PARTORDING NI PARMINGGUON

DI MINGGU XVII DUNG TRINITATIS

 Ev: Jakobus 5 : 7 – 11  Ep: Poda 4 : 20 - 27

TOPIK :
BENGET MANGULAHON LOMO NI ROHA NI DEBATA

HURIA KRISTEN BATAK PROTESTAN

MINGGU, 01 Oktober 2023
1. Marende BE HKBP No. 565 : 1 - 3 “LAS ROHANGKU LAO
MAMUJI” BL. 565

 Las rohangku lao mamuji, Debata Parholong i,

Songon bunga na mangerbang, di na binsar ari i
Arsak, dosa, haporsuhon, mago dibaen asiMi.
Las ni roha na manongtong, lehon di au Tuhanki.
 Sude jadijadianMu, laut, tano, langit i,
Angka bintang dohot bulan, nang mata ni ari i.
Hauma, ladang, nang harangan, rura dohot dolok i,
Saluhut na mangendehon, sangap di Tuhanta i.

...Jongjong...

 Debata Parholongroha, na manesa dosangki,

Ndang tarbaen so las rohangku, lao mamuji asiMi
Sai ajari sude hami, mangulahon holong i,
Asa gok las rohanami, dibagasan Tuhan i.
2. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen! Songon on ninna Tuhan Jahowa: Ianggo halak partigor i
mangolu do binahen ni parsihohotna marhaporseaon; alai anggo di
halak parjahat ndang adong hasonangan. Haleluya!
H : (Mangendehon): BE. HKBP No. 852 : 1 ”HALELUYA HKBP (3x)
BL. 852
Haleluya, Haleluya, Haleluya.
U : Martangiang ma hita! Ale Tuhan Debata ! Asi ma rohaM di hami, ai
ndang tarbahen hami mambahen manang aha, molo so Ho
dongannami. Dibahen i sai lehon ma di hami roha banua ginjang, asa
tau hami manimbangi dohot. mangulahon lomo ni rohaM. Sai dongani
ma hami, asa mian hami di bagasan Ho dohot di bagasan HataM,
marhitehite AnakMu, Tuhan Jesus Kristus, Tuhannami. Amen.

1
 (Hundul )
3. Marende BE No. 504 : 1 + 3 “DITOGU TUHAN JESUS AU” BL344
 Ditogu Tuhan Jesus au, i do na mangapuli au.
Diganup dalan nang tung maol, tanganNa do tongtong huhaol,
Ditogu-togu Jesus au, tanganNa sai maniop au,
Tongtong ma siseanNa au, paima boi tu surgo lao.

 Gomos ditiop tanganki, sotung na silap langkangki.

Di nasa parsorionki, Ibana haporusanki.
Ditogu-togu Jesus au, tanganNa sai maniop au,
Tongtong ma siseanNa au, paima boi tu surgo lao.

4. PATIK:
U : Tatangihon ma Patik ni Debata di Minggunta sadarion, Minggu XVII
Dung Trinitatis, i ma na tarsurat di Rom 12 : 2, Songon on ma
HataNa: : “Jala unang gabe sarombang hamu dohot portibi on; alai
gabe imbaru ma hamu, dung muba pingkiranmuna, asa tau hamu
manimbangi lomo ni roha ni Debata, i ma na uli, na hinalashonNa
dohot na sun denggan”.
I do sahatna, Antong rap mangido gogo ma hita sian Tuhan
Debata!

U+H :Ale Tuhan Debata, Sai Pargogo i ma hami mangulahon na hombar

tu PatikMi. Amin
5. Marende BE No. 424 : 2 + 4 “SOARA NI TONDI” BL. 284
 Marunduk ni roha topoti sude
Pambaenmu na torbang, jengkelmu sude
Pasahat tu Jesus sandok dirimi
Sai tong pasunggulhon panghophopNa i.

... Jongjong ma hita ....

 Tarsor ho mardosa, manurut lomom

Tung unang datdati, sai alo langkam
2
 Dompakhon Tuhanmu, pargogo do i
Manesa, pamalum sude dosami.
6. TANGIANG MANOPOTI DOSA:
U : Tatopoti ma dosanta, martangiang ma hita: Ale Tuhan Debata,
Pargogo na so hatudosan jala Amanami ! Hujou hami do GoarMu na
badia i, ala na targogot hami marningot dosanami. Sai marasi ni roha
ma Ho mida hami on. O Tuhan Jesus Kristus, Anak ni Debata na gabe
jolma ala ni hami, na mate jala na hehe sian na mate, na manaek tu
banua ginjang do Ho mangondihon hami ! Asi ma rohaM di hami, sai
patongtong ma di hami roha hamauliateon tu Ho. O Tondi Parbadia,
pangapul di na marsak roha, pamalum ma saluhut na bernit, binahen
ni dosanami ! Ro ma Ho mangingani hami, asa marlas ni roha hami
mangulahon lomo ni rohaM. Ho do parhitean ni nasa asi ni roha, sai
unang tulak hami. Sai tangihon ma hami, Ho ale Debata, Ama, Anak
dohot Tondi Parbadia ! Amen

Tabege ma bagabaga ini Debata taringot tu hasesaan ni dosa:

Songon on do Hata ni Jahowa: Unang ho mabiar, ai Ahu do Siluluhon
ho; nunga pola Hujou goarmu, Ahu nampuna ho. Hasangapon ma di
Debata na di ginjang!
U + H : Amen . (Hundul)
7. Marende BE HKBP No. 437 : 1 – 2 “TUNG NA MUBA
ROHANGKU” BL. 390
 Tung na muba rohangku dibaen Tuhanki, dung Jesus maringan di au
Nunga sonang au on, tung dame rohangki, dung Jesus maringan di au
Dung Jesus maringan di au, dung Jesus maringan di au
Tung na sonang do au, dung tu Jesus au lao, dung Jesus maringan di au.

