Khawbung Kohhran

MIZO SUNDAY SCHOOL UNION

INTERMEDIATE ZIRLAI BU HNIHNA

Hming : ___________________________________________________ Mark : ____________

THEN KHAT NA
1. Hebrai mi ten tu hun atangin nge thuziak an chin tan?
= Mosia hun atangin.
2. Thuthlung Hlui bu hi hlawm eng zatah nge then a nih a, chungte chu engte nge?
= Hlawm thumah then a ni a, chungte chu – Dan bu, Zawlneite lehkhabu leh Thuziak bu te an ni.
3. Dan bute hi eng hun lai vela phuah khawm nge?
= BC 400 velah.
4. Thuthlung Hlui bu phuah khawma Pathian thu atana pawmtute kha tute nge?
= Juda-te.
5. Hebrai miten thuziak an uar chhoh tak tak hun kha engtik lai atangin nge?
= Davida leh Solomona te lal lai vel atangin. (BC900 vel).
6. Mosia lehkhabu pangate kha engte nge?
= Genesis, Exodus, Leviticus, Numbers leh Deuteronomy te an ni.
7. Genesis tih awmzia enge ni?
= Genesis tih chu „A tir‟ emaw, „A bul‟ tihna a ni.
8. Exodus awmzia enge ni?
= Exodus tih chu „Kal chhuah na‟ tihna a ni.
9. Dan pahnihna an tih kha enge an vuah kha?
= Deuteronomy.
10. Grick ṭawng Bible kha enge an vuah kha?
= Septuagint.
11. Israel fate kum 40 dawn an zin kualna chanchin in ziahna kha eng bu nge ni?
= Numbers.
12. Dan leh thupek chuan hnem na berk ha eng bu nge ni?
= Leviticus.
13. Septuagint tih hi enge a awmzia?
= „Sawmsarih‟ tihna a ni.
14. Mosia lehkhabute kha Grik ho leh Judaho khan engtin nge an sawi?
= Grik hovin Pentateuch an ti a, Juda ho chuan Torah an ti.
15. Chanchin ziakna bu kha eng zat nge?
= Bu 12.
16. Israel te chanchin hmasa ziakna kha eng bu ah nge kan hmuh?
= Josua, Roreltu leh I & II Samuela bu ah te kan hmu.
17. Moab hmeichhe rinawm deuh chanchin kha khawi bu ah nge kan hmuh?
= Ruthi bu ah.
18. Chronicles tih awmzia enge ni?
= „Thil thleng chanchin chhinchhiahna‟ tihna a ni.
19. Purim kut a an chhiar thin kha eng lehkhabu nge?
= Estheri bu a ni.
20. Israel te chanchin lai hawl ziahna bu kha bu engzat nge? Eng bu te nge?
= Bu hnih. Lalte I-na leh II-na.
21. Israel te chanchin hnuhnung ziakna bu kha engte nge?
= Ezra, Nehemia leh Estheri bute an ni.

1|P a g e
 Khawbung Kohhran

22. Israel te chanchin hmasa ziakna bu kha engte nge?

= Josua, Roreltu, Ruthi leh I & II Samuela bute an ni.
23. Hla leh Finna bu hian engte nge a huam?
= Joba, Sam, Thufingte, Thuhriltu, Hla Thlan Khawmte leh Ṭah hla bute hi a huam.
24. Panchhiain a bawm kha tu nge?
= Joba.
25. Fakna hla bu ti a an sawi kha eng ber nge?
= Sam bu a ni.
26. Hla thlankhawm bu hi Juda ten engtin nge an sawi ṭhin?
= „Hla te hla‟ tiin an sawi ṭhin.
27. Pathian chu engkim bul leh a tawpna a ni tih kha eng lehkhabu in nge min hriattir?
= Thuhriltu bu ah.
28. „Zawlnei lian‟ an tih te khan eng bu te nge a huam?
= Isaia, Jeremia, Ezekiela leh Daniela bute a huam.
29. Isaia lehkhabu kha hlawm engzatah nge an ṭhen?
= Hlawm thumah.
30. Daniela ṭhiante kha engzat nge an nih?
= Pathum.
31. „Zawlnei tê‟ an tih kha eng bu te nge?
= Amosa, Hosea, Mika, Nahuma, Joela, Jona, Zephania, Habakuka, Obadia, Hagaia, Zakaria leh Malakia
bute an ni.
32. Assuria hun laia zawlnei te kha tute nge?
= Amosa, Hosea, Mika, Nahuma, Joela leh Jona te an ni.
33. Babulon hun laia zawlnei te kha tute nge?
= Zephania, Habakuka leh Obadia te an ni.
34. Persia hun laia zawlnei te kha tute nge?
= Hagaia, Zakaria leh Malakia te an ni.
35. Isaia bu ah bung engzat nge awm?
= Bung 66.
36. Isaia kha eng hun vela zawlnei nge a nih?
= BC. 8 lai velin.

