ESTAMBOL 9 TAMUZ 5769 1 JULYO 2009 ANYO 5 NUMERO 53

La Kulturas no Tienen Frontieras

KAREN GERSON SARHON / ESTAMBOL
karensarhon@gmail.com
esta anyo todas las aktividades estan
konsentradas en el tema de ke Es-
faradi, kurdo, laz, cherkezo, bulgaro,
suryani etc etc.- kuando echamos un
ojo a los diferentes aspektos de todas
estas kulturas individuales, vemos ke
en biviendo endjuntos sienes de an-
yos, todas las frontieras se desapa-
resieron. En la muzika, en la komida,
mizmo en las linguas, ay un interkam-
bio fasinante i al final dingunos no es-
tan pudiendo dizir por siguro, “esto
es miyo, akel es tuyo”.
Un seminario muy interesante al
kual partisipi komo konferantista fue
la serie de aktividades sovre la “Komi-
da” organizada por la Universidad de
Boğaziçi el 19 de Junio. Todas las po-
nensias estavan interesisimas porke
todos estavan avlando de komidas i
de tradisiones relasionadas a la komi-
da ke a todos mos vino familiar. Este
uzo ke tenemos mozotros por eg-
zempyo, de ofreser dulse a los mu-
safires kon kucharas de plata i kupas
de agua se konto por kaji todos los
partisipantes. Kada uno pensando ke
el uzo le aparteniya estuvo sorpren-
de mezes ke tenemos son tomadas del
grego, komo “garato, lakerda, tarama
ets.” Ama yene ay egzempios enfren-
te de los kuales mos kedimos kon boka
avierta. En lo ke estava avlando yo, les
konti ke mozotros los judios utilizamos
las ojas del pandjar (ke se yama tambien
chukundur o kuchunugurya) i azemos
borekes maraviyozos de estas ojas. Oy en
diya de verdad es ke es muy difisil topar
pandjar kon ojas en los supermerkados
porke aki les kortan las ojas i las echan
al chop! En este un senyor Dağdeviren
ke es el patron del famozo restorante
“Çiya” en Kadıkoy se alevanto i disho ke
en el sud-este del payis eyos utilizan las
ojas del pandjar i lo yaman: “chukundur”!
Kedi kon la boka avierta! De ande les vi-
no este nombre a sus lingua? Este mo-
do de egzempios me fasinan i me azen
pensar ke de verdad en la kultura no ay
frontieras. Si se va salvar el mundo en el
futuro, sera via las kulturas sin frontieras,
via los elementos ke tenemos en komun
ke mos aserkan. Espero ke este dia ven-
ga presto presto...

Komo en kada anyo los mezes de
Mayo i de Junio en Estambol son yenos
de aktividades kulturales porkeel tiem-
tambol es una kapitala de kultura, una
de las mas importantes en el mundo.
Por esto lo mas de las aktividades de
este anyo tienen este mizma tema i
munchos keren mostrar ke en Estam-
05
dido de ver ke i los “otros” azen o azi- MOSE GROSMAN
yan la mizma koza. Un meze ke todos
azen, las “dolmas yalandjis” afilu ke se “Ken Rova le
Rovan”
gizan un poko diferente en kada kul-
tura, los ermenis kon mas espesias,

po es una maraviya, ni frio ni kalor, las
rosas estan enfloresiendo, la natura se
esta renovelando i el vedre de los ar-
voles esta briyando de su kolor freska.
Estambol es yeno de turistos en esta
sezon, ay konsertos, festivals, egzibi-
siones, ekskursiones i seminaries.
bol todas las kulturas se krusan. Des-
de miles de anyos esta ermoza sivdad
muestra fue la kapitala de imperios i
por esto lo ke eredamos sovre la kul-
tura es una rikeza inimajinavle.
En indo a munchas de las aktivida-
des esto viendo ke aunke todos los ke
07
los muzulmanos mas sekas, los gre- ESTI SAUL
gos i mozotros los sefardis kon mas
limon, el rezultado es ke a todos les Nedim Saban
plaze las yalandjis, komo ke sean giza-
das. Es un meze del Imperio Otoma-
no ke mos kedo komo erensia, i no es
importante ken es ke lo invento.
MICHAEL HALEVY

La Komunidad
14
El anyo 2010 sera muy importante
para Estambol porke empesando de
partisipan tienen una etiketa de una
manera o otra – grego, ermeni, se-
A lo ke mos konserna a mozotros,
yo vide ke munchas de las palavras
Djudia de
Belogrado 16
ASLAN I.
PALACHI
17
Aki Yerushalayim kumplio sus “Kedma”

30 anyos de Publikasyon EDMOND

COHEN
18
19
La grande dedikasyon i perseverensia de muestro amigo Moshe Shaul i su kolega Zel-
da Ovadia i un ekipo de eskritores dedikados a la lingua Judeo-Espanyol izo yegar a Yom Aatsmaut
la maraviyoza publikasyon Aki Yerushalayim a sus 30 anyos. Es el dover de todos los
Judeo-Espanyol avlantes de apoyar a publikasyones asi. El numero espesial se puede
obtener de: Gözlem Kitap (0212-231 92 82) (kitabevi@salom.com.tr) o de Moshe
Shaul el mizmo en Israel (judeospa@bezeqint.net). Los felisitamos de korason i les
ISAAC HASKIYA

Muestras raizes
22
las tenemos en
auguramos vidas largas asta los 120! el djep
SALOM GAZETES‹’nin ücretsiz ekidir

02 9 TAMUZ 57 6 9 - 1 J U L Y O 2 0 0 9
EL PONTE
El Shamash R. Hayim Bueno i Derecho
MOSE S. PALAÇİ / ESTAMBOL
Ay anyos ke no tomo la pendola por eskrivir en
la prensa. Ke este en buenas oras el buen amigo
i buen eskrivano Sinyor Moshe Grosman A’Y’ me
entosego la sangre i me izo achetar a ke me meta
a eskrivir.
Este Sinyor aziya apareser una vez al mes el
“TIRYAKI” en el kualo aviya eskrito unas kuantas
vezes. Le refuzi en primero savyendo ke la pen-
dola komo la alguenga es el mijor i peor enstru-
mento. El ensistyo dizyendome ke es un dover
de arebivir i espandir el Judeo Espanyol. En kurtas
palavras el me konvensyo i me desidi de darvos
un pasaje ke meldi de el livro “AAVAT HAYIM” de
Ribi Menahem Menashe A’A’ nasido en Bursa i ke
emigro a Israel.
Keriya avlarvos de faktos ke se estan pasando
el diya de oy. Me vino al tino el refran: “Tatlı ye tatlı
söyle” “Kome dulse i avla dulse”. Por Sheehiyanu
empesare kon palavras i sujeto dulses
Un Rav teniya un shamash yamado R. Hayim
Bueno i Derecho. El resiviya de el Rav una mezada
muy poka. Porke el Rav era prove. Portanto el
Shamash teniya kuatro ijos i mirando ke no esta
puedyendo alkansar a los gastes de su kaza, le
demando permisyon de el Rav por ir i mirar a ganar
un poko en otra sivdad. Ayi avryo una botika de
bakkal, le adelanto el mazal i tuvo la parnasa mas
anchura. El Rav teniya una ija regalada i la Robisa
de el diya ke la paryo empeso a meter de un lado
lo ke le sovrava de los gastes de kaza. Kuando la ija
ya alkanso la edad de espozar, reusho la Robisa a
rekojer una suma de sesh mil liras para
ashugar i dota. Se les prezento
un mansevo ke melda yes-
hiva de buenas kualidades
i dyeron hatima de boda
en enterval de tres mezes.
La Robisa avryo la kashika
por empesar a gastar a los
menesteres de la boda, i ke
ve? La kashika esta vaziya
enteramente.
Se fue eya a el Rav su mari-
do: “Akel Shamash ke lo teniyas por
tan onesto el se rovo la moneda. En
desparte de el i mozotros no ay mas
ninguno en esta kaza. I la preva ke el se
rovo, ke se fuyo de la sivdad i ken save
ande se topa el?”
Le respondyo el Rav: “Has veshalom no
supsones en personas djustas.” El Rav mira
de kalmarla i eya empesa kon gritos a peleyar.
Dos tres diyas le fue komyendo la miga del meoyo
de el Rav asta ke salyo a bushkar a el Shamash, no
tenyendo otro remedyo.
Fue kaminando i bushkando asta ke lo topo en
sentro de un grande kazal. El Shamash kuando lo
vido de enfrente koryo a su enkontro, lo bezo i lo
abraso, i le kayo lagrimas de los ojos de ver ke el
Rav no esta de kara alegre.
“Ribi ke es la kavza de su vinida?” le demando
el Shamash. El Rav tambyen empeso a yorar i
apoko apoko le konto ke se rovaron lo ke teniyan
Komo muestra autora Klara Perahya esta en vakansas vos
prezentamos un muevo autor en esta pajina este mez.
ekonomizado para la boda de sus ija.
Le disho el Shamash: “Ribi, Ribi!... Yo demando
su perdonansa por ke peki kon el Kriyador i kon
su mersed. Yo so el ke se rovo; el ke atorga i se
arepyente es perdonado. Yo pensava pagarselo
antes ke se apersivyera. Ma por regreto no tengo
pronta toda la moneda. En este momento kuatro
mil liras me se topa en mano. Tome agora su mer-
sed este montante i kon ayuda de el Kriyador,
en el mas kurto tyempo yo le vo trayer el
restante a su kaza.”
El Rav lo fue mirando kon enkan-
to. Le disho a el Shamash: “R. Hayim
no me agas entrar en dubyo de
sospecharte; porke yo ya se ke sos
persona ke tyenes espanto de los
syelos.” El Shamash ensistyo en
su dicha i dandole las kuatro
mil liras lo mando a el Rav
kon grande alegriya.
Kuando arivo a kaza
i le konto a su mujer lo
ke se paso, la Robisa se
le suvyo mas muncho
en la kavesa i le disho:
“Si yo no te forsava tu no
te ivas a irte; mira komo
mis palavra eran djustas i yo
tuve razon!”
Pasando dos diyas, empesaron a azer emple-
yos para los menesteres de la boda. Sobito dos
polises vinyeron a yamarlo a el Rav a la polisiya…
El Rav ya se le troko la kolor de la kara porke el no
konosyo en su vida lo ke es polisiya. Los polises
ya se apersivyeron ke el Rav se tomo espanto. Le
disheron kon muncho respekto: “Sinyor Rav, ke
no se espante; solamente el komiser tyene de
demandarle unas dos kozas. I el Rav se fue en sus
kompanyiya.
El Komiser le demando: “Sinyor Rav, a usted le
manka de su kaza un grande montante?” El Rav
no supo ke responder?!.. I el Komiser le deskuvryo
la verdad, ke apanyaron a un borrachon i el es el
ladron. I ansi se paso la koza…
Serka de aki un Judio tyene una botika onde
vyenen a bever. I este ombre ke apanyimos
viniya kada diya demanyana i beviya emprestado
kon kondisyon de pagar despues. Ay unos kuan-
tos diyas esta mezma persona empesa asentarse
de demanyana asta la tadre a bever i embora-
charse i kombidar a bever a la djente ke pasan, a
su kuento, i reglar de vista todo lo ke fue bevido.
El patron de la botika vido ke el borracho tyene
la aldikera yena de moneda, vino a dizirmos ke
puede ser ke el se rovo. Lo trushimos aki i vyen-
do ke no esta avlando le dimos dos chaketones
i nos konto la verdad ke el se rovo sesh mil liras
de la kaza del Rav, komo avryo la kashika i mas…
El gasto fin agora kinyentas liras i le kedaron en
el sinko mil i kinyentas liras. Ke las tome i vaya a
su kaza!...
El Rav vino a su kaza i empeso a yorar kon
amargura en dizyendo: “Guay de mi, kualo ize yo?
Ribi Hayim, ombre derecho para el Kriyador i para
las kriyansas, kualo ize yo? I entre myentes subito
lo topa a Ribi Hayim el Shamash en frente de si
kon la moneda en la mano. Le konto el Rav lo ke le
paso por la kavesa. Estonses le disho el Shamash:
“Ribi, Ribi!...Yo ize esto i me arebashi, para ke
su mersed no se estrecheye i no se averguense…”
Kuando esto sintyo el Rav, se alevanto i pozo en la
kavesa de Ribi Hayim sus dos manos i lo bendisho
en dizyendo:
“Ke el Kriyador le de grande rikeza i ke la ere-
den sus ijos i ijos de sus ijos; reyes, ministros,
kondes vengan a demandar de eyos emprestimo
de moneda…”
A el Shamash le nasyo de su ijo un inyeto
yamado Hayim ROTHSCHILD ke es el fondador de
la famoza banka i renomada en el mundo.
 TRADISYONES 9 TAMUZ 5769 - 1 JULYO 2009 03

La Fey de Pinhas
GAD NASSI / HERZELIA
nassig@zahav.net.il
Durante los kuarenta anyos ke
el puevlo de Israel estuvo arodean-
dose en los kampos de Sinay, es al
Trivo de Levi ke fue dado el dover
de tener kargo del Tabernaklo.
Aaron ke apartenia a este Trivo,
fue el Rabino en Kapo. Nadav i
Avihu, sus dos ijos behores, fueron
nominados a suksedarlo en esta
tarea. La Biblia konta ke por no
aversen konformado a las reglas de
asender el insenso del Tabernaklo,
Nadav i Avihu fueron devorados
por su flama.
En esto, Moshe se adreso a
Aaron, por la boka del Dio:
La seduksion de los Ebreos
porlas ijas de Median i de Moab.
“Figures de la Bible”, P. de
Hondt (publisher), The Hague,
1728. Marked G. Hoet del./P.
Sluiter fecit.
aparejando a pasar a la riva oksi-
dental del Rio Yarden, Balak, el Rey
de Moab, se avia muncho meri-
kiado en pensando ke estos ivan a
atakar a su payis.
Entonses, mando sus emisarios a
Balaam, ke era un profeto i un ichi-
zero, para ke enkoraje a sus solda-
dos i ke maldiga a Israel.(*) Portanto,
Balaam no puediendo maldizir al
Puevlo del Dio, konsejo de seduizir
a los Djudios i detornarlos del Dio
kon un pranso preparado por los
Medianites. Aunke los puevlos de
Median i de Moab fueron de siem-
pre enemigos, se unisaron en fren-
te del perikolo de Israel.
Kuando Israel se avia aresentado
en Shitim, los Djudyos avian empe-
sado a tener relasiones kon las ijas
de Median i de Moab, ke los insita-
ron a devuarsen a sus dios i a parti-
sipar a sus seremonias orjiastikas.
En esto, una epidemia -pro-
bablemente una maladia veneral
transmetida por las Medianitas-
avia esbrochado. I kuando el
puevlo se estava lamentando, un
Djudyo trusho delantre de Moshe
i del puevlo a una Medianita a su
tienda.
Kuando Pinhas apersivio esto,
se alevanto en supito i tomo una
lansa. Entro a la tienda ande los
dos estavan endjuntos i transperso
sus puerpos. En segito, la epidemia
ke, entretiempo avia matado ven-
tikuatro mil personas, se kedo.
El Dio avlo a Moshe:
“Toma la vengansa de los ijos
de Israel por lo ke los Medianites
kavzaron. I despues seras unido a
tu puevlo “.
Moshe se adreso a su puevlo:
Pinhas
destruyendo
el sanktuario de los “Armavos
Medianites para la
gerra, i para
kombatir a los
Medianites i para
vengarvos del dio de Median. De
kada Trivo de todos los Trivos de
Israel, toma mil soldados para
gerreyar.”
De este modo se arekojo dodje
mil soldados, mil de kada uno de
los Dodje Trivos, i kon eyos, Pinhas.
Moshe los mando a gerrear,
i estos kombatieron a los
Medianites. Mataron kon sus espa-
das a todos sus ombres i a todos
los reyes de Median: Evi i Rekem,
Zur i Hur, i Reba, endjuntos kon
Balak, el Rey de Moab. I los ijos de
Israel tomaron por kaptivos a las
mujeres de Median, kon sus krea-
turas, i se regalaron de sus vakas
i kodreros, i de todo lo bueno ke
tenian.
De mismo, kemaron a todas
sus sivdades i a todos sus kastilios.
I Moshe, i Elazar el Rabino, i todos
los prenses de Israel salieron ade-
lantre para resivirlos.
***
Moshe, el mismo, no dirijo
esta gerra, porke kuando se avia
refujiado en Median en fuyendose
de Ayifto, se avia kazado kon una
Medianita.(**)
La leyenda konta ke kuando
Pinhas se avia revoltado achakes de
la muerte de 24.000 mil personas
kavzada por la epidemia, avia disku-
tido kon el Dio de esta injustisia. I
kuando los andjelos kijeron aleshar-
lo, el Dio lo avia defendido:
“Deshaldolo, el es un devuado i
el desendiente de un devuado”.
Es Pinhas ke avia defendido
de bever vino aparejodo por los
ajenos, porke los Medianites avian
uzado de sus vino para seduizir a
los Djudyos. Pinhas fue de mismo
uno de los dos espiones ke Yoshua
iva mandar mas tadre a Yeriho,
antes de konkistarlo.
(*) La Bendision de Balaam, El Amaneser,
VI, 51, Mayo 6, 2009
(**) Moshe en el Payis de Median, El
Amaneser, IV, 38, Avril 2, 2008.

