MATEGUL TAN PATALI

Das lehae Luh Manik sampun bangun nabdabang ajeng ajengane sane pacing adol ipun ring warung ipune. Pianak muah matuannyane luh-muani taler sareng repot mgopin. Makasami ulet makaria, saantukan akeh anake sane rauh matumbasan. Langganan ipune akeh pisan. Dagangdagang, supir-supir,pegawe-pegawe muah murid-muride sami mrarian matumbasan irika. Matua luh : Luh, dateh nyen kasuusu. Ingetang mabanten jotan malu. Ni Luh Manik : Inggih meme! Nesuba tanding tiang. Putu, Putu ! Kema aturang banten jotane ! Suba keto dabdabang ragan ceninge masuk. Ingetang ngajengang malu ! Putu Sastra : Inggih meme. Warung punika sampun rame antuk anak matumbasan. Kemengan asane Ni Luh Manik ngayahin. Aget pisan matuan ipune setata sedia ngopin. Dados ipune anake sane matumbasan nenten lami nyantosang. Sami pada seneng, saantukan serpis ipune becik pisan, cepet turing rapi. Putu Sastra : Meme ! Idih pipse bekelang tiang masuk. Ni Luh Manik : Ditu jemak dikotak ning ! Pukul sia wengi warung ipune wawu katutup. Wus punika langsung ipun nuju ka kamar jagi sirep. Makelo biasane wawu mresidayang sirep raris. Napike mawinan santukan uling ring sikian ipune lacur. Katnggal mati antuk somah pitung tibansane sampun lintang duk puknika ipun sareng pianaknyane Putu Sastra wau mayusa tgang taun. Luh Manik sebet kelangan somah sane lintang tresninin ipun, Putu Sastra sebet kelangan bapa, meme bapannya sebet tan sinipi, saantukan pianak sane cagerang ipun pisan padem nadak. Samalihnya sawannyane tan kapanggih. Sesampune ngigisan sebet ipune, irika raris Luh Manik makayunan mlaja madagang. Raris ipun matur ring matuan ipune luh-muani. Luh Manik : Meme, bapa ! Tiang Makita mlajah madagang mukak warung. Apang sida anake buka tiang ngengsapang sebete saka bedik. Matua muani : Yan aketo, bapa setuju pesan teken keneh ceninge. Tui saja buka raos ceninge. Apang sing cening berag nyakit ati nyen, mangenag anak ane tusing enu. Ento ada pianak ceninge I Putu, jalan jani yasaning sida jai a dadi jlema melah. Malajah subah sening madagang. Nanging kanggoang pada mabedik malu ! Gabahe ento adep anggo pokok! Luh Manik : Bapa yan buat anggo pokok tiang nu ngelah bekel abedik, wireh sabilang abulan tiang polih uang pensiunan Madene di kantor. Matua luh : Cening , meme muah bapa luhe suba tua kenken ja keneh luhe meme tinut. Nyen nawang dumadak ada Suwecan Widi idupe buke sasonggane luh. Cara rodan padatine aget lacure mula matimpal luh ! Dumadak ja cening ngelah nasibe melah kaget ulian madagang nyen luh mresidayang mgenepin isin poon muah nyekolahang panak. Meme ajak bapan luhe mula negenang awak teken luh. Kadi wenten Suecan Widine. Uli sesukat ipun madagang dagangan sayuwakti nasib ipune sakeluwarga meresidayang ipun paon sawai wai nyekolahang pianak, turing mrasidayang menain antuk asil madagang kemanten.

