa gahum ug bahandi, sa inhustisy ug pandaug-daug, sa kultura sa
kamatayon, pagpangyatak sa tawhanong katungod.
Naay mga buluhaton nga nagpakita sa pagka-propeta sa BEC:

- seminar sa Ebanghelisasyon ug ubang pagtoon
-Bible-sharing o Bibliambit sa kasilinganan
- family evangelization
- katekesis para mga bata, batan-on, hamtong
- pagsalmot sa mga prayer rally ug protesta batok sa pagpangyatak sa tawhanong
katungod
Ang makanunayong buluhaton sa mga BEC mao ang ilang panagtigum sa balay-
balay aron pag-inambitay sa Pulong sa Dios ug kalambigitan niini sa ilang
kahimtang. Ubos sa lamdag sa pagtoo ilang mapamalandongan ang ilang tubag sa
maong kahimtang.
Daghay pamaagi sa pag-inambitay sa Pulong sa Dios.

Depende na sa BEC asa niini ang ilang pili-on nga pamaagi.
Ang mga pagbasa kasagaran ginakuha sa pagbasa sa umaabot nga Domingo. Apan
pwede sab mopili ug teksto nga haom sa ilang kahimtang.
Bibliambit
1. Pasi-unang awit, pag-ampo.
2. Pagbasa ng Pulong sa Dios
3. Hilum nga pamalandong.
4. Pag-inambitay
6. Pag-ampo sa Pasalamat/Awit
Makalipang
1. Maayong Balita – Pagbasa ng Ebanghelyo
2. Kasinatian – Pag-inambita sa Pamalandong sa Ebanghelyo gikan sa ilang
Kasinati-an.
3. Lihok – Paghisgot o pagplano kung unsa ang angay buhaton isip tubag sa
ilang panginahanghlan o problema nga gi-atubang.
4. Pangamuyo – Pag-ampo basi sa panginahanglan ug katapusang pag-ampo
Pito ka Lakang (Seven-Steps Gospel Sharing)

2. Pagbasa sa Ebanghelyo (kaduha basahon)
3. Pagpili ug mga pulong gikan sa Ebanghelyo nga nakapatandog kanako
4. Hilum nga Pamalandong – Unsa ang buot sa Dios nga isulti kanako
5. Pagpaambit sa akong nadunggan diha sa akong kasing-kasing
6. Paghisgot-hisgot unsay angay buhaton
7. Katapusang Pag-ampo
Ikatulong Haligi sa Kultura sa BEC (Kerygma)
Ang Pulong sa Dios nga nahasulat sa Biblia ug gisaysay ug gitudlo sa Simbahan

mao ang giya sa atong kinabuhi
Kanunay kitang magka-pundok aton pagpamati ug pagpaambit sa Pulong sa
Dios.
Ang Pulong sa Dios naghagit kanato sa pagbag-o sa atong kaugalingon.
Nagpadayon kita pagtu-on sa mga pagtulon-an ni Kristo nga gitudlo sa
Simbahan.
Ang Pulong sa Dios atong gisangyaw sa atong isigkatawo ug gituman sa atong
kinabuhiAtong gisunod ang pagtulun-an sa Simbahan mahitungod sa pagtoo ug
sa moralidad (unsa maayo ug dautan)
Kun gikinahanglan, atong sawayon ang dautan sa atong katilingban –
ang inhustisya, pandaug-daug, ang kultura sa kamatayon (sama sa aborsyon,
pagpamatay, gyira) ang pangungurakot, ang kriminalidad, ang pagyatak sa
tawhanong katungod, ug pagguba sa kinaiyahan.
Atong isangyaw ang mensahe sa gingharian sa Dios – sa kaluwasan, hustisya,
kalinaw ug gugma
Module 7: BEC – Pari-anong
Katawhan, Maampoong Katilingban
Han-ay sa mga Kalihukan

2. Pagbasa: 1 Pedro 2:1-10
(Giya pangutan: Unsa ang inyong kasinati-an isip pari-anong
katilingban? Unsang pa nga mga pamaagi o kalohokan kamo
makasalmot sa misyon isip pari?)
5. Pagtaho
pari-anon)
9. Katapusang Awit
Input:
”Kita ang Katilingban sa mga tinun-an ni Jesus

Nagaampo, nagasimba sa atong Ginoo
Andam nga mohalad sa atong kinabuhi
Sama ni Kristo labaw nga pari.”
Kung maghisgot gani mahitungod sa pagkapari, ang unang mosulod sa atong huna-
huna mao ang mga pari nga na-ordinahan sama sa atong kura paroko.
Apan angay natong masayran nga ang Simbahan – ang Katilingbang Kristohanon-
usa ka pari-anong katawhan.
Mao kini ang gipasabot sa 1 Pedro 2:1-10
Mao usab kini ang sukaranan sa pagtulun-an sa Vatican II nga ang tibuok
Simbahan pari-anong katawhan nga nakaambit sa misyon ni Kristo isip pari.
Ang sulat ngadto sa mga Hebreo nagpadayag nga si Kristo labaw’ng pari.
Ang iyang pagka-pari dili susama sa mga pari sa daang testamento o sa mga pari
ng Hudeo nga nagahalad sa nga mananap sa templo isip sakripisyo.
Ang iyang pagkapari gipakita pinaagi sa paghalad sa iyang lawas ug dugo sa krus.
Ang paghalad sa pan ug bino ni Jesus sa katapusang panihapon nagtimaan sa
paghalad sa iyang lawas ug dugo sa krus sa Kalbaryo.
Ang mga sumusunod ni Kristo nagkatapok sa pagsaulog sa Eyukaristia sa nga

pagpahinumdum sa iyang sakripisyo sa krus nga nagdala ug kaluwasan sa
kalibutan ug nagpasi-ugda sa Gingharian sa Dios.
Ang tanang Kristianos – apil ang laykong magtutuo -- nakaambit usab sa pari-
anong misyon ni Kristo ug sa Simbahan.
Pinaagi sa sakramento sa bunyag, ang matag usa nakadawat sa Espirito Santo ug
nakaambit sa misyon ni Kristo isip pari.
Sumala pa sa Vatican II (Sacrosanctum Conciliu) kini mapakita pinaagi sa
aktibong partisipasyon o pag-salmot sa pagsaulog sa liturhiya (labi ni sa Santos
nga Misa).
Kini nagpasabot nga ang liturhiya dili lang iya sa pari kun dili kasaulogan sa
tibuok katilingban.
Busay gikinahanghlan ang aktibong partisipasyon o pag-apil sa katawhan o layko
sa mga pag-ampo, sa mga responso ug sa pagkanta.
Ang pagkapari sa katilingban mapadayag usab pinaagi sa pag-ampo ug ubang

