|HALAI THLIRTU Volume - XXXI, Issue No. 40, K.|.P. DINTHAR BRANCH, AIZAWL, Date: 02.10.

2011 (P - 1)

CHHANDAMNAAH DAMNA A TEL

Taksa lam damna hi Lal Isua min chhandamnaah a tel nghal tih hi hriat a va \ul tak em! Lal Isuan damlo a tihdam khan, I sual ngaihdam a ni tawh e. tiin a hrilh a (Mk 2:5,10-12). Chhandamna kan tih hian Thlarau, Rilru leh Taksa a huam vek a ni. A famkimin kan chanvo hi dawn nghal theih a ni a. Pathian thu kan hriat lohna avangin Tlanna malsawmna kan chan tur hi kan chan loh phah \hin a ni. Kan hriat lohna kha hmelma pain min tihduhdahna remchangah a lo hmang ve leh \hin si a. Ringtu ni si, chak loh vei rengte hi a inhmeh lova. Ringtu ni si, Ka chumi khami chu a na... tih reng te hi a inhmeh lo a ni. Lal Isuan min chhandamna leh min tlanna awmzia kan hre chiang lo a ni e. Kristaa sual ngaihdamna kan chan hi chhandamna a ni a, chutah chuan sual leh Natna ata chhanchhuahna a tel a ni. Webster-a chuan, Chhandamna chu Sual (sin) leh Sual hremna (sin's penalty) a\anga chhanchhuahna a ni. a ti a. Chu hremna (penalty) pui ber mai chu Natna (sickness) a ni (Deut. 28:15-61). Natna hi mihringin a bawhchhiat hmain khawvelah a awm lo. Bawhchhiat avanga mihringin Pathian hawisan a, setana lama a nun tak zawk avangin Natna te a lo awm ta a ni. Pathianin mihring chu a ram leh, a huang (Eden) a\ang chuan a hnawtchhuak ta a, diabola thuneihna ramah a awm ta a. Chu chu Pathian lam a\ang chuan sual (sin) hremna a ni phawt mai a. Diabola chu tihduhdahna (opression) tuarin, mihring chu thihna, natna leh accident tuar turin a lo awm ta a ni. Pathian lam thlirnaah chuan mihring chu, saltang, mitdel leh diabola tihduhdahna hnuaia awm kan ni (Luk 4:1819). Chung zawng zawng ata chhanchhuahna chu chhandamna chu a ni (John 3:16-17). Krista Isuaa a chhandamna Pathianin min buatsaihsak hi a ni; Thlarau, Rilru leh taksa thlengin a huam a. Kan chan theih turin khawngaihnain min pe a ni. Kum 2000 hma lama Pathianin Krista Isua a khawngaihna avanga chhandamna min siamsak chu rinnaa kan zawm ve leh kan chang a. Kan sualna ngaihdam niin chhandamna chu kan chanpual a ni ta tih kan hre ta a. Sual hremna, Natna ata chhandamna pawh an chanpual a ni tih an hre \hin (Isaia 53:4-5). A bupui ber sual (sin) Lal Isuan min phurhsak a. A thihpui tawh a, thawhlehnain a hneh tawh a. Sual avanga lo awm ve, natna diabola min tihduhdahna laka damna pawh a thihna leh thawhlehna hian min thlensak vek a ni. Natna chu sual hremna (sin's penalty) han tih hian vawiina i tihsual angin hremna i tuar a ni tihna a ni lova. Chuta natna leh chetsualna leh thihna lo awmtirtu chu diabola, setana chu a ni. Chutiang dinhmuna awm tura Eden huan a\anga paihchhuaktu Pathian ngei chuan chhandamna a buatsaih ta a. Lal Isua vuakna vuala tihdam niin, kan chaklohna te a la a, kan n^ te a phur ta si a. Damna chu kan chanpual a ni ta a ni (Isaia 53:4-5, Mt. 8:17). Mahse bumnain diabolan \an a la a, kan hriatlohna avangin chu Damna pawh chu kan chang hlei thei lo a ni. Pathianin tihdamna hi, thildang, chhandamna a\angin thil hrang daih a ni lova, tlannaa tel sa vek a ni. Mi \henkhatin taksa damna hi Krista chhandamna a\anga thil hrang, inzawmna nei lo ang maia an ngai \hin hi a pawi hle. Hmelmapa duh zawng tak a ni. Damna hi Isua Krista Chhandamna Pathianin taksaa a lantir a ni mai. Chutiangin Isua Krista chhandamna chu Pathianin kan thlarauvah a thlentir a, chu chu thlarau tan chhandamna chu a ni mai. Lal Isuan taksa a tihdam rual khan thlarau pawh a tidam nghal a ni. Mi zawng zawng hian Lalpa hi rinnaa kan pawm chuan, kan mit atan hmuhfiahnate, rilru lam chak lo chaknate, kan taksa damna te kan hmu mai dawn a ni. Eng anga lo sual tawh pawh an ni mai thei, rinna neia, tihtakzeta Lal Isua rawn belte khan taksa damna te, thlarau damna te an chang mai \hin a ni. Genesis a\anga Thupuan thlenga kan hmuh thu pawimawh tak chu : Pathian duh dan chu mihring taksa leh Rilru (mind) leh thlarau sual a\anga tihzalen leh, sual avanga natna leh thihna ata chhanchhuah hi a ni. Damna thu sawi hian thih dan turah buai a ngai lo. I taksa van thleng lo tur chu a hunah chuan dah hran dan Lalpan a thiam tih hre mai rawh. Enga pawh ni se, Chhandamnaah hian Taksa damna te, Rilru (soul) lam damna te a tel a ni. Chu chu khawvelah hian hmuha, hman nghal Lalpan a phal tih hi i hria ang u. Lal Isua hi kan DAMNA atana lo kal a ni a, chhandamnaah hian Damna a tel a ni.

