Synfocity = 363

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

20th October, 2011

Synod Mission Board w Home Mission Region Missionary Retreat October 13 - 16 chhung khan Synod Mission Board (SMB) buatsaihin Republic Veng Kohhran Biak Inah Missionary Retreat for Home Mission Region neih a ni a, thupuiah Krista tana inpumpek nun (II Kor. 5:15) tih an hmang. Retreat Speaker hi Rev. Vanlalbela, Board Executive Committee Member a ni a, Rev. R.C. Lalnghakliana i/c Republic Bialtu hovin Character Study - Abrahama neih thin a ni bawk. Retreat-a tel tur hian Home Mission North, Home Mission South leh Mission Development Training Centre (MDTC), Bualpui N a thawktute koh an ni. Home Mission Retreat-ah hian palai an kal tha hle a, Home Mission South atangin 237, Home Mission North atangin 190, an vaiin palai 427 an tel thei a ni. Retreat-ah hian thupui hrang hrang - Home Mission Rawngbawlna, Contextualization & Cross cultural Ministry leh Chruch Planting tihahte zirho a ni a, Board Executive Committee member-te nena inkawmna Zawhna leh Chhanna hun te hman a ni bawk. w Ringthar Tun hnai thla khat chhungin Manipur Mission Field huam chhungah ringthar 52 neih belh a ni a, kumin (2011) chhung hian ringthar 1292 an awm tawh a ni. Pathian hnenah lawmthu sawiin Manipur Mission Field thawktute hmalak zelna turah leh ringtharte tan tawngtaipui reng turin Kohhran mipuite an ngen nghal bawk. World Sight Day 2011 October 13 khan Presbyterian Hospital, Durtlang Auditorium-ah World Sight Day hman a ni a, Dr. Lalremthanga, Director, Presbyterian Hospital chu chairman niin Dr. Vanlalsawma, District Programme Manager, DBCS, Aizawl East chu khuallian a ni. Dr. Vanlalruata, Medical Superintendent, Presbyterian Hospital, Durtlang chuan World Sight Day puala Presbyterian Hospital-a Eye Camp an neih mekah damlo, mit zai ngai 44 zai sak an nih thu a sawi a. Khuallian Dr. Vanlalsawma chuan, kumina World Sight Day thupui chu Eye Care for All a ni a, mit tha lo ten mit tha an neih theih nana hmalakna kawngah Presbyterian Hospital Eye Unit te thawhhlawk thu uar takin a sawi. Dr. Lalramengmawii, Ophthalmologist, Presbyterian Hospital pawhin slide presentation-in hemi chungchanga hma an lak tawhnate kalkhawmho a entir bawk. P.C. Girls School Day October 14 khan Presbyterian Church Girls School chuan School Day vawi 8-na an lawm. P.C GirlsSchool hi kum 1903 khan Zosap ten an din a, kum 2003 khan an kum 100-na lawmin, hemi hnu kum thar atang hian kum tin School Day hi an hmang ta a ni. Kumin hi a kum 108 tlinna a ni ta a, School Day hi kum 2003 atanga hman tan a nih chauh avangin a vawi 8-na a ni thung. School Day lawmna inkhawm hi P.C. Girls School Chapel-ah neih a ni a, Pi Lalchhingpuii, Zirtirtu Pensioner-in hunserh hmangin sikul naupang leh zirtirtu ten an thiam thil hrang hrang an entir a, zaihona hun hlimawm tak an hmang bawk. P.C. Girls School hian result tha tak tak an nei thin a, kum 2010-ah pawh khan an sikul naupang zawng zawng 100%-in an pass a. Kum 2011 hian Class A - VIII thleng awmin naupang 491 an awm a, thawktu 37 an awm mek bawk. Sikul naupang an thathnem deuh avangin sikul building chung ber chu zauh belh mek a ni a, zirtirtu pawh contract-in mi pali rawih belh a ni bawk. Synod Committee Mizoram Presbyterian Church Synod hnuaia Committee leh Board peng hrang hrangte Synod Inkhawmpui atana inbuatsaihin an thu mek a. October 17 khan Pension Board Committee an thu khawm a, October 18 khan Presbyterian Communications (Prescom) Board Committee an thu leh bawk a, October 19 khan Sunday School Comittee an thu a, vawiin leh naktuk (Oct. 20 & 21) hian Synod Mission Board Committee an thu leh ang. Department/Board Committee hrang hrang neih chhoh dan tur hetiang a ni : w October 24 - Theological Education Board w October 25 - Hospital Board w October 26 - Pastoral Committee w October 27 - Education Board w October 28 - SL & PB w November 1 - Social Front Committee w November 2 - Music Committee w November 8-10 - Synod Executive Committee w November 15-17 - Finance Committee
MSSU October 21 - 29 chhung hian Shillong Bial leh Zou Synod, Manipur-ah Sunday School Zirtirtu Training neih a ni dawn a, training neihpui tur hian Pu Lalthahluna Ralte, MSSU Asst. Coordinator leh Upa Lalchhuanawma, Zuangtui (MSSU Trainer) te an kal ang. Shillong Bial hian Shillong Mizo Kohhranah training hi an nei ang a, training bakah hian Fanau enkawl chungchang thuchah sawiin hun an hmang bawk ang. Shillong-a hun an hman zawh hian Manipur-a Zou Synod pum huapin ni hnih chhung training an neihpui leh nghal ang.