debosyon – sama sa rosaryo, nobena, prosesyon, pagsaulog sa piyesta, etc
.
Kini usab mapadayag pinaagi sa pagpuyo sa balaang kinabuhi –
Ang kinabuhi nga nabag-o, layo sa sala ug dautan.
Kini ang kinabuhi sa pagsakripisyo – ang paghalad sa kaugalingong kinabuhi -
lawas ug dugo – alang sa uban kun gikinahanglan.
Sa maong paagi, masunod ang panig-ingnan ni Jesus, ang labawng pari
nga haghalad sa iyang kaugalingon sa krus alang sa kaluwasan sa katawhan ug sa
kalibotan.
Ang pari-anong misyon paga-tumanon dili lang sa kinaugalingon

kundili isip sakop sa komunidad o katilingban – pinaagi sa mga BEC.
Busa, ang mga BEC matawag nga katilingbang pari-anon –
Kini ang katilingbang maampoon ug nagasaulog.
Kini mamahimong realidad kung ang mga sakop sa BEC nagkatapok aron aktibong
moapil sa pagsaulog sa liturhiya – ilabina sa Santos nga Misa .
Busa, ang Misa dili lang saulogon sa sentro sa parokya kundili sa BEC usab –
sa lokal nga komunidad o katilingban sulod sa parokya, sa ilang kapilya o sa
kadalanan ( kun walay kapilya).
Ang mga BEC dili makasaulog sa santos nga Misa kada semana tungod sa
kakulang sa pari, busa paninguhaon nga naay Misa sa BEC kausa sa usa ka bulan o
kausa sa duha ka bulan.
Diha sa Santos nga Misa masaulog sa BEC ang panaghiusa sa katilingban ug kang
Kristo nga anaa uban kanato.
Kasaulogan usab kini sa panaghiusa sa mga sakop sa usag-usa isip lawas ni Kristo.
Diha sa BEC mas makahuloganon ug naay mas aktibo nga partisipasyon
Sa pagsaulog ang Misa tungod kay gisaulog kini sa tinuod nga katilingban kansang
mga sakop dili “estranghero” sa usag-usa, nakaila sila sa matag-usa, nagpuyo sila
sa panaghiusa, sa kahiusahan, panaghigalaay ug pag-inambitay.
Diha sa BEC ang Santos nga Misa tinuod gayod nga kasaulogan sa panaghiusa
(communion) ni Kristo ug sa matag-usa.
Mahimong pagasundan ug “agape meal” human sa Yukaristiya ( gikan sa Misa

paingon sa lamisa). Pagsalo-salo sa pagpangaon. Magdala ug balon ug ipaambit sa
usag-usa.
Kinahanglan likayan sa pari sa paghatag ug presyo sa Misa o “fixed price.”

Magsalig sa halad nga kinasingkasing nga gipaambit.
Kini ang okasyon nga ang mga miyembro sa komunidad makadala sa ilang gihalad
(modified tithing).
Adunay mga parokya usab kinsa anaay Misa sa Simbahan para sa BEC sa parokya.
Kini nagpasabot nga ang nga BEC magpuli-puli ug sponsor sa Misa sa Domingo.
Ang mga magbabasa mahimong gikan sa BEC, ang sakop sa BEC mudala ug
halad, ug bisan ang choir gikan sa BEC.
Ang Misa nobenaryo sa pagpangandam sa kapistahan mahimo usab nga sponsored
usab sa mga BEC.
Ang Misa de Gallo sa dili pa ang Pasko pwedi usab nga sponsored sa BEC.
Tungod kay ang BEC dili man makasaulog sa Misa kada semana, ang mga
miyembro sa nagkadaiyang pundok sa kasilinganan pwedi magtapok sa Domingo o
Sabado sa gabii para sa liturhiya sa pulong.
Kini gitawag sa mga lokal nga Kasaulogan sa Pulong, Panimbahon, katilingbanong
Pag-ampo, etc.
Gamiton ang mga pagbasa sa Domingo.
Ang pundok sa mga BEC pwedi nga mo sponsor sa semanang Bible Service o
Liturhiya sa Pulong.
Ang ubang porma sa debosyon ug pag-ampo mahimong sagopon sa BEC sama

sa:
- novena to the Mother of Perpetual Help,
- Block Rosary (labi na sa bulan sa Oktobre),
- Via Crucis o Estasyon sa Krus (mga biernes sa kwaresma),
- para-liturgical services sa Semana Santa labi na sa mga BECs sa halayo ug hilit
nga mga dapit.
Ang pagsaulog sa piyesta ug ang nobenaryo sa Santos nga patron mamahimong

saulogan sa BEC.
Ang pagpangandam sa pagdawat sa mga sakramento (pre-bastismal, pre-

confirmation, etc.) mamahimong pagabuhaton sa BEC.
Ang Bible Service sa namatay nga sakop sa BEC mahimong pagabuhaton sa

pinuy-anan o kapilya.
Para sa BEC sa rural/agricultural areas, ang rito sa pagtanum ug pag-ani

mamahimong pagahimuon sa kaumahan.
Ang BEC maningkamot nga malambigit ang liturhiya sa ilang kinabuhi ug

pakigbisog
Mamahimong mag Bible Service o magsaulog sa Misa uban sa ilang kura paroko
sa dili pa, panahon, o human sa ilang kalihukan sama sa
pagpanalipod sa kinaiyahan
pagpatunhay sa kalinaw
magsugod sa ilang Income Generating Projects or Livelihood Programs.
Ang BEC mahimong magtukod ug komitiba sa liturhiya nga mo-atiman sa
pagplano ug pag-andam sa liturhiya sa BEC.
Ika-upat nga Haligi sa Kultura sa BEC: Pag-ampo ug Pagsaulog (Litourgia)
Ang atong relasyon sa Dios ug sa matag usa mapalawoman pinaagi sa atong

pag-ampo ug pagsaulog.
Kada adlaw naga-ampo kita sa kinaugalingon ug uban usab sa atong pamilya.
Kada semana nagkatigom kita sa atong kapilya aron pagsaulog sa Pulong sa
Dios bisan kun walay pari.
Anaa kitay regular nga pagsaulog sa santos nga Misa isip katilingban uban sa
atong pari (kada bulan o kausa sa duha ka bulan)
Aktibo kita nagasalmot sa atong mga liturhiya
Nagasaulog kita isip katilingban sa atong fiesta, ug sa panahon sa Adviento,
Pasko, Kwaresma, Semana Santa ug pagkabanhaw.
Ato usab gisaulog isip katilingban ang mga adlawng natawhan, pagtanum ug
pag-ani.
Nagkatigum kita pag-ampo sa mga masakiton nga sakop ug alang sa mga
namatay.
Kanunay natong gilambigit ang liturhiya ug atong kinabuhi ug pakigbisog
Module 8: BEC
Katilingbang Maalagaron,

2. Pagbasa: Santiago 2:14-20
(Giya pangutan: Unsa ang inyong kasinati-an isip hari-anon/maalagaron
katilingban? Unsa ang mga problema nga iyong gi-atubang isip katilingban ug
unsay inyong mabuhat aron matuman inyong misyon isip mga alagad?)
5. Pagtaho
maalagaron)
9. Katapusang Awit
Input:

Ang misyon ni Kristo dili lamang naglangkob sa pagsangyaw sa pag-abot sa

Gingharian sa Dios.
Dili lamang siya mitubag sa mga espiritwal panginahanglan sa mga tawo.
Giayo niya ang mga masakiton, giamuma ang mga sinalikway, gipakaon ang mga
gigutom, giatiman ang mga kabus.
Aduna siya’y kalooy sa mga nag-antos.
Ang mga milagro nga iyang nabuhat nagpadayag sa iyang gugma ug kaluoy.
Kini mga timailhan sa presenya sa Gingharian sa Dios.
Mianhi siya aron sa pagmugna sa Gingharian sa Dios.
Nakigbisog batok sa mga dautan.
Ang iyang pagkahari gituman pinaagi sa pag-alagad ug dili pinaagi sa gahum.

