Kawhhmuh tum : Lal huaisen mipuiin an chawimawi

Chhiar tûr : Marka 11:1-11

ZIRTIRTUTE TAN : Isua, lal anga Jerusalem-a a luh hi ruahman lawka ti a nih a rinawm. Matthaia
chuan zawlnei Zakaria sawi lawk thlen diknaah a ngai.
Aw Zion fanu, nasa takin hlim la;
Aw Jerusalem fanu, au chhuak rawh;
Ngai rawh, i lal i hnenah a lo kal e;
Mi fel a ni a, hnehtu a ni;
Inngaitlawm takin sabengtung chungah a chuang a,
Sabengtungno chung ngeiah (Zak 9:9)

Isuan a zirtirte leh damlo a tihdam \henkhat hnenah chuan Messia a nih thu puang zar lo turin a
ti \hin a. Tunah erawh chuan a hun hnuhnung lam a ni ta bawk a, amah ngeiin puan zar a duh ta a ni.
Miin amah an rin theih nan, a tawpna atana intar lan a duh a ni thei bawk. Mahse, Luka 19:41-a kan
hmuh angina, Jerusalem chuan chhiatna a pumpelh phah dawn chuang lo a ni.

Juda-ten chaknaa rorel tur Messia an beisei laiin, Isua chuan chakna hmang lovin, indona leh
chakna entirna, sakawra chuang lovin, remna entirna, sabengtung chunga chuangin Lal (Messia) a
nihzia a lantir ta zawk a ni. Juda-hoten hnawh chhuah (outlaw) anga lu man nei khawpa an dah leh an
zawn an zawn laia, mi tam hun lai ber a ualau thei ang bera Jerusalem-a a lut hian, Isua huaisenzia leh
a tir tura a tlanchhiat lohzia a lantir a ni.

Isua Jerusalema lal anga a luh hun hi Kalhlen Kut dawn lai a ni a, kut hmang turin mipui tam tak
an kalkhawm \hin. Isua thih hnu kum 30-ah khan Rom Governor-in Kalhlen Kut hmangtu zat a chhiar
a. Chuta an beram talh chu 2,50,000 a tling \helh a ni tih an hmuchhuak a, beram pakhat mi 10 zelin an
ei \hin a; mi 25,00,000 lai an tling tihna a ni.
NAUPANGTE TAN : Thuhmahruai : Lal Isua leh a zirtirten khawvela rawng an bawl lain harsatna
tam tak an tawk \hin a. Isua chu ‘Tidamtu’ tiin mi tam takin lawm hle mah se, Juda hotu tam takin an
er em em a, harsatna tam tak an siamsak \hin. Vawiinah chuan Lal Isua, ropui taka Jerusalem-a a luha,
miten an chawimawi dan chanchin kan zir dawn a ni.
1. ISUAN MESSIA A NIH PUAN A DUH : Jerusalema Isua lal anga a luh hun lai hi Kalhlen Kut hi ni
khat an hmang \hin. Chhang dawidim telh loh kutin a zui nghal a, chu erawh chu ni sarih an
hmang \hin. Jerusalem a\anga km.32 bial chhunga mi chu Jerusalema kal vek tur an ti a; chuvangin,
mi an tam hle \hin a ni. Palestina ram chhunga mi chauh lo, ram hrang hrang a\angin kut hmang
turin an lo ka \hin a. Hetih lai, mi tam hun ber hian Messia a nih intar lam a duh a ni. Juda
hruaituten thah an duh a, an zawng reng a ni tih a inhre chiang a; ualau taka chutia tih chu a
hlauhawmzia pawh a hre vek a ni. Mahse, huaisen taka tih tlang a tum tlat a ni. Keini ni ila, mi
hmuh turin kan awm lang ngam hauh lo vang.
2. A INBUATSAIH LAWK : Isua chu Bethphage leh Bethani khaw kiang a lo thlenin, zirtirte zinga
mi pahnih chu sabengtung thlun sa, an hma zawn khuaa mi la turin a tir a. Bethphage leh
Jerusalem inkar hi hnai te a ni a; Bethani pawh a hla lo. Isua hian a tlachawpa thil a tih a rinawm loh
va, \hian \ha neiin, chungte hnen a\anga a mamawh hun huna lak mai turin thu a chah lawk diam
pawh a ni thei (Mk 11:1-3). Sabengtungno thlun an phelh lai pawhin, “Engati nge in phelh?” titute
chu, “Lalpain a duh a ni,” tia an chhanin phelh an lo remtisak nghal mai a nih kha.
3. JERUSALEM-AH ISUA AN CHAWIMAWI : Sabengtungno chungah chuan an puante an phah a,
Isua chu a chuang ta a; mipute chuan lal angin an lo lawm a. Mi tam takin kalkawngah an puante
an phah a. Mi dangin thinga mi chhawl satin an phah bawk a. Isua dinhmun enin, ngawi renga a
ruka Jerusalem lut awm tak a nih laia sabengtungno chunga chuanga a lut hi a huaisenzia lantirtu a
ni.
Mipui, a hma leh a hnunga kalte chu an au va –
“Hosanna! Lalpa hminga lo kal chu fakin awm rawh se;
Ram lo thleng tur, kan pa Davida ram chu chawimawiin awm rawh se,
Chungnung berah khian, Hosanna!” (Mk 11:9-10)
tiin an au va. ‘Hosanna’ chu Hebrai \awng, ‘Tunah chhandam rawh’ tihna a ni a; hnehchhiah tuarten
an lal (chhandamtu) an auhna a ni. Keini chuan inlawmna leh chawimawinaah kan ngai main a lang.
Isua lawmtute hian eng rilru tak pu ang maw?
Eng pawh ni se, Jerusalem-a kala, tuarna nasal eh khen beh hial tawk tura luhchilh mek Isua chu
fak leh chawimawi tlak a ni a, miputen an chawimawi a ni. Isua anga thu dik \ana thawktute chu
Pathianin a chawimawi \hin.

Thuvawn : Marka 11:9,10

Tin, a hma lama kalte leh a hnung lama rawn zuite chuan,
“Hosanna! Lalpa hminga lo kal chu fakin awm rawh se;
Ram lo thleng tur, kan pa Davida ram chu chawimawiin awm rawh se,
Chungnung berah khian, Hosanna!” tiin an au va.

Zawhna :
1. Eng kut laiin nge Jerusalem-ah Isua lal anga a luh?
= Kalhlen Kut.
2. Isua, sa chunga a chuan khan engtinga intar lan nge a duh?
= Lal angin.
3. Isua chuanna sa kha eng entirna nge?
= Remna entirna.
4. ‘Hosanna’ tih hi eng entirna nge? Eng tihna nge?
= Hnehchhiah tuarten an lal (chhandamtu) an auhna ani. Tunah Chhandam rawh.
5. In zirlaiah hian Isua a huaisen em em tih entin nge in hriat?
= Ngawi renga a ruka Jerusalema lut awm tak a nih laia Sabengtungno chunga chuanga a luh a
vangin.