You are on page 1of 4

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No. 28 Bangalore Mizo Association Pathianni Tin Chhuak Chanchinbu Date: 6 November 2011 Phek Khatna
th

TUALCHHUNG
Tv.Lalawmpuia

Zote (Vankhama Section) chu awmna khawsik - Vanlalnghaka Chhawnchhek avangin Apollo hospital ah Ningani Rilru dik tak pu chunga Pathian tih hi finna leh hriatna bul leh (Nov 3) atang khan admit ani a. A hnar a ni lo dam thuai theih nang I tawngtaipui ang u. 1. Pathian tihna nun neitu thalai leh zirlai Hei hi thalai leh zirlai tupawhin kan kalna a pianga kan chhawm tur Pi Lt-i, Pu Levis a nupui thil pawimawh hmasa ber a ni. Chhungte hriat leh hriat lohah pawh (Rokunga section) chu nilaini atang khawiah pawh awm ila, Pathian tihna nen kan nun kan fimkhurpui tur khan khawsik in a damlo a. A dam a ni. Lalpa tih hi finna bul a ni tih hriat reng tur a ni. Ruihtheih thil thuai theih nan I tawngtaipui ang u. lakah te, mipat hmeichhiatna kawngah te, hmun dang daihah lehkha Tunlai hian zirlai tam takte zira kan awm a nih pawhin heng lakah hian Pathian tihna nena kan chawlh hmangin in Mizoram lam inthiar fihlim ngam a ngai a ni. Kan lehkha zir lai atangin Pathian ah an haw a. December thla tir tihna nen rinawm takin kan thiltihturte kan tiin hma lam kan pan ang. lamah chuan lo let leh hlawm tura 2. Thuawihna nun neitu zirlai beisei an ni. Pathianin a ngaihpawimawh em em mai chu thuawihna hi a ni. A hmasa berah chuan nu leh pate thu kan awihin kan ngaichang thiam Grace Home zirlaite chu hostel trip Goa ah neiin mi 18 lai an kal a. ang. Ei leh in chung changah te, zirna kawngahte, kan nitin Tukin zing dar 10 vel khan khawsaknaahte min enkawltute thu leh hla kan ngai chang thiam tur a Bangalore tluang takin an lo thleng ni. Zirna kawngah phei chuan a pawimawh khawp mai. Zirtirtute thu awih lo tan zirna kawnga tih that a har viauin ka ring. Kan Pathian leh a ni. hian thil dang zawng zawng aiin a thuawih hi a ngaipawimawh tih kan hriat a tha awm e. Chu chu Bible-ah pawh Israel lal Saula chung BMCF INKHAWM changah kan hmu thei a ni. th
13 November 2011, 3:00pm Hruaitu: Rev. R. Lalthanmawia Tantu: Nl. Lalhlupuii Thawhlawm: Pi Lalnuntluangi Sailo Special No: Dr. AIT Thusawitu: Pi. Lalrinpuii Changvawn: Isaiah 53:6 A vuakna vualtea tihdamin kan awm ta

Mizo Kristian Thenkhat

Zirlaite

Hriattur

3. Mahni intodelh tumna nena lehkha zir Kristian thalai chu a intodelh tur a ni tih hi ka ngaihdan vawn ve tlat thin a ni. Chhungte chawm hlawma nawmsak bawl chunga lehkha zir hi Mizo thalaite hian kan chin hauh loh tur thil a ni. Rethei taka lehkhazir kan ni emaw, chhungkaw awm thei tak atanga lo chhuak kan ni emaw, a rang thei ang ber a mahni intodelh tum hi kan tum makmawh tur chu a ni. Kan intodelh tum dan erawh Pathian duhdan zel ni se. 4. Thawh hreh nei lo thalai leh zirlai Mahni intodelh tihnen pawh hian a inhnaih viau awm e. Thalaite hian eng hna pawh kan thawk hreh tur a ni lo. Thawh hreh neih loh tur kan tihrualin hna hnuai hnung emaw kha thawh reng tur tihna a ni chuang lo a. Hmasawn tumin ke kan pe ve tur a ni a. Kan kal kawngah engpawh lo tla se, tihtur engpawh a tul a piang kan tihreh tur a ni lo kan tihna a ni. Kan mi hmasa, kan nu leh pa pi leh pute kha engmah thawh hreh neih loh vanga ding chhuak leh hlawhtling thei an ni tih hi hriat nawn fo tur a ni. (Phek hnihnaah chhunzawmna)