Mianhi siya aron sa pag-alagad dili aron alagaran.
Si Kristo nga Hari, alagad o sulogoon.
Ang Simbahan, matud pa sa Vatican II, hari-anong katawhan.

Kini ang katilingban nga nagpadayon misyon ni Kristo isip hari/suluguon.
Ang misyon sa pagkahari sa Simbahan misyon sa pag-alagad nga gipadayag sa

pakigbisog batok sa dautan nga anaa sa mga kasingkasing sa tawo ug sa
katilingban.
Ang Simbahan gitawag aron mamahimong sulogoon – suluguon sa Dios ug sa
katawhan, ang suluguon sa katilingban.
Ang Simbahan magpadayon sa paglihok aron mopatigbabaw ang mithi o diwa sa

gingharian sa Dios.
Ang paningkamot nga mapalapnag ang gingharian sa Dios anaay kalambigitan sa
pakigbisog sa pagbag-o sa katilingban.
Kini maipakita pinaagi sa:
buhat sa gugma, buhat sa kalambo-an ug kaugmaran
pagpatunhay sa hustisya ug kalinaw, pagpanalipod sa tawhanong katungod
pag-atiman sa kinaiyahan
Ang mga laykong magtotoo gitawag aron aktibong mosalmot sa sosyal nga misyon
sa Simbahan nga naglangkob sa tanang bahin sa kinabuhi – sa ekonomiya, politika,
kultura, ug sa palibot, etc.
Ang BEC aktibong nagaapil sa misyon ni Kristo isip hari o alagad.

Kining misyon sa pagkahari gipadayag sa pag-alagad,
ang BEC gitawag aron mamahimong maalagarong katilingban.
Aktibo silang nagaapil aron masinati sa ang gingharian sa Dios sa kalibotan
pinaagi sa pagpatunhay sa kalinaw ug hustisya, kinatibuk-ang kaugmaran ug
kagawasan, pag-atiman sa kinaiyahan.
Adunay mga programa nga mahimong ipasi-ugda sa mga BECs sa pagtuman sa

misyon sa pag-alagad:
a) socio-economic nga mga program nga nagatubag sa panginahanglan:

- livelihood projects, cooperatives, communal farming, organic farming,
community-based health program, appropriate technology, etc.
(b) ecology campaigns:

- anti-logging, anti-dam, anti-mining, - anti-coal fired power plants, reforestation
(c) promotion and defense of human rights

(d) voter's education and working for clean and honest election
(e) peace-building, establishment of peace zones, Muslim-Christian dialogue,
(f) protest action against government policies
Ang mga bulohaton nga gipasiugdahan sa BEC nakadepende sa konkretong

sitwasyon ug panginahanglan sa mga tawo.
Pinaagi niining mga bulohaton, ang BEC mamahimong instrumento sa kabag-ohan
sa katilingban.
Ika-limang Haligi sa Kultura sa BEC: Pag-alagad ug Katilingbanong

Paglihok (diakonia)
Kita nasayod nga patay ang pagtoo kun dili ginaubanan sa buhat.
Isip katilingban nagtinabangay kita sa pagtubag sa mga panginahanglan sa usag-
usa ug sa atong kaigsoonan – labi na ang mga kabos..
Atong gipakita ang gugma sa usag-usa pinaagi sa atong pag-alagaray ug
pagtinabangay.
Kanunay kitang nagtigum aron pagtuki sa kahimtang sa atong katilingban -
economikanhon, politikanhon, kulturanhon, kinaiyahan.
Atong gi-ila ang mga isyu, mga problema ug panginahanglan nga angay nga
tubagon isip katilingban ug BEC.
Ang kada usa kanato madasigong nagaapil sa pagpangita sa kaayohan, sa pagtuki,
pagpalano ug pagtuman sa mga programa ug proyekto nga makatabang sa
pagsolbar sa atong mga problema.
Ang pagtulun-an nga sosyal sa Simbahan mao ang giya sa atong paglihok – sama
sa kinatibuk-ang kalingkawasan, ug kauswagan, kaayohan alang sa tanan, kalinaw,
hustisya, tawhanong katungod ug pag-respetar sa kinabuhi sa tawo ug sa
kinaiyahan.
Nagalihok kita alang sa kaayohan sa uban sa nagkalain-laing BEC. Nagakooperar
usab kita sa ubang mga grupo nga naay maayong kabubut-on (mga NGO, mga
People’s Organization, mga Ahensya sa Gobierno, ug uban pa)
Dili kita makiglambigit ug magpagamit sa mga grup nga naay laing katuyoan, nga
nagamit sa pamaagi nga kontra sa ebanghelyo– labi na ang pag-gamit sa pwersa o
ang pagpatay
Sa atong pag-alagad ug paglihok kanunay kitang nagasunod sa dalan sa gugma ug
kalinaw.
Module 9: BEC
Simbahan sa mga Kabos
2. Pagbasa: Lukas 6:20-23 or Mateo 25:31-45)
(Giya: Ang inyong BEC tinuod ba nga mamahimong Simbahan sa mga
Kabus? Sa unsang paagi? Unsa pa ang angay buhaton?
5. Pagtaho
maalagaron)
9. Katapusang Awit
Input

Maabtikong nagasalmot sa misyon ni Kristo
Ang BEC/GKK mao ang katumanan sa panglantaw sa Simbahan isip Simbahan sa

Kabos. Unsay basihan niining maong panglantaw? Una sa tanan, si Jesus mismo
ang panig-ingnan niini?
Ang Kabos nga si Jesus
Si Jesus ang anak sa Dios, nagpakatawo nahimong kabos

Siya ang Mesiyas, ang Emmanuel - Dios nakig-uban sa iyang katawhan.
Sa kabos nga dapit nahimugso siya, gi-amomahan ni Jose ug Maria –
ang kabos nga ginikanan.
Ug siya midako uban sa kabos, sa sinalikway ug sa labing ubos.
Sa pagtuman sa iyang misyon, wala si Jesus mag-inusara

