Pawlpi leh Masuan by Khup Khen Thang

PAWLPI LEH MASUAN

By Khup Khen Thang

Thupatna

SDA Pawlpi le a Masuan cih SDA Believe laibu sunga khawkpi 12, le 13 bulphuhin, atomin anuai-
a bangin kong hawmsawn nuam hi. Tua sungah pawlpi icih bang hiam, a Acianlai pawlpi icih kua
te hiam? Tua te imasuan in bang hiam cih thupi thum ingaihsut diak dingin katel hi. Tua thu i
teltheih deuh nadingin tangthu khat tawh ipan ding hi.

Galngam tangthu: Galngam in aomna peuhah atonpih Uital khat le Zawhngeu khatnei hi, ci uh hi.
Galngam in Kumpinu kici khat tungah ciamnuih kam azat pen kumpinu lungkimloin, ciamnuih gal
suak acih danin hong om hi. Tua hangin kumpinu in Galngam bum hi. Tuaciangin Galngam' lutang
suangtumpi nih in tep hi. A ai omleh, tua suangtumpite tamkham sakin beisak thei ding hi. Tua
laitakin Galngam in a Ai kengloin inn ah nusia kha hi. Tua a ai ladingin amuanbel a Uital le
Zawhngeu sawlin, hibangin vaikhak hi: “Nong paikik ciangun Ai pen zawhngeu in akamsungah
ong kem hen. Ui in kemleh lampi ah mi mu leh tawngkha hamtang dinga, akamsung pan kiatsuah
ding hi,” cin limtakin vaikhak hi. Anih un “Lung himawh ken, vala nung e, Pu,” ci-in ai la dingin
innlam ah va ciah uh hi. A pu Ai va la in ong paikik uh ciangin, Uital in zawhthawhin ken kem
ning ci-in akamsungah tua Ai kem hi. Ong pai uha kipan Galngam lu atep suangpi pen abekbekin
kitam a lengkhia ziahziahta hi.

Ahizong luino khat tunga singluang kidawh azuih laitakun, khualzin mi honkhat tawh kituak uh
hi. Uital in a Ai keplam mangngilhin tawng kha mawk hi. Tua ciangin, akamsung pan ai kia in tui
in taisuksuk hi—tua kawmin Ai in “Kapu Galngam, Van Suangpi in tep e,. . .” ci’n ma’u suksuk hi,
ci hi. Apu Galngam pen a ai tawh kigamlata ahihmanin asuang zong kiam nawnlo hi, cin tangthu
om ngei hi. Pu Galngam' uital in a ma nasep ding athupi pen mangngilh aih manin a pu'n
gimthuak hi.

Adventists te in zong Pawlpi le Sepding Amasuan cih tawh kisai in pomdan thupi khat nei a, a
nuai a bangin I en ding hi.

I. Pawlpi

Pawlpi cih ciangin, SDA Pioneer te in SDA pen Pawlpi cinuam ngeilo zaw uh hi. Pawlpi kici leh,
Doctrines/Creeds bawlkul a, tua creeds/doctrines azuilo te sittel na le pua koihna in zui ding
ahihman in Europe gamte a biaknavai tawh bawlsiatna a omzia ngeina in ong zuikik ding hi ci uh
hi.

Tua manin Pawlpi cih kammal sangin, “Movement” " ki pan khia" cih kammal zang zaw uh hi.
Ahangpen, SDA pioneer-te in Tapidaw dangte neihloh, muhloh, tulai thuman tangko khiat ding
atuam vilvel khat nei uha, tua tangko khia dingin kipankhia (movement), cin amau le amau ki
minvawh uh hi.

1|Page
 Pawlpi leh Masuan by Khup Khen Thang

Tulai Thuman (Present Truth)acih nei uh a, tua "Tulai Thuman" i cih in bang hiam? cih leh :

1. Zeisus hong kumkik baih ding,

2. Misite in khua phawkna neilo,
3. Saturday ni pen Sabbath hi,
4. 1844 a kipan vantungah thukhenna kipan
5. Sasiang le sanin khennate ahi hi.