“Va amostrar mi santedad a los
ke se aserkan de mi, i sere glori-
fikado delantre de todo el puevlo”.
Moshe ordeno de kitar del sank-
tuario los puerpos de Nadav i de
Avihu. Despues se adreso a Elazar
i Itamar, los dos ijos mansevos de
Aaron:
“No deshesh ke vuestros kave-
yos se alargen i no arasgesh vues-
tros vistidos... Toda la Kaza de Israel
se endolyera por la flama ke el Dio
asendio. I la bendision del Dio sera
kon vozotros”.
Despues de la muerte de Aaron,
Elazar, su treser ijo, tomo su lugar,
en tanto ke el Rabino en Kapo. De
Elazar nasio Pinhas.
Kuando los Djudyos se estavan
Embiyados por:
KUENTOS DEL “MEAM LOEZ” Matilda KOEN-SARANO / paz3@zahav.net.il
El kaminante fatigado
(Kuento de R. H. Pontrémoli)
Un ombre estava kaminando por kamino, i se kansó mun-
cho de kaminar kon sus pies, ke no tenía azniko; disho:
“Yeyí ratsón (sea veluntad) ke me manden un azniko de
los sielos.”
Akea ora pasó por ayí una presona ke le parió su aznika
un azniko; le disho a dito:
“Toma este azniko; kárgale en tu ombro, ke nasió agora.”
I (él) no tuvo remedio, i lo kargó en su ombro. Disho:
“Esto me lo kulpé yo, ke no demandé klaro ke me apare-
jen de los sielos un azniko para suvirme yo sovre él, i siendo
avlé serrado, me aparejaron un azniko para kargarlo yo sovre
mi ombro.”
Ilustrasyon: Roz Kohen Drohobyczer
04 9 TAMUZ 57 6 9 - 1 J U L Y O 2 0 0 9
LO KE MELDAVAN MUESTROS PADRES
El Telegrafo Edisyon de martes 19 Sivan 5652 – 14 Junyo 1892
Lo Ke Meldavan

Los Eskorpiyones Muestros Padres

Transliterado por: RIFAT BIRMIZRAHI / ESTAMBOL
rifat@bmed.com.tr
El eskorpiyon apartyene ala klasa
de los animales ke tyenen una mala
reputasyon. Este animal no apa-
rese en las ovras de los eskritores
mas ke en kompanyia de unos
apetites poko flatozos.
Preto eskorpiyon, afrozo
eskorpiyon, eskorpiyon fones-
te. El profeta Yehezkel lo em-
pleyo komo termino de kompa-
rasyon komo kolme de maldisyones
alos malos. Kuando se kere dezenyar
una persona danyoza, lo asemejan al eskorpiyon
rondjando su tosigo sovre su pasaje.
Un livro maraviyozo
ke kontyene artikolos
La modreduda del eskorpiyon parese en de diversas gazetas ke
vezes mortal en los lugares kayentes de la meldavan muestros
Afrika i de la Indiya onde biven las mas grandes
padres; artikolos
espesyas, las embras paren guevos, apena ke
los chikitos salyeron de los guevos, eyos tradusidos al Turko i al
se suven sovre la espalda dela madre Ingles kon los orijinales
ke los transporta kon si. en Judeo-Espanyol.
Los eskorpiyones de la Evropa,
son todos de chika taya kon-
frontamente alos dela Amerika Para enkomendar, eskrivi a:
i de las Indiyas. Las punchadas kitabevi@salom.com.tr o enkomenda de:
de los eskorpiyones evropeyos, www.gozlemkitap.com
malgrado el espanto ke kavzan,
no son mortales. Por tanto estas
punchadas prosen en vezes unos yado de sudores. Se melezina estos aksidentes
aksidentes desgradavres. Antes de todo kon el empleyo del amonyak en las dozas en-
una enflamasyon lokal mas o menos biva dikadas del mediko, seya en aplikando sovre la
endjimyento. Despues vyene la fyevre, vomitos i parte punchada seya en bevyendo algunas gotas
un tremblamyento jeneral del kuerpo akompan- meskladas kon agua.

YEHEZKEEL, Kap. 37. (Aftara de Shabat i Pesah)

Los guesos resekados pueden rebivirsen?

Embiyado por: ELIEZER PAPO / BEER SHEVA
andaluz@bezeqint.net
La mano de Dios i su espiritu divino
me kitaron i giaron sovre un kamino,
onde admirava los sharmos de la natura
subito yegi a una muy vaste yanura
ke prezentava una vista atristante
poko agradable i mucho enteresante:
guesos umanos resekados i dezazidos
por todas las partes eran ayi esparzidos.
“Ijo de ombre! pueden rebivirsen estos guesos,
i ajitarsen i moversen sin entropesos”?,
me pregunto el Eterno kon un maestozo jesto.
“O Dio”, respondi, “Tu solo puedes saver esto”.
“Profetiza dunke sovre eyos”, me disho El,
“gratales! Sentid loke dize el Dio de Israel:
Vozotros guesos sekos i envejesidos
guesos ruinados, poliados, amofesidos
vozotros vos vash rebivir i vos vash menear
kon un viento de vidas ke Yo vo azer soplar.
Yo vo azer kreser sovre vozotros niervos
i karne freska sovre eyos vo metervos;
enriva de todo are espander el kuero
de sorte ke se formara el kuerpo entero,
i de los sielos mandare un espirito
ke vos soplara i vos rebivira subito.
Entonses konoseresh ke Yo so el Eterno
ke ama sus kriados de amor el mas tierno”.
I yo profetizi segun komando de Dios,
subito senti gritar kon una fuerte boz,
i una grande tempesta le sigio luego,
paresiendo inchir el mundo entero de fuego,
i a mi enkanto los guesos se menearon
i kon grande prisa uno del otro se aserkaron.
En un segundo formaron kuerpos enteros
kon niervos, kon karnes i kon kueros.
El espiritu de vida les mankava solo
restava dunke el viento a jugar su rolo.
Entonses salio akeya boz emperativa
i grito torna kon fuersa de ayi ariva:
“Ijo de ombre! Profetiza por el viento
profetiza ainda en este momento!
I dizile: Ven viento de kuatro partes del mundo,
sopla fuerte i rebive en un segundo
estos miliones de kuerpos inanimados
ke estuvieron deperdidos i atemados”.
Yo profetizi segun orden del Poderozo,
I kuanto fue alegre, kuanto fue orozo
de ver soplar subito un viento rebiviente
ke trusho el espiritu a akeya jente. -
Devista se levantaron akeyos muertos
i se metieron en pyes dispuestos i alertos:
Era una afluensia muy muy numeroza
una multitud ajitada i ruidoza. -
“Ijo de ombre! me avlo de nuevo el Dio
estos guesos reprezentan el puevlo judio.
Este puevlo dize: “Nuestros guesos se sekaron,
todas nuestras esperansas se amurcharon,
estamos atemados, estamos perdidos” -
ma tu profetiza por mis ijos keridos.
Dizles: sentid el dicho del Dio de la kriasion!
Yo vos vo delivrar de la eksterminasion,
en avriendo kon prisa vuestras fuesas eskuras
i aziendovos suvir de sus profunduras,
para restabileservos en la tiera de los judios
onde tomaresh torna el nombre de Dios.
I de los sielos mi espiritu vash resevir
kon el kual milagrozamente vos vash rebivir
vash morar sanos i alegres en vuestra tiera
kada uno debasho su pera i su igera
entonses, mi puevlo, konoseras a Adonay
ke te mostro la mas grande maravia ke ay”.
El no mankara de sostener su prometa
segun lo aze dizir de su profeta.
Traduksion libre por: Nadkantor ALTARAC
Jevrejski život, num. 152, 1927
SIMON GERON / SYDNEY, AUSTRALIA
simongeron1@hotmail.com
LOS ANYOS EN LA AUSTRALIA 1961-2005
EL PUEVLO ELEJIDO
Kuando la vida de un Judio esta en peligro, dize
SHEMA ISRAEL,
I despues dize ADONAY ELOENU, ADONAY
EHAD.
Una manera de afirmar ke el Dio es Uno, i en El
kreemos.
Kuantas vezes en la istoria mos tornimos a EL,
TODO PODEROZO, YENO DE PIADAD I
BENDICHO.
Kuando estamos kontentes, alavamos al Dio,
Kuando viene el mal, pensamos ke es por el Bien.
Bendizimos al Dio por los privilejios akordados,
Ayudamos a los proves, sigiendo las Leyes
tambien.
Los Judios nunka piedreron la Fey i la esperansa,
Manteniendo la identidad mismo en siendo
torturados,
Indo atras miles de anyos de eksperiensa.
Kuando todos se metian kontra eyos, los Judios
tornaron al Dio,
Deklarando al mundo ke eran EL PUEVLO
ELEJIDO.
LAS PALAVRAS SHEMA ISRAEL FUERON UNA
INSPIRASION
PARA MI EN TIEMPOS DE PELIGRO.

Agonev Min Aganav Patur:
“Ken Rova le Rovan”
MOSE GROSMAN / ESTAMBOL
grosman@gmail.com
En esta kalor pensi kualo ke eskriva.
Me vino maraviyas al tino. Dishe vos
eskrivere la konsejika de la “gaya”. Me
esta paresyendo ke la gaya se kriyo
para los Sefaradim de Estanbol. Mas
no lo puedesh topar en otra sivdad.
Nikoli era el ijo de un kotdonyero, ke por falta
de enstruksyon deviniya un ijo mal elevado.
Dizde ke el tyempo a tener 13 anyos, su mas
grande penseryo fue akel de devenir un famozo
eskarvador de aldikeras.
Paseyandose en una de las mas grandes
kalejas de Perio, Nikoli se aviya embezado a rovar
el portmone de la aldikera sin ke el patron se
sintyera. Munchas vezes la Polisiya lo arestava i lo
kondanava por estar algunos mezes en prizyon,
ma apenas el saliya afuera ke de muevo empes-
ava su ofisyo.
Una manyana, Nikoli rodeava una de las plasas
de Atina. El ve un pretre ke saliya de un magazen
kon un pezgado portmone en su mano i ke lo
guadrava en su aldikera. Kon grande vagariza el
se va detras del pretre. Mete sus dos dedos en la
aldikera i bushka a travar el portmone pezgado.
Dichozamente, el pretre se syente, apanya la
mano del ladron i kon una ojada agra le demanda:
- Ke bushka tu mano en mi aldikera?
Nikoli trublado i temblante no puede respon-
der. Kon grande pena el diziya:
- Sinyor Pretre, piyadad vos rogo! Son kuatro
vezes ke durmo en prizyon. I si esta ves me ares-
tan, mi pena sera muy fuerte.
El pretre miro al ladron de los pyes a la kavesa
i respondyo:
- Si me permetes de tener tu piyadad por mi,
vo tener i yo.
- Vo lo prometo disho Nikoli, sin entender
nada.
- Una ves ansi, kamina kon mi. I los dos om-
bres ke konosemos se ivan en djuntos.
Aviya djusto tres anyos ke Nikoli aziya el ofisyo
de ladron kuando el pretre se lo yevava kon el a
su eglisya. Ayi, el le aziya ver ke es pekado de su
manseves, ke su fin iva ser las prizyones si konti-
nuava este echo.
En una palavra, Nikoli fue konvensido i aban-
donando su mizeravle ofisyo, el pretre lo tomava
kon el por deshiplo, el empesava a embezar a
meldar i el joven entendyo la vida sigun era me-
nester, echava todas sus fuersas a este muevo
ofisyo.
***
Kinze anyos se aviyan pasado, el joven ladron
no era mas akel sempl Nikoli ma Papa Nikola. El
aviya devenido el kapo de una eglisya, despues
EL KANTON DE MOSE
Me disheron ke sale i en un otro lugar.
Se koze kon avramila. I la avramila
me embezi ke sale solo en Turkiya.
Si no me enganyaron, “No puedes
toparla en otro lugar” me disheron…
I si se topa puede ser en otro lugar,
ayi no konosen la gaya. Kere dizir ke
la gaya kon avramila es komida para
los Sefaradim de Estanbol. I si se
ke su protejador aviya murido.
Asentado sovre un minder en su kamareta
asolada, el no saliya del todo a la kaye porke dizi-
ya ke era pekado. En el kavesal de su minder, el
teniya un livro sovre el kual el meldava syempre i
una ora de grande valor ke el guadrava debasho
del kavesal.
Kuando uno keriya perdonarse los pekados,
era al Papa Nikola ke deviyan adresarsen. Apunto
el los aziya asentar a djinolyos delantre su minder
abokava su kavesa sovre el pekador, mirava la ora
i le ordenava de deskuvrir sus pekados i en kada
pekado deskuvrido, Papa Nikola iva meldando i
de esta manera los pekados desparesiyan.
***
El nombre de este pretre empesava a es-
pandirse en la sivdad. Todos aziyan sus elojyos i
alavavan tambyen la ora valutoza ke el teniya.
Un ladron, del mezmo ofisyo del Sr. Papa
Nikola, sintyo avlar de esta ora tan valutoza i kon-
9 TAMUZ 5769 - 1 JULYO 2009 05
adjusta un poko de limon, kualo ke
vos konte? A kuanto esta el kilo? Koza
ke mete la mano el Judio, landre le
vino. Se vende kon la borsa de oro.
En estas kalores kreygo ke no vash a
kerer meldar la istorya de la Gaya…
Vos prezentare una eskrita de Eliya R.
Karmona ke es el grande maestro del
Judeo Espanyol.
versando kon sus amigos de ofisyo, les komu-
niko el dezeyo de rovarselo.
- No lo puedes, le disho un kompanyero. Es
un ombre Santo i es grande pekado.
- I la ora es santa?
- No!
- Alora, es la ora ke me vo rovar i no el Papa…
Sotiri, ansi se yamava el ladron, metyendo su
projeto en idea, se dirije de la
parte de la eglisya onde el papa Nikola era el
kapo.
El entra de un ayre seryo se enklina delantre
del Papa, le beza la mano i le roga de perdonarle
los pekados.
- Asentate a djinolyos, ordena el pretre.
Sotiri se asenta, syempre rogando sus mira-
das debasho el kavesal.
- Ke pekados tyenes echo? Demanda el mue-
vo Santo.
- Munchos!... Tengo vazyado kuatro aldikeras,
rovado la moneda de una mujer bivda ke teniya
munchos guerfanos, i en ultimo lugar me tengo
rovado la ora de un pretre.
Papa Nikola aboka su kavesa i lo tomo a per-
donar.
Myentras este tyempo Sotiri metiya la mano
debasho el kavesal i se rovava la ora.
Los pekados perdonados, Sotiri se retiro en
regrasyandolo.
Kual no fue el enkanto del pretre, despues de
medya ora, kuando el bushko la ora i ve ke se la
rovaron.
- Mizeravle! Esklamo el, me rovaron la ora!
A esta ekspresyon su vida de manseves le vino
al tino. El se akodro de los ladronisyos ke el tuvo
echo i esklamo entre si:
Tengo echo tantos ladronisyos!... Tengo rova-
do tantos portmones… I si una ves me rovaron
la ora, no es muncho. Ken rova, le rovan.
El Cugeton
Direktor Redaktor
ELIYA R. KARMONA
Jurnal Umoristiko ke se karisha en todo.
İstanbul, Merpuççular, Salih Efendi Han No. 11
26 Tamuz 5670
Transliterasyon del Rashi en esta kalor: Por Moshe
Grosman
06 9 TAMUZ 5 769 - 1 JUL Y O 2009
ARTIKOLOS

La Sinagoga de Tekirdağ
COYA DELEVI / ESTAMBOL
Benezra de Rehovot, amigo de chikez i tambien lo sovre la Sinagoga de Tekirdağ. A su retorno
vizino en Tekirdağ. Me akodro ke yo djugava del viyaje, mi primo me konto ke este lavoro
“üç taş” (tres pyedras) kon su ermanika, Ester es komo una “reproduksyon” del Kal, kedando
Una en mil, komo dizen, no me imajinava ke Benezra, en el kortijo de mi Tant Sarina. Anyos fidel al mas chiko detalyo.
iva azer un tal artikolo. Fue por un orozo azardo despues me ambezi ke la Sra. Estreya Benezra En el presipyo de Junyo, resivimos de Israel
ke se formo este teksto sovre la Sinagoga de ke konosi tambyen, fue la direktrisa de la Eskola un chiko paketiko de la parte de Sr. Benezra.
Tekirdağ ke malorozamente no egziste oy. Tuvo Alliance de Tekirdağ*. Tambyen, adjusto i un mesaje redijido en turko.
tambyen lugar en mis rekuerdos de chikez, asta Keridos amigos, syempre digo, el azardo En avyendo el paketo, vide una foto mostran-
el anyo 1945. Despues de akel anyo, no me fui a mos aze djugos, mos enkanta! El Sr. Benezra do el enteryor de la Sinagoga de Tekirdağ.
la sivdad natal de mi madre, komo uzava a ir ande le amostro a mi primo un tablo ke estava pin- Naturalmente es la fotografiya de la pintura ke
mis avuelos maternal para pasar las vakansas. tando el propyo i kaji serka de kompletarse. Su realizo Yaakov Benezra. Reelmente un dokumento
En 1951 me espozi i djuntos mis djenitores i mi primera entisyon (ke no realizo) era de mandar echo a la mano, par konsekuensa muy presyozo
novyo mos fuimos a bezar la mano de mi Nono la fotografiya del tablo a unos sinyores apare- i puede ser uniko. No kero egzajerar en dizyen-
Nisim ke ya era bastante aedado. En este kurto jando un lavoro sovre las Sinagogas de Turkiya. do ke es uniko. No se si ay otras fotos de esta
viyaje, del 51, tadre de vyernez mi padre se fue No alkanso. Fue kismet miyo de azer un artiko- Sinagoga. Aki el mesaje del Sr. Benezra, tresladado:
al Kal de Tekirdağ, djuntos mi novyo dizeremos.
Par konsekuensa, i el tuvo la shans de konoser la
Sinagoga istorika.
Agora me esta dizyendo ke se akodra aver
abashado un yukush antes de arrivar al bodre de
mar. Egzakto. La Sinagoga era al bodre de la mar,
i komo lo dishe mas arriva, tyene un lugar en mis
suvenires. Si no me yerro lo yamavan Kaynama
(no se deke) este lugar ande entravamos a nadar.
Me iva kon mis primas mas grandes, a ken me
konfiyava mi kerida Nona. Para eya yo era la inye-
tizika de Estambol, en una manera un “emanet”
ke deviyan tomar kudyo!
Sin alesharme del sujeto esensyal, kero tornar
al anyo pasado. En el sityo Ladinokomunita (fon-
dado por Rachel Amado Bortnick i ekskluzivamen-
te en Judeo-Espanyol) enkontri mesajes deman-
dando informasyones, fotografiyas ets. sovre
esta Sinagoga. Yo, kon el eskopo de pueder res-
ponder, me aderesi a mis primos ke bivyeron en
Tekirdağ, asta ke vinyeron a Estambol en kazan-
dosen. No alkansi a un rezultado satisfezyente
akel tyempo... Mi primo Moiz Nasi, a ken me aviya
aderesado, bive aktualmente en Estambol. Es ijo
de mi tant Sarina (de b.m), ermana grande de mi
madre. El fue en vezes kompanyon de djugos
en mis enveranos de Tekirdağ, i oy en diya mos
kontinuamos a ver en famiya. Moiz djugo un rolo
importante en la formasyon de este teksto...
Keridos lektores, por siguro ke avra entre
vozotros algunos ke meldaron en “EL Amaneser”,
los artikolos de Eti Alkanlı de Berkeley U.S.A. Entre
eyos, “Novyas Alivre”, “En Ortaköy”, “En Tekirdağ”
ets. Yo los meldi kon entereso i plazer. Los nom- “La Sinagoga de Tekirdağ fraguada antes munchos anyos al bodre de la mar,
bres sitados, seya de personas, seya de lugares, era un inkomparavle edifisyo istoriko. Myentres la konstruksyon del kamino
estavan muy konosidos para mi, komo familyar, Estambol-Tekirdağ (a la oriya de mar) en 1958, esta fragua la derrokaron kom-
ma ke manera? No supe akel tyempo. Ma oy,
un poko ya lo se, aun ke me manka unos, dos
pletamente. En pintando esta ovra istorika asigun la tengo biva en mi memorya,
pedasos del “puzzle”. En esto todo, la alkunya perkuri a kedar fidel a la ansyana arkitektura orijinal, afilu en los detalyos mini-
Benezra fue para mi komo un “point de départ” mos. En la Teva, se esta vyendo muestro valorozo Rav de entonses, Rav Hayim
i oy esto meldando de muevo los artikolos de Sidi (de b.m). A esta okazyon esto dedikando mi pintura a todos los amigos i
Eti. Ya se ke nasyo despues del “Varlık” i ke mas
paryentes Tekirdağlis. Aki kero espesyalmente rengrasyar mi amigo de chikez, mi
o menos es 8-10 anyos mas chika ke mi. Asigun
mis deduksyones, Eti deve ser sigunda prima vizino Moiz Nasi, por su buena veluntad de ayudarme.
de Yaakov Benezra (nasido 1931) ijo de Estreya Yaakov Benezra - Mayo 2009 Israel”
Benezra. Le rogo a Eti de responderme...
Bueno, mi primo Moiz izo un viaje a Israel
En metyendo el punto final, kero ekspresar mi kontentes de aver reushido, despues de largas
antes unos kuantos mezes. Vijito al Sr. Yaakov
bushkidades.