I dont believe you have to be better than everybody else. I believe you have to be better than you ever thought you could be. Ken Veturi

Vol. XVII Issue No. 28 Bangalore Mizo Association


Editor Sawmteii Khawlhring Joint Editors KC Lalramchuani MC Zirsangzela Contributor Rev. Lalawmpuia Hauhnar Circulation Managers Bethel Pautu Jenny Hnamte BMA AW lak man: Thla khat Thla thum Thla ruk Thla sawmpahnih Rs.20 Rs.50 Rs.90 Rs.180

Pathianni Tin Chhuak Chanchinbu

Date: 6 November 2011 Phek Hnihna

th

(Mizo Kristian Zirlaite Hriattur Thenkhat chhunzawmna) Hnathawk tura lehkha zir kan ni a, hna kan thawh thiam theihna tur a zir kan ni tih inhriat reng a pawimawh a ni. 5. Thiam tura lehkha zir Kan thiltih reng reng tihtakzeta tih hi zirlai kan nih chhunga kan zir chhuah tur pawimawh tak a ni. Mahni inrintawkna hi tih tak takna atanga lo chhuak a ni a. Mahni thiltihlai ngaihsak tha lo chuan inrintawkna a nei har viauin a rinawm. Lehkha kan zir a nih pawhin kan zirlai atanga thiamna tak tak nei turin kan bei tur a ni. Kan Pathian hian finna tam tak mihringte-ah a dah a, chu chu tih tak taka ti leh beite hnenah a pe thin. Kan thil zir hmang ngei a eizawnna nei thei turin kan thiam tur a ni. 6. Ram leh hnam leh khawtlang tana lehkha zir Hei hi a pawimawh khawp mai eng nge lehkha kan zir chhan. Mahni tan chauh hmasial takin kan lo zir em? Thiamna leh nihna kan duhluat tukna lamah hian mahni nihna theihnghilh thak khawpa inzir theih a ni tih kan hriat a pawimawh a ni. Mahni ram leh hnam hmusit zawnga zir san ve ringawt kha awmzia a awm lo. Midangte ngainep tur ringawt a zir ve vak vak kha awmzia a awm lo. Vawikhat thi vek tur kan ni a, Pathianin min dinchhan hi ngaihtuahfo a pawimawh a ni. Ram leh hnam vaw darhtu-ah ni lo-in a sengkhawmtu, inunauna thlentu-ah tan reng tum ang che. Ram leh hnam hi kan Pathian hian a ngaipawimawh tak zet a ni tih hriat tur. Tin, khawiah pawh awm ila, Mizo inpawlkhawm zingah tel tum hram hram tur a ni. A kul a taiah chuan kan tang vek thei lo, mahse, kan awmna a piangah midangte tan, kan unaute tan tangkai ve thei turin kan hun kan hman thiam a pawimawh. Tin, ram leh hnam tana thiamna neih ang chhun chhun pek let duhna rilru tak tak nen lehkha I zir a nih chuan, I zirlaiah thiamna tak tak, mi chhawrtlak nihna I zir chhuak ngei ngei ang. 7.Chhung leh khat leh thenrualte tana malsawmna ni tur a lehkha zir Lehkha zir chhuak ve ta cheng a, chhung leh khat thenrualte, u leh naute theihnghilh nghal ching an awm chawk. Chutiang mite tan chuan malsawmna tluantling dawn chu a har viau ang. Kan Pathian thu chuan a tlem emaw a tam emaw kan phak tawk ang zel a midangte tana malsawmna ni turin min chah a, chu thuchah pawimawh tak chu keini a zuitu thalaite pawh hian kan hre reng fo tur a ni. Eng thil pawh ti ila, chu rilru chu kan pu reng fo ang. Vanlalnghaka Chhawnchhek hi Bangalore a lo awm ve reng thin, exBMA AW editor ani a. Kan ngenna te ngaipawimawh a article te min lo ziak sak avangin a chungah kan lawm takzet a ni.) Keep away from people who try to belittle your ambitions. Small people always do that, but the really great make you feel that you, too, can become great. Mark Twain