Hih thumante asang dingin lampial acih uh, Tapidaw (Sunday tang Protestants) te pen Babylon
acih uh upna manlote um te hi a, tua sungpan sapkhiat ding pen amasuan lianbel in seh uh hi. Hih
thuteng pen Vantungmi thum tangkona ci uha, Mangmuhna 18:4 zui-in Babylon pan sapkhiat
nading tangkona hi, ci-in pom uh hi. Babylon pen a puksa Sunday tang Tapidawte cihna hi, ci-in
um uh ahihmanin, tuate sung panin SDA ah alut dingin tangko belin nei uh hi. SDA pen
atuamvilvel mihon khatin kiseh uh a; Pawldangte tawh kizop le kisawhpawina pen Babylon
tawh kizopna bangin lipkhap uh hi. Tua manin upna doctrine tuam leh LST tawh kileh bulh
thute pulpit tungah gen ding phal lo uh a hih manin SDA te'n pawldang te pulpit luah ding
phallo uh hi. Tua bangin agen aom leh zong encik or hemkhia ; puakoih in paikhialhna lianpen
khat in koih uh hi.

Hun ong kikheeltoh ciangin, muhbeh le theihbeh tampi hong om ahih manin Pawlpi kipawlna
(Church Organization) hong kiphuan ahi hi.
Bang hang hiam cih leh
1. Pawlpi mi akhanna tawh kizui in kipawlna lo tawh ki buai gawp ding in Pasian
thu ki gen thei lo ding Pasian thu hoih kitangko zolo ding hi.
2. Munthak phutna panpih nang.
3. A citaklo pawlpi mite leh acitak lo Pasian nasemte khutsung pan pawlpi mite,
pawlpi neihsa le vante kep le dal theih nang in kiphuan hi. (Last Day Events p.46.1)

Tua manin Movement cih kammal sangin Pawlpi (Church) kammal hong kizangzaw ahihi.
Movement akicih lai in nasep masuan (Mission statement) mitsuan akilawhna hi-a, Pawlpi
(Church) kicih ciangin, damdamin, Kipawlna (institution) bulphuha kilawhna ahi hi.( Dr. George
Knight, Search For Identity, 2000 Chapter 1.)

1) Pawlpi icih bang hiam?

Mikang pau in “Church” cih pen German pau pan hia, “Kerche” ahi hi. German in hihkammal pen
“Kuriokon” pan alak ahi hi. Lai siangtho sunga “Church” acih ciangin abulpi MIHING ahihi. Thu
um mite pen OT in Qahal ci a, saptuamte cihna ahi hi. Tua in vaikhat peuhpeuh ading; a
kikaikhawm mihon khat peuh a genna ahi hi. Tua kammal Israel-te cihna in zong OT in zang hi.
NT sungah Hebrews pau in Qahal, Latin pau in Septuagint ci'n, Greek pauin Ekklesia (Ecclesias)
ci’n zong kizang hi. Thamloin, “Kuriokon” cih Pawlpi cihna kammal khat omlai hi. Tua kammal
khiatna pen “Kurios” cih pen “Topa” cihna hi. Tua manin “Kuriokon” cih ciangin “Topa
neihsate,” “Topa ate” “Topa tawh kipawlte” cihna ahi hi. Tua hi a, NT sungah Topa pen Zeisu hi
a, tua Zeisus tawh akipawlte in, “Zeisu nungzuite ahi hi—tuate in honpa le gumpa ; Topa' in Zeisu
asangte ahi uh hi.”(John 14:1-3; Sawl 4:12; )

2|Page
 Pawlpi leh Masuan by Khup Khen Thang

2) Pawlpi omzia:

Pawlpi pen pang(facet) nih pan ki en theia,

1. Muthei pawlpi(visible Church) le

2. Mutheihloh pawlpi (invisible church) ahi hi.

A khatna Muhthei pawlpi pen

1. Leitunga Pasian nasep nangin kipawlna
2. Pawlpi mi akhanna tawh kizui in kipawlna lo tawh ki buai gawp ding in Pasian
thu ki gen thei lo ding Pasian thu hoih kitangko zolo ding hi.
3. Munthak phutna panpih nang.
4. A citaklo pawlpi mite leh acitak lo Pasian nasemte khutsung pan pawlpi mite,
pawlpi neihsa le vante kep le dal theih nang in kiphuan ahihi. (Last Day Events
p.46.1) Kipawlna, Signboard, zum, minciaptehna sunga kihel mimalte hi a, tua
sunga om teng pen Seventh-day Adventist Church kici in tua sungah kipawl lo pi in
hih pawlpi hing kici thei lo hi. Tua in leitungah lungdamnathu tangko' ding masuan
nei-kipawlna ahihi (Matt 28:19-20). (Organized for service, Adventists Believe No
12, Section 7:1)

A nihna Mutheihloh pawlpi hi-a, akhangkhanga leitungbup a om, SDA te bek hilo, lungsim
thumaan tawh dingin a maan pawlpi atheih loh hangin leitung kiim le paam omzia tawh kituak in
thumaan le lungsim dik in a nungta te ahi hi (John 4:22-24). Hih thu tawh kisai-in A Hand book of
SDA Theology sungah kisim beh thei hi.

