English (IAST)  List of Stotras – stōtrāṇi 
FOLLOW:    
NEXT STORY
Sri Varadaraja Stotram – śrī varadarāja
stōtram
PREVIOUS STORY
 Sri Vittala Kavacham – śrī viṭhṭhala
kavacam
English (IAST)
ADVERTISEMENT
CATEGORIES
 1008 (7)
 108 (89)
 Ayyappa (13)
 Bhagavadgita (21)
 Dasa Mahavidya (25)
 Dattatreya (12)
 Devi (94)
 Durga (30)
 Durga Saptasati (22)
 Ganesha (39)
 Gayatri (10)
 Guru (38)
 Hanuman (24)
 Keerthana (25)
 Krishna (80)
 Lakshmi (36)
 Lalitha (26)
 Miscellaneous (27)
 Naga Devata – nāgadēvata (1)
 Narasimha (24)
 Narayaneeyam (99)
 Navagraha (55)
 Puja Vidhi (8)
 Raama (37)
 Sai Baba (13)
Saraswati (14)

 Shiva (126)
Subrahmanya (21)

 Sundarakanda (69)
 Surya (14)
 Veda Suktam (49)
 Venkateshwara (32)
Vishnu (107)

 Vividha (30)
A MOMENT PLEASE !!
Namaste !! Please take a moment to spread this valuable treasure of our Sanatana Dharma among your
relatives and friends. We are preparing this website as a big library of Stotras, Veda Suktas and Puja
Vidhis without any print mistakes. If you find stotranidhi.com valuable, please use this in your daily puja,
group chanting and devotional events. Encourage others to chant shlokas and mantras properly. Please
give monetary support to this website by purchasing our books. Shubham.
SUBSCRIBE FOR EMAIL NOTIFICATIONS
Home
Dasa Maha Vidya – daśamahāvidyā
Sri Ayyappa Stotras – śrī ayyappā stōtrāṇi
Sri Ganesha Stotras – śrī gaṇēśa stōtrāṇi
Sri Lakshmi Stotras – śrī lakṣmī stōtrāṇi
Sri Raghavendra Stotras – śrī rāghavēndra stōtrāṇi
Sri Subrahmanya Stotras – śrī subrahmaṇya stōtrāṇi
Stotra Nidhi © 2021. All Rights Reserved.
Made in India.
Vaidikam  Anubandham  Contact 
NARASIMHA
Prahlada Krutha Narasimha Stotram – śrī nr̥siṁha

stutiḥ (prahlāda kr̥tam)
PUBLISHED ON STOTRANIDHI.COM · UPDATED ON JULY 1, 2020
Language : : ಕನ ಡ : தமி : दे वनागर : English (IAST)
[** adhika ślōkāḥ –
nārada uvāca –
ēvaṁ surādayassarvē brahmarudrapurassarāḥ |
nōpaitumaśakanmanyusaṁrambhaṁ sudurāsadam ||
sākṣācchrīḥ prēṣitādēvairdr̥ṣṭvā tanmahadadbhutam |
adr̥ṣṭā śrutapūrvatvātsānōpēyāyaśaṅkitā ||
prahlādaṁ prēṣayāmāsa brahmā:’vasthitamantikē |
tātapraśamayōpēhi svapitrēkupitaṁ prabhum ||
tathēti śanakai rājanmahābhāgavatō:’rbhakaḥ |
upētya bhuvikāyēna nanāma vidhr̥tāñjaliḥ ||
svapādamūlē patitaṁ tamarbhakaṁ
vilōkya dēvaḥ kr̥payā pariplutaḥ |
utthāpya tacchīrṣyaṇyadadhātkarāmbujaṁ
kālāhivitrastadhiyāṁ kr̥tābhayam ||
satatkarasparśadhutākhilāśubha-