Nagtigom ug mga tinun-an, ang Dose, nga mao ang pundasyon sa bag-ong
katawhan sa dios, ang katilingban sa mga sumusunod ni Kristo, nga magpadayon
sa iyang misyon
Kasagaran sa iyang mga tinun-an gikan sa ubos ug kabos nga hut-ong
Uban sa iyang mga tinun-an milatas sa kalungsoran

nagsangyaw sa maayong balita sa pag-abot sa Gingharian sa mga kabos .
Naglingkawas sa linupigan ug sa mga dinaugdaug ug sinalikway sa katilingban.
Gi-ayo n'ya ang masakiton gilingkawas ang giyawaan, ug gipakaon ang gigutom
gihupay ang nagmasulob-on
Higala siya sa mga kabos, ug sa tanang sinalikway,
kauban niya sila sa bangkite nga timaan sa Gingharian.
Ang Simbahan sa Kabos
Ang unang Kristohanong Katilingban nga nahumugso sukad sa Pentekoste

gilangkoban kasagaran sa mga kabos.
Nagpuyo sila sa kakabos subay sa diwa sa ebanghelyo
Misalig sila sa makanunayong pag-amoma sa Dios.
Nag-imbitay sila sa ilang kabtangan
Ang adunahan nga buot moapil sa pundok sa tumutoo mopaambit sa ilang
kabtangan sa sakop sa katilingban
Ang mga arang-arang ng mga katilingban motabang sa mga katilingbang
nagkalisod-lisod
Sulod sa tulo ka gatos ka tuig nga pagpanglutos, ang simbahan nagpabiling kabos.
Human mahimo ang Kristianismo nga relihiyon sa Estado sukad sa panahon ni
Emperador Constante, ang Simbahan giisip nga simbahan nga gamhanan ug
adunahan.
Apan nagpabilin ang mga Obispo ug Santo Papa nga giila nga Amahan sa kabos
tungod kay sila ang gisaligan nga motubag sa panginahanglan sa mga kabos.
Juan XXIII, ang unang nagtawag sa Simbahan nga simbahan sa kabos.

Sumala sa iyang mensahe usa ka bulan wala pa magsugod ang Konsilyo Vaticano
II: “Ang Simbahan mao ang simbahan alang sa tanan apan labaw sa tanan gitawag
kini nga mahimong Simbahan sa Kabos.” 1962
Bisan kon wala madawat ang iyang sugyot, makita gihapon sa Lumen Gentium 8
ang ideya. “Sama nga si Kristo nagtuman sa iyang misyon diha sa kakabos ug pag-
antos, ang Simbahan usab gitawag sa pagsunod sa iyang panig-ingnan.”
Naglantaw sa Simbahan isip Simbahan sa Kabos.

Anaay 12 ka punto mahitungod sa Simbahan sa Kabos apan ang kahulogan niini
mabahin sa tulo:
1) Ang Simbahan nga nagapuyo sa kakabos subay sa diwa sa ebanghelyo
(evangelical poverty)
2) Ang Simbahan nga nagadapig sa kabos (option for the poor)
3) Ang Simbahan diin ang kabos aktibong nagaapil sa misyon sa pagsangyaw, sa
pag-ampo ug sa pag-alagad ug pagbag-o sa katilingban
Ang BEC/GKK: Katumanan sa Simbahan sa Kabos
Diha sa BEC tinuod gayod ang Simbahan sa Kabos

Ang mga BEC unang mitumaw taliwala sa mga kabos.
Kadaghanan sa mga sakop sa BEC mga kabos

Diha sa BEC, masinati sa mga kabos ang Communion – pakighiusa ug
pakiglambigit sa Simbahan – mobati sila nga kabahin sa Simbahan.
Sa BEC, ang mga kabus makasinati sa katilingbanong o simbahanong panaghiusa.
Giila ang mga kabos nga adunay katungod ug managsamang dungog ug dignidad.
Ang mga kabos mabulahan pag-inambitay sa mga kabtangan sa sakop sa
katilingban ug sila usab makapaambit sa ilang panahon, talento, ug bahandi bisan
sa kagamay nga anaa kanila.
Ang mga dili kabos makapakita sa ilang gugma, pakighiusa ug pagdapig sa mga
kabos ug makapaambit sa ilang panahon, abilidad ug kabtangan ngadto kanila.
Sa BEC ang mga kabos nga mga miembro madasigon usab nga maka-apil sa
misyon sa Simbahan isip propeta, pari, ug hari o alagad.
Sa BEC, ang mga kabos maoy punting sa ebanghelisasyon –
Ang maayong balita sa kaluwasan ug kagawasan gisangyaw sa mga kabos.
Ang mga kabos usab mamahimong magsasangyaw – ang modala sa maayong
balita.
Ang mga dili kabus masangyawan sa mga kabus dili lang pinaagi sa ilang mga
pulong kundili saksi diha sa ilang kinabuhi ug simple nga pagtuo.
Ang mga kabos aktibong nagaapil sa misyon sa pagkapari ni Kristo ug sa

Simbahan.
Sa BEC, ang mga kabos aktibong makaapil niining nagkadaiyang liturhikanhong
pagsaulog.
Sa BEC, ang mga kabos dili lang magsalig ug magpaabot ug hinabang gikan sa
uban.
Ang mga kabos aktibong makaapil sa mga kalihokan ug programa nga
makatabang ug makalingkawas kanila gikan sa kakabos.
Ang kabos nahimong aktibong makaapil sa paningkamot sa kausaban –
sa buhat sa kaugmaran ug pagkunhod sa kapubrihon, kalinaw, hustisya, pag-atiman
sa kinaiyahan.
Matud pa ni Juan Pablo II:
“Ang Simbahan sa Kabos mao ang Simbahan diin ang kabos gi-abi-abi, gipamati,
ug aktibong n nag-apil… Ang tinuod nga Simbahan sa kabos anaay ikatampo sa
gikinahanglang kabag-ohan sa katilingban.”
Ika-Unom nga Kultura sa BEC: Pagdapig sa Kabos
Kita nagpuyo subay sa diwa sa kakabos sa espirito nga gitudlo ni Jesukristo

Nagasalig kita sa Dios ug siya lang atong gisimba, dili ang mga dios-dios sa
bahandi o gahum.
Nagpuyo kita sa simple nga pagkinabuhi ug nagpa-ambit sa atong mga kabtangan
ug talento.
Nagdapig ug nagatabang kita sa mga kabos ug nanginahanglan.
Ang mga kabos nga sakop sa atong BEC nakabati nga sila kabahin sa atong
katilingban ug aktibo nga naga-apil sa misyon ug buluhatong sa Simbahan ug
BEC.
Naninguha kita nga mahimong tinuod nga Simbahan sa kabos.
APPENDIX
Awit sa BEC/GKK

Katilingbang maalagaron, kini ang BEC (2X)

Ang katilingban sa kabos - Simbahan sa kabos.