* Asigun me tengo enformado, l’Alliance de Tekirdağ no kontinuo muy largo tyempo i se serro.
 AMA­NE­SER KON AR­TE 9 TAMUZ 5769 - 1 JULYO 2009
07

NEDİM SABAN
Prestijiozo i reputado aktor, produktor, rejisor de programas de radio, televizion.
Nasio en 1967 en Estambol. Sinyo munchas piesas i resivio nombrozos premios,
a partir de 1976 kuando gano un premio de UNICEF kon una piesa infantil ke
avia eskrito a los 9 anyos. Despues del Liseo Robert College, estudio teatro,
sinema i televizion en los Estados Unidos (New York University). Gano una burs
(beka) kon su teza sovre: The Maids de Jean Genet i Ghosts de Heinrick Ibsen

ES­TI SA­UL / ES­TAM­BOL

es­ti­sa­ul2@gma­il.com sando a este senario.”

Puedes azermos saver ke son tus

Unas kuantas de sus ovras:
Teatro:
Le Diner Des Cons / Lost in Yonkers /
Zeki Müren Muzikal
Produktor:
Sheer Madness / Şen Makas
Visiting Mr. Green / Salı Ziyaretleri
Televizion:
Dating Game / Saklambaç / Family Feud / Süper Aile /
İkinci Bahar / İki Oda Bir Sinan / Dr. Stress
De retorno a la Turkiya (1992), no solo fundio su
teatro Tiyatrokare, ma tambien sus negosios i firmas
de alimentasion reputadas: Nesa Gıda A.Ş. i Tombak
Gıda A.Ş. Estas markas de dulsurias propias a la Turki-
ya son “A ne pas rater”. Un arte kulinario.
Kerido Nedim Saban, meldamos en la gazeta
Cumhuriyet del mez pasado una otra reushita tuya i
mos glorifikamos de tus performansas literarias i ar-
tistikas: “Saban finalisto en Ingletierra. Saban, kon su
senario “Black Butterfly” ke prezento en inglez, gano
el konkurso “Euroscript”. Solo 19 ovras ganaron, en-
tre 1300 senarios prezentados, la sola ovra estranjera
la de Nedim Saban. Los produktores se estan entere-
projektos en el futuro?
Despues del premio ke gani en Ingletierra, penso
konsakrar mi tiempo a produsir ovras dramatikas.
En estos dias, ay en la Media una polemika kon-
sernando el sinema i el teatro. Mos dizen ke el sine-
ma se esta enfloresiendo, ma el teatro no...
Puedes aklararmos en este sujeto?
De vez en kuando, se pensa ke ya paso la moda
del teatro. Ma el teatro esta en pies i rezio desde
2000 anyos. Siguro ke se esta bushkando... komo en
todo modo de arte, komo servir la umanita, komo
reflektar el ombre.
Antes unos kuantos anyos, el teatro aprovo de
kompetir kon el sinema, de alkansar a su teknolojia.
Se produsieron algunos muzikales muy estranyos.
Oy de muevo se meten en shena produksiones
simples. Ma estas polemikas sierven a mantener
muestro arte bivo.
Me permetes de kontar la istoria i eskrivir el sujeto?
Siguro ke si.
Suetamos a Nedim Saban la kontinuasion de
sus suksesos. Siempre ke se le eskapen todos
Nedim Saban komo artisto visitante en la ovra de
los bilyetos.
Beaumarchais, “La Boda de Figaro”

Synopsis de Black Butterfly

El kampo del geto de Terezzin
resivio miles de kreaturas en la
Sigunda Gerra Mondial. En Chekos-
lovakia, estas kreaturas, desinan-
do, eskriviendo poemas, pudieron
retardar la muerte. Ma transferaron
sus estados obskuros a sus desenes:
Nuves pretas, jiganteskos animales,
papiyones ke engluten los umanos,
mos demostran komo los jovenes
son malorozos i angustiados.
Eva, ke bivio en el geto en esta
gerra, reusho a salvarse del Olokosto.
Supo ganar su independensia en
ofriendo su puerpo a un ofisier SS.
Pokos dias antes de la fin de la gerra,
matando a todos los prezentes, es
ansina ke pudo kontinuar a bivir.
Eva en el geto desino papiyones
(maripozas) para kalmar su pena...
Kuando abandono la Chekoslo-
vakia, bivio en un kazal de Polonya.
Tuvo una vida sin amor, komo si
asperava la muerte. No se paso
bueno kon sus vizinos. A parte de la
rutina de kada dia, no tenia dinguna
esperansa de la vida. Estuvo gerre-
yando kon si mizmo i las personas
ke la entornavan. No desino, no
meldo, ni frekuento un sinema. Su
sola amiga fue Lilianne ke, grasias a
los psikiatros Parisianos, supo kalmar
su amargura. Lilianne i Eva nunka no
se vieron ni se enkontraron, solo se
avlaron por telefono. Al kontrario de
Eva, Lilianne tuvo una vida ordenada.
Tuvo una ija ke engrandesio i prepa-
ro al jurnalismo.
Esta jurnalista un dia supo ke en
Londra se iva avrir una ekspozision
de arte del Olokosto. No tadro a
saver ke los papiyones de Eva ivan
a tomar lugar en este evenimiento
artistiko. Ma Eva, keriendo efasar su
pasado, no aksepto a ekspozar sus
tablos: Dinguno no tenia derecho de
profitar de las sufriensas del otro.
El kurator de la galeria, Pablo,
despues de la muerte de su pa-
dre, por la primera vez, iva azer un
paso independente. Iva ekspozar
la koleksion de arte de su padre
ke era guardian de un muzeo. Su
padre era un alkoliko ke maltratava
su famiya, aharvava su mujer i su
ermana.
Kuando Pablo, de Arjentina viene
a Londra para preparar el vernisaje,
Eva lo bushka i amenaza de matar-
lo, si insiste a ekspozar los desenes
del geto. Ma Pablo esta desidado a
kontinuar kon su projekto. Pensa ke
es una responsabilita umana de azer
saver al mundo entero, la salvajeria.
Sovre esto, Eva ke despues de la
Gerra, nunka se avia salido de ande
bivia, ni suvido al treno, se prokura
un revolver, lo inche de munisiones.
Avian pasado munchos anyos. No
se espanto ni de suvirse al treno, ni
mizmo de akodrarse de los anyos de
desesperasion.
Akompanyada de la jurnalista
Parisiana, toman el kamino de Lon-
dra. Eva esta desidada de kometer
el akto asesino. Se dan randevu kon
Pablo en un restorante de Londra.
En este enkontro del kurator kon
Eva, se supo ke este padre ke era
guardian de muzeo, era en realita
un kriminal de gerra. El mansevo,
grasias a Eva, rezolve el problema
oskuro de su padre shizofreniko
i alkoliko, sovre todo de su poder
material. No solo esta persona era el
SS ke supo profitar de Eva; la kolek-
sion de arte ke se apatrono eran los
chiyos de las kreaturas ke perieron
sus padres, madres i sus dinyitas.
En ambezandose la realita,Pablo
refuza de azer la ekspozision de
tablos akaparados,rovados.
Una vez kalmada, Eva oyendo la
realita de la mala vida ke Pablo bivio,
desida ke este mansevo era tambien
un Papiyon Preto: Pablo avia meresi-
do de realizar su objektivo.
Eva retorna a su kazal, malgrado
ke pensava no meter mas pie para
bivir ayi. En kamino echa el revolver.
08 9 TAMUZ 57 6 9 - 1 J U L Y O 2 0 0 9
MUEVA PUBLIKASYON
Dolores Sloan - The Sephardic Jews of Spain and Portugal
Una mirada mueva i diferente
a la istoria sefaradi
RACHEL AMADO BORTNICK / DALLAS
rachelucha@gmail.com
Lo mas de mozotros jeneralmente tomamos
en mano livros de istoria, no para meldarlos de
una punta a la otra, si no ke para tomar enfor-
masiones spesifikas ke tenemos de menester.
Ma agora, el livro muevo sovre los Sefaradim
en los siglos XV i XVI, puede ser una eksepsion,
por el stilo o de kontar (o eskrivir) de la autora
Dolores Sloan. Del primer kapitolo, titulado “On
the Eve of the Expulsion: Visiting Sephardic
Homes in 1492” (Djusto antes de la Ekspulsion:
vijitando kazas sefaradis en 1492), ke vemos la
diferensia. Aki se arrebiven en muestra imajina-
sion las personas, los lugares i los evenimientos
deskritos, i aboltamos las ojas para meldar i
saver mas. El livro tiene tambien fotos de doku-
mentos, pinturas, lugares, ets. ke mos ayuda a
entender, i saver, i imajinar.
Algunos personajes famozos (Isaac Abravanel,
Abraham Zacuto, Luis de Santangel, i Grasia
Nasi) konosemos mas de serka, porke kada uno
tiene un kapitolo entero dedikado a el/eya,
ande los titolos mezmo inkluyen una fraza ke da
un sinyo de la emportansia de la persona. Por
egzemplo: “Isaac Abravanel: Basta Mi Nombre
ke es Abravanel!”; “Abraham Zacuto: From
Discovery by the Stars to a Crater on the Moon”
(Del diskuvrir de las estreyas asta un krater en
la luna.)  Verdadmente ke ay un krater (crater)
nombrado Zacuto en la luna. Las enforma-
siones en “Luis de Santangel: Spain’s Disraeli and
Converso Bridge to the New World” (El Disraeli de
Espanya i el ponte Converso al Mundo Muevo”)
son bazadas en un livro en espanyol de 1935 ke
nunka se traduizo al inglez i por esto para mi fue
uno de los mas enteresantes kapitolos en el livro.
Ya savemos ke en los siglos indikados, los
Djudios de Espanya i Portugal sufrieron perse-
kusiones i ekspulsiones, ma este livro no mos
konta la estoria de una manera “lagrimoza”. A la
kontra, topamos aki un “focus” en la kapasidad
de sovrebivir de los Djudios, malgrado todo lo
ke paso. Este tema mezmo se ve en el suti-
tolo del livro, “Survival of an Imperiled Culture”
(Sovrebiviensa de una kultura en perikolo.)
El kapitolo ande topamos los egzemplos
konkretos de la sovrebiviensa de la kultura
Sefaradi trata de “las dos diasporas” - Turkia (El
Imperio Otomano) i Brazil - ande los Sefaradim
muy presto formaron komunidades muevas,
i algunos suvieron a grado de tener enflu-
ensa grande en el governo i/o en la povlasion
del pais. Esto siguramente paso en el Imperio
Otomano, i aki se mensiona los medikos de
la famiya Hamon, el famozo mediko Amatus
Lusitanus, i siguro la “Giveret” Grasia Nasi, Yosef
Nasi, i figuras literarias. Ma iva ser mijor si se
inkluiya aki mas enformasiones emportantes.
Por egzemplo, no se mensiona ke la primera
emprimeria del Imperio Otomano se fondio
en Estanbol en 1493, por los ermanos David i
Samuel ibn Nahmias, imigrantes de Espanya. No
se avla de las varias kehilot establesidas por los
imigrantes, lo mas kon nombres de los lugares
de ande vinieron.
Kuanto a Brazil, aki se trata de los djudios ke
se avian konvertido al Katolisizmo por fuersa en
Portugal, yamados konversos, anusim, kripto-
djudios, o muevos kristianos. Eyos kontinuaron
a bivir komo Katolikos porke avia la Inkizision
aki (Amerika Latina aparteniendo a la Espanya
o Portugal) tambien. Los ke pudieron retornar
libremente al djudaismo fueron solo los ke se
toparon en la sivdad de Recife (Brazil) kuando
eya fue konkistada por la Hollanda, i kuando de
muevo la sivdad paso en mano de Portugal en
1654, 23 djudios se fuyeron kon barka al norte i
yegaron a New Amsterdam, ke es el New York de
oy. Aki formaron la kehila Espanyola-Portugeza
Shearith Israel, ke egziste dainda oy, kon el rab-
ino aktual Marc D. Angel, de famiya de Turkia i
Rodes. Los istorianos jeneralmente konsideran
estos los primeros Djudios del norte Amerika, ma
Sloan dize en su livro ke esto es yerro, porke de
antes uvo munchos muevos kristianos ke entra-
ron a la area ke oy es New Mexico en los Estados
Unidos, kuando se fuyeron de la Inkizision en
Mexico en traversando el Rio Grande. Es ver-
dad ke munchos de estos kontinuaron kon sus
tradisiones sekretas bazadas en el Djudaismo
(ensender kandelas Viernes la noche, degoyar
animales al stilo kasher, no komer puerko, ets.)
ma eyos no formaron komunidades Djudias ni
bivieron komo Djudios aviertamente, i por esto
es kestion ke se puede diskutir.
El optimizmo de la autora sovre el avenir del
djudaismo, eksprimado en el ultimo kapitolo
(“Endurance, Persistence, and Identity: Insights
from the Sephardic Experience” (Rezistensia,
Persistensia, i Identidad: lisiones de la eksperiensa
sefaradi) es bazado en grande parte en el fakto
ke munchos desendientes de los anusim en las
Amerikas i Portugal aboltaron a sus raises djudias
en konvertiendosen (o retornando) al djudaismo,
o identifikandosen komo djudios. Tambien
puevlos poko konosidos kon raises djudias,
komo el Lemba en Afrika, i los Bene Menashe
en India, ansi ke munchos non-djudios (komo el
trivo Abayudaya de Afrika) ke se konvertieron al
djudaismo, i se konvertien kada dia, da fuersa a
su optimimzmo. Mezmo la “asimilasion” ke egz-
iste oy no es un menaso tan grande, mos dize
eya, i sita una investigasion ke topo ke djudios
non-relijiozos o de famiyas “mikstas” mantienen
siempre el sentimiento de ser djudio. Es klaro ke
aki entramos en la kestion de “ken es djudio?”
Este livro es una investigasion bazada en
munchos livros i artikolos publikados, sea en
papel o en sitios del Internet, sin utilizar mun-
chos “manaderos primarios” (primary sources.)
Ma kreygo ke mezmo el ke ya konose la istoria
puede topar aki kozas muevas. Para mi, una
de estas aparese en el “Appendix”: la poezia
larga de Judah Abravanel (ijo del famozo Isaac
Abravanel) lamentando su ijiko ke fue mandado
a Portugal i ayi konvertido por fuersa (traduk-
sion del ebreo por Raymond Sheindlin.) Tambien
me agrado la alavasion de Isaac Abravanel ke
kompozo la autora en forma de la resitasion de
dayenu en la Agada de Pesah. (p. 51-52).
Kon todo su bueno, el livro tiene faltas tamb-
ien. Sin mensionar las enformasiones ke mankan
(ke todo el ke konose la estoria puede topar),
ay i siertos yerros, aunke chikos, ke no devia de
aver en un livro. (Egz: la traduksion de la fraza
“Neviíim Rishonim” p. 49, esta yerrada, deve ser
“First Prophets); siertos biervos en ebreo komo
giveret i dayenu estan mal eskritos, i la sivdad en
Israel es Tiberias i no Tiberius, ke es el nombre
del emperor Romano.)
En todo, “The Sephardic Jews of Spain and
Portugal: Survival of an Imperiled Culture in the
Fifteenth and Sixteenth Centuries” es una buena
entroduksion a la istoria de los Sefaradim. El stilo
de kontar i el optimizmo de Dolly Soan sovre el
avenir del puevlo djudio, son kozas ke mos dan
plazer en meldando este livro. Esperamos ke
las kavas linyas del teksto, ke son los biervos de
Mark Twain, el famozo eskritor Amerikano, van
a ser siempre verdad: “All things are mortal but
the Jew. All other forces pass, but he remains.”
(Todo es mortal, salvo el djudio. Todas otras
fuersas pasan, ma el keda.)
Dolores SLOAN
The Sephardic Jews of Spain and Portugal
Survival of an Imperiled Culture in the
Fifteenth and Sixteenth Centuries.
Jefferson, North Carolina.
London: McFarland & Co., 2009.  
(240 pajinas, $45. ISBN 978-0-3817-4) 

