In-kap

Capitel 6

Deluge

1. Ed est quan is glebeus inkapt gehne ep ia faces ios glebe, dugters ibs sont
gohnen.
2. Ies sunus iom Elohîms vide ians dugters ios glebeus : ya, sua-sont.
Wehdent esors bayna quantens ies hant chust.
3. IHVH-Adonay sayct : « Mien annem niet dure in iom glebeus pro aiwo.
In ir forleiten, is est krewos: eys diens sont centom dwogim yars long.”
4. I Nephilîm sont ep ardh ye ta diens ed hatta pos:
Quan ies sunus iom Elohîms gwehme kyans dugters ios glebeus,
ias gehne pro iens.
Sont i heroys os aiwo, i mensci ios Nam.

5. IHVH-Adonay vidt od gehnt id khitert ios glebeus ep id ardh.

Quant skeipen iom brens eysios kerd est tik khitert unte id hol dien.
6. IHVH-Adonay regret kwehrus iom glebeus ep id ardh:
eys kerd aghnuet.
7. IHVH-Adonay sayct: “Schiawkiensiem iom glebeus ho creet ex ia faces ios
glebe, ex iom glebeus tiel el biest, tiel el reptil, ed tiel el parinda iom waurns.
Ya, ho regret kwehrus i.”
8. Bet Noe trehft aman ant ia okwi os IHVH-Adonay.
9. En ia gehnens os Noe,
Noe est un ieust wir, prabh in sien cycles :
Noe leit con iom Elohîms.
10. Noe gehneiht tri sunus, Schem, Ham ed Yapheth.
11. Bet id ardh se destruct face iom Elohîms,
Id ardh pehldt med gvalt.
12. Elohîms vidt id ardh ed enum est destruct.
Ya, quant krewos hieb destrugen sien itner ep id ardh.
13. Elohîms sayct ad Noe: “id termin quantios krewos hat gwohmen face me :
Ya, id ardh est pleno med gvalt face i.
En me, i destrugo con id ardh.
14. Kwehr tib un diekum ex cypressdreu. Kwehrsies id diek samt cellules.
Asphalt id eni ed exo med asphalt.
15. Ed solg, id kwehrsies, longe ios diek, tricent cubtals;
ids wure, penkgim cubtals; ids buliende, trigim cubtals.
16. Kwehrsies un luckern ei diek ed akapsies, samt oin cubtal, ids ghebel.
Dehsies id ghyahsa ios diek ep id gon.
Kwehrsies entresols, seconds, trits.
17. Ed ego, en me, gwehmeihm id deluge, id wedor ep id ardh,
kay destruge quant krewos habend gwitannem sub ia waurns.
Quantum est ep ardh siet agonise.
18. Pango mien pacto con te, gwehmsies kyid diek,
tu, tien purts, tien esor, ias esors tienen sunus con te.
19. Gwehmeihsies do id diek es quant gwiv, os quant krewos,
dwo ex ielgem kay gwinwes con te : sessient ner ed ster,
20. el parinda pro sien genos, el biest pro sien genos
 ed quant reptil ios glebe pro sin genos.
Dwo ex ielgem gwehmsient kye te kay gwinwes.
21. Ed tu, ghend pro te ex quant eddmen quod sessiet ess;
addeih id tib ; pro te ed pro i, id sessiet essu.”
22. Noe kwehrt quantum Elohîms hat wohlen iom. Kwehrt it.

Capitel 7.

Schiawkieno quant gwit.