VAWIIN KOHHRAN INKHAWM

CHAWHMA INKHAWM (10:00AM)
SUNDAY SCHOOL
|antu Zirtur : Pi Lalbiakdiki : Chhandamte Chan Tur
(Zirlai 37-na)

CHAWHNU INKHAWM (1:30PM)

|antu Thuhriltu Thuhriltu Zaipawl : Pi P.C. Lalvanthangi : Pu K. Zothanzama

ZAN INKHAWM (6:30PM)

: Upa T. Sena
(Chairman kal chhuak)

: Marka & Luka Group combine

VAWIIN N.P.S.S ZIRLAI

Senior Sacrament : John Chrysostom-a : Tleirawlte leh lehkha chhiar Intermediate : V.S. Azariah Junior : Sila Primary Beginner : Upa fa tihdam : Isuan Phar sawm a tidam

CHILD EVANGELISM PROGRAMME

YOUTH GROUP
Hruaitu |antu Spl. Item : Pu Lalhmingliana (Convener) : Nl. Lalnunmawii (Zirtirtu) : Senior Department Musical Dance Zai hruaitute : Zirtirtute Zaihona atan hun hman a ni ang.

ARTICLE/SERMON INZIAH SIAK

October 9 (Thawh\anni) a\anga October 16 (Pathianni) thlenga Kohhranin Literature Week kan hman tur puala Article emaw, Sermon emaw leh a pahniha ziah kawp emaw inziah siak a buatsaihah ziah \heuh tum i la. He intihsiakah hian a ti \ha Pakhatna a\anga Pathumna (Article leh Sermon a hrangin) ten lawmman \ha tak an dawn dawn bakah a ziak zawng zawng hnenah Kohhran chuan Rs. 200/- a pe \heuh dawn bawk a nih kha. Kar khat hun kan la neih chhung hian Kohhran mipui ten ziah \heuh i tum ang u. Article hi thumal 700100 inkar ziah tur a ni a, Sermon-ah thumal 500-700 inkar ziah tur a ni thung ang.

INKHAWM |AN HUN HMA

Zanin inkhawm a\angin inkhawm \an hun tih hma a ni tawh dawn a, dar 6:00pm-ah dar hmasa riin dar 6:30pmah \an a ni tawh ang. Kohhran mipui ten lo hriat ni se.

|HALAI THLIRTU Volume - XXXI, Issue No. 40, K.|.P. DINTHAR BRANCH, AIZAWL, Date: 02.10.2011 (P - 2)
Editor Jt. Editors News Editors Cir. Managers e-mail : Lalhmingliana : Morrel V.L. Nunsanga Jeremy Lalngilneia : Lalmalsawmkima Lalnunmawii : R. Lalawmpuii K. Lallawmzuala : thlalaithlirtu@gmail.com 9774635177 9862596269 9774391905 9206189340 8575180289 9856714425 9612513230

