PARTORDING NI PARMINGGUON

DI MINGGU KELUARGA

TOPIK :
DIHALOMOHON JAHOWA DO UHUM DOHOT HATIGORAN
HKBP TIGARAKSA KOTA
Minggu, 08 Oktober 2023

1
1. PAMUHAI :
U :Horas ma di hamuna ruas ni hurianta HKBP Tigaraksa, na hinaholongan
di bagasan Goar ni Tuhanta Jesus Kristus. Selamat ari Minggu ma di hita.
Tapuji tapasangap ma Tuhanta naung patariparhon pardalanan ni
ngolunta di bagasan hahipason sahat tu ari Minggu keluarga sadari on.
Tondi Porbadia na sian Tuhan i ma na mangingani roha dohot
pingkiranta, asa hibul rohanta pasangaphon Tuhan i.
R : Tapuji jala tapasangap ma Tuhan i, na sai manungguli roha nang
pingkiranta asa tongtong marningot laho marsaor dohot Tuhan i di
minggu keluarga sadari on. Ragam do nian pangelaela ni portibi on na
manaiti rohanami asa holang sian Tuhan i, asa unang marsaor hami
dohot Tuhan i, alai sai di sungguli Tuhan i do roha nang pingkirannami
asa tongtong marningot mangulahon patikNa i.
U : Antong beta ma hita mamuji pasangaphon Tuhan i. Tapahibul ma
rohanta mandohoti parmingguon on marhite Topik : “DIHALOMOHON
JAHOWA DO UHUM DOHOT HATIGORAN”. Ale Tuhan Jahowa Debata
Amanami, sahat tu Ho ma pamujionnami di minggu keluarga sadari on,
marsangap ma Ho marhite parmingguon nami. Pahibul jala pasada ma
roha nang pingkirannami laho pasangaphon Ho. Marende ma hita!
2. Marende BE HKBP No. 17 : 1 - 3 “RAJA NA TUMIMBUL”
♫♪♫ Raja na tumimbul sigomgomi hami jalo ma pujiannami.
Denggan ni basaM do pangoluhon hami atik pe mardosa hami
Sai apoi, pargogoi hami mangendehon sangapMi o Tuhan.

♫♪♫ Sai dipuji langit jadijadianMu saluhut pambahenanMu.

Parsinondang bolon na marpamongguri, Ho o Tuhan do dipuji.
Bulan i, bintang pe Ho do pinujina dohot sinondangna.
------ Jongjong ------
♫♪♫ Dohot do tondingku tungkap di adopan ni habangsaMi o Tuhan.
Nang sude donganhu, nasa na marhosa pujionna do Jahowa.
Sai tongtong na sintong holan Debatanta do sipujionta.
3. Votum:
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.

2
R : Amen!
U : Songon on do Hata ni Tuhan Jesus: Martua ma angka na mauas male
mida hatigoran, ai pabosuron do nasida.
R: Martua ma angka na ias tondi, ai idaonnasida do Debata
U: Ai na mangolu do Hata ni Debata jala margogo mangula, Haleluya!
R: Mangendehon: Haleluya, Haleluya, Haleluya.
U: Martangiang ma hita! Ale Tuhan Debata, Amanami na di banua ginjang!
Hupangido hami tu Ho, sai lehon ma tu hami Tondi ni hasintongan dohot
dame, asa tangkas huboto hami nasa lomo ni rohaM, jala urupi ma hami
mangulahon i sian nasa gogonami marhitehite AnakMu, Tuhan Jesus
Kristus Tuhannami. Amen.
(Hundul)

4. Marende BE HKBP No. 128 : 4 - 5 “DITANDA DEBATANTA”

♫♪♫ Ditanda do nasida dibaen holong sude
Rohana di Ibana nang di donganna pe
Ai i do na mandasdas nasida sai tongtong
Asa tung dipatolhas patikNa i sintong
Asa tung dipatolhas patikNa i sintong.

♫♪♫ Sai songon i ditanda Tuhanta jolma i

Na mangoloi hataNa di nasa bangso i
Haporseaon i do partinandaan i
Padohot panghirimon nang haholongon i
Padohot panghirimon nang haholongon i.

5. Patik:
U : Patik ni Debata di hita di Minggu Minggu XVIII dung Trinitatis
sadari on, tarsurat di Epesus 5 : 8 - 9, “Ai na holom do hamu na
jolo; alai tiur do anggo nuaeng di bagasan Tuhan i: Marparange
ma hamu, songon angka anak hatiuron. Ai nasa habasaon dohot
hatigoran dohot hasintongan, i do parbue ni na tiur i”. Antong, rap
mangido gogo ma hita sian Tuhan Debata!
U&R : Ale Tuhan Debata! Sai pargogoi ma hami mangulahon na
hombar tu hataMi. Amen.
3
6. Marende BE HKBP No. 806:1, 3. “Aha Pe Masa Dingolumon”
♫♪♫ Ai ditanda ho mual i na mabaor sian Golgata i?
Sian na tarsilang disi na manghophop ho pardosa i?
Nang balga dosam sae do i disalpui dosami nang ulum
Na gumogo do Tuhanmi, nunga saut dilisathon musum
Ias do dibaen, rohangkon nuaeng
Jesus do parmonang disi, diburi nuaeng rohangki.
------ Jongjong ------
♫♪♫ Tung na hansit na tinaon ni Tuhanhi di hau parsilang i.
Tung punjung mangae Jesuski, ndang bolong
panghophopNa disi. Lao ma au maporus tusi, asa malum disi
rohangki
Holan mudar ni Tuhanhi boi mamuri ias tondingki
Ias do dibaen, rohangkon nuaeng
Jesus do parmonang disi, diburi nuaeng rohangki.