Sumada: Simbahanong Panglantaw sa GKK/GSK (BEC)
Niadtong 1971, lima ka tuig human matapos ang Vatican II, gipahigayon
ang unang Mindanao-Sulu Pastoral Conference (MSPC I) ug ang gipili nga tema
mao: "Ang Simbahan sa Mindanao-Sulu: Katilingbang Masaksihon, Maampoon ug
Maalagaron." Kini nga tema gibase sa simbahanong panglantaw sa Vatican II - ang
Simbahan isip Katilingbanong Panaghiusa (Communion) ug isip Katawhan sa Dios
nga Nagapadayon sa Misyon ni Kristo isip Propeta, Pari ug Hari (Prophetic,
Priestly and Kingly People of God).
Niining higayona nakahukom ang MSPC ang ipalapnag ang pagtukod sa
Gagmayng Kristohanong Katilingban (GKK o Basic Christian Community) nga
bag-ong pang nasugdan sa Tagum. Sa pagpasabot kun unsa ang GKK, gigamit ang
panglantaw sa MSPC I: Katilingbang Masaksihon, Maampoon ug Maalagaron.
Kini nagpasabot nga ang GKK mao ang katumanan sa simbahanong panglantaw sa
Vatican II.
Sa dihang mitumaw ang GKK sa ubang dapit sa Mindanao, Visayas ug
Luzon, mao gihapon kini ang gigamit nga simbahanong panglantaw. Miabot ang
panahon nga ang ubang diocese mitawag niining mga katilingban nga Gagmayng
Simbahanong Katilingban (GSK - Basic Ecclesial Community) aron paghatag ug
gimbug-aton sa ilang pagka-Simbahan.
Niadtong 1991, gipahigayon ang PCP II (Second Plenary Council of the
Philippines). Ang PCP II anaay giduso nga panglantaw sa Simbahan nga ginabag-
o: Ang Katilingban sa mga Sumusunod ni Kristo diin anaay katilingbanong
panaghiusa ug nagapadayon sa iyang Misyon isip Katawhang Propeta, Pari ug
Hari, ug Simbahan sa Kabos. Matud pa sa PCP II kini nga panglantaw matuman sa
BEC (Gagmayng Simbahanong Katilingban). Kining simbahanong panglantaw
susama sa panglantaw sa Vatican II ug MSPC I (katilingbang masaksihon,
maampoon ug maalagaron) ug gipuno lang ang kinatibuk-ang panglantaw:
Katilingban sa mga Sumusunod ni Kristo (Community of Disciples) ug Simbahan
sa Kabos (Church of the Poor). Giisip ang BEC nga katumanan sa panglantaw sa
Simbahan nga ginabag-o diha sa lokal nga komunidad- sa kasilinganan ug
kabaryohan o barangay.
Isip katilingban sa mga sumusunod ni Kristo, ang BEC sama sa Simbahan
nga malukpanon (universal) ug local (diocese-parish) anaay batakang kinaiya ug
misyon:
1. Katilingbanong Panaghiusa (Communio/Koinonia) - Naghari ang diwa sa
panaghiusa, pakiglambigit ug pag-inambitay sa mga sakop sama sa usa ka lawas.
Ang Simbahang Malukpanon mao ang kahiusahan sa mga lokal nga Simbahan
(diocese). Ang diocese kahiusahan sa mga parokya. Ang parokya kahiusahan sa
mga BEC ug ang matag BEC kahiusahan sa mga banay ug pundok-banay, selda o
kasilinganan. Ang BEC maisip nga Simbahanon kun kini nagpuyo nga kabahin sa
mas dakong katilingban nga mao ang parokya ug diocese ug ubos sa pagdumala ug
pag-alagad sa mga kura paroko ug obispo. Ang mga sakop nagkailhanay ug
nagkasuod - nahimong ka-pamilya, higala ug kauban sa pagtoo. Nag-inambitay sila
sa ilang kabtangan, abilidad ug panahon.
2. Masaksihon Katilingban (Kerygma) - Ang GKK/GSK (BEC) aktibong

nagaapil sa misyon ni Kristo ug sa Simbahan isip Propeta. Ang Pulong sa Dios
gipamati, gisangyaw, gitudlo ug gipuy-an sa maong katilingban. Ang Pulong sa
Dios maoy nagahiusa sa mga sakop ug maoy nagpalambo sa katilingban. Ang
katilingbang gisangyawan nahimo usab nga magsasangyaw. Ang BEC maoy
mopatuman sa misyon sa bag-ong "evangelization" ug sa mapadayonong pagtuon
sa pagtulun-an sa Kristohanong pagtoo (renewed catechesis). Isip propeta, ang
BEC nagasaway ug nagasupak sa dautan ug makasasalang kahimtang ug binuhatan
diha sa katilingban, ug naga-awhag sa pagbag-o sa kinabuhi ug pagbiya sa sala ug
dautan.
3. Maampoong Katilingban (Litourgia) - Ang GKK/GSK (BEC) aktibong

nagaapil sa misyon ni Kristo ug sa Simbahan isip Pari. Ang mga sakop
makanunayong nagatapok para sa katilingbanong pag-ampo ug pagsaulog
(renewed worship). Diha sa Santos nga Misa o Yukaristia nga gipangulohan sa
kura paroko, ang mga sakop s madasigong nagaapil sa kasaulogan sa ilang pagtoo
ug panaghiusa kang Kristo ug sa usag-usa. Tungod kay dili man kada semana ang
Misa sa BEC, anaa silay Kasaulogan sa Pulong kada semana nga gipangulohan sa
layko nga alagad/kaabag (o Pangulo sa Liturhiya). Anaa usab silay ubang pamaagi
sa pag-ampo sama sa prayer-meeting, novena, block-rosary, pag-amo sa masakiton
ug para sa patay, ug uban pa.
4. Maalagarong Katilingban (Diakonia) - Ang GKK/GSK (BEC) aktibong

nagasalmot sa hari-anong misyon ni Kristo ug sa Simbahan pinaagi sa pag-alagad.
Isip maalagarong katilingban sila naninguha pagpalambo sa diwa sa gingharian sa
Dios - ang gugma, hustisya, kalinaw, kaangayan ug kinatibuk-ang kalingkawasan.
Naninguha sila pagtubag sa mga problema sa kagutom, kawad-on, kagubot,
pagpangyatak sa tawhanong katungod, sa pagkaguba sa kinaiyahan ug uban pa.
Makanunayong nakighiusa ang mga BEC sa katilingbanong paglihok alang sa
kabag-ohan (renewed social apostolate).
5. Ang Simbahan sa Kabos - Ang GKK/GSK (BEC) mao ang katumanan sa

Simbahan sa Kabos. Ang mga sakop naninguha pagpuyo subay sa diwa
espirituhanong kakabos nga gitudlo ni Jesus sa ebanghelyo. Wala sila nagsimba sa
dios-dios nga bahandi ug gahom. Nagsalig sila sa Ginoo. Simple sila nga
nanginabuhi ug nagpaambit sa ilang kabtangan. Ang tanan - apil ang adunahan o
dili kabos - kanunay nagpakita ug paghigugma ug pagdapig sa kabos. Ang mga
kabos nga sakop nakaamgo nga kabahin sa katilingban, gisangyawan ug
nagasangyaw, ug aktibong nagalihok alang sa kalingkawasan ug kalamboan.
Ang panglantaw sa nabag-ong Simbahan nga giduso sa Vatican II ug PCP II tinuod

gayod nga masinati diha sa BEC/GKK/GSK. Pinaagi sa BEC ang mga layko o
yanong Kristiano/Katoliko makasinati sa Simbahan isip katilingban sa mga
sumusunod ni Kristo nga nagkahiusa ug nagpadayon sa iyang misyon isip propeta,
pari ug hari/alagad ug Simbahan sa Kabos. Ang BEC nagapadayon sa paglambo,
ug nagabag-o sa Simbahan ug sa Katilingban.
Gagmayng Simbahahong Katilingban (BEC)