ṬHEN HNIH-NA
1. Zawlnei Jeremia pa hming kha enge?
= Hilkia a ni.
2. Jeremia hi tu lal laiin nge zawlnei ni tura koh a nih?
= Josia lal laiin.
3. Josia fapa Juda ram lal kha tunge?
= Jehoiakima a ni.
4. Babulon lal thil ti thei tak kha tunge?
= Nebukadnezara a ni.
5. Jeremia kha khawi khuaah nge a awm?
= Anathot.
6. Jeremia khan Juda ho zawng zawng kha tu kutah nge an tlawm dawn a tih?
= Babulon kutah.
7. Pathianin Jeremia kha engtin nge a biak?
= „Ka mite hnena zawlnei hna thawk turin ka ruat tawh che‟ a ti.
8. Joela hunlai khan Judai ramah enge puang vak kha?
= Rannung.

2|P a g e
 Khawbung Kohhran

9. Joela hming awmzia kha eng nge?

= „Lalpa chu Pathian a ni‟ tihna a ni.
10. Joela pa hming kha enge ni?
= Pethuela a ni.
11. Joela‟n chhiatna lo thleng vak mai chu engnge a chhan a tih?
= Joela‟n chhiatna lo thlen chhan chu Lalpa ni lo thlen dawn hnaih tawh vang a ti.
12. Joela‟n eng ti turin nge mi te a sawm?
= Lalpa ni lo thleng tur atana sim turin.
13. Zion tlang aṭanga tawtawrawt an hamrik khan eng nge a entir?
= Lalpa ni a lo thleng dawn tih a entir.
14. Jona kha khawi khuaa kal turin nge Pathianin a tirh?
= Ninevi khuaa kal turin.
15. Jona‟n Pathian tlan bosan tumin khawi lam nge a pan?
= Tarsis lam a pan.
16. Jona kha sangha kawchhungah engtia rei nge a awm?
= Ni thum leh zan thum a awm.
17. Ninevi mite hnena Jona thuchah sawi kha eng nge ni?
= “Tun a chin ni sawmli ah, Ninevi i tih boral a ni dawn e,” a ti.
18. Pathianin Ninevi mi te a ngaidam tih Jona khan a hriatin eng tin nge a tih?
= Pathian hnenah a ṭawngṭai a. “Aw Lalpa tunah ka nunna hi mi laksak turin ka ngen a che, kei atan hian
dam aiin thih a ṭha zawk si a,” a ti.
19. Jona nisa hliah turin Pathianin eng nge a awm tir?
= A chungah Um a zamtir
20. Nahuma hi khawi khuaa awm ṭhin nge a nih?
= Elkos khuaah.
21. Nahuma hming awmzia eng nge ni?
= „Thlamuantu‟ tihna a ni.
22. Khawi khawpui nge hrem tuar tur kha?
= Assuria ram khawpui ropui tak Ninevi.
23. Israel ṭhenawma sawrkar chak tak leh indo hrat tak kha eng ram nge?
= Assuria ram.
24. Pathianin Ninevi a hrem hunah engtin nge an awm ang?
= Dil ang main a sah hum hum anga, an thil neih zawng zawngte an chan vek ang.
25. Pathian huat zawng kha eng nge ni?
= Chapona.
26. Habakuka hming awmzia eng nge?
= „Pawm‟ tihna a ni.
27. Mifelte chu engtin nge an awm ang?
= Rinna in a nung ang.
28. Habakuka lawm na chhan eng nge ni?
= Chhandamtu Pathian a neih avangin.
29. Judate sala man turin eng hnam nge Pathianin a tun din?
= Babulon hnam.
30. Habakuka lehkhabu kha eng hmanga ziak nge?
= Hla thu mawi tak hmanga ziak a ni.
31. Habakuk an Pathian eng nge a zawh?
= Misual te chan ṭhat zel leh mifel te hnehchhiaha an awm a phal chhan a zawt.
32. Zephania pa hming tunge?
= Kusia.