7. Manopoti dosa:
U : Tatopoti ma dosanta tu adopan ni Debata, martangiang ma hita! Ale
Amanami jala Debatanami, na di banua ginjang, Pargogo na so
hatudosan! Pardengganbasa do Ho, jala ro di salelenglelengna do asi
ni rohaM.
R : Ale Debata parasi ni roha, sai marpamuati ma rohaM di
hajahatonnami, jala sai unang be ingot angka dosanami.
U : Tung jotjot do hami mardosa maradophon Ho, jala jotjot do
husungguli hami rimasMu marhite sian pangalaosionnami, di hataM.
R : Ale Tuhan Jahowa, sai unang paingotingot pangalaosionnami, unang
alang asi ni rohaM, sai urupi ma hami jolma pardosaon.
U : Ho ale Tuhan Debata hatuaonnami, palua hami, jala sesa dosanami,
ala ni AnakMu, Tuhan Jesus Kristus, Tuhannami. Amen.
R : Mangendehon BE. No. 681: 1 “Ale Amang asi rohaM“
♫ Ale Amang asi rohaM di au pardosa on. Unduk do rohangkon
nuaeng marsomba di joloM. Unang jujur, unang jujur angka
dosangki.
Sai salpuhon, sai salpuhon sian rohaMin.

4
U : Laos tabege ma bagabaga ni Debata taringot tu hasesaan ni dosanta!
Adong do di hita sintua ni malim na songon i, na hundul di siamun ni
habangsa hatongamon di banua ginjang. Dibahen i tarbahen ibana do
pangoluhon ro di ujungna angka na sandok ro tu Debata marhitehite
Ibana; na mangolu do Ibana tongtong, asa ditangianghon nasida.
Hasangapon ma di Debata na di ginjang!
R : Amen. (Hundul)
8. Marende BE HKBP No. 523 : 2 “ANING ANDIGAN”
♫♪♫ Sai guru di lomoMi ma au on mian dison, mian dison
Butbut na jat, baen ias rohangkon, di tano on, di tano on
Holong rohangku di Jesus tongtong, nang hahaanggi di
portibi on
Sai na managam do rohangkinon di haroroM tu tano on.
9. Epistel:
U: Tangihon hamu (Tatangihon) ma Hata ni Debata turpuk Epistel di
Minggu sadari on, tarsurat di Lukas 11 : 37 - 42. Andorang dihatahon
dope i, diarahon sada halak parise ma Ibana mangan; jala bongot ma
Ibana, laos hundul ma.
R: Alai longang ma parise i ala diida na so jolo marburi Ibana laho
marsipanganon.
U: Jadi didok Tuhan i ma tu ibana: “Anggo hamu parise, duru ni
panginuman dohot mangkuk dipaias hamu; alai ia parbagasanmuna
gok pandoboon dohot hajahaton do.
R: E hamu na hurang roha. Sitompa duruna, nda laos i do na manompa
bagasanna?
U: Asal ma dibasabasahon hamu na di bagasanna bahen asiasi, sandok
ias ma na di hamu.
H: Marjea ma hamu parise, ai diparsampulu hamu do angka suan-
suanan na ummetmet, ro di ragamragaman ni simarata; alai dilaosi
hamu do uhum dohot holong ni roha ni Debata. Siulaon do na sada
on; alai unang ma tading na sada an.
U: I do sahatna. Martua do angka na tumangihon hata ni Debata jala na
umpeopsa.
R+U: Amen.

5
10. Marende BE HKBP No. 272 : 2 - 3 “SAI TOLE, TOLE RO SUDE”
♫♪♫ Pangansi do musunta i, sai songon na burju
Hape gok sipaoto i, sitolon na tutu
Diela hita be mambaen na so ture
Mangago daging tondi pe dungo tajaga be.
------ Jongjong ------
♫♪♫ Solukhon hatigoranmi baen partahananmi
Nang pe haporseaon i baen lombulombu i
Nang patta sai ringgas, rohanta pe hiras
Mamaritahon dame i, baen halolomo i. .
11. Manghatindanghon Haporseaon
U: Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita
mandok!
R: Ahu porsea di Debata Jahowa….
(Hundul)
12. Tingting

