Beruflich Dokumente
Kultur Dokumente
Batik Kawung nyaéta motif batik anu wangunna buleud siga kawung (buah tangkal
aren atawa ogé sok dianggap kolang-kaling/cangkaléng) anu disusun rapih sacara
géometris. Miboga harti husus, nyaéta ngabogaan opat titik anu ngawangun garis
ngalambangkeun duduluran, nyanghareupan hiji titik minangka ngalambangkeun
persatuan.
Mimitina, motif ieu muncul dina ukiran témbok di sababaraha candi di Pulo Jawa,
salah sahijina di Prambanan. Patali jeung kecap suwung anu hartina kosong, motif
kawung téh ngalambangkeun kakosongan hawa nafsu jeung hasrat dunyawi,
sahingga ngahasilkeun pangendalian diri anu sampurna. Salian ti éta, motif batik
kawung ngalambangkeun kakuatan jeung kaadilan.
Dumasar kana ukuranana, batik kawung téh dibagi jadi opat rupa, nyaéta:
Batik Picis
Batik Picis biasana ukuranana leuwih leutik batan batik séjénna. Kecap picis
sorangan hartina mata uang patut 10 sen atawa nganrujuk kana hal anu leutik.
Batik Bribil
Batik Bribil mibanda motif buleud anu ukuranana leuwih badag batan batik
picis. Ngaran Bribil sorangan nuturkeun mata uang anu hargana satengah sen
dina kamus basa Jawa.
Batik Sen
Batik sen miboga motif buleud, lonjong jeung ukuranana leuwih badag batan
batik Bribil. Sakumaha jeung ngaranna anu nunjukkeun, jenis batik ieu teh
pakaitan jeung bentuk duit hiji sen di jaman kolonial.
Batik Kemplong
Batik ieu mibanda motif bunderan anu sarua jeung batik séjénna, tapi
ukuranana leuwih gedé.
Motif batik kawung ieu sering dianggo ku Semar minangka gambaran tokoh anu
wijaksana.
Kawung Beton
Kawung Cacah Gori
Kawung Geger
Kawung Kopi/Sari
Kawung Sekar Ageng
Kawung Semar
Aya oge dumasar kana kombinasi, motif batik Kawung masih kénéh lestari sarta
bisa ngahasilkeun rupa-rupa hiasan anu leuwih nyolok, nyaéta:
Kawung Buntal
Kawung Kembang
Kawung Seling