K E I M A H N I
TRAINING
NEI

Nimin nileng khan Bial chhunga Branch hrang hrang committee member-ten kan Kohhran Gospel Centenary Hall-ah Training an nei a, member an kal \ha hle. OB leh Committee member-te mawhphurhna hrang hrangte zirho leh infuihtharna hun an hmang a, a kal ten an hlawkpui hle tura beisei a ni.

website

www.dintharktp.blogspot.com

CAMPING-AH

DUTY DAWN

Beihrual thla (September) chu Pathian hruainain tluang takin kan lo hmang zo ta reng mai a, min hruaitu Pathian hnenah lawmthu i sawi \heuh ang u. Thla khat chhung inkhawm ziah thei leh vawi hnih/khat inkhawm lo zeuh engemaw zat kan awm thei te kha a ropui hle a ni. Chutih rualin Beihrual kan hman dan hi Kohhran hrang hrangte a inang lo hle mai a, \henkhat chuan Kohhran Inkhawm hun pangngaia kan neih bak hi chu In lama hmang te an ni a; chutih rual chuan Kohhran \henkhat chuan Kohhran Inkhawm hun kan neih (Nilai zan, Inrinni zan, Pathianni chawhnu leh zan) baka Kohhran Inkhawm siam lovin, Thawh\an-zanah |halai pualin beihrual thupui zir niin sawihona hun hman a ni a. Chutiang zelin Thawhlehzanah Kohhran Hmeichhia te pual niin, Ninga-zanah Pavalai, Zirtawp-zanah Mashihi Sangati emaw ang zawngtea hmang an tam ta mai. |halai inkhawm zan bik an sawiah chuan, |halai ten thupui zirin Kohhran inkhawm anga hmang chu ni se sawi ngam miah lo tura ngaihte pawhin sawiho tur te an sawi \ha hle a ni tihte a hmang thiam ho chuan an sawi bawk a ni. Eng pawh ni se, kum dangah te a hman dan hi chu kan la tidanglam pawh a ni thei e, chutih rual chuan Kohhranin kan hlawkpui theih dan ber tura Beihrual hman dan tur an duan hi kan \hatpui ber zel a ni tih i hre thar leh \heuh ang u.

Central K|P-in hmeichhe humsual daite puala camping a buatsaih mekah October 6 zan leh October 7 nileng hi kan Branch aiawhte duty-a an tel ve hun a ni a. Kan Branch aiawhin Tv. C. Biakthansanga, Tv. Lalthlengliana, Nl. R. Lalrinchhani leh Nl. K. Lalhmingmawii te an duty ang.

BRANCH

COMMITTEE HUN

Tunkar Ningani (October 6) zan hi K|P Branch Committee hun a nih a, chutih rualin Presbytery Inkhawmpui \an zan a nih avangin leh kan committee member \henkhatte camping lama an duty hun a nih avangin committee hun sawn a ngai dawn a, memberten lo hriat ni se; hun remchang hmasa berah committee hi neih zawk a ni ang.

MATTHAIA GROUP

HRIATTIRNA

September 30 (Zirtawpni) zan khan an committee-a, Group Zaipawl Intihsiaka pakhatna an nih lawm dan turte leh thil pawimawh tak tak an sawi ho. Hemi chungchang hi kimchang zawkin la inhriattir leh a ni ang. Kan hmalawk Kohhran Literature Week-a Thu inziah siak-ah a thehlut hnem ber nih an tum a, member zawng zawngte chu mahni remchang tih zawng thuziak thehlut vek turin an ngen.

MUSICIAN

TURIN RUAT

KOHHRAN

hmeichhia

Rampum huap \awng\ai tlaivar

Mizoram Presbyterian Kohhran Hmeichhiate chuan kum tina an tih \hin angin October 4 (Thawhlehni) zan hian Rampum huap \awng\ai tlaivar programme an hmang ang. Programme hi hun hnihah \hen a ni ang a, Hun I-naah Lalpa chunga lawmna chu in chakna a ni si a (Nehemia 8:10b; Hab. 3:17,18; Sam 1:1-3) tih thupui zirho a ni ang a, PWF puala thawhlawm lakkhawm a ni bawk ang. Heng thawhlawmte hi Bial Treasurer kaltlangin December 2011 hmain Synod Office-ah thehluh tur a ni. |awng\ai rual thupui turte :-

Kum 2012 K|P General Conference, Thenzawl-a neih turah kan member Tv. Jerome Lalhriatzuala chu Musician tura ruat zingah tel vein, Drums (khuang dah khawm) a vua ang. Ani hi tunah Delhi lamah zirna avangin a la awm mek a, tun thla laihawl vel hi chuan lo haw hman tawh tura beisei a ni. Hetianga kan member-in chanvo pawimawh tak a chang hi kan lawmpuiin kan chhuang hle a, duhsakna sang ber kan hlan nghal bawk e.