13. Marende BE HKBP No. 136 : 1… “BIDANG DOPE NA HOLOM I”

(Pelean I.a, I.b.)
♫♪♫ Bidang dope na holom i di bangso na di hasiangan i.
Na nirajaan ni si bolis i di somba halak angka begu i.
Na nirajaan ni si bolis i di somba halak angka begu i.
♫♪♫ Sai tatap bangso i sude, ai nunga loja do nasida be.
Dangolna do manjou tu surgo i, mangido tolong tu Jahowa i
Dangolna do manjou tu surgo i, mangido tolong tu Jahowa i.
------Musik-------
♫♪♫ Torang do bagabaga ni Amanta di banuaginjang i.
ArahononNa jolma sasude tu hasonangan ni rohana be.
ArahononNa jolma sasude tu hasonangan ni rohana be.
♫♪♫ Tagogo ma pasauthon i, mamboan hata hangoluan i
Tu nasa bangso na di tano on, ringkot tabaen ulaon i tongtong
Tu nasa bangso na di tano on, ringkot tabaen ulaon i tongtong.
6
 ------Musik-------
14. Jamita: Jesaya 5 : 1 – 7

15. Marende BE No. 131 : 1… “BATANG AEK USEHONONHU” (Pelean 2a, 2b)
♫♪♫ “Batang aek usehononHu” ninna Debatanta i
“Ingkon bornok bahenonHu tano na mahiang i
Parhorsihan sasude, ingkon gabe porlak be.”

♫♪♫ Sai lambas dope na hasang ala hona toru i.

Israel dope na jalang sian Mesiasna i.
Nang sipelebegu pe, na mansai torop dope.
-----Musik-----
♫♪♫ Ingkon jumpang do hataNa ai burju do Tuhan i.
Ingkon saut pinarbagaNa naeng sangap goarNa i.
Ingkon do tandaon ni nasa bangso Tuhan i.

♫♪♫ Ala ni ringgas ma hita mangarahon dongan i.

Tapaborhat ma pandita tu sude na lilu i
Asa bongotanna be hasonangan i muse.
-----Musik-----

16. PANGUJUNGI:
a. Pasahathon Pelean Bulanan

U: Mauliate ma di Tuhanta, ala ni asi ni rohaNa na sai tongtong manarihon

sandok ngolunta sahat tu tingki on. Alanii, tongtong ma taulahon Hata
ni Tuhanta marhite na sai hot hita porsea di Ibana. Nungnga tajalo asi ni
roha ni Debata, marhite ragam ni angka na denggan. Molo naung tajalo
angka na denggan, sai taparbuehon ma na denggan, gabe pasupasu ma
hita ala nungnga dipasupasu Debata ngolunta.
R: Ale Tuhan, ungkap ma sipareonnami, roha dohot pingkirannami
marnida sude di angka pambahenanMu dingolunami. Sai togutogu
ma hami marhitehite TondiMi asa tongtong mangolu jala mangula

7
 hami hombar tu uhum dohot hasintonganMi, marhite
marparbuehon angka na denggan.
U: Sai dilehon Debata Amanta i ma tutu pasupasuNa na godang i di ganup
keluarga ruas ni huriaNa HKBP Tigaraksa Kota on. Lam martamba ma i
tu joloanon marhite na dipasupasu angka ulaonta nadenggan i. HataNa i
ma na mandongani hita salelengnilelengna manang tudia pe hita
mangalangka. Dao ma roha biar dohot roha hatauton jumpang ro
parungkilon. Tongtong ma hita mangolu dibagsan uhum dohot
hasintongan na sian Debata. Antong, di hamu ruas ni hurianta, hibul jala
unduk ma rohanta mangoloi Debata, tahatindanghon ma pambahenan ni
Debata tu pinomparnta, ringgas ma saluhut nang pangisi ni bagasta be
manghangoluhon keluarga na marhaimbaruon songon tanda ni keluarga
na unduk tu Kristus Jesus Tuhanta i. Antong, ro ma hamu tu jolo
langgatan hamuliaon ni Jahowa, Pasahat ma Pelean hamauliateon ni
roham songon parbue ni haunduhonmu tu Debata. Marende ma hita
huhut pasahat Pelean Bulanan tu jolo. Marende BE. No. 848: 1...
“Dison Adong Huboan”

Dison adong huboan Tuhan, Parbue ni ngolungku na so tardok nian.

Sadia ma argana Tuhan molo sai nirajuman sude denggan basaM?
Jalo ma Tuhan, sai las ma rohaM.

Tanganku na metmet da, Tuhan, Na so hea mansari dope au on Tuhan;

Rohangku ma hulehon, Tuhan. Na boi pelehononku gabe las ni rohaM,
Jalo ma Tuhan, sai las ma rohaM

Huingot do hataM da, Tuhan, Ingkon sarihononhon anggim na metmet an;

Ampehon ma tanganMu sangkan, Itak na otik i unang suda nian,
Jalo ma Tuhan, sai las ma rohaM.

b. Tangiang Pelean - Tangiang Pangujungi