Pamaagi sa Kahiusahan ug Pagsalmot sa Misyon
Ang Catholic Bishops Conference of the Philippines kun CBCP mideklarar

sa tuig 2017 isip Tuig sa Parokya ingon nga Kahiusahan sa mga komunidad o
katilingban. Ang “sulat- awhag” sa CBCP nga, “Sa Panahon sa Bag-ong
Ebanghelisasyon” naghulagway sa duso niining tuiga:
"Kini mao ang tuig diin kita mas mo-ila pag-ayo dili lamang sa mga
gambalay sa pagdumala sa atong mga diosesis ug mga parokya apan usab sa
kalidad sa hugot nga pagtuo sa kinabuhi diha sa parokya, sa panag-ambitay,
pagkasakop, ug sa pagpakiglambigit sa mga sakop niini. Sa usa ka espesyal
nga paagi kita mahibalo sa atong mga paningkamot sa paghimo sa parokya
nga usa ka panag-ambitay sa mga katilingban, usa ka panag-ambitay sa
Gagmayng Simbahanong Katilingban ug sa mga katilingban nga binase sa
Panaad sa Pagtoo ug sa mga kalihokan sa Simbahan. Atong ilhon pag-ayo ug
ipatuman ang mga lakang kun unsaon sa mga katilingban nga
nagpahinungod sa kinabuhi mahimong mas labaw pa nga mahiusa ngadto sa
kinabuhi ug misyon sa parokya. Sa laktud nga pagka-estorya, ang sentro sa
atong tahas mao ang pagtukod sa usa ka parokya isip matuod nga
katilingbang matuohon nga miduyog-ambit diha sa kinabuhi sa iyang
katawhan. "
Ang gihatagan ug dakong pagtagad alang niining tuiga mao ang pagtukod ug
pagpadasig sa Gagmayng Simbahanong Katilingban sa matag parokya ingon nga
nga paagi sa panaghiusa ug pagsalmot sa misyon uban sa aktibong pag-apil sa
ubang mga katilingbang matuohon, mga organisasyon, mga kalihukan ug mga
kapunongan sa mga layko.
Ang tema sa 2017 nahisubay sa panglantaw sa PCP II mahitungod sa nabag-
o nga Simbahan binase usab sa panglantaw sa Vatican II mahitungod sa Simbahan:
Ang Simbahan isip Katilingban sa mga Tinun-an nga nagkahiusa ug nagasalmot sa
misyon isip parianon, propetikanhon ug harianong katawhan ug isip Simbahan sa
mga Kabos. Alang sa PCP II, kining panglantaw sa Simbahan makita diha sa
Gagmayng Simbahanong Katilingban.
Ang PCP II naglambigit sa panaghiusa ngadto sa partisipasyon o pagsalmot
sa misyon.
"Ang partisipasyon usa ka importante kaayo nga bahin sa Simbahan isip
katilingbanong panaghiusa ... Sa Pilipinas, ang partisipasyon alang sa
kadaghanan, nagpasabot nga naghimo kini sa mga layko sa mas hingpit nga
pag-apil diha sa kinabuhi sa Simbahan ug sa iyang tahas sa misyon." (PCP
II 98-99).
Ang kalambigitan tali sa panaghiusa ug sa misyon mas gipaklaro pa gayud

sa diha nga ang PCP II nagpahayag nga “ang Simbahan mao ang kahiusahan nga
naga-Misyon .” Ang Pag-apil sa Misyon isip kahiusahan magpasabot nga ang
tanan — gikan sa pundok sa mga kaparian ngadto na sa mga layko — dili lang
kutob sa pag-apil sa proseso sa paghimo ug desisyon o diha sa pagdumala. Ang
pag-apil nalambigit sa Misyon — ilabi na ang tulo ka tahas sa pagka-propeta,
pagka-pari ug pagka-hari.
Busa, ang Simbahan mao ang kahi-usahan nga nagasalmot sa misyon. Ang
mga BEC nga giisip ingon nga usa ka bag-ong paagi sa pagka Simbahan mao usab
ang nahimong paagi sa katilingbanong panaghiusa, sa partisipasyon o pagsalmot
sa misyon.
Angay klarohon nato pag-ayo kon unsa gayud ang BECs (GSKs) ug unsay
buot ipasabot sa ilang pagka- paagi sa kahiusahan, partisipasyon ug misyon.
Sa pag-ila nato sa parokya isip kahiusahan sa mga katilingban — kini
nagapunting una sa tanan sa mga BEC apan dili lang sila. Apil usab niini ang
ubang kapunongang layko nga nga ang mga miembro sakop usab sa parokya.
Ang mga BEC maoy mga lokal nga katilingbang Kristiyanong Katoliko diha
sa mga kasilinganan ug sa mga kabaranggayan sulod sa parokya. Ang mga sakop
niini suod sa usa’g usa ug nag-isip sa ilang kaugalingon nga mga higala, ug mga
igsoon diha sa Ginoo. Sila kanunayng nagtigom aron sa pag-inambitay sa Pulong
sa Diyos ug nagapuyo niini diha sa ilang inadlaw-adlaw nga kinabuhi, sa pag-ampo
ug sa pagsaulog sa ilang hugot nga pagtuo. Sila nanag-ambitay sa ilang mga
kapangitaan o bahandi ug nangita og mga pamaagi sa pagtabang ug pag-alagad sa
usa’g usa labi na sa mga kabus ug sa pagtubag sa ilang mga problema. Sila
nailhan pinaagi sa nagkalain-laing ngalan (GKK, GSK, MSK, Gimong, SISA, ug
uban pa). Adunay nagkalain-laing mga matang ug mga porma ang BEC:
- Mga katalingbang nakasentro kapilya - 40 ngadto sa 100 ka mga
pamilya nga nagkatigom sa ilang kapilya para sa nagkalain-laing kalihokan.
- Mga katilingbang nay kapilya apan gibahin-bahin sa mas gagmayng grupo
mga pamilya (Family Groupings o FG) o mga selda(gilangkoban sa 7-15 ka
mga pamilya matag FG).
- Grupo sa mga pamilya o selda nga walay kapilya (gilambigt ang mga FGs p
selda ingon sa usa ka katilingban / BEC)
Ang PCP II miila sa BECs isip maoy pagpadayag sa handurawan sa usa ka