central k.|.p t h u t h a r
HMEICHHE HUMSUAL DAITE PUAL GOSPEL CAMPING
September 26 (Thawh\anni) a\ang khan Central K|P chuan Hmeichhe humsual daite pualin Multipurpose Cultural Centre (MPCC), Berawtlanga Art & Culture hmunah Chhanchhuahna Camping a buatsaih mek a, camping hian October 8 (Inrinni) thleng a awh ang. Chhanchhuahna Camping-ah hian mi 62 an lut a, campers zinga upa ber chu kum 55 a ni a, a naupang ber chu kum 17 a ni a, nau pawmlai luhpui mi 3 an awm bawk. Campers te kum chawhrual chu kum 27 a ni. Campers te pual hian Kohhran, Bial K|P, Branch K|P, Kohhran Hmeichhia leh mimal hnen a\angin \anpuina thilpek dawn \hin a ni a, Rs. 20,000/- chuang pawisa dawn a ni tawh a, damdawi leh thil chi hrang hrang mi thil phalte hnen a\angin dawn a ni tawh bawk. Thil pek petu zawng zawng chungah Central K|P chuan lawmthu an sawi tak meuh meuh a, \awng\ainaah lo hre reng turin an ngen nghal bawk. Campers te hi kut ruaka rawn lut an nih hlawm avangin Central K|P chuan an mamawh thil engkim an lei sak vek a ni. Nilaini (Sept. 28) thleng khan campers te hi an taksa lam tihchak hna thawh leh damdawi hmanga enkawl rih an ni a, clinic te neihpui reng an ni. Ningani (Sept. 29) tlai a\ang khan Speaker Pi Vanlalnghaki, Jehova Jire Team hote an riak lut ve \an a ni.

Hun I-na (Pawl hrang hrang te puala \awng\ai rual)

1. Presbyterian Women Fellowship (PWF) - Presbyterian Church of India (PCI) hnuaia Presbyterian Kohhran Hmeichhiate inzawmkhawm. North East India Christian Council Women Assembly (NEICCWA) - India hmarchhaka Kohhran hrang hrang Hmeichhe inzawmkhawm. All India Christian Council of Women (AICCW) - India rampum Kohhran Hmeichhe inzawmkhawm. Pathian hnena lawmthu sawina, sual thupha chawina leh inhlan tharna. Chhungkaw tana \awng\aina. Ram leh hnam tana \awng\aina. Sualna sala tang chhanchhuah ngaite tana \awng\aina. Kohhran Hmeichhe rawngbawlna atana \awng\aina. Chanchin |ha thehdarhtute tana \awng\aina. Synod leh Kohhran rawngbawlna puala \awng\aina. Mipui Vantlang tana \awng\aina. Simna leh Thlarau Thianghlim siamtharna atan. |awng\ai thupui thawh tur neite'n thawhkhawm ni se.

2.

3.

Hun II-na
4. 5. 6. 7. 8. 9. 10. 11. 12. 13.

HOSPICE - RCCC (GRACE HOME) PUAL THAWHLAWM

Central K|P chuan Presbyterian Hospital hnuaia HOSPICE RCCC (Grace Home) a awm mekte \anpuinan Branch K|P tinah inkhawm vawi khat thawhlawm lakkhawm nise, tiin a rel a. Heng AIDS veite \anpuina atan hian Rs. 70,000/- vel hmuh tawh a ni a. Hemi puala sum pe tur ten Bial K|P kaltlangin pek luh nise tiin CK|P Office chuan Branch tinte a ngen a ni.

|HALAI THLIRTU Volume - XXXI, Issue No. 40, K.|.P. DINTHAR BRANCH, AIZAWL, Date: 02.10.2011 (P - 3)

VAWIIN K.|.P FELLOWSHIP

Hruaitu |antu : Pu V. Lalremruata (Leader) : Tv. Joseph Biakhmingsanga

PHONE PAWIMAWH
Biak In 2323986 K.|.P. Secretary - 9774635177 Chowkider - 9402586604 Kohhran Secretary Pastor Quarter Kohhran Hmeichhe Secy. 9862812482 2342608 9436196804