1. IHVH-Adonay sayct ad Noe: “Gwehm, tu ed tien hol dom, kyid diek.

Ya, ho vis te, un ieust face me, in tod cycle.
2. Ghendsies pro te es quant pur biest, septen,
un wir ed eys esor,
ed es quant non-pur biest, dwo, un wir ed eys esor.
3. Imschi parindas iom waurns, septen, ersen ed wedu,
kay gwinwes un semen ep ia faces ios hol ardh.
4. Ya, in septa diens bad, ed ego
aumbreihm ep id ardh quargim yawms.
Schiawkieno quantum existence ho kwohrt ep ia faces ios ardh.
5. Noe kwehrt quantum IHVH-Adonay hat wohlen iom.
6. Noe est sixcentat ed eet id deluge, wedor ep id ardh.
7. Noe gwehmt kyid diek,
eysi sunus, eys esor ed ias esors om sien sunus con iom,
face id wedor ios deluge.
8. Al pur biest, al biest quel ne est pur,
al parinda ed quants quel rempt ep id glebe,
9. dwin, gwehment kye Noe, kyid diek,
ersen ed wedu, kam Elohîms hat wohlen Noe.
10. Ed sont septa diens, id wedor ios deluge est id ardh.
11. In id yar ios sixcentiete os Noes gwit,
ye id dwot menot,
ye id septdem dien ios menot, ye tod sam dien,
vasya surces ios multiple aungrund hant spalten.
Ia ventils iom waurns hant ghyahn.
12. Ed est id seuy ep id ardh, quargim yawms.
13. In id ost tos dien, Noe gwehmt,
con Schem, Ham ed Yapheth, iens sunus os Noe
ed Noes esor, ians tri esors om sienen sunus con iens, kyid diek.
14. I ed quant gwiv pro sien genos, quant gwiv pro sien genos,
quant reptil, rempend ep id ardh, pro sien genos,
quant parinda pro sien genos, quant av, quant pterg,
15. gwehment kye Noe, kyid diek,
dwin, quantios krewos habend gwitannem.
16. Ed i gwehmers, ersen ed wedu quantios krewos gwohm
kam Elohîms hieb wohlen iom. IHVH-Adonay cludt id diek ep iom.
17. Ed est id deluge, quargim diens ep id ardh.
Ia aquas crehsce ed behrnt id diek;
id ayrt-se uper id ardh.
18. Ia aquas auge, crehsce maung ep id ardh.
Ed id diek pleut ep ia faces iom akwen.
19. Ed ia aquas hiebeer pelu auct ep id ardh.
Covehrnt vasya hoga ghyors, sub vasya waurns.
20. Ia aquas auge med penkdem cubtals ubtro.
Covehrnt ia ghyors.
21. Quant krewos rempend ep id ardh agoniset, parinda, biest, gwiv,
quant pohltos pehldend ep id ardh ed quant glebeus,
22. quantis hat soluk, gwitannem in sien nastorms,
quantis eet ep id teursen, quants mohr.
23. Schiawkient quant existence ep ia faces ios glebe,
ex iom glebeus tiel el biest,
tiel el reptil, tiel el parinda iom waurns :
sont schiawkient ex id ardh.
Restent tik Noe ed quo est con iom in id diek.
24. Id wedor auct ep id ardho cent penkgim diens.

Capitel 8.

El crauv ed el columbh

1. Elohîms mehmt Noe, quant gwiv,

Quant biest con iom in id diek.
Elohîms passeiht un annem ep id ardh, ia aquas mildasce,
2. ia surces ios aungrund, ia ventils iom waurns sont baren,
id aumber iom waurns est andamen.
3. Ia aquas gigwehment ex ed do id ardh.
Ye id termin iom cent penkgim diens, ia aquas manke.
4. Ye id septim menot, dien septdem menot,
Id diek landt ep ia monts Ararat.
5. Ia aquas eent gigwehmend tiel id dect menot.
Ye id dect, dien prest menot,
ia caps iom ghyors eent visible.
6. Ed est ye id termin om quargim diens,
Noe ghyant id fenster ios diek is hieb kwohrt.
7. Is yeist el crauv: el salct, salct ed reict
pre id teursen ios wedor ep id ardh.
8. Is yeist el columbh ex bi se,
kay vide an id wedor hieb tenuascen ep ia faces ios glebe.
9. El columbhis ne hat trohft rahat pro id taban siens pod.
Reicti kyom, kyid diek:
Ya, id wedor est ep ia faces ios hol ardh.
Is yeist sien ghesor, ghendt el ed gwehmeiht el kye se, kyid diek.
10. Is languiet dar sept alya diens.
Addeiht ed yeist el columbh exter id diek.
11. Ed el columbh gwehmt kyom, vesper-ye,
ed en un frescho zeytoun warak in elso snap.
Noe woid id wedor hat tenuasct ep id ardh.
12. Is languiet dar sept alya diens.
Is yeist el columbhem bet el reict neti kyom.
13. Ed est anno sixcent oin, dien prest, dien oino menot,
id wedor eetetursit ep id ardh,
Noe arct id capak ios diek. Is vidt ed:
ena faces ios glebes eeteturseer.
14. Ye id dwot menot, dien dwogim-sept menot,
Id ardh eet siuk.
15. Elohîms baht ad Noe:
16. “Salg id diek, tu, tien esor, tien sunus,
ias esors tienen sunus con te,
17. quant gwiv quel est con te, quant krewos, parinda, biest,
quant reptil rempend ep id ardh, salgeih i con te.
Immed pehldtu id ardh, sontu brungend,
ed gehnend ep id ardh. »
18. Noe salct, sien sunus, sien esor ed ias esors om sien sunus con iom,
19. quant gwiv, quant reptil, quant parinda,
quantis rempt ep id ardh,
pro ir clans, hant sals id diek.
20. Noe struct un altaro pro IHVH-Adonay.
Is ghend ex quant biest, pur, ex quant pur parinda;
Is stigheiht steighens ep id altar.
21. IHVH-Adonay neust id amat rayha. IHVH-Adonay sayct in sien kerd:
“Niem zabalstehme dar id glebe ob iom glebeus:
ya, id skeipen ios kerd ios glebeus est un khitert pon eys yuwent.
Niem zapalge dar quant gwiv, kam ho kwohrt.
22. Vasya diens ios ardhios dar, semen ed ghiesen,
srigos ed gvrens, lient ed ghim, dien ed noct nient zawehrge. »