nabag-o nga Simbahan nga katilingbanong kahiusahan:
"Ang atong handurawan sa Simbahan isip kahiusahan, partisipasyon ug
misyon, Simbahan ingon nga Parianon, Propetikanhon ug harianong mga
tawo, ug isip Simbahan sa mga Kabus, usa ka Simbahan nga nabag-o, karon
nakakita og pagpadayag sa usa ka simbahanon nga kalihukan. Kini mao ang
kalihokan aron sa pagpalambo sa Basic Ecclesial Communities.”(# 137)
"Sila gagmay nga mga katilingban sa mga Kristohanon, kasagaran mga
pamilya nga nagkahiusa sa panagtigum libot sa Pulong sa Dios ug sa
Eyukaristiya. Kining katilingban nahiusa sa ilang mga magbalantay (kapari-
an) apan gialagaran sa kanunay pinaagi sa mga layko nga pangulo. Ang
mga sakopnakaila sa usa’g usa diha sa ilang tagsa tagsa ka ngalan, ug
nagpaambit dili lamang sa Pulong sa Diyos ug sa Eyukaristiya kun dili usab
sa ilang mga problema sa materyal ug sa espirituwal. Sila adunay usa ka lig-
on nga pagbati sa pagkasakop ug sa responsibilidad alang sa usa’g usa.
“(PCP II 138)
Si San Juan Pablo II naghulagway sa BECs isip kabahin sa paningkamot sa

pagbahin-bahin sa katilingban sa parokya ug isipon sila ingon nga timaan og
paagi alang sa usa ka mas lawom nga panaghiusa
“Kini mao ang mga grupo sa mga Kristohanon nga, sa ang-ang sa pamilya o
sa usa ka susamang kahimtang, nagkatapok aron sa pag-ampo, pagbasa sa
Kasulatan, katekismo, ug panaghisgot-hisgot sa mga tawhanon ug sa
simbahanon nga mga problema uban sa usa ka panglantaw sa usa ka
susamang pasalig. Kining mga katilingban mao ang usa ka timaan sa
kalagsik (vitality) sulod sa Simbahan, usa ka instrumento sa pormasyon ug
ebanghelisasyon, ug ang usa ka lig-on nga sinugdanan alang sa usa ka bag-
ong katilingban nga gibase sa usa ka "sibilisasyon sa gugma” (civilization of
love.) Kining maong katilingbannagpabalhin ug nag-organisar sa katilingban
sa parokya, diin sila kanunay nga magpabilin nga nagkahiusa. Nakagamut
sila diha sa mga makalolooyng kaigsoonan (less privileged) ug lagyo nga
mga dapit, ug nahimong usa ka patubo sa Kristohanong kinabuhi, sa pag-
atiman alang sa mga kabus ug sa mga gipasagdan, ug sa pasalig alang sa
kausaban sa katilingban. Diha kanila, ang matag Kristiyano nakasinati og
katilingban ug busa nakaamgo nga siya adunay aktibo nga papel ug gidasig
sa pagpa-ambit sa komon nga buluhaton. Busa, kining maong mga
katilingban nahimong usa ka paagi sa ebanghelisasyon ug sa pagsugodsa
pagmantala sa Ebanghelyo, ug nahimong usa ka tinubdan sa bag-ong
ministeryo. “
“Tungod kay ang Simbahan mao man ang kahiusahan, ang bag-ong BEC,
kon sila tinuod nga nagpuyo diha sa kahiusahan sa Simbahan, mao ang usa
ka tinuod nga pagpadayag sa panaghiusang katilingbanon ug sapaagi alang
sa pagtukod sa usa ka mas halawom nga panaghiusa. Tungod niini sila ang
nahimong tinubdan alang sa dakong paglaum alang sa kinabuhi sa
Simbahan.” (RM 51)
Sa unsang paagi nga ang BECs mahimong tinuod nga timaan sa panaghiusa?
Ang mga sakop makasinati sa bugkos sa panaghiusa nga nagabase sa gipanag-
ambitan nga pagtoo (shared faith), nga gisaulog sa pagpikas-pikas sa pan, nga
gipadayag diha sa pag-ambitay sa materyal nga mga butang (Buhat 2: 42ff).
Diha sa mga BECs (GKK) ang mga sakop nakaila sa usa’g usa, aduna silay
usa ka lig-on nga pagbati sa pagkasakop ug responsibilidad alang sa usa’g usa.
Nagkinabuhi sila ingo’g mga igsoon, isip katilingban sa mga higala - kapuso,
kapamilya, kaibigan, kapitbahay. Ang Katolikong pamilya nalambigit sa ubang
mga pamilya diha sa mga kasilinganan ug naumol ingon og pundok sa pamilya o
selda (BEC cells). Ang mga selda sa kasilinganan o mga pundok sa
panimalaynalambigit sa usa’g usa ug naglangkob sa Chapel-level o area level
BECs. Kining mga BECs nalambigit sa uban pa nga mga BECs).
Adunay daghang mga selebrasyon ug pakig-ambitay sa lamesa (table-
fellowship) diha sa GKK (BECs)— uban sa yano ug ordinayong mga pagkaon
ngadto sa kasaulogan sa kapistahan. Ang kasaulogan sa Eyukaristiya nahimong
mas makahuluganon tungod kay kini nagpadayag ug nagsaulog sa kinabuhi sa
panag-ambitay— sa panaghiusa, panaghigalaay, pagpaambit ug pag-apil samga
sakop.
Ang pag-inambitay sa panahon, talento ug bahandi mao ang usa ka
importante nga pagpadayag sa kahiusahan. Kini nagpasabot sa pagpuyo sa usa ka
espirituwalidad sa pagkatinugyanan. Kini makamugna og usa ka espiritu sa
boluntarismo (pagpakigbahin sa panahon ug talento). Ang ubang mga GKKs
(BECs) nagsagop sa usa ka “modified tithing system” (pagpa-ambit sa bahandi)
nga ilang kabubot-on. Aduna usay sistema sa pagtinabangay ug income generating
projects nga gitukod sa pagtabang sa mga nagkinahanglang miyembro o bisan
ganikadtong dili sakop sa ilang katilingban. Ang ubang mga GKKs (BECs) sa
kabukiran nga mga lugar nagbuhat og komunal nga umahan (communal farm).
Daghan usab ang nag-organisar og mga kooperatiba.
Sa mga BECs, ang mga sakop nagpadayag sa ilang panag-ambitay sa mas
hingpit sa ilang pagkahiusa ug aktibo nga pag-apil sa pagtuman sa ilang tulo ka
misyon. Kini mao ang propetikanhong misyon — sa pagmantala ug paghatag sa
pagpamatuod sa Pulong sa Dios, ang Maayong Balita, ingon man sa pagsalikway
sa nakitang kadautan diha sa katilingban. Kini mao ang mga parianon nga misyon
— pinaagi sa aktibo nga pagsalmotsa mga liturhikanhon nga kasaulogan. Kini mao
ang harianong/alagad nga misyon — sa pagtrabaho alang sa gingharian, alang sa
hustisya, sa kalinaw ug sa integridad sa mga nilalang. Kini mao ang misyon alang
sa kausaban sa katilingban.
Ang mga BECs/GKK nagdala sa ilang misyon diha sa parokya, sugod sa
ilang kaugalingon nga kasilinganan, diha sa barangay o sa baryo, sa kasikbit nga
mga katilingban. Sila miadto sa kadaplinan sa parokya ug mitunol sa ilang tabang
ngadto sa mga tawo ng binunyagan na apan wala matudloi pag-ayo sa pagtoo,
kadtong mga tawo nga talagsa ra o seasonal nga mga Katoliko, kadtong mga
nahimulag gikan sa Simbahan. Sila miapil sa pakigsabot-sabot uban sa mga
Kristohanon gikan sa ubang mga denominasyon o sekta ug sa mga tawo nga gikan
sa ubang mga relihiyon.
Daghang mga GKKs (BECs) nga wala pa makaamgo niining handurawan sa
usa ka nabag-o nga Simbahan. Ang tahas sa mga pari ug mga layko niining
panahona ug sa umaabot pa sa Tuig sa Parokya isip Kaambitan sa mga Katilingban
mao ang pagtukod ug pagpahimsog sa GKKs (BECs) aron sila mahimong tinuod
nga paagi sa kahiusahan, partisipasyon ug misyon. Sa maong paagi, sila sa tinuoray
mahimong kadtong giingon ni Papa Francisco nga "Katilingban sa Misyonaryong
mga Tinun-an."(Evangelii Gaudium).
Suggested Schedule for Intensive BEC Evangelization Seminar/Retreat
(The Intensive Schedule can be used as a live-in retreat-seminar for the members
of the Parish BEC Formation Team/Core Group/Leaders in a retreat house which
can be conducted by the diocesan formation team or a mission-evangelization team
at the diocesan or parish level. It can also be used as a weekend for the whole
community/BEC in their chapel to be conducted by the parish formation team. It is
highly recommended that the parish priest should be present at least in the opening
and closing Mass and even give one of the inputs/talks)
Friday PM
4 pm – arrival/registration
6 - Opening Liturgy/Orientation
7 - Dinner
8 – Module 1: Encountering Jesus
Saturday
8:00 – Module 2: Personal Conversion & Discipleship