ssapadyabhivyaktaparātmadarśanaḥ |
tatpādapadmaṁ hr̥dinirvr̥tōdadhau
hr̥ṣyattanuḥ klinna hr̥daśrulōcanaḥ ||
astauṣīddharimēkāgramanasāsusamāhitaḥ |
prēmagadgadayā vācātannyastahr̥dayēkṣaṇaḥ ||
**]
prahlāda uvāca –
brahmādayassuragaṇā munayō:’tha siddhā-
ssattvaikatānamatayō vacasāṁ pravāhaiḥ |
nārādhanaṁ purugaṇairadhunāpi pūrṇāḥ
kiṁ tōṣṭumarhati sa mē harirugratējāḥ || 1 ||
manyē dhanābhijanarūpatapaśśrutauja-
stējaḥ prabhāvabalapauruṣabuddhiyōgāḥ |
nārādhanāya hi bhavanti parasya puṁsō
bhaktyā tutōṣa bhagavāngajayūthapāya || 2 ||
viprāddviṣaḍguṇayutādaravindanābha-
pādāravindavimukhācchvapacaṁ variṣṭham |
manyē tadarpitamanōvacanēhitārtha
prāṇaḥ punāti sa kulaṁ sa tu bhūrimānaḥ || 3 ||
naivātmanaḥ prabhurayaṁ nijalābhapūrṇō
mānaṁ janādaviduṣaḥ karuṇō vr̥ṇītē |
yadyajjanō bhagavatē vidadhīta mānaṁ
tattvātmanē pratimukhasya yathā mukhaśrīḥ || 4 ||
tasmādahaṁ vigataviklaba īśvarasya
sarvātmanāmapi gr̥ṇāmi yathā manīṣam |
nīcō:’jayā guṇavisargamanupraviṣṭaḥ
pūyēta yēna hi pumānanuvarṇitēna || 5 ||
sarvē hyamī vidhikarāstava sattvadhāmnō
brahmādayō vayamivēśa na cōdvijantaḥ |
kṣēmāya bhūtaya utātmasukhāya cāsya
vikrīḍitaṁ bhagavatō rucirāvatāraiḥ || 6 ||
tadyaccha manyumasuraśca hatastvayā:’dya
mōdēta sādhurapi vr̥ścikasarpahatyā |
lōkāśca nirvr̥timitāḥ pratiyāntu sarvē
rūpaṁ nr̥siṁha vibhayāya janāssmaranti || 7 ||
nāhaṁ bibhēmyajita tē:’tibhayānakāsya-
jihvārkanētrabhrukuṭīrabhasōgradaṁṣṭrāt |
āntrasrajaḥ kṣatajakēsaraśaṁkukarṇa
nirhrādabhītadigibhādaribhinnakhāgrāt || 8 ||
trastō:’smyahaṁ kr̥paṇavatsala dussahōgra-
saṁsāracakrakadanādgrasatāṁ praṇītaḥ |
baddhassvakarmabhiruśattama tē:’ṅghrimūlaṁ
prītō:’pavargaśaraṇaṁ hvayasē kadā nu || 9 ||
yasmātpriyāpriyaviyōgasayōgajanma
śōkāgninā sakalayōniṣu dahyamānaḥ |
duḥkhauṣadhaṁ tadapi duḥkhamataddhiyā:’haṁ
bhūmanbhramāmi diśa mē tava dāsyayōgam || 10 ||
sō:’haṁ priyasya suhr̥daḥ paradēvatāyā
līlākathāstava nr̥siṁha viriñcigītāḥ |
añjastitarmyanugr̥ṇanguṇaviprayuktō
durgāṇi tē padayugālayahaṁsasaṁgaḥ || 11 ||
bālasya nēha śaraṇaṁ pitarau nr̥siṁha
nārtasya cāgadamudanvati majjatō nauḥ |
taptasya tatpratividhirya ihāñjasēṣṭa-
stāvatprabhō tanubhr̥tāṁ tvadupēkṣitānām || 12 ||
yasminyatō yarhi yēna ca yasya yasmā-
dasmai yathā:’yamuta yastvaparaḥ parō vā |
bhāvaḥ karōti vikarōti pr̥thaksvabhāva-
ssañcōditastadakhilaṁ bhavatassvarūpam || 13 ||
māyā manussr̥jati karmamayaṁ balīyaḥ
kālēna cōditaguṇānumatēna puṁsaḥ |
chandōmayaṁ yadajayā:’rpitaṣōḍaśāraṁ