Thawhlawm : Tv. C. Lalhlimpuia (4) Khawntute Tv. Lalhruaitluanga (4) Group Discussion-a hun hman a ni ang
(Group hrang hrangten mahni group-ah an sawiho ang a, Secretary-ten an report leh ang. Sawiho tur Branch Secretary-in a lo ruahman ang)

SYNOD

THU

THAR

CWM FACE TO FACE PROGRAMME HAWNNA

September 26 zan khan Council for World Mission (CWM) Face to Face (F2F) programme chu Aizawl Theological College, Durtlangah \an a ni a, he programme hian October 17 thleng a awh ang. CWM Face to Face programme hi CWM-in khawvel ram hrang hranga Pathian thu zirlaite puala hnam hrang hrangte nunphung hriatzauna atan leh inhriat pawh tawnna \ha te, inpumkhatna atan tea seminar chi khat a buatsaih, kum tina neih \hin, Inter-cultural programme tam tak a neih zinga pakhat a ni a. Hetiang lam chi programme hi Mizoramah neih a la ni ngai lo va, tun hi a vawi khatna a ni. Face to Face (F2F) programme hmang tura lo kalte hi khawvel ram hrang hrang 10 a\angin mi 11 tur an ni a, a hawnna programme-ah hian Kiribati (Kiribas) a\anga lo kal tur chu a lo la thleng ve hman lo va, a dang zawng Australia, India, Myanmar, Fiji, Madagascar, Zambia, Kiribati, Congo leh Sri Lanka a\anga lo kalte chu an thleng kim hman a ni.

Thupui Zaihruaitute Hla hriltu Sound duty

: Hun Vawn Dik : Tv. David Lalhmachhuana & Tv. H. Zosangliana : Nl. K. Lalhmingmawii : Tv. H. Ramdinthara

K|P THAWH|ANNI ZAN INKHAWM

(Ni 03.10.2011 Dar 6:30PM)
Hruaitu : Pu Lalhmingliana (Secretary) |antu : Nl. C. Lalmuanpuii Thawhlawm : Nl. Judith Lalremruati Khawntute Nl. Alyssa Vanlalnunmawii Nl. Kiki Zoremmawii Nl. Zohmingliani Thuchah : Upa H. Lalhlimthanga
(Kohhran Secretary)

15TH TRIENNIAL CHAI CONFERENCE CUM PLATINUM JUBILEE

October 6 - 9 chhung hian 15th Triennial Church History Association of India Conference cum Platinum Jubilee lawmna, American Study Centre, Hyderabad-ah neih a ni dawn a, thupuiah Indian Historical and Cultural Studies : Yesterday, Today and Tomorrow tih an hmang ang. He programme a tel tur hian Aizawl Theological College atangin Pi P.C. Laltlani (Librarian), Rev. H. Lalrinthanga (Lecturer) leh M.Th. (History of Christianity) zirlai pahnih, Rev. F. Pachhunga (M.Th.-II) leh Rev. Benny Lalmawia (M.Th.II) te an kal ang.

Spl. Item : Solo - Nl. Emily Lallianmawii Zaihruaitute : Tv. David Lalhmachhuana & Tv. H. Zosangliana Hla hriltu : Nl. K. Lalhmingmawii Sound Duty : Tv. H. Ramdinthara

SYNOD SOCIAL FRONT

* Christian Medical Association of India (CMAI) leh Synod Social Front tangkawpin Malaria dona kawnga thawhhona atan September 27 & 28 khan Kulikawn YMA Hall-ah Volunteer-te pualin training chhawng 1-na buatsaih a ni a, September 29 & 30 hian training chhawng 2-na buatsaih leh a ni. Mizoram Health Department-ten training hi an pe \hin a, Synod Social Front aiawhten thusawina hun an hmang \hin bawk. * Synod Social Front chuan harsatna hrang hrang neite tan Telephone Helpline an nei thar a, a mamawh apiang tan biak pawh theih reng an ni e. Telephone Helpline Number - 9089777129

PAVALAI INKHAWM
THAWH|ANNI ZAN
(Ni 03.10.2011 Dar 6:30PM)
Hruaitu : Pu C. Van\huama |antu : Pu Self Daniela Thawhlawm khawntu : Pu Vanlalchhinga Mimal rilru sawi (Sharing) nan hun hman a ni ang.

