Sie sind auf Seite 1von 20

Große Junkerdorfer

Karnevalsgesellschaft von 1973 e.V.

Mess op Kölsch

am 18. November 2006


in dä Faarkirch St. Pankratius
in Junkersdorf

Zelebrant: Pastur Dr. Wolfgang Fey


Ehrensenator vun dä Große Junkersdorfer
Seite 2
Zum Eingang
(Melodie GL 259: Erfreue dich, Himmel)

Allbeienein:

Dun freue dich Himmel, un Ääde he unge.


Dot freue üch alle; der Fruhsenn soll kumme:
• (Refrain:)
Op Ääde he unge, em Himmel do bovve:
der jödige Vatter, den wolle mer lovve.

Ihr Sonne un Monde, ihr funkelne Stääne,


ihr Räum us dem All in janz wigger Fäände:
• Op Ääde he unge, ... (Refrain)

Ihr Männer un Fraue, ihr Kinder un Jreise,


Ihr Kleine und Jroße, ihr Jecke un Weise:
• Op Ääde he unge,... (Refrain)

Pastur:
Loss mer aanfange met nem Groß an der Herrgodd.
Uns röf zesamme der Vatter, der Sonn un der Hellige
Geis.
Uns Herrgodd soll immer met üch sin.

Allbeienein:
Un och met dir et janze Levve.

Seite 3
Schuldbekenntnis

Lektor:
Herrgodd, ich bin nit esu, wie do mich han wells.
Ich weiß, dat ich god sin soll.
Ävver wat brängen ich op de Bein?
Ich dun esu, als köm ich ohne dich zerääch,
maachen Frack un Unfridde,
un mänchmol ben ich e richtig Bies.
Do kanns nit met mer zofridde sin.
Dat jevven ich der zo, leeven Häär,
och üch, ehr Engele un Hellige,
un üch, ehr Bröder un Schwestere.
Keinem andere well ich et en de Schohn däue:

Ich ben et gewäs, un dat deit mer leid, ärg leid.


Wat soll ich no maache?
God Muttergoddes, ehr Engele un Hellige
un ehr, leev Bröder un Schwestere,
dot för mich bedde,
dat der Herrgodd mich widder opnimmp
wie en Mutter ehr Kind.

Allbeeienein: Amen.

Pastur:
Unse Häär un Godd schenk uns sing Erbarme. Hä
nimmp vun uns Sünd un Schold, dat mer met reinem
Hätze dat hellige Offer fiere.

Allbeienein: Amen.

Seite 4
Gloria

(Melodie GL 464: Gott in der Höh sei Preis und Ehr, ...)

Allbeienein:
Jott en der Hüh es Lovv un Ihr, de Minsche Fridde op
Ääde.
Do unse Vatter, hüchste Zier, verherrlich solls do wääde.
Häär Jesus Christus, Joddes Sonn, mer lovven dinge
Name.
Do wonns met Jott, dem Hellije Jeis, em Leech vum
Vatter.
Amen.

Lesung

Lektor:
Mer höre de Lesung us dem drette Breef vum Apostel
Johannes, den hä dem Gajus gescheck hätt.

Dä Johannes schrevv dem Gajus, dat er sich ärg


gefreud hät, wie er gehoot hät, dat dä Gajus en Levve in
Wohrheit und Demod noh der Gebodde Goddes föht un
sich esu leev öm singe chressliche Bröder sorgt, wie en
Vatter um si Pänz.
Dä Johannes läht Wäät dodrop dat de Chresteminsche
eins sin un dat dat verbingene Gleed die Leev es. Der
Johannes meint, dä Gajus dät „in der Wohrheit levve“
un hä hät kein größer Freud, wie zu hüre, dat de
Chrestminsche in genau dä Wohrheit levve.
Un so schrif hä dem Gajus:

Seite 5
(5)
Ming Leever Gajus, wat do för die chressliche Bröder
deis, zemol gägenüvver Lück die der fremb sin, zeugt
von dinger Leev un Treue. (6) Du deis jot dodraan, wenn
do se nit nur beweete deis, sondern se och esu wigger
föhs wie et dem Häär gefällt.
(7)
Die chressliche Bröder, die em Namen Goddes
usgetrocke sin, sin och op Dich angewise, denn se wolle
vun de Heide nix aannemme.
(8)
Mir sin et dem Leeve Godd scholdig, singe
Userwählte opzenemme, damit mir selvs Gehilfe der
Wohrheit wääde.

Allbeienein:
Leeven Herrgodd, Danke.