 Au na lilu hian dapot sambulonhi, dung Jesus maringan di au

Nunga sae dosangki dibaen mudarNa i, dung Jesus maringan di au
Dung Jesus maringan di au, dung Jesus maringan di au
Tung na sonang do au, dung tu Jesus au lao, dung Jesus maringan di au.
8. E P I S T E L:

3
 U : Tatangihon ma hata ni Debata Turpuk Epistel di Minggunta sadarion
Minggu XVII Dung Trinitatis, na tarsurat di Poda 4 : 20 – 27.
Ale Anaha, sai parateatehon ma angka hatangki, tarehon ma
pinggolmu tumangihon angka hatangki.
H : Unang tung sirpang angka i sian matam, sai momosi ma di
tongatonga ni roham.
U : Ai hangoluan do i di angka na jumpangan disi, jala gabe hahisaron di
sandok dagingna.
H : Sian saluhut sijagaon i, gumodang ma jaga roham, ai sian i do
ruar angka mual hangoluan.
U : Paholang ma sian ho ansiansi ni pamangan, jala padao sian ho bibir
sijubajabi.
H : Sai manulus tu jolo ma matami mamereng, jala langkop ni
matam manuju tigor tu jolom.
U : Sai timbangi ma pangalangka ni patmu, asa tung marsihohot saluhut
dalanmu.
H : Unang manimbil ho tu siamun manang tu hambirang, sai
paholang ma patmu sian hajahaton.
U : I do sahat na. Martua ma halak na tumangihon Hata ni Debata jala
na umpeopsa. Amin!
9. Marende BE HKBP No. 262 : 2 + 5 “JAHOWA TUHANKI” BL 149
 Urupi au mandok, na patut dohononhu
Asa ture hudok, na roa oromonhu
Tung baen ma au gomos, mandok na patut i
Margogo ma antong, baen dohot hatangki.

...Jongjong ma hita ...

 Ramoti au tongtong, saleleng au mangolu

Matua pe au on, pabenget ma rohangku
So tung marlindang maon, tongtong parangengki
Ubanon pe au on, naeng hot do sangaphi.
10. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
4
 H : Ahu Porsea di Debata Jahowa….. d.u.
(Hundul)
11. Tingting :
12. Marende BE HKBP No. 788 : 1…“LAS MA ROHAMU
MANGHIRIM” BL788 (Pelean Ia, Ib)
 Las ma rohamu manghirim, las ma rohamu manghirim
Las ma rohamu manghirim, las ma rohamu manghirim.
 Sai benget di haporsuhon, sai benget di haporsuhon
sai benget di haporsuhon, sai benget di haporsuhon.
------Musik-------
 Jugulhon hamu tangiang, jugulhon hamu tangiang
jugulhon hamu tangiang, jugulhon hamu tangiang.
 Taluhon ma hajahaton, marhite ulaon na denggan
Taluhon ma hajahaton, marhite ulaon na denggan.

13. J A M I T A: Jakobus 5 : 7 – 11
14. Marende BE. HKBP No. 376 : 1... “ISE NA DI PINTU I” BL. 251
(Pelean II)
 Ise na di pintu i? Ungkap ma! Na jotjot manuktuk i, ungkap ma?
Ai di pintu ni roham jongjong do nuaeng Rajam
Jesus Kristus Tuhanmi, ungkap ma!
 Bege soaraNa i, ungkap ma! jala loas masuk i, loas ma!
Asa bongot Jesus i mambaen las ni rohami
Salelenglelengna i, loas ma!
-----------Musik------------
 Unang toishon Jesus i, ungkap ma! jangkon Alealemi, ungkap ma!
Na manesa dosami, na mamboan dame i
Na manogu tondimi, tu surgo .i
15. TangiangPelean: ( Jongjong )
U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa uli basa na mauliutus. Hupasahat hami ma sian na nilehonMi tu
hami, pelean nami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,

5
 patimbulhon harajaonMu di tongatonga ni huriaM dohot di portibi on.
Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
H : (Mangendehon) BE HKBP No. 204 : 2 “NDANG
TADINGHONONHU HO” BL. 73
 Nasa na ni lehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!
H : (Mangendehon): BE HKBP No. 841: 1 “AI HO DO NAMPUNA
HARAJAON” BL. 841
Ai Ho do nampuna harajaon, dohot hagogoon
ro di hasangapon, saleleng ni lelengna, Amen.
U : Tangiang Pasupasu
H : (Mangendehon ) BE No. 845 : 1 “AMEN, AMEN, AMEN” BL 845
Amen, Amen, Amen