Luís de Santángel
Adaptado por: GAD NASSI / HERZELIA
nassig@zahav.net.il
“... En tributo a su kontribusion al viaje de
Colon, su imajen parese en monumentos i
estatuas en Valencia, Granada i Barcelona. De
otra parte, en los ojos de Isaac Abravanel i de
otros, ser konverso i reushir, era un fenomeno
ke devia de ser blamado. Eyos eran konvensi-
dos ke estos konvertidos eran traidores de sus
fey i oportunistos en la bushkidad de ganansias
finansieras i sosiales. Portanto, el Djudaismo
mos ensenya la klemensa por los anusim, ake-
yos ke fueron forsados. El teksto de Kol Nidre,
el ofisio sakro la noche de Yom Kipur, el Diya del
Remorso de la Fey Djudia, espaja de los nom-
bres de los konversos la lista de los pekadores,
de mismo ke lo aze i por kada ombre i mujer,
ke avia djurado por fuersa:
“Konsernando todos los nedarim, djuramien-
tos, prohibisiones, obligasiones i antemas ke
prometimos i djurimos, i ke interdiktimos sovre
mozotros, desde el dia de Kipur pasado asta el
dia de Kipur el este, ke mos vino por bueno, i
asta el dia de Kipur el sigiente, ke mos vendra
kon paz... mos arrepintimos:
Muestros nedarim no seran mas nedarim,
muestros djuramientos no djuramientos, mues-
tras obligasiones no obligasiones, muestras
antemas no antemas, muestras interdiksiones
no interdiksiones.”
La kongregasion despues demanda ke sea
veluntad ke sean baldados i perdonados:
“Ke sean perdonados todos los ijos de
Yisrael, i todos los pelegrinos ke biven entre
eyos, porke es yerro de todo el puevlo.
Un Djesto Inolvidavle
Era elevo, apenas teniya kinze anyos,
Su kara triste, su vistimyenta de vyejos panyos,
Kaminava para vender kozas a kriaturas,
Bonbones, djugetes, balas, lapes i minyaturas.
Desde su chikez ke kedo sin arimo, sin padre.
Biviya una vida modesta djuntos su madre.
Un dia se sintyo kanso, sin fuersas, fatigozo,
Estava komo hazino, abatido, sin gozo.
Kaminava debasho de akel sol muy kayente,
Las kayes eran asoladas, no se viya djente.
Vido una mujer en su puerta trikotando
De vez en kuando a los pasharos migas echando.
Kon su timidez se aserko i kon su boz kalma
Tuvo el koraje i le disho lo de su alma.
“Senyora esto kansado, siento muncho la kalor.
Puedo rogarle un vazo de agua por favor?”
La mujer kompasiva, kon su korason umano
Le trusho torta i kon vazo de leche en mano.
La rengrasyo de alma, kon sus ojos lagrimozos,
Estuvo muy tokado de sus biervos tan ermozos.
MUEVA PUBLIKASYON
El Konverso en el Servisio del Rey i de
la Deskuvierta del Mundo Muevo
Adaptado de “The Sephardic Jews of
Spain and Portugal” por Dolores Sloan
Perdona, te rogo, los delitos de este puevlo,
segun la grandeza de tu mersed i komo perdo-
nates a este puevlo desde el esklavaje en Ayifto
asta aki.
I en la Tora (Humash) eskrive: “I disho
Adonay, ‘Perdoni segun tu palavra’.” (Bamidbar
14,20).”
Munchos desendientes de los konversos,
retornando al Djudaismo, asperan estos byer-
vos kon gratitud i sulajamiento, kon la espe-
***
Los anyos pasaron muy presto, la mujer umana,
Biviya sola, sin marido, sin una ermana.
Estando en peligro de muerte, la transferaron
A un ospital d’otro territoryo la yevaron.
La sensya de la medesina s’apliko en eya,
En su kama siempre dormiya en kolor de teya.
Radyografias, tomografias, operasyones
Dias i noches, sin avrir los ojos, kon pasyones...
Despues de semanas se salvo de sus agonias
Retorno a su salud d’antes i sus alegrias.
Le trusheron la faktura antes de su salida,
Se sintyo un golpe enorme, su kara palida.
La suma komo si fuera una fortuna era.
Ekspliko kon boz tremblante su situasyon vera.
“No se preokupe por el pagamiento, Senyora.
Deve kudyarse i estar alegre... Porke yora?
El profesor Mayerson mos desho una nota -
Su pago fue echo kon vazo de leche i torta…”
HAİM VITALI SADACCA / MONTREAL
9 TAMUZ 5769 - 1 JULYO 2009 09
ransa de alivianarsen del pezgo de sinko siglos
de kulpabilidad asosiado a un sentimiento de
no apartener a kualker parte. “Los jentiles ke
biven kon mozotros” son i eyos inkluidos en la
amnistia en un igual paridad kon los Djudios ke
profesan.
Luís de Santángel se avia reziliado en la dile-
ma umana, ke los Sefardis avian afrontado en
la edad mediana i en el emprano edad moder-
na, i fue kapache de deployar su devosion i
un alto nivel de performansa en serviendo su
famiya, el rey i su payis. Sugjeramos ke sea
konsiderado entanto ke la personifikasion de
la trajedia de los Djudios ke se konvertieron
al Krisianismo basho la presion i el espanto. El
fakto ke el mizmo i sus antesedentes fueron
kapaches de mover esta trajedia en la direksion
de sus interesos susito la admirasion i en su
tiempo, la sensura de sus viejos korelijionarios.
Progresivamente, estamos observando de
muestros dias - en la media popular, en kon-
ferensias akademikas, en el lenguaje de kada
dia - i a traverso numerozas personas de asen-
densia Espanyola i Portugeza, la investigasion
de sus jenealojia i del rezultado de sus pro-
priedades de DNA, la bushkidad de una posivle
asendensia Djudia.
Luís de Santángel i su projenitura parese de
menos en menos una estoria del pasado i pare-
se de mas en mas una aktualidad en el konti-
nente de las Amerikas, en las montanyas i sivda-
des de Portugal i de Espanya i en los sentros de
la diaspora Sefardi en la Evropa i la Asia.”
Fuente: Dolores Sloan, The Sephardic Jews of Spain
and Portugal, Survival of an Imperied Culture in the
Fifteenth and Sixteenth Centuries, Mc. Farland &
Company, North Carolina and London, pp. 98-100
10 9 TAMUZ 57 6 9 - 1 J U L Y O 2 0 0 9
REKUERDOS
La vendedora vido negras i no buenos, no
a ri­za”
La Kama
ag­
r im
­ a, un tuvo mas pasensia kon mi, yamo el patron. Esta
“Una l RIVKA
persona, kon un aksento inglez, se asento a mi

SK ONTA lado. En primero me amostro un livro sovre la

LO KE MO
RIVKA ABIRY / HAIFA
Un dia, en medio de la semana, mi famiya
en el ajeno se les enfinko la idea ke yo devo
merkarme una kama mueva. Antes de todo me
ize de la sodra. Les di el kamino. Ma ensistieron.
Yo ancho ize. Finalmente me izieron la kave-
sa un davul. La kama!… la kama! No me estan
deshando repozo. De mismo me metieron “au
fait accompli”. Me izieron bushkar en el “Internet”
el adreso de una renomada firma, de topar el
magazen ande se venden kamas, me ensenyaron
kon una harta komo se puedo topar el magazen
- todo areglado, todo djusto, todo muy efikache,
todo vale la pena.
Ama en mi kavesa klavo no entra. Anyos esto
durmiendo en mi kamika, ke esto auzada. Noche
por noche eya me aresive, me kayenta, me desha
pasar la noche kon suenyos, kon mis ansias, kon
mis penserios. Si kero deskansarme, me echo
i me repozo. Es un plazer de entrar entre las
savanas limpias i de kontentarme. Ay tiempos ke
apreto mi kavesa al kavesal i desho a mis lagrimas
kayer sovre el.
No saliendo abash kon mi famiya, me meti
a bushkar el magazen. En entrando ayi, vide los
espasios imensos i los modeles diferentes de
kamas, en kolores diferentes, para dos personas,
para una persona, para bebes, para aedados. Me
se avrieron los ojos. Me shashereyi. Ke bolluk, ke
rikeza!!! Era difísil de eskojer un model espesial.
Komo no avia mushteris, la vendedora me tomo
de la mano i pishin me izo, ansina komo era vis-
tida, echarme sovre una kama, para eksplikarme
su tipo. Naturalmente el mas grande marafet de
todas las kamas era el motoriko i su komanda a
distansia, para alevantar la kavesera, para meter
las piernas en alto, i todo esto para durmir mas
ferah. Del primer lecho me fuyi a pie deskalso,
kuando oyi el presio. Se estan takileando de
mi??? La segunda, no me plazio, ke si el motor se
rompe en medio de la noche, me vo kedar kon
la kavesa enkolgada, o las piernas alevantadas. La
tresera kama era dura piedra, ke en alevantando-
me la demanyana, seria sigura kompletamente
entavlada. Tambien, entendi ke en eskojendo
otros modeles de kamas, los presios ivan pujar fin
a los sielos.
fabrika i de los proprietarios. Kontinuo su diskor-
so kon los avantajes de la kama i despues avlo
de la anatomia del puerpo umano i de la medula
espinal. Los otras temas eran los bebes, las muje-
res en los mezes de alkavo del prenyado, ansi ke
las personas aedades. Esto no hue una boka, esto
hue una makina. Yo mirando las yaves ke tenia
en su mano, empesi a bushkar una pozisyon mas
buena, porke mis ojos se estavan serrando i me
senti averguensada.
En este punto, el demando si ronko. Ke per-
sona impertinente… “Naturalmente” le dishe.
“Durante mis anyos kazados, mi marido se fuyo
de la kamareta de echar, por modo de mi ronkar.
Kuando mis ijos me kombidan a un otel, eskojen
para mi una kamareta en el piso lo mas alto, para
no oyír el ronkar mio.”
“Si es ansina, Hanum, aboltate, i no vas a
ronkar”.
Bashtune - kon plazer. Ize komo me ordono,
i eskuchando su avladero monotono, i la muzika
de sus yaves ke el estava meneando, topi una
pozisyon mas ferah, serri los ojos i poko a poko,
sin sentirlo, sin saltanat, me... endormesi.
Kuando me esperti, me alevantaron 6 brasos
de la kama, me asentaron en una siya, me dieron
a bever un kafe, me miraron kon ojos de amor i
me Me kedi muda... Me arogaron de venir kada
dia, kuando ay mushteris i de demonstrar en
“bivo” komo de bueno se durme en estas kamas,
sin ronkar. Yo fue por eyos ugurliya i una de la
mas buenas reklamas.
Torni a kaza kon los mokos enkolgandos.
Ama mi kamika ke no me manke...

Pimyenton, charleston, biberisyon i atmasyon!

SHAROPE BLANCO / ESTAMBOL
Sharope.blanco@gmail.com
El ladino tyene un korason muy
ancho... Le plaze inchirse kon toda
manera de byervos zurzuvis! Por
ande lo travash, aya se va… riyen-
do... i todo le yakisheya... Ke lo
bueno miyo!
Al ladino lo mas le plaze komi-
das, mezas de fyesta, un mupak/
kuzina gloryozo, mujeres lokas por
ser elegantes, musyus kon chape-
yos i vistidos echos ande shastres
alavados... kreaturikas intelijentes ke
te demandan kozas mas de lo ke les
puedes responder i una umor sin fin
kon konsejikas ke no te deshan
ni durmir, porke no puedes
serrar el livro! (Esto
meldando el livro
de Matilda
Koen
Sarano!)
Oy
tenemos
pipinos...
pardon pimyentos en el menu!
Pimyentos dishe? Ke verguenza!
Pimyentones!
“No, no, pimyenton!” Ya lo topi i
lo vo aferrar para ke no se fuyga!
“Pimyenton, ven aki... Al lado de mi!”
Ya esta aki mirandome kon ojikos
vedres:) Flakito i alto, me esta azien-
do del ojo!
Tyene una famiya... Ayyyyy, ke
me esta avlando! Lo oyesh?
“Me yamo pimyenton i esto
namorado de la tomat:) blondas o amariyas i las mas dulses kon sal i ajo i un poko de agua... Ya
En vezes me kizdireyo (me inyer- son las koroladas kayadikas... Las ke no son muy aver livyanos! Largos... mas
vo) i kemo la boka de la djente porke estudyaron kedaron vedres! Esto es... godros de mi, ma mas delgados de
solo pensan a kemarme bivo en la Todas estas se uzan para las mijores las ijas de mi tiyo.
lumbre o en el gas! La azete de oliva salatas ke plazen a los ombres! En lugares serka del sol, ande se
amaha mis dolores i kon ajo so tan Las vedres delgadas i godras son tosta el benadam, tenemos inye-
savrozo ke la djente se olvida ke ay buenas para inchir. Las mujeres las tizikos, inyetizikas, tiyas i nonos...
otras komidas de komer! inchen kon karne o aroz i sevoya, Estos son chikichikichikitikos ma
Tengo una famiya muy grande. adjustan pinyones i uvas sekas, ver- kemaaaaaaaaan!
Las ijas de mi tiyo, de la parte de mi dura... Las Dolmas! Son nombradas Los yaman la pimyenta!
madre, son todas godras. Se yaman las ijas de mi tiyo, eh? Oyveeeeeeeee ke malos ke son! Mijor
pipirushkas i no keman:) Tyenen kolo- Tenemos en la famiya los “char- no avlar de eyos, ke ya me kemi solo
res ermozas porke se van al kuafor lestones” tambyen. Eyos baylan de nombrarlos! Pretos i korolados i
kada nada! Unas se azen kolor de noche i diya! No saven kemar i tye- blankeyados... Aya ke esten!
berendjena kaji pretas, a las otras les nen un korasoniko de oro! Las muje- Yo me kaygo i no digo mas nada!
plaze la kolor de la karota, unas son res las buyen i las echan en el vinagre Ya lo oyitesh!”

Sefaradimuestro: http://groups.yahoo.com/group/Sefaradimuestro - Mesaje: 20953


Meksiko Lindo i Kerido
HERNÁN RODRIGUEZ FISSE
SANTIAGO DE CHILE / hrodrigu@uchile.cl
Es uno de los mijores payises
del mundo para el turismo kultural,
ke sufrio muncho kon la mankura
de vijitantes unos mezes atras, por
modo de la influenza porsina. Kon
mi famiya fuimos en febrero de
1994 i a pasar unas vakansas ke mos
kedaron en el tino para siempre.
Arivimos al aeroporto de la Sivdad
de Meksiko, donde mos estava
esperando un oto de la ajensia de
viajes, ke mos desho en el otel Plaza
Florensia del kuartier Rosa. El trafiko
muy avagar, kon muncho patirdi
En la Kaleja del Beso en
Guanajuato
de polisias, ambulansias, pompiers,
tadrimos mas de dos oras. Mos
topavamos en la sivdad la mas
grande del kontinente amerikano
(oy paso de los vente milyones de
povlasion). Le avlo al shofer i des-
pues ke me responde kon el klasiko
“mande”, me dize ke si no aviya
los Estados Unidos, avrian otrunos
kinze milyones mas de abitantes en
el Distrito Federal, ansina ke mijor
kayades kon el trafiko desmodrado.
La ambre fue mas fuerte ke
la kanseria i salimos a las kalejas a
“takear”. Uno se kome los takos,
tortiyas de maiz, adjustandoles enri-
va de todo un pokitiko de pimienta
ke kema/pikante, ke lo yaman chile
(komo mi payis). Se dobla komo
un tapet, se aferra kon una mano
i en la otra una bira bien yelada.
Tambien mos dieron a gostar los
jurguelos pretos sofritos, guaka-
mole aparejado kon tomat i unas
borekas de banana (prefero las de
berendjena!). Retornimos al otel i
al momento de metermos en las
kamas ke ya estavamos durmien-
do. A la demanyana temprano i
kon los ojos ainda de esuenyo,
mos arekojeron para un torno por
el diya. Pasimos en primero por
Cuernavaca, konosida komo la siv-
dad de la eternal primavera, kon
kazikas muy ermozas, fraguadas
por amerikanos ke moran kon la
pension ke aresiven en dolares.
Kontinuimos a Tasko donde vimos
lo bueno del lavoro en plata en
todo modo de bibelos i djoyas. Los
artesanos amostran, lo ke sale de
sus manos, en botikas chikitikas en
kalejas ke suven i abashan la mon-
tanya donde se topa la sivdad. En
kada kanton es posivle de gozar
de la mijor vista i la djente esta
orgulyoza de kontarmos de lo
bueno ke se la pasan. Vijitimos
la Eglisia de Santa Prisca, la pri-
mera de munchas de este viaje,
kon muncho oro lavrado.
Ama, la sivdad ke mas mos
plazio fue Guanajuato, ke se
Mis ijas Karen, 14 anyos i Dafne
en el Zokalo de sivdad de Meksik
topa en la kanyada de un rio ke se
seko i por donde agora pasan los
otos, yeno de tuneles i enriva bati-
mentos ke vienen de la epoka en
ke eran una koloniya de la Espanya.
Entrimos al Museo Ikonografiko
de Don Kishot, dedikado al famo-
zo eskritor Miguel de Cervantes i
Saavedra, kon su konosida novela
“El injeniozo Idalgo Don Kishot de
la Mancha”, ke meldi kon plazer en
la eskola. Penso ke los molinos de
viento kontra los ke kombatio repre-
sentavan la Inkizision (el livro tuvo su
primera edision en 1604). Konosimos
el teatro Benito Juarez, muy bien
mirado kon sus siyas de velur kolo-
rado. En el Museo de los Muertos
vimos, por debasho de unas vitrinas,
los eskeletos de ombres i mujeres
REKUERDOS
Las Piramides de Teotihuacan
kon vestimientas tal komo fueron
enterrados en la foya bulama de
anyos. En Meksiko ay una kultura
de los muertos ke se topa muy pre-
zente en los ke ainda estan bivos.
Delantre de la kaza de Jorge Negrete
unos mariachis mos kantaron algu-
nas de sus afamadas melodiyas del
sinema de sinkuenta anyos atras.
En el Kalejon del Beso mos
kontaron la istoria de dos ena-
morados ke los prodjenitores les
aviyan defendido de amarse, ma a
las eskondidas se bezavan de una
ventana a la otra. El pranso fue
16 anyos
o
tipiko meksikano kon enchiladas,
takos i guakamole; los mushos me
kedaron kemando de lo pikante del
chile. Lo mijor de Guanajuato fue
de ir a la plaza donde se topa la
estatua jigante del Pipila, un mine-
ro yamado Juan Jose Martinez,
ke kombatio a los espanyoles
para lograr la independensia de
Meksiko en 1810. Desde la altura se
puede ver la universidad ke tiene
el nombre de la sivdad, la Basilika
Kolegiata i el Merkado Hidalgo. Por
la noche salimos kon las estudianti-
nas a kantar i bever vino, kaminan-
do por las kalejas empiedradas.
De Guanajuato mos fuimos a
San Miguel de Allende, otra sivdad
kolonial, donde vimos diferentes
modos de artesaniya i donde se
9 TAMUZ 5769 - 1 JULYO 2009 11
komen los mijores portokales. En
Queretaro vimos un grande akua-
dukto fraguado todo de piedras.
Kuatro diyas despues tornimos a la
Sivdad de Meksiko i mos djuntimos
kon Izak Salinas i su mujer Doris,
un sefaradi kantante-tenor ke mos
invito a un konsierto en el Instituto
Meksikano-Israeli de Kultura, ke se
topava en un batimento antiko,
ama restaurado muy ermozo.
Konosimos el afamado Zokalo, una
piaza muy grande, donde la djente
puede desfilar, gritar, demandar
por lo ke le manka en sus vidas;
djusto en akeyos diyas estava la
merikia de los ke moran en una
parte del payis yamado Chiapas.
En el museo de Frida Kahlo mos
ambezimos ke su padre era un
fotografo djidio venido de la
Ungaria. En otra piaza, la Garibaldi,
vimos ke kontinua la tradision ke
el enamorado engaje mariachis
para ke le kanten a la enamorada
debasho de su ventana.
Un diya entero fue para ir en
primero al Parke Chapultepec, a la
Basilika de la Virgen de Guadalupe
i a la fin a las piramides de
Teotihuacan. Mos suvimos asta el
tepe de la piramide del sol, kon
el suluk kaji tomado. Abashimos
avagar-abagar i mos repozimos en
un restaurante donde mos dieron
a aprovar “pulke”, un likor travado
de los kaktus. Mas gostozo ke el
famoso tekila. Lo mijor en kultura
fue la vijita al Museo Antropolojiko,
konsiderado el mas grande de
Amerika. Todas las sivilizasiones
ke toparon los evropeos en sus
konkistas, no desharon lugar a
dudar de ke el 12 de Oktobre de
1492 empeso un “enkontro de dos
mundos” i no el deskuvrimiento de
Amerika, komo antes se diziya.
Despues de todo lo ke konti
de turismo kultural, kale azer una
pregunta. La famiya Rodriguez-
Erlij tuvo un poko de repozo? Si,
la tresera semana la deshimos
para echar muestros puerpos en
las playas de Cancun i gozar de la
kayentura de las aguas de la mar
del Karibe.
12 EL KANTON DE LA LINGUA
9 TAMUZ 5 7 6 9 - 1 J U L Y O 2 0 0 9

Mos Ambezaremos El Alfabeto Rashi

Este mez vos estamos dando el alfabeto kompleto kon egzempyos i frazes para ke puedash pratikarvos a meldar en rashi.