saṁsāracakramaja kō:’titarēttvadanyaḥ || 14 ||
sa tvaṁ hi nityavijitātmaguṇassvadhāmnā
kālō vaśīkr̥tavisr̥jya visargaśaktiḥ |
cakrē visr̥ṣṭamajayēśvara ṣōḍaśārē
niṣpīḍyamānamapakarṣa vibhō prapannam || 15 ||
dr̥ṣṭā mayā divi vibhō:’khiladhiṣṇyapānā-
māyuśśriyō vibhava icchatiyānjanō:’yam |
yē:’smatpituḥ kupitahāsavijr̥mbhitabhrū-
visphūrjitēna lulitāssa tu tē nirastaḥ || 16 ||
tasmādamūstanubhr̥tāmahamāśiṣō:’jña
āyuśśriyaṁ vibhavamaindriya māviriñcāt |
nēcchāmi tē vilulitānuruvikramēṇa
kālātmanōpanaya māṁ nijabhr̥tyapārśvam || 17 ||
kutrāśiṣaśśrutisukhā mr̥gatr̥ṣṇarūpāḥ
kvēdaṁ kaḷēbaramaśēṣarujāṁ virōhaḥ |
nirvidyatē na tu janō yadapīti vidvān
kāmānalaṁ madhulavaiśśamayan durāpaiḥ || 18 ||
kvāhaṁ rajaḥprabhava īśa tamō:’dhikē:’smin
jātassurētarakulē kva tavānukampā |
na brahmaṇō na tu bhavasya na vai ramāyā
yanmē:’rpitaśśirasi padmakaraḥ prasādaḥ || 19 ||
naiṣā parāvaramatirbhavatō nanusyā-
jjantōryathā:’:’tmasuhr̥dō jagatastathā:’pi |
saṁsēvayā suratarōriva tē prasāda-
ssēvānurūpamudayō na parāvaratvam || 20 ||
ēvaṁ janaṁ nipatitaṁ prabhavāhikūpē
kāmābhikāmamanu yaḥ prapatanprasaṅgāt |
kr̥tvā:’:’tmasātsurarṣiṇā bhagavan gr̥hīta-
ssōhaṁ kathaṁ nu visr̥jē tava bhr̥tyasēvām || 21 ||
matprāṇarakṣaṇamananta piturvadhaṁ ca
manyē svabhr̥tyar̥ṣivākyamr̥taṁ vidhātum |
khaḍgaṁ pragr̥hya yadavōcadasadvidhitsu-
stvāmīśvarō madaparō:’vatu kaṁ harāmi || 22 ||
ēkastvamēva jagadētadamuṣya yattva-
mādyantayōḥ pr̥thagavasyasi madhyataśca |
sr̥ṣṭvā guṇavyatikaraṁ nijamāyayēdaṁ
nānēva tairavasitastadanupraviṣṭaḥ || 23 ||
tvaṁ vā idaṁ sadasadīśa bhavāṁstatō:’nyō
māyā yadātmaparabuddhiriyaṁ hyapārthā |
yadyasya janma nidhanaṁ sthitirīkṣaṇaṁ ca
tadvai tadēva vasukālavaduṣṭitarvōḥ || 24 ||
nyasyēdamātmani jagadvilayāmbumadhyē
śēṣēsvatō nijasukhānubhavō nirīhaḥ |
yōgēna mīlitadr̥gātmanivītanidra-
sturyē sthatō na tu tamō na guṇāṁśca yuṅkṣē || 25 ||
tasyaiva tē vapuridaṁ nijakālaśaktyā
sañcōditaprakr̥tidharmiṇa ātmagūḍham |
ambhasyanantaśayanādviramatsamādhē-
rnābhērabhūtsvakaṇikādvaṭavanmahābjam || 26 ||
tatsambhavaḥ kaviratō:’nyadapaśyamāna-
stvāṁ bījamātmani tataṁ svabahirvicintya |
nāvindadabdaśatamapsu nimajjamānō
jātēṅkurē kathamahōmupalabhēta bījam || 27 ||
sa tvātmayōnirativismita āśritō:’bjaṁ
kālēna tīvratapasā pariśuddhabhāvaḥ |
tvāmātmanīśa bhuvi gandhamivātisūkṣmaṁ
bhūtēndriyāśayamayaṁ vitataṁ dadarśa || 28 ||
ēvaṁ sahasravadanāṅghriśiraḥ karōru-
nāsāsyakarṇanayanābharaṇāyudhāḍhyam |
