Beruflich Dokumente
Kultur Dokumente
Lagu kidung ngalanglaung Panundung bingung kaliwung Pamentung laku kapahung Kaambung ka awang-uwung Papayung para pangagung Nu manggung tur hurung nangtung Malar jucung, sangkan nanjung Henteu linglung kapidangdung
Pangagung miyuni layung Ngempur hurung luhur gunung Getih, daging, sungsum-balung Parungrum juntrung sakurung Gandrung liwung nu linuhung Gumulung tungtung jajantung Nalikung jadi pangjurung Ngalarung tujuh lulurung
Nu misti dipusti-pusti Kiwari ilang raspati Kumargi kirang gumati Jati kasilih ku junti Nganti-nganti pangabakti
Peurih salebeting galih Kasedih teu euih-euih Pupulih leungit ka matih Malih muih, nurih getih Aji paripih kabintih Kalindih henteu katolih Nyukrih mambrih rph-rapih Teu kapanggih ku pangampih
Rahayat katalangsara Malarat, lara-tunggara Aparat ilang komara Kasibat jeung nyaliara Gara-gara saniskara Munara teu kapiara
Sumpah panulah musibah Moal milampah pamondah Pamolah wadah anugrah Tarkah, sadrah, sumerah Pamarentah teu awuntah Para somah leah manah Ibadah fisabilillah Genah, betah, tumaninah