10:00 – break
10:20 – Module 3: Discipleship in Community – the Church
12:15 – lunch break
1:00 - Singing
2:00 – Module 4: Discipleship in Community – BEC
4:00 – break
4:20 – Module 5: BECs – Locus of Communion
6:20 – Personal Reflection/Liturgy
7:00 – Dinner
8:00 – Module 6: BECs & Prophetic Mission (Evangelization)
Sunday
8:00 – Module 7: BECs & Priestly Mission (Liturgy)

10:00 – break
10:20 – Module 8: BECs & Kingly/Servant Mission (Social Action)
12:15 – lunch break
2:00 – Module 9: BECs & Church of the Poor
4:00 – break
4:30 – Closing Liturgy/Eucharist

BEC Evangelization Formation Modules - Bisaya

Hochgeladen von

Dokumentinformationen

Originaltitel

Copyright

Verfügbare Formate

Dieses Dokument teilen

Dokument teilen oder einbetten

Freigabeoptionen

Stufen Sie dieses Dokument als nützlich ein?

Sind diese Inhalte unangemessen?

Copyright:

Verfügbare Formate

BEC Evangelization Formation Modules - Bisaya

Hochgeladen von

Copyright:

Verfügbare Formate

Catholic Bishops’ Conference of the Philippines

Committee on Basic Ecclesial Communities

The Catholic Bishops’ Conference of the Philippines has designated 2017 as

Fr. Amado L. Picardal, CSsR

Han-ay sa mga Kalihokan

Welcome sa tanan! Atong sugdan karon ang BEC Evangelization Seminar.

Ang tema ng atong unang sesyon mao: Pakigtagbo kang Jesus

Ang Sugilanon ni Jesus

(pwedeng i-recite sama sa balak

Sa Bethlehem, siya natawo

Sa Nazareth, siya mitubo

Human sa daghang katuigan

Gibunyagan siya sa Jordan

Uban sa iyang mga tinun-an

Gi-ayo n'ya ang masakiton

Higala siya sa mga kabos,

Didto sa bukid sa Kalbaryo

Pagkahuman sa tulo ka adlaw

Misaka siya sa kalangitan

Ang nabanhaw nga Ginoo

Ania siya sa Santos nga Misa

Sa katapusan nga panahon

Tinuod nga Tawo

Si Jesus tinuod gayod nga tawo

Ang Mesiyas - Kristo nga Propeta, Hari ug Pari

Ang pulong nga Kristo dili apelyido ni Jesus.

Kristo nga Propeta

Kristo nga Hari

Kristo nga Pari

Jesus ang Dalan

Si Jesus ang dalan, kamatuoran naghatag ug kinabuhi sa tanan.

Matod sa Ginoo, ang buot musunod n'ya

Si Kristo propeta, pari ug hari

Nagsangyaw si Jesus ug nagasaksi

Mialagad siya sa nanginahanglan

• Pinaagi sa iyang pagkabanhaw siya gipadayag nga atong Ginoo

Ikaw ang among gilauman

Ikaw ang nagluwas kanamo

1. Kinaugalingon nga Pamalandong (naay background music)

2. Pag-inambitay sa gagmayng grupo.

1. Tawag ni Kristo: Pagbag-o

Kadaghanan kanato gibunyagan ug nagtawag sa atong kaugalingon nga mga

Pagdawat kang Kristo isip sentro sa atong kinabuhi

Si Kristo kanunay nagatuktok sa ganghaan sa atong kasing-kasing

Sa higayon nga ato siyang dawaton nga atong Ginoo ug Manluluwas

Biyaan ang Daang Pagkatawo

Isul-ob ang bag-ong pagkatawo

magpuyo na kita sa kahayag

2. Matinud-anong Pagsunod kang Kristo

Ang pagbag-o nagpasabot nga

Pagsunod kang Kristo – pag-ambit ug pagpadayon sa iyang misyon

a. Pagpamati, pagsangyaw ug pagsaksi sa iyang Pulong ug mga Pagtulon-an

Ang sumusunod ni Kristo namati sa iyang pulong ug pagtulon-an

Ang sumusunod ni Kristo mogahin ug panahon alang sa pag-ampo

Ato siyang kasumbongan sa atong mga problema ug panginahanglan

Daghang pamaagi sa pag-ampo:

Ang pag-ampo ug pagsimba gipaluyohan sa dakong pagsalig sa Ginoo

Sumala ni Santiago ang pagtoo nga dili inubanan sa buhat patay

Ang pagka-sumusunod ni Kristo ug kinabuhing Kristohanong naglangkob ug

Ang Pagpas-an sa atong Krus

Ang matuod nga sumusunod ni Kristo andam mopas-an sa iyang krus

Ug karon mogahin kita ug panahon aron sa pagsusi sa atong konsyensia. Atong

Sa mga higayon nga kami nahimong instrumento sa inhustisya, pandaugdaog, ug