PRESCOM KUM 100-NA LAWM

Synod Press & Bookroom tia hriat \hin, Presbyterian Communications Department rawngbawlna chuan kum 100 a lo tling ta a, September 20 khan Centenary Week hawnna inkhawm Synod Bookroom kawtah neih a ni a, Synod Bookroom pawhin September 20 - 24 chhung khan Centenary Sale an hmang chhunzawm a ni. Nimin (October 1) zing dar 7:00 hian Centenary Monument hawnna, PRESCOM Officeah neih a ni a, Upa P. Thangchhuana, Board Member-in programme a kaihruai a. Upa F. Lalsangliana, General Manager & Secy., PRESCOM-in Report a pe a, Synod Moderator Rev. C. Lalsangliana'n Centenary monument hi a hawng a, Rev. Lalzuithanga, Executive Secretary-in Malsawmnain programme a khar. Chawhnu dar 12:30-ah Centenary Lawmna inkhawm, Pi Zaii Hall, Synod Conference Centre-ah neih chhunzawm leh bawk a ni.

nUN CHAWMTU ...

Ka Kraws Put Hi Pa pakhat chu a hringnuna a thil tawn hrang hrangte chuan a tihrehawm \hin hle mai a. A chunga thil thlengte chu midangte aia chhe z^wk leh midangte aia vanduai z^wk hluah hluahah a inngai a, a kraws put chu atan rit lutukah a ngai a ni. Ni khat chu Pathian hnenah a vuivaina a thlen ta a, a kraws put chu a danga thl^ksak turin Pathian a ngen a ni. Pathian chuan, \ha e, tikhan i kraws put kha dah la, angel ten an lo dah \ha mai ang. Tichuan, saw pindanah sawn kraws tam tak a awm a, i duh ber i thlang dawn nia. a ti ta a. Chu pa chuan phur takin pindan chu a pan a. Pindan chhungah chuan kraws tam tak, inlenhleih tak tak a lo awm \heuh mai a. An len leh rih hlawm >m avang chuan thlan tur ber pawh hre mai lovin a tei kual a tei kual mai a. Pakhat tal thlan a ngaih tlat avangin, t> ber nia a hriat, bang kil ami chu a put atan a thlang ta a. Pathian chuan, Kha kraws kha i put reng \hin kha a ni a, nachin lawka i rawn dahluh a nih kha... a ti ta mai a. Chupa chuan midangte put \hin aia a lo tet z^wk zia a hriat meuh chuan a kraws put lai chu phur taka put zel chu a tum ta a...

MODERATOR PROGRAMME
Synod Moderator Rev. C. Lalsangliana chuan September 22 - 28 chhungin Wales ramah hun a hmang a, September 25 khan Hmangaihna In appeal kharna leh lawmthu sawi inkhawm PCW Youth Centre, Bala-ah hman a ni a, mi 100 chuang zet an inkhawm a ni. Rev. C. Lalsangliana hian lawmthu sawina hun hmangin PCW Moderator leh hotu \henkhatte hnenah thilpek a hlan a. PCW Moderator-in Hmangaihna In \anpuina tura pawisa an thawhkhawm 27,200/- (Pound Singhnih sang sarih leh za hnih) chu Rev. C. Lalsangliana hnenah hian a hlan a, hemi hnu lawk hian 1,000/- (Pound sang khat) a rawn lut belh leh nghal bawk a, a pumpuiin pound sing thum vel chu dawng tura beisei a ni. Ningani (Sept. 29) khan Wales chhuahsanin India ram tluang takin a rawn thleng leh a ni.

SYNOD OFFICE HOURS

October 1, 2011 - February 29, 2012 thleng Synod Office hna thawh hun chhung chu zing dar 9:30 a\anga tlai dar 4:00 a ni tawh ang, dawr tum ten hriat ni se.

AIZAWL WEST PRESBYTERY INKHAWMPUI

Tunkar Ningani (October 6) a\ang hian Aizawl West Presbytery Inkhawmpui chu Kanan Kohhran Biak Inah neih a ni dawn a, Puipa turte chu - Moderator : Upa V. Thangzama, Secretary (Sr.) : Upa H. Ronghaka, Secretary (Jr.) : Upa Lalbiaksanga te an ni ang. Thupui : Ringtute Nghahfak - Lalpa Lo Kal Lehna (Phil.3:20) tih niin Pathianni zan thleng Inkhawmpui hian a awh ang.

