„Mier mag halt niemer öppis gunne…“

Zum 40igsten Geburtstag für Conny

1.
Mit Freud ganz riese-riese gross
Bin ich da here cho
Wott gratuliere nid nur bloss
Han öppis Chlis mitgno
Geburtstag fiire – wunderbar
Tued euse Conny-Superstar

Ich gratuliere zu dem Feschd

Wünsch mit ere Rose nume s’Beschd
Wünsch mit ere Rose nume s’beschd
Wünsche nume s’Beschd, wünsche nume s’Beschd

2.
Conny, dis Herz isch riesegross
Du bisch en feinschdi Frau
Ich find dich grandios-famos
Und all Lüüt denked glich genau
Geburtstag fiire – speziell
Tued eusi Conny – originell

Ich gratuliere zu dem Feschd

Wünsch mit ere Rose nume s’Beschd
Wünsch mit ere Rose nume s’beschd
Wünsche nume s’Beschd, wünsche nume s’Beschd

3.
En dritti Rose jetz als Dank
Für all dini Herzlichkeit
En Dank für’s Zämesii mit Trank
Dis „Schaffe-helfe Dasii“ wiit und breit
Lass dich gross fiire, gnüss de Tag
Dass d’Freud id Zuekunft strahle mag

Ich gratuliere dir ganz feschd

Wünsch mit ere Rose nume s’Beschd
Wünsch mit ere Rose nume s’beschd
Wünsche nume s’Beschd, wünsche nume s’Beschd

Zum Geburtstagsfest von Conny am 27.01.2007

Präsy