www.mizoramsynod.org

Field Supervisors Training October 18 khan Christian Medical Association of India (CMAI) chuan Mizorama malaria dona kal zelah District hrang hranga Field Supervisor mi 26 a lak te tan ni nga chhung awh, Induction Training, Chaltlang South Kohhran Hall-ah an buatsaih. Training hi Dr. Ramfangzauva, Joint Director (Malaria) in a kaihruai a ni. Training chhung hian Field Supervisor te hi Malaria inkai theih dan, inven dan, enkawl leh damdawi pek dan te zirtir an ni ang a, khawtlang nena thawhho dan tur te, hnathawh endik dan leh report pek dan te zirtir an ni bawk ang. Induction Training pe tur hian CMAI atangin Pu Joshi Tuisum, Regional Manager leh Pu Iaikynmaw L Buam, Regional BCC Officer te chu Shillong atangin an lo kal a, State Vector Borne Diseases Control Programme (SVBDCP)
Contd,..

Synod Information & Publicity Department, Synod Office (Third Floor), Mission Veng, Aizawl

leh CMAI hi thawkho an nih angin Training-ah hian State lama mithiamte inzirtirna an pe tel ve ang. He training hi group work, sawihona, entirna leh practical te nena hlawk taka buatsaih a ni ang. Christian Medical Association of India (CMAI) hian Mizorama malaria dona kawngah hian Mizoram Synod hnuaia Social Front Department te a thawhpui a, Field Supervisor-te thawhpui turin Social Front lam hian khaw tina Community Health Volunteer (CHV) lo inruat turin Kohhrante a ngen a, heng volunteer-te pawh hi training neihpui mek an ni bawk. 1 Kristian Thalai Pawl w October 21 - 23 chhung hian Zawlsei Branch KTP Diamond Jubilee lawmna neih a ni dawn a, jubilee hmanpui tur hian Central KTP hruaitu Upa Lalrinmuana, General Secretary a kal ang. w October 21 - 23 chhung hian Phainuam Bial huapin Phainuam Kohhranah Leadership Training neih a ni dawn a, training neihpui tur hian Central KTP hruaitu Pu Lalmuanpuia, Asst. Coordinator leh Upa Zothangzuala Chhangte, Committee Member-te an kal ang. w October 21 - 23 chhung hian Darlung Bial huapin Darlung Kohhranah Leadership Training & AIDS Awareness Campaign neih a ni dawn a, training neihpui tur hian Central KTP hruaitu Pu Lalnghinglova Hauzel, Committee Member leh Tv. Vanlalhruaia, Committee Member-te an kal ang. w October 22 & 23 hian Champhai Vengthlang Kohhran kum 100 tlin (centenary) lawmnaah Mizoram Synod Choir-ten zaia rawngbawlna an nei ang. Presbyterian Pastor Nupuite Intawhkhawm October 26 (Nilaini) chawhma dar 10:00 hian Pi Zaii Hall, Synod Conference Centre-ah Presbyterian Pastor Nupuite Intawhkhawmna neih a ni ang. Presbyterian Kohhran Pastor Nupuite hian kum tin intawh khawmna hun an hmang thin a, mithiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin.