HET 11 ZAYIN 10 ZAYIN 9 VAV 8 HE 7 DALET 6 GIMEL 5 GIMEL 4 BET 3 BET 2 ALEF 1

H J Z U/O A D CH/DJ G V B A

SAMEH 22 NUN 21 NUN 20 MEM 19 MEM 18 LAMED 17 KAF/HAF 16 KAF/HAF 15 YOD 14 YOD 13 TET 12

S N FINAL N M FINAL M I K/H FINAL K/H Y I/E T

TAV 33 SHIN 32 RESH 31 KOF 30 TSADIK 29 TSADIK 28 FE 27 FE 26 PE 25 PE 24 AYIN 23

T SH R K TS FINAL TS F FINAL F P FINAL P A

Kuando kaza el ombre kon mujer

sus pekados se seran

“Meam Loez”, Perashat de “Bereshit”, daf (pajina) 55

Transliterado por: Yehuda HATSVI, Tel Aviv / hatsvi@netvision.net.il

Ladinokomunita: http://groups.yahoo.com/group/Ladinokomunita/ Mesaje: 23273

anekdota... anekdota... anekdota...

Adam i Benadam Ladinokomunita: http://groups.yahoo.com/group/

Ladinokomunita/ Mesaje: 17813

- Ebreo/Judeo-Espanyol Djoha i la Kaldera

Vos kero kontar una konsejika de Djoha (en Turko,
Adam es konosido por los lektores de o el “gayiko”, ke se ve un poko sovre-
Nasreddin Hoca).
la Biblia en todo el mundo komo la prime- saliente en el garon (la garganta) de los
Un diya Djoha fue ande el vizino, le demando ke le
ra persona. Una ovra del Dio. La Tora mos ombres.
emprestara una kaldera. Djoha tomo la kaldera, se fue a su
konta ke el mundo entero se kreo “de la En munchas linguas, este gayiko se
kaza... Paso dos diyas, se la trusho la kaldera. Aryento de la
nada”, i solamente por el orden de boka yama tambien “la mansana de Adam”.
kaldera aviya una kalderika chika.
del Dio. Ma, Adam fue echo de la tierra Esto porke? Dizen ke en el paradizo de
El vizino le disho:
por mano del Dio. Adam resivio su nom- GanEden, la mansana era el fruto ke fue
“Kualo es esto?”
bre de la “tierra”; “tierra”, ke en ebreo es defendido de komer. Kuando tomo adam
Djoha le respondio:
“ADAMA”. arishon la mansana de mano de su mujer i
“La kaldera paryo.”
En Judeo-Espanyol, komo tambien en la metio en la boka, ensupito sintio la boz
El vizino se alegro muncho. Unos kuantos diyas des-
ebreo, el biervo “adam” sinyifika djusta- del Dio ke lo yamava:
pues, Djoha le demando ke l’emprestara la kaldera, el
mente “persona”. Verdad ke muncho mas “Adam, onde estas tu?!”
vizino se la dyo kon grande plazer...
se emplea en Juedo-Espanyol el biervo En este momento, se le traverso el
Paso un mez, dos mezes, la kalde-
“benAdam”, ke viene del ebreo, i ke es bokado de la mansana i se enfinko en el
ra no la esta trayendo. Alkavo
“ijo de adam”; ma lo avlaremos un poko garon de Adam...
el vizino bateyo la puerta de
despues. Toda la umanidad semos ijos i desen-
Djoha, le disho:
Por deskrivir alguna koza muy muy dientes de adam arishon, i por esto yama-
“Djoha, ande esta la kal-
antigua, uzavan muestros padres sefara- mos a kada persona - “ben adam”.
dera?”
dim dizir ke es del tiempo de “Adam aRis- Ser benadam mos entra en una ovligasion
Djoha le respondyo:
hon” (“Adam el Primero”, en ebreo). de “fazermos benadam”, i tener “kompor-
“No demandes! La
Por kontarmos por algun lugar leshano, to de benadam”. No es fasil. Jeneralmente
kaldera muryo...”
i asolado, diziyan muestras madres: “Ni tenemos de respektar el uno al otro; ma,
“Komo viene a ser,
adam ni perro no pasan por este lugar”. ay limitos i por esta regla:
kaldera se muere?”
Kuando la komunidad desidiya de apoyar Kuando vos kombina alguna persona
Le respondyo Djoha:
a los menesterozos, se azia heshbon (un tan mala i negra, mijor es de inyorarlo. 
“La kaldera ke paryo,
kalkulo) komo espartir tala suma de mone- “No lo agash benadam”, “ni meterlo en
te kreyites, la kaldera ke
da a tanto por adam. kuenta de benadam”.
muryo, no te estas kre-
Me parese ke el nombre latino “largyn-
YEHUDA HATSVI / TEL AVIV yendo?”
geal” es lo ke yamamos mozotros el gayo,
hatsvil@netvision.net.il LEA ALON / ISRAEL

KANTON DE BIBLIOGRAFIA SEFARDI
MICHAEL HALÉVY/ HAMBURG
mihalevy@alice-dsl.net
Literatura
• SHANKAR, Marc, Traces of
Sepharad / Huellas de Sefarad.
Etchings of Judeo-Spanish Pro-
verbs, Gravity Free Press, New
York 2008,
ISBN: 978-0-9776275-4-7
INFO: marcshankler@com
• KARMONA, Elia E., The Chas-
te Wife, translated from Ladi-
no, by Michael Alpert, Notting-
ham 2009, Five Leaves,
ISBN: 978-1905-512669
INFO: www.fiveleaves.co.uk
Göz­lem Ga­ze­te­ci­lik
Ba­s›n ve Ya­y›n A.fi.
ad›­na sa­hi­bi: YA­KUP BA­RO­KAS
Ya­y›n Tü­rü: Yayg›n Süreli
• WEICH-SHAKAK, Susana, La
Boda Sefardí, Madrid 2007, Ed.
Alpuerto,
ISBN: 978-84-381-0423-1
Istorya
HASSON, Moisés, Morada de
mis Antepasados. Una historia
sefardí: De Monastir a Temuco,
Presentación a cargo de Ri-
cardo Djaen, Barcelona, 2009,
ISBN 978-84-935671-2-5. INFO:
tirocinio@tirocinio.com
Sorumlu Yaz› ‹flleri Müdürü: Katk›da Bulunanlar:
Ifl›k Sivil Karakoç Gad Nassi
Christine H. Lochow Drüke
Yay›n Yönetmeni: Roz Kohen Drohobyczer
Karen Gerson fiarhon
Koordinatör: Dizgi-Grafik Tasar›m:
Güler Orgun Semra Sevinç
BIBLIOGRAFIA 9 TAMUZ 5769 - 1 JULYO 2009 13
• KOKOT, Waltraud, Beyond
the White Tower – Transfor- Revistas
30
mations in Thessaloniki, List,
Berlin 2007,
ISBN: 978-3-8258-0917-1
INFO: www.lit-verlag.de
Sarah Brammann, The Jewish
Community of Thessaloniki, pp.
83-103
• Hispanorama, Revista de la
asociación Alemana de Profe-
• SLOAN, Dolores, The Sephar- sores de Español, 2008,
dic Jews of Spain and Portugal, ISSN: 0720-1168;
Jefferson 2009, McFarland, INFO: www.hispanorama.de
ISBN:978-0-78464-3817-4
INFO: www.mcfarlandpub.com Vol. 122: Winfried Busse, Das
Judenspanische, pp. 12-14
Aldina Quintana, Historia del
Judeoespañol, pp. 15-19
Amor Ayala, Voces hispánicas
desde el Imperio Otomano: la
literatura sefardí de Oriente, pp.
33-37
Miscelanea de Estudios Árabes y
Hebraicos 57, 2008
Michael Studemund-Halévy /
Gaelle Collin, Sefarad sur les rives
du Danube,
Vienne et la littérature judéo-
espagnole, pp. 149-212
Yönetim Yeri: fiALOM’UN ÜCRETS‹Z EK‹D‹R. /// Merkez Tel: 0212 - 231 92 82 Faks: 0212 - 231 92 83
Atiye Sokak, Polar Apt. 12/6
Teflvikiye - ‹stanbul
Abonamiento: abone@salom.com.tr
Bas›ld›€› Yer: Artikolos publikados en El Amaneser refletan las opinyones personales de sus otor, i son enteramente i
Turkuaz Matbaac›l›k solamente a su responsabilidad. La reproduksyon total o parsyal de estos artikolos es permetida kon la
Yay›nc›l›k A.fi.
kondisyon de mensyonar su manadero i el nombre del otor.
Keresteciler Sitesi, Fatih Cad.
Selvi Sok. No:18
Merter-‹stanbul PARA ABONARSE ➨ posta elektronika: elamaneser@gmail.com
14 9 TAMUZ 57 6 9 - 1 J U L Y O 2 0 0 9
EL DOSYE DEL MEZ
La Komunidad
Djudia de Belogrado
MICHAEL HALÉVY / HAMBURG
mihalevy@alice-dsl.net
Belogrado fue al tyempo un sentro sefaradi impor-
tante ke empesó a formarse mas de sinko siglos
atras. En Serbia, la mayoria de los djidyos se aresen-
taron a Belogrado, visto ke fina 1890 los djudyos no
tenian akseso a las sivdades de provinsya. Primero
bivyeron alderredor de la sivdadika Kalemegdan (la
fortaleza turka), oy en el sentro istoriko. Ayi se topan
oy el tumulo i una eskultura del jornalisto i pintor
Cinema Rex
Mosha Pijade (1890-1957), komunisto i
prezidente del parlamento yugoslavo,
ke organizó kon el ayudo del Mosad
la emigrasyon de miles de djudyos a
Palestina (foto 1). Mas tadre los djudyos
se aresentaron en los barrios (mahale o
mala) Jalija i Dortchol. Eran merkaderes,
medikos, korredores i fabrikantes de
armas. Ma Belogrado fue i un sentro
rabiniko muy importante kon mun-
chas yeshivot (eskolas rabinikas)
onde ambezaron afamados rabinos
i talentuozos talmidim vinyendo de
Yerushalayim, Salonika, Konstantinopla
o Sofia. Mensyonaremos por empesar
al afamado rabino Joseph Almosnino
del siglo 17, nasido en Yerushalayim i
elevo del haham Moshe Hagiz. No se
save kuando yego el djoven i futuro
Mosha Piyade
mesianiko Almosnino a Belogrado (su madre era la
ermana del haham Jehuda Lerma i su mujer la ija del
haham Simha haKohen, los dos afamados rabinos
de Belogrado). Segun el grande istoriador israeliano
Gershom Scholem, Joseph Almosnino fue un parti-
zan ardyente del movimyento messianiko de Sabetay
Sevi de Esmirna. Fue el mismo Almosnino ke embió
dos shadarim (emisaryos) a Sabetay Sevi i ke kopió i
dos kartas del “profeta” Natan de Gaza i las mandó a
un grande numero de komunidades djudias. Para el
marrano Abraham Miguel Cardozo portanto, parti-
zan ardyente de Sabetay Sevi, Belogrado nunka fue
una verdadera sivdad mesianika. Prova: Belogrado
fue destruida por un grande fuego seleste en 1681.
La sinagoga onde Almosnino darshó fue derrokada
durante la okupasyon austriaka (1688-1690). Una de
las personalidades mas interesantes en la istorya de
los Djudyos de Yugoslavia fue el rabino, more lashon Ivana Vucina
(profesor), eskritor, gazetero i sionisto Sabetay Djaen
(1883-1947), nasido en Pleven, Bulgaria. Despues
de pozisyones en Nish i Travnik, se aresentó por un
tyempo en Belogrado onde resivyo la pozisyon de
“more lashon para kriaturas i mansevos de rito sefar-
di” (foto 1a). Su itineraryo lo trushó mas tadre a Saray,
a Monastir, a Bukareshti i a la fin a Buenos Aires i
Tucuman onde muryo a la edad de 63 anyos.
A la fin del siglo 17, Belogrado ya kontava kon
serka de 800 personas i konosia una grande autono-
mia juridika. En segida de la dekadensya del Imperyo
Otomano, las kehilot djudias fueron munchas vezes
sakeadas i sus myembros matados o egzilados. Kon la
rezolusyon del Kongreso de Berlin en 1878, los 12 mil
djudyos serbos -en la mayoria sefaradis -obtuvyeron
la igualdad de derechos. En 1850 se fondyó una esko-
la djudia para elevos, i los estudyantes se fueron a
Vyena para estudyar en la universidad. Fue a Vyena a
la fin del siglo 19 ke nasyó, grasyas a los estudyantes
djudyos de Bosnia, Kroatia i Serbia, la filolojia sefaradi
o djudeo-espanyola!
Despues de la Primera Gerra Mondial, Lebl
Belogrado se konvirtió en la kapitala del
muevo Estado yugoslavo. Los djudyos
de esta sivdad -sefaradis en su mayor
parte - empesaron a aresentarsen
afuera de la maala djudia, i munchos
abandonaron el “chiko” komercho
para azerse bankyeros, medikos o
avokatos.
Tipografia de ayer
Dezde su fondasyon en 1837, la
tipografia ofisyal del prinsipado
de Serbia editó livros en letras
ebraikas, en djudeo-espanyol i en
ebreo. Se publikaron livros de oras-
yones i ovras de karakter relijyozo o
edukativo, poezia i poezias populares
(Konplas de Yosef haTsadik, 1861;
Konplas de Purim, 1889), manuales,
livros de istoria, ets. De 1870 a
1905, kontinuaron este lavoro las
imprentas i tipografias privadas
Damasek Eliezer

(foto 2). El rabino Eliezer ben Shem Tov Papo en 1861
publiko su famozo livro Damasek Eliezer en ebreo
i djudeo-espanyol (foto 3), i Moshe b. David Alkalay
publiko en Belogrado o Vyena su (perdido?) livro La
Punta de la Tempesta (1871) i su Istoria de Kolumbus
(1875). I en 1891 el grande istoriador i rabino Shimon
Bernfeld publikó su konosida Istoria
de los Djideos. En 1892 el profesor
Haim b. Bezalel publiko para estud-
yantes del alman su Nueva Manuel
Praktik por Embezamyento de la
lingua alemana. Entre 1888 i 1890
aparesyó i un jornal en djudeo-
espanyol, El Amigo del Puevlo.
Belogrado oy
Oy solo 2.000 djudyos biven en
Belogrado. Las kalejas onde bivian
la mayoria de los djudyos trokaron
el nombre, kaji todas las sinagogas,
las eskolas i los ospitales fueron
destruidos. Durante la Segunda
Gerra Mondial kaji todos los djudyos
de Serbia fueron matados por los
nazis i sus kolaboradores. La sivdad
aktual no konose una verdadera
vida djudia, ma por todas partes se
rekodran las krueldades de los nazis.
Kon la konosida bushkadora Drita
Tutunovic, autora de un buen dik-
sionaryo ladino-serbo i de varyos
livros sovre la literatura djudeo-
espanyola (foto 2a), i endjuntos kon
la djovena profesora Ivana Vucina
(foto 3a), ija de la sinyora Rahel
Campos de Sarajevo (Ivana reushó
a estableser un kurso de lingua i
literatura sefaradis en su universidad
de Kragujevac!), vijitimos la antigua
maale djudia yena de memoryas derrokadas: kalejas
komo la ulitsa Jevrejska, la Solunska ulitsa, la Mojsijeva
ulitsa o la Banatska ulitsa. Vijitimos la ermoza kaza de
la sosyedad Oneg Shabat-Gemilut Hassadim, fondada
en 1900 en la ulitsa Jevrejska, oy el cinema Rex (foto
4). Seguimos kon nostaljia las fraguas, las sinagogas,
las eskolas, los sentros de abitasyon de la antigua
kolonia djudia de Belogrado.
Muy serka de la antigua maale djudia se topa el
Betam kon el muzeo djudyo, la biblioteka de la komu-
nidad i la administrasyon. Una grande parte de un
kat (etaj) esta rezervada a la Shoa i a la disparisyon de
Betaham Semlin
EL DOSYE DEL MEZ 9 TAMUZ 5769 - 1 JULYO 2009 15
97% del judaizmo yugoslavo. Fotografias de la vida de
ayer i de oy, fotografias de los kampos de konsentras-
yon i otros dokumentos sovre la trajedia de la Shoa
mos kontan la istoria poko konosida del djudaizmo
serbo. Mis “muevas” amigas Branka, Magda i Barbara
me amostraron todos los livros en ebreo, alman o
djudeo-espanyol (muy pokos!)
ke se guadran oy en el muzeo,
topimos portanto una kopya
(rara, ama muy defektuoza) del
romanso El Barkero del Volga
(foto 5). El jornalisto Alexander
Lebl, ermano de la konosida
istoriadora Jenni Lebl (i desen-
dyente de la famiya de Teodor
Herzl) ke mora aktualmente en
Israel, i mi “muevo” amigo Fredi,
El Angustiador-Kappon
medyo-ashkenazi, medio sefara-
di, me izieron entender la istoria
komplikada de los sefaradis de
Belogrado i la triste suerte de las
bibliotekas djudias, destruidas
por las bombas o sakeadas por
los nazis. Grasyas al dinamiko
Aron Albahari, orijinaryo de
Sarayevo, reushimos a merkar
munchos livros sovre la istorya
de los djudyos de la ex-Yugos-
lavia.
Vijitimos los bedahaimes de
los sefaradis i de los ashkenazis
de Belogrado. Topimos al lado
del tumulo del haham Mohe b.
David Alkalay i enfrente de un
sarkofago kon los guesos de 13
Drita Tutunovic rabinos, yevados en 1928 del Barkero
betahaim de la Dalmatinska ulit-
sa (foto 6), una kuryoza pyedra
“Geniza”, erijida en 1934, onde dí en ladino: “La Alborada” ke empe-
fueron enterados (meter a betahaimes) los livros i los só a publikarse en 1900, i es autor
sefarim bozdeados. La pyedra mos amostra un Sefer del famozo poema “A Espania” ke
Tora avyerto i un monton de dize:
livros (foto 7).
Kon Ivana tuvimos la opor- “A ti, Espania bienquerida, nosotros‚ ‘madre‘ te llamamos
tunidad de enkontrar “Beba” y, mientras toda nuestra vida, tu dulce lengua no dejamos.
Petrovic, inyeta del afamado Aunque Tu nos desterraste como madrasta de tu seno,
jornalisto, poeto i pro-ispanis- no estancamos de amarte como santísimo terreno,
to Abraham A. Cappon (1853- en que dejaron nuestros padres a sus parientes enterrados
1930), orijinaryo de Ruse y las cenizes de millares de sus amados.
(Ruschuk). Cappon (ABAC) fue Por Ti nosotros conservamos amor filial, país glorioso,
direktor del periodiko sefara- por consiguente te mandamos nuestro saludo glorioso”
Betaham Belogrado
16 9 TAMUZ 5 7 6 9 - 1 J U L Y O 2 0 0 9
EL DOSYE DEL MEZ