Zwischengesang

(Melodie GL 218: Gelobt sei Gott im höchsten Thron)

Allbeienein:
Jelobt sei Jott im kölschen Ton,
samt singem enjeborne Sonn,
der för uns hät jenog jedon.
Halleluja, Halleluja, Halleluja.

No bedde mir dich, Häär Jesu Chress,


weil do vom Dud ‘erstande bes,
jevv allen wat uns hellig es.
Halleluja, Halleluja, Halleluja.

O Häär, do mähs uns Hätz janz wigg;


nemm vun uns Schold un Strigg.
Dir singe mer zo jeder Zigg:
Halleluja, Halleluja, Halleluja.
Seite 6
Evangelium

Pastur: Unse Herrgodd soll luuter met üch sin.

Allbeienein: Un och met dir et janze Levve.

Pastur: Us dem Evangelium, wie et der hellige Lukas


opgeschrevve hät.

Allbeienein: Häär, mer priese dich un ding Wood.

Pastur:
(1)
Jesus , der Sonn Goddes verposementierte mit enem
Gleichnis, dat mer luuter bedde soll un nit uphüre soll ze
bedde. (2) Hä dät sage: Et wor ene Reechter in der Stadt,
der dät sich vür Godd nit ängstige und eets rääch nit vür
keinem Minsch.
(3)
Da kom en Witfrau us derseve Stadt noh im un wollt
Rääch gesproche han gäge ene fise Möpp.
(4)
Lange Zick dät hä se links lige looße, weil hä kein
Angs vür jet han mot. (5) Ävver ze goder letz hät hä ehr
doch geholfe, dat se ze ehrem Rääch kom, weil se su
üvverzeugt op ihn engesproche hät, dat hä am Engk
daach, se köm noch und schleiht im en et Geseech.
(6)
Do sproch dä Häär: Hürt wat selvs dä ungeräächte
Reechter gedon hät.
(7)
Sollte Godd do nit och singen Userwählte Rääch
verschaffe, die Dag un Naach zu ihm rofe! Un sollte hä
et bei denne noch lang hintrecke? Ich sagen üch:
Hä weed inne kootöm zo ihrem Rääch helfe.
(8)
Doch wann der Minschesonn kumme weed, meins do,
hä weed Gläuve finge op der Ääd?

Seite 7
Pastur:
Evangelium vum unserem Häär, Jesus Christus.

Allbeienein:
Herrgodd, mir lovven und mir priesen dich.

- Predigt – (Lied?)
Förbedde

Pastur:
Mer bedden der Häär

Allbeienein:
Häär, hür uns aan un dun et jevve.

Lektor:
Leeven Herrgodd, mänch einer geiht allein durch et
Levve. Gevv uns wache Auge, domet mer keinen em
Stech looße.

Allbeienein:
Häär, hür uns aan un dun et jevve.

Lektor:
Leeven Herrgodd, loss uns nit nur in der
Fastelovendszigg vill Freud metenein han
un loss uns die och met andere deile.

Allbeienein:
Häär, hür uns aan un dun et jevve.

Lektor:
Leeven Herrgodd, dun die ganze Faar un die Grosse
Junkersdorfer Karnevalsgesellschaft sähne, domet se all
an einem Strang trekke.
Seite 8
Allbeienein:
Häär, hür uns aan un dun et jevve.

Lektor:
Mir bedde für all die Lück, die en der Welt et Regalt han,
dat se nit nur vum Fridde spreche,
sondern in och wolle.

Allbeienein:
Häär, hür uns aan un dun et jevve.

Lektor:
Mer bedde für all die Lück die ihre Arbeidsplatz verlore
han oder die öm ihre Arbeidsplatz Angs han müsse.
Un mer bedde och für die Firmenchefs, dat se ihr
Gewennstrevve nit üvver ihr soziales Gewesse stelle.

Allbeienein:
Häär, hür uns aan un dun et jevve.

Lektor:
Mir bedde für all die Lück, die ald dud sinn.
Levven Herrgodd, gevv inne dinge iwige Fridde.

Allbeienein:
Häär, hür uns aan un dun et jevve.
Amen

Seite 9
Zur Gabenbereitung

(Melodie GL 913: Nimm, o Vater, was wir spenden ...)

Allbeienein:
Nemm, o V-a-tter, wat mer jevve,
alles kütt us dinger Hand.
Do schenks H-ei-l un iw’jes Levve,
föhrs uns en’t jelovvte Land.
Hell’je Jeis, Trus en der Nud,
kumm, dun sähne Wing un Brud.
Loss de Fröchte he op Ääde,
Chresti Offer för uns wääde.

Gabengebet

Pastur:
Der Herrgodd soll luuter met üch sin.

Allbeienein:
Un och met dir.