I Gede Parta nyabran dina rauh ngangur ka warung Luh Manik. Ipun sampun ngelah somah, nanging during madrebe pianak. Ipun sampun kasub sugih. Sane mangkin sampun wengi. Sawatara pukul pitu. I Gede Parta nyogjog rauh nganggur ka warung. Gede Parta : Halo, selmat malam Luh jegeg ! Luh Manik : Selamat malam beli bagus ! Gede Parta : Apa kabar Luh ? Luh Manik : Patuh buka ibi sanja beli. Gede Parta : Sing ada perubahan ? Luh Manik : Aduh ! Melid gati. Suba Orahang patuh. Gede Parta : Gaya gati mulane Luh. Apa buin mapayas adat cara jani. Jegeg cara dedarine uli suarga. Luh Manik : Suud malu mgulgulang tiang beli Gede ! Ngoyong malu dini nah ! Tiang jagi ngaturang canang. Gede parta : rereinan apa jani Luh ? Luh Manik : Sing ja ada rainan beli. Mula tiang sebilang peteng setata ngaturang canang nunas keselametan ring Ida Betara. Luh manic pesu nampa bokoran bek madaging canang. Gede Parta Nyantos ring warung . Nenten lepas-lepas matan ipune matan ipune ring Luh Manik. Tindakan muah takayungan lemuh magelohan nganyudang manah. Pakrimik ipun pedidian. Gede Parta : Aduh Dewa Ratu. Yan amone jegeg anake luh, teked ka suarga ada tusing bakal keciwa Ratu Betara ! Dumadak jai pun nyak makurenenan teken titiang. Sedek ipun ngrimik asapunika, manahnyane nrawang doh pisan. Tengkejut ipun mirage suarannyane Luh Manik. Luh Manik : Apa orahan beli pedidian cara anak buduh ? Ngrimik cara munyin tibangbung dingeh tiang ? Gede parta : sing Luh. Beli angenpesan teken goban luhe. Kalah Ratu Sirikit uli Siam. Luh Manik : Da ja beli bes sanget ngajum anake buka tiang. Da bes tegeh nunjk tiang, dilabuhe apang tusing babak belur ! Gede parta : Beli ngorahang amen benehe Luh. Saja beli buduh paling teken Luh. Luh Manik : Bedikang ngajum, Bedikang ! Sing ada pis cenik ! Gede Parta ngancan galak sesolahan ipune, ngancan gudip liman ipune. Sambilang ngusapusapang boknyane ipun ngomong sada bamban. Gede Parta : Luh ! Cutetne beli ngidik kaputusan Luhe jani. Suba telu bulan mekelone mlali mai ngalih anake buka Luh, dadi tuara marupa apa. Milane lih demen ngawenig apang beli sengsara. Pedalem anake beli abedik ! Baang anake beli raos abuku da endepang kene, buka sambuke di tengah segarane agung mailehan panting ombak tusing karuan karuan.sadia pesan keneh beline yan luh nyak ngidepang munyin beline. Luh bakal Idih belu anggon beli somah. Kenken ? Da anake nengil dogen cara bedogol ! Baang anake beli raos abedik ! Luh Manik : Beli, beli Gede ! Yan buat ento, uli mara beline mlali suba kena baan tiang maca. Legan beline trima tiang. Nanging yan pacing makurenan sing sida antuk titiang nangingin. Gede Parta : Sangkal keto ? Apa makrana ? Baan beli suba ngelah somah ? Wireh ada I Putu pianak adine ? Ento nyantulang keneh adine ? kaden beli suba melid ngorahang teken adi.

Kuren beline suba setuju teken adi. Ia anak bekung, tuara nyidayang ngelah pianak. Buina ia nae sanget nesek beli, apang da kone belinyesel di manipuane. Buat pianak adine I Putu eda, adi dengsaya ! beli sanggup nangung ia nyekolahang nganti sategehtegehnyane. Buina abesik adi ! Ingetang gunan idupe ! Percuma adi idup yan sing bis angisep madun linage. Buin pidan adi buin maan ngulurin liang? Yan sing jani dienune bajang? Gede Parta : Adi! Dong tugtugang tresnan adine teken beli. Tulungan beli lara adi! Idepang ja ragan adine ngancit ukudan beline uli kawah Candradimukane! Luh Manik : Beli, beli Gede! Anggon beli gena nyaratang anak buka tiang? Beloge ngonyang sajawining nelahang dogen. Gede Parta : Beh, beh! Ene mara ia! Eda ja liunan gaya, sanggup the nampi belu nganggon kurenan. Kenken krasa baan adi? Luh Manik : Sara suba beli diti. Tuang tusing bisi ngirahang apa-apa. Keto ya baos beline, kudiangtiang