Simon Herzl Rivka Herzl Sasson Geniza

Su inyeta “Beba” avla dainda (el nono de Teodor Herzl, fundador del sio- Miriam M. Sasson
un lindo djudezmo bosniako, muy nizmo), su mujer Rivka-Regina Bilic i sus ijos La afamada
muy dulse. En su kaza, yena de Jacob i Paulina (fotos 11-12). El movimyen- Por la grande tsedaka
livros (foto 8), guadra la sinyora to sionisto en Zemun i Belogrado fue sye- Ke eya dava.
Petrovic livros, kartas i manoskri- mpre muy grande. Sionistos de la primera A proves i bivdas
tos de su nono komo un trezoro, ora fueron Jacques Alkalay, el doktor David Eya afalagava.
la mayoria de sus eskritos fue- Alkalay, ke partisipó en el primer Kongreso Al di[a] 23 nisan 5685.
ron desdichadamente destrui- sionisto, o el doktor David Albala. Munchos De edad de 42 anyos
dos durante la gerra. Entre sus sionistos serbos se ambezaron sus sionis- Alos syelos fue yamada.
dokumentos topimos una karta mo en Vyena onde izieron sus estudyos de
adresada al grande ispanisto Don medikos, avokatos o filologos. Mos azemos un dover i un plazer de rengrasyar todos los
Ramon Menendez Pidal, i un teksto Por azardo deskuvrimos en el betahaim amigos i kolegos de Belogrado por sus kontribusyon a azer-
autobiografiko. Mas tadre vijitimos las pyedras tombales de Simon i Rivka mos agradavle muestra prezensia en Belogrado: Ivana, Nina i
la sinagoga de los ashkenazis, en la Herzl. Entre las munchas inskripsyones en Slobodan Vucina Simovic, Dr. Jurij Vucina i su mujer Rahel, Judit
kaleja Marshal Biryuzov, inaugurada ebreo, alman, kroato o ungaro, topimos Campos, Drita Tutunovic, Beba i Radmila Petrovic, Aron Albahari,
en 1926, oy la unika sinagoga aktiva una sola en djudezmo (foto 14): Branka Džidic, Barbara Panic, Alexander Lebl, Magda i Fredi N.
(foto 9). Entre 1941 i 1944, los sol-
dados nazis utilizaron la sinagoga
komo bordelo. Bibliografia
Fogel, Danilo, Jevrejska Zajednica u Zemunu. Hronika, 1739-1945, Beograd 2002
Zemun (Semlin) Lebl, Ženi, Do „Konacnog Rešenja“. Jevrej u Beogradu 1521-1942, Beograd 2001
Lebl, Ženi, Da se ne Zaboravi, Beograd 2008
Kon el infatigavle doktor Jurij Pass Freidenreich, Harriet, The Jews of Zugoslavia. A Quest for Communit, Philadelphia 1979
Vucina, padre de la djovena bus-
hkadora sefaradi Ivana Vucina
LA FAMIYA MOZOTROS
‹rvin MANDEL / ESTAMBOL
Simovic, vijitimos los betahaimes irvin.mandel@gmail.com
djudyos de Belogrado i de Semun
(Semlin), oy una male de Belogrado
(foto 13). Fina el anyo 1918, Zemun
fue una sivdadika austro-ungara
onde egzistia una chika komuni-
dad djudia kon kaji 500 myembros.
Kon la okupasyon nazi en 1941,
los djudyos fueron matados en las
barakas de saymishte (panayir para
una eksposizyon internasyonal) i
sus institusyones anikiladas. Entre
1825 i 1841, el afamado rabino i
pre-sionisto Juda Hai Alkalai (1798-
1878) fue haham de la chika komu-
nidad (foto 10). Partizanos de su
sionismo fueron Simon Lebl Herzl
 SINEMA 9 TAMUZ 5769 - 1 JULYO 2009 17

“KEDMA” i el Tema de la
Lucha por la Independensya
ASLAN I. PALACHI / VANCOUVER
paslan@hotmail.com

Amos GITAI, el famozo rijidor de filmos

israelyanos en el nivel internasyonal, nasyo en
1950, dos anyos despues del establesimyento del
Estado de Israel, en Hayfa. Sigyendo en los pasos
de su padre, empesa a estudyar arkitektura en
el Technion i kontinua en “Berkeley” (California)
de los Estados Unidos. La gerra de Yom Kipur
en 1973 lo ovliga a interromper sus estudyos i
influensa profundamente su vida i su profesyon.
Nominado por “Cahier du Cinema”, la revis-
ta franseza la mas respektavle en el mundo del
sinema, komo uno de los 50 filmos mas impor-
tantes de los ultimos 50 anyos, su filmo “Kipur”
reprezenta un grito kontra la gerra. En un payis
komo Israel ande el esprito de defensa kontinual
kontra los enemigos ke lo rodean es fuerte, el
mesaje de “Kipur” resive reaksyon i es kritikado
negativamente en syertos serklos.
La estorya del sigyente filmo de Amos Gitai
“Kedma”, eskojido por el Festival de Filmos de Gitai es: “No. Lo ke kije filmar no es la batalya
Cannes, pasa en Mayo de 1948, una semana entre las armadas de los payizes arabos kontra
antes de la proklamasyon del Estado de Israel. Israel, despues ke los inglezes desharon la oku-
Myentres ke las fuersas armadas de los djudyos i pasyon, ma la lucha entre las dos populasyones
arabos se afrontan en el payis, Kedma, un vapor siviles: djudyos i arabos.”
de karga transportando refujyados evropeos Es un fakto ke el realizador da a su filmo un
djudyos de la Segunda Gerra, desbarka sus pasa- realizmo sorprendente i deskrive kon maestriya
jeros en una playa de la Palestina. Los imigrantes todas las kontradiksyones de Israel. Se ve los
son aresividos i sostenidos por una unita de kom- imigrantes partikolarmente markados por la
batyentes del Palmah, la armada sekreta djudiya, istorya terrivle del Olokosto ke ven la tyerra de
i deven yevarlos a Yerushalayim ke esta asedyada. Palestina, un lugar ande en fin topar refujyo.
Los arabos de una parte rezisten la envazyon de Ma, esta tyerra esta okupada i por esto observa-
los djudyos i de la otra la okupasyon del payis mos la konfrontasyon trajika de dos puevlos ke
por los soldados inglezes: empesa una lucha san- defenden kada uno su derecho de egzistir.
gryente i furyoza. La importansa de “Kedma” se reflekta en el
“Kedma” no es solo un filmo istoriko ma espejo de la istorya relasyonada a la realidad de
tambyen konta una aktualidad ardyente. La kes- oy en el Medyo Oryente i al empesijo del kon-
tyon ke apoza el filmo sovre el konflikto de oy flikto. La lucha por la independensya es un tema
entre Israel i los palestinyanos es la sigyente: “Es universal i la ovra de Gitai va mas aya de un
posivle de azer koegzistir en el mizmo plano los payis. El, aze referensya a diferentes tyempos
israelyanos i los palestinyanos?” La repuesta de en la istorya de la sivilizasyon.
18 9 TAMUZ 57 6 9 - 1 J U L Y O 2 0 0 9
ARTIKOLOS

Yom Aatsmaut
EDMOND COHEN / PARIS
edanbj@aliceadsl.fr
Saludos a todos los oyentes de la
emisyon Muestra lingua, la emisyon
en djudeo-espanyol fundada por el
Profesor Haïm-Vidal Sephiha, i pre-
zentada agora por vuestro servidor
Edmond Cohen, kon Philippe a la
kabina.
Komo a kada vez vos kombido
de vinir mas i mas a los atelyes
de konversasyon de Vidas Largas
ke se tendran los djueves 15 i 22
de mayo, de las dos a las sinko,
al Centre Communautaire, 119
rue Lafayette Paris (10°) métro
Poissonnière o Gare du Nord.
Oy, 8 de mayo, mos topamos
naturalmente en el 63en aniversaryo
de la viktorya sovre los Almanes, i ya
vos avli aki de este diya memoravle
del 8 de mayo 1945.
Ama oy, 3 de Iyar 5768, se topa
tambyen ke estamos djusto en el
Yom aatsmaut, i no kualkyer Yom
aatsmaut, syendo ke es el sesenteno
aniversaryo del renasimyento del
Estado de Israel sovre su tyerra.
Muestra jenerasyon , en unos
pokos anyos, diremos entre 1941
i 1949, en estos ocho anyos tuvo
de ver la Shoa i este renasimyento.
El peor de los suenyos malos, i el
mijor de los suenyos ermozos. Ke
dizir? No se. Ansina es.
En 20 minutos, no vos puedo
kontar toda la istorya de este rena-
simyento. Keriya solo kontarvos
komo se paso este diya del 14 de
mayo 1948, 5 Iyar 5708.
Ya savesh ke, el 29 de novembre
de 1947, sinkuenta anyos despues
del primer kongreso sionisto de
1897 (aviya dainda sovrebivyen-
tes de este kongreso en 1947) la
Asamblea Jeneral de las Nasyones
Unidas tomo, a la mayoriya de los
dos tyersos, una rezolusyon dechi-
dando la kreasyon en Palestina de
dos estados, un djudyo i un arabo,
asigun un plano de espartimyento.
Ya savesh ke, a la tadre del kon-
greso de 1897, Theodor Herzl, ke
lo aviya organizado, eskrivyo en su
tefter personal: « Oy, krei al estado
djudyo. Si lo diziya a boz alta, kada
uno se rieriya, ama en sinko anyos
puede ser, en sinkuenta anyos por
siguro, esto sera una realidad. »
Herzl era un grande profeta.
Ya savesh ke el Mandato britaniko
sovre la Palestina se deviya eskapar el
15 de Mayo 1948, o por ser mas presi-
zo, el 14 a medianoche.
La idea era de deklarar el muevo
Estado el diya 15, despues de la fin
del Mandato. Ama este 15 de mayo
1948 kaiya en shabath, i los sionis-
tos relijyozos no puediyan akseptar
de firmar kualkyer dokumento en
shabath. Por esto fue dechidado
de azer la deklarasyon en el vyer-
nes, antes de la kaida del shabath,
dunke a las dos de la mediodiya,
para ke todo sea eskapado antes
de shabath.
Ama nada estava pronto. El 13
de mayo, dainda no se saviya komo
se yamariya el muevo estado: Sion?
Erets-Israel? Yehuda? Ever (de
ande vyene ivri)? Por esto es ke los
primeros pules se aparejaron de
antes sin saver el nombre del pais, i
metyeron doar ivri: posta ebrea.
No se saviya tan poko komo seri-
ya la bandyera. Se adopto finalmen-
te la bandyera sionista.
I sovre todo, los dirijantes, ke
ivan del komunisto Wilner a los
Agudat Israel, ultra relijyozos, no
se aviyan metido d’akodro sovre
los byervos de la Deklarasyon. Esta
deklarasyon deviya ser eskrita i fir-
mada sovre pergamino. Ama el ke
teniya la karga de eskrivir el perga-
mino no saviya kualo eskrivir. I Ben
Gurion meldo finalmente un papel
eskrito kon una makina de eskrivir
emprestada al ultimo momento.
Por egzemplo, los relijyozos
keriyan una deklarasyon relijyoza ke
avlariya de la providensya i del Dyo.
El komunisto diziya ke no puedriya
firmar un teksto ansina. Finalmente,
se metyeron d’akodro para no impe-
dir la unyon de todos, i tomaron el
byervo Tsur Israel, la pyedra de Israel,
ke es el Dyo sin dizir ke es el Dyo.
Ande azer la deklarasyon? Se
tomo una sala del muzeo de Tel
Aviv, i detras de los firmadores i de
Ben Gurion, se metyo una grande
foto de Theodor Herzl, ke lo mere-
siya. I sovre las paredes, kuadros de
pintores djudyos.
I Ben Gurion empeso a meldar,
en ebreo naturalmente, esta dekla-
rasyon muy ermoza ke vos vo mel-
dar en djudeo-espanyol. So yo ke
la ize a partir del teksto ebreo, ama
no konosko malorozamente bastan-
te byen el ebreo, i me ayudi de tra-
duksyones en franses i en espanyol.

“En Erets-Israel nasyo el puevlo djudyo. Aki tomo forma su identidad
espirituala, relijyoza i politika.Aki obtuvo por primera vez su soveraniya,
kreo valores kulturales de importansya nasyonal i universal i dyo al mundo
entero el livro de los livros.
Despues ke fue arrondjado de su tyerra, el puevlo djudyo le guadro su
fidelidad afilu todas sus dispersyones, i nunka se kedo de orar por su retor-
no a eya, i de esperar el renasimyento de su libertad nasyonal.
Empushados por esta atadura istorika i tradisyonal, los djudyos se
esforsaron en kada jenerasyon de establesersen de muevo en sus antigua
patria. En las ultimas dekadas, aboltaron en masa. Pioneros, imigran-
tes i defensores izyeron enfloreser el dizyerto, arrebivir la lingua ebrea.
Fraguaron kazales i sivdades, i krearon una komunidad kresyendo, ke kon-
trolava su ekonomiya i kultura propyas, amante de la paz, ama kapache de
defenderse de si para si, traendo las bendisyones del progreso para todos
los abitantes del pais, keryendo la independensya nasyonala.
En el anyo 5657 (1897) se arrekojo el kongreso sionisto yamado por la
boz del padre espiritual del estado djudyo, Theodor Herzl, i proklamo el
derecho del puevlo djudyo a su renasimyento nasyonal en su propyo pais.
Este derecho fue rekonosido por la Deklarasyon Balfour del 2 de
novyembre 1917 i afirmado de muevo por el mandato de la Sosyedad de
las Nasyones ke rekonosyo ofisyalmente i internasyonalmente el atadijo
istoriko entre el puevlo djudyo i Erets-Israel i el derecho del puevlo djudyo
de fraguar de muevo su ogar nasyonal.
La Shoa ke aharvo al puevlo de Israel este ultimo tyempo, kon la
matansina de milyones de djudyos en Evropa, fue otra demostrasyon klara
de la adjile de topar una solusyon al problema del manko de ogar, kon el
renasimyento del estado djudyo en Erets-Israel ke tendriya de avrir anchas
las puertas de la patria a todo djudyo i dariya al puevlo djudyo la situasyon
de myembro rekonosido en la famiya de las nasyones.
Los sovrebivyentes del olokosto nazi en Evropa i djudyos de otros pai-
zes, no kedaron de ayegar a Erets Israel, afilu las difikultades i el peligro, i
nunka kedaron de afirmar sus derecho a una vida digna, libera i kon onor

en la patria de su puevlo.
Durante la Sigunda Gerra Mundyal, los mora-
dores ebreos en el pais partisiparon en plena
parte en la lucha de las nasyones ke defendiyan
libertad, paz i amor kontra la negrigura de las
fuersas nazis, i kon la sangre de sus soldados i sus
esforso militar, ganaron el derecho de toparsen
entre los puevlos ke fundaron la Organizasyon de
las Nasyones Unidas.
El 29 de novyembre 1947, la Asamblea Jeneral
de las Nasyones Unidas tomo una rezolusyon dis-
ponyendo el establesimyento de un estado djudyo
en Erets-Israel. La Asamblea Jeneral demando
a los abitantes de Erets Israel ke tomen en sus
manos las medidas nesesaryas para meter este
plano en ovra. Este rekonosimyento por parte de
las Nasyones Unidas del derecho del puevlo djud-
yo de estableser su propyo estado es irrevokavle.
Ademas es el derecho natural del puevlo dju-
dyo de ser maestro de su propyo destino komo
todas las otras nasyones, en un Estado soverano
propyo.
En konsekuensa, mozotros, myembros del
Konsejo del Puevlo, reprezentantes de la komu-
nidad djudiya de Erets Israel i del movimyento
sionisto, estamos reunidos aki en el diya del
eskapamyento del mandato britaniko sovre Erets
Israel, i, asigun los derechos naturales i istorikos
del puevlo djudyo, i tambyen la rezolusyon de la
Asamblea Jeneral de las Nasyones Unidas, prokla-
mamos el establesimyento de un estado djudyo
ARTIKOLOS
en Erets Israel, es el Estado de Israel.
Declaramos ke, desde el momento ke se eska-
pa el Mandato , a medyanoche, noche del shaba-
th 6 iyar 5708 (15 de mayo 1948), antes del esta-
blesimyento de las otoridades del Estado regular-
mente elijidas en akordo kon la Konstitusyon ke
devra ser adoptada por la Asamblea konstituyente
elijida no mas tadre ke el primo de oktobre 1948,
el Konsejo del Puevlo se va azer Asamblea pro-
vizorya del Estado, i su organo egzekutivo, la
Administrasyon del Puevlo, se va azer Govyerno
provizoryo del Estado de Israel.
El Estado de Israel sera avyerto a la imigras-
yon djudiya i al arrekojimyento de los egzilados,
desvelopara el pais para el byen de todos sus
moradores, sera fundado sovre los prinsipyos de
libertad, de djustisya i de paz ambezados por los
profetas de Israel, dara una egalidad kompleta de
derechos sosyales i politikos a todos sus sivdada-
nos, sin konsiderasyon de relijyon, rasa o sekso.
Akordara la libertad de relijyon, konsyensya, lin-
gua, edukasyon i kultura, defendera los lugares
sagrados de todas las relijyones i sera fiel a los
prinsipyos de la Karta de las Nasyones Unidas.
El Estado de Israel esta dispuesto a koope-
rar kon las Ajensiyas i reprezentasyones de las
Nasyones Unidas para egzekutir la rezolusyon de
la Asamblea Jeneral del 29 de novyembre 1947,
i adoptara todas las medidas nesesaryas para la
unyon ekonomika de todo Erets-Israel.
Yamamos a las Nasyones Unidas para ke ayu-
9 TAMUZ 5769 - 1 JULYO 2009 19
den al puevlo djudyo en la konstruksyon de su
Estado i para ke resivan el Estado de Israel en la
famiya de Nasyones.
Yamamos - afilu en medyo de la agresyon
sangrienta ke mos aharva desde mezes – a los ijos
del puevlo arabo bivyendo en el Estado de Israel
para ke guadren la paz i partisipen en el fragua-
myento del Estado, sovre la baza de sivdadaniya
plena i igual i de una reprezentasyon korespon-
dyente en todas sus institusyones provizoryas i
permanentes.
Tendemos una mano de paz i de buen vizin-
daryo a todos los Estados vizinos i a sus pue-
vlos, i los kombidamos a estableser atadijos de
kooperasyon i ayudo mutual kon el puevlo dju-
dyo soverano asentado en su tyerra. El Estado
de Israel esta dispuesto a realizar su parte en el
esforso komun para el progreso de todo el Medyo
Oryente.
Yamamos a todo el puevlo djudyo en la dias-
pora para ke se adjunte alderedor de la komuni-
dad del Estado en el lavoro de imigrasyon i de fra-
guamyento i para ke sea unido a eya en la grande
lucha para realizar el suenyo de tantas jenerasyo-
nes: la redempsyon de Israel.
En la seguridad del Tsur Israel, metemos
muestros firmamyentos sovre esta Deklarasyon
en esta sesyon del Konsejo provizoryo del Estado,
sovre el suelo de la patria, en la sivdad de Tel
Aviv, en este tyempo antes de Shabath, el sinko
de Yar 5708 (14 de mayo 1948).”