3|P a g e
 Khawbung Kohhran

33. Zephania hming awmzia eng nge ni?

= „Lalpan a thukru‟ tihna a ni.
34. Tu lal laiin nge Israel ten Pathian an ngaihsak loh?
= Amona lal laiin.
35. Zephania pu hming eng nge ni?
= Hezekia a ni.
36. Zephania zirtirna kawng khat han sawi teh?
= Pathian mi te chu thuawih thei, dikna ngaina leh ingngaitlawm ni turin a zirtir.
37. Israel te suah sualna avangin khawi hmunah nge rorelna rapthlak tak a thlen dawn?
= Jerusalem khawpui chhung ah.

ṬHEN THUM-NA
1. Chanchin Ṭha Paula ziak leh Luka ziak chauh Pathian thu a pawm tute kha tu nge?
= Marcion-a.
2. Muratori-a lehkhabu hmuh chhuah kha eng nge a hming?
= „Muratorian Cannon‟ tih a ni.
3. Muratori-a lehkhabu a chuang velo lehkhathawn 4 te kha eng te nge?
= Hebrai, Jakoba leh I & II Petera te an ni.
4. Thuthlung Thar bu kim kan hmuhna hmasa berk ha tu lehkhathawn nge ni a, eng kuma thawn nge?
= Athanasius-a lehkhathawn ah. AD 367-ah.
5. Thuthlung Thar bu hi khawi khuaa Kohhran Inkhawmpuiin nge pawm? Eng kumah nge?
= Carthage khuaah. AD 397-ah.
6. Thuthlung Thar bu ah hian bu engzat nge awm?
= Bu 27 a awm.
7. Eng kumah nge Marcion-a khan zirtirna diklo a theh darh?
= AD 140 vel ah.
8. Kan Bible ah hian Chanchin Ṭha bu engzat nge awm?
= Bu 4 a awm.
9. Chanchin Ṭha bu lit e kha eng te nge?
= Matthaia, Marka, Luka, Johana.
10. Chanchin Ṭha bu zingah eng hi nge ziak hmasak nia an rink ha?
= Marka ziak.
11. Matthaia hian eng tik kum velah nge Chanchin Ṭha a ziak?
= AD 80 – 90 velah.
12. Chanchin Ṭha ziaktu zinga Jentail mi kha tu nge ni?
= Luka.
13. Chanchin Ṭha Johana ziak hi engtik kuma ziak nge?
= AD 90 – 100 velah.
14. Chanchin Ṭha Johana ziak hi tute tana ziah nge?
= Ephesi khuaa ringtute tan.
15. Tirhkohte Thiltih bu ziaktu hi tunge a nih? Tu tana a ziah nge?
= Luka. Theophila tan a ziak a ni.
16. Chanchin Ṭha hril darh hna hi khawi khuaah nge a in ṭan?
= Jerusalem khawpuiah.
17. Theophila kha eng nge a nih an rin?
= Rom sawrkar mi rawih lar tak a nih an ring.
18. Thuthlung Thar bu pumah hian lehkhathawn eng zat nge awm?
= 21 a awm.
19. Paula lehkhathawn engzat nge awm kha?