|HALAI THLIRTU Volume - XXXI, Issue No. 40, K.|.P. DINTHAR BRANCH, AIZAWL, Date: 02.10.2011 (P - 4)

l a w r k h a w m
JESSY DIXON A THI
Bill Gaither (Gaither Vocal Band dintu) Homecoming Videos-a zai \hin Jessy Dixon chu Thawh\anni (26.9.2011) khan Chicago-a a chenna Inah a thi. Dixon-a hi zathiam a nih mai bakah hlaphuah thiam a ni a, zaithiam lar tak tak Amy Grant, Natalie Cole, Diana Ross leh Cher te pawhin a hlaphuah hi an sa a ni. June 14, 2008 khan Christian Music Hall of Fame-ah lakluh a ni a. Amah hi Calvary Ministries Internationalah Ordained Pastor niin Tampa, Florida-a Theological Seminary a\angin Doctor of Divinity a nei bawk.

rinna

lamtluang

TUH LA, SENG RAWH

An fapa indonaa nun chan ta hriatreng nan a nu leh pa ten Kohhranah sum tam tham zet mai an chhung lut a. Kohhran mipuite hriata an thilpek an puanchhuah chuan nu pakhat hian a pasal hnenah chuan zawite hian, Ti rawh |hiana, kan fapa pahnih te hming ve ve hian an pek zat anga tam pawisa hi i pe ve ang hmiang? tiin a va hrilh ru a. A pasal chuan, Engtin a? Kan fapa te hi a tu mah mah indonaah an thi hlei nem. tiin a chhang a. A nupui chuan, Ni reng e, kan fapa te pahnih nunna min venhimsak avang hian Pathian hnenah lawmthu sawi nan kan pe dawn alawm. a ti a. Phal taka thawhlawm kan thawhte leh \anpui ngaite \anpuina tur thilpek kan pekin hna a thawh tam tak zinga chi thum lo tarlang ila 1) Kan thilpekin mi harsa te a pui. 2) Pe ve turin midangte a fuih. 3) Petu thinlungah mahni hmasialna leh suma lei theih thil a innghahna te a tibo a, thilphalna, miharsate dinhmun hriatthiamna leh retheite lainatna thinlung a siamsak. I thawhlawm thawhte kha mi harsa zawkte hnenah i pe tih hria la, midangte chunga \hat i chhuah chuan i nunah vek a lo kir leh ang. Mirethei leh harsa te tana malsawmna par chhuahtirtu chuan a par zu dawn tur englai mahin a tlachham lovang. Bumin awm suh u; Pathian chu hmuhsit zia a ni lo ve; miin a theh apiang chumi vek chu a seng bawk dawn a ni.(Galatia 6:7)

DEAD SEA SCROLLS ONLINE-IN A EN THEIH

Israel Museum leh Google \angkawp chuan Dead Sea Scrolls zinga a pawimawh zual 5 te chu Internet a\angin online-in a duh apiang en theih turin an tarchhuak ta. Dead Sea Scrolls hi 1947 leh 1956 inkar khan Qumran pukah hmuhchhuah a ni a. Hmanlai lehkha parchment leh papyrus-ah Hebrai, Greek leh Aramaik \awngin Bible thu a inziak a ni. Thusawmpek ziahna lehkha hmuhchhuah tawh zinga hlui ber a ni bawk. Heng lehkha te hi kum BC 30-na leh AD 70-na inkar vela ziah ni a ngaih a ni a. Jerusalem khawpuia Israel Museum-a Shrine of the Book an tih chhunga dah a ni. http:// dss.collections.imj.org.il-ah a duh tan a en theih.

ISRAEL-AH PEM DAWN

Mizoram leh Manipur-a Mizo hnahthlak Manasea thlaha inngai, Bnei Manashe pawlho chu 2007 kuma Israel rama pem phalna tihtawpsak an nih hnuah Israel sorkar chuan pem luh phalna a pe leh dawn. Foreign Minister Avigdor Lieberman-a kaihhruai Ministerial Committee on Immigration and Absorption chuan heng mite pemluh hi a remti a, kar reiloteah mi 7,200 te pem phalna pek an ni dawn niawmin Jerusalem Post chuan a tarlang. ChinMizo-Kuki hnam zingah Bnei Manashe pawl member 1,700 vel zet chu Israel-ah hian an lo pem lut tawh a ni. Jerusalem-a hmunpui nei, Israel hnam sawm (10) bo zawn hna thawktu pawl Shavei Israel chuan Bnei Manashe pawlho pem luhna tur senso US Dollar maktaduai 20 zet a tum dawn a. An pawl dintu Michael Freund-a chuan Israel hnambo Zion-a kir leh remtihsak an ni hi khawvel chanchina thil chhinchhiah tlak tak a nih thu a sawi.