I komo el desmazalado ke teniya
de eskrivir la deklarasyon sovre el
pergamino no pudo azerlo, syen-
do, komo vos dishe, ke al ultimo
momento el teksto dainda no
estava pronto, kada uno de los 37
firmadores firmo sovre un pedaso
vaziyo de pergamino ke fue des-
pues kuzido al kusur una vez ke
todo fue eskrito…
Todos los djudyos del pais oye-
ron a la radyo esta deklarasyon i
despues empesaron los bayles en
las kayes i la fyesta.
Ama Ben Gurion el mismo no
estava tan alegre. Porke el saviya
ke una gerra terrivle iva empesar el
diya despues, i ke la armada djudiya
era muy muy flaka i sin armas.
Pishin despues de este fir-
mamyento se fue a su kaza kon
Israel Galili i Igal Yadin, kapos de la
Hagana i del Palmach. I diskutye-
ron noche entera de la situasyon
militar.
Oy no tengo tyempo de empe-
sar kon esto. Un diya, si kere el
Dyo, vos kontaré esta Gerra de
Independensya, i komo la viktorya
de los djudyos fue un nes inkreivle.
Ama por oy me vo kedar aki kon
este espanto de los dirijantes de
Israel esta noche sin durmir entre
el 14 i el 15 de mayo 1948.
A la semana proksima, si kere
el Dyo.

Muevo Jurnal Djudio

SAMUEL FRANCES / SOFIA
En Sofia se izo la muestra ofisiala de un
muevo jurnal djudio “La Estreya”. El jurnal fue
preparado por el grupo ke edita la gazeta djudia
“Evreyski vesti” (“Novedades djudias”) y viene a
sustituir el desaparesido Anuario de la komuni-
dad djudia. Esta dedikado a la istoria, el arte i la
kultura de los djudios en Bulgaria.
El primer numero del jurnal empiesa kon las
palavras de Dimitar Ivanov – Miko sovre el Puevlo
del Livro y kuenta del livro mas importante - “La
Tora”. El autor mensiona las palavras del rabi
Moshe ben Maimon ke “La tora es perfekta i a
eya no se puede aniadir nada, ni en su forma
eskrita, ni en la avlada.”
Mas ayi el jurnal, bien ilustrado, kuenta de la
gran aktris i direktora de teatro Leontina Arditi
(1929 – 2007), ke tantas vezes mos vizitaba en
la Caza Djudia de Sofia kon su teatro. El jurnal
muestra un fragmento del livro biografiko de
Leontina Arditi sovre los anios de la Segunda
Gera Mondiala, kvando los djudios de la Bulgaria
se salvaron de la muerte, ma no de las penas de
la gera i de la ley antidjudia “De salvasion de la
nasion”.
El interviu kon el filosofo Isak Pasi, padre del
ex ministro Solomon Pasi, avla de su amor a la
filosofia de Sefarad, resultado de lo kual fueron
sus livros sovre Unamuno y sovre Ortega y Gaset.
Mas ali el jurnal kontiene el artikulo del ya
muerto shefe de la komunidad religioza dju-
dia, el Doktor Salvador Israel, sovre el Edikto de
Fernando e Isabel ke ovligo a los djudios sefardi-
tas irse de Espania a Turkia y a otros lugares, “El
kamino a la tiera Prometida” de Dzeki Benado, ke
vive en Israel y ke es ijo del eskritor umoristiko
Haim Benado (este anio se terminan sien anios
de su nacimiento), “El chikito mundo de la mujer
djudia”, de Yuliana Farhi, “Sien anios mas tarde”, dedikado a los ashkenazim, ke no fueron tantos,
de Rumiana Konstantinova, sovre su padre, el ma djugaron una rol muy importante en la vida
pintor famoso Eliezer Alsheh, “Los djudios i la y la kultura tanto de los djudios, komo de toda
kultura urbana bulgara durante el Renasimiento” Bulgaria.
de Anna Roshkovska i “Kuentos”, preparados por A la presentasion partisiparon, entre muchos
Dolores Meshulam. otros, los grandes eskrivanos Valeri Petrov (Valeri
El segundo numero del jurnal kontinuara lo Nisim Mevorah) (1920) y Anzhel Wagenstein
empesado en este numero, y el tersero sera (1922).
20 9 TAMUZ 5 7 6 9 - 1 J U L Y O 2 0 0 9
REKUERDOS

Don Avram “KAZIKA AL OMBRO”

GRACIELA TEVAH DE RYBA / BUENOS AIRES
lygryba@fibertel.com.ar
Kero kontarvos esto ke akonte-
sía, verso la mitad del siglo vente,
en el kuartier de Villa Crespo de la
sivdad de Buenos Ayres, Ardjentina.
Komo les kontí en otras okazio-
nes, era un kuartier ande moravan
munchas famiyas, ke otras vezes ya
los nombrí.
En la avenida Corrientes, entre
la kaleja Thames i la avenida
Juan B. Justo, ande esta-
va el Arroyo Maldonado,
avía magazenes yamados:
Kompra i venta ande ven-
dian antikerías, mobles, vestidos
uzados i más.
Por munchas djentes eran
konosidos estos magazenes, el uno
de Malalé i el otro de Donio, dju-
diós de la Turkía.
Ma vo a detenerme un pokitiko,
en una figura ke era menester
para yevar las kozas ke las djentes
merkavan en estos magazenes.
Don Avram o “Kazika al
ombro”, komo lo yamavan (mismo
su sinyora Zimbul), era djudió de
Izmir, padre de dos ijas luzias, djo-
venes i ainda solteras.
Lavorava kon una arabá (karro)
kon dos karuchas i un kavayo de
kolor preta... Ke novedad lo ke
estó kontando! Las djentes milyo-
narias en lugar de arabá kon kava-
yo, tenían oto kon motor.
Ma aboltando al sujeto de oy,
a la arabá de “Kazika al ombro”,
tenía en la parte de delantre, un
modo de asiento largo kon kuero
de kodrero inchido i un fierro
para arrimar las espaldas, ansina
don Avram i el kliente puedían
asentarsen komodo, kuando kami-
nava por la kalejas. Don Avram
asperava siempre asentado, komo
alma deskansada ke era, kon el
sigaro en la boka i el jor-
nal del día de antes, era
prove aní del Dio
i no tenía las parás para merkarlo,
asta ke alguno tenía de menester
de su lavoro.
Por modo del sol i la kalor,
uzava chapeo en enverano, i en
invierno, en los días de muncho
frío, se echava una takya de lana
kolor blu ke avía traido de Izmir,
rekodro de su padre.
Una tadre Daviko Nahmias,
ke morava en la kaleja Vera, le
demandó si pudía yevarle a la kaza
el cheslóng ke avía merkado en lo
de Samuel Donio, metiéndose de
akordo por el pago para este lavo-
ro, ansina ke ansina, entraron en el
magazen.
En primero saludó a Manolo, el
empiegado ke kuzía las ropas i des-
púes al mansevo ke alimpiava kon
kudiado las antikerías de kristal del
magazen.
Don Avram Kazika al ombro
ampesó a kaminar al fondo, bus-
hkando lo ke tenía de yevar a
arabá.
... en súpito se le travó la pachá
siedra en un moble ke estava ayí,
“komo la estreya de Djohá”, i se
kayó enbasho de mushos i karas,
kedandole la pachá preta, komo la
kolor de su kavayo.
A Daviko se le tomó el suluk,
le asuvieron las kongoshas i los
inyervos.
Se abokó i lo ayudó a alevantar-
se. Paresía ke el guerko avía entra-
do en el magazen! Ke lavoro fue
para Daviko de alevantar el puerpo
godriko de don Avram, asta ke lo
pudo asentar en una siya.
Samuel Donio kedó demuda-
do, entremientes iva mirando el
boy de pachá i el hal ke le kedó!
Kaji el mismo hal en ke estava el
moble. Miró a Nahmias, i yama-
ron pishín, pishín a la Asistensia
Públika.
Povereto de Kazika al
ombro! Kedó sin azer este
lavoro i yevar las parás a
kaza para bivir komo
manda el Dió!
Ama lo ke akontesió
parese un miraklo:
Nahmias i Donio tenían
el tino en don Avram, mirán-
dosen a los ojos i fumando un
sigaro en asperando la ambulansia,
se metieron de akordo para darle
parás para unos kuantos días, asta
ke se eskape la hazinura i ansi-
na pueda tornar al lavoro kon la
arabá.
Metieron la mano en la aldikera i
sin más i más le dieron un paketiko
de parás kada uno.
Vizinos del kuartier, Nahmias i
Donio le dezearon a don Avram:
Ke se tope saludozo i bueno de la
hazinura i mas mal ke no le kayga.

Ladinokomunita: http://groups.yahoo.com/group/Ladinokomunita/ Mesaje: 26627

ELIZ GATENYO / ESTAMBOL

Para Rosina - Lo ke se komiya en Estanbol egatenyo@yahoo.com

Kerida Rosina, leshos! Pan, kon gramos. Azete,

kon damlas! Margarina o mante-
Mira ke estas ampesando a azerte muy ka, ni la shaka! Porke tapa las
danjeroza... venas.
Ke aviya agora de akodrarmos tantas Esto todo te vo kontando
kozas, ke solo de meldar mos aze tomar para amostrarte de ande a
kilos? ande trokaron las uzansas de
Si avlavas solo del simit, era medyo mal. lo ke komiyamos antes i lo ke
No abasto las gozlemes i los bimuelos, mos komemos agora.
avlates i de la frojalda. I ensima mos kontas Kreyete ke mozotros ke esta-
de los borekes de Sariyer. Ah Rosina, bivir ke mos aki aryentro de estas kozas
te veya sana i rezya. ke te eskarinyas, no pasamos ni por
No saves ke agora todo esto es defendi- al lado.
do? Kuanta koza enshaguada ke ay, esto es Yo me akodro ke mi mama gizava unas
lo mas mahpul. Por egzempio: Lo blanko de avikas, kon dos dedos de azete ensima. Se
la gayina asada en el teflon, sin una damla de untava pan al kaldo yeno de azete.
azete, seko tutun. Las legumbres kochas a la Agora i yo me esto indo a bever una kupa
vapor i shavdas sin sal. Sal es tosigo! Asukar de agua Tasdelen. Ya mos abasta por esta
aze danyo! Arina, por sedaka! Arroz blanko, noche. Puedeser mos espide esto todo...