māyāmayaṁ sadupalakṣitasannavēśaṁ
dr̥ṣṭvā mahāpuruṣamāpa mudaṁ viriñcaḥ || 29 ||
tasmai bhavānhayaśirastanutāṁ ca bibhra-
dvēdadruhāvatibalau madhukaiṭabhākhyau |
hatvā:’:’nayacchrutigaṇāṁstu rajastamaśca
sattvaṁ tava priyatamāṁ tanumāmananti || 30 ||
itthaṁ nr̥tiryagr̥ṣidēvajhaṣāvatārai-
rlōkān vibhāvayasi haṁsi jagatpratīpān |
dharmaṁ mahāpuruṣa pāsi yugānuvr̥ttaṁ
channaḥ kalau yadabhavastriyugōsi sa tvam || 31 ||
naitanmanastava kathāsu vikuṇṭhanātha
samprīyatē duritaduṣṭamasādhu tīvram |
kāmāturaṁ harṣaśōkabhayēṣaṇārtaṁ
tasminkathaṁ tava gatiṁ pramr̥śāmi līnaḥ || 32 ||
jihvaikatō:’cyuta vikarṣati māvitr̥ptā
śiśnō:’nyatastvagudaraṁ śravaṇaṁ kutaścit |
ghrāṇō:’nyataścapaladr̥kkva ca karmaśakti-
rbahvyassapatnya iva gēhapatiṁ lunanti || 33 ||
ēvaṁ svakarmapatitaṁ bhavavaitaraṇyā-
manyōnyajanmamaraṇāśanabhītabhītam |
paśyanjanaṁ svaparavigrahavairamaitraṁ
hantēti pāracara pipr̥hi mūḍhamadya || 34 ||
kō nvatra tē:’khilagurō bhagavanprayāsa
uttāraṇē:’sya bhavasambhavalōpahētōḥ |
mūḍhēṣu vai mahadanugraha ārtabandhō
kiṁ tēna tē priyajanānanusēvatāṁ naḥ || 35 ||
naivōdvijē parama hē bhavavaitaraṇyā-
stvadvīryagāyanamahāmr̥tamagnacittaḥ |
śōcē tatō vimukhacētasa indriyārtha-
māyāsukhāya bharamudvahatō vimūḍhān || 36 ||
prāyēṇa dēva munayastvavimuktikāmā
maunaṁ caranti vijanē paramārthaniṣṭhāḥ |
nainānvihāya kr̥paṇānvimumukṣa ēkō
nānyaṁ tvadanyaśaraṇaṁ bhramatō:’nupaśyē || 37 ||
yanmaithunādi gr̥hamēdhisukhaṁ hi tucchaṁ
kaṇḍūyanēna karayōriva duḥkhaduḥkham |
tr̥pyanti nēha kr̥paṇā bahuduḥkhabhājaḥ
kaṇḍūtivanmanasijaṁ viṣahēta dhīraḥ || 38 ||
maunavrataśrutatapō:’dhyayana svadharma-
vyākhyārahōjapasamādhaya āpavargyāḥ |
prāyaḥ paraṁ puruṣa tē tvajitēndriyāṇāṁ
vārtā bhavantyuta na vā:’tra tu dāmbhikānām || 39 ||
rūpē imē sadasatī tava vēdadr̥ṣṭē
bījāṅkurāviva na cānyadarūpakasya |
yuktāssamakṣamubhayatra vicakṣatē tvāṁ
yōgēna vahnimiva dāruṣu nānyatassyāt || 40 ||
tvaṁ vāyuragniravanirviyadambuyātrāḥ
prāṇēndriyāṇi hr̥dayaṁ cidanugrahaśca |
sarvaṁ tvamēva saguṇō viguṇaśca bhūma-
nnānyattvadastyapi manōvacasā niruktam || 41 ||
naitē guṇānuguṇinō mahadādayō yē
sarvē manaḥprabhr̥tayassahadēvamartyāḥ |
ādyantavanta urugāya vidanti hi tvā-
mēvaṁ vimr̥śya munayō viramanti śabdāt || 42 ||
tattēmahattama namasstutikarmapūjāḥ
karma smr̥tiścaraṇayōśśravaṇaṁ kathāyām |
saṁsēvayā tvayi vinēti ṣaḍaṅgayā kiṁ
bhaktiṁ janaḥ paramahaṁsagatau labhēta || 43 ||
[** adhika ślōkāḥ –
nārada uvāca –