E-mail: bmanews@gmail.com Website: www.bangaloremizo.info

Editorial Lawm fo Khawvela kan nun chhunga thil harsa ber pakhat chu lawm fo hi a ni. Mihring kan nih chhungin harsatna te, lungaihna te hrehawmna te, hlawhchhamna te, mi min huatna te leh chhiatna hrang hrang kan chungah a lo thleng thin.
Hetih hunlaia lawm reng hi mi vannei nge an nih mi piangsual? Mi lawm thei mi chu, mi hlim thei an ni a. Chu chu taksa hriselna atan pawh a tha. Mi hlim ngai lo, ngui hmel pu reng mihring chu an hrisel thei lo an ti. Mi thinchhe takte pawh hian kawchhung na an vei duh an ti bawk a. Chuvangin lawm thei fo te, hlim taka awm theihte hi a pawimawh a ni. Mahni chan tawka lungawi thiamte a pawimawh a, mahni neih theih loh hlen nih theih loh duh a, ngaihtuah vak vak te, intihhrehawm phah hialte hi a tha lo. Chuvangin i hlima, i lawm fo hi i hriselna leh mite tana hmuh nuama i awm theihna a ni. Chumi nei thei tur chuan i rilru put phung a pawimawh a, i taksa leh thuamhnaw vawn faite a pawimawh bawk a ni. Rilru tha hi hriselna atan leh lawm fona atan a pawimawh hle.

Vol. XVII Issue No. 28 Bangalore Mizo Association

Pathianni Tin Chhuak Chanchinbu

Date: 6 November 2011 Phek Thumna

th

Valpuia tan vanpui a chim


- Dr Mahminga Sailo Mizo nula ngei Khatia Valpuian vai nula kalsan a Mizo nula ngei nupui atan a duh thu min hrilh hnu khan, a bialnu tur chu kan melh ru ve reng a. Tih ngai loh leh zawh ngai loh lam chu rin aiin hmasawn a har phian. Amarawhchu, thufingin, Vawkpui pawh a vah a vah chuan ek thing a tawng nge nge an tih ang deuh in, a zawn a han zawn tan a na na chuan, tawn kan nei ve mai bawk. Zamzami kan rim Zamzami hi nula chhe lo tak a ni a; keini han chhai atan phei chuan kan phulo hial zawkin ka inhre rum rum. Nula panngngai tih tak ah, kan leng te chu tha tak in min chhawn thin a, Valpuia pawh a hlim in, a nunhlui ngaih a nep chho ve zel bawk. Thiante an hlim phawt chuan; chhai tur hmu lem lo, mahni mum a mum ve tawp pawh, a chhehvel ah ka lo phur ve em em thin. Zamzami a inpuang Tlai khat chu Zamzamin mi titi pui a duh a. Valpuia tello min sawm chuan ngaih a ti thalo lehling zawk! Valpuia tan a kawng awlsam a inhawn beiseiin min sawmna chu ka hnial duh bik lo a. Hei hi min hrilh a nih chu Mampui, Valpuia min tih pui hi ka phulo. Ani, vairama lehkhazir a awm, nun changkang leh tlangval fel ni bawk hi ka tan chuan a sang lua in ka hria tiin bula tan a. Kei chuan rang fe hian, Zamzam nang zawk hi alawm kan phu loh chu, chutiang lam sawi tur chuan ka inring miah lo a nia kan ti ve luam a.. Ani chuan, ka ring ngam che a, ka chanchin sawi a tul tlat, min lainat ngawtin ka ring. Mampui, kei chu ka vanduai em a.., ban takin an ti tan a. A hmel ka en in kan boruak tawn chu ka hrethiam lo hle mai, mahse pachang tak a ka ngaihthlak a ngai si. Nuthlawi ka nih hi a ti ta phawng mai a! Mak ti tak, hriat chak tho siin, a va mak ve, engtiklaiin nge pasal I neih? a ka ti ta he haw mai a. Mipa sual ka tawng I hrelo mai thei, nikum hmasa lawk khan ka nite khua ah sawrkar hna chhete hmu in kum khat leh a chanve ka va awm a. Ka thawh hnu reilo te ah chuan; pu thar, la naupang tak kan nei a. Tlangval