presbyterian kohhran kalhmang

INKHAWM CHI HRANG HRANG TE
Kan Kohhran hian Kohhran pum huap Inkhawm hi chawlhkar khatah vawi nga (5) kan nei. Chungte chu Pathianni chawhma Sunday School, Pathianni Chawhnu, Pathianni zan, Inrinni zan leh Nilaini zan Inkhawm te a ni. PATHIANNI CHAWHMA-a Sunday School kan neih \hin hi Zosapte hunlai a\anga kan neih tawh a ni. Pathian thu, Bible thu zirna atan leh thupui thlan bik zirna atan kan hmang deuh ber a ni. Zirlai atana Bible chang tarlan te hi \antuin emaw, Superintendent-in emaw chhiar thei hram se a \ha. Tin, Sunday School hun hi zinglam mihring rilru fim lai leh harh \hat laia neih hi \ha bera hriatna avangin hun \ha ber Pathian thu zir nana kan hmang hi tihawm reng a ni a. Tin, Pathian thu zirna Kohhranin a ngaihpawimawh zia kan lantirna pawh a ni bawk. Mizoram Presbyterian Kohhran hi Nausen Baptisma chantir \hin, Pathian ram changtute an ni ve tih kan hriat avangin naupangte Pathian thu a chawm chhunzawmnaah pawh a duhtui a, naupang Sunday School zirtirtu tur pawhin mi thiam, mi inpe leh duhawm kan enngun bik a ni. PATHIANNI CHAWHNU INKHAWM hi tunhma chuan Berampu Sermon Inkhawm an lo ti \hin. Kohhran chawmna lam thu Sermon sawina hun bika ngaih a ni. PATHIANNI ZAN INKHAWM hi Missionary Sermon hun an lo ti \hin a, rawngbawlna lam hawi thuchah Kohhranin a beisei bik \hin a ni.

KHAIHLUM THEIH DINHMUNAH DING

Iranian Pastor Youcef Nidharkani, October 13, 2009-a Iran sorkarin a man chu an ram rorelna sang ber thutlukna nghakin Jail-ah a awm mek. Islam sakhua a\anga Kristiana inleh (apostasy) vang leh Muslim te hnena Pathian thu a hril avanga thi tura a chungthu rel Nidharkani hi Supreme Court chuan khaihlum a nih loh nan Islam sakhuaa inpe turin a thlem a, Nidharkani hian a hnial fithla\hak a ni. Tunah hian eng hunah pawh khaihlum theih reng dinhmunah a ding tawh niin Assist news chuan a tarlang. American Kristian ten Pastor hi chhuah zalen a nih theih nan Obama-a kaihhruai sorkar chu inrawlh turin nasa takin an nawr a. Ningani khan White House Press Secretary chuan thuchhuah siamin Nidharkani hian eng thilsual mah a tihloh thu leh Islam a inlet tura tihluihna hian Iran sorkar-in sakhua zawng zawng ngaihlua a inchhalna a kalh thu a sawi. Kum 34 mi Nidharkani hian fapa pahnih, Daniel kum 9 leh Yoel kum 7 mi a nei a ni. Hlimna zawnnaah hian miin a tih hreh z^wng tak a tihah a hmu d^wn emaw kan ti a. Miin a tih t<ra lum tih nuam a tihnaah zawk chuan a ni a awm ni.

(.......... chhunzawm zel tur)

VAWIIN PANGPAR KHAWITUTE

GROUP - 1
Pi Lalbiaknikimi (Leader), Pi Lalsangpuii, Pi Zoengmawii, Pi Thangkimi, Pi Lalzawmthangi Sailo & Pi Laldikkimi (Ni 9.10.2011-a khawi tur te Group - 2) [Leader : Pi Lalrintluangi]

|HALAI THLIRTU AGENT

1. Lalmalsawmi 6. K. Zothanchhunga 11. Lalfakmawia 2. Lalthanpuia 3. Andy Lalrintluanga 4. Lalmuanawma 5. Lalnunhlima 7. Lalhlimpuia 8. Lalramthanga 9. Lalhmangaihzuala 10. J. Lalrempuia 12. Samuel Malsawmtluanga 13. Lalhmingliani 14. J. Lalchhanhima

Published by Kristian |halai Pawl, Dinthar Branch : Aizawl, Mizoram. Printed at Blue Mountain Offset Printers. Ph:9612319420. Copies-450