Hih ciangah pawlpi kipawlkhopna pen, thu-um mimalte nuntakna le kalsuanna ah, Pasian tawh
kizopna(upward), kiphungvuhna (inward nurtured), le sepkhiatna (outreach) teng, akikimin
akhantoh khopnading ngimna ahi hi. (Seventh-day Adventist Belief.1988. No. 12, Sv. “Organization
of the Church: The major function of church organization”).

Tua ahihmanin Pawlpi cih ciangin, kipawlna, biakna, biakinn cihte himasa loin, thu-um mite
Zeisu' sapkhiat mite ahi uh hi. (Theological Handbook of SDA, Bible Comentary Series, Vol 12,
Sv. Doctine of the Church; Seventh-day Adventist Belief. . . ., 1988. Sv. The Church).

Atomin gen le’ng, Pasian' pawlpi icih in Zeisu pen honpa le Topa in apom athu-uma; a ki tuiphum
leitunga om mimalte ahi uh hi. Tuate lakah SDA te in midang' neihloh Thupuak (message) nei-in ki
um uh a, tua masuan, up bek tawh phalo-in apuakkhia ding; atangko khia dingin Pasian in ong sawl
hi, cih ki um hi. (SDA Believe, No. 12:2 Organization of the Church 1. a. Membership
Qualifications.)

II. ACianlai pawlpi (Remnant Church)

LST a at nunung pen Mangmu pa John in hun nunung ciang; ahongpiang ding thute ki teltak in
honglak hi. Bekthamlo in Paul le Peter te in zong tam vei pi honghilh in ongphawng den uh hi.
Mite in koi lai ah Zeisu hong pai kik ding cih na om hiam ci ding uh a; a mau ut2 ci le sa' deih na
nungzui ding uh hi ci hi. Satan in tua Pawlpi lok gawp in " Galsim dingin kuan khia hi" (Rev.
12:17).

3|Page
 Pawlpi leh Masuan by Khup Khen Thang

Mangmu pa John in tua Acianlai Pawlpi (Remanat Church) te abangci mite hi ding hiam cih pen a
nuai a bang in gen hi.

1. Pasian thukham a zui mite (Rev 12:17)

2. Zeisu teci pan na a nei te
3. Khasiangtho hilh na /silpiak a nei a um te hi ding hi ci hi. ( Rev. 19:10)

Tua leh en hih a tung a thu nih or thum te i nei hiam? Tua bang anei te (Remnant Church) Acianlai
Pawlpi a hi hi. Sawltak Paul in tua mite in Zeisu hong pai kik ding angak tinten te hi ding a, Kha
Siangtho piak thupha ngah te a hi uh hi. (Korin Masa. 1:7-8, Counsel for the Church.; P 10.1)

1) Pawlpi' Masuan

Masuan cih ciangin sepdinga ibulphuh alian pen cihna ahi hi. Pawlpi kim le kipawlna kim in
masuan khatciat bulphuh hi. Tua lakah SDAte' masuan pen “SDA Mission Statement” sungah
kimtakin kigelh hi. Tua in ithumantelna tungtawn in kikoih ngimna ahi hi. Tua Statement pen;

Zeisus in anungzuite tungah “Note pai kawikawi unla, mikhempeuh nungzui suak sakun. Pa min,
Tapa min, Kha Siangtho min tawh na baptize un. Kei mah in note kong piak thukham khempeuh
azuih nadingun na hilh un.”(Matt 28:18-19). Hih pen Mission Statement' i thubulpi khatna ahi hi.
Pawl dangte in zong thubulphuh in nei uh hi. Hih bulphuhin Tapidaw pawlpi khempeuh in
lungdamna thu tangko ciat uh hi. Hih dawl ciang asem Tapidaw khempeuh SDA in pompih ahihna
GC Bylaws and Working Policy sungah, “Relationship to Other Tapidaws” cih thulu kiguan hi. (
SSD/GC Working Policy bu sungah akicianzaw in kisim thei hi.)

Tua behlapin SDA-te in Mang 14:6-12 bulphuh-in, vantungmi thum thupuak pen “pau khempeuh,
nam khempeuh, pawl khempeuh” tungah puak dingin ngimna nei hi. Tua in SDA kiphuhna abulpi
ahihi. Tua thu EG White in anuai abangin na gelh hi: “The church is organized for . . . missionary
purpose” ci hi. Hih message agelh laitakin pawlpi pioneers-te in ki organized ding pen tha ngahlo
uh hi. Ahangin pawlpi ki organized le Upna Thuguilet Creeds dan bawlkul dinga, tua hong
sanpihlote' puakoihna kisamzel ding aih manin, Europe gama biakna bawlsiatna nam mah ah
kitungkik mawk ding hi, ci-in khalau uh hi. Tua laitakin EGWhite in “Pasian nasep nading ngimna
tawh kipawlkhop/kilomkhop(organize) ding pen lunghiang kei un . .” cin han thawn hi. Tua
ciangin 1863 in ong ki organized uh hi.