nia inchhal in thla 2/3 kan thawh ho hnu chuan nitin a inhmu na na na chu kan lo induh ve reng a lo ni a. Ani chuan min duat em em a, a theih chin chin a ka tan a inpezo hle thin. Ka tan a Pathian ruat ah ka ngai nghal ngawt a, ka thil tihsual nasa ber a lo nisi. Tin heti hi a ni a, nikhat chu kan office hnathawk ho intihhlim nan, ramhnuai ah kan chhuak a. Chu ni chu a ni ka nun a ser min siamtu chu, ka hmangaihna zawng zawng ka hlan ni chu. Kan va hlim tak em. A tuk atang in kan inpawh in kan inkawm ngeih zual a. A bula awm reng hi ka thlahlel fo thin. A tawi zawngin sawi ila, thla thum hnu ah fa ka pai thu ka hrilh ta a. Beisei ang a ni ta lo! Fa ka pai tih a hriat atang chuan a hmel a danglam in, a nun chu a inthlak chiang hle mai. Mak ka ti lo thei lo. A tuk atangin office-ah lah min be tha duh ta silo, ka rilru hah thin zia kha. Ka naupai, ani ber ka hrilh a a thinur si chuan engtin nge ka chhungten min ngaih ang? tiin ka inngaihtuah a. A va hrehawm tak em. Khatiang tlangval mak kha he khawvel ah hian an awm leh ngai dawn em ni? Tin heti hi a ni a, kar khat a ral hnu in chawlh la in engmah chanchin pawh min hrilh lo in an veng lam ah a haw a. A lo let leh hnu in a chhung te rem tihpui ngei nupui a neih tur thu min hrilh ta a nih chu. Hrehawm ka ti em em a. Ka ni min duat em em tu chu hreh tak chungin ka dinhmun chu ka hrilh ta vek a. Ka ni chuan beisei loh deuh in min hrethiam a. Lungngai mah ta che bawihte, I nu leh pa te pawn an hrethiam em em ang che tiin min hnem a. Chutiang chu a ni awzawng silo. Ka nu leh pa ten an hriat tirh chuan ka ni pawh an haw hial! Mahse, ka vanneih na pakhat chu, ka ni te hian fa an neih lo vangin fanu/fapa I neih phawt chuan kan hnen ah a awm dawn nia an ti a. Tichuan, fa ka neih thleng ka ni te hian min enkawl a. Ka fapa a tlei tak chinah chuan, ka thawhna a misual pa hmuh reng ka theih loh thu te hrilh, min hrethiam a, ka hna bansan mai turin ka dil a. Ka nu leh pa te pawn min khawngaih in ti hian kan vengah ka lo let leh ta a ni. Pawn chhuah te, kohhhran a inhman ve te chu sawi loh, mahni inchhungkhur ah ngei pawh ka inthlahrung tawh a, sernung ka neih tawh hian mi a phuar si a. (Phek linaah chhunzawmna)