Synod Revival beihpui programme Synod Revival Committee chuan Aizawl khawpui boruak thlirin tuallaiah Pathian thu aupui hi tul hlein a hria a, kumin November 4 (Zirtawpni) zanah hian Aizawl khawpui chhung hmun (area) hrang hrangah Sim rawh u, Vanram chu a hnai tawh e (Matt. 3:1) tih thupui hmangin Revival thusawi beihpui thlak a rel a, November 5 (Inrinni) nilengin A.R. Ground-ah Pathian hnena tawngtairual leh thusawina hun hman ani bawk ang. Revival Beihpui programme atan hian hmun (area) hrang hrang 25 ah hun hman tur a ni dawn a, beihpui neihna tur area tin tan Rs. 4,000/- theuh Synod Revival Department-in a tum sak ang. Synod Revival Beihpui programme hmanna tur hmun (area) te chu : S/n A hmun Inkawp tur Bial S/n A hmun Inkawp tur Bial 1. Durtlang Durtlang & Leitan 13. Vaivakawn Vaivakawn & Chawnpui 2. Zemabawk Zemabawk 14. Dinthar kawn Dawrpui Vengthar & Tuikual 3. Thuampui Thuampui 15. Bethlehem Bethlehem, College Veng 4. Bawngkawn Bawngkawn, Ramhlun East & Tuithiang Veng & Ramhlun North 16. Republic Veng Republic Veng & Venghlui 5. Chaltlang Chaltlang 17. ITI Veng ITI & Republic Vengthlang 6. Ramhlun Ramhlun, Ramhlun Venglai 18. Khatla Khatla & Ramhlun Vengchhak 19. Bungkawn Bungkawn & Maubawk 7. Chanmari Chanmari & Aizawl Venglai 20. Mission Vengthlang Mission Vengthlang 8. Electric Veng Electric Veng & Ramthar 21. Mission Veng Mission Veng 9. Dawrpui Dawrpui & Chhinga Veng 22. Venghnuai Venghnuai 10. Armed Veng Armed Veng, Chhinga Vengthlang 23. Kulikawn Kulikawn & Chhinga Veng East 24. Saikhamakawn Melthum & Saikhamakawn 11. Ramrikawn Tanhril 25. Hlimen Hlimen, Hlimen Vengthar 12. Zonuam Zonuam & Luangmual & Hlimen Damveng Moderator Programme Synod Moderator Rev. C. Lalsangliana chuan October 20 - 22 chhung hian Champhai Vengthlang Kohhran Centenary lawmna hmanpuiin hun a hmang ang. Moderator hi Upa Rochana, Melriat leh Upa Tlanga, Tachhip ten an tawiawm ang.

Susamachar Prasaran Programme October 23 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Kulikawn Masihi Sangati Zaipawl - Prabhu Mere, Group/Choir/Solo : Central PYF Choir - Bara Pyara Lage, Sermon : Rev PC Rohlira - Isu masi papyangko pyar kanewala, Group/Choir/ Solo : Dawrpui Vengthar Pastor Bial - Yeshu Masih, Group/Choir/Solo : Sihphir Bial - Me Akhen Apni, Solo : Kawngkharmawii - Krus tere nishan

SYNOD MULTIPURPOSE TRAINING CENTRE HRIATTIRNA

Synod Multipurpose Training Centre, Mission Vengthlang, Aizawl-ah a hnuaia Trade-ah te hian training hawn a ni leh dawn a. A hnuaia hming ziak hnenah hian Kohhran lehkha thil telin dilna thehluh theih a ni e. 1 2. 3. q q q Tailoring (Mipa) : Seat 20 - Course : 15th January - 15th December, 2012 Tailoring (Hmeichhia) : Seat 40 - do Shoe making (Mipa) : Seat 5 - do Dil theih hun chhung : November, 2011 Interview hun : December 13, 2011 (10:00 a.m) Zir tura lakte chu thlatin Stipen Rs. 500/- pek an ni ang. REV. F. LALRINNUNGA Programme Director, Synod Multipurpose Training Centre

Mail us at : synfo@bsnl.in mizoramsynod@gmail.com synfo@yahoo.com

Synod Information & Publicity Phone - 2314648

Synfo