Tua ahihmanin, SDA te pen Tapidaw lakah khat ahi hi. Adangte' neihloh Vantungmi Thum te’
Thupuak acih uh tangkonate leitungbup akizelh nading ngimna tawh leitung bup tuam in kipawlna
nei uh hi. Tua ki pawlna in bang ci bangin ki zop na nei hiam cih leh: A masa pen in Mimal;
Group/Company; Pawlpi; District/Circle; local Mission/conference or Section ; Union Mission/
Conference; Division; GC cih bang hi a, GC pen abulpi hi in aki zomto diudeu hi. Tua masuan a
mainawt nadingin pilna ; sanglam, zato lam, TV le Radio; Internet; Media Laihawm tuam2 cih te le
ADRA kici dongtuak Huhna le Domkangna lam cihbangin atuamtuam ki zom diu deu in nasem
khawm uh hi. Tua in SDA Pawlpi te ngeina; pom zia hi a; pawlpi khat tuam din’ tuam om mawk
mawk, Pawldang te bang in amau le amau sumzek in zang, ei leh ei ki uk(self goverment)cih bang
om thei ngiat lo in mompi bu (web) bangin akizom diudeu hi cih pen iphawk tawntung ding thupi
mah2 hi.

4|Page
 Pawlpi leh Masuan by Khup Khen Thang

Thukhupna:

1. SDA te in pawlpi cih sangin “movement” cih deih masa zaw hi. Ahang in Pawlpi kip khat
hih sangin tuhun ading thuman tangko khiat ding thupizaw hi ci-in ngaihsun uh ahihman ahi
hi.
2. Pawlpi cih pen Kipawlna (organization) masalo-a, thu um mimalte hizaw hi. Tua manin,
thu um mimalte kikholhna pen PAWLPI kipawlna ong suak hibek hi.
3. Thu um mimalte kikholh na sunga, kihelte in nasep nadingin athatang le a neihsa uh
gawmkhawm in nasem ding uh hi. Tua sunga, omlo, akhangkhanga thuman azui Pasian abia
khempeuh zong, thu umte hi a, muh theihloh pawlpi ahi hi.
4. Muhtheih pawlpi in a masuan ding, na dangte sangin, thumasain, a ngimna pen SDA
Mission Statement ci’n kikoih hi. Tua amangngilh leh a kamsung aa Galngam ai kep lam
amangngilh Galngam' uital tawh kibang ding hi. Tanglai Israelte in zong amasuan dinguh
mangngilhin thudangte a pikoih zawk manun, inn tanlawh liang saltan lawhliang in om uh
hi. Agahlo kung khempeuh kiphukin, agahsak mite tungah kipia hi.

Ei SDA amimal le kipawlna in zong I masuan ihihna abulpi pen ahi, vantungmi thumte’ tangkona i
kinkei leh, agahlo singkung bang ihi ding hi. GC president lui, Elder Folkenberg in ii nasepna pen
“motor buanlak awkbangin, apei akinawh pei mahmah hangin letmat khat zong akinlo bangin nasep
i manlah hangin lungdamna thupuak adingin masuan letmat khat zong kinlo thei hi” ci’n gen ngei
hi.

Tua manin ei SDA te in zong i thuman neih kisaktheih le angtan pih ding hilo-a, mite i hawp sawn
ding masuan thupi pen in inei hi. Tua adinga Pasian in pawlpi mimal kim tungah hong piak ii
talente, ii sum le pai, ii pilna, ii ciimnate khempeuh phaltak in piakhia in ipawlpi masuan ahi,
vantungmi thumte’ tangkona dingin zangh ciat ni.

References:

1. Seventh-day Adventists Believe . . . . An exposition of the Fundamental beliefs of the

Seventh-day Adventist Church. Chapter 12, 13.
2. Last Day Events p.46.1
3. A Theological Handbook of SDA. Commentary Series vol. 12. Review and Herald
Publishing, 2000. SV. “Doctrine of the Church.”
4. Dr. George Knights, Search for Identity, 2000?.
5. GC of SDA Bylaws and Working Policy.
6. Counsel for the Church P 10.1

5|Page