Mi kuartier de la chikez - 2
MARÍA ESTHER S. L. DE CYWINER / TUCUMAN
mecy@sinectis.com.ar
Las kazas en ke moravan los sefaradís izmir-
lís de mi vezindado (en el mismo blok de la
“Asociación Israelita Sefaradí de Beneficencia
de Tucumán”, en San Miguel de Tucumán,
República Argentina), eran todas edifisios
bashos, jeneralmente kon un balkon ke dava a
la kaye i en algunas, una eskalera al fondo kon
una parte altika ke puedía servir de kamareta de
echar para las famiyas numerozas.
Al interior se entrava direktamente, o de un
hol kon una segunda puerta de entrada. En el
hol avía fotolyos de madera o de estera, kon
almadas i poza-brasos brodados por las manos
kapaches de las mujeres de la kaza. Por ayí se
entrava a la kamareta de komer, ke jeneral-
mente dava a la kaye i ande no era raro de ver
un piano kon un tapón adornado kon flores i
pasharós. Por una puerta interior, se komunika-
va a la kamareta de echar prinsipal. Desde el hol,
se veía un patio separado por un panel de vidros
de kolores i una puerta kon numerozos saksís
(maceta/flower-pot) kon plantas i la ruda. De
una vanda del patio se avrían una o más puertas
de otras kamaretas, kon sus kortinas teshidas. I
en pasando por un pasaje, al fondo, se topava
la kozina i el banyo. Esto, kuando moravan dife-
rentes famiyas basho un mismo techo.
Otras moradas, kon famiyas más chikas,
tenían mankas komodidades. De la kaye se
entrava direktamente a lo ke servía de salón,
kamareta de komer, i por la noche, de echar.
En un kantón avía una kama turka, kon un
kuvre-kama teshido al kroshé. Las puertas eran
de madera kon vidros, kon teshidos de kroshé
ke impedían las miradas indiskretas de los ke
pasavan por la kaye kuando los panjures (posti-
go/shutter) estavan aviertos durante el día.
Kuando la famiya tenía algún negosio -un
magazén-, la morada kedava ariento del lokal. I
por esta razón, las komodidades también eran
limitadas. Kamaretas de echar partajadas por los
ijos, un banyo, una kozina, i un patio en medio,
ke servía en mismo tiempo komo depó de ropas,
plantas i otros objektos.
Los patrones del negosio ke tenían la morada
ariento del lokal, no tenían deskanso ni de día
ni de noche, ni en los días de fiesta. Los klientes
siempre se akodravan a la última ora del asúkar,
la arina, el kezo, la azete, el vino, el kafé, ke no
avían merkado de día. I komo en estos anyos se
merkava todo fíado (kere dizir ke se anotava lo ke
se merkava kada día i, a la fin del mez, kuando se
kovrava la mezada, se pagava), avía de ser amavle
i atender al vezino, día de Shabat i a toda ora.
En estos kavzos de chikos komersiantes de
merserías, vedruras, este esforso de la famiya
permetió ke un ijo menor, kon el ayudo de los
ermanos grandes, pueda kontinuar sus estu-
dios en un Instituto tékniko o en una Eskola de
komersio; i optar por alguna kariera universita-
ria, kuando la situasión ekonómika se izo más
konveniente ke en los anyos del arrivo de los
imigrantes, en las primeras dekadas del siglo XX.
Me akodro en el magazén de la famiya
REKUERDOS
Algranatti, de 9 de Julio i Las Piedras, a unos
kuantos blokes de la Kilá, un enorme varil kon
una fuentizika por ande salía la azete: medio
litro, un kuarto, lo ke fuera. También el vino
venía en variles i se vendía según la demanda.
I avía grandes kuvos de madera yenos de aze-
tunas en salamura i trushí (pickles) en vinagre.
Esto azía ke ariento del magazén se mesklen las
diferentes golores: fideos, arinas, yervas, asúkar,
arroz, espesias, galetas, fustukes, vino, azete,
vinagre i munchos artíkolos más.
En el magazén de don Isaac Sansón - a pokos
metros de la Kilá - atendido por él i sus ijos,
Davichón i Ñato, además de todo esto, estavan
los kezos i dulses sovre el mostrador alto, de
madera, i al ke yo, era chika i no alkansava. Pero
kuando mi madre me dava moneda para ke
me merke “en lo de don Sansón”, yo savía muy
bien kualo iva merkar. Kuando Ñato me veía, se
abokava i kon una sonriza amigavle, me deman-
dava kualo kería. Sin dudar un punto, le deman-
dava una kulah (cucurucho) kon dulse de leche.
I él, kon un djesto simpátiko, me servía esta
kulah i yo me iva en lambiendo. Kreo ke dainda
puedo sentir la savor delisioza de este dulse de
leche del magazén de don Sansón.
Ni Davichón, ni Ñato ya no están kon mozo-
tros. De Ñato i su espoza konservo testimonios
ke pude gravar munchos anyos después, kuan-
do empesí la rekuperasion del patrimonio de
la kultura sefaradí en Tucumán. Él i su amada
espoza Bellina, mi vezina kerida de la kaye Lavalle,
mos desharon la buena vida en estos últimos
anyos. Eya, komo su nombre lo dizía, era una
bella mujer. I tambien tenía abilidades múltiples.
La rekodro de muchacha, asentada a la mákina,
kuziendo i brodando para su ashugar. Era de
rigor ke las mansevas para kazar aparejen sus
ashugar eyas mismas. Los manteles, savanas i
tapones eran verdaderas djoyas artesanales ansí
komo la blankería fina adornada kon dantelas i
ajures. Las ke tenían abilidades manuales broda-
van a mano sus propia lenjería ansí ke manteles,
savanas, tovajas, ridas, taponikos de tifsin para
el futuro ogar. También brodavan tualetas para
las okaziones festivas, porke en akeyos anyos era
la moda de los fostanes kon payetas i flores. I
algunas mansevas ke se ambezaron el difisil arte
de modista (sombrerera) azían maraviyas kon
plumas, ojas i flores de telas i tules.
Otra koza ke okupava las mujeres, solteras
o kazadas, era la fashadura de los bebés. Las
amigas i parientes de la prenyada kolavoravan
9 TAMUZ 5769 - 1 JULYO 2009 21
siempre a partir del treser mez, kuando se kor-
tava la fasha, i endulsavan este primer korte kon
konfites i bokados dulses i salados. A partir de
este momento, se empesava la konfeksión del
ashugar del bebé por naser.
La kaza de Bellina Israel estava a pokos metros
de la muestra. I munchas tadres, yo iva a vijitarla i
me kedava fasinada de verla brodar estos ermo-
zos pedasos. Después, eya i José “Ñato” Sansón
se kazaron. I yo estuve kuando eya amostro el
ashugar. Fue una verdadera fiesta entre muje-
res. Asistieron todas las sefaradís del kuartier.
Al derredor del patio se avían metido siyas. En
las kamaretas estava ekspozado lo ke konstituía
la dota de esta manseva. I todas las mujeres
desfilavan en admirando las kozas lavoradas por
estas bendichas manos. Esta tadre uvo de todo:
komida, bevienda, dulses, kantes i bailes. I para
eskapar, las vijitas se yevaron sus bogo kon bom-
bones, mostachudos, mogadós i konfites para
los ijos i maridos ke kedaron en kaza.
Bellina morava kon su madre, Donya Regina;
su ermano Yaco, kon Rosa, su mujer i sus dos
ijos, José i Ricardito. Los parientes de Rosa
eran mis vezinos de apartamento, Don Jacobo
León i donya Matilde, tenían dos ijos, además
de Rosa: Simón i Lazari. Simón era estudiante
de medisina en Córdoba, sivdad universitaria
de la Argentina por ekselensia. I sus parientes
i ermanos ayudavan para ke él pudiera azer
sus estudios. Eran anyos en los ke dar estudios
superiores a los ijos en famiyas kon pokos reve-
nidos sinyifikava un verdadero esforso, si no
sakrifisio. Por esto, en estas dekadas entre los
kuarenta i los sinkuenta, fueron muy pokos los
profesionales ke pudieron alkansar a títulos uni-
versitarios ariento de la komunidad sefaradí de
muestra provinsia.
Uno de los primeros, kreo rekordar, fue el
Dr. Salvador Pesa, un reputado shirurjano. Oy,
el Dr. Prof. Simón León, no sólo es rekonosido
komo un profesional de ekselentes anteseden-
tes en toda su kariera komo médiko shirurjano,
ma también eskrivió un livro ande konta de su
vida profesional; i onra a todos akeyos profe-
sionales ke kompartieron kon él estos anyos del
ospital públiko i de la katedra universitaria.
22 9 TAMUZ 57 6 9 - 1 J U L Y O 2 0 0 9
PATRIMONYO
Muestras raizes las tenemos en el djep*
ISAAC HASKIYA / DANIMARKA
isaachaskiya@hotmail.com
Somos djudyos. Somos sefaradis. Avlamos
un modo de espanyol del siglo XV. Nasemos en
un lugar, mos vamos a otro i en vezes murimos
en un treser. El ladino lo yevamos kon mozot-
ros tambyen. Mi papu (avuelo) nasyo en Edirne
i muryo en Viena. Mi madre nasyo en Edirne i
muryo en Suedia. Yo nasi en Istanbul, bivi tren-
tisesh anyos en Suedia, un anyo en Espanya, un
anyo en Israel i agora aze sesh anyos ke bivo en
Danimarka. Solo el Dio save ande vo murir.
Byen! De esto pasaremos a una istorya ver-
dadera. Mi padre tenia syete ermanos i una
sola ermana. Todos nasidos en Edirne tambyen.
Algunos estuvyeron en Viena, otros en Bulgaria,
otros en Estambol. Mi tia estava kazada kon
un ombre ke tenia un ermano en Paris. Komo
la situasyon en Turkia estava dura, syendo ke
Ilustrasyon: Roz Kohen Drohobyczer
el pais avia trokado su forma politika i ke kalia
empesar todo de muevo. Entonses la famiya de
mi tia desidyo en el anyo 1930, de ir a Fransya
ande bivia el ermano del marido. Desharon sus
apartamento. Vendyeron sus mobles. Kitaron
pasaportes italyanos porke el era de nasyona-
lidad italyana. Merkaron bilyetes de vapor, de
Estambol a Marsilya en segunda klasa, padre i
madre i dos ijas en una kamara. Kaji una sema-
na les tomo para pasar por todos los portos
importantes. No se save si pudyeron yevarsen
un poko de paras, ma me parese ke no tenian
tantas posibilidades finansyaryas. Tenian en sus
baules lo ke era lo mas de menester. Kuando
debarkaron en Marsilya, el ermano estava ayi
i tomaron todos el tren para Paris. Ke puede
azer un djudyo sefaradi en una sivdad mueva i
grande komo Paris? Ke aze un djudyo? Avre una
butika i empesa a vender ropa, ilos, un poko de
vestimyenta i mira de ganar su vida ansina. Las
dos ijas empesan en la eskola franseza. Les nase
un ijo. En kaza avlan ladino porke era la lingua ke
se avian yevado komo se avian yevado sus raizes
en el djep. Lavoran i biven, biven i lavoran.
Esto asta ke viene la Segunda Gerra Mundial.
Los alemanes okupan una grande parte de
Fransya. En 1942, komo tenian pasaportes ital-
yanos, antes ke los alemanes los aferren, toman
el tren de Paris para Italya. Biven sin problema
en una chika sivdad yamada Terrano, en las
montanyas del Abruzzo. Kuando los alemanes
entran en Italya kon sus armada, porke los
italyanos no pudyeron defendersen solos, la
famiya troka de lugar otra vez i se eskonden en
Nettezano, un kazal en las mas altas partes de
estas montanyas, asta ke se eskapa la gerra.
La djente del kazal los ayuda para sovrebivir.
En 1945, tornan a Paris i la administras-
yon de los refujyados los mete en un otel,
el Lutétia, asta ke puedan topar un aparta-
mento. Otra vez kale empesar del empesijo.
El padre ya no puede avrir otra butika i
deve lavorar kon ofisyos chikos, un poko aki
i un poko ayi. La ija grande se kaza kon un
djudyo grego ke sale del kampo de konsent-
rasyon, kon el numero gravado en el braso.
Empesan a vender vestimyenta en un mer-
kado en el norte de Paris. El rezultado sale
byen i pueden merkarsen un apartamento
REPOTADO POR: ISRAEL BENYAKAR / ESTAMBOL
srulmacho@yahoo.com
El Munyako i la Bala de Biliardo
Un ombre entro a un bar kon el mun-
yako ke teniya. El munyako no se estava
kedando en su lugar, siempre estava sal-
tando, de todas las mezas estava toman-
do unas kozas. Kualo estava topando se lo
estava komyendo. En fin, salto a la meza
de biliardo, la aferro la bala de biliardo, se
la echo a la boka i se la komyo.
El barmen ke vido esto, empeso a gritar:
“Kualo esta azyendo este, la botika me
la izo salata i agora se la komyo la bala de
biliardo.”
El patron del munyako le respondio:
“No te inyerves amigo, no te merikiyes,
te lo va pagar todo, metemela a mi kuento.”
El ombre pago i se fue.
kaji en el sentro de Paris. La otra se kaza kon un
fransez i empesa a lavorar en las ropas tamb-
yen. El ijo sale muy kapache i empesa a vender
ashugares kompletos para novyas, en una kaza
de kazamyento i los entrega a butikas en todas
sivdades. Le va muy byen i empesa a enkomen-
dar vestimyenta para ombres en las fabrikas de
konfeksyon. Vende komo grande merkader a
otras butikas. Oy en dia sus ijos lavoran en esta
firma, ma de muncho mas grande; son byen
konosidos en Fransya entera.
Yo los konosi en 1962 kuando estuve en
Paris por la primera vez. Moravan en un apar-
tamento del siglo XVIII, fraguado de pyedra,
ma kon las eskaleras de tavla i kon el banyo i la
privada afuera, komun para tres apartamentos.
Mas tadre pudyeron azer el banyo en el apar-
tamento. Mi tia i su marido avlavan syempre el
ladino entre eyos. Mis primas mita i mita. La ija
de mi prima, ke tambyen lavora asta oy en dia
en la konfeksyon de moda, avla solo el fransez.
Nunka pudo mi padre ver a su ermana de
kuando salyeron de Turkia i kada vez ke yo iva a
Paris, tenia eya las lagrimas en los ojos.
La vida es komo un paketo ke avrimos sin
saver lo ke ay aryento. A vezes sale otro paketo i
aun otro mas. Ke se puede azer? ”Ma laasot?”**
komo se dize en Israel.
* djep: aldikera / ** Ma laasot?”**: Ke se puede azer?
Una semana despues, el ombre entro
al mizmo bar kon su munyako. El
barmen ke lo vido al munyako, se
korto atansyon kualo va tomar
i va komer. El munyako salto
enriva del bar, echo la mano i
tomo una avramila. La miro,
la miro... Vino, se la enkasho
en el kulo. Despues se la
kito i se la komyo.
El barmen demando al patron del
munyako:
“Ke izo este agora?”
“Del diya ke komyo la bala de
biliardo, antes de komer, todo se lo
esta mezurando.”

Los Papazes i el Azno de Djoha
Reportado por: GAD NASSI / HERZELIA
nassig@zahav.net.il
“Na! Una letra para ti!” Ansi se avia adresa-
do el mesajero del governor a Djoha, entero
enkantado.
“Una letra para mi? Ma, para kualo esto!” res-
pondio Djoha, en tomando la envelopa en sus
manos i aboltandola los ojos enteros aviertos.
Resivir letra era una koza rara en akeyos
tiempos, porke muy poka djente savian meldar i
eskrivir. Orozamente, Djoha apartenia a los ke ya
se avian ambezado a meldar.
“Bueno! Meldala esta letra, i no me agas diri-
tir!” salto la mujer de Djoha.
“Meldala!” disho i el mesajero, ke de mizmo,
no savia meldar.
Djoha alimpio su garon en tosiendo i se
metyo a meldar:
“Tres papazes, todos savios, estan aktual-
mente vijitando muestra sivdad. Tienen tres
kestiones ke keren pozar a muestros savios. Sos
invitado a un banketo organizado en sus onor.”
Entonses, Djoha salto a su azno i se dirijo al
konak del governor, i el mesajero detras de el.
Kuando supo ke la kontestasion de savidu-
ria se iva azer antes del banketo, Djoha ya se
kalmo, porke iva pueder somnolar despues de
komer i devia ser enteramente espierto para
afrontar a los papazes.
“Na! Aki esta Djoha, el savio!” saltaron los
papazes, en viendolo.
Salvando Linguas
Anna Barki Bigio es espesialista en el puevlo dji-
dio sefaradi espesialmente sovre las linguas Ladino
i Haketia. “Carioca”- nasida en Rio de Janeiro - des-
pues de kazarse se fue a morar en São Paulo. Antes
del portuges se ambezo el Ladino i el italiano. Kon
Klara Kochen izo el grupo “Kaminos de Leche i miel”,
ande se reunen una vez por mes para avlar, estudiar
i kantar en Ladino. Aze todo para mantener bivo el
movimiento sefaradi del judaísmo.
En el 3o Confarad ( Congresso Sefaradi do Brasil)
en 2004 echo endjuntos kon el 2o enkontro Sefaradi
Beth El i el 1o Festival de Filmos Sefaradis en Rio de
Janeiro, Anna izo una konferensya “Ladino i Haketia en
la transmisión Oral i Escrita del Judaísmo de Iberia”.
Eya avlo sovre dos linguas importantes para la
vida de los djidios de Portugal i Espanya despues de
la ekspulsyon. La Haketia es una meskla de espanyol,
portuges, ebreo i arabo avlado por los ke vinieron de
Portugal i Espanya i se fueron al Maroko, i el Ladino
una meskla de diferentes dialektos avlados en Espanya
antes de la unifikasyon en 1492, ke koinsidio de una
manera trajika kon el Orden de Ekspulsyon de los
Djidios. Kontinuando a avlar la lingua de sus paizes en el
Sieklo XV, los djidios sefaradis se izieron una fuente de
konsulta para los espesialistas de la lingua espanyola.
Los ke estavan eskuchando rekonosieron las dichas
de sus chikez.
Los espesialistas de linguas lo rekonosieron komo
uniko dokumento bivo del prinsipio del sieklo XV. La
rikeza literaria del Ladino kon sus poezias, kantigas i
las famosas dichas, izieron la kultura de un puevlo ke
PATRIMONYO
“Va pozar la primera kestion,” disho uno de
entre eyos, i adjusto:
“Ande es el sentro de la tierra?”
En esto, Djoha apunto kon su pie la trasa
deshada por la unya de su azno:
“El sentro de la tierra es egzaktamente basho
la unya de mi azno.”
“Es ke estas siguro?” demando el papaz.
Djoha sakudyo sus ombros:
“En kavzo ke usted no esta siguro, no tiene
ke de mezurarlo. Si en kavzo ke su mezura
amostrara un lugar mizmo de un puso mas les-
hos del lugar ke amostri, sera siguro ke usted es
mas savio de mi.”
El papaz estuvo mirando la trasa de la unya
del azno. Sakudyo sus ombros i izo sinyo al
papaz segundo para ke poze su kestion.
“Mi kestion es,” disho el papaz, i kontinuo:
“Kuantas estreyas ay en el sielo?”
“El mizmo numero de pelos ke tiene mi azno.”
“Komo lo puedes provar?”
“O! Es muy simple. Si usted se esta duvdan-
do de mi repuesta, puedra kontar las estreyas
del sielo, i despues, kontar los pelos de mi azno.
I si topara un solo pelo o una sola estreya manko
o demaziya, toda la djente de muestro payis
savra ke usted es muncho mas savio ke mi.”
Ansi, i el segundo papaz sakudyo sus
ombros, i paso la palavra al treser papaz, ke era
el mas importante de entre eyos:
“Djoha Efendi! Mi kestion es muy simple.
Kuantos pelos ay en mi barva?” I aferro su barva
i la frego.
por munchos sieklos se konsidero la mas importante
komunita djudia del mundo.
Miguel Unamuno, eskritor de “La dulce lingua sefaradi”
disho, ni los espanyoles ni los portugeses deven kedarsen
indiferentes al desparesimyento del Ladino. Mantener biva
la kultura es difisil ama no imposivle. Komo dize Unamuno
“el idioma es la sangre de un pueblo”.
La lingua avlada por los djidios sefaradis tomo dos
kaminos: el primero es la lingua de los ke se fueron
al Maroko i adopto el nombre Haketia, ande se djun-
taron palavras ebreas i arabes. El otro fue el Ladino
ke es el espanyol kon ebreo, arabo, italiano, fransez,
inglez, turko i grego.
9 TAMUZ 5769 - 1 JULYO 2009 23
Ilustrasyon: Roz Kohen Drohobyczer
“Usted tiene razon,” respondio Djoha. “La
repuesta a esta kestion es muy simple. La barva
de usted tiene el mizmo numero de pelos ke la
kola de mi azno.”
“Komo lo puedes provar?” demando el
papaz.
“Siguro ke usted tiene todo el dirito de duv-
darse. No le keda mas de empesar a arankar
los pelos de su barva uno a uno, kuando i yo
va arankar uno a uno los pelos de la kola de mi
azno. I si kedara un pelo demaziya o de manko
en su barva, o en la kola de mi azno, toda la
djente savra ke usted es mas savio de mi.”
El papaz aferro de muevo su barva, la frego,
i se kedo entero mudo.
En esto Djoha salto:
“I, kuando es ke se va empesar a komer?”
REPORTADO POR ROBERT SIDI / PORTO ALEGRE
sidiodon@via-rs.net
En 1996, kon el rekonosimiento del Knesset,
se izo la ANL (Autoridad Nasionala del Ladino),
para ambezar el Ladino i su kultura en Israel. La
fundasyon de la ANL se izo kon el 5o presidente
de Israel, Yitshak Navon.
Dichas en Ladino
Kalavasa: persona ke avla bavajadas. Solo avla
kalavaserias.
Ya dio savor de kalavasa: persona ke enfasya
diziendo las mizmas kozas.
Kalavasa: kavesa sin kaveyos.
Se izo una berendjena: kuando tomo muncho
sol i se kemo.
Ravano: bovo.
Echando bamyas: kuando avla mintiras.
Ensembrar palos para aharvar.
Es un pimientón: ken se aravia presto.
Algunas dichas en Haketıa i en Ladino
H - Yo soy i yo me lo valgo
L - El se lo kanta, el se lo bayla.
H - La suerte de la fea la hermosa la desea.
L - El mazal de la fea, la ermoza lo dezeya.
H - Mas vale tarde que nunca.
L - Mas vale tadre ke hich.
H - Larga komo la Haftara de Tishabeav.
L - Me konto una perasha entera.
H - El asno con el ojo del amo engorda.
L - El ojo del patron engodra el kavayo.
Fuente: Artikolo por Anna Barki Bigio, Shalom
de São Paulo, Vol. VII, no331
24 9 TAMUZ 5 7 6 9 - 1 J U L Y O 2 0 0 9
MUEVAS PUBLIKASYONES

Diksionario Amplio Djudeo-espanyol – Ebreo

Dr. Avner Perez & Gladys Pimienta

Un lavoro grande por la parte del Dr. Avner i Gladys Pimienta en este diksionario
donde arekojeron komo 50 000 palavras en Djudeo-espanyol i las tradusieron al
Ebreo. Este lavoro tapa una partida del vakum ke ay en diksionarios de esta lingua de
muestros abuelos. Esperamos ke la parte Ebreo-Djudeo-espanyol tambien aparesera
en serka en kompletando el siklo. Un lavoro de diksionario no se eskapa fasilmente
porke no viene fin de palavras. Para pueder ayudar a investigadores kale kedarse en un
momento i publikar. Felisitasiones a los autores.

ISBN: 978-965-7408-01-8

La Mujer Onesta – The Chaste Wife

Eliya R. Karmona (Traduksion al ingles por Michael Alpert)

La Mujer Onesta konstituye unas de las pokas novelas transliteradas del ladino. La novela
ennaltese la fuersa i dinyita de una mujer ke tiene un marido selozo. El marido bushka
a provar la fidelidad de su mujer en invitando a otros ombres a azerla ennamorar de
eyos. La mujer mantiene su virtud i los otros ombres se azen ridikulos. La Mujer Onesta
kontiene la novela orijinal en ladino kon la traduksion al ingles por el Prof. Michael Alpert
de la Universidad de Westminster en Londra.

ISBN: 978-1-90551Z669

Un Ramo de Poemas – A Bouquet of Poems

Haim Vitali Sadacca (Traduksion por David Fintz Altabe)

Haim Vitali Sadacca, nasido en Chanakkale (Turkiya), oy kompoza poeziyas solo en djudeo-
espanyol, su kerida lingua ansestral. Las poeziyas de Sadacca reflektan siertos elementos ke
azen parte de la kultura i istoria Sefaradi, i mientras ke estas kalidades dan una kolor i una
karakteristika espesial a la poeziya, los temas, las lisiones, i los sentimientos son universal.
“Las poeziyas de Haim Vitali Sadacca deskuvren un mundo de sentimientos ke estan
eskondidos en nuestros korasones. Eyas ekspresan en un ermozo ladino, amor i pasion,
dolor i tristeza, alegria, regreto i soledad i son perfektas para pueder kontinuar a bivir en sus
plenitud i poder ser ambezadas a traverso los versos elegantes de sus poemas.”
(Matilda Koen-Sarano, autora, poeta, i maestra de ladino, Yerushalayim)
ISBN: 978-1-886857-11-7

Kon Bayles i Kantes (Diezisiete komedias muzikales)

Matilda Sarano-Koen / Edision de Michael Studemund-Halévy

Este livro maraviyozo ke la infatigavle Matilda kito a luz “no konstituye una ovra inedita:
es un rekojimiento de piesas teatrales ke aparesieron desde munchos anyos en [otras de
sus] edisiones. La abondansia del material linguistiko akumulado mos da la oportunidad
de prezentar a los meldadores enteresados, ma sovre todo a los filologos i espesialistas
de filolojia djudeo-espanyola, un manyifiko korpus de tekstos ke mos amostra de manera
konvensiente ke el djudeo-espanyol es i sera una lingua biva, una lingua ke dispoza de
un riko vokabulario adapto a la produksion literaria, sea de poezias, romansos o teatro.”
(Michael Studemund-Halévy)
ISSN 0177 – 7750