ētāvadvarṇitaguṇō bhaktyā bhaktēna nirguṇaḥ |
prahlādaṁ praṇataṁ prītō yatamanyurabhāṣata ||
śrībhagavānuvāca –
prahlāda bhadra bhadraṁ tē prītō:’haṁ tē:’surōttama |
varaṁ vr̥ṇīṣvābhimataṁ kāmapūrō:’smyahaṁ nr̥ṇām ||
māmaprīṇata āyuṣman darśanaṁ durlabhaṁ hi mē |
dr̥ṣṭvā māṁ na punarjanturātmānaṁ taptumarhati ||
prīṇanti hyatha māṁ dhīrāssarvabhāvēna sādhavaḥ |
śrēyaskāmā mahābhāgāssarvāsāmāśiṣāṁ patim ||
śrī nārada uvāca –
ēvaṁ pralōbhyamānō:’pi varairlōkapralōbhanaiḥ |
ēkāntitvādbhagavati naicchattānasurōttamaḥ ||
**]
iti prahlādakr̥ta śrīnr̥siṁhastutiḥ |
See more śrī nr̥siṁha stōtrāṇi for chanting.
Chant other stotras from home page of , ಕನ ಡ, தமி , दे वनागर , english.
Facebook Comments
Share this:
Сохранить
Like this:
Loading...
 YOU MAY ALSO LIKE...
Runa Vimochana Narasimha Stotram – Sri Mukambika Stotram – śrī Sri Narasimha Stambha Avirbhava
r̥ṇa vimōcana nr̥siṁha stōtram mūkāmbikā stōtram Stotram – śrī nr̥siṁha stambhāvirbhāva
NOVEMBER 26, 2018 NOVEMBER 27, 2018
stōtram
APRIL 30, 2020
LEAVE A REPLY
Comment
Name Email
Website
Post Comment
RECENT COMMENTS
 Anonymous on Sri Saraswathi Dvadasanama Stotram – śrī sarasvatī dvādaśanāma stōtram
 Subhaprada on Puja Vidhanam (Poorvangam) – pūjā vidhi – pūrvāṅgam
 Akash Dubey on Navagraha stotram – navagraha stōtram
 Adi on Sankata Nasana Ganesha Stotram – śrī saṅkaṭanāśana gaṇēśa stōtram
 Satyavani on Ganesha Pancharatnam – śrī gaṇēśa pañcaratnaṁ
Subscribe to our mailing list
email address
108, 300 & 1000 nāmāvalyaḥ About Stotra Nidhi anubaṁdham  Discussions – carcā vēdika Puja Vidhi – pūjā vidhi Stotras Contact – English
Devi Stotras – dēvī stōtrāṇi Guru Stotras – śrī guru stōtrāṇi Naga Devata Stotras – nāgadēvata stōtrāṇi Navagraha Stotras – navagraha stōtrāṇi
Sri Dakshinamurthy Stotras – śrī dakṣiṇāmūrti stōtrāṇi Sri Dattatreya Stotras – Sri Durga Stotras – śrī durgā stōtrāṇi
Sri Gayatri Stotras – śrī gāyatrī stōtrāṇi Sri Hanuman Stotras – śrī hanumān stōtrāṇi Sri Krishna Stotras – śrī kr̥ṣṇa stōtrāṇi
Sri Lalitha Stotras – śrī lalitā stōtrāṇi Sri Narasimha Stotras – śrī nr̥siṁha stōtrāṇi Sri Raama Stotras – śrī rāma stōtrāṇi
Sri Sai Baba Stotras – śrī sāībābā stōtrāṇi Sri Saraswathi Stotras – śrī sarasvatī stōtrāṇi Sri Shiva Stotras – śrī śiva stōtrāṇi
Sri Surya Stotras – śrī sūrya stōtrāṇi Sri Venkateshwara Stotras – śrī vēṅkaṭēśvara stōtrāṇi Sri Vishnu Stotras – śrī viṣṇu stōtrāṇi
Vividha Stotrani – vividha stōtrāṇi