makelid? Satmaka anake buka belu ngejuk be di panene. Gede Parta : Kene Luh. Apan men buin lantangang. Cutetne buin mani peteng pukul siane beli lakar naglih adi mai. Apang Luh tragia nyen ngantosang beli. Saantukan janjinipune sampun pasti ring I Gede Parta, irika raris ipun matur ring matuan ipune makakalih. Luh Manik : Meme bapa ajak dadua. Tiang nunas sinemampura pisan, wireh belog tiange bes kaliwat. Sigug tiange ngonyang. Yan apa ane ngengkebang matan tiange. Buin nyanan peteng tiang jagi ninggaliin bapa ajak dadua muah I Putu. Wireh sampun pas pisan janjin titiange ngajak beli Gede Parta. Da nyen bapa pedih teken tiang. Runguang cucun bapane jumah apanh melah. Dija tiang ngoyoyong, uli ditu nyen bapa muah I Putu tresnin tiang. Uli ditu baan ngyasain bapa. Pangidih tiang da nyen bapa med mapianak teken unduke tiange, yadiapin tiang tusing nu dini ngajak bapa. Matua muani : Eda teh cening ngeling Luh! Bapa tusing ja pedih, wireh bapa suba tain mawak bajang. Bapa suksema pesan teken Luh, wireh meh-mehan pidan suba bapa kalian. Nah yan suba mula kembang keneh ceninge, majalan suba cening apang melah. Nanging yan suba punggelin bapa, antosang malu apang kelih ia I Putu. Dening cening suba mejanji pasti kudiang bapa? Sing nyidayang cening matempo malu? Luh Manik : Sapunapiang tiang mena bapa. Kadukang sampun sanggupin tiang.yan tiang ngelongin janji, tong ja gigis pangupete sane pacing trima tiang! Matua muani : Yan keto ja, lautang suba rencanan ceninge. Nanging eda nyen cening engsap teken ukudan bapa teken memen ceninge. Ingetang pianak ceninge I Putu. Da nyen cening nelep magedi. Apang tau masih bapa nyen. Gaenang masih ragan ceninge tongos. Luh Manik sampun tragia nyantosang pangrauh I Gede Partane. Pukul sia kirang lima menit.Malih limang menit kewanten, sah sampun ipun dados somah I Gede Parta. Kagiat ipun mirage matuannyane luh, jerit-erit katulung-tulung. Matua luh : Tulung, tulung. Aduh Dewa Ratu, kenken ja cucun tiange? I Putu sastra awaknyane panes bara, nenten eling ring raga. Sawetara wenten empat puluhsatu derajat Selsius. Pisagan-pisagannyane akeh sane rauh nulungin. Luh Manik : Melahan kompres dogen baan es bapa! Kebenengan di warung nu ad sisan es atebih. Sesampune kakompres sida raris pane awak anake alit turun. Kapanggih memennyane ngurut-ngurut ipun ngeling sengu-sengu, sinambi masesambatan.

Putu Sastra : Meme,meme! Da tiang kalain! Luh Manik : Suud ngeling Ning! Meme sing ja ngalin anake buka cening. Tengkejut manah ipune ngatonang saantukan I Gede Parta taler sampun waten wenten irika. Bag biing, makudas-kudas panjusan peluh. Gede Parta : Men kenken I Putu Luh! Luh Parta : Awake panes bara beli! Ia maan engsapteken awak sawetara dasa menit. Nanging mangkin sampun inget malih, turing panesnyane sampun taler ngigisang. Gede Parta : Yan keto Luh! Melahang priksaang dogen buin mani ka dokter. Belija ngateh nyen. Jani wireh nu peteng tegarang bang malu ia pil apese. Luh Manik : Inggih beli. Becikang benjang pacang rembugang titian malih ngajak bapa. Rencanane mamargi nganten wengine punika wangde sapian saantukanbencanane sane tan dados antuk ngelidang. Luh manic bimbang ring manah. Inget ipun ring eling pianaknyane ituni. Kadi panimbangane yuaki. Malih baatan ring pianak, malih baatan ring I gede Parta. Tengkejut malih ipun tan sinipi. Rasa-rasa wanten suara ngawang-awang kapiragi,sakadi suaran somah ipune sane sampun padem. Lami ipun engsek ring manah. Eling malih ipun ring sumpahnyane dumun, dawege wau pangantenan. Sumpah pacing tresna terus masomah kayang kawekas.sesampune ipun nimbang antuk manah sane rena, irika rais ipun ngambil kertas muah pulpen pacing kaangengsurat sane praya katur ring I Gede Parta.