BUBUKA

ASSALAMUALAIKUM. WR. WB

HIDEP ANAKING!

SOK SANAJAN POE IEU PIKEUN HIDEP NGARUPAKEUN POE ANU ENDAH TANPA WATES WANGENA

OGE HIJI POE ANU KEBEK KU KABAGJAAN.

TAPI OMAT MANGKA INGET YEN POE IEU MANGRUPAKEUN HIJI POE ANU PAMUNGKAS TINA MANGSA DI AJAR DI SD
TIRTAWENING.

KUKITUNA MANGSA IEU NGARUPAKEUN MANGSA ANU UTAMA PIKEUN HIDEP SAREREA KEUR CITRESNA DO’A KALIH
PANGAMPURA KA IBU SARENG KA BAPAK GURU.

KUSABAB KITU, PRAK HIDEP GEURA TUNGKUL KA PANGKONAN IBU SARENG BAPAK GURU HIDEP.
MURID

IBU...BAPAK...

ANU JADI PUPUJANING KALBU, PANUTAN ABDI SADAYA.

UPAMI DI WINCEK DI HIJI-HIJI, DI ETANG MANGPIRANG-PIRANG JAMAN TI BIHARI TUG DUGI KA KIWARI NALIKA ABDI
LEBET KA KELAS HIJI DUGIKA AYEUNA TOS RENGSE DI KELAS GENEP.

MANGTAUN-TAUN ABDI DIBIMBING DI DIDIK SANGKAN JANTEN JALMI ANU PINUH KU ILMU, SUGIH KU PANGABISA.

KANYAAH IBU KALIH BAPAK ANU TEU AYA KENDATNA, NU DIPAMRIH SANGKAN ABDI JANTEN MURID ANU SAE AHLAK
SARENG BUDI PEKERTINA.

KUKITUNA, HAPUNTEN IBU..HAPUNTEN BAPAK..

ABDI TEU TIASA NGAWALES KANA SAGALA KASAEAN IBU KALIH BAPAK.

KIWARI KALAYAN TAKDIR TINU MAHA SUCI, ABDI SADAYA KEDAH PATURAY SARENG IBU OGE BAPAK.

TEU AYA DEUI ANU DIPAMRIH IWALTI DO’A, MUDAH-MUDAHAN ABDI SADAYA AYA DINA MUMUNGGANG KABAGJAAN
SARENG MUGIA IBU KALIH BAPAK LUNTUR GALIH LEAH MANAH NGAHAPUNTEN KA ABDI SADAYA, OGE ABDI SADAYA
SEJAK NGADU’AKEUN KA IBU KALIH BAPAK MUGIA IBU KALIH BAPAK SING SEHAT OGE AYA DINA LINDUNGAN ALLAH
SWT.

HAPUNTEN IBU...HAPUNTEN BAPAK...

ABDI SEJAK MIANG...

GURU

ANAKING JIMAT AWAKING, PUPUNDEN IBU JEUNG BAPAK

HIDEP AYEUNA GEUS WAKTUNA NGALENGKAH LUMAMPAH

MIANG NINGGALKEUN IEU SAKOLA

POMA GEULIS, POMA KASEP

ULAH UNGGUT KALINDUAN, ULAH GEDAG KAANGINAN

TEU KUDU WASWAS RAEREUWAS, TEU KUDU RISI MURINGIS

ANGGUR TETEGKEUN PAMADEGGAN GEUSAN NGAHONTAL SAGALA CITA-CITA

ANAKING JIMAT AWAKING, KEMBANGNNA ATI IBU JEUNG BAPAK

GENEP TAUN HIDEP DIAPING, DIJARING

MALAR EUSI KU PANGARTI MALAR JEMBAR PANGABISA

JALMA MAH TEU LUPUT TINA SALAH

JALMA MAH TEU AYA NU SAMPURNA

KUKITUNA POMA GEULIS.. POMA KASEP..

ULAH SALEMPANG ULAH HARIWANG

IBU BAPAK PASTI NGAHAMPURA

DA GEUS JADI KAWAJIBAN MANUSIA

NGAN KAHADE ULAH NGAHAJA SALAH

SABAB SALAH NGALAMPAH AYA HUKUMNA

PON KITU DEUI SABALIKNA

BISI IBU..JEUNG BAPAK...

KUNGSI NGAREBU BEBENDU LAKSA DUDUKA

POMA KU HIDEP KUDU DIHAMPURA

DA IBU BAPAK OGE SARUA JALMA BIASA

SOK KEUNA KU OWAH GINGSIR

ANAKING JIMAT AWAKING, PUPUJANING RASA IBU JEUNG BAPAK

KIWARI CUNDUK WAKTUNA DATANG MANGSANA URANG KUDU PAPISAH

NALANGSA GALO JEUNG BUNGAH

PON KITU DEUI TEU PANASARAN DA HIDEP GEUS BOGA LUANG

AGEM AGAMA TATAPAKAN DARIGAMA PANANGGEUYAN

ULAH BALANGAH SALAH NARATAS

INSYA ALLOH RAHMAT SALAMET

BRAL ANAKING BUAH ATI, BRAL ANAKING KEMBANGNA RASA

PERLAMBANG JAPATI LEUPAS TINA KURUNGNA

YA ALLOH MANGGA NYANGGAKEUN.........