Pastur:
Üür Hätz schenkt dem Herrgodd.

Allbeienein:
Et es doheim beim Häär.

Pastur:
Mer welle danke dem Häär, unsem Godd.

Allbeienein:
Dat es joot un rääch.

Seite 10
Sanctus

(Melodie: „Heilig, heilig, heilig“ aus der Schubert-Messe)

Allbeienein:
Hellich, hellich, hellich, hellich es der Häär.
Hellich, hellich, hellich, hellich es nor hä.
Hä, dä nie jewoode, hä, dä immer wor,
iwig es un bliev hä alle Minsche noh.

Noh der Wandlung

Pastur:
Mer gläuven aan dat große Geheimnis des Glaubens.

Allbeienein:
Häär, dinge Dud verkünde mer,
un dat do vum Dud opjestande bes, dat priese mer,
bes do küss en Herrlichkeit.

Seite 11
Vatter unser

Pastur:
Mer wääde Kinder Goddes genannt un dat si’mer och.
Doröm dörfe mer voll Vertraue zo unsem Vatter em
Himmel bedde:.

Allbeienein:
Unser Vatter em Himmel,
dinge Name welle mer hellich halde.
Di Rich loss kumme.
Dinge Welle soll jelde, em Himmel un op der Ääd.
Jevv uns hück wat mer bruche, för zo levve.
un dun uns verjevve, wa`mer Unrääch jedonn hann,
wie och mer denne verjewwe welle,
die uns Unrääch jedonn han.
Häär mach et uns net janz esu schwer
un erlöse uns von allem Schläächte
Amen.

Pastur:
Dun uns erlöse, Häär, allmächtije Vatter, vun allem
Schläächte
un schenk uns Fridde en der hüggige Dage.
Kumm, helf uns met dingem Erbarme
un dun uns behöde vör dem Düvel un all däm, wat uns
durcheneinbrängk, un vör Sünd un Schand,
domet mer voll Zoverseech op dat Kumme vun unsem
Erlöser Jesus Christus waade.

Allbeienein:
Denn do häs dat Reich un de Kraff un de Herrlichkeit en
Iewichkeit.
Amen.

Seite 12
Friedensgruß

Pastur:
Unser Herrgodd un singe Fredde sollen luuter met üch
sin.

Allbeienein:
Un och met dir et janze Levve.

Pastur:
Zom Zeiche des Fredde gevve mer us de Häng.

Seite 13
En unsrem Veedel

Allbeienein:

Wie soll dat nur wigger jonn,


wat bliev dann hügg noch stonn?
Die Hüüsjer un Jasse, die Stöndcher beim Klaafe,
es dat vorbei?

(1)

En der Weetschaff op der Eck


stonn die Männer an der Thek.
Die Fraulückcher setze beim Schwätzje zesamme,
es dat vorbei?

Wat och passeet, dat eene es doch kloor,


et schönste wat mer han schon all die lange Johr,
es unser Veedel.
Denn he hält mer zesamme, ejal wat och passeet,
en unsrem Veedel.

(2)

Uns Pänz, die spelle nit em Jras,


un fällt ens einer op de Naas.
Die Bühle un Schramme, die fleck mer zesamme,
dann es et vorbei.

Wat och passeet, dat eene es doch kloor,


mir blieve wo mer sin schon all die lange Johr,
en unsrem Veedel.
Denn he hält mer zesamme, ejal wat och passeet,
en unsrem Veedel.

Seite 14
Kommunion:

Pastur:
Loot he, et Goddeslamm, dat op sich nimmp de
Sündeschold vun der ganze Welt!

Allbeienein:
Häär, ich ben et nit wäät, dat do bei mich küss,
ävver ein Wood vun dir mäht Liev un Siel widder fruh.

Pastur:
Sillig sin die, die op de Huhziggsfier vum Goddeslamm
engelade sin.
Kutt un seht wie god der Häär es.

Leed zur Kommunion

(Melodie GL 547:Das Heil der Welt, Herr Jesus Christ,...)

Allbeienein:
(2)
Et wohre Joddeslamm es do.
Zom Dud am Krütz sprochst et sing Jo.
Et nimmp vun uns de Schold der Sünd
un et es wigger mit uns Fründ.
(3)
Et wohre Manna, dat es hee.
Der Himmel beug dovör de Knee.
Hee es et räächte Himmelsbrud,
brängk Levven uns, kein Hungersnud.