Capitel 9.

Noes pact.

1. Elohîms blaght Noe ed eys sunus. Sayct ibs:

“Bruncte, gehnte, plehte id ardh.
2. Vies kreusen, vies consternation sessient ep quant gwiv ios ardh,
quant parinda iom waurns, quantem quel rempt ep id glebe,
vasyi marpiskens. In vies ghesors, sont daht.
3. Quantis rempt ed est gwiv sessiet pro vos essu
kam glend grass ; vos ho daht quant,
4. bet id krewos samt in idso ses ids aserng, yu niete edde.
5. Vies aserng pro voster sesens mutalbesiem;
ex id ghesor quants gwiv, id mutalbesiem,
ex id ghesor ios glebeus, ex id ghesor ios mensc eys brater,
mutalbesiem id ses ios glebeus.
6. Quel spehrt id cruor ios glebeus, ab iom glebeus els cruor sessiet spohrn.
Ya, ye id replic os Elhîms, is hat kwohrt iom glebeus.
7. Ed yu, bruncte, gehnte, plehte id ardh, gehnte in id.”
8. Elohîms baht ad Noe ed eys sunus:
9. “Ed ego, en me, pango mien pact con vos,
con voster semen pos vos,
10. con quant gwiv quel est con vos, el parinda, el biest,
quant gwiv ep id ardh con vos,
bayna vasyens salgents ios diek, pro vasyens gwivs ios ardh,
11. pango mien pacto con vos :
neid krewos neti sessiet tohmt ab id wedor ios deluge,
neti sessiet deluge kay destruge id ardh.”
12. Elohîms sayct: “En id signe ios pact io dahm inter me, inter vos
Ed inter quant gwiv quel est con vos pro ia cycles in aiwo.
13. Mien lonc ei nebhos ho daht,
Est id signe ios pact inter me ed inter id ardh,
14. ed quando nehbheihsiem id nebhos ep id ardh
ed id lonc sessiet viden in id nebhos,
15. mehmsiem mien pact inter me, inter vos
ed inter qua nt gwiv in quant krewos.
Id wedor neti sessiet pro id deluge, kay destruge quant krewos.
16. Ed est id lonc in id nebhos:
id vido kay mehme id pact os aiwo,
inter Elohîms ed inter quant gwiv,
in quant krewos quod est ep id ardh. »
17. Elohîms sayct ad Noe : « En id signe ios pact
ho pagen inter me ed inter quant krewos quod est ep id ardh.”

Ies sunus os Noe

18. Ed sont ies sunus os Noe salgend id diek:

Schem, Ham ed Yapheth; Ham est Canaans pater.
19. Toy tri sont ies sunus os Noe:
Ex tens hat diaspohrn id hol ardh.
20. Inkapt Noah, is wir ios glebe, plantet un vinyek,
21. drehnct vin, ehgvt ed se aunstehct medsu sien delt.
22. Ham, Canaanspater, vidt id sexe os sien pater.
Reportet to sienims dwo braters, exo.
23. Schem ghendt con Yapheth id ghiton : bo placent id ep id oms.
Gwahnt retro ed covehrnt id sexe irs pater, ne vident id.
24. Noe protiebeudt ex sien vin.
Eucti quo hat ei kwohrn eyso sunu, is yunst.
25. Sayct: “Canaan est honniset.
Sessiet pro sien braters un slougen sloug.”
26. Sayct. “IHVH-Adonay, is Elohîms os Schem, est blaght !
Canaan sessiet ir sloug.”
27. Elohîms paydrwnsiet Yapheth, baytelsiet bi Schems delts.
Canaan sessiet ir sloug.”
28. Noe gwivt pos id deluge tri cent penkgim yars.
29. Ed ta sont vasya diens os Noe, nevcent penkgim yars. Ed is mehrt.