Vol. XVII Issue No. 28 Bangalore Mizo Association

Pathianni Tin Chhuak Chanchinbu

Date: 6 November 2011 Phek Lina

th

(Valpuia tan vanpui a chim chhunzawmna) Valpuia min duhna chu zahawm viau mahse, kei chu hetiang hi ka ni si a. I thianpa a rinawm loh ang ka ti thei lo nangin, mipa hi rin har ka ti khawp mai a ti a. Rin loh tak in min den tak si ah chuan, kei pawh tawng tur ka haihchham a, thu tam pawh sawipui lem lo in, Valpuia thu ngaichang ve phawt turin ka hawsan ta a Valpuia ngaihdan Hrilh hreh viau mah ila, thian tha berte tan a thu zep neih a tha in ka hre silo. Hreh tak chungin a tuk tlai chuan Valpuia chu ka va lenchilh a. Ani lah a ngai te in Zamzami rim turin a lo in peih leh ap tawh a. Thil hrilh tur che ka nei, zanin chu in leikapui ah hian thut fual lawk a ngai tiin, Zamzami thu min hrilh chu hreh tak chungin ka hrilh ta. A hmel atangin a rilru put dan chu ka hrethiam mai. A ngawi vang vang a, thaw halh chungin, Hmangaihna kawng hi a va mak ngei em Mampui! Tlangval pakhat suahsual vangin Zamzami nun a chhia a, fahrah a siamin, ka nun thleng in min khawih tel a maw? A ni thei dawn em ni? Mampui, a bialpa hlui chu zawnchhuah dan a awm lom ni? A ti ta mai. Kei chuan e, chutiang lam ngaituah lo e, thil thleng chu a thleng tawh a. Zamzami I duh a nih phawt te chuan, a duh leh sual vang a chesual a ni bik lo a, nula a ni lo tih a ni mai a ka ti a. Ani chuan, Mampui, thiantha ka nei che hi ka va lawm thin em! Khua han var leh te te se, kan thu leh tur chu kan pawtchat dawn nia, tiin keini lo ang deuh chu zan meuh chu, kan nui dun eih lo. Phur lo zetin kan in mangtha ta a ******************************************

THLIRTU
Mi te chuan, Thlirtu, tunlai kan dinhmun hi Nova hun lai ang mai khan inpawngneknain a khat zo ta niin a lang a. Chhungkuaah te, khawtlangah te leh Kohhranah te pawh hian kan innek sawk sawk a ni ber a. Zirna leh eizawnna kawngah pawh hian kan inpal bawrh bawrh a, a thei fate an len thur thur laiin a rethei leh chan chau zawkte chuan theihtawp chhuaha an han beih ve ngial pawhin chaurau ek an thai leh nge nge thin a. Hei hi engtia han siam that tur nge maw ni dawn le? an ti a. Thlirtu chuan, Roreltu fing in mamawh a ni a ti a. Mi te chuan, Engtin nge roreltu fing chu kan hriat theih ang? an ti a. Thlirtu chuan, Khaw pakhatah hian unau mipa naupang pahnih hi an awm a. Tum khat chu chhangthawp inchuhin an insual dawn ta mai a. Pa ber chuan chhangthawp chu a la lawk a, a u zawk hnenah chuan, A lai takah phel la, i nauin a duh a tlang hmasa zawk ang a ti a. A u zawk chuan inlen hleiha a bun vaih chuan a nauin a lian zawk a thlang ngei dawn tih a hre kiau si a, a lai takah a phel ta a, lungawi takin an awm ta ve ve a ni a ti a. Mi te chuan, Pa ber rorelna chu a fing hle a nih chu an ti ta a. - Rev. Lalawmpuia Hauhnar ******************************************

Ngaihtuah peih te tan


BMCF kan hmangaih ang hian, Pathian han hmangaih ve ilang chuan awwww Mi in an ti, a ti, kan ti, a ti, a ti in ka hria, a ti leh lo tih ringawt atang hian puitlingin ngaihdan siam chin hi a tha ber lo. Mahni inchhung luma minute sawm lek chhung inkhawm hman ai hian, hla deuha pawisa tam tak chawi a inkhawm hi a ropui bik kherlo thei. Mahni pawha principle neilo, midang ngaihdan uar taka lo kalpui ve chiam hi Indian constitution hian a phal em? Beramte ramtiam ram thleng tur hian tunge pawimawh ber ta? Social networking sites a thahnem kan ngaih aia nasa hian Pathian nen a kan network na ah hian tawng nasa ila a tha mah mah lo maw. ******************************************

Enge an sawi?
Bangalore Mizo zingah chuan Zara jacket Rs.5000 chuang nei hmasa ber ka ni in ka hria Makima Huihamsss rilru va hah emm nursery ang chiah ka ni e Jenny Hnamte Tunkar chho chu ka cher awt awt mai alawm Azaii Hnamte Grace Home ho zin chu lungleng an tam hle Chung zingah chuan phone thar nei an awm an ti.