Seite 15
Dankleed
(Melodie GL 266: Nun danket alle Gott ...)
Allbeienein:
Do leeve Häär un Jott, schenk uns en unsem Levve
e Hätz voll Freud un Mod, dun Fridde op Ääd uns jevve.
Ding Jnad en Angks un Leid uns luuter trüste deit,
do häs erlüs uns för alle Iwichkeit.
Der Vatter un der Son, mir welle in immer ihre,
un och der Hellije Jeis am Himmelsthrun mer fiere.
Vum Vatter, Sonn un Jeis, wie et vum Aanfang es
un iwich blieve weed: Die Freud es uns jewess.

Sähn:

Pastur: Mer bedden öm der Sähn vum Häär.


Der Herrgodd soll met üch sin.

Allbeienein: Un och met dir.

Pastur: Godd, unser Vatter, der Quell vun all unserer


Freud, schenk üch alle Zigg em Himmel un op Ääd
e Hätz voll Leev un Freud. Dozo sähnt üch, der
allmächtige Godd, der Vatter un der Sonn un der Hellige
Geis.

Allebeienein: Amen.

Entlassung:

Pastur:
Goht, halt de Freud un der Fridde. Halleluja, halleluja.

Allbeienein:
Mer danken unsem Häär un Jott. Halleluja, halleluja.
Seite 16
Schlussleed

(Melodie „Heimweh noh Kölle“ von Willi Ostermann)

Allbeienein:
En Köln am Rhing sin mer jebore,
mer han vill Freud en Hätz un Senn.
Mer lovven dich och all die Johre,
un möchten immer met dir sin.

Wenn mir su an dä Herrjott denke,


dann danke mir, im Johr für Johr
|: Hä deit uns Freud un Fruhsinn schenke
und trös och die met Ping un Troor. :|

Jevv Herrjott, dat mer nie verjesse,


en all dem Juja he die Lück,
die nit wie mir, sich künne freue,
weil sie et Leid zur Äd jeröck.

Wenn mir su an dä Herrjott denke,


un sinn die Welt mit all dem Leid
|: Dann rofe mir: Do muß jetz helfe,
die Minsche solle Fründe sinn. :|

Un müsse mir uns Stadt verlosse,


wenn do uns röfs zu dir erop.
Dann welle mir, ding Kinder, danke,
do bovve en uns Heimatsproch.

Wenn mir su an dä Herrjott denke,


hück all sing Kinder he op Äd
|: Dann wulle mir uns Hätz verschenke,
an alles, wat sing Evvenbild. :|

Seite 17
Sähn

Pastur:
Unser Herrgodd soll immer met üch sinn.

Allbeienein:
Un och met Dir et janze Levve.

Pastur:
Et deit üch sähne unse gode Herrgodd
Der Vatter, der Sonn un dä hellije Jeis.

Allbeienein: Amen

Pastur:
Goht jetz erus met Fredde em Hätze
un dä ka`mer deile.

Allbeienein:
Levven Herrjott danke.

Seite 18
Das „G“ im Kölschen

1. nach dunklen Vokalen: a, o, u, au wird das „g“ als „o-ch“


gesprochen.
Beispiele: Woog, Dag, Aug, Frog, Zog.
2. nach hellen Vokalen: e, i, ä, ö, ü, ei, eu, äu sowie nach l, r
im Auslaut als „i-ch“ gesprochen.
Beispiele: Kreeg, winnig, Wäg, lög, drüg, Deig, Zeug,
gesäug, Balg, Birg.
3. Das „g“ wird nach dunklen Vokalen (a, o, u, au)
auch als „r“ gesprochen.
Beispiele: Mage (Mare), froge (frore), Vugel (Vurel), dauge
(daure).
(Außer: es beginnt ein neues Wort, wie in Baugeröss oder
bei Silbentrennung in Fremdwörtern wie Biologie oder
Spagat.)
4. Am Wortanfang wird das „G“ / „g“ als J / j gesprochen.

Hinweis zur Rechtschreibung:


Zur Vereinfachung der Lesbarkeit wurde abweichend von der
üblichen kölschen Schreibweise vor allem in den Liedern häufig
"g" durch das zu sprechende "j" ersetzt.

Seite 19
Herausgeber:

Erusgegovve vun dä Faargemeind St. Pankratius


un dä Große Junkersdorfer Karnevalsgesellschaft von 1973
e.V., 50858 Köln-Junkersdorf

Quellen:
Konzept der „Mess op Kölsch“ der Vorjahre

Kölsche Mess in der Wallfahrtskirche St. Mariä Heimsuchung;


KG Rot-Schwarz „Jecke Märjelingener“ e.V. von 1989
(Marialinden)

Das Kölsche Wörterbuch, Dr. Christa Bhatt un


Alice Herrwegen, Akademie för uns kölsche Sproch,
Ausgabe 2005

Seite 20