4|P a g e
 Khawbung Kohhran

= 13 a awm.
20. Paula lehkhathawn hi hlawm engzatah nge an ṭhen? Eng ten nge?
= Hlawm thumah ṭhen a ni. Chungte chu – Khualzin lai lehkhathawn, Lung in tan lai lehkhathawn leh
Kohhran enkawlna lehkhathawn te an ni.
21. Khualzin laia Paula lehkhathawn te khan eng te nge a huam?
= Rom, I&II Korinth, Galatia leh I&II Thessalonika te an ni.
22. Tan ina a tan laia Paula lehkhathawn ziakte kha eng te nge?
= Ephesi, Phillipi, Kolossa leh Philemona te an ni.
23. Kohhran enkawlna lehkhathawn an tih te kha engte nge ni?
= I&II Timothea leh Tit ate an ni.
24. „Paula lehkhathawn lalnu‟ an tih kha enge ni?
= Ephesi khua ami te hnena lehkhathawn.
25. Thuthlung Tharah hian Paula lehkhathawn nilo lehkhathawn dang engzat nge awm?
= 8 a awm.
26. Chung lehkhathawn te chu eng te nge ni?
= Hebrai, Jakoba, I&II Petera, I&II&III Johana leh Juda te an ni.
27. Chung lehkhathawn te chu eng vanga „Huapzo Lehkhathawn‟ ti a vuah nge an nih?
= Mi zawng zawng huap a ziak a nih avangin.
28. Lehkhathawn ziaktu zinga „Isua unaupa‟ tia kan zir kha tunge a nih?
= Jakoba.
29. Johana lehkhathawn pathumna hi tu tana ziak nge ni kha?
= Gaia, kohhran hruaitu tan.
30. Juda ten an ngaihsan em em, mihring leh Pathian inkara palai ropui tak kha tunge?
= Mosia.
31. Thupuan bu hi tu ziah nge?
= Johana ziak a ni.
32. Thupuan buah Asia Minor rama kohhran eng zat hnenah nge thuchah ziah a nih?
= Kohhran 7 ah.
33. Rom lal sual tak, pathian anga amah biak phuttu kha tu nge?
= Domitian-a.
34. Thupuanah hian bung eng zat nge awm?
= Bung 22 a awm.

ṬHEN LI-NA
1. Isua tih damna sawiseltute kha tute nge ni?
= Pharisai te.
2. Isua kha Pharisai ten eng bawhchhia ah nge an puh?
= Chawlhni (Sabbath) bawhchhia ah an puh.
3. Lal Isuan hrem tuar dawn pawh nise pawi ti lova a tihdam kha tu nge?
= Kut zeng.
4. Pharisai te kha engnge an nih?
= Juda sakhaw hruaitu.
5. Theipui kung hau hlum kha khawi hmuna thil thleng nge?
= Bethani khaw daiah.
6. Eng hnam nge theipui kung nena tehkhin ni ṭhin kha?
= Israel hnam.
7. Lal Isuan engtin nge theipui kung a hau?
= “Tun achinah tumahin i lak aṭangin rah ei tawh suh se” a ti.
8. Sipai za hotu awmna khua kha eng nge ni kha?

5|P a g e
 Khawbung Kohhran

= Kapernaum.
9. Sipai za hotu khan Juda-ho kha eng nge a tihsak kha?
= Sunagog a sak sak.
10. Sipai za hotu in tu damlo nge tih dam sak turin Isua a ngen?
= A bawih damlo.
11. Sipai za hotu rinna a hmuh in Isuan engtin nge a tih?
= “Israel te zingah pawh hetiang em a rinna nasa hi ka hmulo,” a ti.
12. Jaira kha eng hotu nge a nih?
= Biak In hotu.
13. Jaira fanu kha kum engzat nge a nih?
= Kum 12.
14. Isuan Jaira fanu a kaihthawh dawn khan a zirtir tute nge pindanah a hruai ve?
= Petera, Jakoba leh Johan ate.
15. Jaira te chhungkua kha khawii khuaa cheng nge niin an rink ha?
= Kapernaum ah.
16. Talitha Kumi tih hi eng tihna nge?
= “Chemte tho rawh ka ti a che” tihna a ni.
17. Khawi lai hmuna a awm laiin nge Isua hnenah bengngawng kha an rawn hruai?
= Dekapoli biala khaw pakhatah.
18. Bengngawng tih dam nan Isuan eng hmanrua nge a hman?
= A kut leh a chil.
19. Ephatha tih kha eng tihna nge?
= Lo inhawng rawh tihna.
20. Mipui sangli hraina hmun kha eng hmun nge?
= Khaw pawn deuh, hmun awl remchang lai ah.
21. Mipui sangli hrai nan Isuan engte nge a hman?
= Chhangper pasarih leh sangha tlem.
22. Chhang ei bang kha bawmrang eng zat nge an ruh kha?
= Bawmrang sarih.

6|P a g e